|
|
 Re: حنين (Re: حنين للبلد)
|
Quote: Ya Haneen and the others
I just have one question
Why you guys OPEN AND READ THESE TYPE OF POSTS?
because when you volenrry open any post and you read I do not think you have the right to come here and complain because you chose to open and read it |
دا أجمل تعليق في هذا البوست
سودانيزأونلاين زي دكان اليماني
إشتري الحاجة العايزة و أمشي شوف شغلك
لو في بوست بطمم البطن
الحل (كلك) واحد
و خلاصة القول
هذا البورد يمثل السودان تماما
زي ما في ناس زي ملاسي برضو في ناس زي خضر و في ناس زي تمبس و ناس زي تراجي
البورد صورة مصغرة للمجتمع السوداني
و بشكل و بعكس كل مورثاتنا الإكتسبناها عبر آلاف من السنين
و دي نقطة لازم نفهمها كويس
حتى الخلافات و الشتائم و الكتاحات دي
أحيانا بتنتج منهاأشياء جميلة (راجع بوست د. حيدر و علاء الدين)
أسع بوستك دا لو ما دخل فيه ملاسي كان ح يمشي زي ما كنتي عاوزاه يا حنين
ملاسي زول غياظ و مرات سخريتو فيها شوية عبط
أغلب مشاكل هذا البورد سببها ملاسي و لو دايرا examples أنا ممكن أفتح ليك بوست كامل بذلك
أحسن الزول البجيك عديل و يشتمك بدل شغل الهمز و اللمز
و هنا أنا أقف مع الكلام القالو خضر 100%
و عارف ليه قال كلامو الفي مداخلتو الآخيرة
المهم
مني التحايا
| |
 
|
|
|
|
|
|
|
 Re: حنين (Re: Kostawi)
|
| Quote: أغلب مشاكل هذا البورد سببها ملاسي و لو دايرا examples أنا ممكن أفتح ليك بوست كامل بذلك |
ههههههههههههههه يعني والله ياجماعة حيرتونا، يعني البورد ده كله يضج ويشكي من ملاسي...
| |
|
|
|
|
|
|
|
|
|
Re: حنين (Re: حنين للبلد)
|
أختي الفاضلة : حنين للبلد
شكرا لك كثيرا.. والتي أرغمتني على قراءتها والمشاركة فيها لأنني أزعم أنني من أكثر أعضاء هذا المنبر معاناة منها وتعرضا لها من بعض الجهلاء والدخلاء والدهماء دون سبب واضح سوى عناوين بوستاتي المزعجة لهم والتي كثيرا ما تسبب لهم قلقا كما هو واضح وكما أزعم يا سيدتي الكريمة ..
فبربك قولي لي كيف يمكن أن تتحاورين مع مثل هؤلاء .. وماذا يمكن أن تقولين لمثل هذا الأخ حين يباغتك بمداخلة لا تسمن ولا تغني من جوع .. ويقول لك :
Quote: خضر عطاء المنان!
يترك المنبر وحده،
ويعود إليه وحده،
يفتح البوست وحده،
ويرفعه وحده،
ويرفعه "تاني" وحده،
و"تالت" وحده،
و(1،2،3، 4...) في متواليّ عددية لا نهائيّة وحده،
ويبتسم وحده،
وقبلو وحّدو براهو، يا قول حبوبتي..
والله يا خضر حننتّني، بالرغم من أنّ "غربال" قلبي أخرامه أوسَّع من أن تنقذ أوزانك، ولكن للقلوب قدرة على التحانُن بغير ما سطر لها الأصحاب..
Yassir Tayfour
|
كل هذا الكلام الأجوف وأنت تفتحين (بوست) جدي ويعتبر حديث الساحة والناس أجمعين في بلدمنكوب بأهله اسمه السودان ؟؟؟؟؟؟؟؟؟؟ وعنوانه:
ياسـيادة " الرئيس " .. المسـألة ليسـت " رقيـص " !!
وحقا : ( لله في خلقه شؤون) .
مع تحياتي وخالص ودي واحترامي لك .
خضرعطاالمنان
[email protected]
| |
|
|
|
|
|
|
|
|
|
Re: حنين (Re: خضر عطا المنان)
|
| Quote: كل هذا الكلام الأجوف وأنت تفتحين (بوست) جدي ويعتبر حديث الساحة والناس أجمعين في بلدمنكوب بأهله اسمه السودان ؟؟؟؟؟؟؟؟؟؟ |
الاخ الفاضل خضر عطا المنان...
والله ماعارفة اقول ليك شنو، الكلام بقى مكرر ، اتمنى انه الناس تصل لي مرحلة الجدية والاحترام في الاختلاف,,هي فقط امنية..
احترامي وتقديري لك...
| |
|
|
|
|
|
|
|
|
|
Re: حنين (Re: وليد محمد المبارك)
|
الاخ وليد
بالعكس صدقني لو ما انا بعرف خضر ماكنت نبهته ، لانه الكلمة مابتشبه وماهو المفترض يستجيب للإستفزازات ايا كان مصدرها، وده عشمي فيه واحمد الله ماخزلني..
تعرف يا وليد..لو عاينت للصورة بزاوية عكس حتشوف انه خضر بدون ماينتبه ضرب مثل للإحترام في الخصومة ولكبت الغضب والانفعال غير الموزون بإعتذاره الراقي والانا بشكره علي..
وده يا وليد الدايرين نأسس لي مش انه نعمل فيها حاشانا العيبة مابتمرق مننا، لكن نعمل فيها اننا بشر والبشر خطاء، ونتعلم ثقافة الغعتذار. بالنسبة لي موضوع خضر انا لي اسه ماعارفة ملاسي ليه كل مايلقى فرقة لازم يغز تهكمه واستفزازه حول عودة خضر حسين خليل الكتبنا لي بكري كتير بشانها كانه داير ينقص من قدره، ومافهمت هو زاتو شن الباسوورد الملاسي داير يصور انه خضر اتبكى ليه، ياهو باسوورد للمخروبة دي ولا شيء تاني.
كلامي ياوليد انه انحنا بنتلاقى مخيرين في المنبر ده مامجبورين...فالأولى انه نتلاقى بالمحبة ولا اخير عدمها..
ودي.
| |
|
|
|
|
|
|
|
|
|
Re: حنين (Re: حنين للبلد)
|
الكيكية شنو يا حنين
كاتبه الرد دشليون مره
هاهاهاهاهاهاهاهاهاهاهاها
ما تختي في بالك شديد
وما تخليك حساسه
خضر اعرفه في المنبر خير المعرفه
واشهد على انه قليل الانفعال قليل الهتر والهدر
وفرده كمان
وطه الطمعني على الجمجره فوقه
هاهاهاهاهاهاهاهاهاهاهاهاهاها
فما تشتغلي بي
وانصرفي الى غرض البوست راشده وبالتوفيق كمان
اها نا مشيت
عشان بعدين ما تقولوا لخبتو
| |
|
|
|
|
|
|
|
|
|
Re: حنين (Re: عبدالكريم الامين احمد)
|
كيكي تفكيكات لايعلى عليك، واوافقك في كثير من النقاط الطرحتها لكن اسمح لي دي بالذات ...ماظنيتها..
