|
عمر احساس: صور حفل كالقري..
|
الأصدقاء.. الصديقات..
حبابكم جميعا..
وعدنا أن نفتح بوست عن زيارة الأستاذ الفنان عمر احساس لمدينة كالقري بغرب كندا ..و لظروف لم اتمكن من كتابة البوست..و سأكتبه منفصلا في وقت لاحق.. هنا بعض من صور حفل مدينة كالقري ..و الذي اقيم في السبت 19ديسمبر2009.. كاول نقطة في بداية مشواره في كندا.. التحية للإخوة و الأخوات في رابطة دارفور الكندية بمدينة كالقري..و على رأسهم دكتور ادم عبد الله (رئيس الرابطة بالمدينة) .. و دكتور جمال ادم..و الأخ زكريا سليمان..و الأخوات اميمة و مريم..و جميع عضوية الرابطة ..و التي كانت خلية نحل نشطة في انجاح الحفل.. التحية لجميع السودانيين و السودانيات..و الذين/اللائي تجاوزوا الطقس..و احتفوا بحضور الأستاذ عمر احساس..
تحية لكم جميعا..
كبر
|
|
|
|
|
|
|
|
Re: عمر احساس: صور حفل كالقري.. (Re: Yassir Tayfour)
|
Quote: شكرا يا كبر وكل عام وجيمعكم بخير.
يا اخي البوست ده طلعوا قبل الارشفه ضع اللينك بتاع لبكري في بوست الارشفه وبطلعه لك. |
تراجي..حبابك يا صديقة
كتر خيرك على المرور من هنا.. و شكرا للمؤازرة..و البوست مهم لجماهير كالقري.. لأنو اسر كتيرة تمكنت من رؤية ابنائها و بناتها.. و التحية لأخونا بكري ابوبكر..الذي جعل كل هذا ممكنا (كسير تلج شديد)..
ارجو يا تراجي قراءة الإعلان التحت.. لأنو شكلي ح اكون خارج الأرشفة لظروف فنية
و دمت كبر
| |
|
|
|
|
|
|
Re: عمر احساس: صور حفل كالقري.. (Re: Kabar)
|
Quote: الصديق كبّر سلامات، شكراً للتغطية الضافيَّة.. _____ عمر إحساس فنان كبير، نتمنى قضاء ليلة رأس سنة جميله في حضرته.. |
صديقي ياسر طيفور..حبابك كل سنة و انت طيب..و هبي نيو اٍير..
كتر خيرك على المرور من هنا.. و نتمنى للجميع قضاء ليلة ساهرة سعيدة و جميلة.. و نتمنى برضك نشوف صور حفل تورنتو..و بقية المدن..
كتر خيرك يا ياسر..
كبر
| |
|
|
|
|
|
|
Re: عمر احساس: صور حفل كالقري.. (Re: Kabar)
|
الاخ الصديق كبر حبابك بعد غيبة وكل سنة وانت طيب يابا شكرا مراح ولبينة صباح على التغطية الجميلة وان شاء الله دائما ملموين فى السمح تحياتى الصادقة للاخ الانسان عمر احساس صديق من الزمن الجميل آخر لقاء معه كان فى استوديهات النيل الازرق والسلالم لسه متعبه ياعمر يا خوى هههههههه تحياتى اخوى كبر ليك وعبرك للاخ عمر وبختكم بيه الزول المبدع وجميل اكيد حا تشبعوا طرب عبوا لينا معاكم شوية كل سنة والجميع بالف خير وشكرا اردب محنة
| |
|
|
|
|
|
|
Re: عمر احساس: صور حفل كالقري.. (Re: Kabar)
|
الهبيب كبر... كل سنه و انتم طيبون و الاماني الطيبه للجميع في غربكم الهبيب... بقي ان نقول لكم"و الله الغرابه لقيتوها لكن". حفلات ساكت...
