|
Re: علشان نكون عملِيين ... هل شكلاً ومَوضوعًا في الإمكان رفع قضِية ضِد المذيع عمرو أديب؟ (Re: عزام حسن فرح)
|
علشان نكون عملِيين ... هل شكلاً ومَوضوعًا في الإمكان رفع قضِية ضِد المذيع عمرو أديب؟ ------------------------------------------
***- ممكن قانونيآ، ***- وياريت لو يقوم احد الأخوة السودانيين بالقاهرة برفع قضية اشانة السمعة والكذب الضار. ***- ولكن تكمن المشكلة، ان السوداني الذي سيتجرأ ويرفع القضية سيواجـه مصائب ومحن وبلاوي لاحد لها من قبل المصريين الكبار في السلطة، خصوصآ اذا ماعرفنا ان المذيع عمرو اديب مدعوم ومسنود ومحمي من قبل النظام المصري!!!، ومابعيد السوداني ده يلقي نفسه مرمي خارج الحـدود المصرية، زيه وزي ال 250 أسرة سودانية اتطردت من حـلايب!!!
| |
|
|
|
|
|
|
Re: علشان نكون عملِيين ... هل شكلاً ومَوضوعًا في الإمكان رفع قضِية ضِد المذيع عمرو أديب؟ (Re: اساسي)
|
المَوضوع ما " شخصي " ما مقصود بيهو " عمرو أديب " في ذات نفسو ... عاوزين نكون مِتِل بقِية البشر المُتحضِرين ... نستغِل تجمُعِنا ... نستغِل القانون ... المحاكِم ... نستغِل إمكانِياتِنا المادِية لِمُواجهة تكاليف التقاضي - (10) دولار مثلاً × 000ر5 سوداني عضو في سودانيز أو مِن خارِج هذا المنبر - لازِم العالم يِعرِف إنو السودانِيين عِندهُم " لوبي " ... شوفو " إسرائيل " لو أي واحِد مهما كانت مكانتو قال في حقها " بِغِم " شوفو البيحصل ليهو شنو ... اللوبي الصهيوني بِعتمِد فقط علي القُوة المادِية ... نحنا حنعتمِد على قُوتِنا كمجموعة تهِب في وجه المُعتدي كما الصقر الجارِح ... كُل إهانة (10) دولار مثلاً ... بعد شوية حيكون السوداني ذو قيمة ... المِصرِيين يفتقِدون إلى ما نتمتع بِهِ ... يفتقِدون إلى الروابِط ... الحميمِية ... النجدة ... النخَوة ... وهذهِ الصِفات بِنا أو ندعي أنها بِنا ... لن نعرِف حتى نُجرِب ... وها أناذا أدعوكُم لِنُجرِب ما كُنا ندعيهِ طُوال عُمرِنا ... لِنهِب لإسْترداد كرامتِنا ...
أرجو التبشير بِهذا الصندوق " رد الكرامة "
توكيل مُحامي مِصري لِرفع ثضِية ضِد عمرو أديب ... أمر هَيِن وسهل ... لا يجوز يا " أساسي " أن نجعل الأمر كما قُلت ... لابُد مِن تأديب الناس بِالطُرُق المُتاحة ... والطُرُق المُتاحة ، صدِقني أشد مِن واحِد كف ... مِثل هذِهِ القضايا تعدِم الزول الجِداده وحاتك ... بس إنتو أدعمو الفِكرة ... ستكبر غدًا ... أو بعد غد ... المُهِم ... سيكون لنا كمجموعة شرف البِداية ... صندوق لِرد الكرامة ...
ــــــــــــــــــــ المُشارِكين مِن خارِج المِنبر : [email protected] وصفحتي في الـfacebook - مجموعة " رد الكرامة "
| |
|
|
|
|
|
|
|