|
Re: الامتداد الحى المتفرد ... (Re: عبدالله كع)
|
طيب :
اقرب واحد ده محمد الفاتح علي فرغلي مربع 4 والبعدو طوالي راشد ابعوف ... الرادار مربع 4 و ابعدو مباشرة كرش عبدالله كع مربع (( 8 -11 )) ثم الاخ عبدالروؤف كمال مربع 7 ثم الزول الهميم بدر الدين يعقوب مربع 4
| |
|
|
|
|
|
|
Re: الامتداد الحى المتفرد ... (Re: عبدالله كع)
|
تكريم صادف أهلــــه يا كع مزيد من الجهود رابطة ابناء الأمتداد بالرياض
شئ مفرح جدا ونتمني للعم محمود عاجل الشفاء ودوام الصحة والعافية ولكل الحضور
نرسل تحياتنا القلبية.
،،،،أبوقصي،،،،
| |
|
|
|
|
|
|
Re: الامتداد الحى المتفرد ... (Re: عبدالله كع)
|
يا خوااااااااانا ..
البوست لمانا في وقت كونا مشتتين البوست ذاد في ارتباطنا - حتي الناس الماعندها باصات كانو متابعين - الحاصل هنا !! وعرفنا احوال بعضنا رغم المسافات كدا عيييييييييييييب و حراااااام -
----------------- الناس زعلانه زهجانه وصلت النهايه .. ؟؟؟؟؟ زكرتوني بوست الحاج يوسف - كان عاضي عضه
| |
|
|
|
|
|
|
Re: الامتداد الحى المتفرد ... (Re: مدثر قرجاج)
|
يا اخوانا عايزين اى زول منتمى لهذا البوست يسجل الايميل بتاعو وجنبو الاسم عشان نجمع كل الاسماء بالايميلات فى مكان واحد وكل ما البوست خستك وبقى مافيهو حركة نقوم نرش الناس ى كلها ايميلات للتذكير والتنبيه على اساس انو يرجعوا يعنى مضمون الايميل يكون (لماذا الانقطاع ) واتخيل لى كل الناس بتعمل جك على الايميل حقها كل يوم ممكن الزول يطنشنا يوم يومين لكن بالرش المتواصل ممكن يستجيب ،، وياريت لو كل شهر كان فى مشرف يكون مسئول من ايميلات التذكير.......وطبعا ممكن بضربه واحده ارسل للناس كلها ... عايزين بيت الايجار يفضل زى ماهو ومايجينا المؤجر ويطردنا لاننا مابندفع قصاد قعادنا هنا والمؤجر زول طيب ماقصر معانا خصوصا انو مابطلب قروش بس عايز حروف يا اخوانا فى اجمل من كده .... ياريت الاقتراح يلقى تجاوب محبتى
| |
|
|
|
|
|
|
Re: الامتداد الحى المتفرد ... (Re: مدثر قرجاج)
|
انت عارف يا قرجاج .. في ناس كتار جدا متابعين الحكي الهنا .. وصدقني اصبح هذا البوست متنفس لهم ووسيلة للتواصل - ومن خلاله عرفو الحاصل في الامتداد - وخاصه الناس التايه في العواصم البارده البوست ده يقرجاج ........ يا ما جاب لينا ناس ليهم سنين ما شوفناهم وياما اسعدنا با خبار حلوة - وياما عرفنا عن اوناس تركو دنيا وذهبو الي الخلود - لو لا هو لما توثقة علاقتنا ( اعضاء سودانيز ) فحرام علينا وانتركه مهجور هاكذا - تقريبا اكتر 25 عضو في حوش بكري ده من الامتداد .... اتمني ان يعود كما كان سابقا قمة في النشاط والحركه عموما اقتراحك تمام يا قرجاج [email protected] [email protected] ]دي ايميلاتي يا قريبك
اسال الله السلامه ..
