|
|
 ممكن تمسح 10 من اصحابك فى الFacebook عشان سندوتش بيرقر؟
|
ٍBurger King عندهم اعلان لذيذ جدا الايام دى. اذا مسحت 10 من اصحابك فى الفيس بوك بيرسلوا ليك كبون بتاع سندوتش بيرقر مجانا.
الapplication اسمها Whopper Sacrifice ممكن تنزلها من موقعهم او فى الفيسبوك.
الذيذ فى الموضوع ان الابلكيشن ح ترسل للناس اللى انت مسحتهم و تقول ليهم زولكم شندوتش البيرقر اقيم بالنسبه ليه من صداقتكم.
انا عندى حوالى كم و ستين صديق فى الفيس بوك. امسحهم كلهم و اشيل السته سندوتشات و خلاص!
|
|
 
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: smart_ana2001)
|
سمارتي يا حبيبة.. سلام وشوق ومحبة
لازم ترسلي لي أي طريقة اضيفك بيها لأصدقائي البعتز بيهم ومش ممكن أفرًط في اي واحد منهم حتى ولو بلقاء مع ليوناردو دي كابريو ..
ايميلي في الهوت ميل بإسم: palomaa21
لكن حأضيفك في حسابي بتاع الياهو الحأرسل منه الرد على رسالتك
Happy New Year to u & family
العوض سلام وكل سنة وأنت طيب
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: Raja)
|
كل سنه و انتى طيبه يا رجاء
| Quote: لازم ترسلي لي أي طريقة اضيفك بيها لأصدقائي البعتز بيهم ومش ممكن أفرًط في اي واحد منهم حتى ولو بلقاء مع ليوناردو دي كابريو |
ليوناردو دي كابريو مره واااحده؟؟؟ عينك فى عينى كده ؟؟؟
طيب نشوف!
_____________________________________________
شكرا جزيلا و لى الشرف اكون من اصدقائك (من غير وعود....ممكن يوم يقولوا بيدوا الناس اللى بيمسحوا اصحابهم عربات سكويا...ما معروف الدنيا!!!)
| |
|
|
|
|
|
|
|
|
 Re: ممكن تمسح 10 من اصحابك فى الFacebook عشان سندوتش بيرقر؟ (Re: Elawad)
|
سلام ياسمارتي
بالرغم من إنه بيرقر كينق الاحسن بين كل محلات الفاست فوود
لكن ماتوصل عشان سندوتش الناس تبيع ناسها
_________________
العوض سلامات وكل سنة وإنت طيب
بالمناسبة أحبطتني إحباط شديد
يعد ماشفت صورتك
(للجميع) الزول وسيم جدا ومافيهو ولا كلمة
لكن كان عندي شخصية وملامح محددة خاتها ليك لي اربعة ولا خمسة سنين
مابقدر اغيرها صراحة بسهولة
شوف ليك طريقة
عشان نقدر نتعامل مع العوض الجديد
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: Rawia)
|
Quote: سلام ياسمارتي
بالرغم من إنه بيرقر كينق الاحسن بين كل محلات الفاست فوود
لكن ماتوصل عشان سندوتش الناس تبيع ناسها |
سلامات يا راويه...
و الله انا شايفه انو ماكدونلاد هم افضل محل فست فود (على الاقل عندهم سلطات كويسه...اصلى فى اطار الصحة العامه و عامل السن و كده بطلت اكل فاست فود)
فكرى فى الموضوع بعمليه شويه..انتى اصحابك ديل ما ح تمسحيهم من وش الدنيا (و العياذ بالله ), ح تمسحيهم من الفيسبوك بتاعك. اخدى الساندوتش. و بعد كده لما يوحشوك رسلى ليهم ايميلات
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: smart_ana2001)
|
و عليكم السلام يا راوية... و إنت و كل من تحبين طيبين و بخير.
ما عارف شفتي الصورة وين و إن كنت مخمن مكان معين... بس دا احتمال أكون ما أنا .... لكن عارفك مهما كانت الصورة حتقولي نفس الكلام... دا بس من ذوقك.
معليش يا سمارت.... قلبنا ليك البوست ونسة لكن بنات العباسي أخوات كريمات نشكر بكري على إنو جمعنا بيهم.
