العودة للعمل العسكري ضد نظام الفساد والاستبداد والعمالة خيار المعارضة الوحيد

Quote: للايضاح : تعال انزل معاى من كبرى شمبات واعمل يمين عملتا يمين ؟ امشى طوالى المنطقة على اليمين والشمال مناطق الختمية صاح ؟؟ وبيت الشيخ الكبير هناك صاح؟ فى طرمبة بنزين هناك ما بعيدة من البيت الكبير صاح ؟ قصة الطرمبة دى انة اولاد الشيخ الكبير والمعروفين زمان قبال ايام الديمقراطية كانوا بيقيفوا فى صف البنزين الطوييل داك مع عامة الشعب ويملو عرباتهم بنزين وزيادة حبتين والظريف فى الموضوع انهم كانوا بتونسوا مع الناس باريحية جدا وعملوا علاقات على مستوى القاعدة المهم فى الموضوع برضو ومن غير شرح كثير بعد ما فازوا فى الانتخابات بتاعت 86 شوف وركز معاى وبقت ليهم شنة ورنة عارف عملوا شنو ؟؟ شفتا الطرمبة بتاعت البنزين الكانت هناك والناس الكانوا بيقيفوا ليل نهار فيها قفلوها وعارف قفلوها لية ؟ قالو بتشكل ليهم مصدر ازعاج عالى جدا واى زول كان بيجى يملا منها لانها قريبة من بيتة يشوف ليهو محل تانى بعيد عن هنا ............. وكلة بجرة قلم ونسوا وتناسوا وما اهتموا للشعب يعنى استفادو من السلطة الجاتهم وحلل انتا باقى كلامى لكن حاجة اخيرة اقولها ليك وبتانى السودان ما عندو وجيع والكل يتعامل معة واقصد بالكل هنا انتم واال المهدى والترابى واولياء الطائفية فية وكانة ضيعة جدهم الاكبر التى ااالت الى ابوهم ثم لهم وان لهم الحق فى استعادتها مهما كلف الامر واقصد هنا (العودة للعمل العسكرى) وحرق كبدة ام اهل السودانيين . يا محمد انت ومن علمك ومن تدين لهم افيقوا واصحوا وادخلوها فى امخاخكم النيرة السودان ملك للسودانيين وليس ملك لكم فارموا بهذة الاحلام بعيدا واعملوا على وساندو المعارضة السلمية .