واخيرا انكشف سر الهزيمه الخماسية اصبح لا حديث غير تواجد القطب الرياضى المريخى فى مدينة سنار فى احدى قرى ضواحى المدينة وهو يتفق مع احد الشيوخ ودفع مبلغ 3 مليون جنية وكان القطب الرياضى متواجد فى المدينة لاكثر من يومين حتى عاد قبل المباراة بيوم وتزامنت عودته مع ذهاب وفد المريخ لاستاد الهلال قبل المباراة بيوم وكشف لى الصديق العزيز النجم فييرا بسر خطير بانه حس منذ بداية المباراة بان احد ما يمسك برجليه يمنعه من التحرك او تسديد الكره رغم التنجيم هلالنا عظيم
10-05-2009, 10:06 PM
حمور زيادة حمور زيادة
تاريخ التسجيل: 03-28-2007
مجموع المشاركات: 12116
الاخ الكريم محمد عادل ، بداية كل عام وانت بالف خير ، محمد هذا الكلام لا يشبه شاب مثلك لتنقلة لنا هنا حتى و ان ظن البعض ان بشرا قادرا على التصرف فى شئون الكون ، المهم هزم الهلال لانه لم يستطيع ان يمارس اسالبية الفاسدة مع الحكام ، وكان الهلال من مباراة اول اغسطس خارج المنافسة ، محمد ازيدك من الشعر مليون بيت كامبوس مدرب فاشل من خلال سجلة هنا فى قطر لا يستطيع ان يتصرف تحت الضغط .
10-05-2009, 10:25 PM
ارصد محمد جلال ارصد محمد جلال
تاريخ التسجيل: 06-07-2008
مجموع المشاركات: 604
طيب مش كان من باب اولي يامحمد القطب المريخي ده يربطهم يوم مباراة المريخ !!!
الزيك ده هو واحد من مشكلات نادي الهلال .. يعني بدل تفتش مكامن الخلل وتبحث العلاج ليه تجي تبرر لهزيمه ليس لها اي مبرر غير الضعف الكامل وعدم آهلية الهلال لمنازلة الكبار ...
يعني فكرك الهلال ده هو الفريق الذي لايقهر الا بهذه الاساليب ..
ياخي ماتستخفوا بعقول الناس ...
ودي واحترامي ،،
10-05-2009, 10:22 PM
ذواليد سليمان مصطفى ذواليد سليمان مصطفى
تاريخ التسجيل: 12-14-2008
مجموع المشاركات: 9563
طبعا انا مابقدر احكم على الكلام دا صاح ولا غلط لكن دا ما بمنع ان اغلبية الشعب السوداني بقى بتعامل بالفقراء خالي ود خالة الوالده كان من اللعبيه الهدافين الاشتراهم نادي الهلال قبل فتره وسمعت الكلام دا كتير لدرجة ان النادي استغنى منه بعد ما اشتراه بمبلغ كبير وقال انه بمجرد مايحاول يشوت الكوره رجله بتصلب وما اتعافى الا بعد ان لفوا بيه اهلوا على الشيوخ وترك النادي بلا رجعه اما عن سنار فخالي الآخر مصور ذهب ليصور أحد الأفراح هناك هو وبعض الاصدقاء حكى لي بنفسه بعد إنتهاء الحفله اتلفن حوله بعض الفتيات سائلات عن وقت عودتهم مره أخرى وعندما أخبرهم انها تساهيل ولا يعتقدوا بعودتهم مره اخرى قريبا تصدرت إحداهن قائله ( ولله لو ما بتجوا كباية مويه بس تجيبكم تحبوا ) وحلف انهم خافوا ولم يشربوا الا مشروبات غازية من البقالات حمانا الله واياكم
10-06-2009, 03:44 AM
عبده عوض عبده عوض
تاريخ التسجيل: 09-11-2008
مجموع المشاركات: 351
Quote: وكشف لى الصديق العزيز النجم فييرا بسر خطير بانه حس منذ بداية المباراة بان احد ما يمسك برجليه يمنعه من التحرك او تسديد الكره
دي عاوز تداري بيها خجلتك يا محمد عادل !!!! حقاً الإختشو ماتو ... ولا دا كمان حنك جديد جاي تفكو لينا هنا ... قوم لف كدا ولا كدا !!!
وصاحبك العزيز فييرا دا إلاّ يكون ماسكين ليهو كرعينو القرود والبعاعيت بتاعين الكنغو ديل .. ما في غيرهم !! صدقني !!! سنار شنو شيوخ شنو اللي جائي تتكلم عليها إنت !!!
تعرف يا أسمك إيه إنت ... 500 دولارك دي ياها ذاتها الجابت الكفوه للهلال ... كل 100 دولار بزهرة حلوة .... والحمدلله ما كانت 700 .. كان لحقت الجماعة لمحطة القطر البعد كوستي مباشرة .. بتعرفها ولا أقولا ليك !!!!
Quote: الخزي و العار لمستعملي الفقرا ضد هلال الوطن. اطلقوا سراح رجل فييرا ايها الجبناء.
والله بوست ظريف! طيب يا جماعة ما رأيكم فيما تبقى من هذا البوست، نحاول نتكلم على موضوع "الفقرا" وحكاياتهم ودورهم في تحديد أو تغيير نتائج المباريات! الممارسة دي حسب علمي سائدة في الوسط الرياضي! فما رأيكم نقترب منها ونحاول نفهم حقيقتها وما يتعلق بها!؟ ومرةً أخرى:
Quote: اطلقوا سراح رجل فييرا ايها الجبناء!
10-06-2009, 05:13 AM
doma doma
تاريخ التسجيل: 02-04-2002
مجموع المشاركات: 15970
الكوره ما بتدي حريف رغم الهزيمه هلالنا سيد البلد يا مرخاب يا مرخ رخاب طلعتوا عديمين وطنيه الهلال لعب امام تيم من بلد اخر كان الشماته تكون مفهومه لو لعبنا مع تيم سوداني اخر لكين طلعتوا اي كلام ويخس عليكم يخس لما يخس تقول كفي
10-06-2009, 05:18 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14422
والله العظيم يا جماعة انا من زمان بقول ليكم محمد عادل دا راجل عسل. اقسم بالله ضحكت لمن دمعت، الله يجازي محنك يا حمور انت والمريخاب كان عايزين ترفدونا من شغلنا. لكن مافي مشكلة بمشي سنار اكتف يد المدير تكتيفة سيم سيم تكتيفة كراع فييرا ويد المعز.
10-06-2009, 09:04 AM
حمزاوي حمزاوي
تاريخ التسجيل: 10-10-2002
مجموع المشاركات: 11622
والله يا محمد عادل حيرتنا عديل!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! o مرات تكون شخص عاقل وبتقول كلام مقنع ومرتب والناس تحترمك شديد . o ومرات تجي وتقول كلام غرئب.............................. قال فكي قال !! الله يفكنا ويفكك من تشجيع الكورة السودانية . معاذ السر
10-06-2009, 09:44 AM
ابراهيم محمد الحسن ابراهيم محمد الحسن
تاريخ التسجيل: 11-08-2006
مجموع المشاركات: 8154
ما دام عارفين إسم هذا الفكي الفلتة ومكان إقامته وقيمة إتعابه لماذا لا تستعينوا به في مبارة الرد يربط ليكم أرجل لاعبي مازيمبي حتى تتجنبوا الكارثة القادمة
إن كان يستخف ، أو يحاول أن يستخف بعقولنا فهذه بسيطة ومقدور عليها. اما إذا كان هو نفسه يؤمن بهذه الخزعبلات، فهذه مصيبة بلاد بأكملها. محمد عادل : ياولدي أنا كتبت ليك قبل كدا وقلت ليك : ""ياولد ما تكبر ـ ياولد ماتعقل"" وما تزعل مني لأنك في سن أولادي ، شاب في عمرك دا وبي تعليمك دا ، وفي زمنك دا الزمن اللي فيهو الإنسان حقق منجزات ومكتشفات علمية لا حدود لها، شاب زيك يعتقد ، بل ويؤمن، إنه في دجال ، ويمكن يكون أمي ، يمكنه أن يقوم بهذا العمل؟؟ اللي قال ليكم الكلام دا إما كذاب أو جاهل أبعد نفسك من هذه الخزعبلات ومن أمثال هؤلاء.
تحياتي
10-06-2009, 01:16 PM
أبوالزفت أبوالزفت
تاريخ التسجيل: 12-15-2002
مجموع المشاركات: 1545
"واتبعوا ما تتلوا الشياطين على ملك سليمان وما كفر سليمان ولكن الشياطين كفروا يعلمون الناس السحر وما انزل على الملكين ببابل هاروت وماروت وما يعلمان من احد حتى يقولا انما نحن فتنة فلا تكفر فيتعلمون منهما ما يفرقون به بين المرء وزوجه وما هم بضارين به من احد الا باذن الله ويتعلمون ما يضرهم ولا ينفعهم ولقد علموا لمن اشتراه ما له في الاخرة من خلاق ولبئس ما شروا به انفسهم لو كانوا يعلمون"
سورة البقرة 102
عام 1987 حكي لي احد الزملاء ان والدة احضر فكي الي البيت
يوم مباراة الهلال والاهلي وعندما سأل والده عن سبب وجود الفكي طول اليوم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد عادل
حمور زيادة
عبدالوهاب علي الحاج
ادهم عبد الرحمن نصر
هجو الأقرع
ارصد محمد جلال
فايزودالقاضي
ذواليد سليمان مصطفى
أسامة عبد الجليل
عصام دهب
نيازي مصطفى
وجن
عبده عوض
doma
معاوية المدير
محمد عمر الفكي
على محمد على بشير
ابراهيم محمد الحسن
moaz elsir
أبوالزفت
فيس بوك
تويتر
انستقرام
يوتيوب
بنتيريست