Quote: انت يا الرطاني دحين ناس البوف الزمان مشو وين؟ ناس القراحة الزمان كنت بتجري منهم مشوا وين؟ الضباط الادارييين الزمان بيجوا سمحين ومهندمين وكلهم هيبة وجبرة وراكبين الاستيشنات مشوا وين؟ الملاحظين الزمان بقواموا بعمل المهندس كلو مشوا وين؟ المدرسين الزمان مهندمين وبتشم ريحة طبيخهم الحلو من سقط لقط مشوا وين؟
حين كثرت الاوساخ والروائح العفنة ملات الاجواء من جراء سوء الادارة وعدم النظافة انكمش كل هؤلاء اولا ففيهم من اعتزل في بيته بعيدا عن كل الاوساخ حتي رحل عن دنيانا وفيهم من رحل كمدا وفيهم من هاجر بغرض ات تكون هجرته مؤقته فطالت فاما رحل نهائيا عن الدنيا ام بقي مهاجرا مستديما والاف من اجيال لم تعش ذلك و ممن سمعو بكل ذلك الجميل ما زالو في الداخل يحاولون التنظيف ولكن العفانة تدوخهم وتحبطهم واجسادهم تصيير عليلة فينكمشون محبطيين او يبحثون عن خروج بلا عودة ... في كل الدول حروب كبيرة تاكل الاخضر واليابس فيعاني بشرها الباقي كثيرا ويتعلم ان الدنيا مكابدة وعمل لترقية الروح والبدن والنهوض بالبلاد وهكذا كان حال دول العالم الاول عانت من حروب بالوان واشكال مختلفة فعرف من بقي ان العمل والمثابرة والنظافة( داخل وخارج) هي مقومات بناء جديد ودول جديدة قوية قادرة لتنهض بشعوبها .. ما يحدث في السودان احد تلك الحروب وبشكل اخر ولقد قيل ان فرنسا في زمن بعيد كانت الاوساخ تملآ الفسحات واسطح البنايات لعدم وجود مراحيض (وكان الحال وما زال في كثير من الصين ولولا اولمبياد بكين وموتمر الحمامات وبيوت الراحة الذي سبق ذلك لكان الوضع زنقة شديدة ايام الاولمبياد ووجود ملايين ) المهم ان كثرة العفن جعلت اهل باريس يفكرون في صناعة الروائح وقد اجادوها واشتهروا بها .. ما اقصد ان صناعة روائح في بلادنا امر ضروري ليروح العفن ....
Quote: حين كثرت الاوساخ والروائح العفنة ملات الاجواء من جراء سوء الادارة وعدم النظافة انكمش كل هؤلاء اولا ففيهم من اعتزل في بيته بعيدا عن كل الاوساخ حتي رحل عن دنيانا وفيهم من رحل كمدا وفيهم من هاجر بغرض ات تكون هجرته مؤقته فطالت فاما رحل نهائيا عن الدنيا
عزيزي ابوبكر
الأوساخ وروائحها النتنة صارت تخرج من أحشاء الناس.. عتقت حديثهم, كلامهم, سلامهم, حسهم وحواسهم.. فصاحب هذه الحالة يتلذذ بها بين أقرانه طالما أفسح العديد من الناس لهم المكان.. بالهجرة والإغتراب.. والرحيل الأبدي.. الأزقة, الشوارع, الحواري نظافتها ممكنة.. لكن نظافة هؤلاء؟!!!
تحياتي..
04-22-2009, 08:25 AM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
Quote: او لم يكن من العيب فينا ان نترك عروضنا في القرى تبحث عن الحيطان الساترة ؟
للمقارنة فقط بين الماضي والحاضر هنا وهناك : قبل عقد او اكثر من الزمان كنت اراسل زميل معماري امريكي جمعتني به جمعية معمارية ولكننا لم نلتق.. عرف انني نوبي فطلب مني رسما لبيت نوبي قديم فرسمت له مستعينا بمراجع قديمة وما كتبه بروفيسور يوسف فضل وكثير من الاثاريين(ادامز وغيره) وما رايته في زماني قبل الهجرة .. وكان في ركن البيت القديم جدا جدا في احد المخطوطات مرحاضا (كنيف) .. ارسلت له الرسم .. فعاد برسالة طويلة خلاصتها انه من جورجيا وانه يتذكر في صغؤره اي في خمسينات او ستينات القرن الماضي بان مزرعتهم الكبيرة والتي كانت هي بيت العايلة او الاسرة الممتدة (يعني تسكنها اسر متعددة) كان به مرحاض واحد في اقصي المزرعة وسال متهكما " هل تعني انه قبل الاف السنيين كانت في بيوت النوبيين مراحيض " فرددت عليه بانني وفي صغري اي في ذاات زمان صغره (الخمسينات والستينات اي قبل الطوفان والهجرة) كان في منزلنا في قرية نوبية صغيرة مرحاضيين احدهما للرجال والاخر للنساء .... تعجب كثيرا وربما ما زال ....
القصد ان الذي كانت لاسرته الممتدة الممتدة مرحاض واحد (لاسر عديدة ) هو من امريكا الدولة العظمي والتي صارت حلم الاف وربما ملايين من شباب السودان(النوبة) والتي كانت في بيوتهم مراحيض واحدة لكل اسرة علي الاقل ....شباب امريكا وحكامها واجدادهم الاوائل الذين وضعو قواعد ودستور قيام هذه الدولة العظيمة اهتمت بالانسان والعمل كاهم ركيزة والمساواة بين البشر رغم صراعات مريرة ضد من اسموهم بالزنج وابناء الرقيق وابناء السود ..الخ انتهت بان يكون من هو من صلب اسود رئيسا لها...
