|
Re: معـجبة (Re: Rawia)
|
الأخت العزيزة راوية لك مني التحية والتجلة ووافر الإحترام وكل عام وأنت بخير، قيل إن في الصمت كلاما، وهذا أبلغ استهلال. مع خالص تحياتي د. صلاح البشير
| |
|
|
|
|
|
|
Re: معـجبة (Re: Dr. Salah Albashier)
|
أهليين يادكتور وكل سنة وإنت طيب أنا في الحقيقة معجبة بمجموعة أشخاص وبوستات لاسباب متفرقة وعندي رغبة أعبر عن إعجابي خارج البوستات المعنية لكي لا يساء فهمي
| |
|
|
|
|
|
|
Re: معـجبة (Re: Rawia)
|
الأخت العزيزة راوية لك مني عاطر الياسمين تبسملي وألف مرحبتين حبابك مع خالص تحياتي د. صلاح البشير
| |
|
|
|
|
|
|
Re: معـجبة (Re: Raja)
|
راوية حبيبه كل سنه وانتى بالف خير وربنا يجعلو عام اخضر تتحقق فيهو كل الامنيات انشالله انا بس اكون من الانتى معجبه بيهم رجويه الامانى كلها بان يجعل الله سبحانه وتعالى 2010 عام تحقيق كل الامنيات الظاهرة منها والمخفية مشتااقين احنا ياجماعة بالمناسبه السعيده انتو هدهد ى رحلت من عندياتنا ولاشنو ... تسلمو بنات العباسى يارب ...
| |
|
|
|
|
|
|
Re: معـجبة (Re: ماجدة عوض خوجلى)
|
الحبيبة بت الأحباب ماجدة..
أميييين..
كــل عام وأنت والمعاك كلهم بألف خير. وربي يحقق كل الاماني.. قولي آميين
هدى في إجازة مع الحاجة في القاهرة. أصلنا قاعدين نتناوب الإجازات. دعواتك لأمي بإكتمال الشفاء
هابي 2010
| |
|
|
|
|
|
|
Re: معـجبة (Re: Raja)
|
Quote: راوية يا حبيبة كل سنة وأنت طيبة |
شكرا ليك رجوية وكل سنة وإنت أحلى
| |
|
|
|
|
|
|
Re: معـجبة (Re: Rawia)
|
لكي من الاعجاب ورود من الياسمين وانت خالدة فى ذاكرة الوطن وكل عام وانت بخير
| |
|
|
|
|
|
|
Re: معـجبة (Re: Rawia)
|
Quote: انشالله انا بس اكون من الانتى معجبه بيهم |
إنديد* إنديد ماجدة
أهلا بطلتك ياماجدة وكل سنة وإنت جميلة وسعيدة وكل المعاك فردا فردا هدى زي ماقالت ليك رجوية مع ناس مصر مأجزة معاهم ومتقلاهم
___________________ * Indeed
| |
|
|
|
|
|
|
Re: معـجبة (Re: Rawia)
|
Quote: وانت خالدة فى ذاكرة الوطن
|
ياود هه* ذاكرة الوطن شنو كمان أصلي نفيسة كامل ولا مهيرة بت عبود وعموما كلماتك المنمقة وجميلة دي مشكور عليها لكن خليها واقعية شوية وكل سنة وإنت طيب
_____________ * ليس القصد هنا تصغير شأن لا سمح الله ولكن يوجدfun
| |
|
|
|
|
|
|
Re: معـجبة (Re: Rawia)
|
وانا معجبه بيك انتي زااااتك , وحبيت أسلم ..
Happy New Year Rawia & Raja
تحياتي للوالده , الحاجه الطيبه السمحه , وربنا يواليها بالعافيه يارب ..
واصلي اعجابك :)
| |
|
|
|
|
|
|
Re: معـجبة (Re: Rawia)
|
Quote: وانا معجبه بيك انتي زااااتك , وحبيت أسلم ..
Happy New Year Rawia & Raja
تحياتي للوالده , الحاجه الطيبه السمحه , وربنا يواليها بالعافيه يارب ..
واصلي اعجابك :) |
نيـبو العسل كل سنة وأهلك كلهم طيبين وإنت أجمل أنا برضو معجبة بيك شديد ياخ
| |
|
|
|
|
|
|
Re: معـجبة (Re: عبدالله ود البوش)
|
Quote: كل فتاة بابيها معجبة |
والله حا أشيل الصورة من البروفايل لاني من لحظة دخلت البوست وشفت مداخلة بهاء الدين وصورة الوالد دمعتي ماوقفت الغريبة .. الحزن على فراقه أصلو لا بينتهي ولا بيقدم ولا الايام بتأثر فيهو والغريبة حضوره ونغمة صوتو ومداعباته وخفة ظله ونكاته التى لاتكاد تنقطع وعطره (سوار دي باري) و(باترا) لسة فينا وجوانا ومابينتهوا رحمك الله وأحسن اليك وصبرنا من بعدك على فراقك والدي الكريم
شكرا على مرورك أخ عبدالله
| |
|
|
|
|
|
|
Re: معـجبة (Re: Rawia)
|
العباسي ما والدك براك يا راوية كل من مر بحنتوب نهل من فيض العباسي حتى بعد رحيله كان مجسدا في بهاء الدين العباسي كل تلاميذه كان والدهم الحنون درست في حنتوب بعد رحيله ( انا دفعة بهاء الدين وجيت بيتكم كتير لكنك كنت صغيرة لاتذكريني ) فحتى بعد رحيله كل حنتوب كانت تذكره حتى الشجر ( وقتها كنت اعتقد جازما بان الشجر يعرفه ) له الرحمة والدنا العزيز له المغفرة باضعاف ما قدم لامته ومنه السلام واليه السلام ولكم السلام اسرة العباسي ولكم التبجبيل والاحترام
| |
|
|
|
|
|
|
Re: معـجبة (Re: عليش)
|
Quote: راقـيـه شديد.. كل عام وانتي بخير |
راقي إنت دا كل سنة وإنت طيب
_____________ النبي مع الشباب العقدوا في البورد الفترة الفاتت دي مالك مابقيت زي الرجال كدا وكملت نص دينك؟ ياشين
| |
|
|
|
|
|
|
Re: معـجبة (Re: Rawia)
|
ههه والله يالحبيبه تـرا مصنقرين في البورد ده..والماسنجر فاضي وحاتك.. كدي تشوف السنه الجديده دي..
| |
|
|
|
|
|
|
Re: معـجبة (Re: د.نبراس)
|
الحبيبة نبراس (نيبو)
كــل عـام وأنت وأسرتك بألف خير.. وربي يملأ ليك 2010 والسنوات الجايات نجاحات وأفراح وهناء
الأعزاء: د. صلاح، ود البوش وعليش كل عام وأنتم طيبين إن شا الله
* يا راوية إستلمت ليك البوست.. لووووووول
أنا شخصيا معجبة في بوست العرس من رد إتسمح للأسف على رسالة من عريس من برة المنبر. قال إن شكله العام مقبول وعايز ليهو عروسة من المنبر (جمييييييييييييلة) ما متأكدة عدد اليايات كم..ههههه
زعًلني رد صاحبك ياسر طيفور. قال ليهو طلبك ما عندنا. ده بدل ما يقول ليهو العندنا شكلهم العام مقبول زيك كده.. لوووووووووووووول
ودي للكل
| |
|
|
|
|
|
|
Re: معـجبة (Re: Raja)
|
Quote: درست في حنتوب بعد رحيله ( انا دفعة بهاء الدين وجيت بيتكم كتير لكنك كنت صغيرة لاتذكريني ) |
هههههه حلوة دي أنا أكبر من بهاء .....الدفعة القدامكم طوالي معليش قول رجاء الكانت صغيرة (يارجا ماتفرحي كتير) لكن أنا كنت في داخلية مدني الثانوية بنات عشان كدا مابتلاقوني في البيت وكنتو بتلاقوا الشفع بس
| |
|
|
|
|
|
|
Re: معـجبة (Re: Rawia)
|
Quote: هههههه حلوة دي أنا أكبر من بهاء .....الدفعة القدامكم طوالي معليش قول رجاء الكانت صغيرة (يارجا ماتفرحي كتير) لكن أنا كنت في داخلية مدني الثانوية بنات عشان كدا مابتلاقوني في البيت وكنتو بتلاقوا الشفع بس |
غايتو تضامني الكامل مع رجاء العباسي !!
