|
Re: بنات الجن ديل جنهن رقيص وغناء (Re: brakat)
|
الاخ بركات
لك التحية
ما تخاف ياخوى فالجن برضهم اخواننا وفيهم المسلم والطيب يعنى خلينا نقول ان شاء الله كان لاقيناهم نلاقى الطيبين فيهم والمسلمين خاصة البنيااااات
وتسلم يا غالى
| |
|
|
|
|
|
|
Re: بنات الجن ديل جنهن رقيص وغناء (Re: newbie)
|
أنا شفت ورأيت بس ما بوريك وين صاحبك رأى ما رأى وهو يستمع لأغنية الساقية وأنا بقول ليك بين اليقظة والأحلام أريت النوم يزورني اليوم بس لو ليلة في كل عام أنت برضك بتصدق الخرافات دي يا أخوي
| |
|
|
|
|
|
|
Re: بنات الجن ديل جنهن رقيص وغناء (Re: رومانسي)
|
هى يا هناى داكا
عزيزى رومانسى
تشكر يا زوق وده من رقتك بس
لكن بينى وبينك الجن بحبوا زى المحلات دى عشان كده ابعد منها وما تكتر من القعاد فيها وتحتها عشان ما يطلعوا ليك ويهاجموك بدعوى ازعاجك لهم..
لك حبى يا اساى القبل الكراسى
حيرتنا ياخى
| |
|
|
|
|
|
|
Re: بنات الجن ديل جنهن رقيص وغناء (Re: Habib_bldo)
|
حبيبنا كلنا وحبيب بلدو
اللهم اجعل كلامنا خفيف عليهم (كما يقال فى المسلسلات) وما يقوموا علينا
ياخوى انت عندك شك فيهم ؟؟؟ لا لا لا يا صاحبى الامة دى موجودة وبنص القرآن الكريم وبمشاهدات الكثيرون من بنى البشر ممن يعيشون بيننا واكان مكضبنى اسال سنجاوى شوف رأيه شنو..
بالمناسبة انت قاعد تختفى كده بتمشى وين؟؟
لك حبى وتحياتى
| |
|
|
|
|
|
|
Re: بنات الجن ديل جنهن رقيص وغناء (Re: newbie)
|
اخى الكريم newbie
ان كان خبر القرآن الكريم وجودهم قبل وجود البشر وانهم عمروا الارض قبلنا فنجد انه لا غرابة ان يكونوا فى كل مكان معنا وبيننا ولكن ميزتهم اننا لا نراهم بينما هم يرونا ويضحكوا علينا كثيرا..
لكن دعنى اتخيل معك انهم معك فى سيارتك يملاونها ويحادثونك ان تسرع الخطى او ان تتجنب هذا الطريق لانه فيه تفتيش وانت لا تسمع وتقع فى المحظور وهم يضحكوا فيما بينهم ويقولوا شوفوا البشر ما بسمعوا الكلام اصلهم راسهم ناشف
بصراحة حياة مثيرة مش كده ؟؟
لك حبى
| |
|
|
|
|
|
|
Re: بنات الجن ديل جنهن رقيص وغناء (Re: قرشـــو)
|
yes we heard alot about these kind of stories ,by till now i never saw any,Totti ya Toti,you made us remember our beautiful island العمدة،والهي ياما سمعنا،وخاصة عن توتي لكن ليوم الليلة داما شفنا حاجة،علي الرغم من حكاو الخيلان والاقارب المخيفة،طبعا في ذلك الزمن،لكن ممكن عبدالعزيز خطاب(التواتي)يملك الكثير من هذه الحكاوي اعذ بالله من الشيطان الرجيم
