|
Re: لما تلقى إسمك عنوان بوست بتفرح ..بتحزن ..بتخاف ولا ...!! ( يوجد صداع) !! (Re: نادية عثمان)
|
تكون نائم .. تصحي
فتاح ياعليم رزاق ياكريم
تغسل وشك
تسوك أسنانك
تصلي صلاتك
تجيب كوباية الشاي باللقيمات
تقول تشوف الدنيا خبرها شنو
وتفتح سودانيز أون لاين أولا
تلاقي في الوش بوست معنون بي إسمك
وتتوكل على الله تخش تقراهو
تلاقي ناس بتعبر عن محبتها وإحترامها ليك
تحس بحرج وإنك أقل قامة من كل المحبة دي
تدخل ترد التحية بمثلها على الأقل وتطلع وإنت ممتن وعرقان وخجلان من الزول وتقديره ليك !
| |
|
|
|
|
|
|
إنتي الغلطانة يا نادية (Re: نادية عثمان)
|
الحبيبة الشقيقة الغالية أختي نادية كويس إنك فتحتي البوست دة إنتي مجاملة زيادة من اللازم و بتفوّتي تفوّتي ليه و تصدعي ليه؟ ما عجبك بوست أو مداخلة ختي نقطتين وشرطة و من أول السطر اكتبي بالواضح (ما عاجباني المداخلة دي-ما عاجبني البوست دة) حتى لو إتكتبو بحسن نية لكن من حقك طالما فيهم إسمك تبيني رأيك و بوضوح الزول بيعيش مرة واحدة..عيشي حياتك كما تحبي أن تعيشيها لا كما يحب لك الآخرون ان تعيشيها..المنبر دة جزء من حياتك الإخترتيها..اقعدي فيهو بي حقك....وبالطريقة البتناسبك و بتروق ليكي..طالما ما تغولتي على زول..إنتي ما عندك عضوية و الآخرين عندهم عضوية مميزة، كلنا واحد و حقوقنا وواجباتنا متساوية هنا..البحترمك إحترميهو..الما بحترمك أديهو على راسو..البعض يذكر حسناتك الشكلية ذوق والبعض يذكرها بطريقة غير لطيفة ...الإتنين أديهم على راسهم(:(:دة ما مكان الكلام دة..صدقيني طيبتك دي حيفسروها خطأ..من هنا و غادي امسكي لجام جواد حياتك المنبرية ووجهيه حيث شئت و تخلصي من الصداع للأبد.. أختك المحبة لنا
| |
|
|
|
|
|
|
Re: إنتي الغلطانة يا نادية (Re: lana mahdi)
|
الحبيبة والشقيقة الغالية جدا
لنا مهدي
عارفة ؟؟
أنا في كتير من الأصدقاء الاعزاء بيقولوا لي من بعد ما إشتغلت في التلفزيون
يازولة خلي الكتابة في المنبر إنتي هسي وضعك إتغير وبقيتي شخصية عامة
ماتبقى في متناول طرح الجميع كده وتدخلي معاهم في مناقشات ..ناهيك عن مهاترات !!
وأنا بستغرب شخصية عامة هسي بس ؟
طيب وهو العمل الصحفي ماكنت فيهو شخصية عامة ؟؟
أتاري التلفزيون ( غير) في فهم الناس ياحبيبة !!
يالنـــــــا
أنا قبل مايقارب الخمسة سنوات إخترت أكون معاكم في المنبر ده
زميلة وأخت وصديقة وماكان في بالي إنو حايجي يوم أكون محتاجة فيهو لاظافر أخربش
بيها أي عضو هنا جديد ولا قديم لأنو أصلا مافي زول فينا جاي هنا للدخول في صراعات
تستدعي فرد العضلات البدنية ولا الفكرية حتى وانما نقاش هادئ وموضوعي لا يفسد للود اي قضية !
ده كان فهمي من خمسة سنوات ودي كانت طريقتنا من خمسة سنوات مضت يالنا ونحنا في المنبر ده صاح ؟
هسي إختلفت المعايير والأساليب والدوافع ؟؟
طيب خلاص يالنا ياحبيبة وأنا كمان قعد أحاول أتغير بما يواكب شكل المنبر الان أو أتنازل عن عضويتي فيهو ..
أيهما إستطعت فعله أقرب سأفعله ياغالية ..
