|
|
 اللقاء التفاكري الاول للمحاسبين - مكة . . صور . . يوجد ( شكر )
|
كدي خلوني اولاً اتقدم باسمى آيات الشكر لكل من جعل هذا البهاء ممكناً
غايتو يا اساسي ان شاء الله يوم شكرنا ما يجي . . .
لكن للضمان كدي انا بقدم ليك الشكر و بنتظر كان برضو جليت و مافي زول شكرني بجي اشكّر بدلتي ( الزفرة ) براي
بالجد كدا :
نبدا بالشكر للعزيز اساسي مبتدر الدعوة بسودانيز اون لاين . . .
الحق حق و الفضل فضل ، بفضلك عرف كتير من المحاسبين بـ و عن الجمعية و كان سبب حضورهم اللقاء
اها
تشكرات كميات ايها المحاسب النحرير ، و و للمزيد زوروا موقعنا على : http://sudansas.com/vb/showthread.php?t=47
احي انا ياخ !! لي زمن داير استخدم عبارة " للمزيد زوروا موقعنا على . . . "
|
|
 
|
|
|
|
|
|
|
|
Re: اللقاء التفاكري الاول للمحاسبين - مكة . . صور . . يوجد ( شكر ) (Re: قيقراوي)
|
شيخ محاسبي الغربية الاستاذ / عباس مرجان ، الاستاذ / عمر تكيل ( عضو مجلس الجمعية ) الاستاذ / ازهري ابو عائشة ( نائب الرئيس ) في تكريم عضو البورد الاخ / عبد العزيز الكنزي ، ضمن الاخوة المحاسبين الذين حصلوا على زمالة المستشارين الماليين المعتمدين ( الامريكية ) CFC و هي احدى الدورات التي توفرها و تجري امتحاناتها اكاديمية التربية العالمية
| |
|
|
|
|
|
|
|
|
|
Re: اللقاء التفاكري الاول للمحاسبين - مكة . . صور . . يوجد ( شكر ) (Re: saber alhawatti)
|
لقاء المحاسبين كالذهب الذى لايصدأ
Quote: لقاء تفاكرى .. ولكنه كالذهب .. وطعم
العسل ..دعوة تفاكر اقامتها رابطة
المحاسبين فى مساء يوم الخميس 16/7/
2009م .
حشود لاحصر لها أكتظت بها الاستراحة وأبناء
الوطن تصافح تلك الوجوه التى حضرت هذا
اللقاء .. وكيف لايغنى الزمان فرحة هنا
ورابطة المحاسبين فى القلب .. وحلاوة التفاصيل
فى مفردات برنامج الدعوة المطرز بعروض
الفرقة الموسيقية بقيادة الامبراطور ( ياسر)
والحضور من الشخصيات السودانية النادره .
لقاء بمساحة الحب فى القلوب التى استعادت
نكهة الضحكة الانسانية فى ( وحدة) لايمكن أن
تصنعها يدا أخرى سوى ( رابطة المحاسبين)
ولاحضور نبيل كمثل الذى حضر .
غنى ( حسن خليفة) بموروثه الغنائى فجعل
اللحظة تتوحد لاغيا اللهجات والالوان ..
وكانت الكلمة فقط للمشاعر أمام أبداعات
الفنان ( محمد زمراوى )
الاخوة .. الاشقاء .. الاحبه .. رقصوا وعرضوا
على طريقتنا فتلاقت الايدى وأرتفعت العصى
تعانق وقع الحان الطرب بأشجان الفنان المطرب
القامه ( محمد عجبنا ) استبد الطرب بالاخوة الذين
تركوا أماكنهم وأنطلقوا بهجة.. فكان التكاتف
والترابط مشهدا ليس له مشهد .
تلك الابتسامات الرائعه من ( زمراوى وأزهرى
ابوعائشة وقتحى ونصرالدين ) وبقية العقد الفريد
دفعت بالضيوف بالاشادة الذى أعتبروه مجسدا
لكرم وخلق السودانى الرفيع .
ثم جاءت لحظة ذاك الفنان الرائع والبارع فى غنائه
ألا وهو (محمد زمراوى) فأبدع بفنه وجعل الجميع
يترنح طربا ونشوة مع نغمات تلك الدره الغالية.
