|
|
 اهلا وسهلا يا عوض الله
|
اهلا و سهلا والله يا فنان
شايفكـ بتدبي داخل سودانيزاولاين .. ياخي المتلكـ تُفرد له بوستات الترحيب ..انت إضافة جد جد
و البورد ده عطشان لي عضوية زيكـ تبل ريقنا و ريق القارئ
اهلا وسهلا عوض الله بشير او ( Awadallah Bashir ) الفنان المتميز و الرقم المهم في خارطة الغناء الجماعي
عوض الله بشير عضو مؤسس بفرقة عقد الجلاد الغنائية
تعالو نرحب بيهو عشان تاني ما يتدبي و يدخل سودانيزاولاين بالدس 
_
|
|
 
|
|
|
|
|
|
|
|
Re: اهلا وسهلا يا عوض الله (Re: خدر)
|
قلت أصحى و أظبط بوست ( الشرك قبض ) لعوض الله ..
قمت إنت يا الخفيف يا اللفيف بوظت لي اللعب .
تعرف يا صاحب إنو هذا الزول الجميل الجميل معاهو الباسورد من كم يوم ..
و قاعد يتاوق من بعيد , البخيل أب راساً ماكن . ليه .. ما تعرف .
أحلى ما يمكن ان يلقاك من صباحات الله هو تحيات هذا الزول الصباحية و الضحكة المن القلب اليجدعها فيك ..
الونسة مع عوض الله بديعة و طاعمة و متجددة .. زول مليان حياة و جمال و خير و ود للعالم كلو .
و أشهد أني ما بيضحكني إلا الشديد القوي في هذا الزمان , و عوض الله شديد و قوي في إغراقي بالضحك الجميل الراقي .
عندي حكاوي بجيك فيها مع صاحبي هذا ..
نلقاها منك و للا من عوض الله و للا من عصام !!
أصحاب الننقو في الشدرة .
| |
|
|
|
|
|
|
|
|
|
Re: اهلا وسهلا يا عوض الله (Re: Emad Abdulla)
|
عوض الله - اباذر و في الخلف المايسترو سعد الدين
ود التوم
ياخي عوض الله ده انا شخصيا بريدو في الله .. اجمل مافيهو بشاشتو و إبتسامتو البتفتح النفس للحياة
و زي ما قال صاحبنا بتاع المسرح .. عوض الله بشير ده غير بشاشتو كمان بدّين (قروش)
فياخي في ذمتكـ زول بشوش و بدّين .. تاني في شنو ناقص ؟
انا بعرف عوض الله منذ 3 سنوات (ده عشان الحسد و متلقين الحِجج يا عوض الله طبعا .. انا
لو قلت عمر العِرفة الحقيقي بمرقوني انا وانت من المنبر ده جلاكين ساي ) خلال الـ 3 سنوات دي
شفتو بي ادم فنان و إنسان كيف .. والله جد جد .. زمان كنت بفرح لمن الاقي عوض الله ده
بتم ليكـ القطيعة في عوض الله بعدين .. كوركو لي للغداء 
| |
|
|
|
|
|
|
|
|
|
Re: اهلا وسهلا يا عوض الله (Re: خدر)
|
مرحب يا عوض الله .. نورت المنبر ..
شكرا يا خدر ..
عوض الله كسب لقبيلة الفنانين في المنبر ..
بالمرة يا خدر حقو تنزل لينا أغنية ما ضهبت أقول لقيتك عشان نستمتع بي صوت عوض الله ..
| |
|
|
|
|
|
|
|
|
|
Re: اهلا وسهلا يا عوض الله (Re: داليا الكباشى)
|
Quote:
عشان كده اخير النقول ليهو حبابك سااااي كدي
|
والله يا طارق
لقيت كلا م الشابه دي
مريح جدا فى حالاتى .. مع عوض الله
فحبابك سااااي
ياعوض الله
هلا هلا
لزوم القافيه وكده
.
.
| |
|
|
|
|
|
|
|
|
|
Re: اهلا وسهلا يا عوض الله (Re: داليا الكباشى)
|
تسلم يا نيزو علي الترحيب
و دلال ما قّصرت نزلت الاغنية مشكورة
غايتو يا منعم الحاج تغيب تغيب
و تجي تتدبي زي عوض الله ده كدي
وينكـ مختفي يا فنان !!
مزمل
تشكر علي الترحيب
سمندلاوي .. شفت المفاجأة دي كيف ؟
طبعا انت بتعرف عوض الله من الزمن ده
يلا احكي يا بكور نحن في الانتظار
سلوم
نحن ذاتنا خالس خالس
هواري
شكرا علي الترحيب يا حلو
يا داليا
كلنا شهاداتنا مجروحة و عربية كمان 
برضو ما بِحلكـ .. لازم تحكي لينا عنو
البوست ده عشان الناس تعرف عوض الله من قريب
| |
|
|
|
|
|
|
|
|
|
Re: اهلا وسهلا يا عوض الله (Re: abdalla osman)
|
هلا يا خدر..