| |
|
|
|
|
|
|
Re: بنات الجن ديل جنهن رقيص وغناء (Re: manubia)
|
العزيز manubia
لك التحية والاحترام
حقيقة هذه القصص والحكاوى كانت متفشية فى السابق كثيرا وقد سمعنا منها الكثير ولكنى كنت اود لو ان احدهم شاهد من رأى الجن وسمع منه مباشرة وليس حديثا متناقلا جيلا بعد جيل .. اشكرك واتمنى معك ان يأتى عزيزنا عبد العزيز خطاب (التواتى) لانه لا شك سيعرف القصة اعلاه ويعرف صاحبها لان توتى تكاد تكون اسرة واحدة وان لم تكن بصلة الرحم فهى بصلة العشرة .. لك ودى واننى شغوف لمعرفة تلك الحكاوى
مع كل الود والاحترام
| |
|
|
|
|
|
|
Re: بنات الجن ديل جنهن رقيص وغناء (Re: قرشـــو)
|
عمدتنا العزيز
كيف الحال والأحوال
حقيقي لقد استمعت فعلا لكلام الفنان حمد الريح الذي بث من خلال قناة
النيل الأزرق قبل يومين ، وأنا عاوز أحكي لك هذه الحكاية التي حصلت
لي شخصيا وفي عز الظهر كمان وصاحي وبكامل قواي العقلية ، وتحدثت مع
الجن بس من وراء حجاب ، وسوف أروي لك كل مادار بس الحكاية دي عاوزة
ليها بوست كامل أخي قرشو
ولنا عودة إن شاء الله
| |
|
|
|
|
|
|
Re: بنات الجن ديل جنهن رقيص وغناء (Re: قرشـــو)
|
بسم الله الرحمن الرحيم
عمدتنا الكريم قرشو
بلدنا ياتا ياخوي المليانة جبال إنت شايفني شايل سيف ولا أضاني مقدودة أنا حلاوي يعني الجبل لو داير يقعد ما في ليهو محل الأرض كلها زراعة
أما قصة نعمل علاقة معاهم فقد يغدروا بنا ديل ما ليهم أمان الله يكفينا شرهم
فعندنا واحد كان بسكر ويعربد ويعمل الدنيا وذمتها وبعد دا كفتو شيطان عوج خشمو
ياخوي عليك الله بعدين أقفل معاك باب البوست دا كويس وخلي النور مولع
| |
|
|
|
|
|
|
Re: بنات الجن ديل جنهن رقيص وغناء (Re: بدرالدين شنا)
|
الاخ بدر الدين
بلدكم كنت اظن (ولست ادرى لماذا) انك حاليا مهاجر فى سلطنة عمان والسلطنة سمعت انها زاخرة بالجن فالجبال هنالك بها بخور لا يماثل وهذا البخور المسمى باللبان الضكر الاصلى والذى يباع بأغلى الاثمان ولا يعرف الاصلى منه الا الضالعون فى الدجل وعلوم الكتاب الاخرى (التى لا اعرفها) وهذا البخور يحرسه الجن ولذا هم كثر هناك..
يعنى انت ما فى سلطنة عمان ؟؟؟
هم فعلا سيكونوا غدارين لسبب بسيط هو اننا لا نراهم ويمكنهم ان يتشكلوا لنا بأى شكل ونحن ندقس ونسب ونلعب سنسفيلهم ويكون الرماد كال حماد ..
ياخوى ديل الباب مقفول والنور مضلم برضهم بدخلو .. المحيرنى المخاليق ديل بدخلوا جسم الانسان كيف بس ؟؟؟ امكن اخونا قاهر الجن يفيدنا..