واجبات الدولة ليس خطبا عصماء وضجيجا واعلانات حروب دنكشوطية ضد العالم وخلق صراعات بين اهل البلد وقتل الاف ايما جوعا او قصدا ليبقي حكام الغفلة في السلطة ابدا . اهم واجباتها توفيير مناخ صحي وفق المتاح للفرد ومهما كانت مساهامات الافراد والمنظمات فهي لا تسد عجز الدولة .... الحمامات ت المتحركة انواع كثيرة يمكن صناعتها محلياوبمواد مختلفة متوفرة وتركيبها في ساعات ويمكن بناؤها باقل التكاليف ولكن الدولة والنظام هما القادران علي ان يكون لمثل ذلك العمل قيمة وافضلية ...لقد ساهم الانسان السوداني بقدر المستطاع من خلال جمعيات خيرية وبني بيته لوحده بمرحاض او بدونه وغابت الدولة تماما وبقيت صور يشاهدها من يملك تلفزيونا او مذياعا بينما الدولة تمتلك طائرات خاصة ويخوت خاصة وقصور ومزارع في الداخل والخارج لافرادها المحظوظيين .....
_________ حاشية
كثير من المغتربيين يعودون ومعاهم كونتينارات بها اغراضهم ومعظمها قديم ويمكن تحويلها الي مراحيض بعد ان يوضع من الداخل بوليسايرين او جيبسم بورد لتقليل حرارة الحديد ونفس هذه الكونتينرات هي احسن وعاء لزراعة المشرومMushroom(اسموكدة يالعرريب ومش الفي بالك ) بعد اضافة مكيف لها ورفوف ( والمشروم يا عرريب عايز بس مخلفات الدجاج "الطبيعية (خرا الجداد) .. يعني يا عرريب الكونتينر ممكن تقسمو قسميين واحد حمام والدجزء التاني مزرعة مشروم وطبعا عندكم جداد واللا اكلتو كلو ....
ويالعرريب هاك فكرة جهنمية لبيزنيس اصلو مافي اوراق مالية فضلت وسوقكم المالي بقي بس كراتيين فاضية اها اشحن الحمام المتنقل دة معاك وجرو بعربيتك الفوور ويل من الكلاكلة الي البردانة وبالعكس وتقدم خدماتك للعايزين يرتاحو .. يعني تقيف لمكل واحد عايز يعملها في الخلا وتخليهو يستعمل الحمام الابهة وتدفعو ولو ما عندو فلوس تشيل غنمايتو او سيفو او سكينتو او مراكيبو .... الخ .. صدقيني دة احسن ليك من البهدلة في سوق فلسان :
04-22-2009, 08:43 AM
abubakr
abubakr
تاريخ التسجيل: 04-22-2002
مجموع المشاركات: 16044
مثلما تؤذينا رائحة فضلاتناالمادية فنهرب بها الي خلاء او حمام لنتخلص منها وننظف اجسادنا ستؤذيهم رائحة فضلات سوء اعمالهموالتي سوف لا يجدو لها حماما ولا ماء ينظفهم منها فتخنقهم .. هكذا التاريخ كل "وسخ نتن في دواخله اذي الناس يؤذي نفسه في نهاية الامر وينال جزاء وساخته ونتانته بسببها "....
04-22-2009, 09:07 AM
فيصل محمد خليل
فيصل محمد خليل
تاريخ التسجيل: 12-15-2005
مجموع المشاركات: 26041
رســالة العم كمــال ــــــــ اعزائى شيقااااا وابو بكر لقد اهجتم فى النفس مشاعر شتى من الاسى والشجن وانتم تنقلون لنا تلك الصور لزمان عشناة وماعاد ولحاضر انقلبت موازينة وتعطلت بوصلتة وصرنا نجرى وراء السراب ...وكلما تتدلهم بى الامور اردد دائما كلمات الشاعر الرقيق الاستاذ مبارك حسن خليفة وهو يقول:ـ
الـــزيــف
ماذا لو أن الحاجب ينمو تحت العين؟ أو شعرا ينبت بين الشفتين؟ أو شخصا يصبح بين الناس اثنين؟ * * * ماذا لو أن جليدا يهبط عز الصيف؟ أو أن شجاعا يقتله الخوف؟ أو أن ننهر في رمضان الضيف؟ لاشئ … فهذا زمن الزيف * * * زمن فيه تغير طبع الناس فيه تغير حتى الإحساس و حقير الأمس… اليوم أمير و أمير الأمس … اليوم حقير * * * ماذا، (( و الحق ))، طريد في الطرقات فقات عينه سيوف النزوات (( و جمال ))، كان يشد عرى قلبين أضحى قبحا و قذى في العين (( و الخير ))، سمعنا عنه و لكن.. أين؟ ألفاظ دحرجها الحكماء زمان من قمة مجد الإنسان سقطت فوق رؤوس المخلوقات صخور فانكسر اللحن على شفة العصفور شاب الطفل على مهد مسحور مات النور و أنا … بين بصيص الأمل الرابط من أعماق النفس و أمواج الديجور ابحث عن مجد الإنسان عن قمة مجد الإنسان أتسلق بعض الكلمات الجوفاء و أعود إلى السفح تدحرجني و تشد ردائي هوج الأنواء ماذا… و السفح يلطخه الوحل يعربد فيه الذئب و تمرح فيه الحرباء وانأ … تجذبني القمة تجذبني … رغم الأنواء
04-22-2009, 09:27 AM
Abdlaziz Eisa
Abdlaziz Eisa
تاريخ التسجيل: 02-03-2007
مجموع المشاركات: 22291
