تتحدث مصادرنا من الخرطوم عن احاديث تبدو شبه مؤكدة حول اختفاء السفاح (البشير) في ظروف غامضة وهي اقاويل متضاربة حول اختفائه بعد عودته من القاهرة واعتقاله واقاويل اخرى حول عدم عودته الى الخرطوم من القاهرة حتى هذه اللحظات وتذكر ذات المصادر ان الاوضاع في الاجهزة الامنية متوترة جدا حيث كادت ان تندلع معركة بالسلاح الناري عشية اليوم بين عناصر امنية من المتنفذين في اجهزة الامن التابعين للمجرم نافع على نافع مع مجموعة تابعة للمجرم على عصمان وهي اجواء تنبيء عن تعقيدات وامور سيئة نتاج هذه الحالة من البلبلة والخلخلة في وسط العصبة الحاكمة التي ما عادت تثق في بعضها بعد الاستقطابات والانقسامات الحادة بين افرادها وهو امر طبيعي ان يحدث بين ملة لا يجمع بينها الا الاجرام والفساد وغياب القيم والاخلاق!( الله اكضب الشينة)!
11-09-2009, 11:20 PM
عمار عبدالله عبدالرحمن
عمار عبدالله عبدالرحمن
تاريخ التسجيل: 02-26-2005
مجموع المشاركات: 9162
Quote: تتحدث مصادرنا من الخرطوم عن احاديث تبدو شبه مؤكدة حول اختفاء السفاح (البشير) في ظروف غامضة وهي اقاويل متضاربة حول اختفائه بعد عودته من القاهرة واعتقاله واقاويل اخرى حول عدم عودته الى الخرطوم من القاهرة حتى هذه اللحظات وتذكر ذات المصادر ان الاوضاع في الاجهزة الامنية متوترة جدا حيث كادت ان تندلع معركة بالسلاح الناري عشية اليوم بين عناصر امنية من المتنفذين في اجهزة الامن التابعين للمجرم نافع على نافع مع مجموعة تابعة للمجرم على عصمان وهي اجواء تنبيء عن تعقيدات وامور سيئة نتاج هذه الحالة من البلبلة والخلخلة في وسط العصبة الحاكمة التي ما عادت تثق في بعضها بعد الاستقطابات والانقسامات الحادة بين افرادها وهو امر طبيعي ان يحدث بين ملة لا يجمع بينها الا الاجرام والفساد وغياب القيم والاخلاق!( الله اكضب الشينة)!
11-09-2009, 11:27 PM
Kostawi
Kostawi
تاريخ التسجيل: 02-04-2002
مجموع المشاركات: 39980
اتوقع اِنو حكاية الانتخابات دي حتعمل جوطة شديده خلآص زي ايران وربما أسواء, و ناس جماعة الكيزان و المنافقين ديل ما متعوديين علي الاجواء (الدم... قيراطية) دي.
11-10-2009, 00:43 AM
رغيم عثمان رغيم الحسن
رغيم عثمان رغيم الحسن
تاريخ التسجيل: 04-22-2009
مجموع المشاركات: 1727
انباء طازجة ومتضاربة تتحدث عن اعتقال او اغتيال نافع على نافع وظهور مفاجيء للجنراع المخلوع صلاح غوش في صالة كبار الزوار بمطار الخرطوم بثيابه المدنية وبرفقته مجموعة من ضباط جهاز الامن في ساعات متاخرة من هذه الليلة ويقال انه متوتر جدا مسرع الخطي الى خارج الصالة... بينما هنالك شائعات اخرى تتحدث عن اعتقال وربما اغتيال عبد الرحيم محمد حسين وبكري حسن صالح.... اللهم اجعل كيدهم في نحرهم
وسنوافيكم بمزيد من التفاصيل حالما تصلنا اخبار من الوطن ويبدو ان الامور في حالة من التوتر الكبير بين افراد العصبة الحاكمة وهم في اوهن حالاتهم ولا زال الريس مختفيا ولا يوجد ما يؤكد وجوده.............
