|
نسوان البورد :)..
|
من ما نزل بوست اماني ومن بعدة بوست الاساسي الرومانسي , وتلاهما بوست دينا خالد.. وانا في خاطري كتابة كتابة البوست دة عن نسوان البورد وحركاتن..(بالنون)..
لاني مكجناهن شديد.. نضامات ونقناقات.. شغلتكن غلبتكن.. انتن قايلين البورد دة حلة طبيخ..؟؟؟ وكان حلة طبيخ اريتا لو كانت مسبكة..محرووووقة وماسكة..
ما شفتن ليكن شكلة بين بنات الا جهزتن جركانات البنزين وجيتن شعللتوها.. صحي المرة لو بقت فاس ما بتكسر الراس او كما قيل.. مواضيعكن كلها..اكلنا..شربنا..اتفسحنا..لبسنا..اتكسينا..الدهب ال ال ال الخ يعني بكري غلط وارتكب غلطة عمرو عشان يسمح لي نسوان بالاشتراك هنا.. يا ريتوا لو كان سماهو(سودانيز رجال بي اون لاين)
ما تلقن ليكن حتة فيها مطاعنة الا حجزتو ليكم خانة.. وتشتغل الماسنجرات..اجري تعالي شوفي ديك نزلت صورة صحبتها السمحة وانتحلت شخصيتا.. فلانة ديك ظهرت حنتا..عاملة حلقا عبد الواحد دة.. شفتي هناية ديك جات تقشر لينا بصور بيتهم كيف؟؟ عاينوا ديك ما بتلبس طرحة.. وحاجات من الشاكلة دي.. وهنا كوم والفيس بووك كوم تاااااااني.. شينات شناة.. تلقاهم هنا شكل وهناك شكل.. ااااي واحدة لو نزلت صورتا هنا ماااااا تصدقوها نص الصورة فوتوشوب علي كاتشوب والنص التاني صورة بت جيرانهم شدة.. ياخ انا مصابة بنفس احباط الرومانسي ..
ما بتعرفن تفتحن مواضيع فيها فايدة.. وبوستات ثروت واشراقة وعزاز واماني وداليا حافظ وغيرهن اكبر دليل علي فراغكن.. والايامات دي ناس مريم الحسين وسناء خالد واسمارات(هي) ووجن طالعين لينا في وهمة اكل ومطابخ.. انتن قايمة بيكن جوعة؟؟
ياخ شرطن وشنا قدام السودانين الرجال انا ودلال عزالدين بنحملكن مسئولية بورتنا دي (دالياالكباشي اتخارجت) والقلت اساميهن ديل ذاتن ما مقصرات.. ديل بالذااااااااات ان قاصداهن.. الموضوع من ما يجيب جندرة تلقاهم شابين للرجال في حلقهم.. ياخ انتو لموا ليكم في طرف راجل بعدين شبن ونقن في موضوع الجندرة.. خشم كي بوردكن دة ما بتقدرن عليه؟؟ التعليم دة غير بوركن وغطس حجركن ما سوالكن شئ.. ماعندكم فكره قدر شنو انا بطني طامة منكن.. وندمانة علي معرفتكن.. حقيقي البورد لامّي مجموعه من النسوان قليلات الشغلة؟؟ نصيحتي ليكن.. اتثقفن.. بطلن مباراة الفارغة.. خلن حركات النسوان دي..
فكن درب البورد دة عشان انا والكاشف اخوي(دلال) نتخارج.. نسوان كج..وشيالت حال زيكن ما لقيت.. دايرني ادخل في حق الله واندم علي اليوم البقيت فيهو(أنثي)..
الكلام دة بيشمل نسوان البورد البعرفهم..الما بعرفهم ديل ما داخلات في الكلام دة..