| |
|
|
|
|
|
|
Re: الامتداد الحى المتفرد ... (Re: طارق جبريل)
|
عمك بابكر التوم - قال
Quote: كع يازول صورك دى طششت بينا |
والشيخ - طارق جبريل - برضو قال :
Quote: بس ياخي الصور دي ما تكبروها شوية |
وحاتكم انت بلغتو من العمر عتيا .. الصورة ظاهرة وكبيرة عليكم مراجعة احصائي العيون في اقرب وقت ... والا تعالو للسعوديه حجو و انسو الموضوع نهائيا
،،،،،،،،،،،،،،،،،،،،،، بكري الخليفه - يا مرحبا - يا خي ماتشوف لينا صديف حمدتو ؟ طبعا امير الجمري - حا يعينو كابتن طيارة قدر ماتسال عنو -يقولو الزول مسافر ،،،،،،،،،،،،،،،،،،،،،،،، عبدالرحمن عبيشي .... والله الشوق بحر ،،،،،،،،،،،،،، ابراهيم ابو خليل - معاذ السر - جومو - عوض الكريم - ناصر وراشد جبريل نسرين جمال - سارة كرودي اختك بهناك كاتلة الجداد وخامه بيضه - سيد سيدنا عمر عبدالسلام العدو الحبيب - محاسن ابراهيم نصر - اشرف الباقر - ابو وام خالد حاتم حمدتو - شبكه - احمد خضر - وووووووووو عماد محمود ( يارب عاجل الشفاء ) معتصم العربي - وووو ووووووووووووو ناس كتار - و عامر تيتاوي ووووووو ما تطول الغيبات ...............
والناس البتعاين من براه احترام كميات
| |
|
|
|
|
|
|
Re: الامتداد الحى المتفرد ... (Re: عبدالله كع)
|
سلام ياحلوين ....
قرجاج وكع القابضين على الجمر ...
التحية لكم ...
كع يازول صورك دى طششت بينا العم محمود يستحق التكريم ومزيد من التقدم لرابطتكم بالرياض ...
يا شباب عنى من اسباب غيابى الحمد لله رزقت بطفل (باسل ) منذ 10 أيام .
اتمنى الجميع بالمواصلة لاهمية البوست اجتماعيا لناس الداخل والخارج ..
| |
|
|
|
|
|
|
Re: الامتداد الحى المتفرد ... (Re: عبدالله كع)
|
Quote: يا شباب عنى من اسباب غيابى الحمد لله رزقت بطفل (باسل ) منذ 10 أيام .
اتمنى الجميع بالمواصلة لاهمية البوست اجتماعيا لناس الداخل والخارج .. |
الف مبروك بابكر التوم
عبد الكع انا عملت مداخلة قبل بتاعت فيصل خليل جيبوها لي من السماء من الارض انا ما بعرف شنو قلتو الزول ده ضيف ونحقر بيهو ولا شنو
مدثر قرجاج وكع ياخي الامتداد نحن قضينا فيهو ايام جميلة وتعرفنا على ناس توزنوهم دهب عشان كده الواحد بكون مشتاق يعرف اخبار المكان الذي كانت له به ذكريات مع ملاحظة عدم سكني بها سؤالي لماذا شباب الامتداد لايتفاعلون مع هذا البوست مدثر لازم تزيدوا اعضاء الداخل والموجودين هنا شايفهم بهناك اكثر من هنا من نظريتنا نحن ناس الشعبية وياريت تعملوا بيها لازم الواحدة يدخل البوست حتى ولو مره يرمي في حصالة بوست الامتداد ان شاء الله السلام عليكم وبعد داك يمشي محل ما يمشي وربنا يسهل ليهو
ارفعوا البوست على الاقل عشان خاطر العجائز ديل والناس الحلوه المعاهم انت ياكع الناس دي مصورها بكميرة جوال صيني ولا شنو طششت بينا
| |
|
|
|
|
|
|
Re: الامتداد الحى المتفرد ... (Re: خالد علي محجوب المنسي)
|
سلام يا قوم ..
