|
Re: اشتباكات بين الشرطة والمواطنين في الحماداب الجديدة ..( دماء ورصاص واعتقالات) (Re: عبد المنعم سليمان)
|
العزيز : احمد محمد بشير
الصديق : منعم
تحياتي
،،،
الشرطة الآ ن تحشد قواتها بكثافة في منطقة قري الحماداب الجديدة ،،
وقد تجددت صباح اليوم - السبت 23 مايو - الاشباكات ، والمواجهات بين الشرطة والمواطنين ، ويرجح ان تتكرر مرة اخري ..
وقد اطلقت الشرطة الغاز المسيل للدموع في مواجهة نساء متظاهرات ، ضد اعتقال ابناءهن ..
وقدر بعض ممن تحدثت اليهم عبر الهاتف عدد المعتقلين من مواطني الحماداب بـ (40) ، وقال البعض ان عدد المعتقلين تجاوز الـ (40) بكثير ...
| |
|
|
|
|
|
|
Re: اشتباكات بين الشرطة والمواطنين في الحماداب الجديدة ..( دماء ورصاص واعتقالات) (Re: مؤيد شريف)
|
مؤيد يا صديقي الجميل
لك الود الذي تعلم ....
تم اطلاق سراحهم جميع المعتقلين من اليوم الأول
ولم تسمح لن السلطات بزيارة المصابين في المستشفي ...
لــــــــكن :
بالأمس - الاحد 24 مايو 2009 م - أقامت رابطة طلاب الحماداب بالجامعات والمعاهد العليا ، مخاطبة جماهيرية بجامعة الخرطوم ، وعقب انتهاء المخاطبة مباشرة ، اعتقلت سلطات الأمن الطالب : محمد الفكي ، عضو رابطة طلاب الحماداب بالجامعات والمعاهد العليا ،، ولم يطلق سراحه الي لحظة كتابة هذا الخبر (الاثنين 25 مايو ) ، ولم نتمكن من معرفة مكان اعتقاله ...
| |
|
|
|
|
|
|
Re: اشتباكات بين الشرطة والمواطنين في الحماداب الجديدة ..( دماء ورصاص واعتقالات) (Re: عبد القادر محمد)
|
Quote: عمرها ما كانت الاعتصامات حاجة بطالة عشان الناس يتبروا منها كدة !! |
الاخ عبدالقادر
يتخيل لي انت فهمت مداخلة ياسر علوب خطا
حسب ما فهمت من مداخلة ياسر انو بيستكر الحصل بدليل تثبيته للمعاناة التي يعاني منها اهل المشروع .. المعاناة دي بقت سبب للاعتصامات والتظاهر ودا فعلا ما كان موجود قبل كوارث النظام الحالية ...
انا اعرف ان المشاريع التنموية تهدف لاستقرار المواطنين وتنميتهم كلن مشاريع بتشرد الناس دي اول مرة اسمع بيها
عشان كدا انا مؤمن تماما بان النظام دا ربنا ح يورينا فيهو يوم اسودا تماما كدولة الطواغيت فرعون وصدام ونميري والبقية ليها يوم
| |
|
|
|
|
|
|
Re: اشتباكات بين الشرطة والمواطنين في الحماداب الجديدة ..( دماء ورصاص واعتقالات) (Re: محمد عبدالله سيد احمد)
|
Quote: المشروع ده كان مدعوم عدة سنوات من إدارة السد ، وبعدين إدارة السد رفعت عنه الدعم والولاية الشمالية رفضت تبعيته ليها يعنى إدارة السد فكتهم فى الآخر عكس الهواء ,. يعنى الدور ماشى على مشروعات إدارة السد الأخرى فى أمرى الجديدة والمكابراب والفدا شمال ابوحمد وعشان كده المناصير فضلوا يموتوا موتهم حول البحيرة وعشان كده ناس ناس الشريك وكجبار رفضوا السدود |
الاستاذ عبدالقادر سلامي: برأي هذا الكلام هو الكلام الصحيح عن السدود ، فالانقاذ هي من باع السد للمستثمرين الاجانب لياخذو حقهم كاستثمار فيه لا تنمية ولا بطيخ.....وبهذه العقلية لا يمكن ان نتوقع منهم الاهتمام بالزراعة أو احوال المواطنين وصحتهم وشربهم وزراعتهم ...وهذا بالضبط والانقاذيون يتحصلون معهم الاتواءات والفواتير والضرائب ولا يمكن ان نتوقع من هكذا عقلية ان تنظر لحال المواطن وعندما تتفاجا بان الانسان لا يمكن ان يسكت وحقه امامه يسلب تسارع لوصهم بالعملاء والخونة والضرب من حديد ...وهكذا ..لا يريدون منا غير السكوت ...والرد هو الردع....وهيهات...
| |
|
|
|
|
|
|
Re: اشتباكات بين الشرطة والمواطنين في الحماداب الجديدة ..( دماء ورصاص واعتقالات) (Re: Medhat Osman)
|
Quote: من أهم المطالب التي تقدم بها المواطنين المعتصمين : - توفير مياه الري للمشروع الزراعي،الذي يعتبر عصب الحياة لمواطني المنطقة.وذلك بعد أن رفعت مفوضية التهجير يدها عن المشروع الزراعي .. وبعد التراجع المريع الذي شهده المشروع. مما أدي إلي فشل الموسم الشتوي لهذا العام. - توفير مياه الشرب التي دام انقطاعها لأكثر من شهر.