لقاء تمنى الجميع أن تطول ساعاته لهذه الوحدة
السودانية التى عانقها النيل سمرة وبياضا وفرحا
فرابطة المحاسبين تستحق بجدارة أن تكون دائما
الوجه السمح لوطن المليون ميل مربع .
وفى لحظة صفاء من صفائها رست أشرعة السفن
لتقوم بالتكريم لكل الزملاء والاحبه ... فكانت
لحظات تمنينا بأن لاتنتهى لكن ماذا نفعل
تجاه عقارب الساعة التى أذنت بدخول اليوم
الثانى فكان الختام ..
تحياتى
تاج |
| |
|
|
|
|
|
|
|
|
|
Re: اللقاء التفاكري الاول للمحاسبين - مكة . . صور . . يوجد ( شكر ) (Re: تاج السر محمد حامد)
|
في مواجهتي بالصورة الاخ الاستاذ بشير نصرالدين نختلف اونتفق معه يمتكل خاصية ان صوته في كل القضايا
عاليا ويصيب اهدافه بقوة ... ثم يسارا يجلس الاخ تاج السر محمد حامد ومن بعد الاخ العامري (طالب
باصورد في الطريق) ومن ثم الاستاذ صابر الحواتي .
كان يوما رائعا وبديع الترتيب شكرا للاخوة في تنفيذية المحاسبين وشكرا للاخ فتح الرحمن قيقراوي
الذي كان نحلة اللقاء ودينمو الحراك الفاعل (طبعا تعويض عما لم يذكر في المايك يومها يا قيقا)
تقديري للمحاسبين والحضور البهي واسرهم وياقيقا عقبال الشمعة المية للابن فادي وانشاء الله تشوفوا
عريس .
...................................................حجر.
| |
|
|
|
|
|
|
|
|
|
Re: اللقاء التفاكري الاول للمحاسبين - مكة . . صور . . يوجد ( شكر ) (Re: يوسف محمد يوسف)
|
Quote: اخى قيقا
ياخ انا زعلان شديد لعدم الحضور
اختى جات من ابو ظبى للعمرة مع زوجها ..يعنى ما كان فى اى طريقة نكب الذوقه !!
اكتر حاجة مزعلانى كمان .. حكاية البدل الجديدة انت واساسى ..
صراحة كده محاسبين كبار .. ما فى كلام تانى
التهنئة لكل الاخوة المحاسبين على هذه الانطلاقة القوية .. نتمنى لكم التوفيق
عقبال مائة عام لقيقا الصغير
الريس |
و الله يا ريس اتوحشناك و افتقدناك عديل كدا
لكن الواجب اولاً يا سعادتو
و الجايات اكتر و اجمل . . . فطويلة هي مشاويرنا
و جيش البورداب ما بقصروا و قاموا بالواجب تمام التمام و حتى الملتقى ابو قصي و مبارك كنزي كانوا حضوراً جميلاً و فاعلاً :
البورداب المختفين : ابوذر النضيف ، ناصر " الليندي . . . و يظهر في الصورة مبارك كنزي
| |
|
|
|
|
|
|
|
|
|
Re: اللقاء التفاكري الاول للمحاسبين - مكة . . صور . . يوجد ( شكر ) (Re: HAIDER ALZAIN)
|
Quote: العزيز قيقراوي .. تحياتي
مبروك ومبارك هذا التجمع لمحاسبي الغربية مجهود مبذول وموفر .. والتحية لكل سعي اليه ..
يا ريت كمان يا ناس الشرقية تغيروا شوية يا الزول زااااتو ..