الزنقه دي حدها وين الله اعلم
في واحد من الصين زعلان منكم للطيش ابراهيم احمد العوض بسلم عليكم ومن المتابعين للبوست وبهدي الصورة لمام وبابا -
يا وليد بتكون مداخلتك في بوست تاني !! تحياتي يافرده بعدين الصور دي جايبين ليها مصوراتي عديل يا خي اخد الشي الفلاني .. سوف نعدلها انشالله
يا دكتور انت لسه متزكر الجقاجق !! لي هسي انا ما عارف مكانه في الخروف - !!
وتحياتي للجميع -
برجع ليكم بصورة الاخ ابراهيم
| |
|
|
|
|
|
|
Re: الامتداد الحى المتفرد ... (Re: عماد شمت)
|
أهلي ناس الإمتداد طبعاً الكبر دخل وبقيت زول واجبات ومجاملات ساكت ..
مجاملة: رزق الوجيه صديق حمدتو بمولود اختير له اسم "حمدتو"... ألف مبروك أخي صديق وانشاء الله يكون من الأبناء الصالحين ويقر به عين والديه ...
| |
|
|
|
|
|
|
Re: الامتداد الحى المتفرد ... (Re: طارق جبريل)
|
شباب وربيع 3 ودورة الوفاء
يقيم شباب وربيع 3 دورة وفاء للراحلين من شباب الحي رحمهم الله - معاوية عبد الله (طمبل باي) - مدثر قطبي - أسامة مبارك - متوكل جبريل - صديق حمد - عمر محمد نور - هاشم عبد الرحيم فتح الرحمن عثمان تقبلهم الله جميعا قبولا حسنا وتقام المباريات في التاسعة ليلا في ميدان السداسيات بمربع 3 (قرب الجمعية الخيرية لمربع 3) على أضواء كاشفة الفرق المشاركة: - قدامى ربيع 3 - قدامى النجوم - قدامى الدينمو - قدامى سلام 11 - قدامى الجزائر - قدامى الوحدة - قدامى قدامى المعلمين - قدامى اللواء - فريق الاصدقاء (الامتداد والديم) - فريق الزيوت وكل الفرق المشاركة (فوق الـ35 سنة) هم من قدامى الزمن الجميل بالإمتداد والدورة بالإضافة إلى طابعها التكريمي لشباب رحلو عن دنيانا هي أيضا فرصة لاشبال الامتداد لمعرفة كيف كان يلعب القدامى وكيف كانت تنظم الدورات التكريمية
وتعتذر اللجنة لعدم ادراج فرق: - الصحراء - الاتحاد - الردستار - سلام 4 وذلك لتأخرهم في الرد على اللجنة المنظمة وضيق الوقت
لذا نهيب بالجميع حضور المباريات ولدفع الدورة للأمام حتى تكون حافزا لدورات أخرى لتكريم أبناء الحي المتفرد
الشكر كل الشكر للجنة المنظمة
| |
|
|
|
|
|
|
Re: الامتداد الحى المتفرد ... (Re: ahmed khidir)
|
Quote: شباب وربيع 3 ودورة الوفاء
يقيم شباب وربيع 3 دورة وفاء للراحلين من شباب الحي رحمهم الله - معاوية عبد الله (طمبل باي) - مدثر قطبي - أسامة مبارك - متوكل جبريل - صديق حمد - عمر محمد نور - هاشم عبد الرحيم فتح الرحمن عثمان تقبلهم الله جميعا قبولا حسنا وتقام المباريات في التاسعة ليلا في ميدان السداسيات بمربع 3 (قرب الجمعية الخيرية لمربع 3) على أضواء كاشفة الفرق