11-10-2009, 02:18 AM
هشام هباني
هشام هباني
تاريخ التسجيل: 10-31-2003
مجموع المشاركات: 51288
لتجتمع القوى السياسية الان باية طريقة تحسبا لكل الظروف للتنسيق فيمابينها لتملا هذا الفراغ المحتمل والمتوقع جراء هذا التصعيد بين اللصوص وهم في احلك حالات التوتر والتصعيد فيما بينهم ويبدو ان معركتهم فيما بينهم في طريقها الى الانفجار وقد وصلت الطريق المسدود والذي لا رجعة بعده لاي مساومات حول اتفاقات وتهدئة لان المستنقع ما عاد يسع كل هذه الحيتان المتضخمة الشرهة والتي لا يجمع بينها دين وقيم واخلاق غير روح النهب والظلم ولذلك بات امرا حتميا وشيكا تفجر هذا الصراع المرتقب والمتصاعد الان من اجل البقاء.....الله يكضب الشينة!
11-10-2009, 02:21 AM
elnawrani margan
elnawrani margan
تاريخ التسجيل: 06-21-2007
مجموع المشاركات: 761
بعض المتهكمين في حواري وازقة الخرطوم اطلقوا سرا نكتة هذه الليلة مفادها ان عدم ظهور البشير حتى الان بعد عودته الفضيحة من مصر ولم يذهب بسب خوفه الى القمة الاسلامية في تركيا رغم انه يزعم انه من المستنصرين بالله ولكنه خاف على نفسه من القبض عليه في الاجواء رغم توكله على الله و قالوا انه من شدة الفضيحة ( تنقب) وما عادت في وجهه مزعة لحم يقابل بها مشايعيه من اصحاب العرضات والدلاليك حتى ( يتجوعل) فيهم بانه قد ذهب لى (الاستانة) مستنصرا بالله رغم كل التهديدات! وقالوا انه طلب فورا من تلفزيون السودان سحب هذا الشريط الذي ( تجوعل) فيه واساء الى كل من طلب بتسليمه الى العدالة الدولية حين قال فيهم انهم جميعا ( تحت جزمته)... وللاسف هو الان بالجد بالجد شخصيا ( تحت جزمته) التي قيل عنها انها ستقوم برفع قضية عليه تطالب بالتعويض وهي لا تقبل ان تدوس على كائن جبان مثل هذا الريس ( الككو)! قال جزمة قال...ما قلتو نوبة![/B]
11-10-2009, 06:23 AM
Mohamad Shamseldin
Mohamad Shamseldin
تاريخ التسجيل: 02-17-2006
مجموع المشاركات: 3074
Quote: بعد عودته الفضيحة من مصر ولم يذهب بسب خوفه الى القمة الاسلامية في تركيا
شوف يا هباني اتكلم عديل...تقصد شنو... نحن السودانيين ما بنخاف راجل علي مره... ما شفت لبني المره سافرت و ما سألت فيهم .... تقول لي راجل يخاف... و كمان الفحل البشير ظاتو... حرام عليك يا راجل... و الله هسه الزول ده زعل ساي يقوم يسافر لاهاي ظاتها
11-10-2009, 07:19 AM
هشام هباني
هشام هباني
تاريخ التسجيل: 10-31-2003
مجموع المشاركات: 51288
شوف يا زول على بالحرام ده انا لو (جعلي) لحرضت كل قبائل الجعليين في السودان للتبرؤ من هذا ( الككو) الجبان لانه ابدا لا يمت الى قبائل اتسم اهلها بالشجاعة والفروسية فكيف برجل رئيس يرمز الى هيبة وكرامةشعب بكامله اشتهر بالبطولات ( ينفنس) كل هذه (الانفناسة) المهينة في حقنا جميعا والمصيبة انه ذاهب الى قمة اسلامية اي مستنصرا ومتوكلا بالله بقلب خاشع تخيل ده كان حيكون بطل الاسلام الاول في هذا القرن لوفعلا ذهب و تم القبض عليه وقطعا سيحتج كل العالم الاسلامي عبر هذه القمة المحضورة من كل رؤساء الدول الاسلامية عدا هذا ( الككو) الذي تخلف عنها خوفا وهو الان تحت احذية رؤساء القمة الاسلامية في تركيا ! لكن الخواف خواف واهلنا قالوا :( الكوك في المخادة يبان)!
