|
أيام (عبدالله الدفار)..!!
|
(*) مقدمة لابد منها : كان الأستاذ / النور عثمان أبكر قد وعدني بكتابة مقدمة هذه (الرواية) وتصحيحها .. لكنه لم يفي بوعده .. ورحل سأجعل أهداءها له (مقدمة) لها .. فهي :إلى روح الأستاذ / النور عثمان أبكر ..
(*)
أنجبته (نفوس) بينما كانت تساكن (حسن البعيو) و(عبدة أب تسعة) دون زواج .. كبر بعيد وفاتها .. يقال أنه كان إبن (نفوس) و(رمضان الحلبي) .. (رمضان الحلبي) كان صديقاً للبعيو و(أب تسعة) و(نفوس) .. إلا أن نبأ علاقته ب(نفوس) لم يكن شائعاً , كما في حالي (أب تسعة) و(البعيو) .. كان (رمضان) سودانياً قحاً , لكن سمته وشكله كان (مصرياً) .. حتى أنه تارة يتحدث بلهجة سودانية (صميمة) , وطوراً يتحدث لهجة أهله المصريين .. فوالديه كانا مصريان , هاجرا إلى السودان , وأمتهن والده صناعة (الباسطة ) و(الحلويات) و(الطحنية) .. يقال أن أهل أبيه بالسيدة (زينب) كانوا أساطين هذه الصناعة .. (رمضان) كان صعلوكاً , كريماً , وحرامي في بعض الأحيان ..!!
(عدل بواسطة كمال علي الزين on 01-30-2009, 10:23 PM) (عدل بواسطة كمال علي الزين on 02-04-2009, 08:44 PM) (عدل بواسطة كمال علي الزين on 02-04-2009, 08:49 PM) (عدل بواسطة كمال علي الزين on 02-07-2009, 08:08 AM)
|
|
|
|
|
|
|
|
Re: أيام (عبدالله الدفار)..!! (Re: كمال علي الزين)
|
(*)
(حسن البعيو) و(عبدة أب تسعة) كانا يحسنا للدفار .. وفاءً لنفوس , وعملا على تربيته , إلا أنهما كانا يختلفان حول مفهوم التربية نفسه وما أن يجتمعا ليلاً حتى يبدأ جدالهما المستمر .. يباغت (أب تسعة) صاحبه (البعيو) قائلاً : تعرف يا(مان) إنتا فاكر التربية دي يعني تأكلو وتشربوا وتشتري ليهو (طلوس جينز) من سوق (ستة) وتفكو يعذب خلق الله .. يرد (البعيو) بعد أن يترك سجارة (البنقو) التي أعياه العمل على لفها : أها يا حاج فلسفة , التربية يعني شنو ؟ وإنتا ربوك كيف , عشان تساعدنا على الفهم أضرب لينا مثل بي (ماما) و(بابا) كانو بعاملوك كيف؟ يبدو على (أب تسعة) الضيق من تهكم صاحبه لكنه يواصل : نحنا يا (مان) ماربونا حسب قراءتي لي مفهوم التربية الحديثة و.. يقاطعه (البعيو) : يابروف .. براحة علينا ياخي ..(كان البعيو يناديه بلقب البروف على سبيل السخرية)
يعود (أب تسعة ) للحديث متجاهلاً سخريته : نحنا يا (البعيو) ربونا لحدي ماوصل عمرنا (ستة) سنة , بعديها ربينا روحنا برانا شئ تلاقيط كده , عشوة في بيت عرس , غدوة في صبحية كاربة , مجازفة (موز وخدار) من السوق وهكذا .. ما لقينا زول ورانا كيف نكون ناس محترمين .. أها كيف نكون ناس محترمين دي هي (مفهوم التربية الحديثة) .. عاد (البعيو) إلى سجارته وأفلح في لفها جيداً .. وتصاعد (دخان) البنقو .. وواصل (أب تسعة) محاضرته دون أن يتنبه إلى أن صاحبه قد (أنسطل) وفارق عالمه إلى عالمه الخاص ..!!
(عدل بواسطة كمال علي الزين on 01-30-2009, 11:30 PM) (عدل بواسطة كمال علي الزين on 02-03-2009, 09:24 PM)
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
(*)
ظلا على هذه الحال حتى أوشك النهار على الطلوع .. (أب تسعة) يتحدث كعادته حديث فيه شئ من التعالي على صاحبه .. ويجتهد في إستدعاء كل ماسمعه من أصدقاءه الذين تلقوا حظاً من التعليم كان أغلب همه أن يتحدث حديثاً لايفهمه (البعيو) حتى يواصل إستمتاعه بموقع (المثقف) الوحيد بين (رهط) من الجهلاء .. وهكذا أستحق لقب (البروف) ..
(البعيو) وبعد أن سيطرت عليه (نشوة) البانقو , صار أكثر تعاوناً وإستماعاً , وقام بلف سجارة أخرى لصديقه وأشعلها له قائلاً : هاك يا(بروف) أديها وأشجينا والله إنتا خسارة فينا ..
أخذها (أب تسعة) وقبل أن يقربها من فمه باغت صديقه بسؤال لاعلاقة له بما كان من حوار : إنتا يا(البعيو) صاحبك الدكتور داك وينو ؟ يعني ليهو فترة ماظاهر ؟ أنا أصلاً كنتا مستغرب و(نفوس) زاتا والله كانت متحيرة في صداقة الراجل ده معاك .. (دكتور) محترم كده يصاحب واحد (بعيو جاهل مخولق) زيك ..؟
رد (البعيو) : ياخي الله يطراهو بالخير , ربنا رحمو من صحبتنا ومن الحلة الوهم دي إشتغل في منظمة عالمية وأدوهو بيت في (المنشية) , مشيت ليهو والله دقيت (الجرس) جوني ستة (خدامات) عيونهن دقاق كدة (قالو فلبينيات) عشنا وشفنا ناس (جاكي شان) في السودان, نادوهو لي برة , تخيل أبوا يدخلوني ماعجبهم شكلي , قلتا ليهم: الدكتور ده أنا فردتو الوحيد وصديق عمرو , لحدي ما جا وسلم علي بالأحضان ودخلني , قصر من البنشوفهعم في المسلسلات ديك , لكن الشهادة لله الزول ماتغير ولا تكبر ولا نسى العشرة ,.. لكن أنا والله ماكررتها تاني , قلتا أخليهو لعالمو الجديد ..
رد (أب تسعة) : أها وهو طبعاً ماصدق , فتح ليك وماسأل منك وقال خير الجات منك ..!!
غضب (البعيو) ورد وقد علا صوته قليلاً : لا والله .. الدكتور عمرو ماكان كده , بعديها جاني كم مرة في الورشة , ومرتين كده هنا في البيت حتى أسأل (الدفار) لاقاهو و(رقع) ليك (الدفار) بي خمسميياية ..
عدل (أب تسعة) من موقع جلسته وقال: يازول ..!! (خمسمية ألف) والله كلس ..
ضحك (البعيو) وهو يحاول قول شئ ما وعجز من فرط إستغراقه في الضحك .. حتى راح (أب تسعة) يستحثه على الحديث : مالك يا(البعيو) ضحكنا معاك , ..في شنو ؟
إستغرق (البعيو) دقائق حتى أستطاع تمالك نفسه ثم قال: ياخي إتذكرتا كلام الدكتور , زولك قال لقا نفسو ساكن في شارع كلو (حكومة) , شي وزير داخلية , شي عضو برلمان , .. قال لي : لقيت نفسي في شارع كلو (كيزان) , إضطريت أكتب على بابي (منزل أحرار) .. وضحكا حتى أدمعت أعينهما .. وماهي إلا لحظات حتى بدأ يومها من جديد ...!!
(عدل بواسطة كمال علي الزين on 01-31-2009, 00:13 AM)
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
(*)
كان الجو ماطراً .. وقد صاحبت أمطار تلك (الليلة) برودة كأن الفصل شتاء , .. وماهو بشتاء , .. كان مطعم (عم سليمان) لايغلق أبوابه حتى ساعات الصباح الأولى , .. وللحقيقة كلمة (مطعم) قد توحي بأكبر مما أمتلكه (عم سليمان) .. وقد توحي بأنه على شاكلة (المطاعم) كمايعرفها الناس , .. كان عبارة عن (طربيزة) صغير وضعها أمام بيته وبجوارها (برش) وعلى يمينها (موقد فحم) كبير وضع عليه (قدرة الفول) .. وعلى سطح (الطربيزة) بضعة أواني بها (جبن) و(سلطة) و(آنية زيت) .. وهنالك بركن بيته (لمبة) تجمعت حولها الحشرات في (فتور) .. كان يفتح حتى ساعات الصباح لأنه كان مفترق طرق بين بيت (ميري) وبيوت (الحي) وكان زبائنه وزبائن (ميري) ذات الوجوه , .. يعبرونه دون تحية , يتوجهعون نحو (بيتها) .. ثم يعودون لتحيته كأنهم يرونه للمرة الأولى .. يعودون بعد أن أحتسوا بضعة (كؤوس) من (عرقي ميري) ذو الطعم المر والرائحة الكريهة .. لكنهم ليسوا مخيرون ... فلاشئ هناك سوى (عرقي ميري) .. (عم سليمان) ينتظرهم في صبر .. وتبدأ ليلته مثلهم متأخرة بعض الشئ , .. يفرغ منهم ثم يتوجه لأداة (صلاة الصبح) , بعد أن تعشى السكارى من فوله(الني) ..!!
(عدل بواسطة كمال علي الزين on 01-31-2009, 01:05 AM) (عدل بواسطة كمال علي الزين on 01-31-2009, 01:05 AM) (عدل بواسطة كمال علي الزين on 01-31-2009, 01:07 AM)
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
(*)
في تلك الليلة الماطرة , .. وذلك الجو الذي أشتى (صيفاً) .. تجمع زمرة من (مريدي ميري) وعرقيها , .. وزبائن فول (عم سليمان) الني , على (برشه) الذي نسميه مجازاً (مطعماً) .. ليلتها أنقطعت الكهرباء من أثر (المطر) , .. وجاء (رمضان) و(أب تسعة) و(البعيو) بعد أن شربوا (الهانيكان) فقد حاربوا (ميري) وعرقيها مذ عمل (رمضان) بالسفارة الألمانية .. كانوا يتضاحكون كأنهم عادوا كما كانوا بسنوات خلت , .. حين كانت تجمعهم (نفوس) .. علق (البعيو) على الأمر قائلاً : ما ملاحظين إنو إحنا إتفرقنا من يوم غابت (نفوس) ..؟ وكأنها هي سبب لمتنا , بقينا نتلاقى في السنة حسنة , .. وين (كاوية) و(أبوالشي) , ؟
رد عليه (أب تسعة) في حزن : تعرف وماطالبني حليفة , أنا لو ما (الدفار) ده أمانة و(نفوس) وصتنا عليهو كنتا رجعتا (السوكي) زمان , وأسي والله بس خليهو يكبر ويعرس ويستقل بي حياتو والله ماتشوفوني في (خرطوم) السجم دي ..!!