المراقب للمنبر في فترته الاخيرة بالجد يلاجظ كثيرا تدني نسبة الخطاب السلبي والمهاترة الدائمة وقلت نسبتها كثيرا
وان لم تنعدم الا انها صارت لا تتواجد بكثرة فالمنبر في حركة وعيه اليومي وبدون ملاحظة يعمل علي تاكل هذه الظواهر حبة حبة...وان كانت لن تتلاشي بحكم حركة المجتمع وتعدد خصاله..
| |
|
|
|
|
|
|
|
|
|
Re: حنين (Re: وليد محمد المبارك)
|
Quote: الاساءة ما مقبولة اصلا بس فى ناس حاملنها سلاح ضد المرأة
ناسين انو الاسلوب دا اكل عليه الدهر وشرب |
شوفتي كلامك دا ياهو البفرح
وخلي لسان حالك يقول مع هاشم صديق
لكني ثابت في المدي واقف انا ودايس علي الابر المسممة بالكلام علمني قدر الناس اشوف واتحدي نار كل المصائب والظلام
بحبك كثير يا اخية
______________
| |
|
|
|
|
|
|
|
|
 Re: حنين (Re: عبد اللطيف بكري أحمد)
|
Quote:
أنا في حالة تردد وضيق عظيم مما تمور به حواري هذا المنتدى الذي كان بالإمكان أن يكون
أداة لبسط الروح الجميلة وقيم مجتمعنا الفاضل التي سنفتقدها دون شك على أرض الواقع،
وأنا على وشك الإستسلام ووضع القلم ما توالت علي الإهانات بسبب قول رأيي رأي بتجرد
وصراحة لم تعجب الأخرين،، |
الأخ المحترم
بالجد ماعارفة اقول ليك شنو،،، وحسيت بكل كلمة قلتها
| |
|
|
|
|
|
|
|
|
|
Re: حنين (Re: حنين للبلد)
|
يا حنة انا من زمان بقول
يكون الرجل تصوراته عن النساء من النساء حوله,,
ولذلك شتائم الرجال هنا بترجع ليهم هم اولا موش للنساء البشتموهم
انا شخصيا لو ولدي الوحيد شتم ليه امرأة في عرضهااو بخسها بتبرأ منه
رسمي وشعبي
..
| |
|
|
|
|
|
|
|
|
|
Re: حنين (Re: د.نجاة محمود)
|
والله يا بلد جدا حيرتيني
و بت الشيخ كذلك و أغلب الإخوة المتداخلين
يا خوانا ما دام الحال سيئ للدرجة المتعبة دي و تسبب الطمام و الزهج بل والإحراج والأذى كما ذكر الأخ عبد اللطيف
مافي داعي تحملّوا انفسكم فوق طاقاتها و تتعبوها
ببساطة اتجاوز و ما تدخل محل الكلام المؤذي بل بناقص البورد كلّو إذا كان على حساب راحة بالك
اعتبروا قناة فضائية مملة و غير المحطة أو اقفل التلفزيون مرة واحدة
خليك من التنظير الكتير عن دور المنتديات و النت و البتاع في النهاية هي لا شغل ولا أكل عيش عشان اقول ليك مجبور تتحمل
الموضوع لا يتجاوز كونه تسلية أو هواية أو أي تسمية تانية المهم لو بقت بتسبب إزعاج و طمام و حراق روح في ستين اشتري راحة بالك اهم
| |
|
|
|
|
|
|
|
|
|
Re: حنين (Re: Hussein Mallasi)
|
| Quote: سأحتفظ بحقي في الرد على خضر حتى تأذن حنين للبلد و كدا. |
والله يا ملاسي ما آذنة ليك، عليك الله الجحر ده خلينا النمرق منو....
| |
|
|
|
|
|
|
|
|
|
Re: حنين (Re: محمد البشرى الخضر)
|
Quote: خليك من التنظير الكتير عن دور المنتديات و النت و البتاع في النهاية هي لا شغل ولا أكل عيش عشان اقول ليك مجبور تتحمل
الموضوع لا يتجاوز كونه تسلية أو هواية أو أي تسمية تانية المهم لو بقت بتسبب إزعاج و طمام و حراق روح في ستين اشتري راحة بالك اهم |
ود العم الله لاجاب حيرة
انا لا طلعت مظاهرات ولا شايلة يافطات...انا المنبر ده مكان بتنفس في مرة مرة....دايرة لي اقلاه لو هواء مانقي...اقل تلوثا "وعفونة"
وراحة البال شارينها يا ابوي ماتشيل همنا، يعني بالواضح مانحنا الماعندنا شغلة غير المنبر..
وقع ليك ابوي..
مودتي التي تعلم.
| |
|
|
|
|
|
|
|
|
|
Re: حنين (Re: د.نجاة محمود)
|
Quote: لو ولدي الوحيد شتم ليه امرأة في عرضهااو بخسها بتبرأ منه
رسمي وشعبي
.. |
عفيت منك دنيا وآخرة يا د. نجاة
ده موضوع طوييييييييييييييييل دايرين نجيه بي مهلة.
| |
|
|
|
|
|
|
|
|
|
مودة بلا حدود (Re: حنين للبلد)
|
Quote: الاساءة ما مقبولة اصلا بس فى ناس حاملنها سلاح ضد المرأة
ناسين انو الاسلوب دا اكل عليه الدهر وشرب |
انتي جوة القلب ياحواء..وحات ربي
| |
|
|
|
|
|
|
|
|
|
Re: مودة بلا حدود (Re: محمد البشرى الخضر)
|
| Quote: يا بلد و يا شفت كدي ممكن تشرحوا لي فهمتوا كلامي دا كيف و أخدتوه على اي محمل؟ |
انا غايتو اخده على محمل اليمن يمكن ود الصايم يكون اخده على محمل الشام
__________
يا ود البشرى
كلامك ده غير صحيح
لو دي فكرتك عن المنتديات وعن اون لاين تحديدا ما تلبسا للمنبر ككل
في ناس ماخده المنبر ده بصورة جادة وجاده جدا
وفي ناس كده وكده
وفي ناس ونسة ساكت
كلام بتنا دي كلام كويس ما كعب
فما تكسر مقاديفها
وتحبطها وتطلها قليلة شغلة( انت من سألت النصية وهذه هي فتحملها )
| |
|
|
|
|
|
|
|
|
|
Re: مودة بلا حدود (Re: وليد محمد المبارك)
|
طيب يا شفت ...| Quote: لو دي فكرتك عن المنتديات وعن اون لاين تحديدا ما تلبسا للمنبر ككل |
اهو انت براك قلت دي فكرتك
دا رأيي المانع شنو اقولو مش الفكرة حوار و تبادل آراء اكيد مختلفة
البخليه شنو يبقى نبذ أو في مقامه
ولو بلد فهمت اني بكسر في مقاديفها ومطلعها قليلة شغلة دي حاجة حتكون مؤسفة جدا
لأنو اكيد دا ما القصد من الكلام
ببساطة - وانا بقيت اعمل كدة - لما انزعج من بوست أو من البورد ككل بجلّيه
دي الفكرة ما أكتر
وقع يا شباب
| |
|
|
|
|
|
|
|
|
|
Re: مودة بلا حدود (Re: محمد البشرى الخضر)
|
Quote: اهو انت براك قلت دي فكرتك
دا رأيي المانع شنو اقولو مش الفكرة حوار و تبادل آراء اكيد مختلفة
البخليه شنو يبقى نبذ أو في مقامه
ولو بلد فهمت اني بكسر في مقاديفها ومطلعها قليلة شغلة دي حاجة حتكون مؤسفة جدا
لأنو اكيد دا ما القصد من الكلام
ببساطة - وانا بقيت اعمل كدة - لما انزعج من بوست أو من البورد ككل بجلّيه
دي الفكرة ما أكتر
وقع يا شباب |
وهسع انا حذفت رايك ده من البورد!