الله اكبر الله اكبر . الله اكبر .. والعزة للكيزان و الحرامية الله اكبر الله اكبر . الله اكبر .. والعزة للكيزان و الحرامية الله اكبر الله اكبر . الله اكبر .. والعزة للكيزان و الحرامية
11-10-2009, 10:36 AM
عبود عبد الرحيم
عبود عبد الرحيم
تاريخ التسجيل: 03-14-2008
مجموع المشاركات: 5434
فال الله ولا فالك بس انتو عاوزين جنازة وتشبعو فيها خنق ،، قاعدين مرتاحين برة السودان ولو حصلت حاجة زى دى حتشوفا في التلفزيون وانتا ماسك كباية شاي ،،،حرام عليك ..ياخ البلد ماناقصة حاولو كونو ايجابيين ولو انتو معارضة ياخ قدمو رؤي وخطط وبرامج بدل السيناريوهات المضحكة دي ،،بالطريقة دي والله الشعب السوداني كلو حإفقد الثقة في معارضتكم دي،،بعدين ياخ روح الشماتة والانهزامية دي ماحتوصل لي حاجة،، وحتخليكم في الهامش البعيد يازول طالما دا رأيكم النمشي دحين من أسي نرشح البشير بعدين ماصاح المصطلحات دي.. أرجو اخي ان تتقبل رأئيي ولاتتهمني بانتمائي لهذا او ذاك فأنتم هكذا من ليس معكم تتهمونه بانه مؤتمر وطني،،مع انكم تتحدثون عن الديمقراطية الديمقراطية الديمقراطية ما هندي جات الديمقراطية ماتجو ونحنا قاعدين شعب خام قدمو برامج قدمو خطط قدمو تصورات وسيبكم من الهرج والمرج والأحلام،، وترويج الشائعات،، تحياتي ســــــــــوداني
11-10-2009, 01:56 PM
nazar hussien
nazar hussien
تاريخ التسجيل: 09-04-2002
مجموع المشاركات: 10410
عندما قرات للعمدة ما يفيد بان في حال( كب البشير الزوقة) من سفر تركيا ما يفيد بانه سينجضه نجاض قبورة... نصبت كل الاجهزة الريخترية لرصد عذاب قبورة الذي توعد به العمدة هباني... فهاهو هشام هباني يعود الي استراتجية (كتلوك ولا جوك جوك) الشهيرة التي حلقنا معه فيها ومنذ بوسته الشهير عن اختطاف طائرة البشير وصديقه ابو ريالة..
.. . أمنا بالله ما قدر دا يا هبانى .. ياخى الامن مستتب ووبطلوا المعارك الوهمية دى
Quote: ياخ قدمو رؤي وخطط وبرامج بدل السيناريوهات المضحكة دي ،، بالطريقة دي والله الشعب السوداني كلو حإفقد الثقة في معارضتكم دي،، بعدين ياخ روح الشماتة والانهزامية دي ماحتوصل لي حاجة،،
هجم النمر فعلاً.. _________
عموما الناس المعتقلين والمصابين والفى المطار ديل قاعدين فى القصر مع الحركة .. اعتقالك دا الا فى ديزنى لاند ..
( مراسلنا من داخل القصر منذ ثوانى )
11-10-2009, 11:35 PM
الشفيع وراق عبد الرحمن
الشفيع وراق عبد الرحمن
تاريخ التسجيل: 04-27-2009
مجموع المشاركات: 11406
Quote: الله اكبر الله اكبر . الله اكبر .. والعزة للكيزان و الحرامية الله اكبر الله اكبر . الله اكبر .. والعزة للكيزان و الحرامية الله اكبر الله اكبر . الله اكبر .. والعزة للكيزان و الحرامية
أنتو الزول ده ما عندو keyboard ولا شنو؟
11-10-2009, 02:07 PM
محمد عمر جبريل
محمد عمر جبريل
تاريخ التسجيل: 08-27-2009
مجموع المشاركات: 2263
وشوهد في ليلة الامس ان مقاهي النت في جميع انحاءالعاصمة المحتلة تم تطويقها والتفتيش عليها من قبل وحدة الامن الاسفيري الجديدة بقيادة العميد محمد حامد جمعة والرائد محمد فرح والباشبوزق ملاسي ويبدو انهم كانوا يبحثون عن كل من تسول له نفسه ليقرا حرفا واحدا من كتابات مناهضة لعصبتهم وقيل ان ( الباشبوزق) ملاسي كان في حالة سعار شديدة ليس كعادته وهو يحمل مسدسا اسفيريا صغيرا جدا على شاكلة كتاباته من فصيلة ( فسوة الديك)!
