كلما دعوتهم لتغفر لهم وضعوا اصابعهم في اذانهم واستكبروا استكبارا ديل الرطانة البحبوا التمر يابس وموية وما عندهم في الاخرة طاااب و الواحد منهم كان سعلتو يقول ليك خلينا نقدل ومحل رهيفة تنقد - ده اكان اكرمك وما .... الدين
04-09-2009, 05:31 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
الرطاني ما بشبهكم يا الرطانة الشينين هو ضوكم ونوارتكم ابقوا عليهوعشرة اليوم البنتكي فيهو - الله لا حضرنا ليهو - ناركم وانطفأت تاني علا تكوسوها عند ناس منان مرقوعة بمنان تاني و مصلحة بفيسل هليل ومظهرة بيك انت يا كيمو . وبعدئذ يروح شيقا لاعب بيكم تيوة ( اوع منان يكون متابع)
Quote: ...فألى المزيد والمزيد و هييييييع وكمان هعيييييييين وماحدش حوش
ياكيمو كتر خيرك اهو ما قدرنا نحوش حاجة مادية الا بضع كلمات والعرريب محوش حمير الدندر كلهم قال حيحارب بيهم الطليان في الحرب العالمية الرابعة زي ما سوو الطليان ذاتم زمانك في الحرب العالمية الاولي في شرق السودان .. اها رحلونا الشرق لقينا حميرا قصيرة مالية خشم القربة وجنبها شوية الحمير الماكنة الجبناها معانا من وادي حلفا زي هرقل كدة وبعدين لقينا مافيها فايدة تب لا بتشيل شوال قمح ولا حته شوال قطن وعرفنا انها من اسلحة الحرب العالمية الاولي حيث كان الطليان يربطون في رقاب تلك الحمير فانوسا "سهارة بالجاز" ليلا ويطلقونها في بادية البطانة ليلا فيحسبها الحلفاء بانها قوات مشاة ويطلقون عليها نيران بنادقهم من طائراتهم ....اها العرريب سمع القصة دي وقاعد يحوش حميير الدندر ما خلي جحش في الدندر الا واستولي عليه منتظرا فرصته ليصير" ثري حرب " في الحرب العالمية الرابعة واصلو بعد انهيار الاسواق المالية ما عندو شغل ....
منور يا ابوبكر,, بس شيقوق ده امسك فيه قوى ,, الزول ده لقوا بير بترول فى حوشو فى الدندر ,, وهسع ام عبدالله موقفه النسوان صف وكل واحدة شايلة صفيحتا ,, زولك تانى مابتراطن ,, ده بقى يجيد كل اللغات
04-10-2009, 07:25 AM
abubakr abubakr
تاريخ التسجيل: 04-22-2002
مجموع المشاركات: 16044
مراحب يالفاضلابي ..اكييد العرريب يجيد لغات والدليل انو وهو راجع من المرسة كداري كان بيقطع الغابة الفي السكة وهو بيتونس مع اصحاحبو ساكني الغابة البينططو فوق الشدر ولقد ذكر 1ذلك بقلمه الاليكتروني في مذكراته السجمانة "رحلة سنيين ومشوار عمر "
04-10-2009, 02:11 AM
Mannan Mannan
تاريخ التسجيل: 05-29-2002
مجموع المشاركات: 6701
كلما دعوتهم لتغفر لهم وضعوا اصابعهم في اذانهم واستكبروا استكبارا ديل الرطانة البحبوا التمر يابس وموية وما عندهم في الاخرة طاااب و الواحد منهم كان سعلتو يقول ليك خلينا نقدل ومحل رهيفة تنقد - ده اكان اكرمك وما .... الدين
يا ود شيقوق
طيب نقول: ناس نوح..