انا ختيت رائي مضاد ليه
انت مالك متضايق ؟
عموما احسن انا نصرف عشان ما اقع بينك وبين بت عمك
لكن رايك ما سليم ومحبط
| |
|
|
|
|
|
|
|
|
|
Re: مودة بلا حدود (Re: وليد محمد المبارك)
|
هيا شفت هو الحذف دا كيف
انت في الأول اعتبرته نبذ أو في مقام النبذ
دا غير النتائج الإستخلصتها منو بدون ما انا اعنيها
وما في ضيق بالمناسبة بل دا نقاش لابد منو
طالما وجهات النظر اتباينت و دا شي طبيعي لابد من صاحب كل وجهة نظر الدفاع عنها
وما يبدو انو نوع من الحدة أو الضيق اعتبروا ارتفاع اصوات في النقاش ما اكتر
وما تشيل هم ما في وقيعة او غيرو انا بعرفك يا شفت و متأكد من سلامة نيتك وإلا ما كنت اتحملت مشقة الغلاط معاك
الموضوع في البداية و النهاية اختلاف آراء
| |
|
|
|
|
|
|
|
|
|
Re: مودة بلا حدود (Re: محمد البشرى الخضر)
|
Quote: هيا شفت هو الحذف دا كيف
انت في الأول اعتبرته نبذ أو في مقام النبذ
دا غير النتائج الإستخلصتها منو بدون ما انا اعنيها
وما في ضيق بالمناسبة بل دا نقاش لابد منو
طالما وجهات النظر اتباينت و دا شي طبيعي لابد من صاحب كل وجهة نظر الدفاع عنها
وما يبدو انو نوع من الحدة أو الضيق اعتبروا ارتفاع اصوات في النقاش ما اكتر
وما تشيل هم ما في وقيعة او غيرو انا بعرفك يا شفت و متأكد من سلامة نيتك وإلا ما كنت اتحملت مشقة الغلاط معاك
الموضوع في البداية و النهاية اختلاف آراء |
كويس وكت اديتني براح سلامة النية شد بطنك :
كلامك الكاتبه ليها ده فوقه حاجتين
اولا استخفاف
تانيا فيه اشراف ودور رقابي على حنين ( احتمال بحكم العلاقة البناتكم اديت نفسك الحق ده )
نوريك كيف
Quote: والله يا بلد جدا حيرتيني
و بت الشيخ كذلك و أغلب الإخوة المتداخلين
يا خوانا ما دام الحال سيئ للدرجة المتعبة دي و تسبب الطمام و الزهج بل والإحراج والأذى كما ذكر الأخ عبد اللطيف
مافي داعي تحملّوا انفسكم فوق طاقاتها و تتعبوها
ببساطة اتجاوز و ما تدخل محل الكلام المؤذي بل بناقص البورد كلّو إذا كان على حساب راحة بالك
اعتبروا قناة فضائية مملة و غير المحطة أو اقفل التلفزيون مرة واحدة
خليك من التنظير الكتير عن دور المنتديات و النت و البتاع في النهاية هي لا شغل ولا أكل عيش عشان اقول ليك مجبور تتحمل
الموضوع لا يتجاوز كونه تسلية أو هواية أو أي تسمية تانية المهم لو بقت بتسبب إزعاج و طمام و حراق روح في ستين اشتري راحة بالك اهم |
ده الاستخفاف
Quote: خليك من التنظير الكتير عن دور المنتديات و النت و البتاع في النهاية هي لا شغل ولا أكل عيش عشان اقول ليك مجبور تتحمل
الموضوع لا يتجاوز كونه تسلية أو هواية أو أي تسمية تانية المهم لو بقت بتسبب إزعاج و طمام و حراق روح في ستين اشتري راحة بالك اهم |
وده الاشراف
Quote: و بت الشيخ كذلك و أغلب الإخوة المتداخلين
يا خوانا ما دام الحال سيئ للدرجة المتعبة دي و تسبب الطمام و الزهج بل والإحراج والأذى كما ذكر الأخ عبد اللطيف
مافي داعي تحملّوا انفسكم فوق طاقاتها و تتعبوها
ببساطة اتجاوز و ما تدخل محل الكلام المؤذي بل بناقص البورد كلّو إذا كان على حساب راحة بالك |
ده كله مع الموده
| |
|
|
|
|
|
|
|
|
|
Re: مودة بلا حدود (Re: وليد محمد المبارك)
|
كربت بطني للنقاش يا عمك وانت كمان اديني فرصة ارد على نقاطك - يا بلد اعفي لينا الحرفنا البوست
اولا حتة الإستخفاف , هل كلامي دا غلط | Quote: اع في النهاية هي لا شغل ولا أكل عيش عشان اقول ليك مجبور تتحمل |
ولا الحتة بتاعة تسلية او هواية مثلا هي الأوحت ليك بالانطباع دا
لو لاحظت انا لحقتها بـ | Quote: أو أي تسمية تانية المهم لو بقت بتسبب إزعاج و طمام و حراق روح في ستين اشتري راحة بالك اهم |
ورأيي دا قلتو قبل كدا في أكتر من مكان منها بوستات كتبتها انا يعني حتة الإستخفاف دي ما واردة
أما عن الدور الرقابي فدي اسمح لي غريبة شوية
بعدين حديثي في الحتة دي بالذات موجه لأغلب المتداخلين هل برضو مارست عليهم اشراف كلهم
| |
|
|
|
|
|
|
|
|
|
Re: مودة بلا حدود (Re: وليد محمد المبارك)
|
Quote: اها جنس كلامك ده اخير منو النبز البتتكلم عنه هي لو ما ختيناه في خانه النبز محل واحد
جنس شتاره |
والله يا وليد غلبني الأقوله زاتو....
اخير اسكت.
اقلاه عزائي الوحيد انه ده ود العم وكدة.
| |
|
|
|
|
|
|
|
|
|
ود الصايم (Re: حنين للبلد)
|
يااخي بعيدا عن الموضوع الاساسي
وقبل مانجي لي تفكيكات كيكي
والله ياود الصايم ماتتخيل انا بعزك قدر شنو...يااخي بالجد تقبل مني احترام وتقدير مااظنك بتتخيلهم..
ربنا يديك العافية، اهو انت من الناس الانا بجي داخلة عشان ابتسم لي تعليقاتهم..الله يديك العافية.
| |
|
|
|
|
|
|
|
|
|
Re: ود الصايم (Re: حنين للبلد)
|
حنين معليش اسمحى لى لمرة تانية اتداخل كدة واقول ليك لو انتى فاكرة انك عندك الية لتقويم هذا المنبر من زلاته اراك كمن تحرثين فى البحر, مش عشان التقويم ما ممكن يحصل ولا عشان بعض من الناس اللى فى المنبر ما دايرين غير الغلط ولا اقول دايرين الصح ولكن للتقويم ادواته ومناخه ووسائله واراك تفقدين كل هذه الادوات لعدة اسباب تعرفينها.
ومن خلال هذ البوست وبالرغم من استيائك الواضح ولكنك تعترفين بمن هم اهل ان تتناقشى معهم فى هذا المنبر فافعلى الاتى ( وجهة نظر ليس الا)
1/ ان تفعلى ما ذكره الاخ محمد البشرى بمعنى البوست اللى ما بيعجبك جليه
2/القاء المسئوليةعلى صاحب البوست لاجراء وتنفيذ بنود الاشتراك فى البوست اذا حاد احد من المشتركين باسس الاشتراك
3/توسيع نقاشك مع الناس اللى انتى بتقولى عليهم كويسين
اسف للاطالة ولك شكرى وتقديرى
| |
|
|
|
|
|
|
|
|
|
Re: ود الصايم (Re: حامد محمد حامد)
|
الاخ حامد محمد حامد
صدقني والله انا مافتحت البوست ده عشان اقوم ولا اعدل، ولا املك المقدرة دي..
انا فتحته استياء وتبرم ، وتبادل وتفاكر لا اكتر ولا اقل..
شكرا لكل النقاط الانت اثرتها لكن صدقني الموضوع ده انا رامية طوبته بس بتأفأف بالكيبورد...
| |
|
|
|
|
|
|
|
|
|
Re: ود الصايم (Re: حنين للبلد)
|
حنين
عصرتي علي شديد والله
هسي الجوقة ديل ينطو لي في رقبتي
ياخ احترامكـ وتقديركـ دا ليكـ مني زيو أطنان أطنان حتى تستغيثي!
__
بلا الاحترام الزول فايدتو في الدنيا شنو يا حنو!
| |
|
|
|
|
|
|
|
|
|
يو تاريخي قال ليك (Re: محمد البشرى الخضر)
|
Quote: معقول بس تكوني فهمتيها كدة
عموما حقك علينا
سلام |
يوم تاريخي قال ليك
يا شماتة المثقفين فينا..ههههههه
تعرف دي نبؤة وهبة..
يا ود البشرى....انت اكيد ماقاصد لكن غيرك بقراك قاصد..
غير كدة...
الزيك يا ابوي لو غلط علي..انا البعتزر ليه..حقك انت علي.
| |
|
|
|
|
|
|
|
|
|
وليد الشفت (Re: حنين للبلد)
|
Quote: يا ود البشرى....انت اكيد ماقاصد لكن غيرك بقراك قاصد..
غير كدة... |
للتوضيح ياوليد ...غيرك ده قاصدة بيه المابعرف الاحترام والمعزة البيني وبين ود عمي، اكيد طبعا ماقاصداك انت، لانك انت نبهته لي نفس انطباعي ..شكرا ليك
"الزول بقى يكتب سطر وراه معلقة توضيح ده كله تخوفا من التباس الفهم"
| |
|
|
|
|
|
|
|
|
|
Re: وليد الشفت (Re: حنين للبلد)
|
| Quote: للتوضيح ياوليد ...غيرك ده قاصدة بيه المابعرف الاحترام والمعزة البيني وبين ود عمي، اكيد طبعا ماقاصداك انت، لانك انت نبهته لي نفس انطباعي ..شكرا ليك |
هاهاهاهاهاهاهاهاهاهاهاهاهاها
هاهاهاهاهاهاهاهاها
تخافي يا مره
يا زولة نحن بنشم النية السيئة
فاخدي راحتك للاخر
وما تبرري
اطمني
اخوك مخ فاتح ما زنخ زي ود عمك
هاهاهاهاهاهاهاهاهاهاهاهاها
| |
|
|
|
|
|
|
|
|
|
!! (Re: حنين للبلد)
|
شنو البوست دا الكلو بقى "فهمتيني غلط" و "و الله ما كان قصدي كدا"و "أمسحيها لي في وشي".
| |
|
|
|
|
|
|
|
|
|
Re: !! (Re: محمد البشرى الخضر)
|
يا شفتوويا حنين والله كلام ودالبشرى دا كلام مليان ومظبوط ميتين فى المية وردوكم عليهو هى الشينه ولاتخرج على انها مثال حى لموضوع البوست انا ما عارف انتو أختوهو باالعكس تماما ليشنو
أما موضوع البوسط فياهو دا المنبر من عرفنهاهو فيهو السمح وفيهو الشين كما فيهو حق الاختيار ودا بالظبط مغزى كلام البشرى النطيتولو فوق خرزتو قبل ما تستوعبو كلامو مع
ودى لكليكماوتذكرا دايما ان إختلاف الرأى لايفسد للود قضيه
خارج النص
اول مره أعرف انو عندك ولد يا بلد
| |
|
|
|
|
|
|
|
|
|
؟؟؟؟؟؟؟؟؟؟؟؟؟؟؟؟ (Re: حنين للبلد)
|
Quote: الأخت حنين،
المنبر دا زى المشى كدارى فى الشـارع..
فيه ناس، وفيه كاروهات.. فيه تلقى ماشين جنبك طلبة، وغنم ومدرسين وكلاب وعمال موظفين وبقر.. |
?????????????????????????????????????
| |
|
|
|
|
|
|
|
|
|
Re: ؟؟؟؟؟؟؟؟؟؟؟؟؟؟؟؟ (Re: سارة علي)
|
السرة
Quote:
لو حنين ادتني الاذن بدخل ...
ولو ما ادتني الاذن...
عفيتك لي الله... |
المتلك بكوس للاذن
دوسي ساكت اصلو البت دي عايزة تغبر استراتجياتها معاي
( مضوي الترابي فكاها لي ميادة )
والناس كلهم شبكو فيها
| |
|
|
|
|
|
|
|
|
|
؟؟؟ (Re: حنين للبلد)
|
Quote: لو حنين ادتني الاذن بدخل ...
ولو ما ادتني الاذن...
عفيتك لي الله... |
انتوا الرقة الهبطت عليكم فجاة كدة دي شنو؟؟...
| |
|
|
|
|
|
|
|
|
|
Re: ؟؟؟ (Re: حنين للبلد)
|
Quote: هسي الجوقة ديل ينطو لي في رقبتي
|
واحد جوقة عندك...
انت الكلام السمح دا مابنفع معاك داير الدراب صح??
حنين لو سمحتى ممكن اتكلم مع ودالبشرى شوية??
......
...........
| |
|
|
|
|
|
|
|
|
|
Re: حباب ملاسي... (Re: khaleel)
|
Quote: والله ياود الصايم ماتتخيل انا بعزك قدر شنو...يااخي بالجد تقبل مني احترام وتقدير مااظنك بتتخيلهم..
ربنا يديك العافية، اهو انت من الناس الانا بجي داخلة عشان ابتسم لي تعليقاتهم..الله يديك العافية.
|
الله يسامحك يا حنين
المسكين ده يكون ضرب اربع حجاره شيشه
وصحتوا ماب تستحمل
طبعا افترضت انك اذنتي لي
أو بعبارة اخري
افترضت انه اذني معاي
| |
|
|
|
|
|
|
|
|
|
المنبر صحي و100% (Re: osman righeem)
|
فيه كل ألوان الطيف
بوستات متنوعة من سياسة إلى آدب وفنون وثقافة ومشاكل
به حراك سياسي واجتماعي ودماء جديدة تنبض بالحياة..
والجديد كمان الاستديوهات التحليلية والبوستات الجامعة
لاخبار كل البوستات ، ومداخلات ثرة ونقد وتحليل رائع
فيهو شعراء وشاعرات جديدين وجديدات وجدو ما وجدو
من النقد والهجوم والمساندة كانت اكتر لو بتابعو كويس
به المشاكل والجدل الذي قد يصل حد الإساءة ولكن بعدها..
ياتي الاعتذار الجميل وطيبة القلب قد تصل حد حلف الطلاق..
فيهو البوستات الظريفة ذات الدم الخفيف والرشيقة
والونسات الليلية ومجادعة الاصدقاء والزملاء....
دحين لو ده كلو ما شايفنو ولا مريتو بيهو يصبح ..
السؤال يا ناس 2003 وانتو يالاقدم شوية منهم ناس 2002
انتو زمان جبتو كاس العالم ونحنا ما عندنا خبر ولا شنو؟؟
| |
|
|
|
|
|
|
|
|
|
Re: المنبر صحي و100% (Re: صلاح ليون)
|
| Quote: انتو زمان جبتو كاس العالم ونحنا ما عندنا خبر ولا شنو؟؟ |
لا ياصلاح ليون...ماجبنا كاس العالم...لكن هو في زول قال انحنا قلنا قبل كدة انه طارحين نفسنا كصناع المستقبل وابطال الغد...وحات الله يا صلاح لايوم طرحت نفسي في اي شكل من اشكال الإدعاء ولا استثنيت نفسي من الوقوع في الأخطاء البتجرنا لي وراء...صدقني دي ما انا..
تعرف يا صلاح..انا لي زمن نفسي اعتر فيك عشان اسالك...لي دائما بحس انك بتقراني كزميلة هنا خطأ ..ده احساس عام، اما فيما يخص البوست ده في كتير جدا من النقاط الانت اثرتها اوافقك فيها تماما، انا لم اجرد المنبر من كتابه ولا مميزاته، ويمكن لك مراجعة بوستي والبوستات القبله، انا فقط قلت انه السلبيات بدأت تخفي من معالم كثير من الإيجابيات، اعتبرني حالمة او خيالية او غير واقعية ..لكني قطعا لست مدعية، افكر فقط في ان نكبر من المساحات الإيجابية في دواخلنا وفي سلوكياتنا في المنبر كنموذج للمجتمع السوداني "امكن كمان الغربة مرات بتخليك حساس شوية" وامكن انت كلامك معظمه او كله وكلام الاخوان المتداخلين هنا يكون صاح حول ان المنبر لاغبار عليه وانني اثير في نقاط غير مهمة، عموما تقبلوها مني كمزاجية معكرة في وقتها، او تقبلوها كما تشاؤون...ويبقى بيننا الاحترام ان لم يكن الود.
تحياتي...
| |
|
|
|
|
|
|
|
|
|
Re: حباب ملاسي... (Re: osman righeem)
|
2002 قالوا:
| Quote: حنين .. الفرق بيني وبينك شهور في التسجيل في المكان دا .. واتشرف بي اني حضرت العصر الذهبي للموقع .. كما يشرفني اني حضرت عهد الانحطاط في هذا المكان .. من لغوي .. لي تشهير .. لي استعراض مهارات زي القلتيها فوق دي .. |
2003 قالت:
| Quote: لكن يا تمبس المنبر بقى زي الزقاقات كل زول لابد للتاني، وعنترية واستعراض عضلات، وشفتنة نسائية ورجالية، وقوة عين، وحمرة حقارة |
| |
|
|
|
|
|
|
|
|
|
Re: حباب ملاسي... (Re: حنين للبلد)
|
الأخت العزيزة حنين للبلد وضيوفها الكرام
تحية طيبة وبعد
معذرة لدخولي المتأخر لهذا البوست الراقي الهادف
اؤيدك في ما ذكرتيه بشأن هبوط مستوى الحوار في هذا المنبر بسبب تبادل الشتائم والمهاترات وشخصنة المواضيع ..الخ. ويجب على الجميع بذل أقصى الجهود لمحاربة هذا الاتجاه الذي لا يسيئ لكاتبه فحسب بل لنا جميعا كسودانيين.
| Quote: قصة المصححين اللغويين دي انا لي اسه مافهمتها؟؟؟ |
أعتقد أن البعض يدخل هذا المنبر ليتعلم..عليه من يكتب مساهماته باللغة العربية الفصحى يجب تنبيهه وتصحيحه عندما يخطئ في قواعد اللغة والإملاء بصفة خاصة حتى لا يقع في نفس الخطأ من يريد أن يتعلم..ولا شك أن الكثيرين قد استفادوا من مساهمات الأخ محسن خالد وغيره في هذا الصدد.
تحياتي وفائق احترامي
| |
|
|
|
|
|
|
|
|
|
Re: حباب ملاسي... (Re: Gaafar Ismail)
|
سلامات الأخت حنين,,
معلومات خطيره... تكشف عن النيه لتسليم الرئيس البشير ...ذكره من المحكمه...!!
أولا عذرا للإيتاء بهذا لرابط الذى فى ظنى يحتوى على جريمة!!!
جريمة فى حقنا كأعضاء هنا وجرائم أخرى فى حق إخوة لنا!!
فى الأول كانت الفكرة أن آتى بالكوت فقط لكن وجدت الأمر صعبا!!
وتوقعت أن يطلب منى أن أمسحه لقذارة ما فيه!!!
هذا البورد أصبح بقدرة قادر هو الأول فى :
الإساءآت والشتائم.
العنصرية المكشوفة المفضوحة ومن شتى الألوان والأنواع,,
الهيافة المفرطة
الخوض فى أمور الغير الشخصية والعبث بأعراض الناس,,
الخواء الفكرى والإفلاس الأخلاقى,,,
مكان جيد لممارسات وكتابات تنم وتكشف عن عاهات نفسية
وأمراض كان ينبغى علاجها والإهتمام بها,,,
ولا حياة لمن تنادى!!!
أتمنى إنك ما تكونى بتنفخى فى قربة مقدودة,,
وضع محبط محل ما تقبل!!
أعتقد أن العيار قد فلت ومن الصعب إصلاح هذا الوضع
دون خطوات حاسمة لنظافة المكان وإبعاد كل من يسمح
لنفسه بأن يقع فى أى نوع من الأخطاء !!!!
ما يحيرنى هنا هو أى رقابة وأى إدارة تشرف على هذا
المكان؟؟؟؟؟
إذا تركت للجميع الباب مفتوحا فلا غرابة أن ترى ما تراه هنا!!!
لم يكرّس موقع سودانى للعنصرية وإهانة الناس كما فعلها أكبر المواقع هذا,,
تحياتى,,,
| |
|
|
|
|
|
|
|
|
|
Re: (Re: أيمن الطيب)
|
حنين
مشتاقين
والله يا حنين القلتيهو حاصل ..لكن تعرفي مرات أنا بحاول أشوف الحاجات بزاوية نانية ..يعني
الحوارات المازومة البتحصل ، فرصة أنك تقرا الناس بتفكر كيف ؟ وفرصة برضو عشان تفكر أنك لو أتختيت في
الوضع الفلاني حتتصرف كيف ؟ وفرصة للتعامل مع واقع قد تكون بعيد منو لأسباب مختلفة / بيئتك / سفرك / عملك ،
المنبر العام ده مجتمع كبير وزاخر ، والإستفادة النحن بنتحصل عليها إمكن ما تكون ملموسة واضحة بشكل
مباشر ...ولو عاينتي وكلي حسن ظن في بصيرتك حتلقي (الجوطة دي ) هي الحراك ..ما ضروري نكون طرف فيهو لكن
على الأقل نستوعبو ...
في الأول يا حنو أنا كنت ماخدا جنب وباعدة من العواصف ...لكن لقيت ده ما ترفع عن الصغائر ، ده ترفع عن
الناس ، واحسن تدخل وتقول الربنا بقدرك عليهو ..ولأنو الكلمة خطيرة ممكن الكلمة البتقولا تحرف مسار البوست
لحتة إجابية ..وده شيء كويس ...وقيسي على كدة ...
يعني هسة البتعملي فيهو إيجابي ...لأنو محاولة تغيير مباشرة ...ممكن تلقي البأيدك فيها، والبحاول يحولا
لنكتة أو حتى البستخف بيها ..وفي الآخر كلهم مستفيدين .
محبتي
| |
|
|
|
|
|
|
|
|
|
Re: (Re: داليا حافظ)
|
Quote: مباشر ...ولو عاينتي وكلي حسن ظن في بصيرتك حتلقي (الجوطة دي ) هي الحراك ..ما ضروري نكون طرف فيهو لكن
على الأقل نستوعبو ... |
شكرا يا داليا....شكرا للفت نظري الى هذا الجانب المهم.
| |
|
|
|
|
|
|
|
|
|
Re: حباب ملاسي... (Re: أيمن الطيب)
|
| Quote: كلامي ياوليد انه انحنا بنتلاقى مخيرين في المنبر ده مامجبورين...فالأولى انه نتلاقى بالمحبة ولا اخير عدمها.. |
حنين للبلد ياأختي ..
تحياتي ،تقديريواحتراماتي ..
| |
|
|
|
|
|
|
|
|
 Re: حباب ملاسي... (Re: Mohammed Ibrahim Othman)
|
السلام عليكم جميعا وطاب ليلكم/صباحكم / نهاركم
الاخ محمود بابكر
2/ او نعمل بقاعدة تمبس العين بالعين والسن بالطقم
شايفك نقصتها عين كامله برموشها القران في القصاص قال العين بالعين لكن شيخنا تمبس قال العين بعنين
عشان كده قلنا نحنا حزب كيكي ومحسن ود البتولا ركزوا لينا علي النقطه دي الاعوج بتعدل لو عندكم قناعه بالعمل بهذا الحديث الكيكي الضرب الموضوع كوكو في راسو لمن سخن ونقط زيت بجانب تفعيل اللوائح والضرب بيد من حديد لكل متجاوز لحدوده
4/السخرية والترصد وقهم الاخر والخطابات التي تولد الاشكالات والتهاتر لها عدة حلول ولكن كونها ظواهر سلبية اعتقد بان مواجهتها والتصدي اليها جماعيا وبكل نكران ذات وعدم التمركز خلف الوشائج الاخري هو الحل الناجع لهاوستنزوي طال الزمن او قصر
مصائب ومدلهمات (عوارات وهبالات البورد) ( يوجد نماذج / صور )
قال كيكي رضي الله عنه :
مواجهتها والتصدي اليها جماعيا وبكل نكران ذات وعدم التمركز خلف الوشائج الاخري هو الحل الناجع لهاوستنزوي طال الزمن او قصر
ـــــــــــــــــــــــــــــــــــــــــــــــــــــــــــــــــــــــــــــــــــ
* ياكيكي ود عمتك من اعز واحب أصدقائي عثمان خليل بنك البلاد – الرياض رفع لي تقرير مجنون عنك وبسلم عليك كتير جدا يا اخي عثمان ونورالدين (بفرنسا حاليا) فرد للطيش المهم رسل لي كمبو الري بايميل سريع
* يا بت دارحامد عمي متزوج 3 من دار حامد وواحده من المزروب يرحمه الله بجيب ليك التفاصيل
عمنا يرحمه الله قال في حليمه المزروب في مطلعها
شوقي لمزروب المجانين
اهل الفضيله والايمان والدين
قلبي يهيم بهم وجدا تجدده الاشواق من حين الي حين
هم اهل ودي واهل صهارتي
عرب كامثال السلاطين
النابغين الخيرين السابقين الي كل الميادين
احبتي ان لي فيكم ودا فقد شعرت به نارا ستكوين
احببتكم في الله يكرمكم عدد اسمائه التسع وتسعين
ان المودة ان كانت باخلاص تربو وتسمو عن كل الموازين
ومودتي من الفواد عميقتا لا ليس تشري بالدراهم او بعض الملالين
ذكراكم مل الفواد حتي بلغت من العقد الثمانين
| |
|
|
|
|
|
|
|
|
|
Re: حباب ملاسي... (Re: محمد المعتصم ابراهيم)
|
أسة عليكم الله البوست ده لو كاتبو عبد الرازق الطالب !!!
كان حا يكون عدد المتداخلين تلاتة منهم اتنين عبد الرازق الطالب ..
وكان عدد الزوار حا يكون سبعة منهم اربعة عبد الرازق الطالب اتنين منها لمن جا يرد وواحدة لمن كتب الموضوع وواحدة لمن كان عايز يشوفو بعد كتبو اما التلاتة الباقيات بيكون منهم اتنين عزاز شامي مع العلم انو لو الناس عرفت انو عزاز شامي قرت الموضوع لارتفع عدد المشاركين الى 89 والقراء إلى 1257..
الكتبتو الاخت حنين ده ما فيهو ايييييي جديد غير الصورة بتاعتا (والتي احسبها قديمة بس انا المطوول من البورد)..
بعدين المحيير في الموضوع 90% من الناس البيقولوا ليها كلامك صاح يا حنين لو ختو الرحمن في قلبهم حا يلقوا انو كلام حنين يشملهم لانهم من الناس البيكتبو كلام ساااااااي والهتر عندهم طن (عايزين امثلة ولا عارفين روحكم يا ناس هناي؟)
اكتر المطاعم شعبية وجمهور واكلين في السودان هي المطاعم الوسخانة !!!!
المطعم من يقعد يعمل ليهو سيراميك وجرسون ينضف التربيزة كل دقيقة ويجيب ليك جك القزاز والكباية والمنديل اعرف طواااالي انو المطعم ده حا يقفل بعد اسبوعين ..
لكن تعال شوف سماسم وابو الزهور وفول الواحة الركشة والجمار قاعيدن جمب التربيزة والموية في حلة والكوز مطرقع والملح والشطة قاعدين في السهلة ساااااااااي والجرسون سفتو تقول يا غربتي وعراقيهو والفوطة البيمسح بيها سييم سييم صديق (يعني واااحد) ومع ذلك المتعة كل المتعة في المطاعم دي والناس تشد ليها الرحال فاللقمة فيها بالف لقمة من لذيذ القراند كافيه وامواج ..
وكما قال العريس النقناااااااااااااااااااق لي اولاد الحلة العاملين فيها بيخدموا فيهو رياءً:
بالله يا شباب جيبو تلج يكون صااااااااااااااااااقط ..
احححححححححححححححي انا من تلجكم يا ناس هناي ..
| |
|
|
|
|
|
|
|
|
|
Re: عاد يا ود الفاروق الله يضحكك زي ما ضحكتني (Re: حنين للبلد)
|
Quote: أسة عليكم الله البوست ده لو كاتبو عبد الرازق الطالب !!!
كان حا يكون عدد المتداخلين تلاتة منهم اتنين عبد الرازق الطالب ..
وكان عدد الزوار حا يكون سبعة منهم اربعة عبد الرازق الطالب اتنين منها لمن جا يرد وواحدة لمن كتب الموضوع وواحدة لمن كان عايز يشوفو بعد كتبو اما التلاتة الباقيات بيكون منهم اتنين عزاز شامي مع العلم انو لو الناس عرفت انو عزاز شامي قرت الموضوع لارتفع عدد المشاركين الى 89 والقراء إلى 1257..
الكتبتو الاخت حنين ده ما فيهو ايييييي جديد غير الصورة بتاعتا (والتي احسبها قديمة بس انا المطوول من البورد).. |
عمر الفاروق اخوي
الكلام الانت كاتبو فوق ده انا قصدت ما اخده بي محمل شخصي.... واحترم رأيك جدا...لكن ماملاحظ انك عصرت علي شوية؟؟؟؟
يعني بالجد اتحيرت ارد اقول ليك شنو؟؟؟؟...انا ود امي مابعمل لي بوستات ترويجية ولا بكتب توجد هنا صور،،، ولا بتخيل انه الاخوان البشاركواهنا وبتداخلوا وهم من ارقى الناس هنا واصفاهم نية واخلاق، بدخلوا لي اي بوست او اي اخت كريمة هنا في المنبر عشان صورتها" هيا ابوي هي زاتها شن الصورة؟؟؟؟" حيرتني يا ود الناس الكرام....كدي اعد الكرة مرتين امكن مداخلتك تكون غير.
احترامي.
| |
|
|
|
|
|
|
|
|
|
Re: حباب ملاسي... (Re: محمد المعتصم ابراهيم)
|
| Quote: * ياكيكي ود عمتك من اعز واحب أصدقائي عثمان خليل بنك البلاد – الرياض رفع لي تقرير مجنون عنك وبسلم عليك كتير جدا يا اخي عثمان ونورالدين (بفرنسا حاليا) فرد للطيش المهم رسل لي كمبو الري بايميل سريع |
هلا يا ود المعتصم يا صديقي
وحبابك ياخي
وجميل ومشوق كونك صديق الاخوين ابوعفان وده ودعمتي وعمي وزول صحبي بالحيل
واما نور الدين (باولو) فهو اخ جميل واحرف لاعب كرة قدم حريف وبطراز فريد ولو اهتم بها كثيرا
لوجد خلود وبهاء كروي وصار صرعة..فتحياتي لهما وكل الشوق
فكمبو الري حكايات سوفيت واخريين بوست وكتاب قادم حكاوية اثيرة للوجدان
كمبو الري....حكايات سوفيت واخريين
المنبر داير نقاش عميق يا محمد وكما وعدت الاخت حنين سنجد في بوسها هذا مساحة للحديث فس امره
تكاملا مع الجميع في مسئولية الرغبة في منبر يمكننا والاجيال القادمة الاستفادة منه
وتحياتي الحارة وشكرا علي كلامك الجميل
| |
|
|
|
|
|
|
|
|
|
Re: حباب ملاسي... (Re: عبدالكريم الامين احمد)
|
| Quote: اكتر المطاعم شعبية وجمهور واكلين في السودان هي المطاعم الوسخانة !!!! |
الليله والليله يا الفاروق والله الليله كرعينك مايمرقنك غايتو شيل شيلتك براك سويتا فى نفسك لكن الليله صلعتك بمعطوها ليك ات آزول ماك عارف انو المطاعم الوسخانه دى حارسنها الشماشه
| |
|
|
|
|
|
|
|
|
|
Re: حباب ملاسي... (Re: WAD ELGAALI#4)
|
العزيزة حين البلد،
تحية وإجلال لك وأن تعلين من قيم الحرية والسلام والمحبة والاحترام. وهي قيم أساسية للديمقراطية الحقة، التي لم يظفر بها بني الإنسان بعد! ونحن السودانيين، على الرغم مما بنا من عيوب، نمثل الأمل الوحيد، في ظني، للعالم لكي يمارس هذا النوع من الديمقراطية. وما مشاكلنا في هذا المنبر إلا تصفية للسوء وتمحيص للخير. وما أكثر السوء العارض، وما أكثر الخير الباقي!
في هذه العجالة، أرجو أن تقبلي مني الدعوة لدخول الخيط الذي يؤدي إليه هذا الرابط:
إعتذار للقراء
على أمل أن أعود حين تتيسر لي عودة. خيطك هذا يجب أن يكون في قمة المنبر إلى أن نتأدب جميعاً مع بضعنا البعض، لنمثل شعباً عظيماً، عملاقاً، فصل لنفسه كسوة ناصعة، جميلة، من قماش الأدب!
| |
|
|
|
|
|
|
|
|
|
شكرا (Re: Haydar Badawi Sadig)
|
د.البدوي
تابعت الموضوع المعني في البوست في اول لحظة انزالك له...وهذا بالضبط مانريد ان نأسس له..ادب الإعتذار وفضيلة الرجوع الى الصواب وابانة الإلتباس....شكرا لك.
| |
|
|
|
|
|
|
|
|
|
Re: حباب ملاسي... (Re: Gaafar Ismail)
|
| Quote: أعتقد أن البعض يدخل هذا المنبر ليتعلم..عليه من يكتب مساهماته باللغة العربية الفصحى يجب تنبيهه وتصحيحه عندما يخطئ في قواعد اللغة والإملاء بصفة خاصة حتى لا يقع في نفس الخطأ من يريد أن يتعلم..ولا شك أن الكثيرين قد استفادوا من مساهمات الأخ محسن خالد وغيره في هذا الصدد. |
الأستاذ جعفر اسماعيل...
شكرا لمرورك ولكماتك التي اضافت الى هذا الحوار...اود ان اضيف ايضا انني لم اذكر اي اسم بعينه لكن مادمت انت ذكرت اسم محسن خالد....صدقني انا من اشد المعجبين بكتابات محسن خالد ولا اخفيك انني ادخل الحوارات المازومة لتتبع مايكتب عل وعسى يرسخ في ذهني بعض من مسارات تحاور ونقاش محسن خالد...
انا اتحدث عن حوارات اخرى...
شكرا لك
احترامي
| |
|
|
|
|
|
|
|
|
|
Re: حباب ملاسي... (Re: حنين للبلد)
|
حنين انتي لسة زعلانة و مدنقرة راسك chin up ya mana
يا زولة ما في احلى من الشكل و الكواريك
الناس معذورة العليها ما هين خليهم يعبروا و ينفثوا شوية
انتي بس حساسة شوية نصيحتي ليك ابلعي ليك حبة حساسية قبلي ما تدخلي المنبر
و بعدين مجلية مداخلتي الفوق ديك مالك ؟؟ سمعتي و للا جابو ليك( وش محمبك)
| |
|
|
|
|
|
|
|
|
|
Re: حباب ملاسي... (Re: سناء عبد السيد)
|
جني وجن سيد البوست يفطني
قبل السلام والاحترام
نبدا الكلام
اولا: في ناس كيزان والحكم غلبهم وامورهم جايطة لا قادرين يمسكوا في الدين ولا لموا في الدنيا لانو الدنيا في ناس منهم استحوزوا عليها ومنعوا الهوا من خلق الله و وخلوهم قاعدين يهرجلو ويهرفو بما لايعرفو ( والامثلة متواجدة بكثرة في بوستات وبوستات مضاد)
ثانيا معرضة كانت اصلا في الحكومة : وديل ناس قريعتي راحت ودايرين يلقوا ليهم قرعة كبييييرة المرة دي وسموها تقاسم السلطة
ثالثا معارضة كانت معارضة وبقت حكومة ورجعت معارضة : ودي حالة اخير منها بوستات اخونا ود الصايم
رابعا معارضة كانت معارضة وبقت حكومة ( رابطة الاعلاميين بتاعة ناس ود الباوقة اها ديل اخير منهم انفلونزا الطيور)
خامسا معارضة من اجل المعارضة : وديل السلسيون تفتح بوست ينطوا ليك فيه ويحلك منهم الهكر
سادسا معارضة موضوعية : بوستاتها بايرة
سابعا : شعرا رجال ناسهم بالعدد
ثامنا شاعرات نساء : البوست لسة ما انفتح ينبهلوا كل الادباء من كل حدب وصوب وهاك يا غزل في الادب الراقي والعبارات المهذبة التي تفيض نقدا بناءا ، والغريبة نفس الناس ديل يوم واحد ما شفتهم في بوست شاعر راجل ويكون شعره في منتهى الجمال
ثامنا: ناس حميدة وعمر الفاروق وود الصايم ( الذ ناس)
تاسعا : ناس معتصم العريس ( الشفيفين)
وبس
يلا
ازيك يا حنين
| |
|
|
|
|
|
|
|
|
|
يامراحب (Re: د.محمد حسن)
|
ماعاش من يفطك يا دكتور...انا زاتي الحركة دي مكجناها..
وبوافقك على كلامك
ناس ود الصايم ديل احلى ناس ههههههههههه
باقي النقاط نرجع ليها.....فاصل ونواصل..
| |
|
|
|
|
|
|
|
|
|
يا خية (Re: سناء عبد السيد)
|
Quote: حنين انتي لسة زعلانة و مدنقرة راسك chin up ya mana
يا زولة ما في احلى من الشكل و الكواريك
الناس معذورة العليها ما هين خليهم يعبروا و ينفثوا شوية
انتي بس حساسة شوية نصيحتي ليك ابلعي ليك حبة حساسية قبلي ما تدخلي المنبر
و بعدين مجلية مداخلتي الفوق ديك مالك ؟؟ سمعتي و للا جابو ليك( وش محمبك) |
والله تصدقي يا سناء ماجليت مداخلتك وانا زي ماشايفاني بحب ارد على كل زول لانه اضافة لي، تصدقي يا سنوية بالعكس مودي حلو الايام دي ومزاجي رايق ولقيت كتير من كلام الاخوان هنا مطمن وصحيح، ومافي اي حساسية الصورة تتخيلي بس جات كدة لكن اوكي حاغيرها اسه يا سناء .....
انتي عامله كيف واخبارك، جيت لندن كم مرة كدة لكن سريع سريع المرة الجاية حاطول عشان اقابلك.
المودة التي تعرفينها
تحياتي
| |
|
|
|
|
|
|
|
|
|
Re: يا خية (Re: حنين للبلد)
|
ايي كده يا بت الدنيا دي ما بتستاهل و بالجد انا قاعدة احن على روحنا كسودانيين
و الله حتى الناس البختلف معاهم قاعدة احن عليهم و مرات كتير بعذرم و المنبر ده بالذات
شوفي اغلب ناسوا برة متغربين و مقطوعيين من البلد و حتى الفي السودان العليهم ما شوية
يبقى نحن نتقبل بعض و نفكها في بعض و نخلي الناس يفكوها فينا و نتحمل بعض و الله يهدينا
و انا ما في لندن انا في كندا و ياريت لو تجي تزورينا
كميات من المودة
| |
|
|
|
|
|
|
|
|
|
Re: يا خية (Re: سناء عبد السيد)
|
تعرفي يا سناء
انا بس عموما مابحب الناس تتتشبك مع بعض وهي مابتعرف بعض يعني ضغط ماعنده اي معنى انا مابتكلم عن الخلافات العادية لكن بتكلم عن الاسفاف في جرح الاخر والشتيمة والتنابذ....
امكن الاغتراب خلانا حساسين شوية على قولك..
انا بجي كندا كتير جدا، المرة الجاية حاخد تلفونك قبل ما اجي واكيد حازورك...
دي صورة كريم ولدي قبل يومين...معليش الصورة بعد الغداء عشان كدة التي شيرت مدفوق في عصير ههههههههه
| |
|
|
|
|
|
|
|
|
|
Re: يا خية (Re: حنين للبلد)
|
زمان علمونا الكتابة في المدرسه بالدق
يعني تكتب كويس الاستاذ يقولك كويس تغلط
تنجلد يعني غلط املائي نحوي غيره
لكن الجراءة بتاعت تكتب كلام مسئ ده ما في
زول وصل مرحلتها
هنا مافي غلط وما في جلد راح الجلد اكتسبنا نغلط اي نوع غلط
والكتوف متلاحقه انت بي باسويردك وانا بي ناسويردي
عندك طريقة الفه وكشف مهرجلين ممكن ينصلح شويه
| |
|
|
|
|
|
|
|
|
|
Re: يا خية (Re: osman righeem)
|
| Quote: عندك طريقة الفه وكشف مهرجلين ممكن ينصلح شويه |
برشح ملاسي يكون الاستاذ والألفة والمفتش..
عشان ينجضكم نجاض ابو قبورة
| |
|
|
|
|
|
|
|
|
|
بخصوص الفيس بوك (Re: حنين للبلد)
|
يا شباب ويا شابات ويا كهول
بخصوص مقطوع الطاري الأسمه الفيس بوك...اعلن لكم انسحابي منه بعد تجربة تجاوزت الشهر اثبت لي خلالها ان لا علاقة يمكن لها ان تربطني به......كرهته الله وواحد والغيت حسابي فيه...وهذا توضيح لكل من تفقدني...خاصة لمن شكوني لطوب الأرض من انني مسحتهم من صفحتي على الفيس بوك اوضح انني لغيت الاكاونت بتاعي من اساسه.
ودمتم ذخرا للإنسانية "هههههههه"
| |
|
|
|
|
|
|
|
|
|
Re: بخصوص الفيس بوك (Re: محمد البشرى الخضر)
|
Quote: يعني الطوب كلّمك
ظلمتو ساي افتكرتو طنّش
لكن ليه؟ بس كان تبلكيهم براحة ناس حمودي ووهبة ديل |
والله يا ود البشرى ختيت اعلان لمدة يومين قبل الإغلاق لكن تقول شنو...
كجنتوا الله وواحد...
انت كيف حالك ..
| |
|
|
|
|
|
|
|
|
|
Re: بخصوص الفيس بوك (Re: محمد البشرى الخضر)
|
| Quote: الحمدلله مصاقر الطوب و بحل في مسائل دكتور امبدة |
حسبي الله ونعم الوكيل واله انا دخلت بوست دكتور امبدة من اول مسألتين مرقت راسي مصدع ، مش لانه المسائل صعبة ولا سهلة لكن تصدق قريتهم بدون تركيز والفكرة ككل عملت لي وجع ضروس، يا اخي انا لي اسه بسأل اختي من رقم تلفون بيتنا...تقول لي شنو وتقول لي منو؟؟؟؟
| Quote: لكن مالو الفيس بوك لذيذ و دمو خفيف ومافيه لا غنم لا دقيق |
شايفاك غيرت رايك ماقلت خشموا خفيف...شن جدة على المخدة....التنجيد ولا الكيس الجديد...ههههههههههه
| |
|
|
|
|
|
|
|
|
|
Re: بخصوص الفيس بوك (Re: حنين للبلد)
|
لا هو من ناحية خشموا خفيف فخفيف مافي كلام
لكن أخوك حريف ما بكلّموا بأي شي
بعدين فيه حركة لذيذة
زي يقوليك صلاح غريبة يدعوك لشنو كدا ما عارف ضمن جماعة مين كدة وكردفان
اها تنضم للمجموعة ولا إقنور
فيها حلاة إقنور واحد
وحاجات تانية اسكتي خليها
| |
|
|
|
|
|
|
|
|
|
Re: يا خية (Re: حنين للبلد)
|
| Quote: عشان ينجضكم نجاض ابو قبورة |
مرضي
مرضيييي
يا مرضيييييييييييييييييي
( ده سر الليل)
خلاص الراجل ده بقي نيران صديقه
| |
|
|
|
|
|
|
|
|
|
Re: يا خية (Re: osman righeem)
|
| Quote: دي صورة كريم ولدي قبل يومين...معليش الصورة بعد الغداء عشان كدة التي شيرت مدفوق في عصير ههههههههه |
حلاته يا ناس
ربنا يخليه ليكي و يحفظه و يبارك فيهو و تشوفيهو في احسن المراكز
| |
|
|
|
|
|
|
|
|
|
Re: يا خية (Re: سناء عبد السيد)
|
Quote: حلاته يا ناس
ربنا يخليه ليكي و يحفظه و يبارك فيهو و تشوفيهو في احسن المراكز |
امين يارب العالمين
شكرا سناء
| |
|
|
|
|
|
|
| |
Kostawi
د.محمد حسن
خضر عطا المنان
وليد محمد المبارك
عبدالكريم الامين احمد
محمد البشرى الخضر
Hussein Mallasi
محمد عبد الماجد الصايم
حامد محمد حامد
WAD ELGAALI#4
يوسف الخضر
سارة علي
saif massad ali
ASHRAF MUSTAFA
khaleel
osman righeem
Gaafar Ismail
أيمن الطيب
داليا حافظ
Mohammed Ibrahim Othman
عمر الفاروق
Haydar Badawi Sadig
سناء عبد السيد
فيس بوك
تويتر
انستقرام
يوتيوب
بنتيريست