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
سلام يا كمال ياخي عشان شغلك ما يضيع و ما يبقى حدو المنبر هنا و بس.. اكتبو برة في الأول و بعدين انسخ و كوبي لينا منو هنا..و للا شنو يا (مان)؟
_____________________________________________ هكروا ايقونة الوردة..كنت عاوز اختها في المداخلة دي..
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
(*)
تجادلوا كثيراً ليلتها حول أمر تفرقهم بعيد رحيل (نفوس) المفاجئ .. (أب تسعة) و(البعيو) و(رمضان) .. كانوا يتحاشون التطرق إلى سيرة (أبوالليل) , .. فقد رحل أيضاً بعد بكاءها وأصر على المبيت عند قبرها , .. وبعد أن أسمى أبنته أيضاً (نفوس) .. وهم على تلك الحال , مخمورون , يتجادلون في ود .. نظر (البعيو) إلى طرف (البرش) هنالك , .. رأي ممجموعة من (السكاري) يلتفون حول (صحن الفول) الني الذي وضعه أمامهم (عم سليمان) وراحو يلتهمونه , يمضغونه دون تلذذ, .. حسبهم أنه كان ساخناً وأن (عم سليمان) هو خيارهم الوحيد بعد أن أنتصف الليل .. وأغلقت المحال أبوابها ونام الوجود .. خلفهم لمح (البعيو) شبح صبي إستلقى على طرف (البرش) , .. برزت عيناه ولمعتا في غضب .. إقترب منه , وهزه برجله دون أن ينحني عليه , .. رفع الشبح رأسه ونظر بوجهه مباشرة .. كان الوجه وجه (عبدالله الدفار) , .. أحس (البعيو) بغصة في حلقه , .. حين فاحت من فم (الدفار) رائحة (عرقي ميري) .. كاد أن يجن , أراد أن يصيح منادياً صحبه , .. لكنه عجز عن النطق .. ألجمته (المفاجأة ) ..!!
(عدل بواسطة كمال علي الزين on 01-31-2009, 05:54 PM)
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
(*)
أخذ (حسن البعيو) يعنف (عبدالله الدفار) ,.. ثم أخذه بعيداً(مطعم عم سليمان) دون أن يلحظ الآخرون وجوده كان يحس بأن (أب تسعة) سيصاب بإحباط شديد ربما سيلازمه طويلاً إن رأي (عبدالله الدفار) طفلهم الذي حلموا بتربيته تربية جيدة كما وعدوا أمه (نفوس) قبيل وفاتها .. أرادوا أن يحققوا حلمهم الذي ضاع في أن يصبحوا شيئاً آخر غير الذي أصبحوا عليه , .. أرادوا أن يجنبوه تجاربهم .. أرادوا أن يصنعوا لها مستقبلاً لم يجدوا هم من يساعدهم على صناعته لأنفسهم , .. كان حلمهم أن يصبح (الدفار) رجلاً محترماً متعلماً ,وأن يجد موقعاً بمجتمع لفظهم هم , مجتمع كان يتعامل معهم معاملة (المجزومين) ..
| |
|
|
|
|
|
|
Re: أيام (عبدالله الدفار)..!! (Re: عبدالأله زمراوي)
|
مولانا/ عبدالإله زمرواي .. صباحك خير .. إنتا بكون عجبك المقطع ده :
Quote: إستغرق (البعيو) دقائق حتى أستطاع تمالك نفسه ثم قال: ياخي إتذكرتا كلام الدكتور , زولك قال لقا نفسو ساكن في شارع كلو (حكومة) , شي وزير داخلية , شي عضو برلمان , .. قال لي : لقيت نفسي في شارع كلو (كيزان) , إضطريت أكتب على باب بيتي (منزل أحرار) .. وضحكا حتى أدمعت أعينهما .. |
الكلام أعلاه على مسؤلية (حسن البعيو) ..!!
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
سلام اخي كمال
انتظرنا بفارغ الصبر نهايه قصه نفوس بعد لقاءها بوالدتها, ولكنك لم تكمل او لم اتابع انا... رغم حرصي..,حزنت لها حزنا شديدا فانكسار الامل قبل انكسار الخاطر شيء مفجع...ولكن هي الحياه هكذا....
عموما سرد جميل....لك التحيه .
| |
|
|
|
|
|
|
Re: أيام (عبدالله الدفار)..!! (Re: SHIBKA)
|
Quote: كعادتي متابعة لما تكتبه وكالعادة في ملاحظة .... بس خليها للاخر !!!
|
إزيك يا(هند) ده مشروع (شبكة) ؟ الله يستر شايفك من يوم جيتي هنا ما (أتشبكتي) مع زول .. سحروك ولا كيف؟
في إنتظار ملاحظتك ..
محبتي ..
| |
|
|
|
|
|
|
Re: أيام (عبدالله الدفار)..!! (Re: SHIBKA)
|
Quote: بمناسبة الشبك دي كتار محتاجين الشبك لكن دايرين الفضى والبال الرايق ودي ما ايامهم |
صباح الخير يا(هند)
كفو والله بتقدريهم ..
تلفوني إتغير بالمناسبة الجديد تلقيهو في (البروفايل)
محبتي ..
| |
|
|
|
|
|
|
Re: أيام (عبدالله الدفار)..!! (Re: سلمي النصري)
|
Quote: انتظرنا بفارغ الصبر نهايه قصه نفوس بعد لقاءها بوالدتها, ولكنك لم تكمل او لم اتابع انا... رغم حرصي..,حزنت لها حزنا شديدا فانكسار الامل قبل انكسار الخاطر شيء مفجع...ولكن هي الحياه هكذا....
|
سلامات ياسلمي حا أنزل الجزء الأول هنا بعد أكمل فعلاً ماخلصت حكايتها ..
محبتي ..
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
(*)
(نفوس) كانت تسكن أقصى طرف الحي , .. كان أسمها (نفيسة ) , ولكنه لم يكن يحمل جرساً رومانسياً , .. أو هكذا تزعم نفوس ... أسمت نفسها (نينا) ولكن (حسن البعيو) و(أبوالليل ) سخرا منها , .. لأن ضخامة حجمها وعمرها الذي مضى نحو عقدهاالرابع لا يتناسبان , وجرس موسيقى (نينا) , فقالت : (شكيت محنكم, هي بس بقت علي أنا ,.. خلاص خليتا (نفوس) عشان خاطركم ..!!)
(*)
حسن البعيو , يدعي أنه (فونجاوي) , أي أنه ينتمى إلى الفونج , .. الذين أسسوا دولة السودان بشكلها الحديث , .. (نفوس) تتشكك في أمر زعمه هذا , وتقول: إنتا يا سجمان كلك قدر ضراعي دي .. مخولق , والهوا يشيلك , أنا الزيك ده لو سمعوا بيهو (بات معاي) , بخرب سمعتي , في السوق , ..!!
يرد عليها (حسن البعيو) : أسي الجاب سيرة المبيت معاك منو , إنتي باين عليك مكسرة فيني ساي , .. أنا (فونجاوي) سيد البلد دي , والزيك دي ما مستواي , ..!!
قبل أن ترد عليه , بعد أن أغضبها تهكمه يأتيهم صوت (عمر كاوية) صائحاً : يا (نفوس) البوليس كبس على بيت (أبوالليل)..!!
(عدل بواسطة كمال علي الزين on 02-02-2009, 02:42 AM)
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
(*)
(والله إتأخرتوا شوية ياجنابو , .. البنقو ده كان شوالين أسي بقى كم قندول كده , بعتو كلو) هكذا بادر (أبوالليل) الضابط الذي ظهر من خلف (عساكره ) بعد إقتحامهم بيته , .. رد الضابط وقد بدا راض عن غنيمته : ده كفاية يا(أبوالليل) بوديك (سجن أمدرمان) عشرة سنة كده ..!!
رد(أبوالليل) : والله بس ما مقامك يا(جنابو) .. لو عارفك جاي كنتا خليتم ليك كم شوال كده , تترقى بدل ما قاعد مقدم من أيام (البوليس أب ردا)..!!
رد الضابط : بطل فصاحة يا (أبوالليل ) ..!!
ثم أشار إلى عساكره لأخذه إلى البوكس بالخارج ..!!
(*)
(أبوالليل) , يقال أن أسمه (آدم) , . لكن هذا اللقب طغى على إسمه , لأن شكله كان أقرب إلى أن يكون (أبوالليل) , .. كان نحيفاً , طويلاً , أسوداً , وعيناه لا تتناسبان مع شكله , .. كان (أبوالليل) يمتلك عينان بحجم كرة (المضرب) , تبرزان إلى الأمام , .. كان يمتهن (بيع) البنقو , ولكنه , كان إنساناً بكل ماتحمله الكلمة من معنى , .. طيب القلب , ودوداً , مسالماً , .. وكان صاحب واجب ..!!
(*)
(حسن البعيو) , كان (ميكانيكي) شاطراً , .. يفتح ماكينة السيارة ويجلس عند حافتها , .. ولو أن غطاء الماكينة أغلق عليه , فسوف يظل يلعن بالداخل , حتى يلحق به أحدهم , .. كان بحجم زراع (نفوس) , فعلاً , .. لأن (نفوس) كانت عملاقاً , وكانت تحمل ثديين بحجم أخانا (حسن البعيو) , .. (حسن ) كان يدعي أن (نفوس) ليست (التيب) بتاعو , .. وكانت الجملة الأنجليزية الوحيدة التي ينطقها طوال يومه , .. بل ربما طوال حياته , .. ربما سمعها من صديق أمسياته (بروفسور عبدة) , .. فليس خافياً أن (حسن البعيو) و(د. عبدة) الأستاذ الجامعي , والمثقف التقدمي , .. تربطهما صداقة حميمة , ..!!
(نفوس) كانت تستطيع أن تسد الطريق على (مدرعة ) من (مدرعات الجيش) , .. حسبها أن (قزة كوع) على وسطها , وصدرها الذي يزن أطناناً , يمتد أمامها
(*)
ذات يوم كان (البوليس) يبحث عن (حسن البعيو) , .. لجأ (حسن البعيو) إلى أصدقاء عدة , وسرعان مايفاجأ بأن (البوليس) قد لحقه , .. تسامع الناس نبأ البحث عن (حسن البعيو) , ولم يستطيعوا فعل شئ , .. حتى أخبر أحدهم(نفوس) , ... (نفوس) جزعت له , .. ومضت تمشط الشوارع والبيوت بحثاً عنه , .. وجدوها باكية تجلس على عتبات (بيت أبوالليل ) الذي آل إلى (خراب) بعد القبض عليه , ..
غنت له ولأبوالليل مناحة تناقلها الناس :
(حسن البعيو) حبيب قلبي , ..
ماشفتو ..
(حسن البعيو ) صديق كربي ..
ماشفتو..
(حسن البعيو) رسول ربي ..
ماشفتو ..) وهنا ظهر لها (حسن البعيو) فجأة , وأنتهرها قائلاً : يا(نفوس) رسول شنو , عاوزة تجيبي لي الهوا كمان , أنا قضيتي (قطعة بنقو) , .. عاوزاهم يلحقوني (محمود طه) داك الله يقطعك , ..
ردت فرحة : هي بركة الشفتك طيب , (محمود طه ) ده شنو , ورسول شنو يا سجمان إتا , القافية حكمت ساي , ..
وبدأ شجارهما المعتاد .. وجفت دموع (نفوس) على (حسن البعيو) , .. وبدأت في تحقيره وشتمه ..!!
إمتد شجارهما لدقائق معدودات , .. ثم بدأت (نفوس) في الصياح : يا(بوليس) البعيو ود الكلب أهو ده .. يابوليس (البعيو) أهو ده تعالوا أمسكوهو ريحونا منو .
صاح فيها (حسن البعيو) قبل أن يولي هارباً : سمح يا(نفوس) بأدبك , بتسلميني للبوليس .. ثم ركض وأختفى من أمامها , .. عادت تنوح عليه بعد أن غاب عن أنظارها :
(حسن البعيو مابستاهل
حسن البريدني وبتتاقل
حسن ...) لابد أن (كاوية) و(أبوالليل) يذكرون بقية المناحة , .. سألت عنها (حسن البعيو) ذات يوم فأنكر حدوث الأمر , .. ظناً منه أن (نفوس) ليست من مستواه وأنه سيتزوج (مصرية) بيضاء , .. حسب زعمه المصريين لن يرفضوا تزويحه , .. حسبه أن يجمع (التفتوفة) ..!!*
___________________________________
*(التفتوفة) في معجم (حسن البعيو) تعني مالاً كثراً ..!!