ياخي نوح ما عربي.. هو رطاني ايضا.. ويبدو كان بيدعو الأعراب أهل البادية حسب ما ورد موثق الشحيح الما بيعرف أكل الفسيخ.. للعلامة ود عوج الدرب العريبي.. وطبعا الفسيخ أكلة نيلية وذات إرث حضاري ثري..
ويا أستاذي.. التمر والموية فقط.. وتحسد الرطانة فيهم بعد العز الذي تعيشونه.. الرطاني ليهو الحق يقدل لأنه ربنا معوضه في الآخرة حتى ولو.... الدين, لأن ذلك بيكون من الزهج في حر الصيف..
جمعة مباركة
تحياتي عبدالعزيز
04-10-2009, 07:52 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
Quote: يا حليلك يا الرطاني الماضقت لبن الابل يا حليلك يا الرطاني العمرك ما مزيت بالموليتة يا حليلك يا الرطاني الما شويت عود اليوي في النار وسويتو ملود قدلت بيهو في السارايا ( اليوى ده نوع من الشدر - انقرض الان - زمان اهلنا بيقطعوا منو عيدان عشان يركبوا فيها حديد الحشاشة ومنها جات العبارة المشهور - أسد اليوى) وقد وردت في اغاني الراحل قريبك خليل فرح .
ويا حليلك يا الرطاني الما اتعصرت جنب امك زمن النفاس واكلت معاها الرز وعصيدة الدقيق الفيني بالحلبة ويا حليلك يا الرطاني ما جربت النقزة بعد الدروس في الاولية لبيتكم عشان تجرى تسقي حمارك وتعوم في البحر وتلقط اللالوب. يا حليلك يا الرطاني الما ضقت الجرية من ناس القراحة والتطعيم زمان وقت الانسان كان انسان يا حليلك يا الرطاني ما حضرت زمن ناس البوف يجوا ونطلع ليهم المراتب برة لرش البيوت من الحشرات
فلاحتكم في النويح ده
نحن لما نشوف الابل بنقوم جارين.. الموليتة دي شنو؟؟ واليوي؟ الحلبة بنعرفها ما تشرحها البوف= ناس الصحة؟ يا زول ما تكتب زي الناس كلام نفهمه
تسلم للعودة يا عمنا وكتر خير العرريب ده في الاغاني الجلبها بوعي ودون وعي من اليوتيوب
04-10-2009, 08:00 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
أولاً : أطالب بحذف هذا البوست لأنه يقدح في إرث أجمل أهل السودان وأنبلهم وأعظمهم ... ثانيا : العريريب بقدحه في هؤلاء الأهل الرائعين وبملاواته لأنبل سكان هذا البورد الباشمهندس أبوبكر سيد أحمد وأعظمهم إطلاقاً يكون قد دخل في التابوهات المحرمة وبهذا يكون قد "صبأ" وعليه نطالب بتطبيق أقسى حد من حدود المس بحرمة التابوهات ... ومن يمس أبا بكر فكأنما أنكر ما علم في الدين بالضرورة ويحد تعزيراً
Quote: يا أبابكر وفيصل ... كيف فوتم للعريريب هذه :
وحاة النبي رحل اولادى الخرتوم وساكنين سمح ماكلين حاجاتكم ديل علا بحسبوا للاجازة بالثانية عشان يهربوا من الخرطوم ويمشوا يجلسوا مع حبوبتهم تحلب ليهم البقرات وتجيب ليهم اللبن بي ذبدو حااااااااار يقرطعوا وينبسطوا منتظرين القمر يطلع متين عشان يمشوا يلعبوا حرت والرمة الحباسة وشدت مع اولاد عمهم وخالاتهم وبعد ينتهوا يجوا بغبارهم ينوموا كلهم في بيت حبوبة ومنها يسمعوا حجيتكم ما بجيتكم الرطاني جاني وجاكم وعييييييييك يا الغمضة علا الشمس تطلع ويمشوا يتلببوا نار قهوة وتدفوا من السقط وعييييك
يا كافي البلا العيال ديل أبوهم ما علمهم ياخدوا shower bath و"يفرشوا" أسنانهم قبل ما يسمعوا ال bed time stories من الناني بتاعتهم !!! تالله لقد صبأت يا ابن شيقوق .....