وحباب الفنان عوض الله حبابو شديد
وتشرفنا بحضوره الاول في بوست مدرسة النيل الابيض الثانوية التي عبرنا بها سويا
واهدت شعبنا فنان مرهف ورقيق وفي قامة عوض الله البشير..
مرحب مرة اخري يا عوض الله ونورت سودانيز اونلاين
| |
|
|
|
|
|
|
|
|
|
Re: اهلا وسهلا يا عوض الله (Re: HAIDER ALZAIN)
|
ع.الله عثمان
شكري الكتير علي الترحيب
كيكي العجلاتي
تسلم يا حلو علي الترحيب
و بخت النيل الابيض كلو بي عوض الله
ود الزين
ما فهمتكـ والله و الوجعكـ كلمني بيهو
اطعنو ليكـ اسه في قلبو
ياخي انت فعلا زول حبيب
إنشاء الله خير في شنو ؟
| |
|
|
|
|
|
|
|
|
|
Re: اهلا وسهلا يا عوض الله (Re: انعام عبد الحفيظ)
|
كّتاب حسن
شفت المفاجأت دي كيف ؟
صاحبكـ داخل بتدبي ذكرني نكتة الرباطابي مع عقد الجلاد
ود الزين
تسلم يا سيدنا
و الله عوض الله ده راجيكم/نا من وراهو خير كتير
في المنبر ده حول الموسيقي و الفنون و التراث عموما
تشكر يا صاحب علي الترحيب
كااااكـ يا وهبة
قلت لي الراجل بي حقو اتاريهو !!
شكرا علي الترحيب يا ع.الوهاب
دلال
تشكرات كبيرة علي الفيديو
شكرا كتير
نعّوم
بعجبني فيكـ انكـ عملية
كوالي دخلت في التفاصيل
اها يا عوض الله
نعّوم قالت منتظرين كتير .. شد حيلكـ
| |
|
|
|
|
|
|
|
|
|
Re: اهلا وسهلا يا عوض الله (Re: Salah Abdulla)
|
| Quote: يلا بالله شوتو لينا حفل هوائي كده خلونا ننجمّ شوية .. |
ياخ فكرة سمحة سموحية
ابو الغنا زاتو
هسى معانا
حمزة سليمان
وعوض الله بشير
وابو غيداء "الفنان المشتهر انور عبد الرحمن
والموصلى
وعمر بانقا
وطارق ابو عبيدة
وصادق شيخ الدين
سمندلاوى
ازهرى عبد القادر
محمد زكريا
ديناااااااااااك
صبحية ما تخلص
من تالاى بسوى الشاى اها شنو ليكم ؟
| |
|
|
|
|
|
|
|
|
|
Re: اهلا وسهلا يا عوض الله (Re: Salah Abdulla)
|
بقال
شكرا علي الاضافات الجميلة في البوست
كوجان
لاحولا ساي
محمد ابوالقاسم
تشكرا ت كُبار و شكرا علي الصور
سلامة وشكـ يا حيدرنا
عاجبني بروفايلكـ بالمناسية
صلاح عبدالله يا فنان
الدوام لله .. اظنهن العيون لحقن ابوساندرا
انا عارفكـ عاوز تعمل لي مشاكل مع عمر بانقا
اها النقولها ليكـ وربكـ يستر من لسان عمر بعدين
ياخي انا راضي ذمتكـ .. شايف ليكـ جلحات في الصورة دي
| |
|
|
|
|
|
|
|
|
|
Re: اهلا وسهلا يا عوض الله (Re: محمد زكريا)
|
عصام
منبر بكري ده بقي ملعوب فيهو اظنو
ثم
انت ذاتكـ محتاجين ليك هنا للتعريف بعوض الله اكتر
عوض الله الانسان .. الفنان داكـ كل الناس عارفاهو
عثمان و دكتور وليد
يعلم الله وجودكم في البوست بديهو طعم
شكرا يا فنانيين
اوووو حمزة الحلو
اها يا عوض الله حمزة جاكـ ماسكـ جدنا الشفيع في ايدو
في عِرفة اكتر من كدي باقيلكـ
خليكـ قريب يا حمزة و احكي عن عوض الله
مورتون
صدقت والله .. عوض الله شكلو حا يكون حِليات خطيرة
في وجود الروندات والكروشات الجميلة المعانا
ياربي الروندو منو في الفنانين الهنا ؟
| |
|
|
|
|
|
|
|
|
|
Re: اهلا وسهلا يا عوض الله (Re: saadeldin abdelrahman)
|
إنت في ده وللا عليك النبي عاين الناس ديل و الطيبة دي !!!
