|
|
 بنات البورد .. اقول ؟ ..
|
بكم ومعكم احببت البورد ...
ومافى داعى لذكر الاسماء ... ح تتجرسن ساى ...
ـــــــــــــــــــــ
الميم فى بكم ومعكم مقصوده .. لووووووووووووووووول .
|
|
  
|
|
|
|
|
|
|
|
Re: بنات البورد .. اقول ؟ .. (Re: Amira Elsheikh)
|
ســـلام وإحترام وريدة كمان يا دينا..
شخصيا أحبك (بمناسبة الفالنتين وكده).. وبحب كل كتاباتك حتى ولو ما شاركت فيها براي..
لا يهمني أن كنت بنت أو رجل أو جن أحمر زاتو.. المهم إنك محترمة وبتحترمي القدامك (وده مربط الفرس في المكان الأسمو البورد)..
* هابي فالنتين:))
| |
|
|
|
|
|
|
|
|
|
Re: بنات البورد .. اقول ؟ .. (Re: Raja)
|
الأخت رجاء
سلامات| Quote: لا يهمني أن كنت بنت أو رجل أو جن أحمر زاتو.. المهم إنك محترمة وبتحترمي القدامك |
أنا عكسك تماما فيما يختص بمن يحمل هذ الأسم.
و لا تعوزنى الوسائل على أجبار من مثله على أحترام أمى وأخواتى...
راجعى الأرشيف ولك كل الود
سيف مصطفى
| |
|
|
|
|
|
|
|
|
|
Re: بنات البورد .. اقول ؟ .. (Re: SAIF MUstafa)
|
العزيز سيف مصطفى..
ســـلام وتقدير
أعذرني إن لم أكن متابعة لأي (كلاش) حدث فيه تجاوز لوالدتك أو أخواتك..
أرجو تنويري وإرسال الرابط على المسينجر (على الأقل)..
تحاياي وهابي فالنتين
| |
|
|
|
|
|
|
|
|
|
Re: بنات البورد .. اقول ؟ .. (Re: SAIF MUstafa)
|
الفاضل سيف مصطفى..
ســلام وتحية..
أولا (وكأي جعلي بيعرًف نفسه).. أنا جعلية أمي بت عم أبوي.
البوست رأي شخصي من زول. يا نقبله (زي بعض المشاركين هناك). أو نرفضه زي ما فعلت إنت.
تعرف المشكلة مافي دينا "الإنتهت" مننا كجعليات يرجى زواجهن":)) المشكلة في المشاركين العنصريين التانيين.
بصراحة لم يعجبني رد أحد المشاركين على مداخلتك. به من الجهل والعنصرية ما يجعلني هنا أوجًه اللوم لدينا خالد صاحبة البوست التي لم تنبهه لكده.
وما تقلق يا ود العم.. يا سعده يا هناه بس الفي يوم عرف ليهو جعلية وإتعامل معاها.. مش كمان عرًسها..
والتحية من هنا لأمهاتنا وحبوباتنا وأخواتنا وبناتنا الجايات..
* شفتي يا دينا. زي ما راوية قالت ليك في البوست. أدينا بالله فرصة إحنا البندافع عنك:)) وما تحرجينا.
يلزمك بوست كااارب عن بنات دار جعل العزاز بالله. ولازم تردي لينا حقنا من الزول الرد على سيف في البوست الأصلي..
| |
|
|
|
|
|
|
|
|
|
Re: بنات البورد .. اقول ؟ .. (Re: Raja)
|
رجويا يا راقية
وانتى بت راقية ودغرية ..
تصدقى انا ذاتى جعليه ،، جعليه حتى النخاع ..
ــــــــــــــ
هسه الجماعة الرايح ليهم راس الخيت يجونى .. وووووووب !!
| |
|
|
|
|
|
|
|
|
|
Re: بنات البورد .. اقول ؟ .. (Re: Raja)
|
دينا خالد...
دايره النصيحة يا بتي... غايته موضوع ذكر الاسماء بجيب الهوا... حسي شوفي اماني يحليلها، عمر الفارق جانب البنبر وقعد ليها لما زهّجها زاتو....
اصله هو الزول ده لما يتلّح ليه زول ما بفكه، شوفي مباري شمائل دي كيف... والله انا مرات بحن عليها....
عمر الفاروق عليك الله اشرب ليك موية سكّر، خلي المساخة دي تخف!
| |
|
|
|
|
|
|
|
|
|
Re: بنات البورد .. اقول ؟ .. (Re: دينا خالد)
|
تحياتي وسلامي الصديق سيف مصطفى
أخذت مداخلتك ( التي مسحتها) في بوست الأخت تيسير على المحمل الإيجابي بمعنى أنك سوف تنصف الأخت دينا وتنهى بذلك اللغط الذي قلت أنا عنه أنه مؤلم بالنسبة إلى .
تنبهت في رابطك المرفق للخلفية واكتشفت أن الموضوع عكس ما كنت أفهم
من حيث المبدأ أنا ضد ( العداوات العابرة للبوستات )
وكما بدأت رجاء العباسي أنا كمان جعلي ود جعلية ( بس أبوي ما ود عم أمي )
لم أر ذلك البوست حيث كنت في وقتها في إجازة في بلاد ( يفر المرؤ فيها من الكيبورد )
المهم يا صاحب
وصدقاً أحكيك
أمسك في كلام أختنا رجاء العباسي قوي
أنت رددت بصورة موضوعية
صحيح إنني أعتب على الأخت دينا أنها لم تولي مداخلتك ما تستحقه من الرد ( المباشر )
وصحيح أنها ربما أرادت أن تبعث لك رسالة بدعوتها لـ ( مثقفي البورد ) تولي الرد عليك ،
رسالة مفادها أن مقام البوست ليس مقام ( كم ) المعلومات التي أوردتها في مداخلتك .
لكن كل هذا لا يعفيها من اللوم ( من طرفي أنا ) أنها كان يجب أن تقدر المجهود المبذول في المداخلة خاصة وأنك لم تسئ إليها وتخاطبك بصورة مباشرة .
ياخ أفتح بوست مضاد وقوووول ما تود قوله وفند أقوالها وأقوال جميع من ناصروها في هجمتهم علينا ( في صمة خشومنا )
عزيزي سيف مصطفى
دعني أكون معك أكثر وضوحاً
مسألة أنو دينا خالد دي بت ولا ولد
أصبحت مسألة سخيفة
لاحظت أنها لا تأتي إلا عندما تتبنى دينا رأياً يفحم من تناقشه
فيرمي بـ ( آخر ورقة ) في يده بأنها ولد .
أربأ بك أن تكون من هؤلاء
فقد قرأت لك
واستنرت بآرائك في مواضيع مختلفة
ومرة أخرى كما تقول الغالية رجوية
ياخ فلتكن دينا بت أو ولد أو شيطان مصرم
هى قالت أنا بت نحن نصدقها
طيب الأعضاء ديل كللللهم ما نحن مصدقنهم
هل شفناهم كلللهم
إشمعنا هى شقية الحال ؟؟
سيف مصطفى
هو كلام صدق من عشمي فيك
ومعرفتي لـ ( بعض ) إمكانياتك المميزة
| |
|
|
|
|
|
|
|
|
|
Re: بنات البورد .. اقول ؟ .. (Re: دينا خالد)
|
الاخت رجاء والأخ عاطف
سلامات وشكرا على الكلام الطيب
التقليل من الآخر والنظر له بدونية لأصله العرقى.. قد يكون رأى شخصى فردى.. أو جمعى، ثقافى أو أيدولوجى.. لا يهم طالما لم يعبر عنه صاحبه ... وطالما عبر عنه صاحبه فلا أحد يمكنه تحديد أثره على المهان سوى المهان نفسه رغم تفاوت الأثر وسياق التعبير...
شخصيا لا تهمنى البطاقة الشخصية لأى كاتب طالما ألتزم الكاتب على المتعارف عليه من أحترام للآخرين.. ولكن من يتجاوزه ه يجب أن يعرف ليحدد ، من له أعتقاد بأنه ظلم، أخذ حقه أو لا ...
موضوع دينا خالد جزء من ظاهرة خطيرة هى التخفى والنيل من ثوابت للأخرين وممارسة العنصرية البغيضة ..فى حالتها بدعوى الفكاهة والتسلية.. يصاحبها التطبيل من المثقفين لا لشئ سوء منح باس مرور للمتخفى بناء على خطاب المتخفى العام وأتفاقهم معه...
حدث هذا من الحركة الشعبية ومثقفى أمريكا ومشاهير كتابها السود بخصوص كولا بوف حتى أنكشاف أمرها..
