|
رمضان يرفع الضغط مع الدراما العربية...المطلوب موقف جماعي
|
المصريين اولاد البمبة الشغالين سباكين ونقاشين هنا الحكومة السودانية ادتهم ملايين الافدنة ايجار 99 سنة في ارضنا النوبية الليلة ملبسين زول جلابيه وعمة وداهنين لونه اسود سموه عثمان ادريس ومكتوب صاحب مصنع كور في الخرطوم وبتكلم عن انو مافي كورة في السودان بلغة لا تمت للكنة السودان الاستهزاء واضح والناس ديل والمقصود العرب الحولنا كان ما لاقين مواد درامية ما يثملوا بينا ويبشعوا بينا كدة وحكومة السودان نفسها البتترجل علي لبني وغيرها التشوف رجالتها مع الحكومات دي وسفارات الجبايات البرة والملاحق الاعلامية البتقلدوها المنعمين بالبدل اللابسنها بحق الدولة احسن ليهم يخجلوا شوية كان عايزين يختوها لينا واضحة نحن راضين كان عبيد تعالوا قولوها لينا ما فارقة معانا نحن عارفين نفسنا شنو وبلاها محلسة المثقفين العاملين فيها عرب وشعرا في سفارات النظام لدي الدول دي وقاعدين يتوددوا لاحذية العرب
في الرابط ادناه امس الاخ زميل المنبر عبدالمجيد الكونت حضر حلقة بتستهزأ بينا برضو
ياجماعة افتحو تلفزيون المستقبل الان وشوفو الزول ده بقول في شنو ؟؟؟؟
المطلوب اكشن كبير علي مستوي المنابر الالكترونية بغرض احراج السفارات بالخارج عشان تشوف شغلها ما فضل الا نكون قاعدين في بيوتنا وتستهزئ بيناالناس الما محترمة دي
|
|
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: GamarBoBa)
|
العام الفين وستة اخونا الطاهر ساتي نزل نفس الكلام وناقشناه
Quote: ** لو جسدوا الدور الذي ظل يلعبه السوداني - فكرا و ساعدا - في بناء دويلاتهم لاشدنا بهم ، و لو عكسوا اخلاق اهل السودان الذين يعيشون بينهم بقيم الطهر والنقاء و النزاهة و الاخلاص لشكرناهم ، و لو بادلوا وفاء بني جلدتى وحبهم لهم بوفاء و حب لاثنينا عليهم ، ولو اعترفوا بفضلنا عليهم لاعترفنا بافضالهم علينا ايضا ...!! **ولكن أن يستغل بعض أنصاف المواهب بتلك الفضائية العربية هذا الشهر الفضيل لاظهار السوداني بمشهد الساذج أو العبيط أو الاحمق من خلال الحلقات الدرامية المسماة ب (طاش ما طاش ) ، ويثير فيه الضحك و السخرية و الشفقة ، هذا امر نرفضه جملة وتفصيلا ، ونستنكره ، ولا نرضاه لشعبنا و وطننا ، ولا نقبله لسفيرنا المغترب ببلادهم ..!! ** للسوداني في بلادهم الف صفة حميدة و مائة من الخصال السامية ، هم يعلمونها جيدا ، و تعاشروا معها بعمق ، و يجاهرون بها دوما ، كل صفة تصلح أن يكتب فيها المبدعون شعرا و رواية ، و كل خصلة تصلح أن يجسدها المخرجون مسلسلا و فيلما ، و للسوداني في بلادهم مواقف من النبل و الشهامة و الصدق و الامانة ، وكل موقف يصلح أن يكون مسرحا لتعليم الامم و الشعوب لتلك القيم ..!! ** و لكن عباقرة ( طاش ما طاش ) حين لم يجدوا من يجسد لهم في ( هطرقاتهم ) المسماة بالدراما دور المغفل و الاهبل و الساذج لجأوا الي السوداني ، هذا الحائط القصير الذي - بطيبته و حسن نيته - دأب أن يتحمل كل رمضان مطرقة الصيام في ديار الغربة وسندان تلك الحلقات الساذجة كاظما الغيظ و الحزن احتراما لأداب الضيافة و الاغتراب ، و هم للأسف يظنون الاحترام ضعفا و كظم الغيظ والحزن قبولا لتلك ( الهبالة ) الدرامية و شخصياتها السودانية ..!! ** لنا فضائية بمساحة الفضاء مساحة ، ولها ارشيف من المنوعات و الدراما تجاوز النصف قرن عمرا ، على كل العرب من المحيط الي الخليج أن يبحثوا أنفسهم في هذا الارشيف ، ثم يخبرونا هل وجدوا مشهدا عربيا لا يليق بهم .. لا لن يجدوه .. لا لأزمة التفكير في مبدعينا و لا لقلة ما يمكن تقديمه ، ولكن لأدب راسخ في نفوسنا و اخلاق سودانية تحول بين فضائيتنا و بين ما يخدش حياء العرب و اذواقهم .. وكان على عباقرة تلك الفضائية و جهابزة ( طاش ما طاش ) ان يبادلوا احترامنا لاوطانهم باحترام وطننا و تقديرنا لشعوبهم بتقدير شعبنا ..!! ** و قضايا الامة العربية التي يمكن عكسها دراميا على ( قفا من تشيل ) لو وجدت فضائيات حرة و برامج حرائر ، شلالات الدم التي تكاد أن تجرف الشعوب تصلح لذلك .. بحيرات الدموع التي تكاد ان تغرق الارامل و الايتام تصلح لذلك .. سفن النفط التي تصب خيراتها في الارصدة الغربية تصلح لذلك .. السجون و المنافي و المقاصل التي تحاصر العربي من كل جانب تصلح لذلك .. جيوش التتار التي تغزو في كل عام عاصمة عربية تصلح لذلك .. و كل يوم تشرق فيه الشمس على ارض العروبة لا تغرب الا و قد عانقت اشعتها انكسارا عربيا لا يجد سيناريست بارعا او مخرجا شجاعا ...!! ** دعوا السوداني .. وانتبهوا لقضايا العروبة التي لم تعد تجد مساحة وسط زحام (الفيديو كليبات ) و ضوضاء نانسي عجرم وصويحباتها ... بالله عليكم دعونا في حالنا .. أو كما قال لكم حسن نصر الله (حلو عنا ) .. هذا الوطن - بشعبه المغترب - أشمخ مما تتصورون .. وتصورونه ...!! |
فعلا ..... ( الجمل ما بيشوف عوجة رقبتو ) ... !!
