|
|
 الجمهور الجزائرى..يتحرش بالمواطنيين السودانيين علناً
|
بدأت ممارسات الجهور الجزائرى تسبب الضيق وسط قطاعات واسعة من الشعب السودانى فى الخرطوم حيث بدؤا بممارسة الأعتداء على المصريين ثم فى غمرة سعارهم ذاك بدؤا التحرش علناً باالمارة والسيارات وهشموا عدد من السيارات التى كانت ترفع الأعلام المصرية فى شارع المطار وفى الرياض.......
دقسوا
|
|
 
|
|
|
|
|
|
|
|
Re: الجمهور الجزائرى..يتحرش بالمواطنيين السودانيين علناً (Re: حاتم الياس)
|
ديل الامارزيق اشجع رجال دوخوا فرنسا في قوتها قايلنهم
كمان بهظروا يا حاتم الياس(هههههههه)
احي كان كنت هناك كان ربط لي علم مصري في عربية
عمر البشير وخليت الاشاوس الجزائرين سوهوا كفته(ههههه)
تخريمه:
حاتم كيفنك وكيف المدام و الكتكوته
تحياتي لهم.وبعدين الجزائرين ديل
باين سوى العجب النكتوك من بياتك الشتوي ونطقته.
| |
|
|
|
|
|
|
|
|
|
Re: الجمهور الجزائرى..يتحرش بالمواطنيين السودانيين علناً (Re: Hassan Makkawi)
|
الاخ حاتم
التحيه
| Quote: بدأت ممارسات الجهور الجزائرى تسبب الضيق وسط قطاعات واسعة من الشعب السودانى فى الخرطوم حيث بدؤا بممارسة الأعتداء على المصريين ثم فى غمرة سعارهم ذاك بدؤا التحرش علناً باالمارة والسيارات وهشموا عدد من السيارات التى كانت ترفع الأعلام المصرية فى شارع المطار وفى الرياض....... |
اها.... رايك في اليقتلوا تلاته عساكر ويعتقلوا واحد من قادة منطقة حلايب ويعذبوه لمن يموت ويحتلوا المنطقه بكاملها ويتبعوها لبلدهم ويرفعوا فيها علمهم
انت قدرت تشوف بتعات الجزائرين ( ما معروفه صاح ولا كذب() وما قدرت تشوف الناس البنتهكوا في عرضك ويقتلوا في المواطنيين
مالكم كيف تحكمون...!
| |
|
|
|
|
|
|
|
|
|
Re: الجمهور الجزائرى..يتحرش بالمواطنيين السودانيين علناً (Re: Asskouri)
|
تراجى عدوة الأمة العربية..يمين مشتاقين لمن قلقنا على أختفائك الطويل..تابعتك فى اليوتيوب مرتبه وكلام قوى جداً وأتحمست لترشيحك لرئاسة الجمهورية حتى أننى كدت أن أقترح بوست بهذا المسمى (الكلام ده جد) لولا خوفى من تجى تشتريها لينا من يشتر.. جلابة وماجلابة وتبقى صوت هامش بس وضيعينا نحن أولاد المركز ديل...داليا تمام وأمها بخير ويغروك السلام
| |
|
|
|
|
|
|
|
|
|
Re: الجمهور الجزائرى..يتحرش بالمواطنيين السودانيين علناً (Re: Abureesh)
|
عارف اللذيذه يا حاتم
قبل شويه كنافي مطعم في شارع اوماك وبنتناقش في المباراه
مين يشجع مين وليه ؟ واغلب الناس متفقين علي تشجيع الجزائر
وفي تلك الاثناء . اتت عربه مسرعه تحمل مشجعين جزائرين وتحمل الاعلام الجزائريه
صاح احد الجزائرين من تلك العربه .. يا سودانيين يا مغلوبين يا ....
