|
|
 هروب تاجر بعد حصوله على قرض بـ «38» مليار جنيه
|
| Quote: تتكتم دوائر الجهاز المصرفي والاقتصادي على أضخم عملية احتيال في الآونة الأخيرة حيث حصل أحد التجار وصاحب مصنع للسيخ على قرض بقيمة 38 مليار جنيه سوداني اتضح لاحقاً أن الضمانات العقارية التي مُنح بموجبها التصديق مُزوَّرة بالكامل كما أنها لا تغطي قيمة القرض موضع التصديق..وتشير متابعات الصحيفة إلى خلفيات القصة التي تعود إلى منح التصديق المعني عقب رهن التاجر لعدد1383 طن سيخ ومواد بناء أُخرى بمخزن ادعى ملكيته إضافة إلى مواقع عقارية أُخرى تمت معاينتها من قِبل موظفي ثلاثة بنوك معروفة واعتمادها رسمياً وتصاعدت أزمة الرهن المضروب عندما شرعت البنوك المذكورة في استرداد أموالها بعد عجز التاجر عن السداد وأعلنت عرض المواقع المذكورة للبيع في مزاد علني تم نشره بصحيفة يومية معروفة، وذهبت قوة من الأجهزة الأمنية والشرطية لحجز المخازن تمهيداً لبيعها لكنها فوجئت بشخصية اقتصادية معروفة تبرز مستندات موثقة تُثبت ملكيتها للمخازن الأمر الذي دفع السلطات المختصة لإلغاء المزاد واتخاذ إجراءات صارمة حبست بموجبها مديري البنوك المعنية على ذمة التحقيق وتم إطلاق سراحهم لاحقاً بالضمان، وسجل صاحب المخازن المعروف بلاغات تحت المواد 951/381 من القانون الجنائي يتهم فيها البنوك المذكورة بالإساءة لسمعته وتعطيل أعماله ومصالحه.. وبينما رفضت قيادات مصرفية عُليا التعليق على الحدث قالت مصادر الصحيفة إن التاجر هرب لخارج البلاد وهو يمت بصلة قربى لشخصية سياسية مُؤثرة. |
_
المصدر
|
|
  
|
|
|
|
|
|
|
 Re: هروب تاجر بعد حصوله على قرض بـ «38» مليار جنيه (Re: باسط المكي)
|
| Quote: هروب تاجر بعد حصوله على قرض بـ «38» مليار جنيه |
والبنك دا إتوفى ولا فى الإنعاش!
بعنى هرب بنصف ديون السودان!
المعروف ان القرض يقارب الرهن فى القيمة!
طيب الراجل دا مفروض يكون رهن هجليج مقابل القرض!
والله من شدة بطننا ما طمت بقى الخبر دا بالنسبة لينا كانه عن بوركينا فاسو!
قالوا فى المثل ضربوا الاعور فى عينه قال بايظة بايظة!
هسة ود البشير دا لاخين بلده 15 مليار دولار مترشح ليه شنو!
هسة البنك تلقاهو عامل فيها تفتيحة واشتغل مرابحة اسلامية ادى الراجل قرض 38 مليار وخصم منها ستة مليار مصاريف والذى منه وادى الراجل 32 مليار يعنى خلاص ربحوا ستة مليار فى رمشة عين!
هسة تلقى الراجل المستوداعات حقتو وباعا لي اخونا الاقتصادى النافذ دا بى 15 مليار خمسة كاش والباقى يوم القيامة!
جنى
| |
|
|
|
|
|
|
|
|
|
Re: هروب تاجر بعد حصوله على قرض بـ «38» مليار جنيه (Re: باسط المكي)
|
روميو ..
صدقني ممكن تحصل عادي في السودان ..
وحكاية إنو البنوك تديك قروض ضخمة في مقابل رهنيات مزورة أو سعرها لا يغطي القرض ما جديدة ..
وطبعا أكيد بيكون للموظفين البيعاينوا ويقدروا قيمة العقار أو المواد المرهونة دور في الحاصل دا ..
وما تنسى اليومين دي أسعار العقار في إنخفاض شديد إن لم نقل إنهيار ، والمعروض اكثر من المطلوب بكتير ..