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
(*)
(حسن البعيو) , لم يجد ذاك المساء ملاذاً آمناً سوى (نفوس) , .. بعد أن أعياه الترحال بين بيوت أصدقاءه , فكر ملياً , ولم يجد سوى خيارين , .. بيت صديقه (د. عبده) وهو (زول كاسو وقعداتو) , وبيت (نفوس) لأنها لن تتردد في المخاطرة من أجل , .. أصدقاءها وأحبابها , وربما تفضل مواجهة (كتيبة ) من (البوليس) على أن تخذل صديقاً , .. (نفوس) شرسة جداً في الدفاع عن أصدقاءها , .. توقف (حسن البعيو) أمام بيت (د. عبدة) وطرقه , .. ردت عليه زوجته من الداخل : منو إنتا؟
أجابها : أنا (حسن حامد) ..
ردت : (حسن حامد) منو ؟
أجابها موضحاً : (حسن البعيو) طيب ..
سرعان مافتحت الباب وأطلت من خلفه جزعة : كتر خيرك يا(حسن) والله فيك الخير .. جيت تسأل عن صاحبك ؟
أجابها : مالو ..؟
قالت : أمبارح بالليل جو ناس الأمن ساقوهوا , وماعارفينهم ودوهوا وين ..؟
تمتم (حسن) : عليك أسي ده وقت (نضال) يا دكتور , عشان محتاج ليك ؟
سألته : قلت شنو ..؟
أجابها : لا مافي حاجة .. أدخلي وإطمني أنا حا أمشي أسأل عنو عندي قريبي أمنجي إبن جزمة .. خشي ..
ثم تأكد له, .. أن لا مناص من لجوءه إلى (نفوس) ..!!
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
(*)
جلست نفوس أمام باب غرفتها الصغيرة , التي هي كل بيتها , .. غرفة من طين بلا أسوار , تقضى أمسياتها على عنقريب قديم , أمام غرفتها , .. وتنام عليه , دون أن تخاف شيئاً , .. فهي لا تملك ما يطمع به طامع , .. كما أنها تتمتع بمحبة جميع من عرفها , رغم ضيق خلقها ولسانها اللازع , .. إلا أن الجميع يعرفون أن (قلبها الطيب) هو جل ما تملكه من ثروة , .. إستلقت على (العنقريب) الذي يكاد يئن من ثقل وزنها , .. وترهل جسمها على جانبيه , .. ظلت تراقب النجوم , وتفكر في حالها وفي حال أصدقاءها , .. حتى متى يعيشون هذه الحياة , مطاردة , عزلة , فقر مدقع , .. هوان على الناس ..!! سرعان ماغفت (نفوس) , .. بعد أن داهمها النعاس وهي تتطلع إلى النجوم , وتفكر في أحوالها وأحوال صحبها , .. غفت لساعات دون أن يطلع على ليلها الصباح , .. وبدأت الأمطار في الهطول , .. ولم تعد تقوى على إحتمالها بالخارج , .. حملت لحافها الصغير وركضت نحو غرفتها , .. والأرض من تحتها تشكو , ثقل وزنها , وصوت خطواتها تدب بالأرض , يكاد يضاهي , .. صوت إنهيار حائط من الأسمنت المسلح , .. هوت بكتفها على باب الغرفة , دون أن تفلت لحافها , فتهاوى مصراعيها أمام ثقلها وأنفتح , .. وضعت لحافها على العنقريب الآخير , وجلست عليه , .. وماكادت تحط بثقلها على اللحاف حتى سمعت صوت صرخات إنسان يئن من تحتها , ..
ويشتم ويلعن ..!! صعقت (نفوس) , وهبت من جلستها كأن شيئاً قد لسعها , .. لم تكن تملك ترف الكهرباء , .. راحت تصيح في هستريا , وتضرب على موضع جلوسها , تصرح : منو , .. حرامي , .. منو ..؟
رد عليها صوت (حسن البعيو) : حرامي شنو يا سجمانة , خلاص يا (ماما جليلة) *, عمارتك أقفليها كويس تاني , .. والله الحرامي الليقصد خرابتك دي إلا يكون مشتهي ليهو دقة ساي ..!!
ردت : الله يقطعك يا (البعيو) بتدخل بيتي من وراي وتنوم كمان .. ؟ أجابها في يأس : والله مالقيت غير خرابتك دي مكان ., مجبور على إحتمال قلة أدبك وطولة لسانك ..!! أجابته في عدوانية: هوي يا(البعيو) منو القال ليك بخليك تبيت هنا , إنتا برضك راجل وأنا مرة , .. وسمعتي ..و..
قاطعها (البعيو) : سمعة شنو يا (بت السيد علي) .. إنتي منو الما بات معاك , إنتي أقل حاجة عندك (تمنية صلايب إيدز) , . بعدين إنا ستمية مرة قلتا ليك إنتي أصلاً ما (التيب) بتاعي ..
ردت غاضبة :
يتبتب لحمك وشحمك , تشتمني في بيتي , بعدين أنا والله (عزراوية) لسا..!!
رد عليها :
عزرائيل ياخدك , إسمها (عزراء) , ده جهل شنو ده ..!! قالت وكأن كلامه لم يؤثر بها:
البركة ياخوي في دكتور (عبدة) بتاعك ده , علمك الحديس ولبس القميص , .. أنا زاتي من زمان شاكا فيهو إنو (طهار) ساي ما دكتور ..دكتور شنو البصاحب الزيك ديل ..!!
رد عليها وهو يشعل سيجاره : قاتل الله الجهل .. إنتي قايلاهو دكتور بعالج الناس , ده دكتور في (الفلسفة) ياجاهلة , بعدين إشمعنا إخترتي الطهار بس , .. مرة صعلوقة تفكيرك دائماً في (بتاعات) الرجال ..!! ومضى بينهم الحوار حتى خرجت الشمس من تحت الأرض ..معلنة صباحاً جديداً !!
_______________________________________ * (ماما جليلة) كانت تمتلك عمارة قريبة من الحي وكانت نائباً لمدير التلفذيون , علها بخير أيضاً ..!!
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
(*)
جلست نفوس أمام باب غرفتها الصغيرة , التي هي كل بيتها , .. غرفة من طين بلا أسوار , تقضى أمسياتها على عنقريب قديم , أمام غرفتها , .. وتنام عليه , دون أن تخاف شيئاً , .. فهي لا تملك ما يطمع به طامع , .. كما أنها تتمتع بمحبة جميع من عرفها , رغم ضيق خلقها ولسانها اللازع , .. إلا أن الجميع يعرفون أن (قلبها الطيب) هو جل ما تملكه من ثروة , .. إستلقت على (العنقريب) الذي يكاد يئن من ثقل وزنها , .. وترهل جسمها على جانبيه , .. ظلت تراقب النجوم , وتفكر في حالها وفي حال أصدقاءها , .. حتى متى يعيشون هذه الحياة , مطاردة , عزلة , فقر مدقع , .. هوان على الناس ..!! سرعان ماغفت (نفوس) , .. بعد أن داهمها النعاس وهي تتطلع إلى النجوم , وتفكر في أحوالها وأحوال صحبها , .. غفت لساعات دون أن يطلع على ليلها الصباح , .. وبدأت الأمطار في الهطول , .. ولم تعد تقوى على إحتمالها بالخارج , .. حملت لحافها الصغير وركضت نحو غرفتها , .. والأرض من تحتها تشكو , ثقل وزنها , وصوت خطواتها تدب بالأرض , يكاد يضاهي , .. صوت إنهيار حائط من الأسمنت المسلح , .. هوت بكتفها على باب الغرفة , دون أن تفلت لحافها , فتهاوى مصراعيها أمام ثقلها وأنفتح , .. وضعت لحافها على العنقريب الآخير , وجلست عليه , .. وماكادت تحط بثقلها على اللحاف حتى سمعت صوت صرخات إنسان يئن من تحتها , ..
ويشتم ويلعن ..!! صعقت (نفوس) , وهبت من جلستها كأن شيئاً قد لسعها , .. لم تكن تملك ترف الكهرباء , .. راحت تصيح في هستريا , وتضرب على موضع جلوسها , تصرح : منو , .. حرامي , .. منو ..؟
رد عليها صوت (حسن البعيو) : حرامي شنو يا سجمانة , خلاص يا (ماما جليلة) *, عمارتك أقفليها كويس تاني , .. والله الحرامي الليقصد خرابتك دي إلا يكون مشتهي ليهو دقة ساي ..!!
ردت : الله يقطعك يا (البعيو) بتدخل بيتي من وراي وتنوم كمان .. ؟ أجابها في يأس : والله مالقيت غير خرابتك دي مكان ., مجبور على إحتمال قلة أدبك وطولة لسانك ..!! أجابته في عدوانية: هوي يا(البعيو) منو القال ليك بخليك تبيت هنا , إنتا برضك راجل وأنا مرة , .. وسمعتي ..و..
قاطعها (البعيو) : سمعة شنو يا (بت السيد علي) .. إنتي منو الما بات معاك , إنتي أقل حاجة عندك (تمنية صلايب إيدز) , . بعدين إنا ستمية مرة قلتا ليك إنتي أصلاً ما (التيب) بتاعي ..
ردت غاضبة :
يتبتب لحمك وشحمك , تشتمني في بيتي , بعدين أنا والله (عزراوية) لسا..!!
رد عليها :
عزرائيل ياخدك , إسمها (عزراء) , ده جهل شنو ده ..!! قالت وكأن كلامه لم يؤثر بها:
البركة ياخوي في دكتور (عبدة) بتاعك ده , علمك الحديس ولبس القميص , .. أنا زاتي من زمان شاكا فيهو إنو (طهار) ساي ما دكتور ..دكتور شنو البصاحب الزيك ديل ..!!
رد عليها وهو يشعل سيجاره : قاتل الله الجهل .. إنتي قايلاهو دكتور بعالج الناس , ده دكتور في (الفلسفة) ياجاهلة , بعدين إشمعنا إخترتي الطهار بس , .. مرة صعلوقة تفكيرك دائماً في (بتاعات) الرجال ..!! ومضى بينهم الحوار حتى خرجت الشمس من تحت الأرض ..معلنة صباحاً جديداً !!
_______________________________________ * (ماما جليلة) كانت تمتلك عمارة قريبة من الحي وكانت نائباً لمدير التلفذيون , علها بخير أيضاً ..!!
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
(*)
خرجت (نفوس) في رحلة البحث عن قوت يومها , .. رحلتها التي تبدأ من (غسيل) الملابس و(الأواني) لبعض أهل الحي , .. ثم بعدها البحث عن (بيت عرس) لمعاونة أهله على غسل الأواني مقابل أجر زهيد , .. وأعمال كثيرة تدر عليها ما يجعلها تعود محملة بقوت يومها وسكرها قليل من (البن والشاي) , .. عادت بعد مغيب الشمس ولم تجد للبعيو أثراً , .. سهرت في إنتظاره , .. عاد عند منتصف الليل , وهو يحمل بين يديه أكياساً بها خضروات وفاكهة وخبز , وأسماك مطهوة جاهزة , .. قابلته (نفوس) بتكشيرة ولامته قائلة: ده شنو يا البعيو , إنتا ضيفي ما تعمل كده تاني .., ..
سخر منها قائلاً : هو إنتي لاقية تاكلي , بطلي فشخرة , ..
ومن يومها رق قلبه لها , .. ورق قلبها له , .. وبدأت حكاية (عادة سرية) جداً ..!! .
(*)
ليلتها سكر (حسن البعيو) , حتى تخيل نفسه عملاقاً , .. وهطلت الأمطار وأضطرتهما للمبيت تحت سقفها الأوحد , .. إستيقظت صباحاً , لتجد نفسها عارية و(البعيو) يغط في نوم عميق بين أرجلها , ..