تحياتنا لك ولك الاستاذة اعلاه .. |
سلامات يا صحبي
و يلا حرك ناس الشرقية شوية
بالمناسبة في تجربة زي دي سبقتنا في المدينة المنورة و استفدنا منهم كتير
مرحب بيكم انت و الزول ذاتو اعضاء في المنتدى sudansas.com/vb و خلونا نتفاكر في الامور ذات الاهتمام المشترك مادام الهم واحد ؟
قول يا ساتر . . . و ربك يهون مع البورد العجيب الاطوار دا بس 
| |
|
|
|
|
|
|
|
|
|
Re: اللقاء التفاكري الاول للمحاسبين - مكة . . صور . . يوجد ( شكر ) (Re: بكري اسماعيل)
|
Quote: تعرف يا قيقراوي اكبر خساره لي إني ما حضرت محمد عجبنا ود بزنس ، لكين المكسب الأكبر إني أتشرفت بشوفة الأخوان
الرفاعي - أساسي - مجدي - صابر الحواتي - بله الفاضل وشخصكم الكريم .. |
يا بكري يا صحبي الجايات اكتر من الرايحات
بس اعمل حسابابك بورداب جدة ديل دائماً ما ( يغنجون ) . . . حتى اسأل عصام دهب
زملاء البورد : بكري اسماعيل ، الرفاعي عبد العاطي حجر ، مجدي عبد الرحيم فضل ( ابو قصي )
| |
|
|
|
|
|
|
|
|
|
Re: اللقاء التفاكري الاول للمحاسبين - مكة . . صور . . يوجد ( شكر ) (Re: تاج السر محمد حامد)
|
Quote: تلك الابتسامات الرائعه من ( زمراوى وأزهرى
ابوعائشة وقتحى ونصرالدين ) وبقية العقد الفريد
دفعت بالضيوف بالاشادة الذى أعتبروه مجسدا
لكرم وخلق السودانى الرفيع . |
شكراً استاذنا الاعلامي الضخم / تاج السر محمد حامد
شرفتنا كتير بحضورك كما عودتنا دائماً
و حاجزين ليك في قلب الجمعية و افرادها مساحة تخصك تماماً
قبل ما نجي لبقية العقد الفريد . . .
فتحي دي مقصود بيها فتحي الصادق مش ؟
السمي استاذنا / فتحي الصادق . . . أمين المال و احد ركائز الجمعية و دينموهاتها
نجي للعقد الفريد
و خلونا نتجاوز فتحي الـ " ما صادق " - الليهو انا - للجندي المجهول و القلب الاساسي للجمعية الا وهو استاذنا و اخونا و حبيبنا " فارس الامين " تصحبة السلامة - متمتع بإجازتو السنوية اعتباراً من بعد الحفلة مباشرةً - و ربنا يرجعك لينا سالم " غانم " و غانم دي بين قوسين و المعنى في بطن الشاعر .
الاستاذ / فارس الامين - امين العضوية و الاجتماعية . . . ظل قابع - حلوة قابع دي مش ؟ و الله الواحد حاسي انو لغتو العربية ح تتصلح رسمي بالطريقة دي ! - ظل يدير شئون العضوية و يمارس امانته بكل تجرد و نكران ذات طوال زمن اللقاء و هو قابع في هذا الركن بكل سخانة اجواء جدة و رطوبتا .
يا فارس يا صديقي اعلى اوسمة الشكر و العرفان مني ليك
و لك الفال استاذنا تاج السر
| |
|
|
|
|
|
|
|
|
|
Re: اللقاء التفاكري الاول للمحاسبين - مكة . . صور . . يوجد ( شكر ) (Re: تاج السر محمد حامد)
|
Quote: التحية أسوقها الى الاخ العزيز والعزيز
جدا قيقراوى .. هذا الانسان الرائع الذى
تجول بنفسه يمينا وشمالا وهو يقدم مالذ
وطاب للضيوف .. وتارة تجده يجول ايضا
بالكاميرا يلتقط من هذا وذاك .. ياله
من إنسان رائع كروعة روحه السمحه ..
عينى بارده ياقيقراوى لك التحية مرة أخرى
أيها الانسان النبيل أنت ومن هم فى كنفك
تحياتى
تاج |
أقسم بالله ياقيقراوى مهما تحدثنا فلن نعطيك
حقك كاملا .. فأنت أكبر من الكلمات التى
تقال والحروف التى تكتب .. حفظك الله ياغالى
تاج
| |
|
|
|
|
|
|
|
|
|
Re: اللقاء التفاكري الاول للمحاسبين - مكة . . صور . . يوجد ( شكر ) (Re: Badreldin Ahmed Musa)
|
Quote: قيقراوي
"النحرير"
سلامات ياخ
مبروك
ياخ والله عايز لي فرصة اسلم عليك، طولنا منك وكدة- يا حليل الايام ديك هههه هاااا |
بدر يا صديقي الجميل
وين الحي بيكم ؟
يا زول انامحاسب ساي ، ما نحرير و لا شيتين . . . ما تجيب لينا الهواء البارد
و الله مشتاقين كتير
اخوك مقطوع من نت ، فمن كان له فضل نت فليعد به على من لا نت له ، فضلة خيرك البدلة - الزفرة - خربت الميزانية كلو كلو
ديل اخوتنا المحاسبين في العمودي " سراج حسن ، و محمد بن سميدع " يمني مولود في بورتسودان " . . . اها البدلة كيف ؟
الفترة الفاتت دي بدخل البورد الا سرقات ساهي ، و حد ما ادخل القى لي اتنين متفتنين و مقبقبين ليك بعض !!