فقط كوني في القرب في كلتا الحالتين فلوجودك طعم الإطمئنان سمح ؟!
| |
|
|
|
|
|
|
Re: لما تلقى إسمك عنوان بوست بتفرح ..بتحزن ..بتخاف ولا ...!! ( يوجد صداع) !! (Re: نادية عثمان)
|
العزيزة نادية ،
ده بيعتمد على الشخص الفاتح الموضوع
يعني البوست باين من كاتبو
يعني لو فاتحو فلان فلون بيكون موضوع مرح
لو فاتحو ابو فلونة بيكون موضوع جادي ولا يخلو من المرح
لو فاتح فلان فنيلة وقال فيهو صور ده بيكون موضوع مطرشق
لو فاتحو فلين الفول بيكون متهم ليهو واحد مختلس وماعندو اثبات
لو فاتحو فلل الفالون بيكون عايز يدمر ليهو فنان او فنانة
لو فاتحو الفول فاتوووو دي موضوع اصلو ماتطلعي منو لووول يكه
تحياتي
زاتووو - الدمام
| |
|
|
|
|
|
|
Re: لما تلقى إسمك عنوان بوست بتفرح ..بتحزن ..بتخاف ولا ...!! ( يوجد صداع) !! (Re: ALZOLZATOO)
|
Quote: شكراً لي مرورك يا كمال إدريس
أنت عارف أخونا ديل حكايتهم حكايه !
هسه البوست دا كان عنوانو مفروض يكون -
التحويلات الخارجيه - لي الأهل !! وناديه عثمان ،،،
كان العلماء يجوك طايرين من كل بقاع الدنيا والفقهاء !
غايتو انا تاني ما بسوي لي بوست الا وفيهو ناديه عثمان - الله يديها العافيه -
والبوستات الفي عنوانها بكري بقت ما بتساوي شيء ولا بتجيب دخل
|
شقيقتنا نادية
الفوق دا جزء من كلامي مع كمال إدريس في بوست التحويلات
أما بخصوص سؤالك فـــ نحنا لسه ما حصلنا المرحلة دي !!
أقعدي شاربة شاي بيـ لبن وعافية ،،،
هشام
| |
|
|
|
|
|
|
Re: لما تلقى إسمك عنوان بوست بتفرح ..بتحزن ..بتخاف ولا ...!! ( يوجد صداع) !! (Re: Hisham Ibrahim)
|
يا نادية عثمان سلام واحترام انا في البورد ده لي خمس سنوات ما حصل يوم شفتك في شكلة دايما مجاملة وظريفة حتي مع المابستاهلو(زينا كده) وده سبب كافي يخلي الناس يحبوك ويحتفلو بيك لما قالو جاية الامارات البوستات تتطاقش واللجان اتكونت والقاعات اتحجزت والفنان أخد العربون وتستاااااهلي
واحد هنا لقيتو بغني في اغنية ود اليمني ببعض التحريف:(ما أنا)
يا نادية بابورك في الرياض بابورك في الرياض يا نادية بابورك في الرياض
ومن ضمن مما غني في الاغنية:
لو مرقت في دبي تحوم اول حاجة تقيف السموم والمطر ينزل والقش يقوم لي نادية وبابورك في الرياض
أمشي بوست ما يعتر ليك
| |
|
|
|
|
|
|
Re: لما تلقى إسمك عنوان بوست بتفرح ..بتحزن ..بتخاف ولا ...!! ( يوجد صداع) !! (Re: ALGARADABI)
|
القرضابي ؟؟؟
كل المجاملة السمحة دي لي أنا ؟ ههههه
تسلم ياود القبائل واياها المحرية فيك وفي بورداب الأمارات الأعزاء
وبجيكم باذن الله إنتو عاد حضروا الدروع والوشاحات من هسي سمح ؟
الفنان نعل ما اديتيهو عربون كبير ؟ هههههههه
ياخ ربنا يديم علينا المودة والإلفة والإحترام يارب
عليك الله ياقرضابي في شيتن سمح في الدنيا دي قدر محبة الناس ؟؟
وياقرضابي طالباك غنية البابور لم أجيكم سمح ؟ ههههه
| |
|
|
|
|
|
|
Re: لما تلقى إسمك عنوان بوست بتفرح ..بتحزن ..بتخاف ولا ...!! ( يوجد صداع) !! (Re: محمد الامين محمد)
|
سلام
ممكن توقعي لي اتوغراف!!