تقررررررررب تقلدهم و تبكي معاهم .
........
هسه في داعي للفضايح دي يا ود التوم ياخ ؟؟
أقول لعوض الله أنحنا و الله بحترمكم من زمن بيجيبوكم في التلفزيون و نقعد نصفق ليكم .. إحترام ياخ ..
يقوم طوالي يزعل و يطنطن كده و يتخارج ..
الوكت داك نحنا شفع .. و الله بنحترم الكبار كنا .
بالله كشّف للنظرات الكل وحدة في جهة دي ؟ الأولاد يعني نظام عااااادي .. طبيييييييعي .
ده شغل زمان .. لما كان بتاع الاستديو يقول ليك :
( أعمل فيها ما في كاميرا .. مافي كاميرا .. آآآآآآآآ . و أسرح شوية ، ما تركز .. أديها سِهية زي المافي شي . خش يمينك شوية .. شوية لسه .. بسسسسس .. راسك فوق حبة .. لا لا .. علي جاي شوووية .. بسسس .. أثبت علي كده ) .
و شطااااط ..
آمنت بالله .
| |
|
|
|
|
|
|
|
|
 Re: اهلا وسهلا يا عوض الله (Re: Emad Abdulla)
|
كح كح كح .. سلامات يا اخوانا ... كح كح كح .. والله البوست مليان (غبار) , اتحدى زول هنا يقول ما كويت (العلم) مع (سمعه) يوم الاستقلال ..؟؟؟ لوووووول ..
يا عماد عبدالله عارف الصوره الفوقي دي اللي صورها للناس ديل منو ؟؟؟ تخيل ؟؟؟ محمد بشير الشفيع ... اخو عوض الله دا زاااتو ..
انت عارف الزول صواااار جنس تصوير ...!!! العجب كان حتل ليك مه ضبانه ولا ورده كركديه ... بيتطلع عينها زاتو لمن يصورها .. انت يا عماد دا مش اسمو الماكرو ولا شنو كده ؟؟؟
غايتو ... المهم (على قوله عماد عبدالله) ....
ارقدوا عافيه لمن اجيكم تاني بي رواقه .. احكي ليكم قصه (عمو) عماد و( عمو) عوض الله العثل ... ثمح ؟؟؟
| |
|
|
|
|
|
|
|
|
|
Re: اهلا وسهلا يا عوض الله (Re: saadeldin abdelrahman)
|
| Quote: خدر من يـــــــاها ( الغريفات ) القاعدين فوقم ديل ، غربة الجن دي ما فيها أكتر من 200 متر ، بالله كان نفخت بى خشمكـ ساي المرة تقول ليكـ : قتَ شنو ؟ ، |
والله يا عمران بس داير تبهت بت الناس ساي
انت عارف الـ200 متر دي ممكن تتحرفن فيها و ما بغلبكـ تتدسي من العيال في ركن
يعدين يا عمران ياخي انت بعفصو ليك ؟
ياخي وحات الخوة الزمن ممحوق محقة شديدة
شفع و شغل و (مرة )
فـ عذرا علي الرد المتأخر يا صديقي
Quote: ديناااااااااااك
صبحية ما تخلص
من تالاى بسوى الشاى اها شنو ليكم ؟ |
سلمي بت الشيخ
نحن حارسينكـ تظبطي الفكرة وانت عاوزة تسوي الشاي ؟
جنكـ شاي و لقيمات ياخ
استاذ يوسف
والله عوض الله يستاهل عدد 2 بوكية ورد فعلا
ولو كان جانا عدييل كان اديناهو 3 والله
راجينكـ يا اساذ يوسف .. ما تغيب علينا
| |
|
|
|
|
|
|
|
|
|
Re: اهلا وسهلا يا عوض الله (Re: خدر)
|
عوض الله حبابك يوم الله جابك
نفرش ليك الدروب و نحضر ليك المطلوب
يا الطيب يا العديل..
يا الفنان
______
علا عندي سعال
البندق دي من سوق شبشة؟؟؟
باقي داير لي واحدة....
