القاضي الألمانى يبكي ٣ مرات خلال محاكمة قاتل مروة الشربينى

Quote: يا حماعه اي محكمه الزول داخلها بيكون في تفتيش لانه في خصوم؟؟الا محاكم السودان طبعا...استغرب كيف هذه المحكمه الالمانيه لم تفتش هذا المتهم قبل دخوله. هنا في كندا لو داخل محكمه بتاعت مرور لازم تتفتش وكثرة ما تعودنا التفتيش مبرد اظافر ما بنخليه في شنطتنا ونحن داخلين لانه ما بيحتفظوا بيه لك بل يرمونه او يطالبونك بان تذهب به بعيدا وقد تكون مقرشه عربيتك بعيد...لذا تعلمنا اي زول ماشي محكمه او ماشيء تحضر معا زول او تترجم لزول(ترجمه زي ما قنلنا بسيطه ما تشوبورا بكره تقولوا تراجي ادعت انها مترجمه ممكن تكون ترجمه لمخالفه مروريه او شكوى سكن مؤجر بيشكي من عدم صيانة صاحب العقار او الشركه للمنزل كلها محاكم....او نزع اطفال...من اسرتهم بتهمة الاهمال او ضربهم المهم اي شيء بوديك لاي محكمه كنديه في تفتيش مبالغ فيه بتفضي جيوبك كلها وبعد داك اي شيء يصفر تفتيش شخصي طوالي؟؟ لانهم فعلا اكثر خوفهم بالذات في محكمة الاسره هو نزاع الازواج والشركاء العنيفين يعني واحد ضرب مرته بيفترضو قد يجي بمسدس للمحكمه فضروري التفتيش جدا.....مبالغه غايتو هذه المهزلة الالمانيه