* أنت يا راوية تغيبي على كيفكـ و تجي على كيفكـ وجاية تستهزئ لينا برموزنا الوطنية ( رجاء العباسي و كده ) أنت قايلة المنبر ده ما فيهو ضبط و ربط ؟؟
* النجيضة على قول ود الصايم نحن زاتنا معجبين
| |
|
|
|
|
|
|
Re: معـجبة (Re: خالد عبد الله محمود)
|
Quote: غايتو تضامني الكامل مع رجاء العباسي !!
* أنت يا راوية تغيبي على كيفكـ و تجي على كيفكـ وجاية تستهزئ لينا برموزنا الوطنية ( رجاء العباسي و كده ) أنت قايلة المنبر ده ما فيهو ضبط و ربط ؟؟
* النجيضة على قول ود الصايم نحن زاتنا معجبين |
هي الليلة بتكون فرحانة بالرغم من أني الاكبر والاطول والاضخم لكن أي زول في أي حتة يلاقينا بيكون متأكد أنها هي الكبيرة شفت الشلاقة؟
بالنسبة للغيبة سببها واضح وبين الفيس بوك عاملة مزرعة ومطعم هناك وقاعدة حارساهم النهار ماطال بس اليومين ديل وعقبالك كدا البزنزس لما يكبر بيمشي روحو براهو حتى أسأل مريم الحسين
| |
|
|
|
|
|
|
Re: معـجبة (Re: أحمد الشايقي)
|
أحححححم.. نحن هنا..
يعني يا جماعة الزول ما يمشي ناس الجندرية ويرجع يلاقي عملوهو "شفع":))))
غايتو يا خالد أنا اصلو ما كنت شافعة. ولدوني بسنوني.. هههههه وزي ما راوية قالت ليك. كترة ناس متخيلين إني الأكبر من راوية. وطبعا راوية متكيًفة شديد
كل سنة وأنت بخير
| |
|
|
|
|
|
|
Re: معـجبة (Re: Raja)
|
المتداخلين الاعزاء
جننتوا الاستجداء جن
ــــــــــــــــــــــ واصلى يا راوية ,,, وقولى كلامك وابدى اعجابك دون تاثير او الاتلفات لاى شخص جايى يقول ليك ما تنسينى . لوووووووووول .. حلوة الاتلفات دى مش ..؟ ما تنسينى من الاعجاب يارايوة بالله .. الرسول فيك كان نسيتينى مزروبة بى الرووب الموية !
| |
|
|
|
|
|
|
Re: معـجبة (Re: Rawia)
|
Quote: ما تنسينى من الاعجاب يارايوة بالله .. الرسول فيك كان نسيتينى مزروبة بى الرووب الموية ! |
أنساك؟ دا كلام وعلى الرغم من الاعجاب البثيناهو يومدااااك في الخاص لكن تستحقي ينفرد ليك بوست إعجاب خاص بس خايفاهو ينقلب لي إستفتاء في يور Gender
______________ صراحة أنا زمان كنت معجبة بس لكن في زول قال لي شيلي عيوني شوفي بيها دينا ومن يومداك إعجابي زاد
| |
|
|
|
|
|
|
|