|
Re: ساشجع منتخب مصر وليس مصر .. فمنتخب مصر يستحق ان يشجع (Re: Alfarwq)
|
عارف يا وليد المبارك أول مرة نتفق يامان طبعا اخوك ميت موت الضان مع منتخب مصر,,والكورة ياوليد ما بتستحمل نسقط فيها المواقف السياسية,,اى الحكومة المصرية سجمانة ورمدانة شدي,,,لكن برضو ابوتريكة لعاب ههههههههه الكورة والتشجيع يتخيل لى عندها منطق تانى,,يعنى ممكن تلقى ليك شيوعى مريخابى رغم إنو جمال الوالى رئيس المريخ كوز...المهم يامان اخوك بحاول يجازف ليهو قريشات من هسى عشان يوم الاربعاء ده من الصباح فى الاستاد,,,اصلو نحن اولاد بمبى ديل بنحب منتخبهم حب شديد(تقول دافنين لينا عمل) المهم...
| |
|
|
|
|
|
|
Re: ساشجع منتخب مصر وليس مصر .. فمنتخب مصر يستحق ان يشجع (Re: خالد خليل محمد بحر)
|
Quote: وليد محمد المبارك كتب:
لانه فيه عناصر من الرجال الواثقين لان فيه عناصر من اللاعبين المميزن لانهم اجتهدو ولكل مجتهد نصيب |
ولأن مصر ستمثّل إفريقيا ومن مصلحة إفريقيا أن يمثلها القوي صاحب المستوى الرفيع ...
لذا سأشجع مصر وأتمنى تأهلها ... كما تمنيت تأهل نيجيريا على حساب تونس ...
والمصلحة العامة تقتضي ذلك ...
ولك كل الود والتقدير أخي وليد ،،،
| |
|
|
|
|
|
|
Re: ساشجع منتخب مصر وليس مصر .. فمنتخب مصر يستحق ان يشجع (Re: HAIDER ALZAIN)
|
طبعا ياوليد شيكابالا ..ده احرف مصرى خلقو الله لكن للاسف الشديد ما إختارو للمنتخب,,,هسى انا لو فى ادارة الهلال على الطلاق كنت دفعت دم قلبى عشان شيكابالا يجى الهلال,,,كورتو بتشبه كورة الهلال وخانتو فاضية فى الهلال...الود حريف وشفت وبتاع معافرة على الطلاق يقلبك فى (فنجال)..المهم عشان ابوتريكة وشيكابالا ده انا بشجع مصر,,وبرضو عشان المنتخب المصرى منتخب ما ساهل وبستحق التشجيع,,,
| |
|
|
|
|
|
|
Re: ساشجع منتخب مصر وليس مصر .. فمنتخب مصر يستحق ان يشجع (Re: خالد خليل محمد بحر)
|
Quote: عارف يا وليد المبارك أول مرة نتفق يامان |
تصدق يا خالد نقاط اتفاقنا اكتر من نقاط خلافنا
بس انت براك شايلاك الهاشمية وما قادر تميز صديقك من عدوك
عموما اعتز بمعرفتك جدا
وده براه وداك براه ________________
انا زاتي عاوز ادخل الكورة دي وبلقط فيها برضو لو بقيت عليها برسل ليك في الخاص ندخلها سوا نشيل معانا لاب توب وكاميرا دقتل
ونرفع للجماعة المساكين ديل التفاصيل
| |
|
|
|
|
|
|
Re: ساشجع منتخب مصر وليس مصر .. فمنتخب مصر يستحق ان يشجع (Re: وليد محمد المبارك)
|
ود المبارك ..انت عارف السوانيين ديل مرضانين سياسية اى حاجة دايرين يدخلوها فى جلباب الايديلوجية,,,كدى خلينا فى موضوع مصر ده وطبعا انت عارف ان معظم السودانيين حيشجعوا الجزائر(إلا انا وانت) وتجى تسأل الواحد لشنو حيشجع الجزائر يقول ليك المصريين شجعوا تشاد ضد السودان,,مع انو ما ممكن يكون التمنين مليون مصرى إتفقوا فى اليوم داك ضد تشجيع السودان,,,بس الغرض مرض ,,والكارهك بصر ليك وشو فى الظلام,,,وهسى انا برضو ممكن من موقف ايديلوجى ممكن اطلع مية سبب يخلينى اشجع مصر,,هسى عليك دينك ياولى فى زول ممكن يقيف ضد بلد نصر حامد ابوزيد ونوال السعداوى وسيد القمنى(علمنة علمنة ساااااااكت) وعمك احمد فؤاد نجم ونجيب محفوظ وعمك عبد المعطى حجازى (ثقافة ثقافة ساااااااااكت),,, ودكتور زويل(علم علم ساااااااااكت),,,,واموت انا فى منى شلبى هههههههههههههه,,,وماتنسى عادل امام واحمد حلمى,,,ياخ لو الموضوع ايديلوجيا المصريين ديل ساهموا فى تشكيلنا معرفيا وثقافيا وفكريا,,,,
Quote: عموما اعتز بمعرفتك جدا
وده براه وداك براه
|
يامان انا برضوا بعتز بمعرفتك,,,وكدى خلينا ننظم إختلافاتنا بصورة جميلة ومهذبة,,,,وكان خليت ترشيح البشير بصاحبك للدين هههههه
| |
|
|
|
|
|
|
Re: ساشجع منتخب مصر وليس مصر .. فمنتخب مصر يستحق ان يشجع (Re: خالد خليل محمد بحر)
|
Quote: ممكن يقيف ضد بلد نصر حامد ابوزيد ونوال السعداوى وسيد القمنى(علمنة علمنة ساااااااكت) وعمك احمد فؤاد نجم ونجيب محفوظ وعمك عبد المعطى حجازى (ثقافة ثقافة ساااااااااكت),,, ودكتور زويل(علم علم ساااااااااكت),,,,واموت انا فى منى شلبى هههههههههههههه,,,وماتنسى عادل امام واحمد حلمى,,,ياخ لو الموضوع ايديلوجيا المصريين ديل ساهموا فى تشكيلنا معرفيا وثقافيا وفكريا,,,, |
اها يا بحــر انا في الحتة دي ممكن أقول ليك بتعاني من إلتواث ثقافي حاااد ..