04-10-2009, 08:26 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
الموليتة - دى التيس الفحل ومكنن ( تعرف الكنان) الكنان عند اهلنا هو ربط خصيتي التيس حتى يعجز من العشار . وللعرب فنون في تربية الاغنام حيث انهم يؤقتون موسم البهلة ( البهلة الولادة الجماعية للضان في موسم واحد وغالبا ما يكون موسم بداية الخريف لكثرة المراعي وايضا موسم الدرتية اى بعد الخريف لوفرة الاعلاف ايضا. وهنا يقوم اهلنا العرب بعمل كنان للتيوس الفحول حتى لا يعشر النعاج في زمن يتعارض مع their time schedule لبهلة .
عفاف يا كلك ذوق..هل تتحدثين عن صديقي الرطان باشمهندس أبوبكر سيد احمد أم هو تطابق اسماء؟
كنا ندردش عبر الهاتف قبل يومين -هو وشخصي الضعيف- أول مرة في حياتنا.. وكاني أعرف الرجل حياتي كلها. ربي يعطيك طول العمر ويمتعك بالصحة أيها السوداني المسربل بالوطن أينما حللت
فضيـلــى جمــاع
ــــــــــــــــــــــــــــ
استاذي الفاضل/فضيلي جماع
شايف عظمه ابوبكر اهو جاب قامه كبيره زيك انت لي في مكاني والله يااستاذ انا مدمنه ادمان لي جميع كتباتك وطبعا غصبا عني لانه كلماتك دايما بتفرض نفسها دون استاذان وتلامس شقاف القلب والروح وبعد اقرا كلامك اصاب بحاله من الذهول والرهبه ويقلبني التعبير عن اعجابي الكبير انااذا كنت بعز ابوبكر مره اسي اكيد ح يكون مرات تسلم لينا انت وابوبكر
عفــــاف ابــو حـريرة
ـــــــــــــــــــــ
يا سلام ، أبوبكر ده إنسان سمح ومحترم وعندو حب للناس ، أنا عن ذات نفسي بحبو شديد ، وبرتاح لوجودو هنا في المنبر لأنو زول بيعزز ثقتي في نفسي وما بيبخل علي بالكلمة المحترمة والإشارة للممكن أعملو ، زول إيجابي ولطيف ... بقول ليهو كل سن وإنت بطيب وبألف خير يا أبوبكر ويا رب أقدر أشوفك في السنه الإحنا فيها دي ، عشان أنبسط وتحصل لي البركه ..
طـلال عفيــفــى
ــــــــــــــــــــــــــــــــــ
يا اخونا هوووووووووى الحاضر يكلم الغائب
انا جبت توبي ولحافي وهبابي رحلت البوست ده عديييييييييييل ونائم بس مراقب اى زول يكتب ويكضب في شكر الرطاني ده - ده رطاني بتشكر ما تخافوا الله .
انت يا الفضيلي منحاز عديييييييييل الزول زولك حسب ونسب وما عندك شهادة شهادتك مجروحة .