Quote: ماذا لو أن الحاجب ينمو تحت العين؟ أو شعرا ينبت بين الشفتين؟ أو شخصا يصبح بين الناس اثنين؟ * * * ماذا لو أن جليدا يهبط عز الصيف؟ أو أن شجاعا يقتله الخوف؟ أو أن ننهر في رمضان الضيف؟ لاشئ … فهذا زمن الزيف * * * زمن فيه تغير طبع الناس فيه تغير حتى الإحساس و حقير الأمس… اليوم أمير و أمير الأمس … اليوم حقير * * * ماذا، (( و الحق ))، طريد في الطرقات فقات عينه سيوف النزوات (( و جمال ))، كان يشد عرى قلبين أضحى قبحا و قذى في العين (( و الخير ))، سمعنا عنه و لكن.. أين؟ ألفاظ دحرجها الحكماء زمان من قمة مجد الإنسان سقطت فوق رؤوس المخلوقات صخور فانكسر اللحن على شفة العصفور شاب الطفل على مهد مسحور مات النور و أنا … بين بصيص الأمل الرابط من أعماق النفس و أمواج الديجور ابحث عن مجد الإنسان عن قمة مجد الإنسان أتسلق بعض الكلمات الجوفاء و أعود إلى السفح تدحرجني و تشد ردائي هوج الأنواء ماذا… و السفح يلطخه الوحل يعربد فيه الذئب و تمرح فيه الحرباء وانأ … تجذبني القمة تجذبني … رغم الأنواء
الله يخليك فقد هيجت فينا اشجانا ومواجع
04-22-2009, 09:31 AM
Abdlaziz Eisa
Abdlaziz Eisa
تاريخ التسجيل: 02-03-2007
مجموع المشاركات: 22291
ماذا لو أن الحاجب ينمو تحت العين؟ أو شعرا ينبت بين الشفتين؟ أو شخصا يصبح بين الناس اثنين؟ * * * ماذا لو أن جليدا يهبط عز الصيف؟ أو أن شجاعا يقتله الخوف؟ أو أن ننهر في رمضان الضيف؟ لاشئ … فهذا زمن الزيف * * * زمن فيه تغير طبع الناس فيه تغير حتى الإحساس و حقير الأمس… اليوم أمير و أمير الأمس … اليوم حقير * * * ماذا، (( و الحق ))، طريد في الطرقات فقات عينه سيوف النزوات (( و جمال ))، كان يشد عرى قلبين أضحى قبحا و قذى في العين (( و الخير ))، سمعنا عنه و لكن.. أين؟ ألفاظ دحرجها الحكماء زمان من قمة مجد الإنسان سقطت فوق رؤوس المخلوقات صخور فانكسر اللحن على شفة العصفور شاب الطفل على مهد مسحور مات النور و أنا … بين بصيص الأمل الرابط من أعماق النفس و أمواج الديجور ابحث عن مجد الإنسان عن قمة مجد الإنسان أتسلق بعض الكلمات الجوفاء و أعود إلى السفح تدحرجني و تشد ردائي هوج الأنواء ماذا… و السفح يلطخه الوحل يعربد فيه الذئب و تمرح فيه الحرباء وانأ … تجذبني القمة تجذبني … رغم الأنواء
ألم ألم ألم
04-22-2009, 09:42 AM
فيصل محمد خليل
فيصل محمد خليل
تاريخ التسجيل: 12-15-2005
مجموع المشاركات: 26041
Quote: أهلًا بعَوْدةِ الأُستاذِ / ( أبو بكر ) .. من جديد ،
ولعلّهُ قمرٌ تَوارَى في الْبَعيدِ ثُمَّ عادَ
أشَمًّا حافلا ، وأنْوَرًا من حُشاشاتِ
الْفَرَاقِدِ شاهِدا ..
الزين ود الزين ... هسع العربي الفوق دة عرريبنا السجمان شيقا بيفهمو ؟؟ .. اها حشاشات دي يمكن تذكرو الحواشات اما الفراقد دي ما اظنو سمع بيها تب .. دة عرريب مهكر ساااي .. ما هو نوكيا صيني بشريحتيين وكميرتيين واحدة بتصور من التانية...
تسلم كتير وربنا يخليك
04-22-2009, 11:39 AM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
ياكيمو لانو "زيف" لازم يوم ويغور في ستين داهية ...الدنيا عشان تكون مستعدلة لازم يحصل توازن عام ووعقود ما بعد الحرب العالمية الثانية كانت كلها عدم توازنات وبالتالي العالم يتعرض اليوم ولسنوات مقبلة ربما عقد من الزمان الي محن تعم الجميع بدرجات متفاوتة يعني الحرب العالمية الرابعة باعتبار الحرب الباردة كانت التالتة والحروب الكبيرة هي التي تضبط موازيين شطحات البشر لانها تخرج كل الصديد الوسخ من جسد الدنيا ثم تبدء الدنيا في التعافي التدريجي جسدا واحدا ... السودان الان في بداية درجة محن غالبة كبيرة بسبب سوء الادارة والفساد والعفن الذي نتن جسد الوطن وبلادنا اليوم مديونة باكثر من ثلاثيين مليارا من الدولارات تضخمت من 7 في بداية زمن هذا النظام وبنفس القدر اسئ استعمال مليارات تتجاوز الثلاثيين في تمكيين نظام والصرف علي جهوية وترضيات لفرق في داخل الجهة الواحد والمؤسف حقا ان هذه المليارات ذهبت الي بلاد اخري في شكل حسابات بنكية وتجارة غير متوازنة كسبت الدول الاخري منها اضعاف تمنها لقلة خبرة من تاجر من اهل السودان اموال كثيرة منها صرفت في كماليات من عقارات وسيارات في خارج البلاد لا تستعمل الا بضع ايام في السنة ... والمؤسف ان البترول في السودان يباع مقدما وتصرف امواله قبل ان يخرج من باطن الارض وتلك مصيبة المصايب وكان اجدي للسودان لو بقي البترول في باطنه فالموارد الاخري ان اديرت بفكر واقتدار ستاتي للبلاد باضعاف اضعاف ما ياتي به البترول ..