ولا زالت سفارات الخرطوم تعمل كمراكز جبايات لا تعمل شيء
مش ديل المصريين الاعتذروا رسميا للفلبين في عنوان فيلم بخص خادمة فلبينة واجبروهم يغيروا الاسم
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: GamarBoBa)
|
العزيز قمر بوبا .. رمضان كريم ..
رغم اني متخذ موقف من مشاهدة التلفزيون الا القنوات الاخبارية فقط ودا من قبل ثلاث سنوات لنفس الاسباب الاتيت بيها انت هنا ولصمت سفاراتنا واجهزة الاعلام وملحقيها بهذه السفارات لكن قادر اتخيل ما يحصل خاصة بالمسلسلات الخليجية وناس ما يدعي داؤد حسين وطاش ما طاش .. في حدث مكتبة جرير الاخير وتداعياته كنت متوقع عبى أقل تقدير ان لايكون الامر جهد من الاخ مامان واعضاء سودانيز فقط وتوقعت ان يقوم الملحق الاعلامي بسفارتنا المؤقرة باي خطوة لكن للاسف اكتفي بدور المتفرج كالعادة واستلام الراتب والتسهيلات المفترضة لمثلهم ثم تحويل السفارة لبؤرة جباية اخري تضاف لما يُضاف لمآسينا وتترك الشخصية السودانية مثال للإهتزاء والضحك في كل موسم من مواسم رمضان الكريم وما تطالعهم به قناة ام بي سي عصر كل جمعة عبر برنامج سي بي ام ..
يُفترض ان يوجه الخطاب اول ما يوجه لهذه السفارات وملحقيها الاعلاميين ثم لحكومة السودان الفاتحة زراعي أراضيها بالرحب والسعة لهؤلاء الاعراب وهي تسبح بحمدهم صباح مساء وترسل الوفود الاقتصادية والاستثمارية لشحدة روؤس اموالهم لتستثمر بالسودان دون اي مردود على المواطن .. ثم المواطن السوداني نفسه الذي يطربه لفظ شعب كريم وطيب آآآوي آآآوي ومضياف فيتعامل مع هذه الجنسيات بكل اريحية وكرم ضيافة وهي ببلده ونفس المواطن يشهد المسخرة والاستهزاء به في كل ليلة من ليالي هذا الشهر بمختلف القنوات .. في البدء نتمني ان يقوم الاعلاميين والكتاب بدورهم في عكس هذه المشكلة والتي اكثر ما يحس بها هو السودانيين المقيمين في تلك البلاد ثم الضغط على السفارات وملحقيها لنري ماذا يستطيعون فعله غير الجباية .. واخيراً نقول للاخوة السودانيين الطيبانين اصحاب اتبع السيئة بالحسنة تمحها وخالق الناس بخلق حسن هذه لا تنفع مع الاعراب الاشد كفراً ونفاقاً بل سيئة بسيئة تمحي سيئاتهم...
ولك كل الود
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: GamarBoBa)
|
قبل اسبوع مشيت اوصل ناس مسافرين ببص حلفا فوجئت بوجود اكثر من 10 ركاب من النقاشين والدهانين وحافري ابار السايفون التقول البلاد ناقصة مهن زي دي الدنيا صباح والهاردسك نفسه ما اشتغل كويس قعدت الكبار وفي مقعد جلس احدهم قلت للمعاي ده مقعدك وهو رجل كبير.. المصري نطا قال لي المقعد محجوز راجعت التذكرة لقيتها هي نفسها قلت للمعاي اقعد قال لي هات التذكرة قلت انت منو عشان تسأل من التذكرة كمسيونجي ولا ماسك مكتب السفريات ولا الكمساري؟؟؟منو انت انفصمت فيه تماما اتضح انو جالس في الكرسي الغلط بدل المقعد 21 هو قاعد في 12 ومنتظر صحبه الحاجز جنبه صعيدي القراية بتلتلة بتكلم خمسة صباحا وعايز ينظمنا هو؟؟؟ قلت ليه اصلا انت البركبك بص ماشي حلفا شنو كان ما نحن زاتنا بقينا ما عارفين الحاصل شنو
حقيقة مليتو البلد يا اولاد البمبة واستعلائكم علينا عدا زمنه وفات كبايتكم الملانة وماسكاها حكومتكم بترجف ما حتتكب زي ما قال سوداني الا في السودان غربكم ليبيا وشرقكم اسرائيل شمالكم بحر..امشوا اسكنوا فيه وازرعوا فيه...بلدكم ذاتا شن طعما بقت الواحد ينزلها كانة قاعد جوة برطمانية فيها كتاحة
ولماضتكم وقلة ادبكم الفي القنوات بنقلبها ليكم في وشكم كان الحكومة ما قادرة الناس ما بتسكت ليكم
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: abubakr)
|
حيدر الزين رمضانك كريم وتصوم وتفطر علي خير
زيي زيك والله قناة النيل للدراما انا ما فتشتها فتيش بعد الافطار جبت عدة الراس قهوة وسجاير وواحد من ناس البيت بقلب في الرموت لقينا العرقوز الملبسنه عمة ده وقفنا ولانو باقي العدة بتاعة التسجيل كانت بعيدة قلت احضر بدل اسجل شي مقزز في حقنا ونحن صامتين ناسنا يموتوا في اركان البلد الاربعة والدولة تدعم حماس والمنتخب المصري وده رد الجميل مافي اي ندية في العلاقات بالله داؤود حسين (البدون) يهزأ بينا نحن كساة الحرم واحفاد بعانخي وعثمان دقنة وشيوخ التقابة واولاد قرنق
ياخي نحن امة ما نستاهل كدة الا العلينا زمن قاسي يا حيدر
ابقي طيب ولك الود ايضا
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: GamarBoBa)
|
عمنا ابوبكر رمضانك طيب وعلك واسرتك بخير وبألف عافية طيب الفكاك شنو من العلاقة الاستعلاية المتجذرة دي؟؟ زمان قلنا هم مسنودين بأتراك بانجليز وفرنساويين طيب هسة مالنا؟؟ لا يدنا لا كراعنا نقعد نعاين للعروب ديل يستهزؤا بينا كدة الحكومة البتديهم من ارضينا وبترولنا مش تسكتهم ولا ده صرف شوفوني ساي؟؟؟
ابقي طيب با كبير
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: GamarBoBa)