|
يعنى النظام عاوز ناس الحامداب يا يموتوا بالعطش يا يوتوا بالرصاص ولا شنو
حيجى يوم الحساب وما حا نقول عفا الله عما سلف
اهلنا فى الحامداب ليكم الله
* فى تداعيات الاحداث تم اعتقال الشقيق محمد الفكى سليمان عضو اتحاد طلاب جامعه الخرطوم 2004 بعد مخاطبه تضامنيه( فى جامعه الخرطوم) مع اهالى الحامداب يوم اول امس
| |
|
|
|
|
|
|
Re: اشتباكات بين الشرطة والمواطنين في الحماداب الجديدة ..( دماء ورصاص واعتقالات) (Re: azz gafar)
|
Quote: هؤلاء يعانون منذ تهجيرهم والى الآن ..مشاكل فى المشروع ... مشاكل فى مياه الشرب ...
ايضآ اهالى امرى الآن يعانون من مشاكل المشروع ومشاكل مياه الشرب ...
نطالب بمحاسبة الذين تسببوا فى اهدار المال العام فى صحارى لا جدوى من ورائها كما نطالب حكومة الولاية الالتزام تجاه رعاياه ... |
صديقي عز الدين
كنت ضمن مجموعة وقفت شهوداً عن قرب علي الدمار الذي حاق بأهالي أمري ...
نطالب معك بمحاسبة كل من ارتكب جرماً في حق الشعب السوداني سواء في أمري ، أم في المناصير ، أو الحماداب الجديدة ، أو في كجبار ، أو دارفور ، أو بورتسودان ....
العدالة للذين أُنتُهِكت حقوقهم ، مطلب اللحظة ...
| |
|
|
|
|
|
|
Re: اشتباكات بين الشرطة والمواطنين في الحماداب الجديدة ..( دماء ورصاص واعتقالات) (Re: عبد القادر محمد)
|
الاخ عبدالقادر سلامات
شكراً محمد الحسن على التوضيح
Quote: عمرهم ما بعرفوا المظاهرات و الاعتصامات |
الكلام دة لو دل على شى فانما يدل على انهم مسالمين و طيبين و حياتهم كانت بعيدة على ان يطلبوا و يترجوا و كمان هسى مظاهرات اعتصامات. ديل ناس كان شعارهم ناكل مما نزرع.
Quote: معاناة اهلك تجعلهم يفكرون في ما هو اكبر من الاعتصام ! |
ديل يا زول لو الامر احتاج بيعملوا حاجات تانية كتيرة جدا بس انشاء الله ما يحتاجوا لاكثر من كدة و تتحل المشاكل بطريقة جزرية و المشروع يستقر و ينتج محاصيل البلد فى امسة الحوجة ليها (السودان سلة غذاء الوطن العربي)
Quote: بيعانوا معانة شديدة |
اتخيل تشوف جناك (ولدك او بنتك) عاوز يشرب عشان يعيش و انتا شايف البحر على بعد كم كيلوا منك و ما قادر تجيب ليهو يشرب (و جعلنا من الماء كل شى حى) و يمووووووووت المولود فى حضن الارض البقولة عليها لسة بكر. دى ما معانة شديدة ......
عموما انا متفق معاك 100 ال 100 انوا Quote: عمرها ما كانت الاعتصامات حاجة بطالة عشان الناس يتبروا منها كدة !! |
بس بقول انشاء الله كل السودانيين ما يحتاجوا لاعتصامات و لا مظاهرات عشان يعيشوا حياة كريمة و مستقرة. و انا فى مداخلتى معاك ما تبراءت منها
شكراً لنقل معانة اهل الحمداب الذيين ضحوا باراضيهم و تاريخهم الطويل (ذى طول النيل) عشان بناء الخزان الذى من المفترض ان يكون مصدر خير لجميع اهل السودان
اتمنى انك تواصل ..
.................................................... كيف المصابين الان ..
| |
|
|
|
|
|
|
Re: اشتباكات بين الشرطة والمواطنين في الحماداب الجديدة ..( دماء ورصاص واعتقالات) (Re: Yasir Aloob)
|
العزيز : ياسر علوب ....
تحياتي ،،،
Quote: بس بقول انشاء الله كل السودانيين ما يحتاجوا لاعتصامات و لا مظاهرات عشان يعيشوا حياة كريمة و مستقرة. و انا فى مداخلتى معاك ما تبراءت منها |
شكراً للتوضيح .
Quote: كيف المصابين الان .. |
تماثل بعضهم للشفاء ،، إلا إن أحدهم ما يزال طريح الفراش الابيض بمستشفي ساهرون ، وقد منعتنا السلطات من زيارته ...
المعتقلين من المنطقة تم إطلاق سراحهم ،،
إلا إن السلطات الامنية إعتقلت ‘ يوم الأحد : محمد الفكي سليمان ،، من داخل حرم جامعة الخرطوم ، عقب حديثه في مخاطبة جماهيرية أقامتها رابطة طلاب الحماداب الجديدة بالجامعات والمعاهد العليا ، وتحدث فيها حول الأحداث التي شهدتها المنطقة..
تسلم ...
| |
|
|
|
|
|
|
|