بلادنا ستعاني اضعاف ما عانته من محن بسبب كل ذلك في زمن الانهيار الاقتصادي العالمي حيث كل الدول لديها اولوياتها وليس هنالك من يقدر علي مساعدة الغير ...
اجيالنا والتي سبقتنا ظلمت الاجيال الاصغر والقادمة بسوء ادارتنا لبلادنا
04-22-2009, 04:53 PM
Abdlaziz Eisa
Abdlaziz Eisa
تاريخ التسجيل: 02-03-2007
مجموع المشاركات: 22291
Quote: ياكيمو لانو "زيف" لازم يوم ويغور في ستين داهية ...الدنيا عشان تكون مستعدلة لازم يحصل توازن عام ووعقود ما بعد الحرب العالمية الثانية كانت كلها عدم توازنات وبالتالي العالم يتعرض اليوم ولسنوات مقبلة ربما عقد من الزمان الي محن تعم الجميع بدرجات متفاوتة يعني الحرب العالمية الرابعة باعتبار الحرب الباردة كانت التالتة والحروب الكبيرة هي التي تضبط موازيين شطحات البشر لانها تخرج كل الصديد الوسخ من جسد الدنيا ثم تبدء الدنيا في التعافي التدريجي جسدا واحدا ... السودان الان في بداية درجة محن غالبة كبيرة بسبب سوء الادارة والفساد والعفن الذي نتن جسد الوطن وبلادنا اليوم مديونة باكثر من ثلاثيين مليارا من الدولارات تضخمت من 7 في بداية زمن هذا النظام وبنفس القدر اسئ استعمال مليارات تتجاوز الثلاثيين في تمكيين نظام والصرف علي جهوية وترضيات لفرق في داخل الجهة الواحد والمؤسف حقا ان هذه المليارات ذهبت الي بلاد اخري في شكل حسابات بنكية وتجارة غير متوازنة كسبت الدول الاخري منها اضعاف تمنها لقلة خبرة من تاجر من اهل السودان اموال كثيرة منها صرفت في كماليات من عقارات وسيارات في خارج البلاد لا تستعمل الا بضع ايام في السنة ... والمؤسف ان البترول في السودان يباع مقدما وتصرف امواله قبل ان يخرج من باطن الارض وتلك مصيبة المصايب وكان اجدي للسودان لو بقي البترول في باطنه فالموارد الاخري ان اديرت بفكر واقتدار ستاتي للبلاد باضعاف اضعاف ما ياتي به البترول ..
بلادنا ستعاني اضعاف ما عانته من محن بسبب كل ذلك في زمن الانهيار الاقتصادي العالمي حيث كل الدول لديها اولوياتها وليس هنالك من يقدر علي مساعدة الغير ...
اجيالنا والتي سبقتنا ظلمت الاجيال الاصغر والقادمة بسوء ادارتنا لبلادنا
الكترابة
انا كان بقرا ده كلو اكان بقيت الطيب صالح
عزو
خليهم البرابرة في عماهم دى مفردات غالية جدا
04-22-2009, 06:23 PM
abubakr
abubakr
تاريخ التسجيل: 04-22-2002
مجموع المشاركات: 16044
رسالة العم كيمــــــو ـــــــــــــــ تعرف يا عزيزى ابو بكر بمناسبة هذا التحليل الواقعى تذكرت هذة النكتة السياسية :ـ
سأل طفل والده : ما معنى الفساد السياسي؟ فأجابه : لن أخبرك يا بني لانه صعب عليك في هذا السن ،لكن دعني أقرب لك الموضوع انا اصرف على البيت لذلك فلنطلق علي اسم الرأسمالية و امك تنظم شؤون البيت لذلك سنطلق عليها اسم الحكومة و انت تحت تصرفها لذلك فسنطلق عليك اسم الشعب و اخوك الصغير هو املنا فسنطلق عليه اسم المستقبل اما الخادمة التي عندنا فهي تعيش من ورائنا فسنطلق عليها اسم القوى الكادحة اذهب يا بني وفكر عساك تصل الى نتيجة و في الليل لم يستطع الطفل ان ينام .. فنهض من نومه قلقآ و سمع صوت أخيه الصغير يبكي فذهب اليه فوجده بل حفاضته ذهب ليخبر امه فوجدها غارقة في نوم عميق ولم تستيقظ ، !!و تعجب أن والده ليس نائما بجوارها فذهب باحثآ عن أبيه فنظر من ثقب الباب الى غرفة الخادمة فوجد أبوه معها و في اليوم التالي قال الولد لابيه! : لقد عرفت يا أبي معنى الفساد السياسي فقال الوالد: وماذا عرفت قال الولد : عندما تلهو الرأسمالية بالقوى الكادحة وتكون الحكومة نائمة في سبات عميق فيصبح الشعب قلقا تائها مهملاً تماماً و يصبح المستقبل غارقا في القذارة
04-22-2009, 07:17 PM
abubakr
abubakr
تاريخ التسجيل: 04-22-2002
مجموع المشاركات: 16044