Quote: إنتي مجاملة زيادة من اللازم و بتفوّتي تفوّتي ليه و تصدعي ليه؟ ما عجبك بوست أو مداخلة ختي نقطتين وشرطة و من أول السطر اكتبي بالواضح (ما عاجباني المداخلة دي-ما عاجبني البوست دة) حتى لو إتكتبو بحسن نية لكن من حقك طالما فيهم إسمك تبيني رأيك و بوضوح
|
الأخت لنا المجاملة شئ نحتاجه في التعامل مع الناس في هذا الزمن.. مثلا: انا اتقيد بالزمن بصورة قوية.. لو أخطأ في حقي شخص ما اواجهه.. تعرفي أن من الناس من يقول انت كعب.. وكتيرين لا يحبون النقد.. ولا ولا
لكن شوية مجاملة بتلطف الجو
تحياتي عبدالعزيز
| |
|
|
|
|
|
|
Re: لما تلقى إسمك عنوان بوست بتفرح ..بتحزن ..بتخاف ولا ...!! ( يوجد صداع) !! (Re: Galaleldin Abdalla)
|
Quote: لكن نوع الونسة بتاعتكم انت والأخوان
في بوست مهبب معنون بأسمي زي داك زاد الطين بلة وزاد صداعي !!
فاهمني كويس موش ؟!! |
وبماإنني من (المتونسين!) في ذلك البوست التي تفضلتي بتسميته (مهبب) وأضيف عليه صفة (الأستحمام) .. كُنت اعشم في قدر كافي من (الإنصاف) يأتينا من طرفك .. وبهذا الكوتيشن اعلاه اجد نفسي في خانة (مُدان) وبالجبخانة كمان .. بماأنني شجبت وأدنة وتسألت أسئلة (خبيثة) كشفت إمتعاطي بقدر كبير لفحوى البوست الذي اكتفيتي (بهبهبته) .. ولا أراك اشرتي لهذا! بل قفزتي لترميني اقلاه بذيادتك للطين الذي بللك .. ولم تشيري ولو في برهة من النسيان انني سألت ذلك الزميل ــ بهل اعطتك (نادية) بيرمشن تو سي ثات ــ وبثات (العماد) كُنت ارمي الى (الكلمات) التي تسببت لكي في الصداع .. ولا أود تكرارها .. فهل بذلك ليس فيه نوع من مد اليد لمسح ولو (طيناية) واحده من عليكم .. ام هي زياده فقط ..
اما الونسة فهي تخصني وتخص من (اتونس) معهم وحدنا وحدنا ( يااا بختنا) .. فأنا بقول الكلام (الُدقري) وأذهب سائر في ونستي .. وعلى فكرة في (ونستي) مع من أحب لا أخضع لأي ( قيود) تحت اي (مسمى) تندرج البوستات .. وإن كانت معنونه بشيخي (ابزقده) ..
فلا تشغلك الونسات فهي من شأن اصحابها .. فقد .. الكلام (الدُقري) ونسبة لشحاحته حد العدمـــ يحتاج مناللإنتباهه ..
والسلااااااام ..
| |
|
|
|
|
|
|
Re: لما تلقى إسمك عنوان بوست بتفرح ..بتحزن ..بتخاف ولا ...!! ( يوجد صداع) !! (Re: محمد الجزولي)
|
ندوية حبيبتي لو دايرة تستمري بطريقتك المثالية دي، كربي نعلاتك و فتشي وين اليوتوبيا أنحنا بشر فعاملينا على هذا الأساس الوداعة المفرطة و الرقة المفرطة و الطيبة المفرطة لو اتوضع الندى في موضع السيف بتكون النتيجة الصداع المزمن دة..بالمناسبة الزول الطيب و المسالم و الرقيق هو الزول القوي قوة داخلية...لكن يا حبيبة البفهم منو؟؟(:(:كدي جربي مرة الآليات الكلمتك بيها (:(:(:(:(:
| |
|
|
|
|
|
|
Re: لما تلقى إسمك عنوان بوست بتفرح ..بتحزن ..بتخاف ولا ...!! ( يوجد صداع) !! (Re: lana mahdi)
|
Quote: وبماإنني من (المتونسين!) في ذلك البوست التي تفضلتي بتسميته (مهبب) وأضيف عليه صفة (الأستحمام) .. كُنت اعشم في قدر كافي من (الإنصاف) يأتينا من طرفك .. وبهذا الكوتيشن اعلاه اجد نفسي في خانة (مُدان) وبالجبخانة كمان .. بماأنني شجبت وأدنة وتسألت أسئلة (خبيثة) كشفت إمتعاطي بقدر كبير لفحوى البوست الذي اكتفيتي (بهبهبته) .. ولا أراك اشرتي لهذا! بل قفزتي لترميني اقلاه بذيادتك للطين الذي بللك .. ولم تشيري ولو في برهة من النسيان انني سألت ذلك الزميل ــ بهل اعطتك (نادية) بيرمشن تو سي ثات ــ وبثات (العماد) كُنت ارمي الى (الكلمات) التي تسببت لكي في الصداع .. ولا أود تكرارها .. فهل بذلك ليس فيه نوع من مد اليد لمسح ولو (طيناية) واحده من عليكم .. ام هي زياده فقط ..