المشاركة: - قدامى ربيع 3 - قدامى النجوم - قدامى الدينمو - قدامى سلام 11 - قدامى الجزائر - قدامى الوحدة - قدامى قدامى المعلمين - قدامى اللواء - فريق الاصدقاء (الامتداد والديم) - فريق الزيوت وكل الفرق المشاركة (فوق الـ35 سنة) هم من قدامى الزمن الجميل بالإمتداد والدورة بالإضافة إلى طابعها التكريمي لشباب رحلو عن دنيانا هي أيضا فرصة لاشبال الامتداد لمعرفة كيف كان يلعب القدامى وكيف كانت تنظم الدورات التكريمية
وتعتذر اللجنة لعدم ادراج فرق: - الصحراء - الاتحاد - الردستار - سلام 4 وذلك لتأخرهم في الرد على اللجنة المنظمة وضيق الوقت
لذا نهيب بالجميع حضور المباريات ولدفع الدورة للأمام حتى تكون حافزا لدورات أخرى لتكريم أبناء الحي المتفرد
الشكر كل الشكر للجنة المنظمة |
نترحم علي هولاء الشباب ونسأل الله لهم المغفرة وليس بغريب علي أبناء الأمتداد التكرم وإحياء زكراهم العطرة تشكر د.طارق
،،،،أبوقصي،،،،
| |
|
|
|
|
|
|
Re: الامتداد الحى المتفرد ... (Re: مجدي عبدالرحيم فضل)
|
شكراً للأحباء عادل ومجدي وعبد الله وياسر إدريس ود. طارق وأحمد خضر على التهنئة الكريمة والدعوات الصالحة
والتهنئة مني موصولة للأخ العزيز بابكر التوم على المولود الجديد ونتمنى من المولى عز وجل أن يرزقنا جميعا بالذرية الصالحة
ولكم الود الجزيل
| |
|
|
|
|
|
|
Re: الامتداد الحى المتفرد ... (Re: صديق حمدتو)
|
Quote: شكراً للأحباء عادل ومجدي وعبد الله وياسر إدريس ود. طارق وأحمد خضر على التهنئة الكريمة والدعوات الصالحة
|
ممكن تضيف اسمي
الف مبروك اخي صديق حمدتو
----------------- الاف التحايا لناس الامتداد
| |
|
|
|
|
|
|
Re: الامتداد الحى المتفرد ... (Re: وليد عبد اللطيف)
|
الاخ صديق حمدتو الاخ بابكر التوم الف الف مبروك وربنا يجعلهم غره لاعين والديهم ومن ابناء الوطن الصالحين الاخ كع نشكر لك السؤال عنا الشفاءوالدعوات للاخ عماد عيونو والسلام للجميع المشاركيين والمتاوقين التحيه كذلك للاخ ابراهيم محمد احمد ولمعلومية الجميع ابراهيم تزوج قبل حوالين الشهرين
| |
|
|
|
|
|
|
Re: الامتداد الحى المتفرد ... (Re: احمد جمعه)
|
سلام لكل الحلوين ....
مــــــــــــــــــ10000ـــــــبــروك المولود ياصديق حمدتو ربنا يجعلة من ابناء الوطن الصالحين ...
حمد على سلامة والدتة ....
شكرا يا شباب ....
ــــــــــــــــــــــــــــــــــــــــ
ربنا يرحم ويتقبل مراحيم مربع 3 وكل موتانا ....
لكن ياريس سداسيات العواجيز دى بتكون تحفة ....
نأسف لعدم مشاركة شباب سلام 4 والردستار انشاء الله المانع خير ياجومو ديل اكثر شباب جاهزين لياقيا ....