|
أميرة مسأء الخيرات
Quote: يبدو انها حملة منظمة ومرتبة من قبل الاعلام العربى ضد الشخصية السودانية. |
وده الزول بحسه تماما حتي من شعوبهم في اروقة الشركات لما مصري ريحته توم توم وملوخية أو لبناني نصاب لابس كحلي يلمح بالكسل والجلابية الانصارية السهلة اللبس وجل معرفتهم في الدنيا كلمتين انقليزي بمغهم حسب الحوجة وباقي الكلام بتموه موية ساي
تحياتي اميرة
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: GamarBoBa)
|
Quote: في الرابط ادناه امس الاخ زميل المنبر عبدالمجيد الكونت حضر حلقة بتستهزأ بينا برضو |
الاخ قمر بوبا تحياتي ما شاهدته بالامس كان قريب الشبه مما شاهدته انت اليوم شخص يلبس عمة سودانية وجلابية سودانية وايضا يدهن لونه بالأسود والأسوأ في الامر انه يتحدث بصفة شحات ويتحدث بنفس الطريقة المستفذة للهجتنا بل يزداد الامر وقاحة وهو يدافع عن مهنته (الشحاتة) يقوله انها مصدر رزق وليس فيها اي عيب في محاولة خبييثة من البرنامج لوصفنا كسوداننين بتلك الاوصاف البشعة اسم البرنامج اختلاف على الهواء وقد توصل الاحباب المتداخلون الى عناوين القناة وتلفون رئيس مجلس إدارة تلفزيون المستقبل وعلى رأسهم الاخ خالد الارباب والاخ هاني عربي والاخ محمد الطيب وقد بدانا في ارسال ايميلات لهم والاتصال على تلفوناتهم ونرجو ان تتواصل الاتصالات وارسال الايميلات للقناة كما نتمنى ان يتبنى المنبر تشكيل جسم قانوني واعلامي لوقف هذه الاسفافات فانتظارنا لسفارات الجبايات سيطول وستذداد هذه الاسفافات لو اوقفنا التحرك عناوين قناة المستقبل
[email protected] [email protected]
[ 009611370700 - أخبار المستقبل ]
رئيس مجلس إدارة تلفزيون المستقبل
الدكتور/ نـــديم المــــلا ..
تلفون 009611370700
لمزيد من المعلومات ياجماعة افتحو تلفزيون المستقبل الان وشوفو الزول ده بقول في شنو ؟؟؟؟
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: GamarBoBa)
|
العزيز قمر بوبا شكرا على هذا البوست, حقيقة الوضع مؤلم جدا ,فكرت فيما يجري الأن من قبل هذه القنوات تجاهنا كسودانيين , فلم اجد اي مبرر يدعوها لفعل ذلك , ماذا فعلنا لهم لنجني ما نراه الأن عل شاشاتهم, او حتى على مستوى العمل والوظائف ومحاولاتهم الدائمة لاقصاءنا كسودانيين ومحاولة النيل مننا , والمضحك المبكي في الأمر ان سفاراتنا في الدول المعنية وكأن الأمر لايعنيها, اذا فلنجعل من سودانيز اون لاين سفارتنا لكل هذه الدول وقاعدة انطلاقنا لمحاربة كل هذة الترهات , ورأس الرمح في مواجهتها , واعادة الأعتبار لنا كسودانيين
تحياتي
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: عمر التوم)
|
قمر بوبا : للك التحيه وانت تفتح نافذة هذا الموضوع الثير للدجل. أولا : نمسك الاطروحه الاولي : مقاطعة الدراما العربيه ...أتفق معك تماما أنها أصبحت لا تقدم للمشاهد سوى كميات من الوهم والقصص التي لاتشبه أى واقع ( حتي هم أنفسهم أصبحو ينتقدونها بشده) ....عارف الاستثناء الوحيد هو مسلسلات تحكي عن أحداث تاريخيه واقعيه وهذه لن يجدو لها طريقا لاضافة كميات الوهم الذى يغرقون فيه المشاهدين. ثانيا: وهذا الاهم: صورة السوداني في الاعلام العربي: مصدر حيرتي يا بوبا أن السوداني كان عكس ذلك تماما في اذهان اخوتنا في دول البترول العربيه : فبالرغم من مقدار المغريات في ذلك الزمان كان السوداني عفيف اليد واللسان وحتي المظهر ...زلماذ أنقلب الحال؟ أم الدعايه لاحدى شركات الاتصالات بدوله عربيه هل تصدق يظهر فيها شخص مدهون بالسواد الحالك ويرتدى طاقيه وجلابيه ... الطامه الكبرى كان في تصويره وسط هذه اللمه العالميه وهو (فاتح خشمو علي الاخر ويتلفت يمنينا وشمالا) ...في رايك علي ماذا يل هذا المنظر؟.....وسنواصل أنشاءالله.
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: Mahassin Ibrahim)
|
عمر التوم الف تحية يا حبيب من كترة السخرية علي السودانيين ودي حنجيها بالنماذج بعد شوية الشعب العربي مصدق فينا السخف الفكاه فينااعلامهم وقايلنا كدة... لو لاحظت كلامة اختنا اميرة بتتضح برضو جزء الاجندة الخفية
دي حكاها لي زول : مطار دنقلا التقي باحد السياح الايطاليين ولقاه مكنكش في شنطته ومفنقل عيونه قدر الريال.. فقال خليت شنطتي جنبه ومشيت خشيت الصالة وجيت اجع تاني مشيت دخنت وجيت الطلياني سأله قال ليه انت ليه مخلي شنطتك هنا بسرقوها(هسة طبعا ممكن يسرقوها) قال قلت ليه مافي زول بسرقها بعد شوية اكتشف من الطلياني انو شركات السياحة المصرية بلغتهم بشكل رسمي انو آخر نقطة أمنة هي اسوان بعدها في قتل وونهب وسرقة وسبعة وزمتها. شوف لاي مدي المصاروة منظمين فينا الحملات والكابلي يغني ليهم اخت بلادي يا شقيقة كان شقيقة ما بعرف
تحياتي يا حبوب
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: Mahassin Ibrahim)
|
.
