|
اشهر خـــجــــــــــة في تــاريــخ الســــودان
|
منذ امن تحب وتهراقا وبعانخي
ومملمة مروي
ودخول عبد الله بن ابي السرح وعهد المماليك والهكسوس الزمان وحتى هكسوس الخج الحديث
ما في خجة اشتهرت زي الخجة دي
سايبر والاجر على الله من الخجات الشهيرة خجت نميري لي كاس الدهب
وخجت نميري لسيد خليفة رحمهم الله جميعا والتي قالوا فرتقت عملية القلب تاني في خجة يا ناس !!
|
|
|
|
|
|
|
|
Re: اشهر خـــجــــــــــة في تــاريــخ الســــودان (Re: د.محمد حسن)
|
وعليه حتى ياتينا شخص آخر ويؤكد وجود خجة سابقة على مقياس خجتر
تعتمد هذه الخجة ومن المؤمل ان يخرج المؤتمر الفائز صبيحة الغد بشعار الما بعرف يخج بكون حزب كج
انا المناهج التعليمية الجديدة فستحتوي على منهج الخج المتين للجيب السمين انا البنات فتحتوي اغتنيهم على كثير من هذا المصطلح الجديد
يا الراكب الركشة ما تبطل الخجة
او يا الماشي لي بلد الرسول والحج
جيب لي معاك عريس
ينفع شديد في الخج ( تورية وجناس وطباق - للبوخة- )
وستصبح من اشهر اغاني رقيص العروس
يا السمحة خجي كدة
والله ما بقدر
| |
|
|
|
|
|
|
Re: اشهر خـــجــــــــــة في تــاريــخ الســــودان (Re: د.محمد حسن)
|
سلام مخجج يادكتور ...
Quote: نرجو منكم جميعا اعادة الحقوق المحفوظة للسيد (عاطف مكاوى موسي) اليه.....
اذ أنه كان أول من استخدم هذه الكلمة في هذا المنبر بعد مشاهدة (الفضائح) |
ياعاطف يااخوي نحن من لنا السبق في هذا الخج ...فلا تسبق الفعل بردك ...
فنحن البجا اسياد الخجة ذاتا .. ولنا تعاد الحقوق الفعلية ولكم حق التسمية ..
ناس ليهاالاصوات ونحن لينا الخج ...تهميش حتى في الاقتراع ..
| |
|
|
|
|
|
|
Re: اشهر خـــجــــــــــة في تــاريــخ الســــودان (Re: فايزودالقاضي)
|
أبو التومات
سلام
جاء في كتاب مراح العرجا لمؤلفه أبو قُجة :
لو كانت الحركة من اليمين لليسار و من اليسار لليمين فهي ( رجَّة ) كما هو الحال في حركة الغربال. أما إن كانت الحركة من أعلى للأسفل و من الأسفل للأعلى فهي ( خجة ) كما هو الحاصل للركاب في دفار يسقط على مطبات متتاليةأو للدواء عندما تستكين محتوياته في قعر الزجاجة.
و في كل الأحوال لا يُعتَد بكلام أبو قجة لأنه يقال أصلا لا يعترف بالخج و لا الرج ، بل هو من أنصار ( خمج البقر في الطين ).
| |
|
|
|
|
|
|
Re: اشهر خـــجــــــــــة في تــاريــخ الســــودان (Re: ابو جهينة)
|
Quote: جاء في كتاب مراح العرجا لمؤلفه أبو قُجة :
لو كانت الحركة من اليمين لليسار و من اليسار لليمين فهي ( رجَّة ) كما هو الحال في حركة الغربال. أما إن كانت الحركة من أعلى للأسفل و من الأسفل للأعلى فهي ( خجة ) كما هو الحاصل للركاب في دفار يسقط على مطبات متتاليةأو للدواء عندما تستكين محتوياته في قعر الزجاجة.
|
ولكن هذا القول يدحضه قول الشيخ خاج بن خجة الخججاني
في كتابه الشهير
الخجة بعد القنجة والقنجة قيل في الثر انها شملة الدخان
من لم يخج وجب عليه الدم
| |
|
|
|
|
|
|
Re: اشهر خـــجــــــــــة في تــاريــخ الســــودان (Re: د.محمد حسن)
|
رسالة إلى ادروب...