بحكم تحدى ميدان الردستار هههههههههه
| |
|
|
|
|
|
|
Re: الامتداد الحى المتفرد ... (Re: بابكر التوم)
|
يا شباب الدورة بتاعة ربيع 3 مولعة امبارح النجوم صقعت ربيع 3 ثلاثة لي اتنين
تخيلوا انتو المباريات فيها منو: تعريفة- عوض تتو- مصطفى سكو- زكريا - أسامة قسم السيد عاطف جعفر(صارقيل) - معتصم زومو- بابكر يوسف أولاد الجزار- عز الدين ابو درق- الباقر (النجوم) - منية أولاد فريجون - عاطف محجوب- اسحق - محمدو (سلام 11) صالح حميدو- سامي يعني ناس من الزمن الجميل
يلا يا شباب همتكم لانجاح الدورة
امبارح مباراة المعلمين وسلام حداشر كان المعلمين غالبين واحد صفر بس الكهرباء قطعت عشان كدة حا يعيدوها الليلة
همتكم يا شباب
| |
|
|
|
|
|
|
Re: الامتداد الحى المتفرد ... (Re: مجدي عبدالرحيم فضل)
|
الف رحمه ونور علي مراحيم الامتداد عامه ومراحيم ربيع 3 خاصه تعرف يا دكتور زي التحديات بتكون قمة في الابداع والذه ما فيها الناس القاطعه اصحاب الكروش الوارمه ... وديل كروتهم في لسانهم وبس يعني خرخرة للطيش - لكن بتكون متعه ما بعدها ..
طبعا كأس الدورة للشباب النجوم بنسبه 80 % و20 % لشباب سلام 11 في الحته دي - في تحيز كبير وواضح للمربع 8 - ثم 11 عن بقية مربعات الامتداد
كع
| |
|
|
|
|
|
|
Re: الامتداد الحى المتفرد ... (Re: عبدالله كع)
|
يا كع ياخي الدورة والله مولعة وانا بابكر يوسف (ربيع تلاتة) مع بالتليفون كل لحظة دايما بينقل لي التفاصيل تخيل مائتي شخص حضور المباراة الاولى والقصة شكلها جارة لي قدام
شغل نضيف ياخي
يا شباب نحن معاكم قلبا وقالبا بس ساعدونب بالصور وعدني الاخ بابكر انه الليلة يرسل الصور
| |
|
|
|
|
|
|
Re: الامتداد الحى المتفرد ... (Re: طارق جبريل)
|
دورة الوفاء
المعلمين صقعت ليكم سلام 11 2-1 اهداف المعلمين: فريجون واحمد عبد الغني هدف سلام حداشر: ابو درق برنامج بكرة: ربيع 3 ضد الزيوت الاصدقاء ضد الوحدة
يا شباب الجميل في الدورة دي انها لمت ناس فوق ال35 سنة واي فريق كان كل لعيبته فوق ال35 سنة بيستحق 3 نقاط غير نقاط المباراة القصد انه ناس الزمن الجميل يظهروا من تاني ويخلوا ذاكرة الامتداد تنتعش من جديد
اتمنى يشارك جميع الامتداداب في الدورة بالحضور وسوف نوافيكم بالجديد اول باول
| |
|
|
|
|
|
|
Re: الامتداد الحى المتفرد ... (Re: عادل عوض بلال)
|
تحياتي للأخوين العزيزين أحمد جمعة "جومو" ووليد عبد اللطيف وربنا يزقنا جميعا بالذرية الصالحة ويحفظهم لنا من كل شر
وألف رحمة ونور تنزل على كل من رحل من شباب وأهل الامتداد والتحية لأهل الوفاء الذين يخلدون ذكراهم العطرة وياريت لو كنا مشاركين معاهم (صحي نحن الـ 35 فارقناها بدري لكن زي ما قال كمال عبد الوهاب زمان "الكورة في الرأس")
ويا طارق بالله بلغ تحياتي وسلامي للصديق بابكر يوسف
| |
|
|
|
|
|
|
Re: الامتداد الحى المتفرد ... (Re: صديق حمدتو)
|
الوحدة تنسحب من الدورة النجوم الجزائر: تعادل ثلاثة ثلاثة الربيع يهزم الزيوت2-1 الاهداف نجوم: فراشة والمجنون اهداف الجزائر: ابوساعة وبكرى اهداف الربيع: كوبلى وتوكة الزيوت: الكير
| |
|