مش كدة وبس .. ومن ردة في مخيخك خاليك غيــر متزن ..
يا رجل كدى ارجع البصر كرتين فيما كتبت ..
جاك عرق سوس يقفل مسام تفكيرك يآآآخ ..
نلقاها منك في الصباح دا ولا من هيئة علماء السودان
| |
|
|
|
|
|
|
Re: ساشجع منتخب مصر وليس مصر .. فمنتخب مصر يستحق ان يشجع (Re: HAIDER ALZAIN)
|
Quote: ى,,,ياخ لو الموضوع ايديلوجيا المصريين ديل ساهموا فى تشكيلنا معرفيا وثقافيا وفكريا,,,, |
يابحر مالك بقيت نهر موسمي انت دائما متميز بمناقشة الظاهرة وليس نتائجها تجي تقول شكلوا وعينا؟ وتقرطس بلاوي البلد في شخص حامد ابوزيد المطرود من مصر بدعاوي الحسبة وبت ابوالفتوح المشنع بها والقمنئ المهدد بحل دمه!!!! اتكلم كوره زي وليد الشفت ، لانك كده كده طايلاك الادلجة والتسيس زي جماعة الجزائر, وانشاءالله تنغلبوا عشان تشكيلك دا يبقي 4-2-4 مشاهدة ممتعة ياشباب ولكم الود
| |
|
|
|
|
|
|
Re: ساشجع منتخب مصر وليس مصر .. فمنتخب مصر يستحق ان يشجع (Re: Kamel mohamad)
|
الذين يعشقون ليفربول من المسلمين يهللون حين دخول المنقذ (بن عيون) الأسرائيلي إلى أرض الملعب ،،
دي كرة قدم،،
ليست سياسة ، هذا فن راقي يتخطى كل الحدود والحواجز الذي يختلقها السياسيون،،
مثلما يسعد الكتلان بسيدو كيتا ويحيى توري ، ويحتفي شعب الأندلس بالحاج عمر كانوتيه، نحن يطربنا الأداء العالي لفرقة المعلم حسن شحاتة وإبداع عصام الحضري وعبقرية أحمد حسن إن كان في يومه،،
=
فرض الإتحاد الدولي على قناة الجزيرة عرض كل مباريات التشامبيونز الأوربي بما فيها مباريات مكابي حيفا كشرط أساسي لفوزها بحقوق بث مباريات العرس الأوربي ، فما كان منها إلا أن وافقت وهي الآن تبث ولأول مرة في تاريخ النقل التلفزيوني العربي مباريات فريق إسرائيلي ، وكل ذلك : بعيداً عن السياسة،،
=
فرصة ياولي نبارك ليك خطوبة الفرد ، ودعواتك للباقين : في الحقيقة لم يتبق إلا عبد الله داش فأكثروا له من الدعاء إنه يساءل على وحدته الآن ،،، هههههههه ،، مع صديقي الشاعر عبد الله داش في محرابه ووحدته ،،
| |
|
|
|
|
|
|
Re: ساشجع منتخب مصر وليس مصر .. فمنتخب مصر يستحق ان يشجع (Re: وليد محمد المبارك)
|
وليد مصر منتصرة باذن الله غايتو حالتنا تحنن واحد بيقول علينا خونة وواحد كائنات وواحد بيقول مغفلين.
بالمناسبة امس نائب تحرير احدى الصحف السودانية اكد لقناة النيل انه كان بيحضر في كورة السودان وتشاد ولم يكن بها اي وجود لمصريين بل انه احد المارة ساله هو في ايه؟ اما قضية حلايب فبالله يوم واحد ما سمعنا زول بيتكلم عن حلفا. ارحمونا يا ناس وخلونا نستمتع وان شاء الله اليوم الكائنات والمغفلين والخونة حيحتفلوا مع المصريين في الخرطوم بالفوز.
| |
|
|
|
|
|
|
|