11-10-2009, 03:07 PM
الهادي محمد ابراهيم
الهادي محمد ابراهيم
تاريخ التسجيل: 11-03-2009
مجموع المشاركات: 776
قوم يا زول دي حلم ليك تحلمو.. انت متهم بالاتي: 1- تغويض النظام الدستوري. 2- اثارة الكراهية ضد الدولة. 3- اثارة الفتنة واعلان الحرابة. ويا حليلك يا نائم علي حيلك..
11-10-2009, 03:17 PM
mayada kamal
mayada kamal
تاريخ التسجيل: 08-31-2007
مجموع المشاركات: 8015
Quote: وشوهد في ليلة الامس ان مقاهي النت في جميع انحاءالعاصمة المحتلة تم تطويقها والتفتيش عليها من قبل وحدة الامن الاسفيري الجديدة بقيادة العميد محمد حامد جمعة والرائد محمد فرح والباشبوزق ملاسي ويبدو انهم كانوا يبحثون عن كل من تسول له نفسه ليقرا حرفا واحدا من كتابات مناهضة لعصبتهم وقيل ان ( الباشبوزق) ملاسي كان في حالة سعار شديدة ليس كعادته وهو يحمل مسدسا اسفيريا صغيرا جدا على شاكلة كتاباته من فصيلة ( فسوة الديك)!
اها انا ست محل انترنت معرووووف في موقف الاستاد طيب لييييه ما جوني وشغالين في امانة الله
حالتك سعبة هلاس إنتو بتكتضبوا الكضبة وبتصدقوها ولا شنو
Quote: يا عمك انت لو ما بتقدر عليهو .. بتشربه مالك ..
.. ..
بالجد ناس راسها خفيف ..
.. ..
هسع يجيك يقول ليك كنت حلمان ..
هههههههههههههههههههههههههههههه
يا حميدة والله الظاهر عمك كتر من الشغلانة يا خي بوست هباني خلاني أتصل السودان الناس قالوا لي يا زول أنت جنيت ولا شارب ليك حاجة قلت ليهم الظاهر عمنا الكبير هو الشارب
11-10-2009, 04:03 PM
فتحي البحيري
فتحي البحيري
تاريخ التسجيل: 02-14-2003
مجموع المشاركات: 19109
والان تتضارب الاقوال حول اختفاء الريس الان حيث لا زال مختفيا ولا يدري اقرب الاقربين اليه اين مختفي...هل يا تري معتقل ام اغتيل ام ( تحت تحت) انه تم خطفه من قبل جهة مجهولة وهو في طريق عودته من القاهرة وقد تم تسليمه الى المحكمة الجنائية... واخرون يتحدثون عن وجوده وعودته ولكنه مكسوف جدا جدا من الحياء حيث لا يستطيع ان يقابل اجهزة الاعلام والغوغاء والمطبلاتية وايضالان قبائل الجعليين قسمت قسمت غليظا للتبرؤ منه جراء هذه الفضيحة المدوية وهو امر يقلقه جدا.... غايتو يا ريس برااك شفت اروع واعظم استفتا.. وطلعت فتة! واكثر ما يجعلني اراف بحاله اننن كنت اعلم مسبقا بانفناسته المتوقعة وقد فاتت عليه القمة الاسلامية في تركيا والتي تبجح بالذهاب اليها مستنصرا بالله ومستقويا بموقف امة الاسلام معه في محنته حاسبا انه مستنصر بالله ليثبت اقدامه ولكن المصيبة ( انفنس) انفناسة الى درجة ما عاد بعدها يمتلك اقداما ولا قلبا!
11-10-2009, 05:38 PM
هشام هباني
هشام هباني
تاريخ التسجيل: 10-31-2003
مجموع المشاركات: 51288
الذ ما في الشريط الانتيكة ده حكاية قررنا نتزوج نسوان الشهداء وخوفتو من السيدة فاطمة حيث لم يستطع ان يواجهها بهذا المخطط النكاحي .. تقولوا لي ده رئيس احرر الفشقة وحلايب واواجه التدخل الاسرائيلي في شرق السودان ده ما قادر اواجه مرتو!