كدي حاول من مصادرك أدينا أسماء أو إنشالله عناوين ..
| |
|
|
|
|
|
|
|
|
|
Re: هروب تاجر بعد حصوله على قرض بـ «38» مليار جنيه (Re: ناذر محمد الخليفة)
|
يا جماعة المنطق يقول بأن القرض بيكون فى جدود 15 مليون دولار وليس 15 مليار دولار .
يقينى بإن الـ 38 مليار جنيه بتكون بالقديم .
يا أخى لو جمعت راس مال جميع البنوك السودانية والأجنبية العاملة فى الخرطوم ما بتجيب 15 مليار دولار .
طبعا الخبر يوحى بأن هنالك كونسيرتيوم من البنوك قدمت هذا القرض ،، برضو حتى ولو كان كذلك
لا يمكن أن يقدموا لتاجر واحد مثل هذا المبلغ حتى ولو كانت ضماناته حقيقية .
لكن بالجد لو حاصل الكلام ده ،، على السودان وإقتصادييه السلالالالالالالالالالالالالالالام .
مع التحية
ماهر
| |
|
|
|
|
|
|
|
|
|
Re: هروب تاجر بعد حصوله على قرض بـ «38» مليار جنيه (Re: عبد الحميد حسين)
|
| Quote: وبينما رفضت قيادات مصرفية عُليا التعليق على الحدث قالت مصادر الصحيفة إن التاجر هرب لخارج البلاد وهو يمت بصلة قربى لشخصية سياسية مُؤثرة. |
15 مليون دولار..
مساهمة الراجل فى مشروع " النهضة العمرانية الاستراتيجية المخفية للعام 2017"
و الراجل بس اختفى من العين ..
و كم سنه كده و حيدخل مرحلة "يظهرون"
و عندها سيرى الناس اسهاماته الوطنية !!
و بالمناسبة "الاسم الحركى للراجل ده "التاجر سيخة"
| |
|
|
|
|
|
|
|
|
|
Re: هروب تاجر بعد حصوله على قرض بـ «38» مليار جنيه (Re: اسعد الريفى)
|
كتب ود الشيخ(اللهو أنا)Quote: يا اخواننا بسم الله
المبلغ بالقديم
راس مال بنوك السودان كلها بصحبة المركزي ما تساوي 15 مليار دولار |
و في اقل من دقيقتين كتب الأخ ماهر
Quote: يا جماعة المنطق يقول بأن القرض بيكون فى جدود 15 مليون دولار وليس 15 مليار دولار .
يقينى بإن الـ 38 مليار جنيه بتكون بالقديم .
يا أخى لو جمعت راس مال جميع البنوك السودانية والأجنبية العاملة فى الخرطوم ما بتجيب 15 مليار دولار . |
و الله لم يدر بخاطري توارد خواطر بنسبة 100% مثل هذه و طبعا مافي زمن عشان يقرأ ماهر كلامي و يقتبس منو
عل العموم المبلغ اعتقد انو تافه بمقاييس الجماعة و احلف لكم انو ممكن ياخدوه ناس كتاااار كانو يشحدو مننا زمان حق الفطور
| |
|
|
|
|
|
|
|
|
|
Re: هروب تاجر بعد حصوله على قرض بـ «38» مليار جنيه (Re: عبد الحميد حسين)
|
في بدايات نظام الجبهة كان الشيخ الترابي يوصي بمنح القروض وفي مكان الضمانات كان يكتب أو يقول عبارته الشهيرة حينها "يكفيه تقوى الله". لا أدري إن كانت هي نفس الضمانات التي قدمها هذا المحتال الجديد. أما المبلغ فلا أعتقد أنه كبير . أقل من 40 مليون دولار .كثيرون حصلوا على قروض وتسهيلات بهذا الحجم دون أن يضطروا للهرب لأنهم في مأمن من المساءلة حتى لو أتاهم ياسر عرمان رئيسا.