ربنا يهدي الامور و يصلح الحال
و آسف على تأخير الرد و الله كان بالشوق كان رديت ليك قبل ما تعمل مداخلتك
كميات من الشوق و بنتلاقى يا حبيب
| |
|
|
|
|
|
|
|
|
|
Re: اللقاء التفاكري الاول للمحاسبين - مكة . . صور . . يوجد ( شكر ) (Re: قيقراوي)
|
Quote: العزيز والمحاسب المعتق / العامــرى .. عضو المجلس التشريعى لرابطة ولاية الجزيره بالمنطقه الغربيه فى وسط الصورة
شكرا قيقا
شكرا أساسى
لقد كان يوم من أيام ألف ليله وليله
كان البورداب من المحاسبين شمعة الحفل والتى إحترقت لتضئ للآخرين |
سلام يا صابر
و اعتذاري لاخونا المحاسب المعتق / العامري . . . الزول البهجة اعتذاري عن سقوط اسمه بداعي العجلة
الاستاذ / العامري و البهجة و الطرب و الفنان / زمراوي . . . عضو التنفيذية " امين الاعلام و العلاقات العامة"
في الخلفية الاستاذ نصر الدين آدم محمد " الريس " وهو في حالة تشاور مع نائبه الاستاذ / ازهري ابو عائشة
شكراً لحضوركم الباهي و المبهج
الزميل صابر الحواتي و شيخ شباب محاسبي الغربية الاستاذ / عباس مرجان . . . و يظهر في الصورة جلوساً الاستاذ عبد العزيز ابو طالب و الاستاذ / حاتم
| |
|
|
|
|
|
|
|
|
|
Re: اللقاء التفاكري الاول للمحاسبين - مكة . . صور . . يوجد ( شكر ) (Re: قيقراوي)
|
Quote: في مواجهتي بالصورة الاخ الاستاذ بشير نصرالدين نختلف اونتفق معه يمتكل خاصية ان صوته في كل القضايا
عاليا ويصيب اهدافه بقوة ... ثم يسارا يجلس الاخ تاج السر محمد حامد ومن بعد الاخ العامري (طالب
باصورد في الطريق) ومن ثم الاستاذ صابر الحواتي .
كان يوما رائعا وبديع الترتيب شكرا للاخوة في تنفيذية المحاسبين وشكرا للاخ فتح الرحمن قيقراوي
الذي كان نحلة اللقاء ودينمو الحراك الفاعل (طبعا تعويض عما لم يذكر في المايك يومها يا قيقا)
تقديري للمحاسبين والحضور البهي واسرهم وياقيقا عقبال الشمعة المية للابن فادي وانشاء الله تشوفوا
عريس .
...................................................حجر. |
سلامات يا حجر
و العجلة خلتني انسى الاستاذ / بشير نصر الدين . . . ليهو كتير شكرنا و تقديرنا و احترامي
شكراً ليك يا رفاعي لأنك الوحيد الاتذكرني لكن اقول ليك قولة بعد عملة كنزي دي انا بفكر بشكل جادي اشتري لي مايكرفون خصوصي اوصله في البيت عندي و اجي انبح فيهو ليل نهار براي كدا . بس خلي الميزانية تتصلح شوية بعد ما خربتا البدلة .
بمناسبة الباسويرد الطالبينو لاخون / العامري رايك شنو نخش في مقايضة مع سيد الفنايل بعد منع بوستات التزكية نقوم نطلب منو يسحب باسويرد عبد العزيز الكنزي نهائياً و يجيب لينا العامري ؟اها رأيك شنو ؟ و باسويرد محمد الباقر هوادة فوق البيعة كمان !