| |
|
|
|
|
|
|
|
|
|
Re: اهلا وسهلا يا عوض الله (Re: باسط المكي)
|
عوض الله بشير الشفيع
مرة عزمنا شبشه و الرجل كريم و اتحركنا من بيوتنا الصباح واتلاقينا فى الداخلية فى بانت و الباقى لاقنا فى السوق الشعبى الخرطوم ( محل الباصات بتقوم) و الرئيس بنوم قعدنا فى السوق الشعبى زمن طويل خلاص و مافى اى بص جا ماشى على الدويم غايتو اخيرا لقينا لينا باص و على ما اعتقد من الباصات السفنجات الزمان ديك و الباص مشا مشى بطئ خلاص غايتو لما وصلنا الدويم بداية المغرب روحنا مرقت وتعبنا تعب شديد و انا طبعا كنت قايل نفسى و صلنا شبشه خلاص اكتشفت الموضوع فيه بنطون وتانى نركب مواصلات توصلنا لى شبشه و صلنا البنطون والحمد لله بالسلامة و من البنطون الناس كلها ازيك يا عوض الله ، حمدله على السلامه يا عوض الله ، على اى حال الناس كلها سلمت على عوض الله و نحن طبعا معاه نسلم سااااااااااااكت لما قطعنا البحر و البنطون وصل بهناك اتوجهنا للمواصلات و ما بعيدة من مكان وصولنا الجماعة اهل شبشه اكرمونا كرم شديد و جابو لينا بوكسى معروش وركبناالبوكسى و الحمد لله وصلنا بعد جهد جهيد شبشه و الكلام دة بعد المغرب الخروف كان جاهز اول ما وصلنا الخروف ضبحوا و قالوا لينا الحمام جاهز دخلنا استحمينا وصلينا و امامنا كان والده الله يرحمه ويغفر له ويجعله من اصحاب اليمين رجل والله و لا كل الرجال تقعد جنبو يملاك هيبه ووقار كيف خلى والده عوض الله يقرأ موسيقى ما عارف ، بعد الصلاة و الاستحمام والخروف جابوا وضربنا ضرب شديد سالت عوض الله سؤال يحدى الان الناس الفاتو معانا شبشه مذكرنو والسؤال هو
يا عوض الله انت عليك الله عرفت معهد الموسيقى دة كيف ؟
الرجل عوض الله تعبنا تعب شديد خلاص ، لكنها كانت من اجمل الرحلات الاسرية بيننا و عالقة فى الذهن ولم انسى كل تفاصيها
كل الجب لاسرته الكريه و الرحمه و المغفره لوالده ولى اخوانه الكرام و اخواته ربنا يحفظ الجميع يا عوض الله وربنا يحفظك انت كمان ويديك على قدر ما اكرمتنا فى بيتكم
محبتى لك يا حبيب بلا حدود
| |
|
|
|
|
|
|
|
|
 Re: اهلا وسهلا يا عوض الله (Re: Muna Khugali)
|
Quote: عوض الله بشير عضو مؤسس بفرقة عقد الجلاد الغنائية
تعالو نرحب بيهو عشان تاني ما يتدبي و يدخل سودانيزاولاين بالدس |
الف اهلا وسهلا ,,
والله مشتاقين ,,
وياحليل كلية الطب والصيدلة وجمعية الموسيقي والمسرح والكورال ,,
والحصص الطوال ,,
لازلنا نذكر اياما مضت ,,
وياريت تعود !!
خدر يديك العافية ,,
والشوق كتلنا!!
| |
|
|
|
|
|
|
|
|
|
Re: اهلا وسهلا يا عوض الله (Re: خالد العبيد)
|
| Quote: ارقدوا عافيه لمن اجيكم تاني بي رواقه .. احكي ليكم قصه (عمو) عماد و( عمو) عوض الله العثل ... ثمح ؟؟؟ |
كااااااااااااااااااااااكــ
شكرا والله يا داليا .. ريحتيني الله يريحكـ
جعفر سلامات
واهلا بي ترحيب ناس النيل الابيض
ياسلام يا سلام
اشتاذ ازهري شخصيا
البوست نور والله يا ابوالزهور
عبدالرحيم
شكرا علي الترحيب يا اهل شمبات
تسلم يا باسط
و مشتاقين يا فنان
قوية يا حمزة .. ضحكتني لمن دمعت
واصل الحكي و الذكريات يا فنان
مني سلامات يا ستنا
و شكرا علي الترحيب
معاكم في لندن قريب .. اجدعي تلفونك
مجدي ود الشيخ
شكرا ياخي والله
و واحشانا طلتكـ .. وين الغياب يا فنان
| |
|
|
|
|
|
|
|
|
|
Re: اهلا وسهلا يا عوض الله (Re: Magdi Ahmed Elsheikh)
|
الف مرحب بعوض الله بشير
اضافه نوعية من طرازعالى وغالى
وبعدين الزول ده جده الشيخ برير
يعنى قريبى ياطارق ابوعبيده
واخيرا الجذور من عندنا سوى..
بس انا ملاحظ المبدعين ديل
الواحد يبدأ نشيط ولكن شويتين ما تسمع بيه كلو كلو..
مثال هنا رحبنا
بحميد حسن سالم والكتيابى وسيف الجامعه وعمار السنوسى
ونانسى عجاج واسرار بابكر وعمر احساس
وحاتك مافاضل لينا الا زولنا الاصيل المبدع يوصف الموصلى
اما الباقين فبالكتير خمسه مداحلات والبعض هرب من الترحيب
دحين يا ابن عمى المنبر منور بيك ونحن غزار وكتار بيك
ماتنقطع،،،،
| |
|
|
|
|
|
|
|
|
|
Re: اهلا وسهلا يا عوض الله (Re: عبدالكريم الامين احمد)
|
حق لي ..
