|
Re: في سوريا .. في كل صباح ... يشترون مياه الشرب ويجددون البيعة لقائدهم للأبد (Re: Rahma Awad)
|
تعرفي يا رحمه
من مطار سوريا الهو بي اسمهم ( الاسد)
لي اصغر متجر في دمشق بتلقي صور الزول دا
وتحتها مكتوبه زي العبارات الفوق ديك
لمن الشعب صدق بالجد انو بحب بشار
والاجمل من كدا انو في صور قديمه لي ابوهو مكتوبه لي اسع
قائدنا للابد
وما تمشي خطوتين لي ولدو قائدنا للابد
غايتو انا كنت بقول انهم فايتين المصريين في المسلسلات التاريخيه بس
بس طلعوا فايتنهم في حاجات كتيييييييره ما بتتحكي
| |
|
|
|
|
|
|
Re: في سوريا .. في كل صباح ... يشترون مياه الشرب ويجددون البيعة لقائدهم للأبد (Re: عاطف عبدون)
|
ومن عجايب سوريا يا الرشيد
انو ضابط الجوازات الفي المطار بطلب منك رشوه رسمي وعلني
ولو ما اديتو ممكن يأخرك او حتي يمنع دخولك بي اسم الدواعي الامنيه
وكل موظف تمر عليهو بعدو برضو داير حقو
والحاجه دي بتلاقيك في دخولك ومغادرتك للبلاد
وعن حكايتك يا صديقي
في اسطنبول
وانا طالع من الاتراك نسيت الابتوب بتاعي وجيت راجع بعد ما وصلت كرسي الطياره
ولقيت بتاع الامن بقول لي تاني خلي بالك علي اغراضك الشخصيه ولمن شكرتو قال لي دا عملي
وانت الحصل يحصل ليك في دمشق
شفت كيف؟
| |
|
|
|
|
|
|
Re: في سوريا .. في كل صباح ... يشترون مياه الشرب ويجددون البيعة لقائدهم للأبد (Re: عاطف عبدون)
|
Quote:
سوريا فرضت الرقابة على 162 موقعاً إلكتروني
أشارت منظمة صحافيون بلا حدود في تقريرها السنوي عن العام 2008 إلى أنّ العام المنصرم سجّل مقتل 60 صحافياً، ومقتل معاون إعلامي توقيف 673 صحافياً، التهديد والاعتداء على 929 صحافياً، فرض الرقابة على 353 مؤسسة إعلامية، وخطف 29 صحافياً.
اما في ما يتعلق بالإنترنت فسجلت المنظمة؛ مقتل مدوّن، اعتقال 59 مدوّناً، الاعتداء على 45 مدوّناً، إقفال أو تعليق 1740 موقعاً إخبارياً.
وصنف التقرير منطقة الشرق الأوسط الأكثر دموية بالنسبة إلى القطاع الإعلامي.
وأحصى التقرير تدابير رقابية على الويب في 37 دولة، ولا سيما في الصين (فرض الرقابة على 93 موقعاً إلكترونياً)، وسوريا (فرض الرقابة على 162 موقعاً إلكترونياً)، وإيران التي فرضت الرقابة على 38 موقعاً إلكترونياً. http://ucipliban.org/arabic/index.php?option=com_conten...w&id=9047&Itemid=313
| |
|
|
|
|
|
|
Re: في سوريا .. في كل صباح ... يشترون مياه الشرب ويجددون البيعة لقائدهم للأبد (Re: الرشيد ابراهيم احمد)
|
الانباء الواردة من سوريا الفتية تفيد بان فتاها والذى كنا نظنه آخر واحدا من نسل أولئك العظام قد ألمح الى امكانية التفاوض مع اسرائيل دون شروط اذا فلتستعد دمشق الجميلة لمواسم طويلة من التنازلات يا ترى ما هو شكل هذه التنازلات؟ نامل ان لاتكون بروعة الدراما السورية ربما انه تغير مفاجئ فى الموقف السورى المتشدد حيال القضايا المصيرية والذى كان عليه حافظ الاسد ومن ثم ابنه والذى لم يصمد طويلا يبدو لى ان هذا الشبل ليس من ذاك الاسد مثلما يبدو لى ان تلك الشعارات كانت زيفا من الوهم وان ذاك الموقف المتشدد ليس الا مجرد سفسطة وهراء وسياسة استهلاك محلى لا اكثر وان سوريا الفتية ماضية باذن الله لان تكون اخر دولة تلج ثلة المؤمنين مؤخرا بسياسة الاستسلام الوقائى وربما تطالعنا وسائل اعلامها غدا بمبررات واهية لذلك الخضوع المهين ربما يجزمون لنا بان فلسفة البقاء تتطلب ذلك , لعلنى قطعت عهدا على نفسى ان لا اشاهد المسلسلات العربية والتى برع فيها اخوتنا السوريون وهم يجترون بطولات العرب الاوائل وساكتفى بمشاهدة الدراما السورية والتى تعكس واقع الحال فى سوريا والتى كانت فتية فى يوم ما وفى داخلى امنيات اتوجه بهن الى يائس ابن ميئس بان يرفع عن شعبه ما يسمى بميزانية الحرب المفتوحة باعتبار ان دولته ستخرج من هذه الحاله وفقا لتلك المفاوضات وحتى يتسنى لاخوتنا فى سوريا ان يعيشوا حياه رخاء ورفاهيه يستمتعون بالسفرجل الشامى وابو فروة الدمشقى فالكرامة فى هذه الايام ليست ضرورية يمكن للمرء ان يعيش دونها ولعل الكراسى هى التى تحتاج لكم هائل من التنازلات والحمد لله ان الموتى لا يعودون ثانية للحياة والا لمات الاسد الف مرة
| |
|
|
|
|
|
|
Re: في سوريا .. في كل صباح ... يشترون مياه الشرب ويجددون البيعة لقائدهم للأبد (Re: عاطف عبدون)
|
نزلت في المطار دمشق الدولي كما هو مكتوب عليه !!!!! كان بصحبتي اثنين من الالمان كانو بقرض السياحه في سوريه منها الي اسرائيل برا عبر لبنان ودا شي مباح وطبيعي عشان مايجي نقد في الحته دي كنت اساعدهم في الترجمه احيانا مع انهم يجيدون الانجليزيه بس يتكلمو مع منو ؟؟؟ نزلت انا جوازي ما احمر زيهم هم عدو سريع يعني اجراتهم خلصت سريع انا اتحجزته الحيره امتلكتني وكذلك اصحابي لان كل اجرائتي سليمه طلب مني الضابط ان احضر الي مكتب الضابط الكبير جخلت عليه كنت متماسك لقيتو يتصفح في جوازي انت سوداني ؟؟ بكل ادب نعم انا سوداني ام واب حصل زرته سوريه قبل كده ؟؟ للاسف لا حصل زرته المغرب ؟؟ امك دا ملاح شنو دا كمان !!!!! لا سعادتك ما حصل جيت سوريه ليه ؟؟ سياحه عندك قروش ؟؟ نعم اكيد عندي طلعته المحفظه بجعليه كده وفيها كميه كويسه من الورق الازرق او البلو زي ما بنعرف نحن الالوان كسودانين يعني ابو 500 من الاويرو يعني مبلغ كبير هنا طمع او اتشكك ما عارف علاقته شنو بالخوجات المعاك ديل ؟؟ اصحابي من نفس المدينه الانا جايكم منها في المانيا اسمك فيهو اشتباه ؟؟ الله بطني طمة علي العلي من هول المطار عاين في عيوني جوه صراحه ارهبني لعدة اسباب !قال لي اسمع المشكله ممكن تكون كبيره وممكن تصغر طيب سعادتك انا دايره تصغر انا ماشي اشوف امي لي منها اكتر من سبعه سنوات ارجوك ما تحرمني طبعا ما كان في داعي للكلام دا لانو في مصلحتو كويس ممكن تطلع وممكن تشوف امك كمان كويس سعادتك المطلوب شنو ؟؟ كنت فاكر يقول لي ترجع لينا بكره او تسلم نفسك في وزاره الداخليه قال لي حلاوتنا ّّّّّ!!!!!!!!!!!!!!!!!!!!!!!!!!! ((الحلا التفسخك يا رب دا بقلبي طبعا)) ((وقالت في نفسي ياولد جيت تتفولح جبته ضقله اتلولح )) طبعا كلامي دا ياعاطف ما ظنيتك تفهمو لي المهم كلمت نفسي .. اشتباه وفي سوريه الغرب بيشتبه فيها هي تشتبه فيني انا الله دي زنوبي بتاعة عشره سنه ربنا جايبه لي هنا الليله ياللطيف يا فراج واضايقته خالص وهو حسيت بي كتمه وعرقته مع انو البرد كان غارس
جايكم جاني تلفون نص الليل
| |
|
|
|
|
|
|
Re: في سوريا .. في كل صباح ... يشترون مياه الشرب ويجددون البيعة لقائدهم للأبد (Re: عاطف عبدون)
|
الأخ عاطف
سلام نزلت سوريا في 1991م أيام البيه الكبير.. حافظ الأسد.. تجولت في البلاد من اولها لآخرها.. وكنت في كل منزل أتذكر جعفر نميري.. واقول الحمد لله نحن ما وصلنا للمرحلة هذه.. في اي فندق.. أي متجر.. أي محل يتعامل مع الناس لابد من وجود تمثال لحافظ ألسد.. الصور هذه من الأشياء العادية.. كسوداني كنت اواجه بإحترام ليس بالعادي.. الشئ الذي لم أفهمه منهم.. شعب طيب رغم القهر والتسلط من النظام..