اما الونسة فهي تخصني وتخص من (اتونس) معهم وحدنا وحدنا ( يااا بختنا) .. فأنا بقول الكلام (الُدقري) وأذهب سائر في ونستي .. وعلى فكرة في (ونستي) مع من أحب لا أخضع لأي ( قيود) تحت اي (مسمى) تندرج البوستات .. وإن كانت معنونه بشيخي (ابزقده) ..
فلا تشغلك الونسات فهي من شأن اصحابها .. فقد .. الكلام (الدُقري) ونسبة لشحاحته حد العدمـــ يحتاج مناللإنتباهه ..
والسلااااااام .. |
.. .. .. ولا يضِير .. ان أعلنا عن ( توقفنا) (التام) عن المطالبة بأي شئ (ثقيل) على (الأكتاف) او (خفيف) لكنه (مزعج) ..
وبمـــا انو
لا الثُقل ولا الإزعاج من شمائلنا ..
أعلنـــاها .. بلاهوادة ..
الإنبرامــــــــا
من الموضوع بصمَت خشمــــوُ
فهنيئاُ لنا دُقريتنا .. وهنيئاُ للأخرين( مشغُولياتهم !) ..!
ــــــ حكمت اليوم : وفي الإنبرامةُ أُسوة* حسنة ..
ـــ حكمت بُكرة :أُسوة العيد
| |
|
|
|
|
|
|
Re: لما تلقى إسمك عنوان بوست بتفرح ..بتحزن ..بتخاف ولا ...!! ( يوجد صداع) !! (Re: حسن طه محمد)
|
الشقيق وابن العم الغالي
سعادة المستشار حسن طه محمد
تسلم من كل شر يارب
وأنا أباهي بك عين الشمس ياشقيقي
وأتمنى على الله أن أكون دوما عند حسن ظن الجميع بي
رغم أن إرضاء الناس جميعهم غاية من المحال أن تدرك
إلا أنني أسأل الله محبته ومحبته خلقه دوما فالحب من أغلى الكنوز
دمت طيبا وتحياتي لشقيقي الحبيب صلاح وأخبره أني قد أتممت العمرة لي وللمرحوم الغالي ( أبو إيمان) على خير والحمد لله وسوف أنهي
تصوير حلقاتي ثم أعود للخرطوم قريبا جدا باذن الله سمح ؟
| |
|
|
|
|
|
|
Re: لما تلقى إسمك عنوان بوست بتفرح ..بتحزن ..بتخاف ولا ...!! ( يوجد صداع) !! (Re: محمد عبد الماجد الصايم)
|
يا الهي !!
كدي نلخبط الردود ونخلي الترتيب وأبدأ بالأستاذ الفاضل والأخ المحترم محمد الجزولي
أولاً ياسيدي النبيل والله أنا كنت في مكة لاداء مناسك العمرة كما قال لك الأخ والصديق ود الصائم
يعني ماشغلني عن الرد إلا إنشغالي بالطواف حول الكعبة المشرفة والسعي بين الصفاء والمروة
والحمد لله أن وفقني في ذلك وهذا توفيق من الله عظيم وربنا يتقبل يارب .
جيت لقيتك عامل تلاتة مداخلات.. الأولى غضب والثانية إحتجاج والثالثة إنسحاب !!
وده كلو و( ظنك) إني مطنشة الرد عليك أو منشغلة وأكيد مافي شئ بيخليني أطنشك
ونحن بيننا إحترام وزمالة إسفيرية طيبة
ومداخلات على قلتها في بوستاتي إلا أنهاجميلة جدا .. ولو على
الإنشغال فمافيها شئ لو إنشغلت وكلنا بنتعرض للإنشغال
لدرجة مانقدر نرفع البوستات بتاعتنا ولا نرد
عليها خالص تاني وده عادي بيحصل خارج الإرادة مرات
ومرات عن عمد إذا كا الكاتب ماعايز البوست
ولا زهج منو وعادي يعني بتحصل في المنبر ولا شنو ؟
المهم بالنسبة لي أوضحت ليك عدم الرد عليك
كان بسبب شنو وعسى ان يكون سبباً مقنعاً سيدي الفاضل !
