|
Re: عااااجل .. سادومبا الان بمكاتب الاتحاد .. (Re: Maawya Hussein)
|
عايزة دكتور كوباني!! أبو السيد.. سيد الأزهري.. ابن عم الزعيم اسماعيل الأزهري.. هلالابي من ابناء امدرمان.. هو فاكهة كل مجلس وأحد الطف واشهر ظرفاء الوسط الرياضي. لأبو السيد العديد من النوادر في الوسط الرياضي خصوصا وانه (ألجن) بجيب حرف التاء محل الراء والراء ما معروف بوديها وين! أبو السيد قال: في واحد هلالابي جا يحكي ليهو عن حلم مزعج قبل مباراة هلال مريخ.. الهلالابي قال لابو السيد حلمت انو زيكو ماشي بي الكورة وفات من صبحي وفات من مبارك وفات من طارق وواجه يور.. ابو السيد قاطع الهلالابي وقال ليهو (انت ما هلالابي) الهلالابي قال لأبو السيد: كيف؟ قال ليهو انت لو هلالابي جد كنت صحيت من الزول دا فات من صبحي!!! ابو السيد في مباراة للهلال والاهلي الخرطومي كان يجلس بجوار دكتور كوباني عندما كان سكرتيرا للنادي الاهلي.. كوباني توعد ابو السيد بهزيمة قاسية في عقر دار الهلال.. ابو السيد ضحك وقال ليهو خلي المباراة تبدأ بس!! بعد خمس دقائق من بداية المباراة دكتور كوباني (الطبيب الشرعي) جاهو تلفون.. استأذن أبو السيد وقال ليهو انا لازم امشي؟ ابو السيد قال ليهو ماشي وين؟!! كوباني قال ليهو استدعوني ناس المستشفي في حالة مستعجلة!! ابو السيد ضحك وقال ليهو: مستعجلة في شنو المقابر بتقفل؟!! انت دكتور ناس ميتين.. وعايز تغلب الهلال!! يعني الزول الميت دا كان كشفت عليهو بقوم تاني؟!! تذكرت القصة ودكتور كوباني والاخ الزميل مزمل ابو القاسم عايز يشتكي في صحة اعارة كواريزما وامولادي.. معقولة بس؟.. الناس ديل خلاص ربنا يديهم طولة العمر لكن فاتوا من الهلال.. كواريزما ما معروف وين ذاتو.. يعني لو عايز تشتكي فيهو الا تكلم الانتربول.. وامولادي بي غادي لو المريخ عايز يشتكي الا يمشي الدوري النيجيري.. كابوندي مولود جديد كامل الدسم بصحة جيدة وامكانيات كبيرة.. بلعب في الهلال.. مافي طريقة تشتكي فيهو.. جا عبر اعارة صحيحة من نادي كانو بروميكا الكنغولي لنادي الهلال السوداني.. النادي الكنغولي موافق موافقة تامة علي انتقال اللاعب والاتحاد الكنغولي خاطب الاتحاد السوداني وارسل له شهادة نقله الدولية ولجنة التسجيلات اعتمدت اللاعب في كشوفات الهلال وتم ارسال اسمه للاتحاد الافريقي وان شاء الله وانت بتقرا في العمود دا تكون بطاقة اللاعب من الاتحاد الافريقي وصلت.. خليك مع الاحياء!! ما في شكوي في لاعب غير موجود.. معقولة تشتكي في زول ميت؟!! تقول شنو يعني؟.. اذكروا حسنات امواتكم.. يعني ممكن الهلال يشتكي في اسامة ام دوم ويقول تسجيلو في الكشف الافريقي ما صاح بعد السنوات دي كلها؟!! خليك من اسامة القديم دا.. ممكن الهلال يشتكي الآن في شهادة ميلاد مزورة للاعب في المريخ تم تسجيله في الخانات السنية وهسه ما شاء الله كبر وفات العشرين سنه ومشى كشف الكبار؟.. ما خلاص كواريزما مشي والذكريات فقط هي الباقية.. عايزين تشتكوا في الذكريات.. امشوا لي عثمان مصطفى.. يا ابو السيد شوف لي ناس المريخ ديل دكتور كوباني اصلهم عندهم شكوى في لاعب ميت!!
خالد عزالدين
| |
|
|
|
|
|
|
Re: عااااجل .. سادومبا الان بمكاتب الاتحاد .. (Re: abdalla osman)
|
Quote: عاجل : سادومبا يوقع رسميا للهلال نشرت: 16/07/2009 • تزف قوون الالكترونية بشري سارة لانصار الهلال في كل مكان حيث تم تسجيل اللاعب الزمبابوي ادوارد سادومبا في كشوفات الهلال قبل قليل وتم ارسال بطاقته الدولية الي الاتحاد الافريقي لكرة القدم وذلك بعد مجهود جبار من مجلس ادارة نادي الهلال بقيادة الارباب صلاح ادريس الذي ظل منذ ليلة امس في حالة اتصال مباشر بجنوب افريقيا وموزمبيق مطالباً بسرعة ارسال الاوراق وقد اصبح اللاعب الان ضمن القائمة الرسمية للهلال وسنوافيكم لاحقاً بتفاصيل اوفي |
ما أوردته "قوون" قبل قليل على هذا الرابطhttp://goansport.net/article/id/20941
| |
|
|
|
|
|
|
|