رسالة مفتوحة الى سعادة الجنرال سلفاكير ميارديت ....

Quote: يبدو انو السيد البودي قارد (هاشم بدر الدين) قد عشق البودي قاردية العسكرية وجرت في دمائه وهاهو يحاول ان ينزل الياتها ومكيانيزمها من التلويح بالعنف علي حافة الاسافير ويعرض مهاراته البودي قاردية لحمايه قريبه البندر في درشته وسلخته التاريخية تلك...!!! فاسمع واعي ...انت ومن في اذنه صمم..!!! هذا المكان سودانيز اونلاين ساحة للحوار والفكر وانتاج العقول والمعرفة وليس حلبة من حلبات الصراع او العنف كما يتوهمه عقلك الواقف في محطة البودي قارد بالكلاش والهوووك والضربة الصاعقة ....!!! واشكالك الاكبر وانت متوقف في تلك المحطة يجعلك تذهب الي هذه الاسلحة في اقرب لفة من لفات الزنقات لك ولشيخك... لذا لتسهيل الية عملكم انتو الاثنين اقترح عليكم انتو الاثنين ان تتحولو الي ثنائي (المصارع والفكي) والحلبات التي تستوعب مثل هذا الثنائي العامل بهارموني راقدة هبطرش في قاع المدن الاوربية والكندية ولكم ايضا في المدن والفيافي الامريكية مساحة وبرااااح. وحلبات صراااع.... حتي تمارسا نمط البلطجة والهنبتة ومحاولة حسم الصراع بادوات . علي شاكلة (بلقاكم واتحداكم ..واصبروا لينا دي).... خلي فكي البندر (يلخ ) ليك محاية وحجابات وانت طقطق البشرية الرعديدة من الذين لهم عضلات وعاجباهم روحهم زيك كده وليكم علي اجيب ليكم جموع من الهتيفة والمشجعين والمشجعات يرددن (وجع وجع البودي قارد للناس فجغ)...!!! ولو ما عاجباكم الصراع الدولي ودوشمانات خارج الحدود تعالو الاثنين انتو وجمهوركم وليكم علي انظم ليكم حلبة صراع من صراعات النوبة في حواف اي كمبو من كمبوهات السودان مع ناس (قدوم كديس) و( فار بوص) و(ضنب ارنب) والعتاة من مصارعي الكنابي والفيافي العجيبة ديك.....!!!!( ولو دشدشو عضامكم لحقو بكم الي ما صار في امر (غنم زهرة)انا ما مسسوول عن الحكاية دي فهو خياركم بالتاكيد)... ده كلو اخير ليكم من حلبات الحوار والتفاكر و اشياء الثقافة والسياسية لانو ما عندكم استعداد او ادوات للشغلة بتاعة (حاوروا ونقاشوا دي) وليس لديكم مقدرات لاستيعاب الطرف الاخر والتغلب عليه الا بالتلويح بالعنف والتهديد الرخيص والجاسوسية وزج الخاص...!!!!! وعشان كده اكسبو زمنكم واذهبا الي ثنائية 0(المصارع والفكي) ولكم فيها ماشاء الله مهارات ممكن تجيب لينا في السودان كاس بطولة صراعات (المصارع والفكي) الدولي