11-10-2009, 05:48 PM
Hassan Makkawi
Hassan Makkawi
تاريخ التسجيل: 02-27-2008
مجموع المشاركات: 6157
يا هباني سلامات داهيه تخمهم كلهم و تخم عقابهم كمان وطباليهم.
الدجال بتاع مركز المايقوما العامل فرحان بزيارة البشير ما قادر يقول لاول مرة في تاريخ السودان يرتفع عدد اطفال المركز لهذا الحد؟؟؟واسباب الظاهره شنو؟؟؟ طبعا امثاله من الجبناء لن يقوا على قول الحقيقيه!
كن بخير يا الناظر ومتابعين معاك بعد عملية السمبريه ام قدوم التي جعلتهم يلقوا فكرة الذهاب لتركيا....
11-10-2009, 06:52 PM
Hassan Makkawi
Hassan Makkawi
تاريخ التسجيل: 02-27-2008
مجموع المشاركات: 6157
Quote: ما قادر يقول لاول مرة في تاريخ السودان يرتفع عدد اطفال المركز لهذا الحد؟؟؟واسباب الظاهره شنو؟؟؟ طبعا امثاله من الجبناء لن يقوا على قول الحقيقيه!
أسألكم بالله الكلام المكتوب فوق ده علاقته بالبوست ده شنو؟ وأطفال المايقوما مالن ومال الاشتباكات والاغتيالات الفي الخرطوم دي
11-10-2009, 11:41 PM
Hashim Badr Eldin
Hashim Badr Eldin
تاريخ التسجيل: 12-28-2005
مجموع المشاركات: 1716
يقال أن واحد حنكوش خرج فى الصباح حزينا من منزله الى النيل لكى ينتحر لكنه عاد بعد ساعة وعندما سأله الناس عن سبب تراجعه عن الانتحار قال لهم انه وجد الماء بارد جدا.
المشير البشير يضيف سابقة جديدة الى سجله فى الابتكارات والارقام القياسية كأول مجاهد إنتحارى يؤجل عمليته الإنتحارية لأسباب فنية ومراعاة للإتيكيت.
فالرجل منذ صدور أمر القبض عليه قام برحلات الى بعض جيرانه لا ليحقق مصلحة للشعب السودانى ولكن لإثبات أنه مقدام لا يخشى الموت، وهى صفة شخصية تعتبر الموهل الأساسى لكل حاكم عسكرى. لكن كل رحلات البشير كانت بعد تلقى ضمانات مسبقة من الطرف المستقبل.
كان الرجل موخرا قد عقد العزم على المشاركة فى قمة كمبالا لمناقشة قضايا النزوح، والسودان وفقا لأرقام الأمم المتحدة يتصدر العالم فى النزوح الداخلى، لكن عندما وردت ارهاصات بمطالبات ليوغندا بالقبض على البشير من منظمة العفو الدولية والمحكمة الجنائية كب البشير الزوغة. رغم أن الرئيس موسيفينى تعهد له بعدم القبض عليه، لكن الحريص لا يحتاج الى وصية (وبوبى ما بوصوه على روحه).
بوبى غادر الخرطوم الى تركيا مرورا بشرم الشيخ ليثبت شيئا، لا للعالم ولكن للجندى السودانى المسكين المغفل، فأثبت العكس. وأعلن على كرتى نهاية المغامرة بعد عملية جيمس بوندية لاستكشاف الأجواء ومعرفة نوايا الأعداء بارسال الطائرة الرئاسية الى تركيا بدون البتاع لأن البتاع كان ينوى السفر مع بابا حسنى فى طائرة الرئاسة المصرية. عملية جيمس بوندية مغلفة بدعايات بطولية انتهت بفشل وفضيحة. البتاع يصرخ فى الميكرفونات مخاطبا المسيرات بقوله تعالى فى سورة آل عمران (الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الْوَكِيلُ فَانْقَلَبُوا بِنِعْمَةٍ مِنَ اللَّهِ وَفَضْلٍ لَمْ يَمْسَسْهُمْ سُوءٌ وَاتَّبَعُوا رِضْوَانَ اللَّهِ وَاللَّهُ ذُو فَضْلٍ عَظِيمٍ إِنَّمَا ذَلِكُمُ الشَّيْطَانُ يُخَوِّفُ أَوْلِيَاءَهُ فَلَا تَخَافُوهُمْ وَخَافُونِ إِنْ كُنْتُمْ مُؤْمِنِينَ).
