|
|
 عليكم الله زي ده سمعتوهو وين ... احيييييييييييييييييييييييي
|
والله العظيم
لاحجونا بيه حبوبانا
ولا قريناه في اساطير الاولين
ولا قريناه في سيرة المصطفى صلى الله عليه وسلم ( اعظم القواد العسكريين)
لاشفناه في افلام سبيس تون
ولا خطر على بالي انه ممكن يحصا حاجة زي دي في تاريخ الانسانية جمعاء
لكن المؤتمر االوطني
فات الكبار والقدره
امس ( وده دايما بحصل لي لما اسمع نشرة اخبار العاشرة في التلفزيون)
جابوا الاستقبالاات الحاشدة للبشير في ابو حمد ( والذي يقال انو راجلا لي كريمي)
والمذيعة تتحدث عن مجاهدات اخوات نسيبة وانهن تفوقن على نساء العالم بتقديم فلذات اكبادهن فداءا للرئيس
وجابوا ليك اللقطة (والتي لم تفكر فيها على الاطلاق شركات الرسوم المتحركة) مجموعة من النساء يحملن اطفالا رضعا وقدمن هؤلاء الاطفال للرئيس رغم الزحام واختلاط الانفاس والغبار والبرد
انا لو كنت محل الرئيس
كنت اول حاجة نهرتهن وقلت ليهن
امشوا لموا الاطفال من البرد والغبار ده واكلوهم
وربوهم عشان ينفعوا البلد
عليكم الله زي ده يقولوا عليه شنو
اي عقلية هذه التي تربعت على قلب هذا الوطن 20 عام
من اين اتوا
ماذا يريدون
وحقيقة من هم؟؟؟؟؟!!!!
|
|
 
|
|
|
|
|
|
|
|
Re: عليكم الله زي ده سمعتوهو وين ... احيييييييييييييييييييييييي (Re: ادريس خليفة علم الهدي)
|
والمذيعة تتحدث عن مجاهدات اخوات نسيبة وانهن تفوقن على نساء العالم بتقديم فلذات اكبادهن فداءا للرئيس
وجابوا ليك اللقطة (والتي لم تفكر فيها على الاطلاق شركات الرسوم المتحركة) مجموعة من النساء يحملن اطفالا رضعا وقدمن هؤلاء الاطفال للرئيس رغم الزحام واختلاط الانفاس والغبار والبرد
د محمد سلامات
شفت الغباء ده كيف عبقرية تتفتق فى السخف و العبط
ربنا يكون فى العون
| |
|
|
|
|
|
|
|
|
|
: عليكم الله زي ده سمعتوهو وين ... احيييييييييييييييييييييييي (Re: د.محمد حسن)
|
Quote: امس وده دايما بحصل لي لما اسمع نشرة اخبار العاشرة في التلفزيون
|
وانت يا دكتور البسمعك اخبار العاشرة شنو ؟
ايام طلعت اشاعه انو اليابانيين حيقوموا بعمل تلفزيون الطبق"الدش" منو وفيهو واحد صاحبي مهندس قال انو حيجيب مسمار ويقد مفتاح القناه السودانيه.
نسيبو علي ايام سيئ الذكر نميري كان يسمع الاخبار وكل دقيقتين( يتف )علي التلفزيون . زوجته قالت ليهو الجابرك شنو عليهو؟ . رحمة الله عليه توفي قبل فتره
ولا ادري ان كان قنواتنا سبب مباشر في الوفاه.
عشان كده وحفاظا علي صحتك وعيالك ....... اختاها !!!
| |
|
|
|
|
|
|
|
|
|
Re: عليكم الله زي ده سمعتوهو وين ... احيييييييييييييييييييييييي (Re: د.محمد حسن)
|
Quote: والمذيعة تتحدث عن مجاهدات اخوات نسيبة وانهن تفوقن على نساء العالم بتقديم فلذات اكبادهن فداءا للرئيس
وجابوا ليك اللقطة (والتي لم تفكر فيها على الاطلاق شركات الرسوم المتحركة) مجموعة من النساء يحملن اطفالا رضعا وقدمن هؤلاء الاطفال للرئيس رغم الزحام واختلاط الانفاس والغبار والبرد |
والله الواحد ماعارف يضحك في الغباء دا , ولا يبكي من مجرد تفكير هؤلاء النساء بالقيام بهذه التمثيلية الغبية !!
| |
|
|
|
|
|
|
|
|
|
Re: عليكم الله زي ده سمعتوهو وين ... احيييييييييييييييييييييييي (Re: نهال كرار)
|
Quote: مجموعة من النساء يحملن اطفالا رضعا وقدمن هؤلاء الاطفال للرئيس رغم الزحام واختلاط الانفاس والغبار والبرد
|
يا دكتور كيف حالك ... بالمناسبة دي فاتت عليك والله ان وقت قدموا الاطفال للبشير مفتكر ديل البشير يتم ابواتهم وشوية قلت امكن هدية للبشير عشان الناس ماقدروا اربوهم او الفقر العم السودان ده ونسبته 95% احتمال يتكفل بيهم البشير ... اصلوا ما اتخيلت ان فدوا بيهم البشير...