Quote: سأل طفل والده : ما معنى الفساد السياسي؟ فأجابه : لن أخبرك يا بني لانه صعب عليك في هذا السن ،لكن دعني أقرب لك الموضوع انا اصرف على البيت لذلك فلنطلق علي اسم الرأسمالية و امك تنظم شؤون البيت لذلك سنطلق عليها اسم الحكومة و انت تحت تصرفها لذلك فسنطلق عليك اسم الشعب و اخوك الصغير هو املنا فسنطلق عليه اسم المستقبل اما الخادمة التي عندنا فهي تعيش من ورائنا فسنطلق عليها اسم القوى الكادحة اذهب يا بني وفكر عساك تصل الى نتيجة و في الليل لم يستطع الطفل ان ينام .. فنهض من نومه قلقآ و سمع صوت أخيه الصغير يبكي فذهب اليه فوجده بل حفاضته ذهب ليخبر امه فوجدها غارقة في نوم عميق ولم تستيقظ ، !!و تعجب أن والده ليس نائما بجوارها فذهب باحثآ عن أبيه فنظر من ثقب الباب الى غرفة الخادمة فوجد أبوه معها و في اليوم التالي قال الولد لابيه! : لقد عرفت يا أبي معنى الفساد السياسي فقال الوالد: وماذا عرفت قال الولد : عندما تلهو الرأسمالية بالقوى الكادحة وتكون الحكومة نائمة في سبات عميق فيصبح الشعب قلقا تائها مهملاً تماماً و يصبح المستقبل غارقا في القذارة
العرريب افهم الكلام الفوفق الرسلو كيمو عشان حتحتاج ليهو في الانتخابات القادمة يمكن تلقي ليك ضب يصوت ليك
04-22-2009, 08:58 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
Quote: العرريب افهم الكلام الفوفق الرسلو كيمو عشان حتحتاج ليهو في الانتخابات القادمة يمكن تلقي ليك ضب يصوت ليك
اخي الرطاني
بالجد اول مرة اقرا لي عشرة سطور وتمنيت لو كانت مجلد .
شكرا عمو كمال هذه القصة تحمل الكثير والكثير في طياتها وهذه الرواية يمكن ان تكون مشروع كتاب يحكي واقع اليوم وهذه الرواية كشفت الينا لماذا يلهث الكثيرون وراء من هن اقل جمالا واقل محافظة من زوجاتهم اللائي تزوجوهن لانهن احبنهم والعكس .
ودى يا عمو بتذكرني ايام زمان .... بحكيها ليك بالمسنغر .
04-23-2009, 03:19 AM
abubakr
abubakr
تاريخ التسجيل: 04-22-2002
مجموع المشاركات: 16044
مضروب دى عندنا بقولوها لما الكعوك او العنتت تشرب السمسم موسم الحصاد وتخلي المزارع يضرب يدو دى بدي ويرجع البيت وما يسلم على ام عيالو.
الصفقة (بفتح الفاء والقاف) : عندنا عدم الانتاج - بيقولوا ليك فلان السنة دى صفق يعني انتاجو طلع فالسو . ربما المقصود (صفّق) بتشديد الفاء اى ضرب يده بيده الاخرى كناية على الحسرة .
عليه فقد تقرر ان استعمال الرطاني لعبارة مضروب في القراية فيها الكثير من المحسنات البديعية وجماليات اللغة العربية وهي تشبيه شيقا بالسمسم المضروب بحشرة العنتت . ولعل الرطاني قد عمد الى مجاراة الشاعر العربي الفطحل الذى قال :-
إن السماحة والمروة والندى في قبة ضربت على ابن الحشرج
هيييييييييع كع
(عدل بواسطة الطيب شيقوق on 04-23-2009, 05:56 AM) (عدل بواسطة الطيب شيقوق on 04-23-2009, 09:52 AM)
04-23-2009, 05:58 AM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
Quote: إن السماحة والمروة والندى في قبة ضربت على ابن الحشرج
هيييييييييع كع
معقولة في القرن الواحد وعشريين والناس بتسافر بمركبات فضائية جارتر علي حسابهم والعرريب في "ابن الحشرج وهيييع وكع" .. كان يو م متنيل بنيلة يو اجدادكم عرفو الدرب وقطعوا البحر الاحمر وقبلو غرب .. ما كانو يقطعو االخليج ويقبلو شرق ودحين كانو بيلولو ريسانم زي الدبيب في ترفندرم ...بالله حلو مننا وخلونا في بلادنا وارجعو لخيمكم وعند الليل الذ ارخي سدوله .. بالله شوف "العذاري" عندهم التقول شيتا في مساي مارا : ويوم عقرتُ للعذارى مطيتي فيا عَجَباً من كورِها المُتَحَمَّلِ وياعجبا من حلها بعد رحلها وياعجبا للجازر المتبذل فظلَّ العذارى يرتمينَ بلحمها وشحمٍ كهداب الدمقس المفتل
اتخيل عذاري اكلة لحوم المطية في زمن ناس جولي ومادونا وووووووووووناسي عجرم .... دة كلام دة اها عذاري وبتاكل زفر قد كدة حتعمل اية لما تزوج اها بعلها يبقي من غير مطايا ؟؟؟
04-23-2009, 03:06 PM
abubakr
abubakr
تاريخ التسجيل: 04-22-2002
مجموع المشاركات: 16044
ياعرريب محامي الضب ومستشار الاوراق المضروبة انا زولا مشغول شغلا كتييييير بس عندي القدرة علي كتابة كذا مداخلة في فترة بسيطة (في الفسحة) وبعداك ارجع للشغل ..مش عاطل زيك
04-23-2009, 03:12 PM
abubakr
abubakr
تاريخ التسجيل: 04-22-2002
مجموع المشاركات: 16044
تعرف ياكيمو من الاشياء التي اتمني ان اعيشها ولو مرة قبل الرحيل هو ان احضر عرسا نوبيا في النوبة ناس كتار صفوف صفوف وطار ملعلع وقمر يلالي وكراسي خيزران للعجائز زي وصغار ضاربيين النوم في االواطة والجو اخر تمام ....