وسلامتك منهم يا حبيب
ولك الود كله
| |
|
|
|
|
|
|
Re: بنات الجن ديل جنهن رقيص وغناء (Re: قرشـــو)
|
أخى قرشو
لتتأكد من أن اللبان الضكر صحيح أم مغشوش عليك أن تشعل اللبان فإذا إرتفع الدخان إلى أعلى فى شكل خط مستقيم طويل فأعرف أنه صحيح أصلى هناك أنواع عدة من البخور والأعشاب التى تطرد الجن أو تجلبهم ، منها على سبيل المثال الجاوى والمصطكلى ودم الأخوين والحنتيت هذة تجلب الجان أما التى تطرده مثل القسط الهندى إذا إستنشقه المسكون فسوف يهرب الجان اللابس بسرعة ويخرج من المسكون أما من الأعشاب فمثلا ورق السدر (شجرة النبق) الجان لا يستطيع تحمله فهى تبطل السحر وتخرج مادته من الجسد ، طبعا هناك إشاعة فى السودان إذا وجد الناس شجرة السدر (النبق) نابتة فى بيت من البيوت فالناس تخاف وتتعوذ من هذا البيت لأن الإشاعة تقول أن الجن والشياطين تحب هذة الشجرة فيسكنون هذا الدار ولكن على العكس هم يكرهونها جدا ويهربون من البيت الذى تتواجد هذة الشجرة فيا قرشو لما تبنى بيت فى السودان أزرع هذة الشجرة المباركة
أخى قرشو لو تذكر حفلات الزار فى السودان والبخور العفن المنطلق منها، هذا البخور العفن يحبه الجن الكافر وهذا شرط من شروطه ليحضر وليخرج من المسكونة بإضافة إلى شروطه الأخرى التعجيزية أحيانا منها مثلا ذبح خروف قربانا له وعلى المريضة أن تشرب من دم الخروف وكذلك طبعا الرقص الماجن والخليع أمام الرجال
يعنى الأماكن العفنة يتواجد فيها الشياطين والجن الكافر فعلى الإنسان أن يتجنب هذة الأماكن أو ذكر الله عند المرور بها وهم يحبون الرقص والغناء لذلك يتواجدون فى الحفلات والديسكوهات وكثير من حالات التلبس تحدث فيها وكذلك عند شرب الخمر أو عند إغتراف المعاصى، فالإنسان لما يرتكب ذنب يهرب الملك الموكل بالحراسة لأن الملائكة لا تحب المعاصى فيحضر الجان ولربما يتلبس الشخص فى هذة اللحظات
أراك تسألت عن كيفية تلبسهم الشخص وإليك التفسير: الجان الذى يريد تلبس أى شخص يراقبه أحيانا لبضعة أشهر فيكون وراءه حتى يتأكد تماما أن هذا الشخص غافل عن طاعة الله وعن ذكر الله
ومن يعش عن ذكر الرحمن نغيض له شيطانا فهو له قرين
وهناك حالات يدخل فيها الجان جسد الإنسان: الغفلة الشديدة عن الله ، الخوف الشديد ، الفرح الشديد، وأكثر الحالات التى يدخلون لحظتها هى حالة الغضب والهياج الشديد لأن الإنسان فى هذة الحالة صار ضعيفا جدا وكذلك الغضب حالة نارية توافق طبيعتهم فتمكنهم من الدخول لذلك قال الرسول صلى الله عليه وسلم: لا تغضب لا تغضب لا تغضب
أما كيف يدخل ؟ مثل الكهرباء فى الأسلاك فى أقل من مليون جزء من الثانية يدخل يعنى بسرعة خيالية فهو لا بد أن يدخل بسرعة وإلا حين دخوله إذا ذكر الإنسان إسم الله فيحترق فى اللحظة ويموت، لذلك الجنى الخبير الذى تعود الدخول فى الإنس يكن على حذر شديد ويفكر ألف مرة قبل الدخول أما الهواة أو الشماسة منهم فيغامرون بالدخول فربما ينجحون أو يفشلون فى المهمة وإلى لقاء أخر إن شاء الله
| |
|
|
|
|
|
|
Re: بنات الجن ديل جنهن رقيص وغناء (Re: قرشـــو)