ياقمربوبا
رمضان كريم يا حبيب يازول ماتصوم صيامك .. إنتو البوديكم تهابشو في القنوات العربية دي أصلا شنو؟؟ لو ماإنتو ناس مطرطشين، ولسا عندكم حسن ظن بالناس ديل.. بعدين إنت أصلا ماعندك قيمة على مستوى الاعلام السوداني الرسمي عشان كده ما تتوقع إحترام ولا إنصاف من قناة لبنانية؟!!
ياخي صوم صيامك ده! ياخي في سودانيين، يقعدو يحضرو في طاش ماطاش ويضحكو لمن يقعو على ضهرهم، آخر إنبساط وفرفشة .. ياخي ده جزء من الإنحدار بتاعنا والتراجع الكبير .. ياخي في سودانيين لافين بره وهم ساكت .. أنا شخصيا ما منتظر سفارة ولا حكومة ولا توقيع .. أصلا باخد حقي هنا من أدعياء العروبة ديل طوالي مباشر فلسفة وفصاحة وثقافة وبالبرطوش وبكامل قلة الأدب .. وهي اللغة التي يفهمها البعض من الأوباش .. ومريح نفسي خالص من أوهام القنوات الفضائية دي نهائي إنتو واصلو شغلكم الدبلوماسي ده .. لكن نحنافي أي ملف بنديهم طوالي خصوصا الشوام والمصارية كما يقال لهم هنا..
يازول صوم صيامك .. يعني خلاص كملتو الجاي والجاي .. بقيتو تبارو في القنوات الفضائية الجائرة .. ؟!! وعندكم السودان بلد إهدار الحقوق والمظالم والحكم بالكرباج .. ياخي أصحو!!
ياحبيب صومو وأفطرو على خير .. وكان غلبكم ربنا ما أمر بالهلاك
والسلام ختام
سيف اليزل
.
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: سيف اليزل الماحي)
|
قمر بوبا الله يحييك ياأخي
Quote: دي حكاها لي زول : مطار دنقلا التقي باحد السياح الايطاليين ولقاه مكنكش في شنطته ومفنقل عيونه قدر الريال.. فقال خليت شنطتي جنبه ومشيت خشيت الصالة وجيت اجع تاني مشيت دخنت وجيت الطلياني سأله قال ليه انت ليه مخلي شنطتك هنا بسرقوها(هسة طبعا ممكن يسرقوها) قال قلت ليه مافي زول بسرقها بعد شوية اكتشف من الطلياني انو شركات السياحة المصرية بلغتهم بشكل رسمي انو آخر نقطة أمنة هي اسوان بعدها في قتل وونهب وسرقة وسبعة وزمتها. شوف لاي مدي المصاروة منظمين فينا الحملات والكابلي يغني ليهم اخت بلادي يا شقيقة كان شقيقة ما بعرف
تحياتي يا حبوب |
دي قمة التفاهة , والسخف من المصريين , اعتقد ان جزء كبير من الخطاء يقع علينا لاننا منذ البداية قابلنا هذه الاساءات بالصمت المطبق , وغشتنا اوهام وادي النيل والمصير الواحد , وكله ضحك على الذقون , منذ الأن شعاري السودان أولا وأخيرا , وما عداه الى الجحيم .
تحياتي
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: عمر التوم)
|
الأخ /سيف اليزل رمضان كريم
Quote: يازول صوم صيامك .. يعني خلاص كملتو الجاي والجاي .. بقيتو تبارو في القنوات الفضائية الجائرة .. ؟!! وعندكم السودان بلد إهدار الحقوق والمظالم والحكم بالكرباج .. ياخي أصحو!!
|
وماذا نفعل اذا قدر لنا أكل العيش ان نكون معهم في نفس المكان , وحتى لو لم نشاهد هذه القنوات الفضائية فان رشاشها سوف يصيبنا ,بسبب جهل المتلقي منهم , فما هو الحل ؟؟؟
تحياتي
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: سيف اليزل الماحي)
|
طبعا يا سيف كلامك ده حراق روح بتاع زول متغرب ساي وقاعد في نص الجك وبفتكر حمير العيون والنرفزة بتحل المسائل اتفق معاك يا حبيب انوفي كتير من السودانيين ما فارقة معاهم لكن ما بتفق معاك انك تاخد حقك بالطريقة الانت شايفها يا سيف نحن في زمن الاعلام البديل اليوتيوب والفيس بوك ومعاهم كم موقع متخصص بحركو الدنيازي الترتيب صدقني كان ما وصل جيلنا بالتوقيعات دي بجي بعديينا جيل عنده مناعة ضد الكلوركين وياهو حجر برميه في بركة ويمكن يحرك وده زمن تكتلات اقتصادية الاعلام بلعب دور كبير في صياغة مصالحه وتوجيها والغافل من ظن الاشياء هي الاشياء
سلم لي علي البنية
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: GamarBoBa)
|
Quote: NO Name Comments 1 gamarboba 2 Elsdaig Stop 3 khalafalla mustafa ombadda 4 omer altom hussain 5 sadah obaied khogali نتظانف افاغفاك افح▀نكٍ غفٍ افسندالٍٍل اٍضا 6 Fathi Osman 7 omer altom hussain 8 mohamed malik 9 Ahamed Ibrahim 10 haideralzain ان▐▌نا افتظانف ٍا غرب اف█▌فة 11 Eltayeb Musa 12 Hani 13 abdelmgeed alkont stop that 14 Bashir Ahmed Bashir Stop it 15 abdulraziq stop this sakhaf 16 Ahmed Hassan 17 faroug 18 hussein 19 elamin 20 Nile 21 Idris Ali Ahmed stop it 22 mutaz 23 Tarig A Sidahmed ان▐▌نا تظانف افاغفاك افغربٍ غفٍ افسندالٍٍل 24 ali taha 25 khalid ali 26 bushra altayib roogmt allah 27 ABDUL ELMMFAZA stop 28 Fakhreldin Karar Ibrahim Farah, Ex- Diplomat It is a shame on those Arabs, who continue to decry Zionist racism, to turn this foolish chauvinism against us, the proud Sudanese people. 29 lana jafar mhgoub ٍجب ال لفاح▐مك ▐النلٍا نٍجب أل ل▌ضح غلصرٍتمك 30 aml gadora 31 MAAZ ELSIR FADOL OSMAN
|
رمضان كريم يا موسي بجي برواقة لاولاد بامبه
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: GamarBoBa)
|
السلام يا قمربوبا ورمضان كريم ...