ـــــــــــــــــــــــــــــــــــــــ طبعا دومة ونجاة وتراجي وروما برة الشغلة دي ما بقدر اهظر معاهن.. ديل ليهن مقامات وكدة..
|
|
|
|
|
|
|
|
Re: نسوان البورد :).. (Re: سارة علي)
|
Quote: الموضوع من ما يجيب جندرة تلقاهم شابين للرجال في حلقهم.. ياخ انتو لموا ليكم في طرف راجل بعدين شبن ونقن في موضوع الجندرة.. |
بريمه هكر حسابك ولا شنو؟؟
انت قايله نحن لو ما كنا لمينا لينا في طرف راجل كنا شبينا في مواضيع الجندره؟؟ بعد ما ضمنا يا فرده :)
انا اسمي ما مكتوب لكن سلبطه بس
| |
|
|
|
|
|
|
Re: نسوان البورد :).. (Re: Dania Elmaki)
|
Quote: انا اسمي ما مكتوب لكن سلبطه بس |
وست المداخلة ..مداخلاتا دي بعتبرا اكبر دليل علي الرص الرصيتو فوق دة..
Quote: انت قايله نحن لو ما كنا لمينا لينا في طرف راجل كنا شبينا في مواضيع الجندره؟؟ |
كمان حريفة ضمنت وجاية تتغاتت وتطفشهم مننا..
ــــــــــــــــــــــــــــ كان ليك
| |
|
|
|
|
|
|
Re: نسوان البورد :).. (Re: سارة علي)
|
لو عاوزه تشاركي في موضوع الجندره قبل الزواج سجلي باسم مستعار
بعد الزواج اظهر و بان و عليك الامان.
ما تباري دانيه و سمارت و مريم و العجب الجندريه, اسمها براه بطفش الرجال :)
| |
|
|
|
|
|
|
Re: نسوان البورد :).. (Re: سارة علي)
|
Quote: طبعا دومة ونجاة وتراجي وروما برة الشغلة دي ما بقدر اهظر معاهن.. ديل ليهن مقامات وكدة.. |
تراجي دي شباب وسودان جديد، بالله ما تلخبطيها مع الخالات والسودان القديم..
| |
|
|
|
|
|
|
Re: نسوان البورد :).. (Re: Yassir Tayfour)
|
وقامت تااااااااااااااااااالت شالت الدلوكة (نففففففس الدلوكة الفي بوست رجال البورد) بس بعد ما سخنتا في كانون السرور والمرة دي لبست ليها توب لونو أخدر مع بلوزة بودي لونها طوبي وختت الدلوكة في رجلينا ورددت : ياااااااااا سييييييدة سااااااااااااااارة .. البووووووووووووووووورة حااااااااااااااارة .. ثم كتبت وصيتها قبل الموت : علييييييكم الله كان مت تشيلوني في سرير دبل..
| |
|
|
|
|
|
|
Re: نسوان البورد :).. (Re: عمر الفاروق)
|
لوووووووووووووول أسعد الله صباحك يا ست النسوان لحدهن ومشكوره على الضحكات الصباحية دي والشكر موصول لآماني الأمين ملهمتك أنت وأساسي ودينا والبقيه غايتو ما خليتو لعمر الفاروق صفحة يفتحه الا يقول ( عفاريت البورد) اريت لو عندي أخو كان ما قصرت معاك لكن ما عندنا للأسف أولاد للعرس كوووولهم عاوزين يقرو شنو مدخلاني في بوست التبيخ ما شفتي مريم أحرجتني كيف قالت لي أها أنت عملتي شنو قمت كبيت الزوغة وكووولكن أحرجتني كل واحده داخله وشايله معاها وصفاته أها أنا عاد الا أجيب من كراسي أنا متذوقة بس يعني ممكن تتبخن وأنا أتذوق وأنظر
| |
|
|
|
|
|
|
Re: نسوان البورد :).. (Re: وجن)
|
Quote: اريت لو عندي أخو كان ما قصرت معاك لكن ما عندنا للأسف أولاد للعرس كوووولهم عاوزين يقرو |
وجن.. مافي اي مشكلة.. بنفتح ليهم جامعات.. قصرتا؟؟
| |
|
|
|
|
|
|
Re: نسوان البورد :).. (Re: عمر الفاروق)
|
دانيه
Quote: بريمه هكر حسابك ولا شنو؟؟ |
نفسى عالم الرجال يكتشف لينا نساء من كوكب أخر .. حتى لو كن "أيلينت" عشان تشوفن البيع بالكوار لنساء الأرض .. عشرة بتعريفه مافى زول يشتريكن.