|
بسم الله الرحمن الرحيم
المحترم قرشو سلام وفهم جديد
أيواااااااا إنت تقصد بلد الغربة!!! في الحالة دي فكل ما قلته صحيح وأزيدك من الشعر بيت وبعضمة لسانهم قالوا عندهم منطقة إسمها بهلا دي مليانة جن من النوع الخطير علوج شنو وطراطير شنو؟
أما اللبان طبعاً زي ما إنت عارف أنا فاقد حاسة الشم زي ما بتلقى زول أطرش ولا أعمى أنا ما بشم تب لكن عموماً هي مشهورة بالعطور وياريت تسجل لينا زيارة الحبيب
| |
|
|
|
|
|
|
Re: بنات الجن ديل جنهن رقيص وغناء (Re: قرشـــو)
|
العمدة العزيز قرشو الجن بقبائله المختلفة موجود وإنكار وجوده كفر وردة عن الإسلام لانه إنكار لما تواتر في الكتاب والسنة من الأخبار عن وجودهم ، فالإيمان بهم من الإيمان بالغيب. ذكر العلماء أننا كبشر لا نراهم وانما نعتمد في إثبات وجودهم على الخبر الصادق وأستدلوا في ذلك على قوله تعالى في إبليس وجنوده انه يراكم هو قبيله من حيث لا ترونهم . يعني زي السايقين عربية قزازها مظلل. لك ودي والشاف الجنيه ده يكون متقل في العشا ساكت يا قرشو يا أخوي
| |
|
|
|
|
|
|
Re: بنات الجن ديل جنهن رقيص وغناء (Re: almulaomar)
|
العزيز عمدتنا وماشي بعيد ليه عندكم في حنتوب ياما ارعبونا وخاصة عدلان ودضيف الله ودينار انا عشت قصة في عنبرنا وكان معانا واحد اسموا الطريفي وجاتوا واحدة بالشباك قالت ليهوا يلا الحفلة وكان في البداية شايفها اجمل واحدة في الدينا وبعد قام ماشي معاها ظهرت له بشكل مرعب وصاح عندها وقمنا بالقراءة له ايضا اتي لحنتوب مدير اسموا ودالمجذوب وقالوا عندوا جنية ودا كلام مؤكد من غفير نام معاهوا يومين ومنها ترك المدرسة وكان لما ندخل عليهوا في المكتب عندوا حلاوة ولالوب واذا انت شين يديك لالوب واذا وجيه يديك حلاوة دا غير لبسوا المهندم وترتيب بيتوا والبخور اما الجن فهو موجود وعندي ليكم اختبار لاي واحد فيكم لو عايش معاهوا واحد يجيب كديسة او قطة جنبوا ويلاحظ نظرتها له خاصة في رجليه واصابع رجليه واذا انت ممسوس هي حاتجي تلحس او تلمس اصابع رجلك في الاطراف او تتمسح علي ساق رجليك ودا مؤكد ومجرب لانوا القطط تري الجن والشايطين حتي الشياطين يحبوا القطط ويتلبسوها كثيرا لان الانسان يحب القطط ولي عودة لجن الهند
| |
|
|
|
|
|
|
Re: بنات الجن ديل جنهن رقيص وغناء (Re: قرشـــو)
|
أخى قرشو
والله ذكرتنى بأبولمبة ، تعرف أن عندى أصغر أخوانى فى السودان قبل سنتين أكمل الخدمة الإلزامية فحكى لى أنه لما كانوا فى المرخيات فى فتاشة أرادوا الهروب ليلا والرجوع إلى البيت لبعض الوقت ثم العودة للمعسكر بعدها وليكن ما يكن...عندما حانت ساعة الصفر تسلل هو وبعض زملاءه ليلا من المعسكر فى إتجاه أمدرمان وبعد أن توغلوا فى الخلاء لبعض الوقت رأوا من بعيد لمبة فأرادوا الوصول إلى مصدرها فربما كانت سيارة أو شخص يدلهم على الطريق ولكن كلما يقتربوا منها تبتعد عنهم وهم على هذة الحالة حتى أصبح الصبح ...تعرف أين وجدوا أنفسهم؟؟؟ فى المعسكر فضحكت جدا وعلقت على هذة الحادثة بأن الكيزان جندوا حتى الجن وأبو لمبة كان واحدا من كيزان الجن ....ها ها ها ها ها وليس بغريب أن تكشف كيزان الجن كل المحاولات الإنقلابية الفاشلة لرجال الأمن بما يحاك بليل