والباقي ما سمعناهو ... الكل اندهش من هتافه واستغرب
اكثر المتحمسين للجزائر منا .. رد عليهو : حالتنا مشجعنكم يا معفنين ؟
وطبعا باقي الشباب كانوا عايزين يتهوروا ويحصلوا العربيه
غايتو محن
| |
|
|
|
|
|
|
|
|
 Re: الجمهور الجزائرى..يتحرش بالمواطنيين السودانيين علناً (Re: Faisal Elrasheed)
|
Quote: إلى الجزائريين والمصريين إني لكم ناصح أمين
فاقرؤا مقالي هذا وافهموه جيدا
اهلي في السودان بطبعهم طيبون ومسالمون
يحترمون الضيوف ويكرمون الزائرين
استقبلوكم في المطار بالورود والازهار
منهم من يشجع المنتخب المصري ومنهم من يقف مع الجزائر
ولكل واحد منهم حرية الإختيار ، فرفعوا الأعلام فوق بيوتهم وسياراتهم
ونسبة ً لحساسية المباراة قد أتفهم وقوع مناوشات كلامية بين مصريين وجزائريين في السودان
ولكن أن يمتد الامر ليمس بالسودانيين فذلك امرٌ مرفوض
وقد شاهدت بعيني تعرض بعض الجزائرين وبعض المصريين أيضا
لسودانيين يشجعون المنتخب الآخر
لا علاقة لجزائري بسوداني يرفع علم مصر
ولا شأن لمصري بسوداني يقف مع الجزائر
فالسودانييون حتى الآن منقسمون في التشجيع بين المنتخبين
لكن المساس بهم من قبل الجزائريين أو المصريين
سيقضى على الاخضر واليابس
على الاخضر والأحمر
فأنا اعرف اهلي جيدا
يصبحون خطرين جداً إذا تم استفزازهم
وإذا تعرضوا للضرر لن يرحموا أحداً لا مصريين ولا جزائرين
وقد اعذر من انذر
ورحم الله من فهم مقالتي ووعاها وأداها كما فهمها |
كلمات الزميل موسى المريخابي نقلا عن منتدى محبي المريخ
على خلفيه وقوع تجاوزات من بعض المنفلتين تجاه عربات سودانيه
تحمل شعار هذا الفريق او ذاك.
| |
|
|
|
|
|
|
|
|
|
Re: الجمهور الجزائرى..يتحرش بالمواطنيين السودانيين علناً (Re: Abd Alla Elhabib)
|
حاتم
يا ريتني لو كنت مدير الشرطة ليوم 18 -11 بس.... كنت
1- صرفت لكل شرطي دفتر مخالفات ... أي مصري ...جزائري يشيل حجر ...200 دولار غرامة فورية....ينبذ زول 100 دولار.... يفلق... 500 دولار..
2- أصدرت أوامر للاحتياطي المركزي في حالة حدوث شغب باستاد المريخ ... أغلاق كل الأبواب ... ردم الملعب و الأستاد بالبمبان ثم إقتحام الأستاد....
كل ذلك حفظا للامن...و الحاجات دي الشرطة بتاعتنا متدربه عليها....
| |
|
|
|
|
|
|
|
|
|
Re: الجمهور الجزائرى..يتحرش بالمواطنيين السودانيين علناً (Re: Mohamad Shamseldin)
|
يافيصل الرشيد..قلت لى يتحرش بالعملاء والأغبياء..كتر خيرك ذكرتنى دكتوره منى فى برنامج فرسان فى الميدان بس كان كلامه لطيف وظريف مازى درابك ده البشبه مبادى المصران العصبى..على العموم عليك الله ماتتحرش لينا بالبوست ده خلينا فى غبائنا وعمالتنا..ولتنعم بذكائك الألمعى ووطنيتك اُم جناحين دى..ياشاب ياألمعي يابتاع...الصواب ..أند صو أب
| |
|
|
|
|
|
|
|
|
 Re: الجمهور الجزائرى..يتحرش بالمواطنيين السودانيين علناً (Re: حاتم الياس)
|
..
.
والله يا حاتم موقفين شهدتهم مساء امس
الاول باركويت امام احد المقاهى المصرية
عربه هايس ( مستفه) جوه وبره بهؤلاء الغجر الامازيق
يحملون الاعلام الجزائرية ويهمهمون بكلمات
لا هى عربية ولا هى صحراوية
توقفوا عن قصد امام المقهى المصرية وبدوا فى ( الرطانه )
طبعا المصريين اتحنفشوا وطلعو ..
طوالى جماعتك نزولو من الهايس .. وقبل التحرش ظهر اربعة
سودانيين ( عتاوله ) من الجماعة اياهم ..