نطالب بالعامري عضواً
كنزي و اساسي سوري ياخ على الهزة في الصورة ، لكن دي احسن صورة تبرز محاسن بدلتي الزفرة 
تشكر يا حبيب على المباركات لفادي . . . العيال كبرت يا عمك !! . . . يا حليلنا فيها ياخ
| |
|
|
|
|
|
|
|
|
|
Re: اللقاء التفاكري الاول للمحاسبين - مكة . . صور . . يوجد ( شكر ) (Re: قيقراوي)
|
العزيز قيقراوي
اللقاء جمع نفر كريم من المحاسبين وتشرفنا بهم كثيراً وكان لقاؤنا بذملاء وبورداب نقراء لهم واللقاء أهدانا الرؤية وكانت ما أحلاها من رؤية لكم الشكر الجزيل علي عطركم الفواح ومزيد من التفاكر واللقاءات التي توحد أصول المحاسبين بمكة المكرمة وترفع أسهم بورصاهم المنفعية.
الشكر لكل من قابلناهم وعرفناهم ونجزل الشكر للجنة التنفيذية ولجنة اللقاء الجميل .
مودتي ،،،
،،،،أبوقصي،،،،
عيد ميلاد سعيد فادي وعمر مديد في دفتر حسابات الوالد قيقا
| |
|
|
|
|
|
|
|
|
|
Re: اللقاء التفاكري الاول للمحاسبين - مكة . . صور . . يوجد ( شكر ) (Re: محمد حسن العمدة)
|
قيقا والاحبة
ما اكضب عليك اللقاء التفاكري فاجئني بالعدد المهول من المحاسبين بالغربية الذين شدوا الرحال وكانوا حضورا مميزا لذلك اليوم
رغم تحفظاتي علي بعض الامور الاجرائية يوم اللقاء والبرنامج الا ان اليوم كان ناجحا بكل المقاييس
تحفظاتي كانت علي ان البرنامج ابتدا والحضور في حالة حركة دائمة ومصافحات وسلام فلم نسمع شيئا مما قيل تقريبا
كنت حريص جدا علي الخروج بفكرة اعمق عن الجمعية وتاريخها وتصوراتها المستقبلية
وتفاصيل جمعيتها العمومية ولجنتها التنفيذية ولكن قدر الله ان لا اخرج بشيئ واضح ذلك اليوم
نحن بحاجة اكيدة الي لقاء اخر للمحاسبين في شكل جمعية عمومية دون هرج الاسر والاطفال
كما اتمني انه لو كان هناك برنامج واضح مطبوع لدستور الجمية وتصوراتها المستقبلية تم توزيعه علي الجميع
وايضا مواعيد اللقاء القادم التفاكري الحقيقي لان هذا اللقاء كان تعريفي محض ولا اظن انه تم التفاكر علي شي من العضوية
نجاح اليوم اتي في التعرف علي العدد الكبير للمحاسبين بالغربية والذين اتوقع ان الحضور لا يشكلون 1/10 من العدد الحقيقي
ففي شركتنا فقط ما لا يقل علي 15 محاسب سوداني لم احضر الا انا وكذلك بقية الشركات والقطاعات
نجاح اليوم اتي في الحميمة التي ادير بها اللقاء وربط الاجيال الذي حدث وفي البرنامج الترفيهي و ( العضة) وانعدام الشير
نتمني لقاءات قادمة للعضوية كما اسلفت دون الاسر وفي وقت مناسب للتافكر الفعلي
بعدين كميرتك دي بلها واشرب مويتها ما عندها صورة واحدة نصيحة
| |
|
|
|
|
|
|
|
|
|
Re: اللقاء التفاكري الاول للمحاسبين - مكة . . صور . . يوجد ( شكر ) (Re: Badreldin Ahmed Musa)
|
| Quote: بعدين كميرتك دي بلها واشرب مويتها ما عندها صورة واحدة نصيحة |
برضو ؟!!!