|
|
|
|
|
Re: الامتداد الحى المتفرد ... (Re: طارق جبريل)
|
ولفتة بارعة من شباب الامتداد وهم يكرمون اناس ارتحلو من دنيانا عن ما يقارب الـ 27 سنة
اللهم عوض شابهم بالجنة
،،،،،،،،،،،،،
الف مبروك المولود يا صديق ويتربى فى عزكم
طارق بتاع الكراكيب بالله لو لقيت ليك صفيحة قديمة جوة المخزن جيبا وتعال اقعد وراء القووون ودق وقوول الغلب الحار ما بندار وامشى على مزيرتكم واتشطف قبل ما تخش البيت
| |
|
|
|
|
|
|
Re: الامتداد الحى المتفرد ... (Re: عبد الدائم سيد أحمد)
|
يا ابو قصي البوست صررررررررررج ذمان البدرق بعمل لينا حركات في الكروة لكن كنا عارفين دواهووووووووووو
يا دكتور لعاااااااااااااابنا سال .. البفكنا من الغربه دي شنو؟؟ وزي ما قلته ليك الدروة دي للنجوم .. السلام الوصيف ..او العكس
متابعين هنا وهناك
| |
|
|
|
|
|
|
Re: الامتداد الحى المتفرد ... (Re: عبدالله كع)
|
الأخ طارق (مراسل دورة ربيع 3 )
وين باقي الأخبار يا دكتور؟!!! النجوم فازت بالبطولة وللا لسه !!!
الصديق العزيز عبد الدائم شكرا ليك على التهنئة وربنا يحفظ ليك زهراتك يا رب العالمين
| |
|
|
|
|
|
|
Re: الامتداد الحى المتفرد ... (Re: صديق حمدتو)
|
العزيز أبو رهف تحياتي
أستاذ لطفي كان بيدرسنا خارج المقرر زاااااطو
ماتقعدو في اللساتك والأركان التقول ملاحظ بلدية
بعدين مداخلتي أنا نسيته ولا شنو ياأبورهف المهم
حُذفت ورجع البوست لسابق وضعه .
دكتور ياأخي بقيت أسجل غياب ويبدو الدورة بها
خرخرة مع أنوووو كع في ملعب خنشليله بلف حول الميدان.
،،،،أبوقصي،،،،
| |
|
|
|
|
|
|
Re: الامتداد الحى المتفرد ... (Re: مجدي عبدالرحيم فضل)
|
احصائيات مداخلات ومشاركات البوست 1- من يوم 17 الى 18 (7) مداخلات احمد جمعة +بابكر التوم + 3 طارق حبريل + مجدي فضل +عبد الله كع 2- من يوم 18الى 19 (2) مداخلات عادل عوض بلال + صديق حمدتو 3- من يوم 19 الى 20 (2) مداخلات طارق جبريل+مجدي فضل 4- من يوم 20 الى 21 (0) نوم العافية وناس في إجازة وبيات شتوي 5- من يوم 21 الى 22 ( 3) مداخلات صديق حمدتو + طارق جبريل +عبد الدايم 6- من يوم 22الى 23 (0) الله كريم 7- من يوم 23 الى البوست مادي الكورة وبقول فيكم الخير والله ياناس الامتداد ماعرفناكم انتو ساكنين بالايجار ولاشنو قربتو تحصلوا ناس بري
(طارق جبريل تبيع )
------------------------- قلنا نشجعكم شوية عمر ارباب وينكم انت وعماد شمت وباقي العقد
| |
|
|
|
|
|
|
Re: الامتداد الحى المتفرد ... (Re: مزمل خيرى)
|
Quote: طارق عليك الله الامتداد دى كمان بلد عشان يعملوا ليها بوست قدر دا .؟ ياخى عذبتو بكرى عذاب |
يامزمل خيري ياخ المعذبين بكري ناس الشعبية عملوا ليهم منبر وبرضوا مشوا فتحوا ليهم بوست انا لو من محل بكري ابوبكر كنت فتحت عليهم بلاغ هم وناس الزقازيق
( كدى ساعدنا وكشكش لينا طارق جبريل يبيع البوست وعندك حق السمسرة )
------------ مزمل حبيبنا حيرتنا انت من بحري ولا اركويت ولا الامتداد ولا هكر
| |
|
|
|
|
|
|
Re: الامتداد الحى المتفرد ... (Re: وليد عبد اللطيف)
|
هكر .... هكر .. يا وليد ..
فعلا خيري ده ابو الهكر زاتوووووووووو محمد معانا ما تغشانا ( الله لا اله الا هو الحي القيوم لاتاخدة سنة ولا نوم )
اول مرة شوف مزمل عندنا .. وفي نفس الوقت اول مرة اتعرف علي هكر كمان عموما يا مرحب بيهو ..
| |
|
|
|
|
|
|
Re: الامتداد الحى المتفرد ... (Re: طارق جبريل)
|
Quote: يا وليد ومزمل كيف ياخي الزول يبيع روحه |
ود جبرين تسلم ياغالي للامتداد
لكن اقولك اليوم غايتو جلبت لينا جنس كوامر معمره من النوع البشتغل بالمنفله داك (صور تحفة ) تعال شوف جماعتك عبد الله كع وخالد مقه الواحد لو جاب سيرة الكورة ساكت نفسهم يقوم
يابوي ناس السودان ماشاء الله شباب محافظ
| |
|
|
|
|
|
|
Re: الامتداد الحى المتفرد ... (Re: وليد عبد اللطيف)
|
Quote: مزمل حبيبنا حيرتنا انت من بحري ولا اركويت ولا الامتداد ولا هكر |
ياوليد .. انااساساُ كنت ساكن فى البيت الكبير قبل اتزوج وبعد اتزوجت رحلت سكنت بحرى ،، بالمناسبة ادونى بيت عديييل ملح فى الامتداد .. ابيتوا
| |
|
|
|
|
|
|
Re: الامتداد الحى المتفرد ... (Re: عبدالله كع)
|
الرحمه والمغفرة للعم مصطفى عالم وهو الرعيل الاول الذين اسروا الساحة الرياضيه بالقلم العفيف والصادق الذى لايعرف الانحياز لاحد فرق القمه كما عرف عن اغلب الصحفيين نسال الله له المغفرة الرحمه والعذاء لاخوانه حسن ومحمد واخواته وابناء صاعد وصداح وصهيب وبقيه الاخوه والاخوات وانا لله وانا اليه راجعون
| |
|
|
|
|
|
|
Re: الامتداد الحى المتفرد ... (Re: طارق جبريل)
|
سلام لكل الاحبة بالمتفردة
مبروك ياصديق الوليد وانشاءالله يتربي في عزنا ويجعله من الباريين
ومن فقدناهم ربي اجعل لهم مسكنا في دارك الواسعة
والبس كل مريض توب من العافية ...امين يارب
يااخونا معليش انا زمني بقي كعب جدا وما قادر امسكي لي يوم كل الايام جارية بسرعة والواحد فتر من الجري
علي كل حال نديكم طلة
الاخ مجدي ابوقصي ارسلت لك رسالة بالماسنجر لكن يبدو هناك مشكلة وارسلت مرة اخري عن طريق الايميل واعتقد برضو في مشكلة عايزك ضروري جدا تقريبا بعد ثلاثه ساعات برجع ولو انه متاخر عليك المهم اديني اشارة انك قريت الكلام ده هنا
ولكم جميعا ورود من المحبة وخاصة النساء في كل العالم عيدهن وكل عام وانتن بخير ..