أما بالنسبة للبوست ( المهبب) فقد توجهت برسالتي
للأخ ود الصائم وختمتها له بالقول ( فاهمني موش)
ومحمد اظنه فهم ما أعنيه فالأخ صاحب البوست المذكور دائما
مايأتي ببوستات بها إسمي على هذه الشاكلة
وهذه ليست المرة الأولى التي يكتب فيها كلاماً
ثقيلاً على القلب ولكن لأن الأمر حرية شخصية رغم إنه
يتحدث عن أدق خصوصياتي فانني أتركه ليقول قوله
وكنت أعني بالقول أن الونسة الإخوانية زادت الطين بلة
ونسة ود الصائم وياسر طيفور أصدقائي الذين سآءهم
ماجاء في البوست كما سآءك وقد قرأت مداخلاتك هناك وعن جد
ممتنة جدا لما جاء فيها وفهمته جيدا
وأعرف أنك أردت إنصافي في ذلك البوست ( القمئ) ولكن مجرد
دخولكم هناك كان يزيد نسبة المقرؤية لذلك
البوست الذي يظهرني بمظهر ( الأرملة المتسولة) التي جاءت
الي الرياض باحثة عن حجة أو عمرة أو بيت ملك لي ولطفلتي !!
لهذا السبب أردت إرسال رسالة لود الصائم وطيفور هنا في هذا البوست وليس هناك وأنا ادرى إنهم سيفهمونني لأنهم يعرفون نوعية كتابات
ذلك الرجل للدرجة التي تتسبب لطيفور في ( فقعان المرارة) كما ذكر !
ولذلك إردت أن ينتهي الأمر بوقوع البوست إلى القاع
طالما إن قوانين المنبر لا تمنع المهاترات وساقط
الحديث واللغو الذي يقترفه الاخ محمد الامين بكتاباته غير المسئولة
تجاه زميلة وعضوة معه في منبر محترم
إسمه سودانيز أون لاين فيكتب عنها الفاظ مثل ( الولية وودوها حجة وعمرة وأدوها بيت ملك) ! ويغري حديثه زميل آخر مثل (عبد الغفار المهدي ) ليجئ شامتاً ومؤمّنا على حديثه ويحذره بالقول ( حاسب من العقارب ) فتامل يا أخي الجزولي !!
هل أبنت لك الان مدى فداحة هذا الأمر ووقعه على نفسي يا أخي محمد الجزولي ؟!!
وتأكد أن إنصافك وحديثك الطيب وتساؤلاتك المشروعة أنت وود الصائم
وطيفور وكل من مر رافضا مثل هذه اللغة ( السخيفة ) تجاهي في
ذلك البوست سيظل جميلا في عنقي وقولة حق مقدرة ..أشكركم عليها جداً ..
بالمناسبة أين هو البوست ولماذا سُحب فأنا لم أجده في المنبر لأعرف أين وصل بي الحال وهل هناك من ناس الرياض من سينفذ طلبات محمد الأمين ويهبني بيتا ملك حر أم لا ؟!
ههههههه
حقيقة شر البلية مايضحك ياخ !!
كن بألف خير
| |
|
|
|
|
|
|
Re: لما تلقى إسمك عنوان بوست بتفرح ..بتحزن ..بتخاف ولا ...!! ( يوجد صداع) !! (Re: lana mahdi)
|
الحبيبة الغالية لنا بت عمو مهدي
سلامات يازولة ياراقية شديد
عايني يالنوية :
أنا والله ماباحثة عن المدينة الفاضلة
ولا بتعامل مع البشر على إنهم ملائكة !
أنا مؤمنة انو في الدنيا دي في الخير والشر
والأن بقى الشر هو السائد للأسف !
لكن زي ما الدنيا دي فيها شر وفيها خير
برضو فيها أشرار ومسالمين ومامعنى انو الزول يكون مسالم يعني ( ملاك) !
لكن زي ما الشرير ( إنسان) المسالم برضو ( إنسان ) وكل الحكاية طباع
وأساليب حياة ياحبيبة .. والمسالم مازول ضعيف و( عوير) لكنه زول بحب السلم والهدوء والتصالح مع الذات دون معارك في غير معترك في هذا الفضاء الإسفيري !