وكان , .. (عاري) أيضاً , .. لم يتحدثا عن الأمر , تحاشا أن ينظرا إلى بعضهما , .. (البعيو) أنكر دائماً أمر مضاجعته (نفوس) , .. (نفوس) لم تكن تعتبر (البعيو) رجلاً , .. إستمرت تضاجعه وتعتبر الأمر ممارسة للعادة (السرية) , .. تستخدم فيها أداة هي (حسن البعيو) , .. حتى وشى بها أحدهم يوماً , وأبلغ عنها بحجة أنها تساكن رجلاً دون زواج , .. وجاءت الشرطة ..!!
(الشرطة الشعبية) أرسلت شيخاً في السبعين , لإقتحام بيت (نفوس) , والبحث عن الرجل المزعوم ,.. مولانا كان معلماً قديماً بالمدارس الإبتدائية , إنتهى به الأمر مؤذناً , ثم مجاهداً , بمحاكم التفتيش , بحثاً عن عورات الناس , وإقتحام بيوتهم , بحجة منع الرزيلة وإفشاء مجتمع الفضيلة , ..
مجتمع الفضيلة الذي تغاضى عن جوعها وعريها , وهوانها على الناس , .. اليوم يبحث أمر تأديبها , .. ذات المجتمع الذي لم يبحث يوماً , أمر إعطاءها مسكناً مناسباً , وعملاً لائقاً , ومصدراً للدخل يكفيها شر التنقل بين بيوت الناس , لإزالة أوساخهم من على ملابسهم وأوانيهم , وبالوعاتهم , .. يطالبها اليوم بأن تمتثل لمعتقداته وقيمه المزعومة , .. قيمه التي تنادي بالفضيلة , .. وتسقط الرحمة , ..!!
جاءها مولانا راكلاً بابها الذي صنع من صفيح تمت إعادة تصنيعه مرات عدة , .. أخراها أنه كان (صفايحاً لجبنة ) الدويم الممتازة , قبل أن يقف ساتراً بين (نفوس) ومجتمعنا الفاضل , ..
دخل عليها(مولانا) صائحاً :
ياساتر .. قالها بعد أن إقتحم الغرفة بالطبع , .. كانت مستلقية على عنقريبها و(البعيو) بين أرجلها يقط في نوم عميق , .. غطت على كامل جسد (البعيو) بثوبها , وهبت لمواجهة (الشيخ المجاهد) , .. بادرها قائلاً : إنتي (نفيسة) ..؟
أجابته : لأ , (ليلي المغربي) , ..
أجابها في جدية وغلظة : يامرة أتأدبي .. أنا في مهمة رسمية , ..
ردت بسرعة : إنشاء ماتكون جاي هنا تحرر كبويتا ..
غضب مولانا وتجاهل جملتها الأخيرة وقال : جانا بلاغ إنو معاك راجل هنا , ..
(قزت كوعها) ولله في أمر (نفوس) شئؤن حين تقف موقف (قزة الكوع ) وقالت : أنأ ماشايفة لي راجل قدامي ,.. (قالتها وهي تشير إليه) , ..
غضب مولانا وقال : النايم ده شنو ..؟
ثم تفحص (حسن البعيو) من تحت ثوبها وقال : الشافع ده منو ؟
قالت :
ده ود أختي عندو ملاريا,ومرقداهو عندي عندي مانع ؟ ..
نظر نحوها شذراً , ثم توجه نحو الباب في مشية عسكرية , .. ومضى ..!!
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
(*)
(عبدةأبوتسعة) , كان مساعداً لأبوالليل في توزيع (البنقو) , .. (أب تسعة) من نواحي (السوكي) , جاء إلى العاصمة كغيره بحثاً عن حياة أفضل , .. طغى عليه أيضاً إسم (أب تسعة) لأن أحد أصابع يده اليمني تعرض للبتر في حادثة غريبة , رواها هو , (أب تسعة) كان يشارك (البعيو) محبة (نفوس) و(فراشها ) مناصفة , ..
وكانا أصدقاء , لم تفسد المنافسة على (نفوس) صداقتهما أبداً , .. كانت (نفوس) تعتبر (أب تسعة) رجلها الحقيقي , .. و(البعيو) أداة (للعادة السرية) تستخدمها بغيابه , .. (أب تسعة) كان شكله يوحي بأنه (مثقف) , .. بنطلون (الشارلستون) و(النظارة السميكة) و(القلم الباركر) على جيب (قميصه ) لا يفارقه , .. والجريدة تحت أبطه دائماً , أو بين يديه , .. كاذب من يقول أنه رآه يوماً يقرأ , (جريدته ) تلك , .. أو أي مكتوب آخر , ..!!
حسن البعيو) لم يكن يرى الأمر على هذا النحو , .. كان يسخر من إدعاء (نفوس) , ويبرر للأمر على نحو آخر , ..
يقول (البعيو) : ( (أب تسعة) ماعندو حاجة , وديني ما بقدر على (نفوس) دي , .. لكن بس بتقشر بيهو ساي , خجلانة من شكلي المكوجن ده , .. (أب تسعة) يمشي معاها السوق , ويركب معاها المواصلات, راجل طويل عريض لبيس وشكلو محترم , .. لكن بالليل يخربو ما بسوى شي , .. الليل حقي أنا , والله بفرفر ليك في (نفوس) دي جنس فرفرة , .. والصباح تحكي لي (عشة خنفس) تقول ليها :
والله (أب تسعة) أمبارح كتلني عديل كده ..)
ثم يستطرد (حسن البعيو) قائلاً: (أنا ما زعلان والله , (أب تسعة) ده فردتي و(نفوس) كمان معذورة , .. أنا خلاقة و هي عاجباها روحا .. نحنا كده أسرة ناجحة , عارف لو (نفوس) ولدت ,بكون الجنا جناي, لكن إسمو ود (أب تسعة) , .. خليهو يشيل شيلتو , ..أنا بلد والله يقدروا على الرباية ..!!)
(*)
(أبوالليل) قضى بضع سنوات بسجن أمدرمان , .. وعاد ليتزوج من إحدى قريباته , كانت صغيرة جداً , تزوجها وهي إبنة (ثلاثة عشر) وأنجب منها , صار (أبوالليل) متصوفاً , وترك زعامة تسويق (البنقو) لمساعده السابق (أب تسعة) , .. (أب تسعة) أدارها بنجاح وإقتدار , وتوسع في تجارته , .. وسرعان ما ألقت الأرض بشخصيات جديدة , .. (أبو الشي) , ( فرح آتو) و(رمضان الحلبي) , .. وكلهم مسلط على طريقته , ..
(حسن البعيو) في أواخر (رمضان) إعتكف بالمسجد , .. رأى رؤيا , وناداه منادي , حسب زعمه , .. ورفض الصلاة خلف (شيخ سليمان نكير) لأنه كان من (الكيزان) , .. (شيخ عبدالجليل) أسماه الناس (شيخ عبدالجليل نكير) لأنه كان فضولياً و(حشريا) , .. وكان حسب زعم (البعيو) دجال وبحب (العيال) ..
ولكن هذه قصة أخرى ..!!
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
(*)
(حسن البعيو) إستعار (عراقي) أبيض اللون من صديقه (د. عبدة) , .. كان (العراقي) على (البعيو) جلباباً طويلاً , وعلى عنقه لف (مسبحة) طويلة , .. ثم أعتزل (نفوس) وأنشغل عن الناس بمجالسة صديقه (د. عبدة) الذي حببه إلى القراءة , ..
قال (البعيو) : قريت ليك كتاب إسمو (رحلتي بين الشك واليقين) , بتاع (مصطفى محمود) المصري داك , .. كنتا عاوز أقوى يقيني , .. وحات الله شككني أكتر , .. الناس ديل دينهم ده غير بتاع الله والرسول ده ..؟ ونجوم وأفلاك وماتعرف إيه , السما والقمر , .. الدين ده ماداير ده كلو , .. طيبة وظرافة كده , .. وحب الناس يحبوك , .. وتختى النسوان الزي (نفوس) دي , .. الجنة تدخلا دغش , ..!!
لم تكد تمضى أشهر , حتى عاد (حسن البعيو) إلى معسكر الفوضى أكثر قوة وحماساً , .. لكنه كان أكثر إيماناً بأن رحلته بين (الشك واليقين) قد أتت أكلها , .. فقد عرف (عبدالجليل نكير) عن قرب , وقرأ سيرة (الصحابة) , ومؤلفات (مصطفى محمود) , .. كسر (البعيو) كل ذلك , وصار كل يوم يمضى في طريق حلمه بالتغيير والتغير , .. حتى ليلتها , ..
ليلة وفاة (نفوس) , ..!!
(*)
سمعت (نفوس) أن لها أم كبقية خلق الله , .. لكنها كانت تعيش بعيداً بعض الشئ , كانت تعيش بقرية قرب (الرنك) , .. أصرت على أن تسافر لرؤيتها , ..
أبوها هو الذي تولى رعايتها , حتى سن الرابعة , .. وبعدها تولت هي رعاية نفسها , .. فقد توفى بعد أن لدغته (حية) بموقع (الفرن) الذي كان يعمل به , .. يقال أنه كان (حبشياً) , جاء إلى السودان عن طريق (الكرمك) , .. ولكنه إستوطن (بالرنك) في بادئ الأمر وتزوج (أم نفوس) وأنجبها , ثم تطلقا , .. فحمل أبنته على كتفه وهرب بها ليلاً إلى (الخرطوم) , ..
وهكذا عرف الناس (نفوس) , ..!!
(*)
(أب تسعة) وهو يروي قصة بتر إصبعه , كان يحرص على تحاشى وجود (حسن البعيو) , ..
يقول بعد أن يتلفت يمنة ويسرى ويتأكد أن (البعيو) لا وجود له على مدى دائرة قطرها عدة كيلو مترات: أنا كنت حارس مرمي أقبض الحمامة , الموية لو دفقتها ما تدخل , .. (حامد بريمة) ده دربتو أنا , لكن الدنيا بت الكلب , .. كنت لابس خاتم تقيل كده , واقف بيهو في مباراة ضد ناس (عباس البعشوم) , ..
(عباس البعشوم ) شات فيني كورة بي كراعو الطرشا (اللفت) ديك , طرتا ليك معاها لحدي ما طلعتهابي فوق للعارضة بي طرف أصابعيني , يدي شبكت في الغماز البعلقو فيهو الشبكة , الخاتم دخل جوة الغماز , وقعتا الأرض يدي خدرانة ودمها كابي , والخاتم وأصبعي معلقين في القماز بتاع العارضة , .. ودوني المستشفى , و ..
يسرع في إنهاء القصة مخافة أن يطل عليه (حسن البعيو) مكذباُ ..!!
أما (حسن البعيو) فله رواية أخرى حول أمر بتر إصبع (أب تسعة) لا ترضى (أب تسعة) , .. لكن (حسن البعيو) لا يحفل برضاءه من عدمه ويرويها كلما وجده يتحدث عن بطولاته كحارس مرمى , فقد إصبعه وهو يحمي مرماه في مباراة كرة قدم أمام (عباس البعشوم) صاحب الرجل الطرشا , ..
يباغته (حسن البعيو) قبل أن يكمل :
بالله شوف الزول الكضاب ده , .. إنتا بتجليها واقفة وحات الله أشوت فيك (كشك) يدخل بدون ماتشوفوا , ..
يا أخوانا الزول ده كان حرامي , أيوة حرامي عديل كده بنط الحيط , دخل يدو في شباك عشان يفتحو سيد البيت طقاهو من جوة بي ساطور ولا أجنة ما عارف طير صباعو وبقت ليهو بي توبة .. بس البتوبو من الكضب شنو ؟
يقاطعه (أب تسعة) دون أن يكترث لإتهامه : إنتا بتعرفني من وين كمان , والله نحنا لو ما الظروف أصلو مانتلاقى والله الزيك ده كان إلا يشوفني , في الجرايد , دنيا بت كلب , ..!!