قفشة ....انت يابدر الصور دي بالراديو !!!ام بالاقمار الصناعية؟؟؟
| |
|
|
|
|
|
|
Re: الامتداد الحى المتفرد ... (Re: عماد شمت)
|
هي كويس الوصلتنا في عضمه ... يا شمت اه قدر الشوفناهو يا دكتور طارق .. اشكال الناس غيرت اساميهم !! واللا نحنا الاصابينا بالزاهيمر زي ما قال اخونا بابكر قدرة .. وحاتك يا دكتور في الصورة تعرف واحد وتكون شاكي هو واللا ما هووووو ام بقيه الصورة .. ولا بلحه !! فعليك الله يا دكتور كمل جميلك شوف لينا اسامي البشر الديل ويا شباب اي واحد زاكرته ميه ميه يقوم يختار الصورة الفيها الناس البعرفهم ويورينا ليهم
| |
|
|
|
|
|
|
Re: الامتداد الحى المتفرد ... (Re: عبدالله كع)
|
توفى الى رحمة الله العم ابراهيم خيرى احد رموز مربع واحد.
رحمة الله رحمة واسعة وادخله فسيح جناتة وانا لله وانا اليه راجعون التعزية موصولة لأبنائه عاطف, خيري وعادل.
الأخ خيرى ابن المرحوم زواجه كان الأسبوع الماضى. ارادة الله جعلت تعازينا تسبق تهانينا. ولأ حوله ولأ قوة الأ بالله .
| |
|
|
|
|
|
|
Re: الامتداد الحى المتفرد ... (Re: طارق جبريل)
|
توفيت إلي رحمه مولاها خالتنا نفيسه حامد في مربع 1 بامتداد الدرجة الثالثة والدة زميل البورد عبدالوهاب حجازي اللهم ابدلها دارا خيرا من دارها واهلا خيرا من اهلها وادخلها الجنة واعذها من عذاب القبر ومن عذاب النار . اللـهـم إن كان محسنة فزد من حسناتها , وإن كان مسيئة فتجاوز عن سيئاتها . اللـهـم ادخلها الجنة من غير مناقشة حساب ولا سابقة عذاب . اللـهـم اّنسها في وحدتها وفي وحشتها وفي غربتها. اللـهـم انزلها منزلاً مباركا وانت خير المنزلين . اللـهـم انزلها منازل الصديقين والشهداء والصالحين وحسن اولئك رفيقا . اللـهـم اجعل قبرها روضة من رياض الجنة ,ولا تجعلها حفرة من حفر النار . اللـهـم افسح لها في قبرها مد بصرها وافرش قبرها من فراش الجنة . اللـهـم اعذها من عذاب القبر ,وجاف ِالارض عن جنبيها . اللـهـم املأ قبرها بالرضا والنور والفسحة والسرور. اللهم انا نتوسل بك اليك ونقسم بك عليك ان ترحمها ولا تعذبها اللـهـم اجعل عن يمينها نوراً حتي تبعثها اّمنًة مطمئنة في نور من نورك .
تعازينا الحارة للأخوان عبد الوهاب حجازي وعبدالمنعم ومحمد وعبدالحميد واحمد حجازي وشقيقاتهم وإنا لله وإنا إليه راجعون
والدة زميل البور عبد الوهاب حجازي في ذمة الله
| |
|
|
|
|
|
|
Re: الامتداد الحى المتفرد ... (Re: طارق جبريل)
|
نتائج الدوره ليوم الامس تعادل الربيع واللواء سلبيا (الربيع طار ياعمك)... فوز النجوم علي الذيوت 2/0 تأهل النجوم واللواء من المجموعه الأولي.. .في المجوعه الثانيه بكره ح تحسم بمباراتين
| |
|
|
|
|
|
|
|