عارفة ؟
أنا يالنوية بفترض دوما حُسن الظن في الناس أولاً إلى أن يثبت العكس !
وبعترف ليك ده قعد يتسبب لي في صدمات كتيرة لما أجي أكتشف إنو حُسن نواياي ده وداني جهنم !
لكن موش بقولوا الطبع بيغلب التطبع ؟!
عامة الآليات القلتيها لي ديك في بالي والله وماتفتكري إني ( قطة مقلمة الأظافر) !
لأنو ربنا ذاتو وضع في المراة قوية خفية كده مابتطلع إلا مع الإستفزاز الكتير
وحينها مهما كان ضبط النفس في لحظة كده بطفح الكيل ولكل منا طاقة بالتأكيد !
يلا قولي طاقتي على التحمل لسا ماخلصت لكن دسي لي ( الآليات)
وجاياك للتدريب العملي بالدرب سمح ؟
( وش نصو ملاك ونصو قرون) هههه
| |
|
|
|
|
|
|
Re: لما تلقى إسمك عنوان بوست بتفرح ..بتحزن ..بتخاف ولا ...!! ( يوجد صداع) !! (Re: نادية عثمان)
|
الأخ عبدالغفار،
ما تمارسه بحق الاخت نادية مناف للأخلاق بشقيها المخصوص للرجال أو الانسان عامة ما ذهبت إليه سابقا من لمز و غمز لا يضر بأحد إلا شخصك و يظهرك بمظهر أظنك تربأ بنفسك عنه، فأعد النظر فيما أنت سادر و تأكد اننا نحن القراء يضيق صدرنا بهذا الغث و الصراع الشخصي ...
ذاك كان اولا،
ثانيا،
تعرضك لأمرأة في هذا المكان ليس بفعل يمكنك التملص منه بسهولة لاسباب أولها أن ذنب السكوت لا نطيقه، وأنا شخصيا لا أطيقه..
فأرجو أن تعيد النظر في صراعك الذي أراه عنفا ضد أمرأة و إرهاب فكري، ولا يرتقي حتى لإرهاب فكري لأنك تطاعن و المطاعن خاو الجوف و فاقد للرؤية ...
| |
|
|
|
|
|
|
Re: لما تلقى إسمك عنوان بوست بتفرح ..بتحزن ..بتخاف ولا ...!! ( يوجد صداع) !! (Re: عزاز شامي)
|
الحبيبة الغالية والصديقة عزاز شامي
شكراً نبيلاً لوقفتك الواضحة كوضوح شمس أغسطس وهذا ليس بغريب عليك ياحبيبة
أما هذا العبد الغفار المهدي فهو يسعى خلفى
في المنابر وليس هنا فقط محاولاً بشتى الطرق إشانة وتلطيخ سمعتي ولكن هيهات !!
ليس لدي ما أخاف منه وملفاتي ليست ( ملوثة) ومحروسة أنا بمحبة خلق الله التي ماكنت لأنالها
لو كنت طعانة أولعانة أوفاحشة في القول ومترصدة خلق الله دونما سبب وأضح !!
هذا الرجل يسعى خلفي ببوستات يفتحها يوم بعد يوم
ومعلومات مغلوطة وتصفية حسابات ليس لي فيها ناقة ولا جمل !!
حدثته بالتي هي أحسن أكثر من مرة ومازال ( يتلحني) بشكل غريب !!
طفح الكيل ولن أسكت بعد الآن لا هنا ولا في القاهرة والحشاش يملأ شبكتو !
شكراً مرة أخرى ياحبيبة وأنتي ترفضين
الظلم والتهاتر والإساءة من هذا الرجل تجاهي
كوني بألف خير
| |
|
|
|
|
|
|
Re: لما تلقى إسمك عنوان بوست بتفرح ..بتحزن ..بتخاف ولا ...!! ( يوجد صداع) !! (Re: نادية عثمان)
|
اختي العزيزة جدا نادية .. .. انا من الناس القالو ليكي ماتشتغلي بالكلام القاغ دة وفي بوست مفتوح وقلته لك شخصيا ومستعد اكرره رغم انه الامور فعلا وصلت لحد السكوت عليه يمكن ان يفسر خطأ ولكن الذين يعرفون نادية لايمكن ان يفسروا فهي لم تخطيء علي احد ولن تخطيء ان شاء الله .. ولكن كثرة الكلام في مواضيع (فارغة)تقلل من قيمة الشخص .. اما اذا كان احدا -عبد الغفار- او غيره يود الخوض في امور لاتخصه فهذا ديدنه ولن تثنيه احاديث البورداب كلهم .. واما الذين يكتبون ولايعون مايقولونه في بوستاتهم ويتفاجاون بما هو مكتوب فهذا شان اخر وتحدثت عنه انت في بوست سابق؟ والمواجهة حينما تكون بوضوح ودون غمز ولمز فهي المواجهة الحقيقية والرجولة التي ننادي بها في طرح المواضيع وغير ذلك الي مزبلة الخوف ..