يضحك (البعيو) , ويمضي وهو يضرب كفاً بكف , ويلتفت قبل أن يغيب عن ناظريه قائلاً : والله يا (أب تسعة ) الجرائد إلا يجيبو فيها صورتك وتحتها بالخط العريض (عثر على هذا الجثة) , ..
وإنتا مصور خشمك مفتوح وعيونك منططة , ..!!
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
(*)
ركض (البعيو) ومن أمامه (أب تسعة) نحو بيت (نفوس) , .. جاءهم خبرها , ..
كانت (الداية) معها وهي على وشك أن تضع مولودها الأول , .. وصلا وجلسا صامتين أمام الغرفة , .. لم يكونا يحفلان كثيراً إبن أيهما هو , .. كانا و(نفوس) أسرة واحدة , ..
خرجت عليهم (الداية) مبشرة بطفل ذكر , .. أعطاها كلاهما ورقة نقدية من فئة معتبرة , .. دخلا على نفوس ونظرا إلى الطفل بجانبها وبهتا , ..
كان طفلاً شديد البياض , ..
صرخ (البعيو) : يجازي محنك يا(رمضان الحلبي) ..!!
(*)
ظلا يحدقان في الطفل وينظرا إلى (نفوس) , .. صاح فيها (أب تسعة) : ده شنو يا (نفوس) ده ود منو ده ؟
أجابته بسرعة :
هي يا (أب تسعة) مالو , ده ود عرب أبياض , جنس الولادة دي إنتا و(البعيو) ده بتقدروا تجيبوها ..؟ والله (رمضان ) بس الخالق الناطق , ده مستقبلو مضمون يا(سجم الرماد) , ..!!
ضحك (البعيو) وجلس على الأرض وقال : يازولة المهم حمدلله على سلامتك إنتي , ..
أما (أب تسعة) فقد خرج دون كلام , .. وبعده جاء (رمضان الحلبي) مهنئاً ..!!
(*)
(رمضان الحلبي) , .. كان من أصول مصرية , ولكن أهله هاجروا إلى السودان قديماً وبرعوا بصناعة (الباسطة والطحنية) , .. لم يكن يمت للمصرين بصلة سوى شكله ولونه , .. كان سودانياً رغم أن والديه لا زالا يتحدثان لهجة مصرية قحة , .. كان ضخم الجثة , أبيض اللون , يغطي صدره ويديه شعراً كثيفاً , .. كان (طويل اللسان) وإبن نكتة , كأهله المصريين , .. يحب (البنقو) و(العرقي) ووالديه , .. كان رغم ضخامته ولؤمه وشقاوته , .. حبوباً ومسالماً , ..
لم يكن يفعل شيئاً شاذا إلا حين يجتمع هو وصديقيه الآخرين , .. (فرح آتو) و(أبوالشي) ..!!
(*)
(رمضان الحلبي) و(أبوالشي) و(فرح آتو) , .. ثلاثتهم كانوا ضخام الجثة , .. برعوا في سرقة الخراف (لزوم القعدات) , .. يلاحقونها على (موتر) يقوده (أبوالشي) , وعندما يحازون قطيع (الخرفان) , .. يسلمون على الراعي المسكين دون أن يتوقفوا , ويمد (رمضان الحلبي) يده القوية , .. ويتناول (الخروف) من بين صحبه ويضعه أمامه على (الموتر) بينه وبين سائقه (أبوالشي) , .. الذي ما أن يشعر بوجود (الخروف) خلفه , .. حتى يعمل يديه في مؤشر السرعة , ليئن (الموتر) وهو ينطلق بسرعة , .. تحت ثقل (رمضان) و(أبوالشي) , ..
والراكب الجديد (الخروف) المختطف ..!!
(*)
(*)
(رمضان الحلبي) , أصبح (مجاهداً) , .. نعم , إنضم إلى (مليشيات الدفاع الشعبي) , .. وتدرب وغادر مهللاً , مكبراً إلى (ساحات الجهاد) , .. أعادوه من (جوبا) , وعلى يديه (كلبشات) , وقد فقد ربع وزنه , ..
(رمضان ) أراد أن ينعش تجارة (البنقو) , وسمع أن (الجنوب) به (بنقو ) جيد جداً , .. ولم يجد سوى (الدفاع الشعبي ) مدخلاً , ..
ذهب وعاد , .. وصار يحدث الناس , عن صداقاته وجنود (قرنق ) : والله الفرد ديل , لعبتا معاهم قمار , وسكرتا معاهم , وبيني وبينهم عيش ملح , .. بس القروش (اليوغندية) الخرتها منهم ماعرفتا أوديها وين ؟
سأله (البعيو) : يازول لاقيتهم وين ؟
رد (رمضان) :
قبضوني في كمين كده , وكانوا عاوزين يقتلوني , قالو ده (مرتزقة عراقي) , ولا (كوبي) , .. قلتا ليهم دقيقة يا فرد أن (رمضان الحلبي) أسألوا مني (أولاد مونج) في كل الخرطوم , بعرفوني , .. فردي كلهم , أي نعم أنا ما مؤيد قضيتهم , لأني ماعارف المشكلة شنو ؟ لكن من الليلة معاكم حق , بس ما تضيعونا , أها والله كمان أن (جكسايتي ) زانداوية وحا أعرسا , .. ياخي نزل السلاح ده ..!
سأله (البعيو) : أها حصل شنو ..؟
رد (رمضان) : والله واحد جا لفا فيني كده وهبش ليك يدي وكورك للقائد بتاعو قال ليهو (مندكورو شكل منقة) ..!
قلتا ليهو مافي مشكلة قول (حلبي ) ساي عافي ليك ..!!
| |
|
|
|
|
|
|
Re: أيام (عبدالله الدفار)..!! (Re: امجد البصيرى)
|
Quote: طريتك والله ... فى شارع صينيه القندول شفتا ليك حسن البعيو قايد ليهو عمك كبير نظروا ضعيف وبيقطعوا الشارع اتذكرتك واتذكرتا هذا السرد الجميل
|
صباح الخير يا أمجد (حسن البعيو) قصير القامة و(مخولق) وفقير لكنه (إنسان) .. محب محبوب .. قلبه كبير .. قامته طويلة بأعماله ومحبته .. ياخي كان لاقيتو تاني قول ليهو كمال الزين قال ليك : أمريكا لقيتا كيف؟
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
(*)
يومها ,.. يوم دفن (نفوس) , تذكروا أنها (مسيحية) , .. بعد أن جاؤوا بها إلى المقابر , ظهر إبنها من (رمضان الحلبي) الذي تولى تربيته (أب تسعة) و (البعيو) مناصفة , وقال لهم : أنا إتخيل لي (نفوس) دي كانت (مسيحية) , ..!
صاح (البعيو) من وراء أعينه الدامعة : أي والله نسيت (نفوس) دي كانت (مسيحية ), ما تكلموا الجماعة ديل يقوموا يرفضوا يدفنوها هنا , يتلتلوها , تكون إتبهدلت حية وميتة , ..
عزموا على ذلك , لكن شيخ (عبدالجليل نكير) جاء وخطب في الجمع موضحاً أنها (مسيحية) وأنه لا يجوز دفنها هنا بمقابر (المسلمين) حسب مانهت عنه (الشريعة الإسلامية), ..
سأله (البعيو) مغتاظاً : أها( نحنطا) يعني ولا قصدك شنو؟ أجابه (شيخ نكير) : لأ ..تدفنوها في مقابر المسيحيين في الخرطوم , .. رد (البعيو): يعني حا تندفن مع عليه القوم والله بختها , ياراجل ماتختشي , الخرطوم شنو البنوديها ليها , ..
قاطعهم صوت (رمضان الحلبي) صائحاً : ياناس الله يسألني (نفوس ) دي أسلمت زمان وأنا شاهد على ذلك ..
لم يكد (شيخ نكير) يسمع جملته حتى بادر الجمع : الله أكبر , هذا فتح عظيم , رحمها الله (الفاتحة على روحها الطاهرة ), ..
وسرعان ما واروها الثرى بعد أن صلوا عليها , وخطب فيهم (شيخ نكير) خطبة عصماء , عدد فيها مآثر الفقيدة ..ّّ!
في طريق العودة سأل (أب تسعة) (رمضان) : إنتا يا (رمضان) ياخوي , نفوس دي أسلمت متين ..؟
أجابه (رمضان) : والله أنا (نفوس) دي معاشرا لي كم سنة أسي , ماعارف ليها دين , لكن قلتا ألم الحكاية, زولكم شيخ (نكير )ده جادي عاوز يخلينا نتلتل ونتلتل معانا جنازة المسكينة دي ..!!
سأله (أب تسعة ) مستنكراً : لكن إنتا قلتا يسألني الله , يازول , إنتا ما ...
قاطعه (رمضان) مختصراً : يعني ربك حا يخلي البلاوي العملتها في دنيتي دي كلها ويركز على إسلام (نفوس) ده , .. ياخي أنا عدد الخرفان السرقتها دي ساي لو ربك إتذكرا لي يوم القيامة إلا أشوف لي بلد تانية , ..!!
رد (أب تسعة) : أستغفر الله يازول إنتا ما عندك دين , ده كلام شنو ده ..؟
تدخل (البعيو) قائلاً :
والله إنتو عالم فاجرة , (نفوس)دي غايتو ما حاتلقى ليها زول يدعي ليها دعوة صالحة , ..
هنا جاء دور إبنها (عبدالله الدفار) الذي كان قد جاوز حينها السادسة عشر ,..
وقال في حزن : (نفوس ) أنا براي بدعي ليها وبعمل ليها (سبيل) كمان , ..
نظر إليه (البعيو) وقال :
والله , إنتا كمان بالذات تبعد عنها , إنتا أكبر مصيبة وقعت على راس المرة المسكينة دي , .. وهنا بدأت حكايات (عبدالله الدفار) إبن (نفوس) من (رمضان) والذي تولوا تربيته جميعهم , ..!!
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
(*)
(نفوس) قبيل وفاتها , لم يكن لها حديث , سوى خبر (أمها) , التي سمعت أنها على قيد الحياة , .. وتعيش بالرنك , أخذت إبنها (عبدالله الدفار) وسافرت لزيارتها , ..
شهر مضى والمكان بغير (نفوس) , لم يكن يطاق لصحبها , .. (حسن البعيو) عاد إلى المسجد , صار صامتاً , قليلاً مايحدث أحداً , ..
(أب تسعة) لم يستطع الصمود فأستغل غيبتها وسافر لزيارة أهله بالسوكي , .. (رمضان الحلبي) أنشغل عنها بحبيته الجديدة (طيبة الزانداوية) , كانت (طيبة) جميلة ذات قوام ممشوق , .. لونها برونزي فاتح , وكانت تحبه , .. (رمضان الحلبي) و(طيبة) , كانا خفيفي الظل , ..
ولكنهما لم يستطيعا تخفيف أمر فراق (نفوس) على (البعيو) أو (أب تسعة) , .. فأنشغلا عنهما بحفلات (الغناء الزائيري) التي كان يقيمها أهلها في كل أنحاء العاصمة , .. صار (رمضان) يهتم بملبسه أكثر , ..
تخلى عن الموتر وعمل سائقاً بالسفارة (الألمانية) , .. وأحبه الألمان وسفيرهم على وجه الخصوص , ..
قال (حسن البعيو) وهو يرى السفير الألماني يزور (رمضان) ويخرج من بيته ضاحكاً : الشكية لي الله , الحلبي ده , ياكل راس الأسد , الله لا كسبوا , فرد السفير الألماني زاتو , ..