قول ليّ يا ادروب عليك وجع السنين... خجيتو ليه؟؟؟ خليهو يا ادروب عشان ناساً غلآبة وكادحين... خليهو يا ادروب عشان ناساً بتحلم من سنين بوطن صحيح من غير جراح من غير ألم، من غير انين خاجيهو ليه؟؟؟ خليهو يا ادروب عشان شجر الأراك يفرح يعانق ديم عرب وترب هدل ووطن السمآح ينسى الجرآح ينسى الحصل... قول ليّ بس... خاجيهو ليّه؟؟؟ وادوّك كم؟؟؟ مبلغ بِسد رمق الصغار؟ والآ الفتات، من بعد ما نهبوا الديار؟؟؟ خلوها خاوية على عُروشا كما الصريم وضح النهآر لا راعو لطفلاً بيصرخ في الظلآم... لا احترمو شيخنا بعد وقآر... بمدخل الدين... جونا داخلين التتآر... خجوها خج... خج السوآد... خج الرمآد... ما خلو شِي ناس لابتحس، لاتختشي... ما بين مُرآبي ومُرتشي... وسفآك دماء نام مُنتشي من بعد ما لعق الدماء من بعد ما انتهك الحِمى... جوغة ضِبآع، وقطيع سباع متوحشة... اسرآب نسور تغتات على جُثث الصغآر... خجوها خج وضح النهار... قول ليَّ بس... خجيتو ليه؟؟؟ وشِن دار تجيب لي ها الوطن!!! غير المِحن غير التخلف والفتن... غير الشتات غير العذآب... غير الكلآب تنبح تهوهِو ليل نهار شيخها العجوز دقولو طآر ينقُز يهِز... ما راعى في نفسو الوقار ينفخ نفخ!!! زي الورر عامل جعيص... عامل خطر!!! قول ليَّ بس... شِن دار تجيب لى ها الوطن؟؟؟ غير الضياع غير الفِتن؟؟؟ غير ناس بتعترف النفآق... عشرين سنة!!! من الضياع، من العناء من الألم والعكننة من الوجع ومُر الضنى... وبرضك تخُج!!! يا زول اقيّف... خلي الوطن ينجمَّ من رهق السنين... خلي الغلآبة الكادحين يرتاحو من طول الأنين يتنسمو الحُريّة في الزمن الضنين... إنصرفو، لا صفى، لا انتِبآه... يا عُصبة الحُكم اللعيّن... يا ظآلمين... يا غادرين... إلى الجحيّم... إلى الجحيّم... إلى الجحيّم... إلى الجحيّمــــــــ...
معاوية المدير..
| |
|
|
|
|
|
|
Re: اشهر خـــجــــــــــة في تــاريــخ الســــودان (Re: أحمد الشايقي)
|
د . محمد كيف الحال
ما رأيك في خـجة اللوري قبل القلبة في الأغنية الشتهيرة ( قلبا بي , قلبا بي ........يا سايق العربية قلبا يمين قلبا شــمال ......قلبا كوستي قلبا سنار ) هـل هذه القلبـة ســبقهتا خجـة ؟ وكم كانت بمقياس رختـر ؟
والمفرق بين الخجـة المفتوحة ( العربية مثال ) والخجـة المقفولة ( صندوق الانتخابات مثال ) ودا على وزن دائرة مفتوحة ودائرة مغلغة
| |
|
|
|
|
|
|
Re: اشهر خـــجــــــــــة في تــاريــخ الســــودان (Re: عاطف مكاوى)
|
Quote: خجوه قبلك صفوة الدقة القديمة المن زمـــان عارفين،، حرامى السلطة ما برضى الهزيمة فاكرينو غول السلطة يغمض عينه عن حكم الغنيمة؟؟ صفوة الوهم المدمدم فى عمم راجية الوليمة يتكبكبوا يتشربكوا ويتفكفكوا يتفرتقوا ويتجمعوا ويتجمعوا ويتفرتقوا وينووووموا،، يصحو يصرحوا
|
| |
|
|
|
|
|
|
|