الاستلاب الثقافي الواقعين فيهو نحن السودانيين داير مجهود كبير لكشفو وتعريتو ،
وان نبدا او نواصل من البوست دا خير من الانتظار ...
ياخي الاحياء في الخرطوم اسمها الرياض والطائف والدوحة والمنشية وهلمجرا ...
والله السودانيين ديل لو نططوا مافي عربي ح يسمي ليهم شارع باسمهم ،
المهم اقترح بالاضافة لما ذكر الاخوة مقاطعة او مهاجمة المنتجات السودانية البتعلن عن نفسها بلغات غير السودانية من مصرية وغيرا ....
اقترح بالأضافة لي كدا انو كل المشاركين والقراء للبوست دا والمقتنعين بفكرتو يحاولو ينشروا الفكرة دي ويناقشوها علي اوسع نطاق ...
مودتي الي حين عودة ....
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: الوليد محمد الامين)
|
الوليد كيفك ياخي رمضان ن كريم وعسك من عوده
وهنا مربط الفرس
Quote: والله السودانيين ديل لو نططوا مافي عربي ح يسمي ليهم شارع باسمهم ،
|
شعور دائم للحكومات السودانية بالدونية لدي العرب نظرة العرب لنا كسودانيين لا تخلوا ايضا من استعلاء واضح
وده كله قلنا ياخي حريقة تحرقهم..لا عازين منهم يسموا حي بيروت باسم الخرطوم ولا نيالا لكن اليخلونا في حالنا ما نبقي نحن مادتهم الدرامية السمجة
تسلم وليد
اقترح بعد وصول عدد الموقعين لـ 82 شخص ان يتم : صياغة مذكرة ومخاطبة سفارات الدول المعنية هنا والسفارات السودانية في كل الدول العربية أن يتم اعتذار رسمي.. والتزام من تلك القنوات الشروع في عمل اجراءات قانونية وهنا ننتظر تنوير من الاخوة القانونيين وعلي راسهم الاستاذ ابوبكر ابو القاسم حول امكانية هذا العمل
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: GamarBoBa)
|
Quote: طيب الفكاك شنو من العلاقة الاستعلاية المتجذرة دي؟؟ |
رمضان كريم ياقريبي ..حلفا ياتا القريبة من الاصل واللا الجديدة ؟؟ ما زمان قال بخافو من الاسود السارحة في شوارع الخرطوم وكانو بيعتبرو للبيشتغل منهم في شرق السودان منفي ولذا كانو يقولو "يودوك طوكر" ...بقي يصلو الشرق ؟؟؟
السلطة المصرية لا تعتبر ان السودان قد نال استقلاله حيث انهم يعتبرون تقرير المصير كان منحة مرحلية من مجلس قيادة حركة ضباط 1952 ولذا فان السلطة المصرية تتعامل مع حكومات الخرطوم من خلال الاستخبارات المصرية وعمر سلمان زار السودان عشرات المرات بينما الرئيس المصري ربما مرة ودون ترتيبات ؟؟؟ اخطاءت ما يسمي بالمعارضة في ازمان مختلفة ولجؤها لمصر بغرض محاربة الانظمة التي في الخرطوم والذين تعاملت معهم مصر من خلال مكاتب مخابراتها كذلك ...خاطبت الحكومات السودانية السلطوية والتي فقدت مناصرة الشعب السوداني لها في مراحل مختلفة الحكومات المصرية لحل مشاكلها مع شعوبها ومع الدول الاخري فاستغلت مصر ذلك استغلالا عظيما وتحصلت علي كل ما تريده من معلومات تساعدها في اختراقات وفق برامجها ومصالحها ...مصر الذي يعيش نصف شعبها في المقابر وهوامش المدن يبقي علي ملايين اللاجئيين السودانيين بحجة مناصرة الشقيق وما هم الا وسيلة لتبرير زحف قادم جنوبا
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: abubakr)
|
تخيّل يا عمنا حلفا القديمة ذاتا الطريق الآن شبه سالك..الخرطوم عبري قرابة الستة او السبعة ساعات والبصات صارت مكندشة...كان ما اخاف الكضب احسن من سودانير لانو ما ركبتها وحالف ما اركبها كان جيت من جدة بالفلوكة ما بركبها زمان في مسلسلاتهم كانوا بهرشوا الزول للنفي للسودان...الآن الاعمي شايل المكسر لكن من سخط الرب علي السودان ما جانا طبيب مصري أو استثمار مصري يعني بالبنية التحتية سوق الاستهلاك (غذائية وnonfood زي المنظفات والورقيات والكوزمتكس والخ) في السودان يا باشمندس بنقسم لاتنين أصلي وهو المنتج السعودي والمضروب ياهو الصناعة المصرية شلاتين تصدر الموت ..المخللات والاجبان المشكوكة الصلاحية بعد التعبئة مرة اخري ومع ان التجارة مع مصر خاضعة لإتفاقية الكوميسا واتفاقية جامعة الدول العربية أي ان نسبة الجمارك لا تتعدي في حدها الاعلي ثلاثين في المئة من المنتجات التي تأتي من الخليج الا ان المصريين بدلا من اغتنام الفرصة حاولوا ان يعملوا من السوق السوداني قاربج باق وصارت الثقة معدومة...يعني ناس تطبز عيونها باصبعها
أقل مايمكن تصديقه قالها ذات مرة علي عثمان ايام التشنج ومع ان الظرف يختلف لانه كان سياسيا حين قال ان الله ابتلانا بجيرة سيئة يقيمون السدود حين يريدون الكهرباء علي تاريخنا ونضحي الي حيث لاشيء وحين يدب العطش في عروقهم يريدون المزيد من السدود والتهجير والآن الجوع ينهش البطون فماذا هم فاعلون ارتضينا بنقاشيهم وحافري السايفون وملئوا شوراع الخرطوم ...ياكلون الجرجير اكلا لما وبالليل تضاء قنواتهم علي الاستهزاء بعثمان وادريس وعم عبده
اصحوا يا بمبة...فالارض في جنبتانا لم تعدنا تحملنا لنتحمل اذاكم وكفانا ما كفانا من جراحات جاورونا بالحسني أو اصمتو
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: الوليد محمد الامين)
|
(*)
بوب كل سنة وإنتا طيب وضيوفك الكرام ..