ان ارفع رأسي عالياً.. وافخر بهذه الباقة الحبيبة من الاصدقاء والزملاء والاساتذة الذين وقفوا لي بباب الدار بشرأ وترحاباً وحسن استقبال...
انعام عبد الحفيظ..
انار الله قلبك وعقلك..
شكراً لترحابك
عبد الله عثمان..
تسلم يا الحبيب..
عبد الكريم ود كاري ...وافكاري
ايدينا للبلديا كوكي
تسلم الايادي
| |
|
|
|
|
|
|
|
|
|
Re: اهلا وسهلا يا عوض الله (Re: Awadallah Bashir)
|
حيدر الزين... الزيييين..
سعدت بكل نقطة من نقاط الترحيب..
و...نقطة..نقطة يا حبيبي نسير..
سلم لي علي الصديقة الدفعة د.نجاة بي هنالك وقول ليها راجينك بي هنا..
تشكر يا لورد
عمران ..
عامرين..الدار عامرة بي اهلها..
فج لي جنبك..
شكري لك..
عصام الحبيب...
دايماً ايديك بيضاء..
لا انسي وقوفكم معنا كأسرة...ومساعدتكم لنا انا وحواء لنكون اسرة...
...عصام.. تاريخ مشترك..حاضر زاهر.. ويداً بيد لمستقبل ناضر.
لك الحب والاحترام..
| |
|
|
|
|
|
|
|
|
|
Re: اهلا وسهلا يا عوض الله (Re: Awadallah Bashir)
|
انا حا ارحب بيك يا عوض الله...عشان لامن اهز فيك...
ما تتغابي فيني العرفة...
واكيد حا اقول...ليك
الظاهر عليك ما عرفتني يا استاذ..؟؟؟
وحا اكون سافي...ولابس نظارات نظر قعر كباية وحاكي راسي...
ولما يغلبك تعرفني ...حا اقول ليك ياخ انا ما الزول الرحب
بيك في سودانيزاونلاين...في بوست خدر...ومعاي ناس صديق
الموج...وانعام عبدالحفيظ...بس ما كنت لابس نظارات
| |
|
|
|
|
|
|
|
|
 Re: اهلا وسهلا يا عوض الله (Re: nazar hussien)
|
Quote: وحا اكون سافي...ولابس نظارات نظر قعر كباية وحاكي راسي...
ولما يغلبك تعرفني ...حا اقول ليك ياخ انا ما الزول الرحب
بيك في سودانيزاونلاين...في بوست خدر...ومعاي ناس صديق
الموج...وانعام عبدالحفيظ...بس ما كنت لابس نظارات |
نزار حسين يعني إنت ما قادر تجيب إلا الوصف الشين دا؟؟ 
وكمان داير تجيب سيرتي معاك بالله شوفو الحقد دا!!
يا زول هووووي بالشناة دي لا بعرفك ولا حاجة 
ويا عوض الله الزول دا كضااااااب دا ما شكلو 
| |
|
|
|
|
|
|
|
|
|
Re: اهلا وسهلا يا عوض الله (Re: Awadallah Bashir)
|
السلام عليكم السيد عثمان موسي...
الزول المفوه مرتب الفكار والمواضيع..انا من اشد المعجبين..
طلتك كرم وجود ...وترحيبك يسر البال.
شكراً شوية عليك؟
الوليد محمد الأمين..
ربنا يقدرنا نكون نعم الرفقاء..
شرفتني..
وحمزة ده يا جماعة اسمحوا لي ادخل بيهو لي جوة ..لتعلو ضحكاتنا..
اروع الذكريات واحلي القصص وكلام الاضان يا حمزة ونحن واقفين جنب بعض في المسرح واحياناً نتقاسم المايك..
ياخ بحبك شديد...
محمد زكريا الفنان...
عليكم يقع حمل الرسالة السمحة بي هناك...
وينطبق عليكم قول (اينما وقع نفع)
| |
|
|
|
|
|
|
|
|
|
Re: اهلا وسهلا يا عوض الله (Re: Awadallah Bashir)
|
كبرتو لي راسي..
وفي الحقيقة هرشتوني..
اسي البوست الأول لي يا ربي يكون شنو؟
اكتب في شنو؟؟؟
الله ينصر دينكم ياخ...
بقال... شعلة النشاط والاهتمام..
بالله ضيف اسمي لنشاطات البورداب سريع..
حروفك الراقصة اطربتني ...
اشكر ترحيبك المزركش..
Kojan
يا مستر...يا فنان
يا لذيذ ...
لك ودي.
محمد ابو القاسم..
كانت مداخلتك احتفاءً واكثر من مجرد ترحيب..