| |
|
|
|
|
|
|
Re: بنات الجن ديل جنهن رقيص وغناء (Re: مهاجر)
|
الأخ مهاجر
لقد إستوقفتنى جزئية الكديسة ، أنا الاحظ أن الكديسة الفى العمارة التى أسكن فيها تهرب دائما من أمامى وتنظر لى بخوف، لكن إذا سلمنا بتفسيرك فيعنى هذا أن هناك كثير من الإنس ممسوسين لكن ما هو رأيك فى تمسح الكدايس فى الأطفال واللعب معهم؟ ربما يكون هذا صحيحا لحد ما، والمعروف أنهم يحبون التشكل فى صورة الكدايس وخاصة الجنيات يحبن التشكل فى صورة الكدايس الزاهية الألوان وعموما هم يحبون اللون الأسود فالكلب الحالك السواد شيطان كما قال الرسول صلى الله عليه وسلم
| |
|
|
|
|
|
|
Re: بنات الجن ديل جنهن رقيص وغناء (Re: قرشـــو)
|
الاخوة الكرام
الجن مسالة غريبة فعلا عندنا زيمل في الهند كان يضع صور ممثلات وصور عارية وفجأة ترك الاكل واصبح يجلس في الغرفة فقط ولا يخرج منها حتي اتي بعض الاخوة وقراوا له وعملوا له ايضا بخرة وعندها امسك بكل الجمرة ولم يشعر بذلك وبعدما شفي حكي لنا ان الصور تتحرك وتشير اليه بحركات وبعدها لا يشعر الا وهو مع هذه الفتاة ويفوق ويجد نفسه متسخا هذه قصة بسيطة من قليل وبرضو عندنا زميل لنا سكن في بيت جديد في الطابق الاول وكان قبلوا ساكنين كينيين كل يوم سكر طبعا وفي اول اسبوع له كان يرقد في غرفتوا وحينها راي الباب يفتح بصور بكمية من الناس يحملون سيوف وبنادق فما كان منه الا وجري وقفز من البلكونة وكسر رجلوا
ايضاهناك الجن الذاكر والمتعلم كان جدي تلميذ للشريف يوسف الهندي ويحكي ان الجن كان يدرس معهم حلقة التجويد ومرة قراء عليهم بصوت اية من الجمال.وحبينها قال سيدنا الشريف دا اخوكم من الجن
ايضا هناك منازل يسكن بها الجن المسلم وحصل لنا في الهند وكان يسكن معنا وانا لم اعرفه الا بعد سنة ونصف ولم احس بوجوده الا عندما افقتدت بعض الاواني في البيت يوم بصورة كبيرة وكانت الشغالة امينة لدرجة تجد الفلوس ولا تاخذها لكن تاكدت ان هذا جن عندما وجدت الاواني بعد يومين وبعدها عادي عشت معاهوا وكان يصحينا للصلاة بضرب الارجل او اسمع صوت الاذان بقوة بشديدة وفي الشتاء كان يضربنا علي رقابنا بشدة حتي نصحي وكلمت الشيخ في الهند وقال لي ما مضر ماتخافوا منه عيشوا عادي معاهوا ومرة يا عمدة حضر الينا صديق وكنا نشاهد التلفزيون وكان معاي واحد دائما يضع كرسي امام التلفاز وحينها كان الكرسي فارغ وفجأة لاحظنا ان شخصا جلس علي الكرسي بصوت عالي وحينها هرب صديقنا وقال تاني ما جاي بيتكم
اهم حاجو الانسان ما يخاف منهم سوي كان مسلم او كافر تاني حاجة النظافة والطهارة اهم حاجة الجن المسلم لا يقبل تغيير الجدول لانه يعيش علي روحانياتك بصورة كاملة لذا اذا لاحظت واحد قابض راسك وقلت دا صداع وانت مثلا ما صليت في الوقت او ما سبحت او ما مشيت مجلس ذكر ومرات يديك ايحاء بلبخور ومرات بصوت الذكر لا اله الا الله
ولي عودة