الطيـب شـيـقــوق
ـــــــــــــــــــــــــــــــــــ
أبوبكر كل سنة وانت طيب وكل سنة وكل الأمور المحزنة تبعد طريقا وكل الأمانى الممكنة تصبح حقيقة وكل الأمل يصبح حياة وكل الحياة تصبح سعيدة
سميـة الحســن طلحــة
ـــــــــــــــــــــــــــــــ
... تـوأمـي الـحـبوب، ابـوبكـر سـيـداحـمـد،
حـاجـه غـريبة واللـه!!!، كيف نكـون نحـن الأتنييـن "توأميـن" وتكـون انت اتـولـدت في شـهـر مايو بتاع نميـري وشـهـر غـرق بلاد النـوبه عام 1964، واكـون انا اتـولـدت في شـهـر نوفمبـر بتاع عـبود الغــرق حـلفا!!!!. اخـوي الكاشــف، كـل سـنة وادام اللـه عـليك الصـحـه والافـراح وجـعـل كـل ايامك اعــياد ومسـرات، وأجـمل التهـاني واطـيب الأمنيــات. اخـوك: ابـوبكر سـيـداحـمـد. بكـــــــــــرى الصــائغ ـــــــــــــــــــــــــــــــــ أخونا.. وأبو الأنسانيه وسيد الخلاق.. وابن الطيبه والاستقامة.. يسعدك الله محل ما تقبل.. ويخليك وساميه لبعضكم ولأولادكم ولناس أحنا..
Quote: يجازي محنك الشئ اتناولتها زى الحدية - بس ما تباريني كتير بتغفل وبقوم بتناولك من شرق آسيتك دى بجدعك فنننننن في هنولولو
يا ود شيقوق
ياأخي الحدية هذه ذكرتني بيها أول سيوسيو أمتلكه في حياتي قبل المدرسة.. خطفته مني زي العساكر لما يسوا انقلاب على حكم مدني.. جريت وراها وسويت انتفاضات من الصراخ والدموع مع كم وقعة ولم تترك لي سوى الحسرة..
في سنغافورة مافي حدية.. لكن ود دبرك موجود.. حارسني زي الأسد الشايفو ده.. ومافي زول يقدر يشيلني.. (ما عبارة نميري)!!! يعني جزيرة مقفولة للرطانة.. وجمال العريبريب لا تتحمل جمال طبيعتها..( شفت البلاغة هنا كيف..)
تحياتي عبدالعزيز
04-10-2009, 07:37 PM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
ياأخي الحدية هذه ذكرتني بيها أول سيوسيو أمتلكه في حياتي قبل المدرسة.. خطفته مني زي العساكر لما يسوا انقلاب على حكم مدني.. جريت وراها وسويت انتفاضات من الصراخ والدموع مع كم وقعة ولم تترك لي سوى الحسرة..
ات يمكن كان ضاربك مرضى انا - انا زمان بربي الجداد ولما ترمي البيضة بقوم كل يوم من الصباح اشوف رمت تاني ولا ما رمت . وبعد تفكس بكون سارح معاهو بالسواسيو من الحدية لحدى تجي المغربية واضمن نامت بسواسيوها اكان تحت سريري او في الكر . والكر كنت بسندو بحجار من الكديس .
كدى يا عزو قول المرضة وراثة؟ وحياتك بعد رحلت اولادى الخرطوم عندى واحد من الاولاد مربي الحمام والله ما شغال بامور البيت اصلا النهار كلو تابع حمامو ولو طائر .
الكلمة دى بستعمل فيها كتير جدا حتى صارت مفردة معروفة وسط اعضاء وعضوات المنبر العام .
كنت في طفولتي مشاغب جدا وكان خالي بقول ابعد يا مسنوح وكان اعتقادي انها تعني يا مشوطن . وبعد اختبارك اللغوى ده اجبرت للبحث عنها في قوقل المبروك ووجدت الاتي :-
(سنح) تعني الوجه ..وخصوصا البشرة وأصل الكلمة (سحن) بتغيير موضع النون والحاء . ...
وسَنَحَ له ؛ أي عَرَضَ له وظهر . وقال الكفعمي رحمه الله : منهم من يَتَيَمّن بالبارح ويَتَشأّم بالسَّانِح .
04-10-2009, 08:59 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: ات يمكن كان ضاربك مرضى انا - انا زمان بربي الجداد ولما ترمي البيضة بقوم كل يوم من الصباح اشوف رمت تاني ولا ما رمت . وبعد تفكس بكون سارح معاهو بالسواسيو من الحدية لحدى تجي المغربية واضمن نامت بسواسيوها اكان تحت سريري او في الكر . والكر كنت بسندو بحجار من الكديس .