حدث نفس الشئ هنا بخصوص سارة عيسى ورودا مردة..
وما زلنا نطارد رهاب المدعوة دكتورة حليمة بشير...
جميع هؤلاء مارسن الكتابة العنصرية بمباركة ورعاية،أو على ألأقل صمت، المنادين بالمساوة وعدم العنصرية وجميعهن يحسبن ضمنهم وللأسف... ولكن لا غرابة أو أستغراب..
نعم أعرف حادثة واحدة لدينا خالد ولكن طريقة التعاطى مع هذه الحادثة وحتى هذا البوست هو ما يجعلنى مصرا على هذا التعامل الجدى ،بما فيه من تصنيف لدينا ضمن من ذكرت... ولا يهمنى أذا عرف الآخرين هل دينا ولد أو بت ..أتعامل حسب ما أعرفه.. هناك نساء تم أهانتهن ويجب أن يعرفن شخصية من أهانهن...
ويا أخت رجاء الموضوع مش سيف مصطفى عشان أكتب بوست فأنا كل من أهاننى أو سبنى فى هذا المكان بعفى ليه ولكنى لا أملك أن أعفو عن حق الآخرين ومنهم أمى وأخواتى.. مرجعيتى الدينية والأخلاقية بتقول كدا.. وحسبها برضو فى أولويات لولاها كنا أجبرنا بكرى على كشف تفاصيل دينا خالد ومن سبقها...لأن رد حق البيموتوا بالظلم أولى أحقاقه من حق نساء أهلى الطلعن ما بينفعوا للزواج...وما أظن هباب دينا خالد سبب نأثر بيهو فى مسيرة البورد دا أو نسئ بيهو لمقدردة أخونا بكرى فى أدارة حوشو... ولو أنو ساعدنا بتطبيق لوائحه بكون ما قصر.. رغم أنى لا أحتاج لها أصلا...
ودينا تكتب بوست ولا ما تكتب تكون بت ولا ولد ولا جنس تالت أنا وراها وراها وكلما لقيت فرصة حا أكشف عدم أحترامها لأهلى ... وكشف شخصيتها مرحلة فقط...
ولو تصدت لى حا تدفع تمن أى حرف تكتبو..
أرجوكما تفهم موقفى فأنا أعرف جيدا رأى نساء أهلى فى مثل هذا الكلام وفى قائله والمطبل له...
ويا عاطف ورجاء أنتما أدرى بأنو الحد الأدنى لأنسانية البشر هو أتساق الأخلاق عملا وقولا وأعتقد أن موقفى يا عزيزى عاطف متسقا تماما مع كل ما عرفته عنى وأرجوكما فقط أن تقيسوا أتساق مواقف من دافع عن دينا فى البوست المذكور وأترك لكما الحكم....
الناس الى بيتهانو بغرض تندر المغتربين ديل ياهم آخر من تبقى لنا هناك..ولا عندهم شغلة بسودانيز أونلاين ولا بأوهام مثقفيها وأخلاقهم الفيرشوال...
ملاحظة يا أخ عاطف أنا ليس عندى ما أناقش فيه دينا أصلا. ولا تستهوينى مناقشة أمثالها ولا مواضيعهم.
أنا أتهمها بأهانة أهلى..وسأحاسبها على ذلك..
وأيضا أنا ليس ممن يفحمهم العنصرين... فالعنصرى كالأرهابى يحاسب ولا يناقش...ولا تغفر له حسناته ولو مشى على الماء أو حلق فى السماء كرامة...
ويارجاء زول يقول ليك النسوان الزى أمك ما بينفعوا يتزوجوهم ويتعامل بالطريقة القريتيها دى ... يبقى الملام منو؟؟؟
ويا دينا خالد قلت يشوفوك؟؟ نشوف النبى والمشتهى الحنيطير يطير... ..
ولكن الحاجة تشوفك...قسما تشلخك كان بت ولا ولد....
للجميع ودى
سيف مصطفى
| |
|
|
|
|
|
|
| |
دينا خالد
احمد محمد بشير
ندى عثمان حسن
زهرة حيدر ادريس
SAIF MUstafa
Raja
السمؤال بدرالدين
العوض المسلمي
ALGARADABI
مريم بنت الحسين
عمر الفاروق
عاطف عمر
Hadeer Alzain
فيس بوك
تويتر
انستقرام
يوتيوب
بنتيريست