يقال أن (رمضان ) قد كذب على السفير وأدعى أنه من أصل يهودي مات أهله في (الهولوكوست) وأن أبيه هذا ليس أبيه , .. وأن هذه الأسرة المصرية إستجلبته من اليونان بعد الحرب العالمية وكفلته وتبنته , ..
سأل (أب تسعة ) (نفوس) ذات مساء , بعد عودتها من (الرنك) : إنتي يا(نفوس) صحي (رمضان ) غاشي السفير عشان كده بحبو وبعطف عليهو ..
ردت (نفوس) : أيوة قال ليهو إنو أهلو كتلهم (هرتل) في (كوستي) , و ..
قاطعه (البعيو) كعادته مصححاً : (هرتل ) ده منو يا بهيمة , إسمو (هتلر) وبعدين الجابو (كوستي) شنو ..؟ إنتي قصدك (الهولوكوست) ..
ردت (نفوس) : ودي ماياها (كوستي ) زاتا يعني ..!!؟
نظرا لبعضهما , (البعيو) و(أب تسعة) وأنفجرا ضاحكين , .. ورمتهما (نفوس) بغطاء (الحلة) التي كانت تعمل على تنظيفها ..!!
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
(*)
(أبوالليل) كان غائباً يوم وفاتها , يوم وفاة صديقته (نفوس) , .. كان قد خرج من السجن , وتاب وأسلم خلافة الكيف لنائبه (أب تسعة) , ..
وجدوه عند قبرها باكياً , إرتمي عليه , وأصر على المبيت عنده , .. وفعلها , وجدوه صباحاً يخرج من بين القبور ولا يزال وجهه متورماً من آثار السهر والبكاء , ..
(البعيو) كان يدرس اللغة الإنجليزية مساءً ويجمع كل ماتيسر من معلومات عن (بلاد العم سام) , .. قال وكان يبدو جاداً في قوله :
أنا بحب أمريكا وعاوز أهاجر ليها لأنها بلد بتحترم (البعيوات) , (البعيو) هناك كان فشل ببقى (مصارع ) وكان فشل شديد , بمثل في الأفلام ديك , أفلام اللي بالي بالك ديك ,.. أيوة ماكلكم بتحبوها , وبتشوفها , وبعدين تنكروا , ..
حتى (شيخ عبدالجليل نكير) أي والله (شيخ نكير ) عندو منها كمية , مرة سرقتها منو , بعتها في سوق (القنص) , والله جابت مبلغ محترم , سكرتا منو وجبتا منو عشا لي (نفوس) الله يرحمها , ..
(أبوالليل) أطلق على إحدى بناته إسم (نفوس) , .. (البعيو) يزعم أن لموت (نفوس) علاقة ما , بزيارتها لأمها , وقد سأل (د. عبدة) تفسيراً علمياً , وأعطاءه تفسيراً , أقنعه جداً , وكره (أم نفوس) , لأنها حسب زعمه هي من تسبب بموتها , ..!!
(*)
(نفوس) بعد عودتها من زيارة أمها , تغيرت كثيراً , صارت أقل مرحاً من زي قبل , .. كما أنها صارت أقل شراسة , نقص وزنها كثيراً , قبلت بأشياء كثيرة لم تكن تقبل بها من قبل , .. حتى أنها قبلت (مبلغاً ) من المال من أحد المحسنين , لم يصدق ذلك أحد , .. (نفوس ) كانت شديدة الإعتداد بنفسها , رغم فقرها إلا أن نفسها كانت (عزيزة) , وأنفها عالي ,..
كانت كثيراً ماتحكي عن أنها يوماً ما ستعود إلى أهلها كانت تفخر بأن لها أهلاً : شوف يا(البعيو) إنتا أظنك قايلني مقطوعة من شجرة , أبداً يا خوي أنا أمي حية وأهلي كتار بس مالاقياهم , ويوم ما ألقاهم , حياتي دي كلها حا تتغير , وحاتشوف عينك , ..
يرد (البعيو) : أيوة عارفك من (ناس النفيدي) ورايحة منهم , والله مافي شي مطلع عينك غير وهمك ده ..
تغضب (نفوس) : والله ياسجم أنا بس ماعندي جواز سفر , لكن كان عندي كنتا أقل حاجة مشيت الحبشة لي أهل أبوي ,
يضحك (البعيو) : يعني أبوك جا البلد دي بي جواز , يازولة السودان ده زي (اللباس ) تطلعي منو وتخشيهو عادي بأي إتجاه , ..!!
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
(*)
(نفوس) لم تمكث كثيراً , عند أهلها , .. عادت بسرعة أدهشت أصدقاءها , باغتها (البعيو) قائلاً : إنتي يا(نفوس) ماكنتي بتحلمي باليوم ده عمرك كلو , وقادانا قد ,( أهلي) , (أهلي ) , ..
ردن عليه (نفوس) بصوت خافت : أنا تعبانة من السفر أسي (حسن) , خليني عليك الله , ..
قاطعهم إبنها (عبدالله الدفار) : أنا جعان يا(نفوس) , ..
صاح فيه (البعيو) : (نفوس) دي أختك ياود إنتا , قول ليها (يمة) , ..
وأردف ساخراً : ولا أقول ليك حقو تقول ليها (ماما) ولا (مامي) زي (شيريهان) في المسلسل , ماخلاص (ماميك) دي لقت الأسرة الحاكمة الضاعت منها ..
ثم ضرب على يد (فرح آتو) وأستغرقا في ضحك متواصل ... (نفوس) أشاحت بوجهها عنهم , ..
وشردت تفكر بشئ يجهلونه ..!!
(*)
كنت يومها ماراً بجوار موقع جلوسهم المعتاد , .. تعودت أن أداعب (حسن البعيو) بكلمات من قبيل (يامعلم) , (يا طويل.. البال) , ...
و..
يومها وجدت ثلاثة من الشباب يحتدون معه بالحديث , وعلا صوتهم , .. تكالبوا عليه وضربوه , رموا به أرضاً وراحوا يركلونه , ..
(حسن البعيو) كان حبوباً مسالماً , لم يؤذ أحداً طوال حياته , .. لم أستطع الوقوف متفرجاً , ولم أفكر كثيراً , وكررت عليهم مهاجماً , .. كنت في حالة أشبه بالغياب عن الوعي , .. ضربت أحدهم على فكه فوقع أرضاً , ركلت الآخر , ثم الثالث , ..
(مشت معاي كده , تساهيل من رب العالمين)..
كانت ضرباتي هذه مؤلمة على مايبدو , فقد نهضوا على عجل وفروا دون أن ينطقوا حرفاً , .. بعد أنتهت المعركة , نظرت إلى أحجامهم وأنا أحمد الله على أنهم لم يفكروا في مهاجمتي أو الرد على لكماتي , ..
(حسن البعيو) قام من الأرض ضاحكاً , وحملني بيديه محاولاً رفعي إلى أعلى , هكذا كانت طريقته في الإحتفاء , ..
بعدها صار يحكي ويتحاكي عن (قوتي وبأسي) , .. وما أنا إلا محب غضب لصديقه وحالفه الحظ , .. بعدها صار أغلب من سمع رواية (حسن البعيو) التي يخلص في روايتها ولا يقصر في إضافة (بعض الآكشن) , ..
صاروا يعملون لي ألف حساب , .. حتى جاء يوم أن قدم إبن إحدى قريباته وهو (سامي ميلاد)* , الذي دعم (قصة فتونتي المزعومة ) ..!
(*)
ليلة عصيبة جداً , عشتها بسبة أنني (بطل ) مفترض , أو (فتوة) عاتي , ذو بأس شديد , .. جاء ليلتها مجموعة من الشباب على متن (حافلة) وأحتلوا (بيت) أبو الليل بغيابه , .. يبدو أنهم جاؤوا ومعهم كافة أنواع (الكيف) , كما أنهم إستطحبوا معهم (عتوت) صغير زبحوه وقاموا بطهيه (قعدة وشربا ودخان وعشوة) , ..
هذا كله بغياب (أبوالليل) , أحدهم إدعى أنه صديقه , ,انه لا يعلم أن (أبوالليل ) بالسجن , .. وقد تورط حيث أنه قام بدعوة أصدقاءه ولا مناص من أن يبر بوعده , .. لم يكن (رمضان) و(آتو) و(أبوالشي) بالجوار , وكذلك كان (أب تسعة) غائباً , ..
إحتج عليهم (البعيو) وأحتد معهم وطالبهم بالمغادرة , فأبرحوه ضرباً وسخروا منه , .. ولم يكن أمامه إلا أن يستنجد بأحد ما , يستطيع ردعهم , .. وكان أن جاءني (بحسبان أنه يعتقد أنني) أستطيع تفريق جمعهم , والبطش بهم , ..
فقد كنت بطله المفترض , و(فتوته ) العتي , .. بالتأكيد حاولت التملص , ..
لكنه حاصرني , .. وبخس من أمرهم أمام قدراتي العظيمة في القتال :
(ياكيمو ديل لو وقفت قدامهم ساي ودورت فيهم هوكاتك ديك, كلهم بفتحو ما بقيفوا إلى في السجانة) ..
توكلت على الله ومضيت معه ..!!
وكانت ليلة طويلة قاسية , ..
لا أعادها الله ..!!
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
Quote: (*)
صباح الخير أخي (الأديب) محد الطيب إنتظر مني في الخاص تعليق على (الحبل السري) وردني من صديق (قارئ جيد) وناقد متخصص ..
شكراً على لطفك .. محبتي .. |
شكراً لك ولصديقك أ/كمال للإهتمام بباكورة إنتاجي
أترقب رؤيتك ورؤيته في تشوق
ففي بداية الطريق تكثر العثرات
محبتي الأكيدة
| |
|
|
|
|
|
|
Re: أيام (عبدالله الدفار)..!! (Re: محمد الطيب يوسف)
|
Quote: يضحك (البعيو) : يعني أبوك جا البلد دي بي جواز , يازولة السودان ده زي (اللباس ) تطلعي منو وتخشيهو عادي بأي إتجاه |
غايتو يا مونج كيمو كتلتنى كتل بى وصفك الفوق دا. اولا وقبل كل حاجه الواحد اسف جدا جدا انو ماخش ليك فى مداخلة بالرغم من المتابعه لى كل البتكتبو فى البورد و كنت اتمنى القى الوكت وادخل بوستك حق سلفاكير وكنت مندهش للطريقة المهنية الادرتة بيها الحوار. ياخى حكاويك وروياتك دى..غايتو بترجع لى ترتارة الذكريات لى حاجات وناس ووكت اصلو تانى ما برجع بعد الجوباك العملوهو اولاد بلدنا اصحاب الكوجين الحضارى. واتمنى ليك دائما التوفيق وانو تلقى الوكت تكتب فيهو الابداع حقك المصبن دا.وبنفس اللغة الشيقه البسيط والطاذجة.غايتو انتى دا واخوانا تمبس الواحد كان لقاكم يوم من الايام ما اظن بتاخد مننا تلاتة سوانى ونكون فرد للدين. واخوك قاعد ليهو فى بلد تقدر تقول بس ب(التلج وكدا)ولكن بوستاتك دى بس هى البتجيب لينا الدفو.وكان ما الظروف والدبرسة مرقتنا فى بلاد التلج..كنا هسى نكون قربه فى الدوحه ودا كلو من الفرد الهناك شبكونا ليك سنين ودنين اصبرو شويه حنجيب ليكم العقد وكلو مرة ينزلو السودان بس مالننا ليك جنسسه وحفلات وقعدادت لمن اولاد الحلة فى بحرى سمونا ليك شباب (الريان)ببحرى. وانت شكلك ساكن فى حى الريان؟. المهم يامونج نشوفك..وانت والله زول مجضمه للاخر ياخ الله يلمنا دائما فى الناس الذيك. يلا ياجنا بتا ماما بتانا.
| |
|
|
|
|
|
|
Re: أيام (عبدالله الدفار)..!! (Re: Hala Hassan)
|
Quote: كمال الزين، متابعين معاك حكاوى نفوس وولدهاعبدالله الدفار،،،، ما تقطع، تحياتى،،، |
مرحب بيك يا(هالة) وشكراً على لطفك .. أتمنى أن أستطيع أن أقول عنهم .. دون أن يمل من يقرأني ..