04-23-2009, 03:38 PM
Abdlaziz Eisa
Abdlaziz Eisa
تاريخ التسجيل: 02-03-2007
مجموع المشاركات: 22291
Quote: تعرف ياكيمو من الاشياء التي اتمني ان اعيشها ولو مرة قبل الرحيل هو ان احضر عرسا نوبيا في النوبة ناس كتار صفوف صفوف وطار ملعلع وقمر يلالي وكراسي خيزران للعجائز زي وصغار ضاربيين النوم في االواطة والجو اخر تمام ....
عزيزي أبوبكر
الكلام ده لزوم شنو!! أنت لا زلت شباب.. وبإذن الله تحضر حفل حفيدك من ضياء.. وان شاء الله أذكرك باليوم ده..
السنين تعدي بسرعة مهولة..
تحياتي
04-23-2009, 03:59 PM
abubakr
abubakr
تاريخ التسجيل: 04-22-2002
مجموع المشاركات: 16044
عزيزى ابو بكر...سلامات حديثك عن الزواج النوبى ارجعنى لتلك الايام وانا احضر فيها حفلات الزواج النوبية فى النادى النوبى بالخرطوم والتى كنت لما(تجى الشعرة) استوى فى الصف وهاك يارقيص حتى ان الكثيرون كانوا يعتبروننى حلفاويا من شدة الانسجام وطبعا دة كلو من مخلفات شهيدة المدائن وادى حلفا وانتة عارف احسن حاجة انو ما عندكم البطان حقنا
كيمــو
04-23-2009, 05:06 PM
abubakr
abubakr
تاريخ التسجيل: 04-22-2002
مجموع المشاركات: 16044
ماانت حلفاوي والاف النوبيين الحلفاويين لم يرو ولم يعيشي يوما حلفاويا واحدا وانت عشت سنينا فمن هو الحلفاوي ؟ الجينات النوبية تعرف طريقها من خلال الثقافة النوبية و معايشة النوبيين .. ه
04-23-2009, 09:58 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
ممكن تشرح لي بعربي افهمو ويكاب يعني شنو ؟؟ انا غايتو المتاحف الزرتها كلها ومعارض الماكولات الطازجة والمعلبة والادوات الصناعية والزراعية ما لقيت لي فيها حاجة اسمها ويكاب .. دة تركتر محلي يالاخو
04-24-2009, 06:16 AM
abubakr
abubakr
تاريخ التسجيل: 04-22-2002
مجموع المشاركات: 16044
Quote: ممكن تشرح لي بعربي افهمو ويكاب يعني شنو ؟؟ انا غايتو المتاحف الزرتها كلها ومعارض الماكولات الطازجة والمعلبة والادوات الصناعية والزراعية ما لقيت لي فيها حاجة اسمها ويكاب .. دة تركتر محلي يالاخو
لا لا ده زي المشرووووووووووم االانتم - يا ناس البندر - بتعبوهو اكياس منمقة وبتبيعوهو بالوقية وعندنا عيييييييك قائم في الحدب بروس نتوطأ فيهو بالمراكيب سااااااااااى و ما عارفين اسرارو .
تعال لينا نعبي ليك براميل مشروم مجانا - دخلت كالفور عاينت فيهو لقيت كيلوهو ب 100 درهم اماراتي - الكترابة اتارينا هناك بنتوطأ في عرق الاكسير .
اوع ارجع تاني القاهو نقلوهو الصيدليات .
04-24-2009, 08:58 AM
abubakr
abubakr
تاريخ التسجيل: 04-22-2002
مجموع المشاركات: 16044
ما عندنا وجبة ما فيها مشروم ...نحن اصلا فيججي ولذا بنعوض بروتيين الزفر (لحوم) ببروتين المشروم .. والمشروم ممكن يكون مصدر لدخل كبير وعظيم في السودان وحتي علي مستوي الافراد يمكن زراعته داخل البيوت .. يااخي انت شن علمك باكلات الكلاس دي خليك في الكوكاب والا الويكاب بتاعتك ....قال دولة عظمي قال
04-24-2009, 09:25 AM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
Quote: ايش رايك ننزلك في الانتخابات الجاية؟ ملاحظ عندك مهارات في المراوغة
قالولك انا اوباما تزلوني انتخابات في زمن الفلس والاسواق الضاربة والكهربا القاطعة .. نزلوني انتخابات زمن النغنغنة والطيارات واليخوت الخسوسي والقصور والبيزات المفروشة من الباب الي غرفة النوم الواحد يمشي عليها ....بقينا في الغش
هوي يا الرطاني بطل كلامك الشين ده - انا كرهت مدنيتكم دى وبقيت ناوي العودة لاهلي - باقي انت ما عندك عول مشتتين كلهم
انا مشتهي اشتري لي حمار ابيض مشاااااى واشتري ليهو بردعة ناعمة ولباب ناعم ولجام سمح واسافر بيهو ووقت اجي راجع الحلة مع المغربية يقوم يهنق بصوت عالي الناس كلها تعرف ود شيقوق جاء داخل الحلة .
ويقوموا الوليدات - بعد اصل - ينزلوا الشديد من الحمار وام اولادي تدق لي القهوة وتشممنى المقلاية واقول للولد هاك مفتاح المخزن امشى طلع العيش وعلق للحمار ويكون الحمار من النوع ما محتاج يحبسوا علوقو من البهمان . يكون من النوع البضم اضنيهو لوراء لما يجيهو التيس ياكل علوقو وينبري ليه بصلبو وتاااااااااح يلقط التيس نامن يقع .
هيييييييع كع
04-25-2009, 10:38 AM
abubakr
abubakr
تاريخ التسجيل: 04-22-2002
مجموع المشاركات: 16044
Quote: هوي يا الرطاني بطل كلامك الشين ده - انا كرهت مدنيتكم دى وبقيت ناوي العودة لاهلي - باقي انت ما عندك عول مشتتين كلهم
انا مشتهي اشتري لي حمار ابيض مشاااااى واشتري ليهو بردعة ناعمة ولباب ناعم ولجام سمح واسافر بيهو ووقت اجي راجع الحلة مع المغربية يقوم يهنق بصوت عالي الناس كلها تعرف ود شيقوق جاء داخل الحلة .
ويقوموا الوليدات - بعد اصل - ينزلوا الشديد من الحمار وام اولادي تدق لي القهوة وتشممنى المقلاية واقول للولد هاك مفتاح المخزن امشى طلع العيش وعلق للحمار ويكون الحمار من النوع ما محتاج يحبسوا علوقو من البهمان . يكون من النوع البضم اضنيهو لوراء لما يجيهو التيس ياكل علوقو وينبري ليه بصلبو وتاااااااااح يلقط التيس نامن يقع .
ها العرريب السجمان ما تدري انو الحمير ظاطا بقت تركب المترو ؟؟؟ انت من زمن الحمير الجاهلة الما متحضرة الشايلة خرج الموية ونازلة وطالعة من البحر والحفير.. حمير الزمن دة غير وعندهم قنوات فضائية بيمثلو فيها ... يااااخ رجلينك الاتورمن من الرطوبة دحين مابينك تقولي حمارا ابيض وهيييع وكع الكعة التقع فوق نافوخك ...
04-25-2009, 01:23 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
Quote: انت من زمن الحمير الجاهلة الما متحضرة الشايلة خرج الموية ونازلة وطالعة من البحر والحفير..
ليش الموية ما كانت عندكم متحضرة يودوها لجنائن النخيل يشحنوها تمر ويكون حد منتظرها في حلتكم الما فيها سباليك ديك وحد يشحنها في البحر ويفكها للتاني وتمشى برااااااااااها وتاني وتاني زى اللعيبة عندما يتراموا الكورة قبل صفارة البداية.
04-25-2009, 06:05 PM
abubakr
abubakr
تاريخ التسجيل: 04-22-2002
مجموع المشاركات: 16044
Quote: ليش الموية ما كانت عندكم متحضرة يودوها لجنائن النخيل يشحنوها تمر ويكون حد منتظرها في حلتكم الما فيها سباليك ديك وحد يشحنها في البحر ويفكها للتاني وتمشى برااااااااااها وتاني وتاني زى اللعيبة عندما يتراموا الكورة قبل صفارة البداية.
سباليك شنو انت ما قريت جغرافيا ؟؟ ما كان عندكم في الاولية سبل كسب العيش وكتاب افو في الصين واحمد في مصر ؟؟؟؟
04-25-2009, 08:59 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
نحن اصلا لحس الكيعيين دة ما بنعرفو وحاليا طبعا سمعت بالبتزا والفطائر وما شابهها المشتقة من كابديتنا وتؤكل حسب البرتوكول ومش لحييس كيعان سااااي ....بالمناسبة ما هي الكعيان ؟؟
04-26-2009, 05:16 PM
فيصل محمد خليل
فيصل محمد خليل
تاريخ التسجيل: 12-15-2005
مجموع المشاركات: 26041
و نعلن كامل تضامننا مع نسابتنا، و اهلنا في ارض الحجر .. خيول العز المستولدة .. عناق النيل مع النخيل و البت (الودا) أسطى الكابيدة .. الناهضة للعمل .. دي يا ابو بكر شرحا لي (قيس جمال) قبال يومين في بيت عبد المجيد على حسن بنيو جرسي
كامل تضامننا ( بأثر رجعي ) مع شيقوق و كل اهالي النهر الجاف، في موضوع بيارة السوكي التي إنهارت ولم تصل لجنة التحقيق إلى نتيجة بعد ان قام نميري بتزوير و إخفاء التقرير
04-27-2009, 07:56 AM
abubakr
abubakr
تاريخ التسجيل: 04-22-2002
مجموع المشاركات: 16044
يا دكتور العرريب الاجدادو جم حافيين "شعث غبش " وعطشانيين اهو خلينوها في الارض الواسعة يمرحو ويسعو يرعولنا الهوش والبوش وحيث ان الانهار لا يعرفونها وان وادي عبقر جاف وكل الوديان عندهم جافة فقد جفف النهر بالقرب من البردانة قصده بان النهر لا بد ان يكون جافا فعالمه كله جاف ...\\
_________
بطن الحجر وليس ارض الحجر.. وبطن الحجر Batn El Hajar or "Belly of stones", من مناطق النوبة العديدة وهي تمتد من حوالي 20 كلم جنوب وادي حلفا (زمان)وتمتد الي داخل منطقة النوبية بحوالي مائة ميل وهي عموما قليلة السكان وكانت خط دفاع طبيعي للنوبة وكل الارض التي تعرف بالسودان حاليا ضد الغزاة .. وسكان النوبة والذين ينحدرون اساسا من اسر ممتدة في اصلها اسر من الممالك النوبية Dynasties تناسبت وتصاهرات مع اسر وافدة للتجارة او من اراد ان يبقي في النوبة من الغزاة وغيرهم توزعو شمال وجنوب بطن الحجر وبقي منهم قليل فيها يمتلكون جزر واراض زراعية غرب النيل وارتبط الجميع بصلة الدم والمصاهرة فلذا من الصعب ان تجد نوبيا لا تمتد اصول اسرته بطول المنطقة النوبية من الدر الي دنقلا رغم تكتلات اسرية هنا وهناك او تقسيمات وفق المناطق وما زال في خاطري ما كتبه النمساوي جون لوي بيركهاردت في مطلع القرن الثامن عشر من حالة وفاه حدثت في منطقة الدر شمالا وهو في اول رحلته جنوبا وعندما وصل قريبا من دنقلا وجد هنالك كذلك ماتما للمتوفي ...