ياخ انا بطني دي اتجوغرت عديل كدا ! شوف كنزي خلي يموص و يشرب عامل لي فيها مفكر رسمي كدا ! هو صاحب " فكرة " اليوم دا ، لكن عليك امان الله فكرة يتيمة - بيضة ديك بس - كل سنتين ، و يجي يفكها فينا و يحاسبنا كمفكر استراتيجي ؟
اما انا فكفاي بليت البريزنتيشن و شربت مويتو بي زركشة الوانه العكفت - ما قلت ليكم لغتي العربية ماشة تتصلح ؟ ! - العرض العكفت على انجازه سبعة ايام بلياليها ، و استعنت فيهو بصديق و اتنين تلاتة ما صديق ذاتو ، و في اليوم الموعود لجأت للجمهور مرة واحدة كدا و اظنك من الشاهدين على لهفة البحث عن لابتوب صالح للعمل مش خردة زي الجابو لي فارس داك . قديماً قيل : كل تجربة الزول بتعلم منها ، اها الليلة ديك انا اتعلمت انو الزول مفروض يحلل المشكلة بشكل سليم عشان يحلها . تقديراتي انو الخلل كان في البروجكتر ، عشان كدا انصبت كل مساعي الحل في ايجاد بديل و قد كان . لكن تصدق انو ما اتحلت المشكلة و لا ساهم بأي شكل في الحل ؟! لانو ببساطة البروجكتر الاول ما كان بشكو من شئ ! الخلل في اللاب توب الما قادر يتعرف عليهو و بشكل اساسي كان الخلل يكمن في تحليلي (الكارثي ) للمشكلة خصوصاً في استراحة " درة البعيداب " دي . عموماً خطا بتحمل نتيجتو كاملة . ما تقول لي صدعتكم لانو ببساطة كان تاريخ الجمعية و نشاطها كلو هناك و كان ح يدي فكرة معقولة ( مقروءاً) مع خطاب الريس - الما سمعتو بسبب الضجيج و الحركة - عموماً زي ما بقول المثل : الجايات روابح كان يجن قٌماح . . . ولأ هو ما قال كدا ؟
يا اساسي رأيك دا تعال بيهو بغادي . . . و خلينا نحتو قرض و نناقش التفاصيل بجاي : http://sudansas.com/vb/showthread.php?t=50
| |
|
|
|
|
|
|
|
|
|
Re: اللقاء التفاكري الاول للمحاسبين - مكة . . صور . . يوجد ( شكر ) (Re: Salwa Seyam)
|
العزيزة سلوى
سلامين و حمد لله الف على السلامة
و الشوق كتير و الله
Quote: سلام يا قيقراوى ومشتاقين
مجهود ضخم ورائع ..
لكن ليه مافى محاسبات ولا واحدة حتى ? |
محاسبات ؟
يقصّرن الملح من الملاح
قاعدات و الله . . . شوفي هنا http://sudansas.com/vb/showthread.php?t=42
فذلكة جندر :
بعدين ما كفاهن " المحاسبة " مؤنث ؟
غايتو قيل شرعاً كدا المحاسبة و الهندسة حتن يساون " الطب "
لكن النصيحة المحاسبة ، بت قبائل و بطانة شيوخ العلم . هو قال ليك شيخ اقتصاد دا راجلاً ساهل ؟
--------------------
وكت جابت ليها بل و شراب ! للضمان كدا تم غسل الصورة و كيها ، عشان المغص و اللواية ؤ كدا
| |
|
|
|
|
|
|
|
|
|
Re: اللقاء التفاكري الاول للمحاسبين - مكة . . صور . . يوجد ( شكر ) (Re: محمد الشيخ أرباب)
|
Quote: الشكر لكل من قابلناهم وعرفناهم ونجزل الشكر للجنة التنفيذية ولجنة اللقاء الجميل .
مودتي ،،،
،،،،أبوقصي،،،، |
سلام يا ابو قصي
تعرف الما لاقيتهم اكتر !
امسك عندك ديل اتنين اعضاء لجنة تنفيذية ما لاقيتهم : الاستاذ / هاشم علي و محمد احمد ( كوبا ) يتوسطهم الكنزي
الاستاذ / الشاذلي ادريس فضل - أمين الثقافة ( السابق ) . . . صورة جماعية من لقاء د. كرار التهامي ( أمين جهاز المغتربين )
الاستاذ / مالك عباس الامير ( رئيس مجلس الجمعية ) . . . لقاء د. كرار التهامي
بمناسبة وقفة استاذنا / كمال حداد دي . . . كدي خلينا اول نتم الحضور بعدين نفتش الغياب :
الاستاذ كمال حسن حداد نائب أمين المال - الاكاديمية
و هو احد الجنود المجهولين الكانوا وراء بهاء هذا اليوم . . .
