|
Re: عاجل جدا: يا منظمة تنادينا.....نطلب مساعدة عاجلة...لبن/كوارع/كسرة و ملاح أم رقيقة (Re: Dania Elmaki)
|
.. .
Quote: رسلي اللبن بلا عجوة بالقراصة يا جلابية دارفور فيها عجوة? فيها تمباك بس |
طيب ما تديك ( سفه )
Quote: الحاجه من الصباح عملت فتة عدس بالقدحه و الشطه و اختي عملت البراونيز مع الموكا و الهوت شكولايت و انا عملت ليهم البوت روست و شايفه في ام رقيقه مع كسره رهيفه. اها اخليك تستني العوض و ناس تنادينا اقوم اقطع السلطه :) |
شوف الخليط السودانى امريكانى دا ام رقيقه ومعاها هوت شوكلايت وبونيز بالموكا.. عجييييب
_________
بس ما تغشك الزوله دى داير تجيب خبرك فرجينيا زاتها 3 مساطر ..
قرقر قرقرقرقر
| |
|
|
|
|
|
|
Re: عاجل جدا: يا منظمة تنادينا.....نطلب مساعدة عاجلة...لبن/كوارع/كسرة و ملاح أم رقيقة (Re: Kostawi)
|
لحمة خنزيرنا دي من النخيل :) و اشار الي (الجاره)
نحن كان كنا قادرين نطلع كنا قعدنا طبخنا؟ انت عارف الكواريك زاتهم ما لقوهم الحاجه نستهم بره في الدك و اتدفنوا بيحفروا ساعتين لمن لقوهم:) غايتوا في بيتنا ده دي فايدة انك تكوني بنت, طبخنا و استحمينا و قعدنا نتفرج في التلفزيون و كل شويه نتاوق و الرجال يحدروا لينا محروقين و اختي عشان تكاويهم تفتح الباب تقول ليهم ليكم ساعه بس قدرتوا تفتحوا الممر الصغير ده؟؟ اخر شي دفقوا فيها كوريك جليد ثاني ما مرقت خالص :) وش شمتان
| |
|
|
|
|
|
|
Re: عاجل جدا: يا منظمة تنادينا.....نطلب مساعدة عاجلة...لبن/كوارع/كسرة و ملاح أم رقيقة (Re: Kostawi)
|
الخردة يا شينيين.. بالله وبسرعة ترشوا ملح في التلج ده، تسخًنو موية وتدوبوه، تعملو أي شئ في شتاكم المالوش آخر قبل ما أصلكم..
لا. وناس مكتبنا قال مستعجلين أجيهم.. هع. أسيب شمس صنعاء دي وأمشي وين..؟
بالمناسبة. الليلة من دون الأيام. وبعد ما الربيع جانا من اسبوع كده. قووومي يا المطرة والبرد ارجعوا تاااني. الغريبة مطرة البلد دي صيفية زي بتاعت السودان. الجابها في الشتا شنو ما تعرف؟ الله يخرب بيت الخرمو الأوزون:))
* ما بتحرك من هنا إلا تجيب لينا صور فيها زهور بمبي وفايولت ومرة مرة أصفرا:)))
Take care..
| |
|
|
|
|
|
|
Re: عاجل جدا: يا منظمة تنادينا.....نطلب مساعدة عاجلة...لبن/كوارع/كسرة و ملاح أم رقيقة (Re: Kostawi)
|
Quote: لا. وناس مكتبنا قال مستعجلين أجيهم.. هع. أسيب شمس صنعاء دي وأمشي وين..؟ |
رجاء اليمانية
بالله سلمي لي على عم اليماني بتاع الدكان الناصية الكان في حلتنا زمااااااان.
زولة قاعدة في راس جبل و تتكلم على الزهور نحن قلنا كوارع يا خردة, تقولي لي شمس و بيتش و ورود
أصحى يا بريش طيب عفيناك من الكوارع رسلي لينا قدرة بتاعة فول مصري من دكان اليماني بتاع الناصية في حيكم بتاع صنعاء....
في زول في القرن ال 21 بقول صنعاء!!!!
| |
|
|
|
|
|
|
Re: عاجل جدا: يا منظمة تنادينا.....نطلب مساعدة عاجلة...لبن/كوارع/كسرة و ملاح أم رقيقة (Re: Kostawi)
|
oooooooops يا كوستاوي...تحنن و الله! معليش يا دانية -انت عارفه معزتك عندى- لكن كمان كستاوى ده زول دفعة و كده و لازم اكاويه..
معليش يا كوستاوى.....كان نفسى اقعد اونسك فى البوست ده لكن ماشه اطلع الاولاد البارك يعلبوا شويه..اليوم سبت وكده و الجو الليله ما بطال...مطر مافيه. و بعد ما نرجع من البارك ح نشوى لينا اى حاجه كده.....ذى ما قلت ليك ....الليله مطر مافى. اها ما اوصيك ما تطلع فى البرد ده..انت راجل كبير و مش حمل بهدلة...
| |
|
|
|
|
|
|
Re: عاجل جدا: يا منظمة تنادينا.....نطلب مساعدة عاجلة...لبن/كوارع/كسرة و ملاح أم رقيقة (Re: عبد الفتاح عرمان)
|
Quote: أنا خايف منها ولا منك ما نسوان ساكت |
شوف عيني الاسفريه ترجف منها رجفي كوستاويه . تعال نحكي ليكم مره في شويه جليد قام كوستاوي قال لولده قوم نضف الجليد من قزاز العربيه بس عينكم ما تشوف الا النور كوستاويه قالت ليهو يا راجل هووووووووووووي انا ولدي ما بمرق في البرد دا يمرق جلدك فاذا بعمكم كوستاوي يخرج متلفعا بالبرد والصمت والبطانيه وينضف العربيه براهوووو. قال ما بخاف ما نسوان ساكت قال انتوا قايلين نحن ولدناكم ونسيناكم ؟؟؟!!!! والله يا ها مسخره الرجال
| |
|
|
|
|
|
|
Re: عاجل جدا: يا منظمة تنادينا.....نطلب مساعدة عاجلة...لبن/كوارع/كسرة و ملاح أم رقيقة (Re: Elmoiz Abunura)
|
Quote: Greetings from Beirut ya Khorda
It is a nice weather today here, I have walked from my flat in Alramlah Albida to Ras Beirut. You have my sympathy, will come to enjoy the, summer in Asheville, and the Smoky Mountain. Regards to the family |
حندكة يعني ياأبو نورة??
لينا أربعة يوم محبوسين في البيت و تقولينا "nice weather today here"
يا معز...الحصل هنا ما حصل إلا في 1922
38 inches and tomorrow we are going to have 7 to 12 inches
الأولاد بخير و شكرا على السؤال best regards
| |
|
|
|
|
|
|
Re: عاجل جدا: يا منظمة تنادينا.....نطلب مساعدة عاجلة...لبن/كوارع/كسرة و ملاح أم رقيقة (Re: سارة علي)
|
إسماعيل الأزهري البدوي
طبعا تلفوناتنا كلها شغالة لكن نحن الماشغالين
جليد زي دا في ميرلاند ما شفتو إلا في 1987
الإختلاف الوحيد هو الفترة الزمنية لنزول الجليد
في 87 إنحبسنا 3 أيام متواصلة في البيت لأنو الجليد ذاب في فترة زمنية قصيرة, أما الجليد الآني, نحن محبوسين من يوم الجمعة الماضية(six days) و ربما يمتد الحبس ليوم الجمعة القادم.
أسبوع كامل مسجون بين أربع حيط و الأولاد عاملين إعتصام لأنو ما عايزين أكل البيت و ما بياكلوا الأكل البايت (ديل أنا حالف أرسلم للسودان في الإجازة عشان يتعلموا الأكل)
سلامي للأسرة
| |
|
|
|
|
|
|
Re: عاجل جدا: يا منظمة تنادينا.....نطلب مساعدة عاجلة...لبن/كوارع/كسرة و ملاح أم رقيقة (Re: Kostawi)
|
سارة يا بتى انت جاده فى الصور دى? سجمنا....
Quote: أسبوع كامل مسجون بين أربع حيط و الأولاد عاملين إعتصام لأنو ما عايزين أكل البيت و ما بياكلوا الأكل البايت (ديل أنا حالف أرسلم للسودان في الإجازة عشان يتعلموا الأكل) |
كستاوى...كفاره يا اخى... عاوز تودى الاولاد افركا ? حرام عليك يا اخى. لكن بالجد انت المقعدكم فى الفريزر ده شنو? الساحل الغربى مالوا? من غير سغاله...لكن -والله -هسى انا طلعت اتمشيت فى البارك الورى مبنى المكتب. و كنت لابسه هدوم عادية من غير حتى جكت. و الشمس طاالعة و الشارع مليان ناس بتتمشى فى فسحة الغدا. ارحلوا ....بالجد?
| |
|
|
|
|
|
|
Re: عاجل جدا: يا منظمة تنادينا.....نطلب مساعدة عاجلة...لبن/كوارع/كسرة و ملاح أم رقيقة (Re: بريمة محمد)
|
Quote: نتردم عشرة أمتار تلج
ولا تعفصني بقرة
بلد ناس عادل نجيلة زريبة, زريبة بقر |
يا كوستاوي يا أخي سلامتكم .. نحمدالله على حوش بقرنا و شجرنا.. إلا إنتو لا يقر لا شجر .. كر عليكم والله ما شماته لكن القلق راكبنا عليكم و على الريس .. أخيرآ أتتنا الأخبار الجميلة الريس أوباما جاينا في الويك أند .. و بعدها حيطير لي فيقاس .. بالمناسبة حوش بقرنا إتملا بال(snow birds).. وحقيقة نحنا زعلانين من منظمة تنادينا لتجاهلها نداءك.. وحقيقة وجدنا أن لها العذر .. و العذر يتمثل في صعوبة توصيل الإغاثة .. برآ و بحرآ و جوا .. مطاراتكم مغلقة .. و الطرق البرية مغلقة .. والأنهار مجمدة .. كيف نستطيع إغاثتكم ! أخيرا هداني تفكيري المنفرد بأن نرسل لكم ما طلبتم عبر أل email ,, ولكم كامل مواساتنا و دعمنا ..
بالمناسبة جالون اللبن الدسم عندنا وصل ألى 1.37 دولار ! و دستة البيض إلى 99 سنت .. وكيس الرغيف البليو عدد 12 رغيفة إلى 1.99 دولار ... و كيس الهامبرقر لزوم الأولاد بنسبة دهون 75/25 و به 12 قطعة ألى 5.99 دولار .. والهامبرقر bun ماركة sara lee عدد 8 قطع إلى 1.83 دولار. عاصفتكم الثلجية رفعت سعر جالون البنزين 87 إلى 2.57 دولار .. وربنا يحفظ الجميع من هذا الجو المتقلب .
ملحق للعزيزة سارة على طمنينا على أخباركم .. صورك مقلقة .. حماكم الله من عواصف الجليد..
| |
|
|
|
|
|
|
|