لكن ياخ ما في صور تانية ما فيها اشارات ...لوووول.
للصور قصص حلوة سنأتي لسردها
يوم شكرك مايجي...
صلاح عبدالله...
اخو هناي..
انت واخوك بتجيبوها من وين؟؟؟؟
مركزين.. وحكايين...وعمد..
امكم من وين؟؟
عماد ده رضعتو حبوبتو عرفناهو...انت الفطمك منو...؟؟؟
شكراً ياحبيب.
معليش يا جماعة...
...... استاذالموصلي في صفحة براهو.
| |
|
|
|
|
|
|
|
|
|
Re: اهلا وسهلا يا عوض الله (Re: Awadallah Bashir)
|
يا استاذي...
كمان باقة ورد؟؟؟؟؟
باخ الباقة الختيتا لي في راسي ده من بداية التمانينات لسة ما زبلت...
انا وزملائي ما زلنا نسير بوقودك...
الله يديمك علي راسنا..
تحياتي للاسرة الكريمة..
ولكل زملائي بطرفكم..
| |
|
|
|
|
|
|
|
|
|
Re: اهلا وسهلا يا عوض الله (Re: Awadallah Bashir)
|
التلج نقص؟
كدي النكسر اللوحين ديل...
البنت الحديقة دي ماعرفت اصنفا,,,
مرة تشوف صديقة.. تلقاها صاااادقة ولمن تكون داير اخت ...لمن تحتار...
ولمن شافعك بالليل يورد او يحتم...تلفونك براهو يضرب ليها...
وعطاء عطاء بلا حدود...
وطبعاً كتيرين منكم عارفين الكلام ده من مساهماتها...
الله يهني عمرك يا داليا يا كباشي والفي مرادك يتم زي ما قاعدة تتمي الناس.
عبد الرحيم حسب الرسول ...
وينك يا زول يا رائع...
اشكرك لبوست النو...
حتسمع اخبار حلوة بكرة في الخصوص ده.
وشكراً تاني للترحيب الحار..
الجاي ...كبيري ازهري نور الهدي...
| |
|
|
|
|
|
|
|
|
|
Re: اهلا وسهلا يا عوض الله (Re: rosemen osman)
|
ود العبيد
كلام في سركـ .. الفنانيين ديل ناوي اعمل بيهم انقلاب في المنبر
نستولي علي السيرفر بليل
شكرا يا خالد
Quote: وبعدين الزول ده جده الشيخ برير
يعنى قريبى ياطارق ابوعبيده |
خلاص يا الموج قمت علي الكوار
الزول ده ما قريبكـ ولا شي
غايتو إلا تكون داير تغني في عقد الجلاد
و دايرو واسطة
شكرا يا حنون علي الترحيب
كيكي
خشمكـ فوقو اللبن
عليش
شركت لي بي جاي شايفك
لولا إعلانكـ هنا والله ما كان إنتبهت لي البوست داكـ
شكرا علي البوست و لفت الانتباه
نزار والله وسط ضحكي من كلامكـ
لقيت تعوم نكرتكـ عدييل
و ضحكت زيادة
الله يفرحكم انت و نعوم كمان و كمان
Quote: انت ياعوض الله عشان قالوا ليك ...
بتخش بالدس ...
تجيني بي جملك...
وجيم تلاتة..
ونص النهار.. |
مُبالغة
حميدة
شابفكـ عامل فيها من اولاد كنبيوترمان؟
الحركة دي ممكن تعمل ليكـ مشاكل مع تامبا
انا بررررررررة
| |
|
|
|
|
|
|
|
|
|
Re: اهلا وسهلا يا عوض الله (Re: humida)
|
معلمي...
ابو الزهور...
قي فهمي ان المعلم هو القائد.. والمثال والهادي والموجه..
وافضالك يا الحبيب علي اكثر مما سبق وذكرت...
فقد كان نعم الأخ الأكبر ...يخاف عليك وينصحك ويحميك وينير لك الدرب..
من نعم الله علي انني اخذت من فيضك الكثير ...
شكراً مستداماً..
يا ازهري قالو الطريفي فارق جملو في شبشة دي.. وانا لميت ليه فيه وفازع بي كلاشي افتش في الطريفي ده..
ويا ناس المنبر كان لميتو في الطريفي قولولو جملك جمع..
علا في الخرتوم..
| |
|
|
|
|
|
|
|
|
|
Re: اهلا وسهلا يا عوض الله (Re: SHIBKA)
|
جعفر محي الدين ..
جونيرنا...
في النيل الابيض الثانوية..المدرسة العظيمة في البلد العظيمة..
تحياتي لك وامنيات بالتوقيق وليجمعنا المولي قريباً...
سلامك لاشقائي برير والشفيع وصلت .. ويبلغونك السلام.
حفظك الله...
باسط المكي ...