حاجة عجيبة .. جداد شنو وسوسيو شنو ات ما قلت قرود وحدايات كانو مصاحبنك وانت تفل.. بعدين ايه حكاية "السرير " ؟؟ ياناكر الجميل تعمل كدة في "العنقريب" وتنسي فضلو عليك وتقول "سرير" ؟؟وبعدين انت كنت فاضي في المغربية عشان تضمن السواسيو نامت ما قلت كنت بتكون مع البقر ؟؟؟ ايه اللخبطة دي ؟؟ دي شيزفوفرينا عدييل .. الزم الجابرة ياعرريب ...
04-10-2009, 10:20 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: ات يمكن كان ضاربك مرضى انا - انا زمان بربي الجداد ولما ترمي البيضة بقوم كل يوم من الصباح اشوف رمت تاني ولا ما رمت . وبعد تفكس بكون سارح معاهو بالسواسيو من الحدية لحدى تجي المغربية واضمن نامت بسواسيوها اكان تحت سريري او في الكر . والكر كنت بسندو بحجار من الكديس .
كدى يا عزو قول المرضة وراثة؟ وحياتك بعد رحلت اولادى الخرطوم عندى واحد من الاولاد مربي الحمام والله ما شغال بامور البيت اصلا النهار كلو تابع حمامو ولو طائر .
من طرائف حب الجداد كانت لنا واحدة عمرت عشرة سنوات كاملة ولها أجيال عدة.. كانت شرسة جدا.. لا أحد يقربها سواي عندما تكون حاضنها بيضها, وكنت أكلف بالمهمة الصعبه لأخذ البيض.. وهي تطير مع الحدية أعلى بكثير من ارتفاع العوضة..أحد أبنائها قتله لوري في 1968م وغرم اللوري خمسة جنيهات بالتمام..
Quote: ات يمكن كان ضاربك مرضى انا - انا زمان بربي الجداد ولما ترمي البيضة بقوم كل يوم من الصباح اشوف رمت تاني ولا ما رمت . وبعد تفكس بكون سارح معاهو بالسواسيو من الحدية لحدى تجي المغربية واضمن نامت بسواسيوها اكان تحت سريري او في الكر . والكر كنت بسندو بحجار من الكديس .
كدى يا عزو قول المرضة وراثة؟ وحياتك بعد رحلت اولادى الخرطوم عندى واحد من الاولاد مربي الحمام والله ما شغال بامور البيت اصلا النهار كلو تابع حمامو ولو طائر .
من طرائف حب الجداد كانت لنا واحدة عمرت عشرة سنوات كاملة ولها أجيال عدة.. كانت شرسة جدا.. لا أحد يقربها سواي عندما تكون حاضنها بيضها, وكنت أكلف بالمهمة الصعبه لأخذ البيض.. وهي تطير مع الحدية أعلى بكثير من ارتفاع العوضة..أحد أبنائها قتله لوري في 1968م وغرم اللوري خمسة جنيهات بالتمام..
Quote: انتة من زمن الساعات الجوفيل والرومر وتقولى عمو..عما كباســة
بالضبط "عما كباسة " للعجوز الشايب دة العامل زغنوني بينما احفادو بيلعبو في الاسكافا ...لواري التيمس مما اوقفو استيرادها الي السودان ليها كام وتسعيين سنة يعني من زمن الحرب العالمية والعرريب كان مساعد في تيمس عمو في مطلع الالفية... قال عمو قال العجوز الخرفان دة ....