تحياتي عبدالعزيز
| |
|
|
|
|
|
|
Re: في سوريا .. في كل صباح ... يشترون مياه الشرب ويجددون البيعة لقائدهم للأبد (Re: Abdlaziz Eisa)
|
سلام عبد العزيز
Quote: شعب طيب رغم القهر والتسلط من النظام.. |
وانا داخل سوق الحميديه الشهير
كان في بالي انو ما حلاقي مواطن سوري الا يكون علي شكل الناس الفي المطار
واغرب ما لاقلاني هناك انو التاجر لو ما اتفقت معاهو في شئ
بدلك لي غيرو ال هو بنافسو في سوقو
دا رجل الشارع السوري البسيط
ما بشبه سلوك الحاكمنو في شئ
بس الشئ الزعلني واتمني اني اكون غلطان فيهو
هو سلوك السودانيين اللاقيتم هناك
ناس ما بتفاهمو الا بي لغة (الليره)
ولو سلامك ما وراهو (ليره) ممكن ما يردو عليك
الا من رحم ربي
| |
|
|
|
|
|
|
Re: في سوريا .. في كل صباح ... يشترون مياه الشرب ويجددون البيعة لقائدهم للأبد (Re: عاطف عبدون)
|
عاطف عبدون.. سلامات وعوافي.. شكرا لك..وانت تنتفل بنا بلاد الشـــــــــــام و(مــــــال الشـــــــام للشام).. كما يقولون. زرت سوريا..4 مرات في الفتره من 97 الي 2000 وهي بلاشك..بلاد جميله..ورخيصه..للغايه و الكلها طاعم.. وبناتها جميلات..وملابسها راقيه.. المواطن السوري..غلبان..مكافح..ومجتهد..واقول بانه محترم دوما كنت الاقي منهم تعاملا راقيا..واسلوبا جميلا و مرحا في التعامل.. الرشوه في سوريا..قد تكون شبه مقننه..وهم يطلفون عليها(الحلاوين)...واعتقد بان الظرف الاقتصادي.. وضعف الرواتب..والضفط السياسي..لهم الدور في ذلك..!! الشرطه في سوريا لها مهابه واحترام..لدرجه الخوف؟؟ لا اظن ان الشعب السوري...يحكي بالسياسه...فهم في شغل عنها. بمشاغل العيش..وسبل توفير اللقمه الكريمه اتذكر وات سالت احد السوريين و كنا نستاجر منه شقه..وكان دوما يعزمنا الي منزله كل خميس لنسهر معه و نشاهد التلفزيون السوداني.. سالته..متي استقلت سوريا؟؟فاجابني ..خيو ليش تحكي بالسياسه؟؟ ههههههههه الشعب السوري شعب طيب و صبور و كانت بتا صلات جميله مع عدد من الاسر التي كنا نسكن حولهم.. ان اردت معرفه السوريين...اخرج الي الحارات..والريف.. فقط اخذ عليهم...تقديسهم..للاسد و ابنيه..و خنوعهم..لهم...والاستلام الكامل لتوريث السلطه.. لك كل الود ولي عوده هواري
| |
|
|
|
|
|
|
Re: في سوريا .. في كل صباح ... يشترون مياه الشرب ويجددون البيعة لقائدهم للأبد (Re: Abdlaziz Eisa)
|
سلمات وعوافي هواري
Quote: الشعب السوري شعب طيب و صبور و كانت بتا صلات جميله مع عدد من الاسر التي كنا نسكن حولهم.. ان اردت معرفه السوريين...اخرج الي الحارات..والريف.. فقط اخذ عليهم...تقديسهم..للاسد و ابنيه..و خنوعهم..لهم...والاستلام الكامل لتوريث السلطه.. |
اكيد الشهور التلاته اتاحو ليك فرصه كويسه لي انك تقرا الشارع السوري
انا قعدت اسبوع بس
ولا حظت حكاية تقديس الاسد دي
اما حكاية الرشاوي دي ما قدرت افهمها
هل هم بعملوها معانا نحنا بس الشرقيين ولا حتي مع السواح الغربيين
لانو اكيد حتكون حاجه مضره جدا لي سمعه السياحه في البلد
والاغرب يا هواري لمن جيت حكيت لي اصحابي عراقيين عن الشفتو
قالو لي انت معناهو ما شفت شئ لسع
ولو مشيت علي الحدود محل ما نحنا بنعبر لي سوريا
كنت عرفت انو الرشوه اهم من تاشيرة الدخول او حتي من الجواز ذاتو
.............. بصراحه وانطباعك شنو عن السودانيين الهناك؟
| |
|
|
|
|
|
|
Re: في سوريا .. في كل صباح ... يشترون مياه الشرب ويجددون البيعة لقائدهم للأبد (Re: عاطف عبدون)
|
Quote: اما حكاية الرشاوي دي ما قدرت افهمها
هل هم بعملوها معانا نحنا بس الشرقيين ولا حتي مع السواح الغربيين
لانو اكيد حتكون حاجه مضره جدا لي سمعه السياحه في البلد
|
الأخ عاطف
سلام
في سوريا مافيش مدني بيتكلم.. العساكر بيعملوا اي شئ... كل شئ ولا السلطة.. ولا السياسة..
يحكى ان في ساحة المرج الشهيرة بدمشق ان أحد السودانيين ذهب لمتجر ليكمل السكرة بشوية بيرة.. واختلف مع صاحب الدكان في السعر حسب سكرته.. فالسوداني سب الرجل و الأسد.. فما كان من الرجل الا أن اعطاه كل ما يريد ببلاش خوفا من ناس الأمن.. بمجرد ذكر اسم الأسد..
| |
|
|
|
|
|
|
Re: في سوريا .. في كل صباح ... يشترون مياه الشرب ويجددون البيعة لقائدهم للأبد (Re: عاطف عبدون)
|
عاف يا قرابه كيف حالك
مرقتها لي سوريا يا شقي .. ايامك يا عبدوني
اها كيف الرحلة معاك
وانتا الان في نورقي ولا لسع في بلد الطاغية الاخر دا ....
تصدق يا قرابه... انا بي بوستك دا اقتنعت انوا في مرض اسموا التشبس بي السلطة معقول دي كلها شعارات للشاب دا ... الجماعة ديل عندهم انتخابات ولا شنوا ... يكمن عندهم انتخابات !! وما سمعنا بيها...
مقوله الصور دي في سوريا والسؤال ديل فلسطينين ولا سوريين
كان كيدا اخير صنقعت
| |
|
|
|
|
|
|
Re: في سوريا .. في كل صباح ... يشترون مياه الشرب ويجددون البيعة لقائدهم للأبد (Re: عاطف عبدون)
|
ضيعت زمنك في قراية اللافتات ساكت ياقريبي ,, ولو زرت الجامع الاموي ووقفت عند راس الحسين كنت عرفت معنى اللافتات .. لو استحميت في حمام نور الدين كنت نسيت مع السوريين السياسة او اشتريت ليك صوره للاسد وانبعث في السودان من جديد لو اكلت بوظه , كنت عرفت شفع الروضه ليه اسمهم طلائع الاسد لو ركبت تاكسي موديل جديد كنت عرفت الاسد قائدهم للابد لو زرت منطقة صدنايا ومعلوله كنت قلت انا عربي ونسيت الرطانه (سكان معلوله وصدنايا لغتهم الام السريانية , بس مممنوع التحدث بها )
زياره جميله
| |
|
|
|
|
|
|
|
|
| |