المشكلة مرات إحنا بنديهم فرصة ينظروا فينا وبنمشيها :
قبل أربعة شهور بفتش على بيت أرحل فيهو , السمسار بعد ماكتبنا العقد إتبسم وقال لي:
تدري يازول لولا إنك حبيبي (وأنا طبعاً مابعرفو قبل كده) ماكنتش حا أجرلك لأنو صاحب البيت محرج علي إني ما أأجر لسودانيين ..
طبعاً حكيتا معاهو لحدي ماوصلتها صاحب البيت , صاحب البيت (المسكين) طلع ماجايب خبر والراجل بنظر على لسانو في السودانيين (مهيضي الجناح) و(الملطشة) ..
تم رفد السمسار وأصر صاحب البيت أنو يعفيني من (نص شهر) كإعتذار وقد كان ..
(*)
مرة من ذات (المراير) مشيت الركن الرياضي أشتري (كدارة ) أرسلا السودان لأخوي عامل بتاع كورة (وبجليها واقفة) المهم أول مادخلتا , مفروض (البياع ) يجي عشان يشوف طلبي .. المصري قال لي صاحبو : ياعم ماتتعبش نفسك ده مش حايشتري (بإعتبار المحل ببيع حاجات أصلية ونحن ناس مقطعين ساي) المهم هجتا فيهو وبرضو وصلتها صاحب المحلات , طلع شيخ من آل ثاني .. بعديها المصري بقى يحنس فيني : أنا في عرضك يا بيه .. يا بن النيل ده أحنا أخواااات .. وهكذا دواليبك ..
المهم لا أخفي عليك إني صريتا ليهم وماقدرتا أبلعا .. اليوم التاني جيت عشان أشترى (الكدارة) لأني في اليوم داك (حردتا) ومشيت .. المهم جبتا معاي واحد (مصري), ووأحد(سوري) شاغلين معاي ..
ووقفتا المصري داك قلتا ليهو إنتا وقريبك ده , تتعاونو على إختيار كدارة وتودوها العربية .. (المسكين) التاني ده ماكان فاهم حاجة ومستغرب جايبنو ليه عشان يعتل كدارة .. قريبو حكى ليهو , وجا دخل واسطة ..
المهم لازم اولاد بمبة وبقية الاعراب ياخدو بالجزمة إلا من رحم ربي وعرف أقدار الناس .. والسلام عليكم ..
أوقع وأبصم .. ومعاً حتى يعرفوا أنو (الزول سيدهم وتاج راسهم) .. ودي قصة تانية بجي أحكيها ليك ..
محبتي ..
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: كمال علي الزين)
|
كيمو لكن لقيتك صعب خلاس ده كله شايله في قلبك وماشي
لكن دق عفيت منك...ودي ياها نوعية المواقف الفردية المفترض تتثبت عشان تامي مافي زول يتطاول علينا ومع انو قلت فوق لسيف اليزل انو الشفردي ما بحل اشكال النظرة العامة لكن تساهم والناس تعلم اولاد البمبة انو زمن التسامح ول عدي
وراجيك في حكايتك التانية يا معلم
رمضان كيف بعندكم؟
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: الوليد محمد الامين)
|
موسى اسمع انت عاوز تكره روحك احضر تلفزيونات السودان المصري بيظهر فيها اكتر منك ياخي حفاظة موية صناعة سودانية دعاية مصرية بوهيه بوهيه يا موسى كل شويه ضغطتي يرتفع واشوف في المصريين عاطلين الموهبه بوروني هي كيف سمحـــــــة العيب فينا نحنا نص دعيات شركاتنا بعملوها لينا اولاد بمبا ليهم حق والله هو الاستلاب ده كيف ؟ القصة بقت كبيرة يا موسى نحنا مبيوعين وبارخص الاتمان انا جاي السودان والله يقول بقول مصري يضايقني في الشارع ساكت مستعد نص اجازتي اقضيهو في الحراسات ...
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: Amira Elsheikh)
|
طيب يا اميرة انا برضو كلامي لسيف انو صراعنا مع النظرة الاستعلائية ما مجرد تصرفات يومية وارضاء ذات انا السعودية قبل اخليها استدرجت مصري لمكتبي وكان في نفس الدرجة الوظيفية ولما بقينا برانا قشطته كف الزول ده صرخ لمّا المدينة كلها قلت ليهم ما ضربته والزول ده بتبلي علي سااااي جات لجان تحقيق وقيامة رابطة لكن ما اخدوا علي شيء والادارة كلها عارفة انو انا ضربته وشفيت غليلي تماما للحركات الكان البعملها للسودانيين المساكين لكن ده اطلاقا ما حل نحن عايزين نرسخ لفهم واحد انو يوقفوا العبط البسوا فيه ده وانو نحن احسن منهم كان تعليم كان سلوك شخصي كان تربية كان اي شي
عايزين نمرق روحنا بشكل احسن من كدة
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: احمد محمد بشير)
|
Quote: واحدة من مظاهر الاستلاب الفجة هي اذاعات الاف ام زي مانجو والرابعة وبتاعت مامون حميدة دي كمان ! |
الوليد التبرير الفطير لدي إذاعات الاف ام ان مجلس المصنفات الفنية لا تسمح ببث الاغنيات السودانية الا بعد استيفاء الشروط طيب انت كنتو عايزين تبثوا من طرف ساي تعرف من المؤسف جدا جدا واقع الاذاعات وبالمناسبة الاف ام بتغطي علي جزء كبير من شرائح الشعب السوداني هنالك اذاعات اف ام كويسة منها الـ بيت السوداني لانها مكتبة الاذاعة السودانية نفسها وارشيفها منذ تأسيس الاذاعة ، كذلك الاقتصادية نوعا ما لانها متخصصة اما الباقي مثل الرابعة ومانقو وفي حاجة اسمها سوا الله لا وراك ليها ديل باقي ليهم بنط يلبسوا العقال شي حسين الجسمي وشي شيرين وشي غايتو خراب ما بعده خراب
معتصم طبعا انت ووليد يمكن وجعكم واحد تعرف يا معتصم يمكن لطبيعة التخصص نفسه حقول ليك كلام الاعلان الحايم في وسائل الاعلام السودانية من مسموعة ومرئية ده ما اعلان ولا اي حاجة دي حالة اغرب من انك تتصورها مجموعة من ناقصي المواهب اتلموا علي مجموعة من اصحاب الاموال الما دقوا فيها طورية وخلو شعبولا يغني للاثاث في الخرطوم نادر جدا تلقي اعلان سوداني يخصك وتسمعه وده في الغالب بكون لشركة سودانية رائدة زي دال او غيره لكن عايز تكره يومك اسمع اعلانات الاتصالات اعوذ بالله...
تحياتي وابقو طيبين
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: عبدالرازق الطيب يس)
|
شول مساء الخير طبعا فكرة الوكيبيديا في حد ذاتها فكرة بتعتمد علي ادخال المعلومات المعروفة بأي شخص ثم التعديلات الي ان يتم وضع المعلومة بشكلها الصحيح، كتر خيره الزول الكتب عن الجنوب وما ننقصه حقه لكن عشان تآمنو اهو كتب ليك ريك مشار ريك ماكر يعني لو في سوداني قال لاحمد نضيف والرجل في نفس مرتبة مشار احمد النضفي كان المصريين كرهونا الكون نحن نقبل علي نفسنا الهوان ليه طيب؟؟
شايفك سيجارتك قصبة
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: Amira Elsheikh)
|
Quote: ياخ انا واحد مصرى معاى قال لى لما نكون عايزين نتسلى بنمشى العتبة واقرب سودانى بنقضى بيهو اليوم ضحك وتريقة وبعديها ممكن نديهو كف عادى ومايقدر يتكلم .. رايك شنو؟؟؟
|
انا معاك يا اميرة انو المصري بحاول يتونس بالسوداني وما براه حتي الخليجيين بحاولوا يستفزوا يضحكوا بالنرفزة بتاعتنا والمشكلة انو نحن بنستجيب،وبنحمر عيونا ليهم وبصل مرحلة مد اليد،لكن لو كلامنا كان بارد موجع كان سكتوا مننا،يمكن هم فاهمين فينا نقاط ضعف اكتر منها ضيف الاخلاق وهم ناس باردين يبقي بتفق معاك ومع سيف انو الموضوع يمشي متوازي علي صعيد الشخصية السودانية وعلي الرأي العام بأننا قادرين نسكتهم
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: Amira Elsheikh)
|
طيب يا اميرة الحاصل ده اصلا قصور في الوعي التسويقي للشركات أجمل الاعلانات العالقة بذهن المواطن السوداني هي الاستخدمت المفردة السودانية وبشكل محترف دعاية الكولا: الكانو بغنوا فيها بجلابية ده شنو ده كوكا كولا المغارة بتاعة البزيانوس تايقر هيد والفادني بالرغم من اضحوكة العرب علي شكل الرقصة والكلمات الا انها جابت سوقها تماما الفاشلين في عكس التكنيك القياسي مع اللغة السودانية هم البلجأوا لنوع الدعايات دي ولشعبولا ووحدة مصرية محجبة من فوق ومجكسة عمرودياب من تحت علي قول عادل امام ودي مشكلة كبيرة علي الاستلاب النوه ليه اخونا الوليد الشركات المحلية ما لاقية سوق تنافس فيه وتطور روحها ودي مشكلة تانية برضو زي ما نحن المصريين بعملوا فينا قاربج باق في الصلصلة والصابون برضو في الخدمات لاحقننا وفي تجربة مسلسل لعثمان دقنة ومسلسل تاني لسوريين..يعني يستحيل بالطريقة يتم عمل فني يتلقاه المشاهد بكل اريحية. وتجربة صلاح بن البادية وسمية الالفي لما سألوها قالت ان اكبر غلطة ارتكبتها اني مثلت مع الجماعة ديل - ما متذكر- الفلم كان اسمه رحلة عيون انها نكبة كبيرة يا اميرة نكبة يجب ان نعيها تماما
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: GamarBoBa)
|
تلخيص: الموقعون في الرابط : http://www.petitiononline.com/mod_perl/signed.cgi?arabedia ومع المقدمة المرفقة فيه والبالغ عددهم حتي الآن 129 سوداني يرفضون استهزاء وسائل الاعلام العربي بالسودانيين،ويتعبرون في ذلك إساءة بالغة موجهة لهم ويخاطبون : القنوات الفضائية : 1. ام بي سي العربية وبرنامج طاش ما طاش 2.النيل كوميدي 3.قناة المستقبل
الجهات الرسمية: 1.سفارة السودان لدي المملكة 2.سفارة السودان لدي القاهرة 3.سفارة السودان لدي لبنان
صورة الي: الجامعة العربية الخارجية السودانية
وواقترح ان نعطي فرصة للردود علي أن يلتزموا بعدم تكرار المسألة مع حقهم في اللجوء الي الوسائل القانونية ضد المؤسسات الاعلامية إذا إدعت الضرورة.
وشكرا
الموقعون:
129. Rashid I Elhag 128. Othman A. Rahman I have read the اوقفوا تطاول الاعلام العربي علي السودانيين Petition to sudanese, and I hereby sign the petition: 127. Lana Mahdi Abdullahi STOP INSULTING SUDANESE 126. محمد بركات احمد عبدالرحمن اذا اتتك مذمتي من ناقص فهي الشهادة على انني كامل 125. Osman Ahmed 124. wagan stop antagonism and hostility against sudanese 123. عمر بابكر لنتحد في وجه كل من يسيئ للشعب السوداني 122. GASWARH IMAM Please stop it we had enough, otherwise we will strongly fight back 121. Mohammed Rikabi 120. Mustafa Braima ادعياء الحرب كالحرب تماما وادعياء السلم لا خوف عليهم ولا حزن.. اننا شعب كريم وطنى لا ملى بطنى 119. Muntasir Siddique 118. ajaj 117. Emad Shawqi ايها الناس نحن من نفر عمرو الارض حيثما قطنو .. يذكر المجد كلما ذكرو وهو يعتز حين يقترن 116. amira elsheikh احترام الاخر هى اول الدرجات فى سلم الانسانية . 115. Ali Sulieman 114. Abubaker Ismail 113. mohamed abdullah 112. Mutasim أوقفوا وإلا آذنوا بحرب تنالكم بأقلامنا 111. Bakri Elajami 110. Ammar Yasseen Elnour 109. شول اشوانق دينق اوقفوا هذا العبث يا هداكم الله 108. رمزالدين حمزة 107. Nada Osman Hassan أيها الناس نحن من نفر عمروا الأرض حيثما قطنوا ,يذكر المجد كلما ذكروا وهو يعتز حين يقترن 106. sameer hussain alameer [email protected] 105. nazar Faisal 104. Afraa Elata proudly SUDANESE,,, 103. Mohamed this has to be stopped immediately 102. Waleed Mohammed Taha 101. Abdul Rahim Lool go ahead 100. abeer abuzaid 99. jood salim 98. Anwar F.A. Dafa-Alla Respect 97. Sharief Saleh No way this is stupid people 96. abdelrahman 95. Osman A Ali 94. abubaker stopt 93. Abeir B. Alimam ITS ENOUGH. STOP MAKING FUN OF SUDANESE. 92. Ali Albakri ولقد استهزئ برسل من قبلك 91. Sami Abd Al-Wahab Idris 90. Elmutamid Farouq 89. Musadaq AlSawi Khalafalla 88. ageil سوداني الجوة وجداني بريدو 87. Ala Khirawi It has never helped to stereotype any group of people. 86. Badr Madani Sudan and only Sudan 85. abdulatif mahgoub stop it .. 84. ahmed 83. Elmoiz Abunura 82. abdullah 81. Ghada Al Ameen 80. هاني رحال شعب السودان ليس كما توصوفونه في الدراما 79. Hafiz Elsammani 78. Eman Ali 77. Ahmed Eltigani 76. Alaa Ahmed stop abusing our nation and people. 75. Intisar Alshareif 74. mamoun ahmed 73. seedahmed ahmed 72. zumrawi لا والف لا للتطاول على السودانيين بأي شكل من الاشكال 71. israa 70. Elrashid Babikir Stop it now 69. Eiman F. Kashif This mindless nation is below our contempt. 68. mutasim ibrahim we refuse any insult directed to any human in earth 67. Amira Gadoura We should stop this continious laughing stcok 66. amin balla كنا قاده للعالمين العربى والافريقى ارجعو للتاريخ وان اصاب جزأ بالبلاء 65. Mohammed Ibrahim Ali 64. رجاء علي حمد النيل 63. wafa balla none 62. aboud refuse such a thing 61. Hamdi Khalil 60. Abdelmonem 59. AbuBakre Abu Elgassim Mekki We should take a very firm stand against this orgnized campaign 58. Abdurahim Bushrawi 57. mhmd 56. h.abushama stop it .. 55. Fakhreldin M. Abdoun Enough is enough 54. Almakki 53. Abdelrahman Hussein 52. yousif Ahmed Ali يبدو إن العرب إستغلوا سماحة السودانيين فطفق كل مهرج يكيل إليهم الإهانة لكن نقول لهم إتقوا غضبة الحليم 51. abdulhameed اتقوا الله 50. Suliman Mohammed racist..worse than the KKK 49. mohammed abdullah 48. Sara Hasan stop it rightnow 47. Riham اوقفوا هذا العبث واللعب بالنار 46. M.hafiz Hamed 45. Niyazi اوقفوا هذا السخف ضد الشخصية السودانية ..رمضان كريم 44. Abdullah Hassan Osman 43. Badri Elyas اسجل احتجاجي على ما جاء في القناة المذكورة 42. abdalla gadin Ahmed Salem 41. Amr Kambal 40. Hatim Ali 39. Nazar Elkhawad اوقفوا تطاول الاعلام العربي علي السودانيين 38. abu kk 37. Nabeel Al Tayeb 36. Adam I strongly support this, hope it makes some change. 35. khalid stop 34. Abde Gaffar Ali I hate you arabs, where ever you're on planet earth 33. Hassan Ibrahim Khalifa Please Stop it. 32. Dr Khalid Mudawi It was really annoying to hear what Al-Mustaqbal TV has presented in its episode Ikhtilaf Alray on 22/08/2009. They were making fun of sudanese people. This is totally unacceptable and just tells how ignorant these people are about Sudan and its citizens. 31. MAAZ ELSIR FADOL OSMAN 30. aml gadora 29. lana jafar mhgoub يجب ان نلاحقهم قانونيا ويجب أن نفضح عنصريته 28. Fakhreldin Karar Ibrahim Farah, Ex- Diplomat It is a shame on those Arabs, who continue to decry Zionist racism, to turn this foolish chauvinism against us, the proud Sudanese people. 27. ABDUL ELMMFAZA stop 26. bushra altayib roogmt allah 25. khalid ali 24. ali taha 23. Tarig A Sidahmed اوقفوا تطاول الاعلام العربي علي السودانيين 22. mutaz 21. Idris Ali Ahmed stop it 20. Nile 19. elamin 18. hussein 17. faroug 16. Ahmed Hassan 15. abdulraziq stop this sakhaf 14. Bashir Ahmed Bashir Stop it 13. abdelmgeed alkont stop that 12. Hani 11. Eltayeb Musa 10. haideralzain اوقفوا التطاول يا عرب الغفلة 9. Ahamed Ibrahim 8. mohamed malik 7. omer altom hussain 6. Fathi Osman 5. sadah obaied khogali وتطاول الاعلام الحكومي علي السودانيين ايضا 4. omer altom hussain 3. khalafalla mustafa ombadda 2. Elsdaig Stop 1. gamarboba
___ ولسة نسمع من الآخرين
| |
|
|
|
|
|
|
Re: رمضان يرفع الضغط مع الدراما العربية...المطلوب موقف جماعي (Re: GamarBoBa)
|
Quote: والبالغ عددهم حتي الآن 129 سوداني يرفضون استهزاء وسائل الاعلام العربي بالسودانيين،ويتعبرون في ذلك إساءة بالغة موجهة لهم ويخاطبون |
بسسسسسسسسسس 129 رافضين الاستهزاء من 38 مليون مواطن سودانى ومن 3000 الف مواطن بسودانيزاون لاين
____________________________________ شكلك طاردنى من البوست ياكرور.. انا زاتى النوبة ديل مرات مرات بشم فيهم ريحة مصريين*
قمربوبا تحديد
| |
|
|
|
|
|
|
|