بسطني ترحيبك الله يبسطا عليك...
الاسناذة منى خوجلي..
تسلمي.
مجدي احمد الشيخ..
تعلمنا الكثير من اشرافنا علي كورالات الجامعات...
عوافي عليك
خالد العبيد يا فنان ...صاح؟
ارجو ان نكون الاضافة المرجوة ..
بسلم عليك..
| |
|
|
|
|
|
|
|
|
|
Re: اهلا وسهلا يا عوض الله (Re: Awadallah Bashir)
|
Quote: الصورة دي في مضارب اسرة خالي شقيق والدتي احمد بشير جاد الله بالقرب من الشقيق غرب النيل الابيض..
|
داير تقول لي الزول الفي الصورة ده خالك...
ولا الجوه القطية دااك...
بعدين انت وين في الصورة...
والبندقية دي كلاشنكوف ولا جيم تلاتة...
والجمل ده ابن لبون ولا مسنة وجمل منو...
وسلم لي على حواء ووليداته..
| |
|
|
|
|
|
|
|
|
|
Re: اهلا وسهلا يا عوض الله (Re: HAMZA SULIMAN)
|
Quote: كورال كمبيوترمان من انجح الكورالات الجامعية..حصل علي جائزة عربية ضمن منافسات نشاط الجامعات العربية وثاني كورال بعد كورال الاحفاد لديه تسجيل بالتلفزيون القومي...
تشرفت بان كنت المشرف الثقافي ومؤسس الكورال...
شرفت البوست يا حميدة..
اقبل صداقتي.. |
استاذنا العزيز .. المعـرفة قديمة من ايام الكلية ..
نسبة لتعاقب الطلاب .. ما بتكون متذكرني ..
دفعتنا حضرت اجمل ايام الكورال .. و اغلب الاصدقاء في الجامعة كانوا ضمن الكورال ..
محمد بشير .. زاهية عابدين .. هبة محمد خير ( زوجتي ) .. و بقية العقد الفريد ..
مرحب بيك في سودانيزاونلاين ..
| |
|
|
|
|
|
|
|
|
|
Re: اهلا وسهلا يا عوض الله (Re: Awadallah Bashir)
|
| Quote: المذكورين من اميز الكلاب في ذلك الزمن.. شطارة ورقي .. |
قطعا لمن تفوت علي فطنة القارئ انو اخونا عوض الله حديث عهد بكيبور سودانيزاولاين العربي
الصحيح
| Quote: المذكورين من اميز الطلاب في ذلك الزمن.. شطارة ورقي .. |
| |
|
|
|
|
|
|
|
|
|
Re: اهلا وسهلا يا عوض الله (Re: خدر)
|
| Quote: قطعا لمن تفوت علي فطنة القارئ انو اخونا عوض الله حديث عهد بكيبور سودانيزاولاين العربي |
مش برضو هي كيبورد وين الدال ياعمكـ...
ولا كمبيوترك (عنقليزي)...
انت في واشنطن ولا اسلو...
ياجماعة ده شنو بيت النمل ده...
| |
|
|
|
|
|
|
|
|
|
Re: اهلا وسهلا يا عوض الله (Re: humida)
|
التحية للفنان الأخ / عوض الله بشير الشفيع
وللأمانة عوض إضافة نوعية للمنبر، وغير أنه فنان موسيقى، هو فنان في كل التفاصيل الحياتية العادية، أنيق لدرجة الرسم، كما أن جميع أفرد عائلته اللذين تشرفت بمعرفتهم فنانين ( محمد / فوتوغرافي محترف)، ( برير/ بجانب تخصصه ودارسته /فوتوغرافي)، ( د. الشفيع / خريج الفنون خطوط ) لم أرى أجمل من خطه.
تعرفت عليه عبر شقيقه الأخ العزيز برير بشير الشفيع (شمبات كلية الزراعة) والسنة حمده في بطنه، و من بعدها تشرفت بزيارة منزله بشمبات، كريم لدرجة حاتمية، بشوش، حلال مشبوك، وعقدة رأي، تحس بأنك تعرفه من زمن، ينسيك تاريخ البدايات من شدة عمق العرفة والإلفة.
لها ولزوجته وأبنائه وإخوانه وجميع أهله عاطر السلام والتحايا
وتفضل البيت بيتك
| |
|
|
|
|
|
|
|
|
 Re: اهلا وسهلا يا عوض الله (Re: سيف بخيت موسي)
|
Quote: البنت الحديقة دي ماعرفت اصنفا,,,
مرة تشوف صديقة.. تلقاها صاااادقة ولمن تكون داير اخت ...لمن تحتار...
ولمن شافعك بالليل يورد او يحتم...تلفونك براهو يضرب ليها...
وعطاء عطاء بلا حدود...
وطبعاً كتيرين منكم عارفين الكلام ده من مساهماتها...