ساره .. عليك الله ختى ترس تقيل، طلعى زيتهن .. حارياتننا حرى بالحتش!
بريمة
| |
|
|
|
|
|
|
Re: نسوان البورد :).. (Re: بريمة محمد)
|
Quote: الكلام دة بيشمل نسوان البورد البعرفهم..الما بعرفهم ديل ما داخلات في الكلام دة.. |
المابتعرفيهن افترضي ليهن (ن) وأديهن على رسيهن
اشمليهن كلهن على طريقة علي وعلى أعدائي، يكون القسطاس ولا بلاش!
الله يجيب لينا جندر رجل يدين في رويسنناالكلهن بكش وطنقعة دي!
| |
|
|
|
|
|
|
Re: نسوان البورد :).. (Re: آدم صيام)
|
بالغتى معانا يا ساره... لكن انا عن نفسى فعلا ما عندى شغلة.....كان عندى شغلة بكون حارسه البورد اليوم كلو؟. خلاص يا سروره...عشان حق الصحبة... ليك على ما اتكلم عن دهب او تياب او طبيخ او اشب لى لواحد (او واحده) فى حلقة لو قالوا اييييى حاجه. لكن انا ما بقدر ابطل حركات النسوان لاكتر من شهر وااحد بس..اها احسبى اليوم 10 فبراير...عندك لحدى 10 مارس ..وفقى اوضاعك. _______________________________ ح ابطل قطيعة المسنجر كمان ...
| |
|
|
|
|
|
|
Re: نسوان البورد :).. (Re: Hussein Mallasi)
|
سارا ...
ده كلام شنو ده ...؟
Quote: الكلام دة بيشمل نسوان البورد البعرفهم..الما بعرفهم ديل ما داخلات في الكلام دة..
|
تعرفيهم ما تعريفهم كلنا مكتوبين هنا...
يا اختي سرجنا وااااحد وكلنا راكبين سفينة بكري ..
حلوه الكراهية البتولد الحب ..
عشان كده بحبكم كلكم واحب ابوكم لابو اهلكم ..
وشكرا
توقيع : نسوان البورد أنا ...
| |
|
|
|
|
|
|
Re: نسوان البورد :).. (Re: عمر الفاروق)
|
Quote: Quote: لو عاوزه تشاركي في موضوع الجندره قبل الزواج سجلي باسم مستعار بعد الزواج اظهر و بان و عليك الامان.
|
عجبتك يا ملاسي؟؟؟ انا بخاف من البعجبك لانه وراه اجنده خفيه :)
طيب عليك الله شيل الصوره المخيفه دي ياخي بتذكرني استاذ الدين
| |
|
|
|
|
|
|
Re: نسوان البورد :).. (Re: Dania Elmaki)
|
Quote: مواضيعكن كلها..اكلنا..شربنا..اتفسحنا..لبسنا..اتكسينا..الدهب ال ال ال الخ يعني بكري غلط وارتكب غلطة عمرو عشان يسمح لي نسوان بالاشتراك هنا..
|
هي كان وقفت على كدا ما كويس .. مادايرين ندخل المطبخ .. ودايرين ننوم ما نقوم وحمودي ................................ ( حمودي دا منو ) ؟؟
حسه يقولوا علينا شنو الرجال .. اي واحده في البورد ما قادره على المسئوليه ؟؟؟ ارجوكن ارجوكن فكن درب البورد دا لغاية ما نتخارج
معقوله الناس عرسوا بالمرتين والتلاته ونحنا حالنا واقف بي سببكن
استغفر الله
| |
|
|
|
|
|
|
Re: نسوان البورد :).. (Re: Sana Khalid)
|
Quote: أنا كمان بكرهك .. بكرهك.. بكرهك |
يا سناء وانا برضو.. بمقتك بمقتك بمقتك..
مقتان بدون قلب بيفرفر..
بس لو فكيتو لينا درب الدهون واللحوم دي العوجة ما بتجيكم..البلد في محك خطير شئ اغتيالات وشئ تزوير وشئ محاكم وانتن بي هناك شغالات مفراكتي ومفراكتك وكيكتي ونقيماتك..
البلد راجياكن..كان تستوعبن
| |
|
|
|
|
|
|
Re: نسوان البورد :).. (Re: العوض المسلمي)
|
Quote: الليلة يوم النسوان .. هيييييييييييييييييييييييييع |
لو سلفتني عكازتك البتهععيع بيها دي ينوبك ثواب.. مغروضة فيها..
ــــــــــــــــــــ اكبع في البورد دة من طرف..
| |
|
|
|
|
|
|
Re: نسوان البورد :).. (Re: سارة علي)
|
Quote: لو سلفتني عكازتك البتهععيع بيها دي ينوبك ثواب.. مغروضة فيها..
|
سرو مساء الخير
عكاز مضبب ولا عادي
لكن ان لقيتي ليك خيزرانه احسن من العكاز
عشان مابتتكسر
تحياتي واحترامي
| |
|
|
|
|
|
|
Re: نسوان البورد :).. (Re: آدم صيام)
|
Quote: اشمليهن كلهن على طريقة علي وعلى أعدائي، يكون القسطاس ولا بلاش! |
لو عملتا نصيحتك دي بتسمع بي يوم بكرة القريبة دي في المحاكم..
يا ود امي الناس دي ما مضمونة..خليني في البعرفن..
| |
|
|
|
|
|
|
Re: نسوان البورد :).. (Re: بريمة محمد)
|
Quote: عشرة بتعريفه مافى زول يشتريكن |
التعريفة الغالية دي يا بريمة..
نسوان البورد ديل عشربن بي مليم البيعة بتكون خسرانة..
ـــــــــــــــــــــــــــ اكرر النسوان البعرفن
| |
|
|
|
|
|
|
Re: نسوان البورد :).. (Re: عمر الفاروق)
|
Quote: وقامت تااااااااااااااااااالت شالت الدلوكة (نففففففس الدلوكة الفي بوست رجال البورد) |
يعني دي دايرة ليها فنكهه وجرجرة حروف.. ما ظاهرة..
انت يا ود الفاروق السويتا رقدت
| |
|
|
|
|
|
|
Re: نسوان البورد :).. (Re: سارة علي)
|
Quote: حسه يقولوا علينا شنو الرجال .. اي واحده في البورد ما قادره على المسئوليه ؟؟؟ ارجوكن ارجوكن فكن درب البورد دا لغاية ما نتخارج |
كلميهن يا دلال كان يرعون..
انا ما دايرة اقبل واشيكهن لي ربنا..لكن وقفتن حالنا ..يعني هسه كانطفيتن نار مناقدكن الحيحصل شنو؟؟ولو وقفتن القشرة بي الدهب والتياب ومشيتن للقوقل دة سرقتن ليكن كم موضوع عن الادب والسياسة الدنيا بتقيف..؟؟
الله يهديكن..
| |
|
|
|
|
|
|
Re: نسوان البورد :).. (Re: معاوية عوض الكريم)
|
Quote: سارة والله من قبيل بتاوق هنا وانتى عارفانى ما بحب البوستات السلمية دى اها ودعناك الله .. |
صحي البوست ما بيشبهك لانو لسه ما سخن.. لكن يا مرحبا يا مرحبا..
نتلاقي حلة (امنجية المنبر).. اكيد حتحصل فيهو كعة..
| |
|
|
|
|
|
|
Re: نسوان البورد :).. (Re: سارة علي)
|
Quote: من دربك دة اغشي معاك فايز ود القاضي وبقية العقد الفريد وامشوا عيدو للحب ..
|
شاايفك مفلتنة ( مشتقة من فلنتاين ) تقولي لى بوست الامنجيه .. ؟
| |
|
|
|
|
|
|
|