| |
|
|
|
|
|
|
Re: لما تلقى إسمك عنوان بوست بتفرح ..بتحزن ..بتخاف ولا ...!! ( يوجد صداع) !! (Re: baha eassa)
|
بهاء شقيقي العزيز
في حاجات إنت ماعارفها يابهاء !
والقصة فعلا وصلت حد السكوت معه بيفسر غلط !
زي ماقلت وإنت ساكن معانا في مصر دي
ومعرفتنا أعمق وأكبر من عرفة المنبر كمان وبقت بينا زيارات الأهل
وبعرف أهلك وبتعرف أهلي وعارفني زي ماكل الناس بتعرفني مازولة مشاكل
ولا في يوم أخطأت على زول ولا حايحصل إن شاء الله
لكن هذا العبد الغفار زودها شديد وإنت عارف وسامع وشايف بعينك ولا شنو ؟
مافي سبب وأحد يخليني أسكت ليهو لا هنا ولا في القاهرة وأنا قلتها ليهو زمان
وأعني ماأقول جيدا طالما الحكاية جابت ليها ملاحقة قدر ده من غير سبب !!
والبادئ أظلم ولا شنو يابهاء ؟
ضع نفسك مكاني ثم أجب سمح ؟
| |
|
|
|
|
|
|
Re: لما تلقى إسمك عنوان بوست بتفرح ..بتحزن ..بتخاف ولا ...!! ( يوجد صداع) !! (Re: محمد عثمان محمد طه)
|
الأخ الفاضل
محمد عثمان محمد طه
تسلم من كل شر يارب
وربنا يوفقك ويديك على قدر نيتك الطيبة يارب
ودعواتي لكل الطيبين كملتها في الحرم ويارب تصلكم يارب
أما حول مايفعله عبد الغفار بس بقول ليك
ربنا مايبتليك بواحد ( يتلحك) ويبقى متابعك زي ضلك بدون سبب!!
المسألة أنا قادرة على حسمها وبأساليب كتيرة بس عبد الغفار
قايلني بهظر وإني أضعف من حسمو بشكل رادع جدا !!
لكن كما يقال من يضحك أخيرا يضحك كثييييرا جدا ولا شنو ؟
| |
|
|
|
|
|
|
Re: لما تلقى إسمك عنوان بوست بتفرح ..بتحزن ..بتخاف ولا ...!! ( يوجد صداع) !! (Re: Ahmed Abdallah)
|
أحمد عبد الله
سلامات
ووينك ماظاهر عساك بخير يارب
عاين
نرجسية الواحد وحبه للظهور دي بحسب مضمون البوست ذاتو
يعني ما أظن إنو لو في زول نرجسي وبيحب الظهور حايفرح
لما يلقى زول فاتح بوست يشتمو ويقول فيهو كلام فارغ مثلا !
أما الكلام الجميل في مضمون بوست بيحمل إسم زول فده مابكون نرجسي
ومحب للظهور لأنو لو ( نرجسي) دي صفة ماحلوة وماأظن ساعتها في زول
حايفتح ليهو بوست من أساسو إلا لو ذم أو شكلة على ما أظن يعني !
المهم
نورت البوست وطمنا عليك وماتغيب سمح ؟
| |
|
|
|
|
|
|
Re: لما تلقى إسمك عنوان بوست بتفرح ..بتحزن ..بتخاف ولا ...!! ( يوجد صداع) !! (Re: نادية عثمان)
|
ندوية ..
عمرة مقبولة ان شاء الله ...
وانت ست الفهم والذوق .. وتعرفى اكثر منى ان القمم دائماً مستهدفة ..
ولأنك قيمة وقمة انسانية راقية .. ولأنك فقط نادية بت عثمان بت مختار ..