محبتي ..
| |
|
|
|
|
|
|
Re: أيام (عبدالله الدفار)..!! (Re: محسن طه)
|
Quote: غايتو يا مونج كيمو كتلتنى كتل بى وصفك الفوق دا. اولا وقبل كل حاجه الواحد اسف جدا جدا انو ماخش ليك فى مداخلة بالرغم من المتابعه لى كل البتكتبو فى البورد و كنت اتمنى القى الوكت وادخل بوستك حق سلفاكير وكنت مندهش للطريقة المهنية الادرتة بيها الحوار. ياخى حكاويك وروياتك دى..غايتو بترجع لى ترتارة الذكريات لى حاجات وناس ووكت اصلو تانى ما برجع بعد الجوباك العملوهو اولاد بلدنا اصحاب الكوجين الحضارى. واتمنى ليك دائما التوفيق وانو تلقى الوكت تكتب فيهو الابداع حقك المصبن دا.وبنفس اللغة الشيقه البسيط والطاذجة.غايتو انتى دا واخوانا تمبس الواحد كان لقاكم يوم من الايام ما اظن بتاخد مننا تلاتة سوانى ونكون فرد للدين. واخوك قاعد ليهو فى بلد تقدر تقول بس ب(التلج وكدا)ولكن بوستاتك دى بس هى البتجيب لينا الدفو.وكان ما الظروف والدبرسة مرقتنا فى بلاد التلج..كنا هسى نكون قربه فى الدوحه ودا كلو من الفرد الهناك شبكونا ليك سنين ودنين اصبرو شويه حنجيب ليكم العقد وكلو مرة ينزلو السودان بس مالننا ليك جنسسه وحفلات وقعدادت لمن اولاد الحلة فى بحرى سمونا ليك شباب (الريان)ببحرى. وانت شكلك ساكن فى حى الريان؟. المهم يامونج نشوفك..وانت والله زول مجضمه للاخر ياخ الله يلمنا دائما فى الناس الذيك. يلا ياجنا بتا ماما بتانا. |
سلامات يا(محسن ودالريان) .. ياخي مداخلتك أسعدتني .. وأنا كنتا متابعك من فترة وأظنو الهم مشترك .. أنا مهموم بأن أجد للناس زاوية نظر أخرى لأناس (يجرمهم ) المجتمع وهم (ملح أرضه) وراس مالهم قلوبهم المحبة ...
أتمنى أن تواصل حتى أنهي مابدأته .. وتهمني ملاحظتك .. محبتي وأمتناني ..
| |
|
|
|
|
|
|
Re: أيام (عبدالله الدفار)..!! (Re: محمد الطيب يوسف)
|
Quote: شكراً لك ولصديقك أ/كمال للإهتمام بباكورة إنتاجي أترقب رؤيتك ورؤيته في تشوق ففي بداية الطريق تكثر العثرات محبتي الأكيدة |
ياصديقي عملك جيد .. وأنا مصر على إرسال (الإنطباع ) عبر (المسنجر) راجع المسنجر ..
محبتي ..
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
و(الهانيكان) .. ود الزين المبدع بركة الجيت بركة الجيت وتاني هنيكان نحن ماصدقنا الموضوع دا راح في غضب الله الهكر شال نصو وأدينا البحر نصو التاني ياخ كنت تقول اي شي تاني غير مقطوعة الطاري دي انشاء الله حتى بيربكان خالي كحول تحياتي اسامة
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
(*)
لم يكد (حسن البعيو) أن يفعل فعلته ويقتحم المكان , وكله ثقة بأنه جاءهم بمن سيبطش بهم , ويشتت جمعهم , حتى هب من داخل البيت (دستان ) من الطوال العراض الشداد الغلاظ , .. باغته أحدهم قائلاً ولم يحرك ساكنا ولازال بين فكيه (عظم) من زبيحتهم التي سنلحق بها إنشاء الله على
أيديهم : إنشاء الله ما يكون (كيمو) بتاعك ده ,واحد من الشافعين الجاي جاريهم وراك ديل ..؟ رد (حسن البعيو) في ثقة : كمان بتقل أدبك ..
لا أذكر جيداً ما جرى بعدها , .. فقد أظلمت الدنيا أمامي ..
و...
لعن الله مساعدة الأصدقاء , في تلك الأنحاء ..!!
(*)
مابين إقتحامنا لبيت (أبوالليل) و معركة (ذات العتوت) ... خمس دقائق أو أقل , (دقونا فيها دق العيش) , إلا أننا لم نخاطر بسمعتنا السابقة , .. ولم نفر , ..
كروا علينا جميعهم , إستقبلهم (سامي ميلاد) بضربات سريعة لم تكد أن تتهاوى أمام بأسهم وكثرة عددهم , لكنه والحق يقال (إتطقطق بشرف ) , ..
وكذا كان حالي , كان البيت بلا كهرباء , .. ولما أشتد الوغى وحمي الوطيس , .. وكدنا أن (نلحق حبوبتي) , فاجأني أحدهم وسط ذلك الظلام :
كمال .. ؟
لم أستطع إجابته بالطبع فقد كنت مشغولاً جداً , ..جداً .. توقفوا عن ضربي , وتوقفت عن إستقبال لكماتهم , بعد سماعهم لأحدهم يناديني بإسمي ..!!
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
(*)
دخل علينا (حسن البعيو) فجأة , .. ووجدنا (سامي ميلاد) وأنا , نتوسط خصومنا السابقين بمعركة (ذات العتوت) , .. وبدأنا في إلتهام لحم العتوت وإحتساء (السفن أب ) , ..
وعلت أصواتنا ضحكاً وصخباً , .. نظر إلينا وأبتسم ومضى في طريقه إلى الخارج , .. كان البعيو قد أختفى عند بدء المعركة , .. ولم يظهر مرة أخرى إلا الآن , .. ووجدنا قد توسطنا القوم , وشاركناهم وليمتهم وسمرهم ..!! (*)
لم يعد (البعيو) بعدها مرة أخرى , .. حسبته قد رأي بطله المزعوم يتهاوى أمامه , و(يوضب توضيب عدوكم) , .. لكن ويا للمفاجأة , قابلت بعدها بيومين , (فرح آتو) وقابلني بإبتسامة عريضة وباغتني قائلاً : والله يا(كيمو) لكن طلعت شفت , (البعيو) حكي لي .. حسبته يسخر مني , ولكنه ضاعف حيرتي حين إستدرك : ياخ إنتا و(سامي ميلاد) ده ملاعين , بالله طقطقتوا الجماعة وأكلتو عتوتهم ,..
(عفيت منكم) ..!!
(*)
يبدو أن (حسن البعيو) ولحسن حظ (العبدلله) , لم يشهد لسبب ما , نجهل كنهه (معركة ذات العتوت) , .. وعاد ووجدنا على تلك الحالة , ..
لا شك أنه ظن أننا كنا الأعلى كعباً وأنتصرنا عليهم وأكلنا (مزتهم) وشربنا , (مشروباتهم) , .. ولم يطق صبراً من فرط غبطته , .. فمضى وروج لبطولة جديدة , .. وزاع خبر نصرنا , ..
وأحتفظت بموقعي كبطله (المفضل) , ..!!
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
(*)
سافرت (نفوس) إلى (الرنك) , .. أصطحبت معها (عبدالله الدفار) , كان حينها قد تجاوز (العاشرة) لكنه كان كمن في (الربعة) ,كان طفلاً مدللاً قصيراً متورماً , يلتصق بثوب أمه كأنه يخاف أن ينتزعه أحدهم من بين يديها عنوة ,.. وصلا إلى (الرنك) قبيل منتصف (الليل) ولكنها أنفقت وقتاً كثيراً في البحث عن من يدلها على بيت أمها .. أخيراً وجدت (كهلاً) يجلس أمام بيته , يضع المزياع تحت كرسيه , ويغالبه (النعاس) , لم تصدق حين أجابها أنه يعرفها .. يعرف أمها .. وسيدلها على بيتها .. كان المشوار طويلا , وأضطرت هي و(الدفار) إلى السير بالأقدام رغم إهاق السفر , .. إلا أنها كانت على عكس (الدفار) لا تكاد تشعر بشئ , .. سوى خفقان قلبها , الذي كان يزداد كلما أحست بدنو ساعة لقاء أمها .. أخيراً أشار إليها (الكهل) إلى بيت بطرف (الحي) , .. كان يشبه بيتها هناك , .. وقفت أمام باب الصفيح , الذي كان موارباً .. طرقته , وبعدها جاءها صوت إمرأة : منو في الباب ..؟ أجابت دون وعي : دي أنا (يمة) .. ردت المرأة من الداخل في تعجب واضح : منو ؟ ردت وتكاد تغالب دمعها : أنا يمة , أن (نفيسة) بتك .. صمتت المرأة من الداخل .. وماهي إلا لحظات حتى أنفتح الباب على مصراعيه وبدت من خلفه أم (نفوس) .. وكان اللقاء ..!!
(عدل بواسطة كمال علي الزين on 02-02-2009, 09:24 PM)
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
كمال : وحات باقي خوة شبكة الما بتكمل دي جيت واتصلت واتصلت وكمان بالمطوفش داك كرم الله شكلكم نايمين ما الله حكم علينا والجماعة زادوها حبة بقينا حتى المطارات نزورها ليل شفت كيف قصتنا بايظة ياخ بشد ليك السلك بعدين ما ترخيني كرم جا ولا لسع؟ بهاء الكره اليابان
| |
|
|
|
|
|
|
Re: أيام (عبدالله الدفار)..!! (Re: Baha Elhadi)
|
Quote: كمال : وحات باقي خوة شبكة الما بتكمل دي جيت واتصلت واتصلت وكمان بالمطوفش داك كرم الله شكلكم نايمين ما الله حكم علينا والجماعة زادوها حبة بقينا حتى المطارات نزورها ليل شفت كيف قصتنا بايظة ياخ بشد ليك السلك بعدين ما ترخيني
|
والله خوة شبكة مقدرة وبيتحلف بيها لكن ماعندنا حظ نلاقيك منتظر تلفونك ياصديقي ..
(عبدالغني) لسا ماوصل ..
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
(*)
إنفتح الباب أمام (نفوس) .. وجدت نفسها أخيراً وبعد سنوات طويلة أمام أمها وجهاً لوجه.. أفلتت إبنها (عبدالله الدفار) من بين يديها .. وأرتمت على أحضانها , أحست بدفء غريب بين أحضان أمها عادت (نفوس) مثل طفل برئ , غاب عن أنظار أمه للحظات وسط زحام ما , ثم وجدها بعيد لحظات وكأنه غاب عنها لسنوات .. كان هذا هو إحساس (نفوس) .. (أم نفوس) راحت تقبلها كيفما أتفق , .. ولم يستطيعا تمالك نفسيهما فأنخرطا في نوبة من البكاء .. وسقطا على الأرض وهما متماسكتين .. و(الدفار) يرقبهما في تعجب ..!!
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
Quote: سلام يا زول ياكلك بنفسج انا من الناس البتتاوق لكلامك كل يوم وبشوف كلامك التشروا ذي ملابس العزابة والله يديك الفي مرادك اها ورينا سريع شغل القطارة زي بتاعة خالتي خدوجة دي ما نقدر نتحمله من مارلبور بتاع القرود داك ..........لي نفوس مشت لي امها
وحضنها وبكوا ووقعوا تحت اها وبعدين
عثمان الشريف هولندا - لاهآي مع ودي
[email protected]
|
شكراً على (رسالتك) أخي / عثمان ..