04-11-2009, 11:19 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
انا من زمن السكر بيوزنوهو بالقولدية وزمن القمار بالتمر في رمضان وزمن الواحد برسلوهو للسكر يلحس نصو في الدرب وزمن الفركة والقمرمصيص وزمن الرقيص بالرقبة - دى مناسبة يا عمو نزل للرطاني الفريع البان بالرقبة
هيييييييييييييع
04-11-2009, 02:30 PM
abubakr abubakr
تاريخ التسجيل: 04-22-2002
مجموع المشاركات: 16044
متابعين ونضحك ساكت. أدعوكم لزيارة بوست (مواقف وطرائف في التدريس) والاطلاع والتعليق على آخر المواقف والطرائف، خاصة وأن ألأخيرة مهداة إلى أبوبكر وفيصل بالذات، ولإثارة شهية العريبي
04-11-2009, 11:39 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
يا شيقاااااا..سلامات ترانى حابس البوست من الغداء عليك امن اللة ولا جكسوية جات مارة دحين اتضاير بى جاى وتعال خدلك شبال على فكرة بتعرف معنى قرصتنى الساسوية فى الكدنبس
عمـك كيمـــــو
04-11-2009, 07:41 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
نقرا ساكت يا شيقا ( اسم الدلع ) هلا هلا ... العرب كان فتح بعمل في الطاقية جيب .. شيقا آآآآ كدي اللسمعوها الجماعة هناك ... من الاضان للأضان ...هههههههه تحياتي
04-12-2009, 04:53 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
ياعرريب زمااااانك وان في الاولية او اصغر قت لواحد "انعل ابوو......." وابوي الله يرحمو سمع وقام ربطني زي الشوال وضربني ضربا شديدا وخلاني اسف التراب ورماني في الشمس ومنها انا شديد الادب واراجع كلماتي واسكت 20 ساعة في اليوم و24 احيانا فبالله خليني في حالي انا ما قدر HGدق وربيط وسف تراب وشمش ..
04-14-2009, 05:49 AM
abubakr abubakr
تاريخ التسجيل: 04-22-2002
مجموع المشاركات: 16044
ياجماعة بوست استاذنا ود الخضر جنني جن .. بس القاهو بعد بحث واقول ارجع ليهو تاني ما القاهو .. يااااخ ما تكتبو فيه .. انتو بس حدكم كان الخلوة ؟؟ ما قريتو اولية ولا وسطي ولا ثانوية ؟؟؟؟ وشابكننا بلاغة واعراب ومبتدء وخبر وحاجات عجيبة ياراااااجل وسوق عكاظ ووادي عبقر والحطيئة وتابط شرا وما قريتو الا الخلوة ؟؟؟
04-14-2009, 06:38 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: ......." وابوي الله يرحمو سمع وقام ربطني زي الشوال وضربني ضربا شديدا وخلاني اسف التراب ورماني في الشمس ومنها انا شديد الادب واراجع كلماتي واسكت 20 ساعة في اليوم و24 احيانا فبالله خليني في حالي انا ما قدر HGدق وربيط وسف تراب وشمش ..
Quote: اكان طبق ليك كان بقيت شيخ طريقة يجوك يتبركوا فيك ويجنّك البنات تكتب ليهن من العين وتكتب ليهن للحب ويجوك العرسان برضو ......
لي هسع ات ما عارف انو انا شيخ طريقة ؟؟؟ ابوي الله يرحمو كان شيخ في الطريقة التجانية ... خد بالك وما تفتكر الرطان ما بيعرف يسوي الحجبات ديلك بعدين اخليك زي القعونجة تتلب وتكورك سااااي
04-14-2009, 04:58 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الطيب شيقوق
فيصل محمد خليل
abubakr
عبدالعزيز الفاضلابى
Mannan
Abdlaziz Eisa
GamarBoBa
فاروق حامد محمد
هاشم أحمد خلف الله
محمد أحمد الخضر
عبدالرحمن الحلاوي
حسن طه محمد
فيس بوك
تويتر
انستقرام
يوتيوب
بنتيريست