التحية للجميع
| |
|
|
|
|
|
|
|
|
|
Re: هروب تاجر بعد حصوله على قرض بـ «38» مليار جنيه (Re: اناهيد كمال)
|
او كما قال احد مدراء البنوك عندما رفض احد موظفيه تصديق قرض لاحدهم قال له مدير البنك (يكفيه رصيده عند الله)
طبعا الانتباهة صاحبة غرض في الموضوع والا لما ذكرته ولم تتكلم في العام قبل الفائت قصة اقرباء الصديق الحميم للبشير الذين استولوا على ما يقارب 200 مليار جنيه سوداني (قديم) من بنك ام درمان الوطني وايضا قدموا رهونات عقارية over-over-estimated وفرا (هم اثنين) الى احدى الدول العربية ولم تطالهما يد قانون ولا صوبت عليهم كشافات اعلامية لانهم لديهم ظهرا يحميهم وقد صار بنك ام درمان الوطني على حافة الافلاس لو لا ان تداركه مال الشعب السوداني والى وقت قريب لا يقبل اي بنك خارجى LC صادرة من هذا البنك واعتقد ان تصنيفه مازال دون مستوى الثقة وقد ورد ذكر وضع البنك في تقرير للبنك الدولي بعد ان طلب عوض الجاز مشورتهم للخروج من الازمة الاقتصادية العام الفائت
| |
|
|
|
|
|
|
|
|
|
Re: هروب تاجر بعد حصوله على قرض بـ «38» مليار جنيه (Re: فيصل نوبي)
|
ربما رفع الخبر عن موقع الانتباهة
لكن كلمة أضخم عملية احتيال هذه تصب في صالح كون المبلغ بالجديد
ولو كان المبلغ 38 مليون لما اعتبرت العملية عملية ضخمة !
نتمنى أن يرد الخبر بمعلومات أكثر تفصيلا وافصاحا من مصادر أخرى
أخونا الأستاذ المحامي معاوية
عافي من الزول دا بياتو منطق ؟
| |
|
|
|
|
|
|
|
|
|
Re: هروب تاجر بعد حصوله على قرض بـ «38» مليار جنيه (Re: فيصل نوبي)
|
| Quote: و لا عزاء للمشككين في مصداقيتنا |
يانوبي ... ما قدر ده
لكن قصدي كان نفس كلام محمد إبراهيم
| Quote: قلت نوبي ده ما مضمون يكون خاتي لينا صورة بقرة ولا عود طلح دخاخينو عاكلة في الرابط |
أخوك ( برلوم ) . . لكن تفتيحة
لمن يهاجم ما بيبدأ ( بالإقطبوطات )
تحياتي .. ولك العتبي حتى ترضى
| |
|
|
|
|
|
|
|
|
|
Re: هروب تاجر بعد حصوله على قرض بـ «38» مليار جنيه (Re: فيصل نوبي)
|
38 مليار هى تفرق شنو كان بالقديم او الجديد
عماااار يا بلد
انا بطلب سلفة منه او قرض حسن او تحسين وضع المهم تحت اى مسمى وبردها لة لما يصحى ضميرة ويحب يسدد
المبلغ ( خمسة مليار بس ما كثير صح )
يا جماعة همتكم معنا اقيفوا وقفة صح واول شى طبعا مسئوليات حوشكم الكبير !!!!!!!!!
اللهم اغنينا بحلالك عن حرامك يا ربى العالمين
قال 38 مليار قال دة دفن السودان بالحياء عاوز لية مليار سنة عشان يصحى تانى
يانوبى شوف جريدك بتقصد بالخبر دة شنو ما يكون مرشح وعاوزين يستيعدوا من القائمة
| |
|
|
|
|
|
|
|
|
|
Re: هروب تاجر بعد حصوله على قرض بـ «38» مليار جنيه (Re: Yousif A Abusinina)
|
يا جماعة ..باين لي دة زول بنك الخرطوم ...فرع بحري .. والموضوع دة قبل 5 سنوات تقريبا ..
نعم 15 مليون دولار..ولكن ..من ابناء شندي وعمرة لم يتجاوز ال 32 عاما...
ولكن ....اسالو عن مديري البنوك الذين منحوه القرض ...
واسالو عن الذي اخرجه من السجن ....بالمناسبة اخرج من السجن قبل عام ..
كلمة فساد بسيطة في هكذا مبلغ ...
| |
|
|
|
|
|
|
|
|
|
Re: هروب تاجر بعد حصوله على قرض بـ «38» مليار جنيه (Re: احمد محمد احمد عتيق)
|
نوبي ازيك
قريت كل التعليقات
حتى بتاعت اخونا القال عافي منك ( اعتقد انو محامي تجنح عاطفته على المؤتمر الوطني- وهذا قسمه فيما يملك) وتعليق اخونا العايز الرابط
وضحكة ود الصايم
واتذكرت البوست بتاع اخونا عمر صديق بعنوان برنامج البشير الانتخابي
وما عارف انا ربطت بين الاتنين ليه
فاستنادا على مقولة الاستعانة بصديق قلت استعين لو تشرحج لي سبب الربط
واذا غلبك انت ممكن تستفيد من خاصية الاستعانة بالجمهور
| |
|
|
|
|
|
|
|
|
|
Re: هروب تاجر بعد حصوله على قرض بـ «38» مليار جنيه (Re: برير احمد إبراهيم)
|
هذه هي احدى مناورات الانقاذ و احدى اساليبها الغذرة
في الضغط على كل من يتجرأ و يقول لها لا و الانتخابات
على الابواب
التاجر المقصود هنا يا سادتي هو محمد يوسف الدقير
و الشخصية الاقتصادية صاحبة المخازن هو جمال الوالي
و الشخصية السياسية هو جلال يوسف الدقير
و المقصود هو الضغط على الدقير لانه أعلن التمرد هذه الايام
على دهاقنة الانقاذ بعد ان تم منعه من ترشيح اي من منسوبي حزبه
الى منصب الوالي و اجباره على الاكتفاء ببعض الدوائر الجغرافية
فليتجرع الدقير من كأس الانقاذ الذي طالما سقى به المناضلين من حزبه
| |
|
|
|
|
|
|
|
|
 Re: هروب تاجر بعد حصوله على قرض بـ «38» مليار جنيه (Re: Ahmed Abdallah)
|
Quote: هذه هي احدى مناورات الانقاذ و احدى اساليبها الغذرة
في الضغط على كل من يتجرأ و يقول لها لا و الانتخابات
على الابواب
التاجر المقصود هنا يا سادتي هو محمد يوسف الدقير
و الشخصية الاقتصادية صاحبة المخازن هو جمال الوالي
و الشخصية السياسية هو جلال يوسف الدقير
و المقصود هو الضغط على الدقير لانه أعلن التمرد هذه الايام
على دهاقنة الانقاذ بعد ان تم منعه من ترشيح اي من منسوبي حزبه
الى منصب الوالي و اجباره على الاكتفاء ببعض الدوائر الجغرافية
فليتجرع الدقير من كأس الانقاذ الذي طالما سقى به المناضلين من حزبه |
كلام لكن ..
إنت يا أحمد زعلان كده مالكـ ..
_
كنت داير تقسم معاهم و ما قسمو ليكـ !
| |
|
|
|
|
|
|
|
|
|
Re: هروب تاجر بعد حصوله على قرض بـ «38» مليار جنيه (Re: على اسماعيل)
|
Quote: اها يا أخوانا فيكم الخير
ماف زول يعملو لينا 58 مليار الليلة |
اها ممكن اخد الجايزة لو قلت ليك انها بقت 90 مليار مش 58 الشوية بتاعتك دي
Quote: علمت «الوطن» أن ديون عدد من البنوك والتي يعتقد بأنها«6» على تاجر الحديد«المخندق» خارج البلاد بلغت قرابة الـ90» مليار جنيه بالقديم يذكر أن المشار إليه يعمل تحت اسم«جاكوب» ولديه أكبر نشاط في مجال الحديد صناعةً واستيراداً وتسويقاً حيث حصل على تمويلات هائلة من ستة بنوك ثم أصيب بنكسة مالية ضخمة أدت إلى ملاحقته من جانب النيابات المختصة والأمن الاقتصادي حيث اختفى ومعه الجمل بما حمل.
وتعيد قصة«جاكوب» إلى الأذهان عدداً من مآسي القطاع المصرفي حيث عاش الناس قضية«مدين» وأمجد وقاضي وغير ذلك من حالات«الدمار والإعسار» وانحراف الأداء في بعض المصارف. |
من صحيفة الوطن 14/2/2010
صحيفة الوطن: تاجر يهرب بـ 90 مليار جنيه من البنوك السودانية!!
| |
|
|
|
|
|
|
|
|
|
Re: هروب تاجر بعد حصوله على قرض بـ «38» مليار جنيه (Re: Mohamed Elboshra)
|
يا نوبي...يا صديق ازيك...
المبلغ 50 مليون دولار...
حولوا الخبر الي صحيفة الدار...حا تتقصي من الموضوع
وتجيب ليكم مانشيتات: اسرار القرض الثمين...أبوخمسين...
حوار استثنائي لا تنقصه الشجاعة لكشف سر القرض الخمسيني
مدراء احد المصارف المانحة للقرض يقلب الطاولة علي مسئول رفيع
ويفشي سر القرض الخمسيني
ثلاث بنوك تشترك في تمويل القرض بمستندات مزورة
ملكية العقارات المرهونة مقابل القرض الخمسيني لأحد المتنفذين
مدير احد البنوك المانحة للقرض يطلق نيرانه من داخل السجن
| |
|
|
|
|
|
|
|
|
|
Re: هروب تاجر بعد حصوله على قرض بـ «38» مليار جنيه (Re: nazar hussien)
|
وبعدين يا نوبي يا صديق
التاجر الكبير دا هرب
بي القروش دي كيف؟؟؟
شالا في شنط؟؟؟
التحويلات خارج السودان ممنوعة الا في حدود وتحانيس...من بينها
عندي زول عيان عايز احول ليه 3000 دولار في الأردن...
نقول شالا في شواويل ومرق بيها...طيب دخل بيها الجهة الهرب
ليها كيف؟؟؟...دا غسيل أموال بي شواويلو وصابونو...خاصة ان
القصة اصبحت قضية وبلاغات وكدي...
طيب لو دا كلو حصل...اذن ناس المطار عليهم مسئولية..
والشركة الناقلة للتاجر الهارب عليها مسئولية...
والدولة المستقبلة عليها مسئولية...
حتي وان كانت نيجيريا...
والقروش دي حتما بترجع بي زولا الهارب دا كان ساككوه
كويس...بالانتربول...واتشجعوا وختوا كل المعاونين والوسيطين
والمسهلين والمتجاوزين في السجن...لحين عودة القروش دي علي
داير الملين
| |
|
|
|
|
|
|
|
|
|
Re: هروب تاجر بعد حصوله على قرض بـ «38» مليار جنيه (Re: فيصل نوبي)
|
أحمد عبدالله
طلعت زول داقس ساي
ناسكـ ديل يمكن يكون عندهم كوم تاني براهو
هاكـ إقرأ :
_
Quote:
بنك الشمال يوجه انذارا نهائيا لرجل الاعمال يعقوب محمد علي وشركة جاكوب للإستثمار
2010-02-02 06:27:37
"بما أنكم قمتم بتخزين (934 طن حديد تسليح ) لصالح البنك مقابل مرابحة لشراء وبيع اسمنت وفشلتم في سداد المديونية التي عليكم تجاه فرعنا البرج " .... ...." بما أنكن قمتم بتخزين (1594 طن حديد تسليح ) لصالح البنك مقابل مرابحة لشراء وبيع كمر وفشلتم في سداد المديونية التي عليكم تجاه فرعنا البرج " بهذه الحيثيات وجه بنك الشمال الاسلامي أنذارا قانونيا نهائيا لرجل الاعمال يعقوب محمد علي و إلي شركة جاكوب العالمية للاستثمار المحدودة والتي يشير إسمها الي ملكيتها لذات الرجل ،مطالبا بالحضور للبنك وتسديد ما علي الرجل و الشركة من التزامات في فترة اقصاها شهر من تاريخ تسلمهما لهذا الانذار .
البنك هدد في انذاره المنشور بصحيفة الصحافة الصادرة صباح الثلاثاء الموافق 2 فبراير 2010، بإتخاذ الاجراءات القانونية الكفيلة باسترداد حقوق البنك و ذلك ببيع البضاعة الموصوفة اعلاه و المرهونة لصالح البنك ضمانا لالتزاماتهما وذلك وفقا للمادة (5) من قانون الاموال المرهونة للمصارف لسنة 1990 وتعديلاته ،البنك مهر انذاره بتوقيع الاستاذ حسن محمود احمد ، المستشار القانوني للبنك. |
_
المصدر
| |
|
|
|
|
|
|
|
|
 Re: هروب تاجر بعد حصوله على قرض بـ «38» مليار جنيه (Re: فيصل أحمد سحنون)
|
لعدم توثقي من الاسماء التي وردت في الايميل الحاقد
والتي تعد من خانة التشهير الى اخره
لن انشر
اقول أن مرسل الايميل الحاقد لم يخرج من بعض الاسماء التي ذكرها الأخوة هنا
يعني بدل محمد يوسف الدقير ، كتب عثمان
والمصنع ، الدولي للحديد والصلب
وصاحب العقار المعتدى عليه هو جمال الوالي
لا أعلم ماهي الفائدة من وضع مثل هذه المعلومات في ايميلات وارسالها للناس!
اللهم اغفر لنا ولابائنا
| |
|
|
|
|
|
|
|
|
|
Re: هروب تاجر بعد حصوله على قرض بـ «38» مليار جنيه (Re: فيصل نوبي)
|
فيصل انت نبيه ولا يفوت على فطنتك الكلمة التى بين القوسين في خبر الوطن فهي تقودك مباشرة الى ان الايميل مضلل
وكما قال نزار حسين مبلغ مثل هذا لا يمكن خروجه كاش وان خرج لا يمكن الدخول به الى اي مكان في العالم
ربما ما زالت هذه الاموال في السودان
وربما حولت عن طريق مشروع من البنوك الداقسة دقسة العدو لتمويل عمليات مشروعة ولكن الى جهات غير السودان ويتم تحصيل قيمتها في الخارج او ربما ضاعت كدة في مجازفة غير محسوبة
كل الاحتمالات واردة
| |
|
|
|
|
|
|
|
|
|
Re: هروب تاجر بعد حصوله على قرض بـ «38» مليار جنيه (Re: محمد إبراهيم علي)
|
لمركزي يؤكد تميز وتفرد النظام المصرفي بالبلاد
الاثنين, 15 فبراير 2010 08:09
الخرطوم : آخر لحظة
أكد د. صابر محمد الحسن محافظ بنك السودان تفرد وتميز مسيرة النظام المصرفي السوداني خلال الحقب المخلتفة منذ نشأة البنك في 1960م إذا ما قورنت بالأنظمة المصرفية الأخرى. واستعرض د. صابر مسيرة الجهاز المصرفي بين النظامين الإسلامي والتقليدي في الندوة التي عقدها البنك بقاعة الصداقة بالخرطوم بمناسبة الاحتفال باليوبيل الذهبي للبنك تحت عنوان بنك السودان المركزي(النشأة والتطور). وقال إن البنك تعرض خلال مسيرته لتحديات وتحولات كبيرة من خلال التحولات التي تتعرض لها الدولة باعتباره المرآة التي تعكس تحول الدولة من النظام الرأسمالي التقليدي الي نظام اشتراكي ثم لنظام اسلامي. وأشار أن البنك مر خلال هذه الفترة من مسيرته بأربع مراحل شملت سياددة النظام المصرفي التقليدي ثم النظامين التقليدي والإسلامي وسيادة النظام المصرفي الإسلامي ثم المرحلة الأخيرة النظام المصرفي المزدوج (نظام إسلامي في الشمال ونظام تقليدي في الجنوب
).| Quote: كد د. صابر محمد الحسن محافظ بنك السودان تفرد وتميز مسيرة النظام المصرفي السوداني خلال الحقب المخلتفة منذ نشأة البنك في 1960م إذا ما قورنت بالأنظمة المصرفية الأخرى. |
| |
|
|
|
|
|
|
| |
فيصل نوبي
باسط المكي
jini
ناذر محمد الخليفة
MOHAMMED ELSHEIKH
جعفر محي الدين
اسعد الريفى
خالد كدودي
Abureesh
ombadda
اناهيد كمال
محمد إبراهيم علي
Yassir Tayfour
معاوية عوض الكريم
طارق جبريل
محمد عبد الماجد الصايم
عبدالله كع
السيد أحمد إبراهيم
شمائل النور
خالد عبد الله محمود
Yousif A Abusinina
د.محمد حسن
Nasir Ahmed Elmustafa
برير احمد إبراهيم
Ahmed Abdallah
عبدالرحيم أبراهيم العبيد
عمار يس النور
ثروت سوار الدهب
محمد فرح
فيصل أحمد سحنون
فيس بوك
تويتر
انستقرام
يوتيوب
بنتيريست