تعيش كتير تمسع كتير في الايام دي... دي ايام زنقة يا اخوي... وربما ما يكون الامر رفع معنويات للبشير اكان اكتر في الرقيص...
خالص ودي
امين
| |
|
|
|
|
|
|
|
|
|
Re: عليكم الله زي ده سمعتوهو وين ... احيييييييييييييييييييييييي (Re: Abureesh)
|
تحياتى د.محمد حسن وحمد لله على السلامة
دعك مما رأيت وما لم ترى
هل رأيت الليلة الختامية للدورة المدرسية ؟
وهل سمعت كم القصائد والأناشيد والخطب (نعم والله خطب) تم تحفيظها للأطفال وجميعها لا يخرج من تمجيد الأمير حماه الله وقدح وذم أوكامبو
أى استغلال للطفولة أكثر من هذا
وكما اسلف استاذ ابو الريش نحن لا نلم الأمهات أو التلاميذ لأن الجميع هناك خاضعون لحملة أعلامية مكثفة وموجهة تظهر ما تود وتسدل الستار على ما يخدش بهاءها المزعوم...
ونحن هنا لا نملك الا أن نصب جام غضبنا عليهم لجهلهم بما يحدث ولعدم دخولهم لموقع سودانيز والأطلاع على الجرائم والانتهاكات...
أين نحن ؟؟
دعنا نهتف عاش الأمير عاش....
| |
|
|
|
|
|
|
|
|
|
Re: عليكم الله زي ده سمعتوهو وين ... احيييييييييييييييييييييييي (Re: Abureesh)
|
Quote: وإنما كل اللوم يقع على المثقفين الذين يسخرون منهن..
عملتو شنـو فى توعيتهن غيـر التسكـع فى بلاد الغربـة والضحك على ناس بسطـاء ما عندهم خبرة ولا بدائل ليميزوا؟.. |
اخي الكريم ابو الريش ( هل له علاقة بالدكتور صلاح ابو الريش؟)
اولا التسكع في بلاد الغربة قدر ولم يكن بايدينا ان نغادر بلادنا وهذا ليس موضوعنا
اما النسوة اللائي قدمن ابنائهن بهذه الصورة الساذجة فاتفق معك مليون المية انهن بسيطات وكل الذي حدث ان الدولة ممثلة في المؤتمر الوطني اجبرتهن على هذه الممارسة التي اذهلت ابليس
والبوست ده ليس للاستهزاء بالنسوة
ولكن لتنوير العامة على مدى الاستحمار الذي يمارس علينا بواسطة المتنفذين
ويا اخي هؤلاء النسوة هم اخواتنا في المقام الاول
مودتي
| |
|
|
|
|
|
|
|
|
|
Re: عليكم الله زي ده سمعتوهو وين ... احيييييييييييييييييييييييي (Re: د.محمد حسن)
|
| Quote: دي ايام زنقة يا اخوي... وربما ما يكون الامر رفع معنويات للبشير اكان اكتر في الرقيص |
دا اول كلام
تانى كلام
الاخ ابو الريش عاتب على من خرجوا الى بقاع الدنيا
وانهم يجب ان يكونوا كما فهمت هناك لنشر الوعى
رغم ان المقام هنا لنقاش امر اخر
الا اننا تم دفعنا الى الخروج
والا كيف انت ايضا لا تعيش فى البلد؟
ودا برضو ما موضوعنا
الموضوع بالنهاية هو التلفزيون السودانى
وما حمل الدكتور محمد حسن للكتابة
عن اولئك النسوة اللاتى قدمن "قرابينا " هم اطفالهن فدى للريس
ولكن هل هؤلاء الاطفال هم بالفعل من سينقذ راس الدولة ؟
سيبك من اوكامبو وابو جلمبو
البحلوشنو من الحالة الوصلت ليها البلد الان ؟
شفت يا شيخنا القصة دائرية جدا
وما بنفع لا اوكامبو ولا غيرو
الحل فى يدنا نحنا ديل
لكن ما بقول ليكم هسى
حتعرفو براكم "فى يوما ما "
| |
|
|
|
|
|
|
| |
د.محمد حسن
ادريس خليفة علم الهدي
Abureesh
rosemen osman
SHIBKA
سلمى الشيخ سلامة
tarig almakki
فيس بوك
تويتر
انستقرام
يوتيوب
بنتيريست