------------ برة الخط ---------------
تشكرات كميات يا ابو قصي . . . و كان كمان كف نف كدا قمت فتحت البوست الاتفقنا عليهو تكون ما قصرت
| |
|
|
|
|
|
|
|
|
|
Re: اللقاء التفاكري الاول للمحاسبين - مكة . . صور . . يوجد ( شكر ) (Re: قيقراوي)
|
من الارشيف : الجمعية العمومية . . .
كل الشكر استاذ / محمد آدم . . رئيس جمعية القانونيين بمنطقة مكة المكرمة
تعظيم سلام للبرلوم الفات الكبار و القدرو الاستاذ / ابو بكر خليفة " ابو حواء " . . من مؤسسي جمعية المحاسبين ، عضو اللجنة التمهيدية . . اعتذر عن المواصلة لاستكمال الدراسة .
الصورة الاخيرة ( اسفل اليسار ) الاستاذ / مجدي بشير شبندر نائب أمين التطوير
| |
|
|
|
|
|
|
|
|
|
Re: اللقاء التفاكري الاول للمحاسبين - مكة . . صور . . يوجد ( شكر ) (Re: Rihab Khalifa)
|
Quote: 2. إطلاع الأخوة المحاسبين على ما تم إنجازه خلال الفترة الماضية، ومناقشة القضايا المشتركة وتبادل الآراء حول الجمعية .إكمال مشوار ومساعي الجمعية للحصول على قطع أراضى للمحاسبين ، والذي بدأته مع سعادة الأمين العام لجهاز السودانيين العاملين بالخارج (د/كرار التهامي) في ( جدة و الخرطوم )
3. العمل على تجهيز المستندات المطلوبة حتى نتمكن من إعداد الأرانيك و تقديم القوائم بأسماء المحاسبين الراغبين لجهات الاختصاص في جهاز السودانيين بالخرطوم لتنفيذ الخطة حسب الاتفاق وهي:
• صورة من الإقامة سارية المفعول .
• الصفحات الثلاثة الأولى من جواز السفر .
• خلو طرف من الضرائب . |
المحاسبين بالغربية - منطقة مكة - لقاء تاريخي يوم الخميس 16/07/2009م
Quote: الاخوة المحاسبين السلام عليكم
نود ان نحيط علمكم أن اللجنة التنفيذية في اجتماعها يوم الخميس الموافق 30 يوليو 2009 م اتخذت قرار مد فترة تسجيل بالنسبة للارض التي ستخصص للزملاء المحاسبين المستوفين الشروط فقط .
حيث انه بذلت جهود مضنية و كثيفة مع الأمانة العامة لجهاز شئون المغتربين بلقاء سعادة / د. كرار التهامي بجدة - فندق قصر المدينة . و استكملت بلقاءات الاستاذ / نصر الدين آدم رئيس الجمعية بسعادته بمكتبه في الخرطوم ، و مقابلة سلطات الاراضي و تلخصت المتطلبات في تجهيز كشوفات الزملاء المحاسبين المسجلين بكشوفات الجمعية و تكملة متطلبات استيفاء استحقاق تخصيص الاراضي لهم . |
اعلان هام :
سيقفل باب التسجيل بكشوفات الاراضي خلال شهر من تاريخه
سارع اخي المحاسب في تثبيت حقك في ان تضع اسمك ضمن كشوفات الاراضي ، في اقرب وقت ممكن حتى يتسنى لنا رفع الكشوفات في وقتها لاغتنام فرصتنا اسوة بالجمعيات المهنية المناظرة .
| |
|
|
|
|
|
|
| |
قيقراوي
Badreldin Ahmed Musa
saber alhawatti
تاج السر محمد حامد
الرفاعي عبدالعاطي حجر
HAIDER ALZAIN
يوسف محمد يوسف
مجدي عبدالرحيم فضل
اساسي
محمد الشيخ أرباب
Rihab Khalifa
فيس بوك
تويتر
انستقرام
يوتيوب
بنتيريست