تجدين بعض السخافات .. والتى لا يحتملها معدنك الطيب ...
واسمك دائماً هو اضافة لمن يكتبه في عنوان البوست .. ويصير خصماً لو كان مضمون
البوست فارغ .. او متهاتر ...
و
كونى دايماً نادية ..
ــــــــــــــــــــــــــــــــ شوفى لى اخوك عروس (مغتربة) ياخ ..
| |
|
|
|
|
|
|
Re: لما تلقى إسمك عنوان بوست بتفرح ..بتحزن ..بتخاف ولا ...!! ( يوجد صداع) !! (Re: كتو)
|
Quote: اختي العزيزة جدا نادية .. .. انا من الناس القالو ليكي ماتشتغلي بالكلام القاغ دة وفي بوست مفتوح وقلته لك شخصيا ومستعد اكرره رغم انه الامور فعلا وصلت لحد السكوت عليه يمكن ان يفسر خطأ ولكن الذين يعرفون نادية لايمكن ان يفسروا فهي لم تخطيء علي احد ولن تخطيء ان شاء الله .. ولكن كثرة الكلام في مواضيع (فارغة)تقلل من قيمة الشخص .. اما اذا كان احدا -عبد الغفار- او غيره يود الخوض في امور لاتخصه فهذا ديدنه ولن تثنيه احاديث البورداب كلهم .. واما الذين يكتبون ولايعون مايقولونه في بوستاتهم ويتفاجاون بما هو مكتوب فهذا شان اخر وتحدثت عنه انت في بوست سابق؟ والمواجهة حينما تكون بوضوح ودون غمز ولمز فهي المواجهة الحقيقية والرجولة التي ننادي بها في طرح المواضيع وغير ذلك الي مزبلة الخوف .. |
نادية /
كلام بهاء دا كلام مؤسس جدا وتأخذيه بعين الاعتبار خاصة وهو يعرف ذلك المخلوق
شكرا بهاء
| |
|
|
|
|
|
|
Re: لما تلقى إسمك عنوان بوست بتفرح ..بتحزن ..بتخاف ولا ...!! ( يوجد صداع) !! (Re: علاء الدين حيموره)
|
Quote:
الاخت العزيزة / ناديه
عمرة مقبولة انشاء الله
انا ( اعوذ بالله من قولة انا ) احد القرٌاء من خارج حوشكم الموقر
اختى لقد التقيت بشخصك الكريم مرات قليلة جدا فى القاهرة إلا أننى وجدت انك فخر لنساء السودان بل ولكل سوادنى محترم, كلامى دا ما مجاملة ابدا ولكن هى
الحقيقة رغم أنف أى قزم تافه يتطاول على قمم نعتز بها , ولكى الحق كل الحق فى اتخاذ اى موقف او إجراء لحسم مثل هؤلاء . رجاءً إلا ترك البورد
اختى ( القافلة تسير والكلاب تعوى ) فمن ينبح او يعوى انما يفعل ذلك ليعرف نفسه واين يجب ان يكون فامضى فى طريقك الى المزيد من النجاح والتألق انشاء
الله , وزى ما قالوا اهلنا ( قشه ما تعترليك ) , (و انشا الله هَو هَو ما يزعجك) والله يحفظك من الصداع ومن كل شر
اخوك مجدى
|
هذه الرسالة من الاخ مجدي عبر ايميلي من الدوحة والاخ مجدي قابلتيه وهو يعرفك لذا كانت رسالته غاضبة علي هذا المسلك
الاخ مجدي مع الشاعر القدال
| |
|
|
|
|
|
|
Re: لما تلقى إسمك عنوان بوست بتفرح ..بتحزن ..بتخاف ولا ...!! ( يوجد صداع) !! (Re: ismeil abbas)
|
الاخت الفاضلة نادية وضيوفها سلام
والله يا نادية كتير بقرا تعليقات بعض الاخوة السخيفة جدا ودمي بفور وبقول افكر لي كلمتين تلاتة وتاني اقول استغفر الله
لو اي زول بخش المنبر وبينظر للعضوات باعتبار انهن اخوات صديقات زميلات بشر خلقهم الله زي ما خلقو هو ابدا مابيكون في احراجات وسخافات
لكن الرامي الله ما بترفع ...
عموما اي زول يتساخف مع اي ( انسانة ) في المنبر بس مسانجر صغير فيهو الرابط تاني كان عتب المنبر دا ما اكون انا محمد
سلام
| |
|
|
|
|
|
|
|