الله يهني عمرك يا داليا يا كباشي والفي مرادك يتم زي ما قاعدة تتمي الناس.
|
عاجزه عن التعبير اخي عوض الله ...
الله يديك الف عافيه اخجلتني ... تحياتي..
| |
|
|
|
|
|
|
|
|
|
Re: اهلا وسهلا يا عوض الله (Re: داليا الكباشى)
|
Quote: المذكورين من اميز الكلاب في ذلك الزمن.. شطارة ورقي ..
قطعا لمن تفوت علي فطنة القارئ انو اخونا عوض الله حديث عهد بكيبور سودانيزاولاين العربي |
خضر...انعل صليبك ياخى
والله لقد اصاب ابن عمى عوض الله حين اخطأ
انهم حقا كذلك طالما بينهم الوغد
المسمى مجازا او مزاجا حميضه،،،،
| |
|
|
|
|
|
|
|
|
|
Re: اهلا وسهلا يا عوض الله (Re: صديق الموج)
|
Quote: غايتو يا منعم الحاج تغيب تغيب
و تجي تتدبي زي عوض الله ده كدي
وينكـ مختفي يا فنان !!
|
والله تقول شنو ياخي؟
البيدبوا هنا كتار
هسة خطاب" دا مالو ..
ماكان كويس ..رامي مطارات
والنيل الماخمج..
والبركة في جية عوض الله دا..الخلتنا نشوفو..
سمعنا انك في بلد نهاية التاريخ ياقول
فوكوياما..وألا يمكن تكون تقليعة عليشية ساكت..
المهم انا البوست زي شفتو كدة لكن مامتأكد ..
وما متاكد دي لانو عليش مامضمون يمكن
يكون خاتليهو خمسات كدا علي جانب..
سلامات يا عوض الله تاني وسعيد جدا بأنك هنا
وياريت تدوم بيناتنا حاجات كتار
| |
|
|
|
|
|
|
|
|
|
Re: اهلا وسهلا يا عوض الله (Re: عبد المنعم ابراهيم الحاج)
|
Quote: دحين يا طارق دايرين صورة ليك زي الفوق ديلاك
قبل التغيرات الجيولوجية وتراجع الغابات |
شفتي يا روزمين الولد الصغيروني الحليووني الخنفس
الفي غلاف الالبوم ده !؟
الحولو دائرة حمراء ده ياخ !!
ده انا
ايييييييييييييييييه .. الا ليت الخنفس يعود يوما
شكرا يا شبكة
واهلا بي عوض الله معاكـ
كنجال
الله يدينا خيركـ شايفكـ مقابلنا
انا و الكاشف عوض الله
الله يستر غايتو
شكرا يا سيف علي البايوغرفي الوافي بحق ألـ الشفيع
و شكرا علي ترحيبكـ الضافي
منعم سلامات
غايتو بقيتو كلكم تتدبو
كلام عليش صحيح حا اكون هناك علي عيد الاضحي
تحيات لي سمية و البنات يا فنان
| |
|
|
|
|
|
|
|
|
|
Re: اهلا وسهلا يا عوض الله (Re: Awadallah Bashir)
|
والله اتلقي عندكم سماحة قعدات...
عود وكمنجة وحلة تجقجق...
وواحد عمتو سايلة بي طرف الكرسي...
وواحد عامل شاعر...ومستنيكم متين تنتهوا من الغنية الجاية....
عشان يقدكم بي قصيدة...بوخها يفور لستك قندراني...
وانتو...توزنوا في اعوادكم وعاملين فيها سامعين...
(بلاي كدي عيد البيت بتاع الفرنفلة دا!!!
والراجل يكون قاصد قرفة شدرة..
(والله يا السودان سمح سماحة علا غالي)
| |
|
|
|
|
|
|
| |
خدر
Emad Abdulla
ناذر محمد الخليفة
مزمل خيرى
سمندلاوى
سلمى الشيخ سلامة
هواري نمر
داليا الكباشى
khatab
HAIDER ALZAIN
عبدالوهاب علي الحاج
Dalal Ezzaldin
Awadallah Bashir
انعام عبد الحفيظ
abdalla osman
عبدالكريم الامين احمد
عمران حسن صالح
عصام عبد الحفيظ
Osman Musa
HAMZA SULIMAN
محمد زكريا
ابراهيم بقال سراج
ibrahim kojan
محمد ابو القاسم
Elmosley
saadeldin abdelrahman
bushra suleiman
جعفر محي الدين
Azhari Nurelhuda
عبد الرحيم حسب الرسول
باسط المكي
Muna Khugali
Magdi Ahmed Elsheikh
خالد العبيد
صديق الموج
عليش
nazar hussien
حافظ كنجال
humida
rosemen osman
SHIBKA
سيف بخيت موسي
فيس بوك
تويتر
انستقرام
يوتيوب
بنتيريست