|
Re: أنا حاولت أنساكـ (Re: GamarBoBa)
|
يعنى هسي بالصوت السمح دا نقول للناس البى هناك ديك شنو?
ــــــــــ
غايتو شيل شيلتك هم عرفو انك بعتهم فى العيد وكدا..... ارجا الراجياك... .........
| |
|
|
|
|
|
|
Re: أنا حاولت أنساكـ (Re: سمندلاوى)
|
مليون سلام وتحية لهذا الصوت الشجى انت فنان يا خدر ربتا يديك العافية نتمنى نسمعك هنا فى السودان انشاء الله
ولا اقول ليك احنا ناس الزقازيق بندعوك يوم الاحد للاحتفال بالصفحة رقم 100
ممكن نشرفنا
| |
|
|
|
|
|
|
Re: أنا حاولت أنساكـ (Re: Hadeer Alzain)
|
اخخخخ غايتوا يا البرد العملتها فينا ياخ انا زاتي حاولت انساك, تجي تغني لينا كده؟ == لكن نقول يبقي عندنا امل حتما سيعود طارقا لابواب اوسلو يوما === احلي حاجه خليت زوق الاداره يرتفع في اختيار البوستات البتتعلق فوق
| |
|
|
|
|
|
|
Re: أنا حاولت أنساكـ (Re: محمد زكريا)
|
Quote: دا الكلام !! ما دام فيها تذكر خدر تب بيصلك ______
عاد يا طروق ختيتنا في موقف لا نحسد عليه البتة غناء وخراب ديار |
نخجي و فلس والله يا طروق انعام عملتها فيكـ
عثمان يا ابن عمي ابشر بالخير كلامك ذكرني المجذوب الله يرحمو
| |
|
|
|
|
|
|
Re: أنا حاولت أنساكـ (Re: Hadeer Alzain)
|
زينب التجاني شكرا ليكـ يا ستنا و شكرا لفريق الزقازيق جيت بي هناكـ و لقيتكم ماشاء الله ربنا يدم الود بيناتكم و تحتفلوا بالصفحة المليون
حيدرنا الاستاذ السر قدور فعلا عمل نقلة في فكرة برامج المنوعات في السودان .. فنان شامل و مؤثق من طراز فريد اتمني ان القيه و ربكـ يبعد العوارض و يقرب البعيد (اللي هو انا )
| |
|
|
|
|
|
|
Re: أنا حاولت أنساكـ (Re: خدر)
|
قمرنا انا بعملها بي total record و acoustica mp3 لكن برنامجكـ ده شكلو كويس رغم انو التسجيل عموما بضعف الكواليتي بتاع الفايل شكرا علي لنك الحفط و علي كل شي يا فنان
بكور يا سمندلاوي يا زول ابشر تب انا وعدت و انت عارف اخوكـ خليني ارجع من واشنطون و ترقبني بالكتير في نهاية يناير بكون معاكـ جهز (الحنينة) الشوق ليها و ليك مطر يا حبيب
| |
|
|
|
|
|
|
Re: أنا حاولت أنساكـ (Re: Yassir Tayfour)
|
مورتون ياخي ما تجهجهني معاكـ .. انا جاي جاي غالبا في فبرائر .. حفل اوسلو ساهل انا عاوز اجي و اعقد ليكـ طوالي نخلص منكـ و نديكـ لي شابة تمسككـ نلتقي قريبا يا صاحب
طيفور الوغد شكرا كتير يا حلو و متوقع الاقيكـ في حفل العيد في فرجينيا بالعدم الكرسماس في نيويوركـ و بالعدم راس السنة البيت الابيض .. المهم لازم نتلاقي يا وغد
| |
|
|
|
|
|
|
Re: أنا حاولت أنساكـ (Re: سمندلاوى)
|
Quote: عبدالرحمن والله اسه احكي الباقي للشباب وبالمناسبة السبت لو ما جيت شيل شيلتكـ ساي ياهو حسكـ المشيول هنا ده |
انا ماببادل بيك مهما تكون هازل
| |
|
|
|
|
|
|
Re: أنا حاولت أنساكـ (Re: عبد الرحمن حمد النيل)
|
اما تساؤل الجاغريو المنطقى الذى جسده خدر (طارق ابو عبيدة) متسائلا , ورينى كيف الحى يودع روحو ؟؟ فقد حولنى لمستمع مستلذ وانا فى المكتب رغم اننى فى حالة استماعى فى المكتب فان اول ما تبحث عنه اصابعى بحكم الموقع هو زر الأسكات المؤقت وهذه حالة مكانية خاصة سمعها معى واستغرب لجرأتى المكانية , زملاء العمل وجيران المكتب ولكن بعض اللذة قادر على اكسابك جرأة غير معتادة تحصنك من العيون المستغربة ابدعت يا طارق ابو عبيدة فى بعثك الجديد لهكذا اغنية وبالمناسبة فان صديقى وجارى العزيز فى الصحافة قاسم محمد صالح عندما كنا سوية اسابيع قليلة مضت هنا فى الرياض وعندما اسنبدت به الأشواق , وانتصفت ليالى الرياض الموحشة ولم يجيب احمد عوض عجوز على تلفوناتنا المتلاحقة لسماع اغنية ما لجأ اليك باحثا عن طرب مفقود (ساعتها) واسهب فى الحديث عنك رابطا اياك بالطرب مرة وناسبا الطرب اليك (مرات) حتى اننا اتهمناه وزجرناه ولكن حاولت انساك هنا يا خدر جعلت من قاسم عندنا فى وضعية الأنتصار المتأخر ساتصل به فورا واؤمن على كل كلامه الذى قال وأزيد عليه اتهاما جديدا معاكسا فى الأتجاه وزائدا فى القوة بأن مقاييسه الطربية تحتاج الى تعديل او قل الى وزنة اضافية يا خدر حبيناك من قلوبنا واخترناك يا حلو اميرا طربيا جديدا ساعة نحتاج ووقت ما نهوى وما دام عرفنا الدرب واطاتك اصبحت معانا
| |
|
|
|
|
|
|
Re: أنا حاولت أنساكـ (Re: منصور عبد الرازق)
|
والله يا منصور قدر ما اكتب ليكـ رد القاهو اقصر من كلامكـ اعلاه فياخي والله انا خجلان عديل من كرمكـ و عاجز عن شكرا قاسم اخوي ما بقصر عارفو , زول طريب و كريم .. بكرمكـ بي اغنية قبل ما تشرب البارد ربنا يدم الصحبة يا منصور و العِرفة و المعروف شكرا كتير
طروق قالوا البلقي دلع و مايتدلعش يبقي ... انا سعيد بي إحتفائهم بالاغنية والله شكرا ليك و ليهم يا فنان
| |
|
|
|
|
|
|
Re: أنا حاولت أنساكـ (Re: ابراهيم على ابراهيم المحامى)
|
يــانكهـــة الـزمـــن الــرحــل
علـــى سبـورة الايــام بتلقى سلام ,,,,,
وعلــى كــراســة الاحـــلام كتبـــة ســـلام ،،،،،
ومـــن جـــوة الــوريــد والــــــــروح سلاااام ......
يــاخــدر تــاورنــا الوجــع الجميل ..
| |
|
|
|
|
|
|
Re: أنا حاولت أنساكـ (Re: خدر)
|
فوووووووووووووووووق
عيدية يااخي انت ساحر
في الاغنية دي بالله رسلها
لي في الايميل ما قادر
انزلها ممكن ؟؟؟؟
........................حجر.
| |
|
|
|
|
|
|
Re: أنا حاولت أنساكـ (Re: ندى عثمان حسن)
|
الأصدقاء زوار البوست كل سنة و انتو طيبين و كل أيامكم أعياد و إعتذاري الشديد عن التاخر في الردود علي كلماتكم الجميلات بحقي و حق شيوخ الحقيبه العظام ، لهم الفضل فيما أتيتكم به من أنغام أسالكم الترحم عليهم والدعاء لهم بحق هذا العيد فلهم في عنقي و أعناقكم دين كبير ، جملو أيامنا و ساندونا ردحا من الوقت حين هجرتنا الحبيبات حملونا على على أجنحة كلماتهم و كم بكينا معهم
اللهم ارحمهم بحق عيدك الكريم
| |
|
|
|
|
|
|
Re: أنا حاولت أنساكـ (Re: خدر)
|
رغم غياب الصورة والتي أعتبرها مكملة تماماً لغناء كهذا تصعد بالروح إلى أوج الشجن
كم أنت جميل جميل وجميل
محبتي وكل عام وأنت وأسرتك بخير وسعادة
| |
|
|
|
|
|
|
Re: أنا حاولت أنساكـ (Re: GamarBoBa)
|
ياسلام عليك ياخدوري....
حاولت أنساك وقلبي زاد في جروحو ورّيني كيف الحي بودّع روحو وريني كيف أنساك أنا إحترت في أمري سجّلت ليك حبّي ووهبتو ليك عمري أقضي الليالي أنوح أسامر الأنجم واسجع مع القمري شغلت أفكاري يا حالي أحلامي في مسرحك يا ليل مثّلت أفلامي جود يا سمير الروح بي نظرة لا تظلمني خفّف لآلامي يا ساحر النظرات عطفك على الولهان حطّمت آمالي دون ذنب يا دا الآن أنا برضي بيك ولهان والحب يزيد تشديد وفراقي ليك كيف هان ما بتدري بي عذري أنا عمري ليك باذل ما بخشى فيك رقيب ما بهمّني العازل أقسم بوجناتك أنا ما ببادل بيك مهما تكون هازل
| |
|
|
|
|
|
|
|