التوكل ليس بالكلام يا بوبى وليس بالكذب والنفاق ولا بالظلم واستحلال دماء الأبرياء ونهب البلاد وإنفاق أموال الشعب على أجهزة الأمن و شراء السيارات للاعبى الفريق المصرى وشراء اليخوت الرئاسية والطائرات الرئاسية والفلل الرئاسية . أدعياء التوكل على الله المتوكلون على أجهزة أمنهم يفضحهم الله فى كل زمان.
(الذين قال لهم الناس ان الناس قد جمعوا لكم فاخشوهم) فسمعوا النصيحة وكبوا الزوغة
.
11-10-2009, 11:50 PM
الشفيع وراق عبد الرحمن
الشفيع وراق عبد الرحمن
تاريخ التسجيل: 04-27-2009
مجموع المشاركات: 11406
هاشم بدر الدين شكلك كده يا أخوي داخل غلط البوست ده عن الاشتباكات والاغتيالات في الخرطوم يا خي البلد جايطة ومقلوبة فوق تحت وانت تتكلم في مواضيع هايفة زي دي أقرأ هنا يا أخوي:
Quote: انباء طازجة ومتضاربة تتحدث عن اعتقال او اغتيال نافع على نافع وظهور مفاجيء للجنراع المخلوع صلاح غوش في صالة كبار الزوار بمطار الخرطوم بثيابه المدنية وبرفقته مجموعة من ضباط جهاز الامن في ساعات متاخرة من هذه الليلة ويقال انه متوتر جدا مسرع الخطي الى خارج الصالة... بينما هنالك شائعات اخرى تتحدث عن اعتقال وربما اغتيال عبد الرحيم محمد حسين وبكري حسن صالح
أصحى يا أخوي
11-10-2009, 11:28 PM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
اوعي تكون من ناس وراق المولعين نار ديلك! عليك الله ورسول مكة انت كوز ولا مؤتمر وطني ولا امنجي ولا ناس قريعتي راحت زينا كده! اوعي تقول لي كمان من اهلنا ناس وراق المولعين نار وطنية صباحا ومساء
مودتي
11-11-2009, 03:57 PM
فيصل محمد خليل
فيصل محمد خليل
تاريخ التسجيل: 12-15-2005
مجموع المشاركات: 26041
والجدير بالذكر بعد فضيحة ( جكة تركيا) ان طبخة ازاحة المجرم على عصمان من سدة نيابة الرئيس في الحكم واحلال المجرم نافع على نافع محله باتت جاهزة ومعدة للتقديم للعام وايضا ازاحة الجاز باتت وشيكة ليحل محله واحد من الحرس القديم من الموالين للغلمان و تبقى للطبخة عدة ايام..... بس الزموا الصبر!
11-12-2009, 10:28 PM
هشام هباني
هشام هباني
تاريخ التسجيل: 10-31-2003
مجموع المشاركات: 51288
الاوضاع متوترة جدا حتى هذه اللحظات في اوساط العصبة وخاصة بعد الطلبات المصرية الصعبة التي لا يستطيع ان يصارح بها البشير الاخوة الاعداء في عصبته والا سينفرط عقدهفي الحال وهم في اشنع حالات وهنهم... وتوقعوا تحولات وتغيرات في هيكلية السلطة هذه الايام حيث تعاد الامور في سياقات جديدة لخدمة السفاح البشير وبطانته فقط مما يمكن قبضتهم على كل الاوضاع وهو سيقصى الى الابد كل المشكوك فيهم واولهم على عصمان والجاز واخرين وربما محمد عطا رجل الامن نفسه!
11-12-2009, 10:51 PM
Kostawi
Kostawi
تاريخ التسجيل: 02-04-2002
مجموع المشاركات: 39980
الاخ الشفيع ما مؤتمر وطني و لا كوز و لا امنجي بس وطني موديل 89 و ان اعرف شخصيا اعرف ناس كتار وطنيين من الموديل ده من حيث المواصفات وطني موديل 89 قريب جد للمؤتمر وطني من اي حزب اخر و ممكن يتعايش في الفة متناهية مع الكوز و الامنجي و المؤتمر الوطني و احيانا يعيش في صورة تكافلية (اي تبادل مصالح) مع المؤتمر الوطني
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة