|
Re: الادانة تعنى حصولها على حق اللجوء السياسى وهو المطلوب.. (Re: Salwa Seyam)
|
ديل الكوز عمرو ما ينعدل
ياعمار قارش ملحة البت دي مالك ؟
ثم
حتى ولو كان ذلك صحيحآ ، أي انها تسعى لنيل حق اللجوء السياسي وهذا حق كفلته الدول المحترمة للذين يتعرضون للضيم والخطر في بلدانهم فلماذا لم تنظر إلى الجزء المهم في الموضوع وهو النضال ضد القوانين الظالمة وتعديات شرطة النظام العام في إطار المطالبة بتعديل كافة القوانين المقيدة والمانعة للتحول الديمقراطي ماهو رأيك في هذا الجزء الأهم ؟
وماهو رأيك في إنفعال الناس بالموضوع وإستقطابه لحركة رفض ستنمو يومآ بعد يوم وستظل دوائرها تنداح حتى تنتظم الوطن كله في غنتفاضة عارمة تكنس العوج وتبدد الظلام
| |
|
|
|
|
|
|
Re: الادانة تعنى حصولها على حق اللجوء السياسى وهو المطلوب.. (Re: وليد محمد المبارك)
|
حتى اذا فرضنا صحة ما ذهبت اليه يا "كنت كادر عنف في جامعة الخرطوم" لماذ تمنحوا للاستاذة فرصة اللجؤ (فرؤصة بفهمك انت ) وبهذا التكاليف السياسية الباهظة خاصة في هذا الظرف السياسي الصعب لنظامك صعب برضو من عندكم لانك امس عملت ليك صالون مناحة هنا عن صراع الاخوة الاعداء و حتمية سقطوهم الاخير هو بالمناسبة اين شيخكم الجديد الشيخ علي عثمان
| |
|
|
|
|
|
|
Re: الادانة تعنى حصولها على حق اللجوء السياسى وهو المطلوب.. (Re: عمار محمد ادم)
|
(كنت اريد ان اكتب عن موضوع السعى وراء الادانةوطلب حق اللجوء السياسى وهو موضوع اعرف تفاصيلهولكنكم طبعا جاهزين لاصدار الاحكام المسبقة والهجوم على شخصى ) طيب يااستاذ عمار لماذا لم تكتب ماكنت تريد ان تكتبه بدون لف ولفلفان. مامعنى ان تكتب كلام مغطغط وتترك المجال لكل واحد يأول كلامك كما يشاء؟ وبعد ده تجى انت تلوم الناس على تأويلهم الخاطئ لكلامك . ياخى ادخل فى موضوعك توووووش حتى النهاية وبعد داك كل واحد حر فى ان يفهم كلامك على قدر فهمو. والأفهام قسم ياعينيا.
| |
|
|
|
|
|
|
Re: الادانة تعنى حصولها على حق اللجوء السياسى وهو المطلوب.. (Re: عادل عبدالعزيز عبد الرحيم)
|
Quote: اعمل حسابك ياعمار
لبنى بتعرف كراتييه وتاكندو
زى بت المين روود الكسرتك ديك
انت قايل الناس نسو ولا شنوا يا اخوى
مجدع كده فى البورد على حساب لبنى |
سلامات يا عادل الكسرة ديك ما بتتنسي .. ياخي ديك كانت حديث الجامعة لأيام لكن اليس من غرائب الصدف انها كسرتو عشان كان بقول ليها بنطلونك ضيق؟ يعني هوس البنطلون ده اصلو ما جديد!! بالمناسبة الزولة دي صاحبتي جداً
| |
|
|
|
|
|
|
Re: الادانة تعنى حصولها على حق اللجوء السياسى وهو المطلوب.. (Re: عمار محمد ادم)
|
Quote: يا اشرف ديل مازالوا يعيشون فى الماضى وقبل الجامعة كان هنالك عمار وبعدها كان هنالك عمارات ولدى فى الجامعة فترتين احداهما فى الثمانينات والاخرى حتى مطلع الالفية الثالثة وهم يتعاملون مع عمار السودان القديم ولا يعرفون عمار السودان الجديد...التحية لجميع الصيادلة!! |
انا شاهد عيان على الفترة الثانية
ولذلك تجد مني كثير الاحترام
| |
|
|
|
|
|
|
Re: الادانة تعنى حصولها على حق اللجوء السياسى وهو المطلوب.. (Re: عمار محمد ادم)
|
Quote: البوليس مؤسسة قومية ووطنية عريقة وهو ينفذ القانون المجلس الوطنى الزائف والذى يشارك فيه التجمع الوطنى والحركة الشعبية هو الذى يغير القوانين اويشرعها ..اذن فان المعركة مع من وضع القانون لا مع من نفذه. |
هذا كلام فى الصميم وأتفق معك ميه الميه
وأتمنى أن نبدأ نقاش هادف وبناء حوله
وأتمنى أن لا تتوقف فكل مشاكل السودان تنبع وتنصب فى هذا المكان
بصراحه كنت أبحث ولمده طويله لمن له الشجاعه على طرح هذا الحوار
دعنا نبدأ علنا نصل الى الحقيقه ونخرج من هذا النفق المظلم
من أجل سودان حر , ديمقراطى وعادل
| |
|
|
|
|
|
|
Re: الادانة تعنى حصولها على حق اللجوء السياسى وهو المطلوب.. (Re: ashraf mukhtar)
|
الأخ عمار تحية طيبة وصباح الخير اولاً اعتذر لك بشدة عن الحدة التي غلفت ردودي علي معظم مواضيعك فلك العتبى..... بخصوص Quote: يا اشرف ديل مازالوا يعيشون فى الماضى وقبل الجامعة كان هنالك عمار وبعدها كان هنالك عمارات ولدى فى الجامعة فترتين احداهما فى الثمانينات والاخرى حتى مطلع الالفية الثالثة وهم يتعاملون مع عمار السودان القديم ولا يعرفون عمار السودان الجديد... |
ارجو التوضيح اكثر لأنني اذكر وحتى 2001 انك لم تتغير حيث كنت دائماً ما بين المين والاندرلاب ..... واذا تغيرت ما الذي تغير فيك ؟ هل الفكر أم طريقة التفكير ؟ أم تعاملك مع الحياة وخصومك في الرأي ؟ أم نظرتك لكل ما يحيط بك ؟وهل تغيرت هذه النظرة لتشمل المحيط الكبير أم لا زالت تدور في فلك (الأنا ) ؟ وعلى فكرة عنوانك يتطلب بعض التوضيح ( الهاء في حصولها على من / ماذا تعود حتى لا تدخل القراء في اي التباس ...
اسامة
| |
|
|
|
|
|
|
|