| |
|
|
|
|
|
|
Re: بنات الجن ديل جنهن رقيص وغناء (Re: قرشـــو)
|
لحبيب العمدة اسف لعدم الرد في الفترة السابقة عندنا الهنود يعشيوا مع الجن بصورة غريبة عندنا جارتنا كانت تقفل البيت المغرب وتدور صوت من قرن ثور وبعد لا نسمع اي صوت من البيت ومرة جانا شيخ وحضر وقت صوت القرن وقال دي بتنادي الجن وهو كليوم يزوها بهذه الطريقة لكن في ذلك اليوم حضر وهرب لانوا الشيخ كان واقف برة البيت وطردوا
وكتير من السحرة كان في حينا واحد شغال عميل شقق يعني بتاع عقار وفي واحد تاني مسلم بتاع عقار المهم اختلفوا في منطقة العمل وقام الهندوسي قال ليهوا ما تجي هنا تاني والا حاتشوف بلاوي وكان كل ما السملم يصل المنقطة وهو ناسي يقع علي الارض ميت من غير حراك وياخدوهوا الي المستشفي ويكون كويس ولي عودة
| |
|
|
|
|
|
|
Re: بنات الجن ديل جنهن رقيص وغناء (Re: قرشـــو)
|
الحبيب العمدة تخيل انوا في جن لا يدخل البيوت الا عند اشعال نوع معين من البخور او صوت القرن لانوا الجن يحب التجول دائما اما المسلم يحب التعامل مع جماعة اوشخص يحبه طبعا في ايه مهمة جدا وهي اية امن الرسول بما انزل اليه... وبرضو سورة ق مهمة جدا مع الجماعة ديل ايضا الجن لا يحب الماء الساخن نهائيا لذلك دائما اتبسمل عند استعمالك للمائء الساخن ايضا الالات الحادة لا تقذفها الي الطاولة او مركزها او علي الارض لانوا ممكن تصيب ليها جني ودي علي طوالي حاينفذوا فيك عقوبة فورية
اما الهنود والجن هما موجودين في المعابد اكثر حاجة لان فيها كل ما يحلمون به ايضا الجن في الهند يستقل المواصلات ويعيش عادي مع الناس مرة احد الاخوان معاه شيخ وكان ركبوا الباص اول ما ركبوا في واحد وجيه جدا نزل بالباب التاني علي طول وبعدها الشيخ قال لي دا جني خاف نزل لما شافنا ولي عودة
| |
|
|
|
|
|
|
Re: بنات الجن ديل جنهن رقيص وغناء (Re: مهاجر)
|
الاخ مهاجر
لك التحية
اشكرك على النصائح القيمة والتى سبق لى قراءتها فى لقاء مع الشيخ القطان من الكويت والذى حذر من مغبة دفق الماء الساخن وقتل الحشرات حتى ولو بالمبيدات دون ذكر الله ولكن دوما ذكر الله يمثل عهد الامان بين الجن والانس فهم يهربون عند ذكر الله ولا يؤذون البشر..
قلت لى الجنى نزل خلى البص للشيخ لكن بالله الجنى هو راكب البص ليه ياخى ديل عندهم مقدرة وسرعة الريح يعنى لازم يضايق الناس فى البص كمان؟؟
لك تحياتى وفى انتظار حكاويك
تعرف مرة قريت كتاب اسمه حوار مع جنى مسلم للكاتب المصرى محمد عيسى داؤد قال الجنى اصله من الهند ما عارف ليه الجن فى الهند بكميات كبيرة ..
| |
|
|
|
|
|
|
Re: بنات الجن ديل جنهن رقيص وغناء (Re: السفير)
|
العزيز قرشو اليك هذا الخبر ليؤكد كلامي بالنسبة للكديسة واحد في جدة من ابناء شندي كان ماشي في الشارع في العزيزية وشاف كديس راي فيهوا عين الحقارة وهو علي حسب غباهوا شال حجر وفكاهوا في الكديس قبل ما الحجر يوصل الكديس اتعوج فموا تخيل والان بقي كويس بعد العلاج لكن اثر الضربة موجود
عشان كدا ابعدوا من القطط
| |
|
|
|
|
|
|
|