محبتي ..
| |
|
|
|
|
|
|
Re: أيام (عبدالله الدفار)..!! (Re: عز الدين عثمان)
|
Quote: الاخ الاديب كمال تحيه طيبه انا اخوك مروان من متابعي سودانيزاونلاين من ةخارج الحوش وانت من الناس القلائل المتابع بوستاتهم .. عارف انا حتي مداخلاتك بستمتع بيها.. وقصه عبدالله الدفار وامه نفوس دخلتني عالم تااااني واستمتعت بكل حرف فيها.. كمال ياخي امتعنا امتعنا حتي نستغيس اخوك مران محمود السودان * اسف حصلت علي الايميل من حسن البعيو |
شكراً أخي مروان (إن كان الإسم هكذا صحيح) ..
بعدين (حسن البعيو) شن عرفوا بالإيميل والتكنولوجي ؟ حكم والله ..
| |
|
|
|
|
|
|
Re: أيام (عبدالله الدفار)..!! (Re: كمال علي الزين)
|
(*)
سرحت (نفوس) بخيالها بينما كانت على تلك الحال , .. أحست للمرة الأولى أنها في بيتها , .. وأنها (إنسان) حقيقي , له جذور , له ماض , له عائلة تفرح لفرحه وتحزن لحزنه .. أحست بأنها الآن أقوى كثيراً مما مضى .. ومازالت على تلك الحال , حتى غفت ونامت لأول مرة دون أن تطاردها هواجس الغد , .. دون أن تخشى المستقبل .. نامت كأنها طفل رضيع , غفا تحرسه عينا أمه.. مازالت على تلك الحال , بين اليقظة والمنام .. حتى سمعت باب بيت أمها , يفتح ويصدر صوت صرير مزعج .. نهضت مفزوعة , ووجدت أمامه رجلاً أشيباً , قصير القامة .. يرتدي جلباباً بلدياً متسخاً .. تسبقه إليها رائحة خمر نفاذة ..!!
| |
|
|
|
|
|
|
Re: أيام (عبدالله الدفار)..!! (Re: SHIBKA)
|
شبكة : صباحك خير
شربتي شاي الصباح؟؟ غايتو نحن اتغدينا وصلينا العصر ولسع نفوس ما عرفنا رجعت (الفلاش باك) ولا لسع؟؟ رغم اننا عارفينها الله يرحمها ماتت شبكة : نادي كمال ياخ زهجنا من المطوحة دي بهاء بتاع طوكيو أو كما قال كمال
| |
|
|
|
|
|
|
Re: أيام (عبدالله الدفار)..!! (Re: Baha Elhadi)
|
Quote: شبكة : صباحك خير
شربتي شاي الصباح؟؟ غايتو نحن اتغدينا وصلينا العصر ولسع نفوس ما عرفنا رجعت (الفلاش باك) ولا لسع؟؟ رغم اننا عارفينها الله يرحمها ماتت شبكة : نادي كمال ياخ زهجنا من المطوحة دي بهاء بتاع طوكيو أو كما قال كمال |
المشكلة يابهاء يابان انو كمال ليلي المعيشة وانا نهارية المعيشة الحكاية بتكون صعبة في انو يجي هسة لكن انت بعد تصلي العشا تعال بتلقى جديد انشا الله
والله انتو زاتكم يومكم عكس الناس دا زاتو حيرني يعني ما عندكم فرق من كمال قطر
| |
|
|
|
|
|
|
Re: أيام (عبدالله الدفار)..!! (Re: SHIBKA)
|
الاستاذ صاحب القلم الشجاع كمال علي الزين
السلام عليكم ورحمة الله يا اخي تسلم علي الكتابات الرائعة وبعدين قطر دي بتجمع أساطين من الاعضاء بالموقع شخصك الجميل وكيكي وخليل وايوساندرا ونادوس واخوانه وهارون ودكتور بدرالدين وساني والملهم دكين والظلامي ود القريش ومولانا زمراوي وهجو وشيخنا المحترم الطقي الغائب وامامه مواضيع كثيرة ننتظرها واكيد اخرون فتقوم تقنع لينا دكين ياخر العرس للاجازه الكبيره وتكلم معتصم عبدالحليم يرسل لي تذاكر لي وللاولاد الزوجه + 4 انصاص ويرسل لي باقي قروشي العندو عشان بس نشوفكم كده ونرجع . يااخي موضوع حسن ساتي يرحمه الله ما كملتوا البوست الفيه مقال الاستاذ هاشم كرار بالله واصل توثيق لسيرة الرجل ومواقفه القويه مع نميري والاستاذ علي شمو من قضية الأستاذ المفكر محمود محمد طه يرحمه الله الذي تمت تصفيته كيديا وسياسيا وكمان كلمة الصحافه مهمه جدا نشرها ارجو ان تستمروا في هذا الخيط خصوصا وانتم لا تنتمون الي الجمهورين وقتها لا الان بل تنتمون الي اقلامكم وما اعمق الانتماء الي القلم وهو يصدح بالحق ويتجلي بالجمال
شكرا ليك وانت تنصف اهل صديقي الحبشي مالقيتا الذي كان ياكل ويشرب و ينام معي بمنزلنا والذي سميت باسمه لفترة طويلة (مالقيتا ) الي ان بلغنا شانا عظيما في الكره ولقبت ( بوكو )
ولك كثير احترامي وحبي وتقديري
ومئونة 100 عام قندراني من (الباسطة ) و(الحلويات (و(الطحنية(
| |
|
|
|
|
|
|
Re: أيام (عبدالله الدفار)..!! (Re: محمد المعتصم ابراهيم)
|
بهاء (بتاع اليابان) و شبكة،
ما براكم الممطوحين،،
كمال الزين شارينا كلنا، (صحى ، علاقة حبل الغسيل دة شنو بشغل الليل؟؟؟؟)
المهم، (على قول ناس فى كندا..)،
Quote: إنفتح الباب أمام (نفوس) .. وجدت نفسها أخيراً وبعد سنوات طويلة أمام أمها وجهاً لوجه.. أفلتت إبنها (عبدالله الدفار) من بين يديها .. وأرتمت على أحضانها , أحست بدفء غريب بين أحضان أمها |
كمال، ما تكلفتنا بالله، دايرين نعرف أمها شكلها كيف، و شنو الرابط (المظهرى) بينها و بين (نفوس)؟؟؟
شبكة، كان نايم (مثلا)، نرسل ليه ناس يصحوه،، ورونا بس،،،
| |
|
|
|
|
|
|
Re: أيام (عبدالله الدفار)..!! (Re: Baha Elhadi)
|
يابهاء يابتاع اليابان ضربت لكمال بتاع قطر لكن قفل الخط معناه مشغول ولي مدروش والاتنين احمد وحاج احمد انا قبيل قلت ليك صلي العشاء وتعال انت فهمتها عشاء بتاعة الاكل شكلك كدا
طيب اكل وتعال
معاك شبكة قطر الله يحلنا من شبككم دي
| |
|
|
|
|
|
|
Re: أيام (عبدالله الدفار)..!! (Re: SHIBKA)
|
الصبر ... الصبر وموية آبرى هنا مافي
يعني نعمل ليهو زي دكين : نداء أخير ؟ تعرفي العزابة دائما بقدمو العَشاء( بفتح العين) على العِشاء) بكسر العين ) والله يصبرنا شوية برجع البيت وبضرب ليهو
بهاء الما بتاع شبك
| |
|
|
|
|
|
|
Re: أيام (عبدالله الدفار)..!! (Re: Baha Elhadi)
|
شفت فتح العين وكسر العين بالنسبة لي اكبر من الشبكة زاتو
الزول مشي يكمل نومتو شكلو لانو رد لي بنص عين تعالوا بكرة ياجماعة قفلنا خلاص
وكلم هالة بتاعة السودان
مع السلامة يابهاء بتاع اليابان
| |
|
|
|
|
|
|
Re: أيام (عبدالله الدفار)..!! (Re: Baha Elhadi)
|
يعلق لحين إشعار اخر،،،
هالة، (من هنا...)،
______________________ شبكة، معلومة (النص عين) دى مهمة جدا فى تسلسل الأحداث، خلى بالك!!! ما يكون البعيو أمبارح أستلف أخونا كمال فى مأمورية تانية؟؟؟؟
| |
|
|
|
|
|
|
Re: أيام (عبدالله الدفار)..!! (Re: Hala Hassan)
|
Quote: معلومة (النص عين) دى مهمة جدا فى تسلسل الأحداث، خلى بالك!!! ما يكون البعيو أمبارح أستلف أخونا كمال فى مأمورية تانية؟؟؟؟ |
وين يا(هالة) تاني ما مافي ليهو .. المرة الفاتت الله نجانا .. (البعيو) ماقال مشى أمريكا عشان يبقى (مصارع) خليهو يجي يصارع بي نفسو تاني ..
| |
|
|
|
|
|
|
Re: أيام (عبدالله الدفار)..!! (Re: Hala Hassan)
|
Quote:
شبكة، كان نايم (مثلا)، نرسل ليه ناس يصحوه،، ورونا بس،،، |
هي يعني (شبكة) قصرت ..؟
إزيك يا(هالة) وملاحظاتك (مفيدة بشكل لن تتصوريه).. والتأخير سببو الملاحظات دي بالمناسبة ..
سنواصل ..
محبتي ..
| |
|
|
|
|
|
|
Re: أيام (عبدالله الدفار)..!! (Re: محمد المعتصم ابراهيم)
|
Quote: الاستاذ صاحب القلم الشجاع كمال علي الزين
السلام عليكم ورحمة الله
يا اخي تسلم علي الكتابات الرائعة وبعدين قطر دي بتجمع أساطين من الاعضاء بالموقع شخصك الجميل وكيكي وخليل وايوساندرا ونادوس واخوانه وهارون ودكتور بدرالدين وساني والملهم دكين والظلامي ود القريش ومولانا زمراوي وهجو وشيخنا المحترم الطقي الغائب وامامه مواضيع كثيرة ننتظرها واكيد اخرون فتقوم تقنع لينا دكين ياخر العرس للاجازه الكبيره وتكلم معتصم عبدالحليم يرسل لي تذاكر لي وللاولاد الزوجه + 4 انصاص ويرسل لي باقي قروشي العندو عشان بس نشوفكم كده ونرجع . يااخي موضوع حسن ساتي يرحمه الله ما كملتوا البوست الفيه مقال الاستاذ هاشم كرار بالله واصل توثيق لسيرة الرجل ومواقفه القويه مع نميري والاستاذ علي شمو من قضية الأستاذ المفكر محمود محمد طه يرحمه الله الذي تمت تصفيته كيديا وسياسيا وكمان كلمة الصحافه مهمه جدا نشرها ارجو ان تستمروا في هذا الخيط خصوصا وانتم لا تنتمون الي الجمهورين وقتها لا الان بل تنتمون الي اقلامكم وما اعمق الانتماء الي القلم وهو يصدح بالحق ويتجلي بالجمال
شكرا ليك وانت تنصف اهل صديقي الحبشي مالقيتا الذي كان ياكل ويشرب و ينام معي بمنزلنا والذي سميت باسمه لفترة طويلة (مالقيتا ) الي ان بلغنا شانا عظيما في الكره ولقبت ( بوكو )
ولك كثير احترامي وحبي وتقديري
ومئونة 100 عام قندراني من (الباسطة ) و(الحلويات (و(الطحنية(
|
صباحك خير يا(محمد المعتصم) .. سعدت بك هنا ..
سنواصل مابدأناه حول الراحل(ساتي) ومن ظلمه .. شكراً على لطف كلماتك .. محبتي وأمتناني ..
| |
|
|
|
|
|
|