04-27-2009, 08:10 AM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
Quote: كامل تضامننا ( بأثر رجعي ) مع شيقوق و كل اهالي النهر الجاف، في موضوع بيارة السوكي التي إنهارت ولم تصل لجنة التحقيق إلى نتيجة بعد ان قام نميري بتزوير و إخفاء التقرير
يا سلام عليك وانت ذكرني بالمقولة المشهورة للباشمهندس مرتضى محمد ابراهيم ( فالتنهار البيارة الاولي والثانية ولتبقى الحقيقة)
هلا تفضلت ، يا دكتور بكشف ، الملابسات والظروف التي اطلقت فيها تلك العبارة؟
اطيب الاماني
04-27-2009, 08:29 AM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
Quote: يا دكتور العرريب الاجدادو جم حافيين "شعث غبش " وعطشانيين اهو خلينوها في الارض الواسعة يمرحو ويسعو يرعولنا الهوش والبوش وحيث ان الانهار لا يعرفونها وان وادي عبقر جاف وكل الوديان عندهم جافة فقد جفف النهر بالقرب من البردانة قصده بان النهر لا بد ان يكون جافا فعالمه كله جاف ...\\
انت بتبرطع كدا ناسي قريبنا عبد الله ابن ابي سرح واتفاقية البقط ولا شنو؟
بقوم بحكيها ليك هنا وبتزعل نامن عيونك يحمرن .
04-27-2009, 08:41 AM
abubakr
abubakr
تاريخ التسجيل: 04-22-2002
مجموع المشاركات: 16044
Quote: هلا تفضلت ، يا دكتور بكشف ، الملابسات والظروف التي اطلقت فيها تلك العبارة؟
هو دكتور يعني بيعالج البني ادميين وما بتاع اوراق وحيثيات واضابير وانت عامل قانوني ضليع ( ضلع مكسور) والبيارة قريبة من البردانة وانت قبل كدة كتبت عنها ووووو ما ليك دعوي بنسيبي وانا بخليهو يكتب ليك روشتة علاجات ضد ال hallucination وال amnesia
04-27-2009, 09:09 AM
فيصل محمد خليل
فيصل محمد خليل
تاريخ التسجيل: 12-15-2005
مجموع المشاركات: 26041
عزيزى الباشمهندي ابو بكر انتة عارف العررريب زمان قالوا:ـ العمر لايقاس بالسنين وانما بالاحاسيس والمشاعر عشان كدة ومع جماعتك المركبين طقوم ديل حيكون توقيع المداخلات كيمــو بس....وبالمناسبة قبل سنة قابلتة واحد من اولاد الامتداد ومن متابعى سودانيزز فى مناسبة ولمن عرف انو انا عم كمال قام قالى كيف فيصل يقوليك عمو وهو اكبر منك!!!!!!!!!! وبعد كلام شيقوق امكن مرات اكتب دكتور جيكل ومرات مستر هايد
كيمــــو
04-28-2009, 08:06 AM
Abdlaziz Eisa
Abdlaziz Eisa
تاريخ التسجيل: 02-03-2007
مجموع المشاركات: 22291
Quote: العمر لايقاس بالسنين وانما بالاحاسيس والمشاعر
عمو .. ذكرتني بالشاعر الراحل محمد بشير عتيق..
حكى لنا مرة انه كان متيما باحدى الحسناوات الصغيرات.. كان الراحل يتجول في دار النشر جامعة الخرطوم وفجأة وقعت في عينه وهي لا تدري أنه بشير عتيق وقد باح لها بمشاعره فصاحت مستنكرة: أنت العجوز ده بتقول لي الكلام ده؟!! فكان رده: قلبي شاب أصغر منك..!!
بس ود شيقوق ما يصدق هذه الرواية ويعمل بيها..
تحياتي
04-28-2009, 08:12 AM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
سلامات يا شباب,,, احم احم.. ما تصدقو ...شباب دي... طبعا حكاية شباب دي, بتعجب عزيز..و شيقوق... الا فضيحتكم كبيــــــرة.. شيقوق.فاتح ليه بيت عزاء.وباكي في..كونداليزا...الشمطاء.. وعبد العزيز,,مقدم طلب زواج...في بوست قريبته عواطف.. اها يا الشجر الكبـــــــــــــــار....فيه (الصمغ).. ولا فيه (الجحور)..
اها هسي و الله ما عارف اتضامن مع منو؟؟ شيقا بحكم المنطقة..هو زول من الدندر ..يعني من ضواحينا احنا ناس..سنجة..وطبعا احنا عاصمتهم..وكدي..ولا اتضامن مع قريبي..ابوبكر...بحكم..العرق...والاصل و البلد...وا.. الواحد..محتار... بس احسن شي اكون محايد.. شان دمي مخلوط و ملخبط.. دنقلاوي\عبابدي.. وفـــــــــــوق لكم كل الود
العبابدة اولاد عم الدناقلة والكنوز والنوبيين عموما يعني دمك لا مخلوط ولا ملخبط اها النشوف دم العرريب اكان البعوضة خلت فيهو شيتا للفحص المخبري ... دة دي ان اي ما عندو ....شفت عرريب عرفو الدي انا اي بتاعو ...؟؟؟
04-28-2009, 07:01 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة