|
Re: لقاء جميل مع عمر البشير ..ما يفوتكم (فديو) (Re: محمد مكى محمد)
|
يا دكتور اصله المذيع ما عليه لوم لكن السماح ليه باجراء لقاء و هو بهذه الامكانيات المتواضعة يعيد تأكيد الخرمجة الحاصلة و تمسك الغرقان بالقشة اكيد مجموعة الشباب ديل دخلوا علي اهل السلطة من باب انهم خبراء اتصال و بقدروا يوصلوا صوتهم لكل الدنيا عبر الانترنت و في النهاية اهو باب رزق علي حساب الزنقة الحاصلة قريت كلام قبل ايام هنا عن مشروع لاستغلال الانترنت و التقنيات الحديثة لصالح الانقاذ و مواجهة المحكمة الدولية المذيع ذكرني فقرة في برنامج تلفيوني الماني يجري فيها اطفال حوارات مع قادة سياسين كبار مساخر يا حبيب
| |
|
|
|
|
|
|
Re: لقاء جميل مع عمر البشير ..ما يفوتكم (فديو) (Re: نصار)
|
هو ...... ولا اقول ليكم ... ياخ دى بلد جايطة ساى
ياخ و الله حرام لا مراسم لا حرس لا محجوب فضل
اجو ساى اقولوا لى الزويل دا نزل كراعك
(( طبعآ خلفه الكراع دى تلفزيونيآ فى ما قلنا مافى بس بعملا لمنو ؟ و لى منو ؟ و كيف ))
بس الموضوع و الله غير جميل اطلاقآ
يا جماعة سيدنا عمر دا لسة فى السلطه ما مشى لاهاى احفظوا لينا موية وشنا مع العالم شوية
| |
|
|
|
|
|
|
Re: لقاء جميل مع عمر البشير ..ما يفوتكم (فديو) (Re: ابراهيم سائحون)
|
هل انتهي المحاوريت حتي يطل علينا مثل هؤلاء ومع رئيس دوله؟
غايتو الالمحاور دا مفروض يمشي سنه رابعةويكثف دروس اللغه ....
عايتو البلد دي فكت جنس فكه.. الله يرسيها علي بر ..... مادا رايك في العميل اوكامبو؟؟؟ ومادا رايك في الوضح الحاصل في السودان؟؟
مادا البيحضل في دارفور ؟؟؟؟؟ هسي عليك الله دا اسئله دي الزول يرد عليها ؟؟؟؟
| |
|
|
|
|
|
|
Re: لقاء جميل مع عمر البشير ..ما يفوتكم (فديو) (Re: النصرى أمين)
|
حرم يا سعادة الرئيس ما عندك مستشارين بتعريفه ... مافى واحد منهم ينصحك من المساخر دى .. والبهدله دى ....
المذيع ما بعرف يقول "العدل" بنطقها "العدول"
وقال ايه: "انت حسى فى السودان ما شاء الله بقيت زى ما بقولو "كلمه مافهمتها" بقو يخافو منك لانك ماسك الدوله ماشين كويس وفى نفس الوقت ما فى corruption كتير .ماهو رائك فى هذا الكلام؟"
عليكم الله ما شئ يجيب السكرى
قال ايه ماهو رائك فى هذا الكلام؟
| |
|
|
|
|
|
|
Re: لقاء جميل مع عمر البشير ..ما يفوتكم (فديو) (Re: النصرى أمين)
|
Quote: المذيع ما بعرف يقول "العدل" بنطقها "العدول"
وقال ايه: "انت حسى فى السودان ما شاء الله بقيت زى ما بقولو "كلمه مافهمتها" بقو يخافو منك لانك ماسك الدوله ماشين كويس وفى نفس الوقت ما فى corruption كتير .ماهو رائك فى هذا الكلام؟"
عليكم الله ما شئ يجيب السكرى |
النصرى ود حلتنا مشتاقين هى جات على عدول بس? ما سمعت (رجول الاعمال)? الشغلانه من بدرى طرابيز :( كل تشاهد كثير تستمتع أكثر
| |
|
|
|
|
|
|
Re: لقاء جميل مع عمر البشير ..ما يفوتكم (فديو) (Re: Omer Abdalla)
|
Quote: مذيع ما قادر يقرأ السؤال الكاتبو غلط .. ويشيل ويقنطر للبشير في "الإدانات" التي أسماها أسئلة ويخلف رجليه وكأنو مذيع كبير غايتو "جبانة هايصة" .. ومهازل!! |
عمر عبدالله كيفنك يا زول طبعا..بدون ما يحس بيورط فى صاحبك..بعدين زى ما قال ليهو ناس طالبان بدوا يزحفوا على السودان..ورد عليهو:إحنا ما عندنا حدود مع أفغانستان :(
| |
|
|
|
|
|
|
Re: لقاء جميل مع عمر البشير ..ما يفوتكم (فديو) (Re: محمد مكى محمد)
|
. .
ده شنو الولد العرة ده؟
بالله شوفوا العيقة ده بسأل كيف ؟ لا لغة سليمة لا أسلوب ، لا ذوق ، لا إتيكيت ، لا أي حاجة زاتو .
والله الذي بمكة بيته المعمور ، من أول دقيقة ضغطي إرتفع .
معقول بس؟؟؟
وين المستشار الإعلامي ، وين المراسم .
يا خي أنا لو جرسون في بيت الضيافة وكنت واقف أقدم عصير كان دقيت الولد الأهبل ده وجريت من إضيناتو برة البيت.
حاجة تكسف ،ربنا يكسفكم ويكسف البيوت الجنب بيتكم لي سابع بيت . . .
| |
|
|
|
|
|
|
Re: لقاء جميل مع عمر البشير ..ما يفوتكم (فديو) (Re: محمد مكى محمد)
|
بالراحة ياشباب
الود دا مامذيع
دا ولد من المولودين والعايشين خارج السودان
يتحدث الإنجليزية بطلاقة ولكنه لايجيد العربية
ودى حملة الإنترنت العايزين يقودوها ناس الإنقاذ ضد المحكمة الدولية
التنفيذ كارثة
لأن اللقاء كان ممكن يقوم به زول من الداخل يجيد اللغة العربية
ويكون دور هذا الشبل الترجمة والبث الإنترنتى.
| |
|
|
|
|
|
|
Re: لقاء جميل مع عمر البشير ..ما يفوتكم (فديو) (Re: Balla Musa)
|
ممكن تكون مقصودة.
لأنو لولا هذه الطريقة لما وجد هذا اللقاء أى إهتمام مننا.
فقد ساعدت ركاكة المذيع فى انتشاره..
وأعطت فرصة لهذا الشاب أن يشعر بالزهو بمقابلته الرئيس مما سيشجع آخرين من أبناء السودانيين بالخارج..
وبذا ما عارف حايصلوا لشنو ؟؟؟؟
| |
|
|
|
|
|
|
Re: لقاء جميل مع عمر البشير ..ما يفوتكم (فديو) (Re: خضر حسين خليل)
|
سلام عليكم معانا شخصية عظيمة خلاص اهقهقهقهقهقهقه دولة السودان الريس عمر حسن احمد البشير
ـــــــــ
يا خوانا مافي زول يقول للود العامل لقاء مع الشخصية العظيمة خلاص
شد حيلك !
المضحك شنو مثلاً في انو يكون عامل لقاء مع شخصية عظيمة ولا غير عظيمة ولا هي ام فريحونة ساي ؟ بعدين ياخ عزيزي المشاهد دة وكتينك الما احترمتو الشخصية العظيمة القدامك دي ما تحترما
قال دولة السودان قول زقاق السودان ولا اي حاجة
| |
|
|
|
|
|
|
Re: لقاء جميل مع عمر البشير ..ما يفوتكم (فديو) (Re: جعفر محي الدين)
|
Quote: اكيد مجموعة الشباب ديل دخلوا علي اهل السلطة من باب انهم خبراء اتصال و بقدروا يوصلوا صوتهم لكل الدنيا عبر الانترنت و في النهاية اهو باب رزق علي حساب الزنقة الحاصلة قريت كلام قبل ايام هنا عن مشروع لاستغلال الانترنت و التقنيات الحديثة لصالح الانقاذ و مواجهة المحكمة الدولية المذيع ذكرني فقرة في برنامج تلفيوني الماني يجري فيها اطفال حوارات مع قادة سياسين كبار |
يا نصار...زمااااااااااااااان هنا قلتا ليكم شنو؟ قلتا ليكم في حملة أسمها حملة الدفاع الإلكتروني للبشير أو حاجة زي كده...ودي البديت بيها أول فيديو بلوغ هنا البشير يتبرع ب 35 سيارة للمنتخب المصري من حرّ مال السودان
http://www.youtube.com/watch?v=EAvXO1P-vkE
أجمل حاجة في الموضوع، أنو الزول العمل اللقاء- وأغلب الظن هو زاتو الرفعو لليوتيوب- كاتب عن نفسو:
Quote: The President of the Republic of the Sudan H.E. Omar Al Bashier speaking in a CASUAL interview of Ocampo and the ICC's real agenda. In addition he explains what "state terrorism" is and what he thinks of what Israel is doing to the people of Gaza. Furthermore, he continues to talk of Iraq and how the USA has killed many. The interview is in Arabic.
(By the way - Arabic is my second language).
|
لاحظ ما تحته خط ... لو العربي هو لغتك التانية، وخلفة الرجل عادية عندك في المحافل واللقاءت، ما عندي مشكلة، المشكلة في تكرار الكذب!
قال قريت في جريدة معارضة ! أديها صنّة يا عمك!
أنور
| |
|
|
|
|
|
|
Re: لقاء جميل مع عمر البشير ..ما يفوتكم (فديو) (Re: AnwarKing)
|
العزيز محمد المكي
شريط جيد جدا لأستخدامه في السخرية والضحك... وبدايته ضاحكة واللهم لا شماتة!
رأفت كلامو صاح... الولد ده إسمه محمد صديق أحمد وإتربى في بريطانيا
ويا محمد فرح رسل ليهو كفك عبر: [email protected]
وده الكاتبو عن روحو:
Quote: simplysudan Beat: National News Joined: February 09, 2009
As you are well aware of Sudan is located in North of Africa. It is very rich in Raw materials, ranging from oil to steel and plenty of fertile land for agriculture.
Sudan's history is vast, from Kush to Nubia and many older Pharos. Yet its modern History consists of heroes such as El Mc Nimir and El Mahdi whom overcame great struggles against adverse odds and El Azhari whom liberated Sudan!
We shall post videos about the economy, politics of Sudan and social aspects as to inform investors, tourists and people interested in Sudan's history as well as its diverse culture.
In addition we thank all of you whom have contributed to this Page as it is you who make what we do worth while. In conclusion PLEASE feel free to e-mail or message me with suggestions or constructive criticism!
- Mohammed S. Ahmed Name: Mohammed
Influences: - Bill Gates, - Mandela, - Steve Jobs, - Malcolm X, - J.F.K, - Barack Obama, - Princess Diana and - The best till last - the late - Langston Hughes. Favorite News Sources: Al Jazeera, CNN, FOX, MSNBC, CNBC, BBC.
ABOUT ME: I began at an early age with photography. Then due to technology, one could say I traded the camera for the cam corder. I am bi-lingual as I speak both English and Arabic fluently, which adds to my diversity.
In conclusion, I hope you enjoy my work and feel enlightened when you see my videos.
Country: United Kingdom Interests and Hobbies: Finding different means of expression from poetry, to rap, singing and even performing... I like hearing my self think, in the middle of the dessert & watching the night sky (very peaceful, calm and relaxing- plus you never get time alone in the city). Rowing, or getting on a fishing boat on the Nile, those little faluka's (boats) and going fish. Then there's the crazy side i.e. : hunting, speed racing, mountain climbing and all that other good stuff! Movies and Shows: Anything with a good plot e.g. Swordfish, Malcolm X, Man on Fire, The Great Debaters, The Curious Case of Benjamin Button, Eagle Eye, Troy, 300 etc. Music: - Classic: Chopin, Mozart etc. - Jazz such as Frank Sinatra/ Elvis/ Louis Armstrong etc. - RnB - Usher, Chris Brown, Indie Arie, Akon - Reggae- Bob Marley, Damien Marley etc. - Some light rock - Pink, The Script, Nickleback etc. - Hiphop including - Common, MosDef some 2Pac Books: A very long list ranging from J.R. Tolkien's Lord of the Rings to Poetry by Langston Hughes and even sonnets by Shakespeare. Sometimes I read autobiographies such as The Autobiography of Malcolm X etc. |
ومشكلتو موش في عربيهو بس ... الظاهر أنو إنجليزيتو عاوزة تلميع
بالله عليكم الله أدخلو وشوفو:
http://www.youtube.com/user/simplysudan
في واحد قال إنو دي مقصودة ودعاية إسفيرية مجانية وأنا معاهو في الكلام ده وبقول إنها رخيصة كمان!
ودمتم...
| |
|
|
|
|
|
|
Re: لقاء جميل مع عمر البشير ..ما يفوتكم (فديو) (Re: Mohamed Yassin Khalifa)
|
يا د. محمد المكي .. سلام وتحايا كثيرة .. - يادكتور ياخ مالك علينا !! ما الفينا مكفينا .. دا المضحك المبكي بأم عينو وأبوها ذاتو .. - لو دايرين تضحكوا وتبكوا شديد وزيادة في وقت واحد .. أعيدوا تشغيل الجزء الثاني في هذا اللقاء .. وركزوا وأسمعوا كيف عرّف السيد رئيس الجمهورية ( الأرهاب ) وكيف يفهمه .. إنه التعدي على الآخرين !! هكذا ببساطة .. ونسى ... إستخدام القوة وحاجات كثيرة إستخدمونها كحكومة في إرهاب الشعب السوداني وتشريده .. ولما الأرهاب يا رئيسنا التحفة بهذه البساطة ما كان الشعب السوداني عانى ما عانى ، ولما بقى على الناس التانين إنقلب إلى تعدي فقط دون أن تصاحبه أي قوة أخرى .. وهكذا ببساطة يعرف لنا الرئيس البشير معنى كلمة ( إرهاب ) والتي أخذت الكثير من المساحات وأضنت خبراء القانون في سبيل الوصول إلى تعريفها .. ويا عجبي على من يوهمون أنفسهم بالرئاسة !!!!
| |
|
|
|
|
|
|
Re: لقاء جميل مع عمر البشير ..ما يفوتكم (فديو) (Re: عبده عوض)
|
Quote: واشنطن: «الشرق الأوسط» كان من الواضح ان ترتيبات عقد لقاء بين الرئيس الاميركي جورج بوش واربعة من الصحافيين العرب اتخذ خلال فترة قصيرة. وحتى بالنسبة للزملاء الذين جاؤوا من المنطقة فإن دعوتهم تمت على عجل، حيث اختيرت صحيفتا «الرياض» من السعودية و«الايام» من البحرين، في حين وجهت دعوة للدكتور سعد بن طفلة العجمي وهو وزير اعلام كويتي سابق لحضور اللقاء. واخطرت كل من «الشرق الاوسط» و«الحياة» بعد ظهر اول من امس لحضور اللقاء.
وأبلغنا البيت الابيض ان فرص الاسئلة ربما تكون في حدود ثلاثة الى اربعة اسئلة، وان الرئيس الاميركي سيدلي بتوضيحات مقتضبة حول جولته قبل ذلك، في حين سيستمر اللقاء حوالي 50 دقيقة. وطلب من المشاركين ارسال صور من جوازات سفرهم وبطاقاتهم الصحافية مع سيرة ذاتية الى البيت الابيض من اجل الاجراءات الأمنية.
وابلغنا بان علينا الحضور في الثامنة و45 دقيقة في فندق «كابيتول هيلتون»، حيث سيكون هناك دانيال كاستيلو، وهو من قسم البلاد العربية في وزارة الخارجية، لمرافقتنا الى البيت الابيض. وبالفعل توجهنا بعد ذلك على راجلين الى البيت الابيض، في ظل طقس شديد البرودة. وعند المدخل كانت تنتظرنا كاثرين ستار من مجلس الامن القومي، حيث تمت الاجراءات الأمنية وسلم لكل واحد منا بطاقة مرور خاصة.
انتقلنا بعد ذلك الى مكتب قريب من قاعة روزفلت حيث جرى اللقاء مع الرئيس بوش. وبعد فترة انتظار لم تدم طويلاً طلب منا الدخول الى القاعة، حيث وجدنا طاولة طويلة يحيط بها صفان من الكراسي الجلدية الانيقة ووضع لكل منا مكانه في الطاولة وعليها اسمه مع البلد الذي ينتمي اليه، وبالنسبة لـ«الشرق الاوسط» كتب تحت الاسم «صحافة عربية». وخلف صفي الكراسي حول الطاولة وضعت كراس اخرى، ثلاثة من الجهة التي كان سيجلس عليها الرئيس، وحوالي سبع من الجهة الاخرى.
كانت القاعة تزينها لوحات زيتية لشخصيات اميركية وكذلك لمشاهد من البراري الاميركية.
وخلال فترة انتظار استغرت في حدود ربع ساعة قدمت لنا مشروبات ساخنة (قهوة اميركية وشايا). ثم قدمت لنا حلويات صغيرة مكتوب عليها عبارة «البيت الابيض».
قبل دقائق من وصول الرئيس ابلغنا بانه سيصل بعد قليل.
وبالفعل دخل الرئيس بوش من باب جانبي يتبعه كل من ستيف هادلي مستشاره في الامن القومي وآدم برامز نائب مستشار الامن القومي ودانا بيرينو المتحدثة الصحافية باسم الرئيس. وعندما دخل بوش انغلق الباب خلفه، ورانت منه التفاتة وهو يبتسم، وكاد ان يعود لفتح الباب من جديد.
ثم صافحنا بوش واحداً تلو الآخر مع عبارة «سعيد للقاء بك هنا». وجلس في وسط الطاولة واعتدل في جلسته وراح يتحدث بصوت خفيض عن جولته. ثم طلب بعد ذلك من كل واحد باسمه الشخصي ان يطرح سؤاله.
وبعد ان انتهى اللقاء تمنى للجميع «سنة سعيدة». |
| |
|
|
|
|
|
|
|