ملحوظه... الغرابه في هذا السياق نسبة الي غرب كندا و ليس غرب السودان
| |
|
|
|
|
|
|
Re: عمر احساس: صور حفل كالقري.. (Re: Tragie Mustafa)
|
Realy fabuolous work ,well organized ,and awsome people . Every thing looking good in these pecuters ,I geuss it’s the most successful Concert ever in North America as performance and attendance . Thanks Darfur community in Calagary Thanks Ommar Ihsas Thanks Kabar
| |
|
|
|
|
|
|
Re: عمر احساس: صور حفل كالقري.. (Re: Kabar)
|
Quote: الاخ الصديق كبر حبابك بعد غيبة وكل سنة وانت طيب يابا شكرا مراح ولبينة صباح على التغطية الجميلة وان شاء الله دائما ملموين فى السمح تحياتى الصادقة للاخ الانسان عمر احساس صديق من الزمن الجميل آخر لقاء معه كان فى استوديهات النيل الازرق والسلالم لسه متعبه ياعمر يا خوى هههههههه تحياتى اخوى كبر ليك وعبرك للاخ عمر وبختكم بيه الزول المبدع وجميل اكيد حا تشبعوا طرب عبوا لينا معاكم شوية كل سنة والجميع بالف خير وشكرا اردب محنة |
صديقتي ســوما.. حبابك كل سنة و انتي طيبة..و هبي نيو اٍير كتر خيرك على المرور من هنا.. كتر خيرك على الكلمات الطيبات في حق اخونا عمر احساس..و هو رجل حينما تكون في معيته.. كأنك متسكعا في دروب الحنين..و حواري الحلة فوق رمال الدروب ..و تحت ضئ القمرة.. زول حكاي..مسكون بهزيم و ريتم النقاقير.. لمن تسخى ..و تحكي جمال الحياة..و و معنى الوجود.. كثيرون و كثيرات في المدينة (هنا في كالقري) يشغلهم السؤال بين المسافة و الحدود بين الفنان و الإنسان..اكاد أن اجزم أن عمر احساس.ز حينما تلتقية في عشرة ونسة.. هو في ذات نفسه ينسى أنه فنان و بهذا الحجم..و هذه هي الإنسانية الحقة و الأصالة القروية المحببة..
تحياتك تصل انشاء الله..و ربنا يجمعنا كلنا في زمنة المحنة من تاني.. كتر خيرك يا سوما..و ما تنقطعي..
كبر
| |
|
|
|
|
|
|
Re: عمر احساس: صور حفل كالقري.. (Re: Kabar)
|
Quote: بركة الشفناك طيب ميري كريسماس اند هابي نيو يير يو لووك هانسوم از يوشوال |
صديقتي بت أبا راوية..حبابك كل سنة و انتي طيبة..و هبي نيو اٍير
كتر خيرك على المرور من هنا..و على نقل البوست لخيط الأرشفة..ياخ الواحد قرب يقول يا ابومروة هووووووي..!
و كتر خيرك على الكرديت الماساهل.. الخوف الواحد يقوم يصدق..و تاني ياها الجكة.. هي بقايا بحار اضناه قلق السؤال و دوار الحيرة في سواحل الكون العتيقة.. ليك كل سلال الورد..و ما قالته العصافير من وشايات صغيرة لخيط القمر.. حينما تصفو الدنيا..و يبقى الكون نغم حنين هادئ.. ميري كريسماس.. هبي نيو اٍير..و و رشفة من حرقة الجلين لافيت*..في صحة المحنة..!
ما تنقطعي يا راوية.. كبر
* Glenlevet has to be, at least,12 year old أو كما قال..
| |
|
|
|
|
|
|
Re: عمر احساس: صور حفل كالقري.. (Re: Kabar)
|
Quote: الهبيب كبر... كل سنه و انتم طيبون و الاماني الطيبه للجميع في غربكم الهبيب... بقي ان نقول لكم"و الله الغرابه لقيتوها لكن". حفلات ساكت...
ملحوظه... الغرابه في هذا السياق نسبة الي غرب كندا و ليس غرب السودان |
صديقي محجوب عبد الله.. حبابك كل سنة و انت طيب ياخ..و هبي نيو اٍير.. و عبرك التحية لكل أهالينا في دار صباح..
عارف يا محجوب.. أيامي الأولي في كندا ، كنت اتحدث مع حبوبتي ام سماح أم عسكرية بت نصر السكران (رحمها الله رحمة واسعة)..و سألتني: دارك وين يا وليد؟.. قلت ليها دار غرب..قالت لي: فيها الخيل و البقر؟ قلت ليها : بالحيل..!!.. قالت لي: البقر خير و الخيل عز.. تب ما رحت يا ولدي.. الله يغطي عليك..! كن ما اخاف الكضب يا محجوب.. يتخيل لي مرات الجينات بتسوق الزول لدارو..
الشباب هنا مجتهدين..و زي فكرة ناس هاربر.. انو الغرابة متميزين..و عندهم حاجات خاصة للغاية..