بس بجملة واحدة انتو جايين تتحرشوا ولا تعلنوها حرب
والله ما تتحركوا من هنا تدخلو الحراسة ليوم الاحد ..
حتى جماعتك دوروا
الموقف الثانى فى شارع المشتل
جزائريين ركز معاى ( 2) .. دخلو دودى
طلبوا من الكاشير المصرى سندوتشات وفجاة بداء التحرش
لدرجة اصطدم احدهم بويتر حبشية قامت نبذتو ..
والله اعتقد افتكرها سودانية رفع يدو واداها كف .. اتخيل
الغريب جوا 4 حبش .. يدافعوا عن بتهم
والا الاربعة طاروا فى الهواء زى الريش دق شديد
الاغرب هو بعد ما خروج من المطعم
جاء سودانى ومعاهو شرطى لاحقينهم والشرطى نفسو
لقى نفسو فى الواطه ..
وركبو عربيتهم شتتوا ..
________
غايتو شعب متوحش وقليل ادب قبال ما يتغليب
زى الغجر ديل ما شفته وربنا يستر بس ..
| |
|
|
|
|
|
|
|
|
 Re: الجمهور الجزائرى..يتحرش بالمواطنيين السودانيين علناً (Re: حاتم الياس)
|
الشاهد إنو الجزائريين جايين و ناويين مشاكل،،
و بشهود عيان بيتحاوموا بالعربات الهايس و الامجاد فى الرياض و العمارات،
و أى محل مصريين بيبتدوا يستفزوهم هم و المعاهم،
و المشكلة فاكرين نفسهم ممكن يقلوا أدبهم على السودانيين،،،،
بالمناسبة هم فعلا أبتدوا يتسلحوا بالاسلحة البيضاء،،،
ياربى يكونوا دايرين الجنة فى الشهر الحرام دة؟؟؟؟
| |
|
|
|
|
|
|
|
|
|
Re: الجمهور الجزائرى..يتحرش بالمواطنيين السودانيين علناً (Re: مازن فيصل هلال)
|
شعب الصومال و شعب الجزائر أحبهم
أرفض الغوغائية ....
لكن بيعجبوني الما بيرضو الحقارة.... نحنا زمان كنا كده
إعتدي أسود علي صومالي في شيكاغو....
عاد الصومالي و معه مجموعة هاجمت كل المنطقة و لقنوهم درسا ....
لا أظن أن بعد ما يحدث في الخرطوم من المشجعين الجزائريين مع المصريين... لن يعتدي المصريين علي المنتخب الجزائري بعد اليوم ... التوبة لحبوبة
أها يا ناس السودان عاوزين عاوزين تفضو الاشتباك جيبو 1000 صومالي
| |
|
|
|
|
|
|
|
|
|
Re: الجمهور الجزائرى..يتحرش بالمواطنيين السودانيين علناً (Re: Hala Hassan)
|
قمة العنصرية ...
معليش بس غلبنى افهم،،
العنصرية فى شنو بالظبط؟؟؟
ممكن توضح؟؟؟
بيتهيألي يعني والله أعلم يا هالة باأوختي..
انه يقصد عنصرية بس زاد عليها من باب الشرح يعني كلمة "قمة"..
طيب يقصد عنصرية ليه؟؟
ماعارفة..
كده حاولي اسأليه تاني!
..............
..............
ضد ثقافة العنف..
ماممكن نشتكي من الانظمة ليل ونهار واحنا أخلاقنا زيهم!
سلام يا حاتم..
(عدل بواسطة Muna Khugali on 11-19-2009, 11:20 AM)
| |
|
|
|
|
|
|
| |
حاتم الياس
Tragie Mustafa
على محمد على بشير
Hassan Makkawi
Asskouri
Hani Arabi Mohamed
MOHAMMED ELSHEIKH
د.يوسف محمد طاهر
ميسرة سيد أحمد
Abureesh
نوفل عبد الرحيم حسن
hanouf56
Faisal Elrasheed
شهاب الفاتح عثمان
مطر قادم
Abd Alla Elhabib
Mohamad Shamseldin
عيسي ابراهيم
صالح عبده
doma
وليد عبد اللطيف
jini
Bashasha
Muna Khugali
فيس بوك
تويتر
انستقرام
يوتيوب
بنتيريست