اها مازاد من الفضل جاياييكم..و ما تنسوا نصيبكم.. ياخي في اغاني كده.. لمن ولد ابا عمر احساس يصدح بيها.. العالم كلها بتغطي الدمعة* بالرقصة و ابتسامة المكابرة المتواربة.. يعني من باب لا تحسبن رقصي بينكم طربا.. أو كما قال..
نشوفك تاني يا محجوب و ما تنقطع..
كبر
* بعض من حضور الحفل ، رجالا و نساء ، دمعت عيونهم بصدق ما بعده صدق..وطلبوا عدم انزال صور الدموع فيهم..و نحترم خصوصيتهم..و الله يقطع طاري الكمرة.. لأنها خوانة زي العين..و بتسرق المامفروض ينشاف..!!
| |
|
|
|
|
|
|
Re: عمر احساس: صور حفل كالقري.. (Re: Kabar)
|
Quote: ....ليبقى عاليا.... |
صديقتي تراجي..حبابك كل سنة و انتي طيبة..و هبي نيو اٍير.. كتر خيرك على الحضور هنا..و رفع البوست في خيط الأرشفة..
كل الأماني الطيبة..و نتمنى أيضا توثيق حفل رأس السنة..و هي ابسط ما يمكن عمله.. ناس وينبك..لا حس لا خبر..
وما تنقطعي يا تراجي..
كبر
| |
|
|
|
|
|
|
Re: عمر احساس: صور حفل كالقري.. (Re: Kabar)
|
Quote: Realy fabuolous work ,well organized ,and awsome people . Every thing looking good in these pecuters ,I geuss it’s the most successful Concert ever in North America as performance and attendance . Thanks Darfur community in Calagary Thanks Ommar Ihsas Thanks Kabar |
صديقي و ل ابا منعم خير الله.. حبابك كل سنة و انت طيب..و هبي نيو اٍير..
فابيولوس..!!.. ما عرفتك لكن * ..!!
كتر خيرك على المرور..و المرة الجاية ما تخلي السعية تمغرب بره.. عشان تستمتع في دنيتك دي..! و ما تنقطع يا منعم..
كبر
* اخونا منعم داقي جرس ليهو اسبوعين.. و قال ما عندو كيبورد بالعربي..!
| |
|
|
|
|
|
|
Re: عمر احساس: صور حفل كالقري.. (Re: Kabar)
|
عندنا ازمة بورداب.. ده واحد..و التاني كان شايل الكمرة..
بعد شوية الإ كن نفتح لينا مكتب لتهجير بورداب الى مدينة كالقري..
طبعا عندنا عضوية شوية لكن.. معظمها كان معسم بالبرد القارص..و لم يتمكن من المشاركة في الحفل..
كبر
| |
|
|
|
|
|
|
Re: عمر احساس: صور حفل كالقري.. (Re: Kabar)
|
الطقس بعد الحفل.. الصديقة شروق كبر
التحية لصديقنا و اخونا عمر احساس..و الذي احدث الفرق..و كان موسم الفرح و البهجة بسبب خطوته نحو دار كالقري..و عقبال نشوف فنانين و فنانات من السودان..! و التحية لناس كالقري..و هم دايما حضور متميز..
و كتر خير الأصدقاء و الصديقات هنا..و كل سنة و الجميع بخير و عافية..
دمتم..
كبر
| |
|
|
|
|
|
|
Re: عمر احساس: صور حفل كالقري.. (Re: الغالى شقيفات)
|
Quote: الشباب هنا مجتهدين..و زي فكرة ناس هاربر.. انو الغرابة متميزين..و عندهم حاجات خاصة للغاية.. |
الهبيب كبر... عام سعيد و اماني طيبات... و ها هي ليلة رأس السنه كانت لنا نحن الشرقيون ... ابداع في كامل تجلياته... و خصوصا الفاصل الاخير... شكرا لهذا المبدع ... سوف نعود ببعض الصور...
| |
|
|
|
|
|
|
Re: عمر احساس: صور حفل كالقري.. (Re: Mahjob Abdalla)
|
الأخ: محمد النور كبر .. تحياتي ..وأشواقي ...وكل سنة وأنت الأسرة طيبين .. ومبروك عليكم حفلة المبدع عمر إحساس ..
أخوك بشير جبريل ..
_________________________________________________ لو في فرقة ضروري جدا جدا .. أدخل علي في الخاص ..
| |
|
|
|
|
|
|
|