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: jini)
|
جنى.... توم ويلينق ده جبتو من وين؟؟؟
شكلها راحت علينا عديل كده ...الممثلين كمان بقينا ما بنعرفهم. اصلا انا من زمان جاهلة فى الغنا
__________________________________________________________________________________________
الموضه الايام دى Twilight ."قبل كم يوم كان فى بوست بالعنوان ده"
انا ما عارفه هوس الامريكان الايام دى بمصاصين الدماء شنو؟
Twilight للناس الصغار (ناس الثانوى و كده).
للجماعة الزينا :
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: jini)
|
الأحباب الهنا كووووولكم.. ســـلام وجمعتكم مباركة
العوض يا عزيز.. تسلم يا كريم..
أنا موجودة على الفيس بووك وبكثرة.. هنا النفس عافت الوجود من كتر السخافات.. بدخل كل 3 أو 4 يوم. وما بلقى جديد.. ارجع لبياتي الشتوي.. اقصد بياتي الفيس بووكي..
في الفيس بووك بتختار منو يبقى صديقك، ومنو ممكن تتكلم معاهو.. وفي إحترام بين الناس بالطن. ولما تقفلو وتمشي تنوم بتكون في إبتسامة في وشك. نسينا الإحترام والإبتسام هنا.. فالجابرنا شنو؟
مرحب بيك صديق في الفيس بووك. رسل لي على نفس الإيميل عشان اضيفك واتعهد بعدم مسحك والتضحية بك باي عرض مغري..
سمارتي يا حبيبة..
الفيك إتعرفت يا خاينة .. ههههههههه
جني يا غالي..
أولا دي انا رجاء ما راوية.. شكلو النضارة بتاعتك لازم تتغير زي بتاعتي . وبالمناسبة دي انعي لكم اصدقائي واحدة من نضاراتي المقاتلات.. لونها ابيض باسود. إتكسرت الأسبوع الفاتت.. وطبعا لا زلت أتلقى العزاء ..
أها توم ويلينق وبتاع توايلايت وحتى زاك أفرون ديل لسة عيال.. يعني يا دوب يملو عيون بنات الابتدائي والمتوسطة.. هههههه
زولي دي كابريو ده بقى راجل ولا كل الرجال.. فهم ووسامة و..... خلوني ساكتة بس
راوية والطاهر.. سلامات كتيرات.
يا راوية أنا في كل الجنك فوود الحاصل ده ما ببدل دومينوز بيتزا بتاعت التونة والبصل. ولا كنتاكي..
طبعا أهم حاجة البيبسي البيجي معاها ..
وبركة يا الطاهر أنا مافي أصحابك. وإلا كنا لقينا روحنا مزحلقين في الملاح والقراصة .. رسًل لي
* سمارتي يا عسل. عجبتيني لما قلتي حتى ولو جات مشاكل في البوست ما حتشتغلي بيها.. المنبر بقى عجيييييييب
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: smart_ana2001)
|
بري يا يمه انا ما بدوره بيرجر كينج.. بعمل لي نفخه.. كان ماكدولندز ببيعكم كلكم..
انا اصلا في الفيس بوك عندي اربعة.. مروان اخوي.. ونادر.. وانسانه صاحبتنا في البورد ... وسامي اخو نادر.. ديل دحين يا سمارت ما بجيبوا لي fries؟! اصلا كلام في سركم، الايام دي انا عرته لي في diet.. رهيب.. قاعده اسيح عديل كده ... ده كله ما بنفع معاي...
تحية لبنات العباسي...
حمد.. شفنا العروس، وتب ما بنفكها.. ماشاء الله غايته انا عيني بارده.. في عيون حاره في البورده ده.. خلي بالك .. ابقى على لبان البخور
بنت الحسين
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: تيسير عووضة)
|
سلامات يا جنى
Quote: توم ويلنق دا كان عارض ازياء يخلوا ليهو اللبس يعنى يلبس بيزنس مان استايل بدلة وترولى لاب توب تانى يوم ما تفضل لا بدلة لا لاب توب
يلبس كاجيوال تانى يوم امة المسيح تخلى البدل واللابتوبات! |
عارض ازياء عديل كده؟؟؟
يا اخى انا الزول اللى خاته فى صورة البروفيل بتاعى بيلبس تى شيرتات حمرا
و جاكتات مع كدارت....بشتنه شديده. اكيد ما ح اعرف عارضين الازياء.
راحت علينا و الله
| Quote: انت قايل بكرى دا بنى بيت الحلفايا من وين ما من عباطة وفراغ ناس جنى وتراجى! |
اهااااا ......... ح نقر (على قول المصريين)
دى و الله بالغت فيها
Raja
سلامات
قلتى لى لسه باقيه على العهد القديم..دى كابريو؟؟؟
انا لسه على العهد القديم جدا و بحضر الايام دى (للمره المليون ) الدى فى دى بتاع beauty and the beast
يا زوله ما تزعلى من الحاصل هنا....عادى ....بس ما تاخدى المواضيع جدا ...عشان ما يجيك ضغط و سكرى.
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: smart_ana2001)
|
حمد فتح الرحمن
كل سنة و انت و الاسره و الاموره اللى فى الصوره بالف خير (ربنا يحفظها)
| Quote: الظاهر كلهم ببيعو فيني بي بيرقراية |
و حاتك العشرة اصحاب ببيرقرايه. يعنى اصحبك قصدهم ان صحبتك ما بتسوى ملعقة كاتشب
كنت عاوزه اقول ليك الاموره اللى فى الصوره عاوزه اخطبها لواحد من الاولاد لكن لما قريت كلامك لصحبتى مريم| Quote: اها عليك الله محمود جمع كم احدي اسه |
عرفت انك داخل على طمع
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: smart_ana2001)
|
سلامات عبدالكريم الامين احمد و كل سنه و انت طيب
Quote: ناس بيرقر كنج ديل دقسوا ولو لم فيهم واحد مسخوت يعدمهم نفاخ النار...
ويومي يملي قندران بتاع سندوشات يمشي بيعو في قندهار بتاعة امريكا
يسجل زي ديشيلون اسم وهمي ويومي يكشهم من اللستة ويرجع وهكذا |
شكلهم بيقولوا شاندوتش واحد لكل حساب.
و عشان تفتح حساب لازم تقعد تملا البيانات وكده (يعنى برنامج) و ما بتقدر تكتب ليك برنامج كومبوتر يعمل ليك حسابات اتوماتك عشان عندهم سكيرتى شيك (الارقام المكعوجه اللى بيقولوا ليك اكتبها كل مره تفتح حساب او ترسل رساله لصديق)
و لو عندك وقت عشان تفتح حسابات كل و يوم و تضيف اصدقاء و تمسحهم عشان البرقر ..حلال عليك الساندوتشات
Quote: لكن المحيرني الموضوع ده دعاية من الخواجات ديل
ولا دعابة ولاشنو
|
الموضوع دعايه من بيرقر كنق. خاصه انو مستخدمين الفيس بك بقوا بالملايين.
najma
اسعد الله ايامك
| Quote: حمد فتح الرحمن خلاص انت زاتك بيع |
موش كده بالله ؟؟؟ يقعد يرجى التركين لحدى ما (لما يجى التركين ) ما يلاقى زول يبيعوا. على راى جنى ..الدنيا كساد..بيع سريع
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: smart_ana2001)
|
سلامات يا سمارت ( شكلها كدا زي الشعر )
ونحن طلبة كانت الجامعة بتدي إعانة شهرية ( بيرسري ) قدرها خمسة جنيهات كاملة . من عظمة الجنيهات الخمسة هذه إننا كنا نشتري منها بنطلون بمبلغ 250 قرش وقميص بمبلغ 125 قرش من ( الصالون الأخضر ) ويتبقى منها 125 قرش للسينمات والعشاء الخارجي
المهم
من شروط إعطاء الطالب الإعانة إما أن يكون والده متوفياً أو يحضر شهادة راتب في حال أن الوالد موظف حكومة أو ( شهادة فقر ) من المجلس البلدي التابع له في حال كون الوالد غير موظف
صديقنا ( ..) لم تكن تنطبق عليه شروط الإعانة هذه كون والده من ( أعيان ) المدينة لكن كان يحزنه أن الشلة كلها ( تتنعم ) بالإعانة دونه وتبرمج لها وبها وهو ( محروم ) من هذا الشرف.
ذهب يوماً لعميد الطلاب بحرقة حقيقية وخاطبه
- يا دكتور الـ أبوه غنيان لكين ما بيدويهو مصاريف إنتو ما بتدوهو إعانة؟؟
رد عليه العميد بهدوء
- أمشي اكتلو وتعال . نديك إعانة زى الترتيب
_____________________
سلامات رجاء
نفسي أعرف العاجبك في الأولاد ( الجرابيع ) ديل شنو ؟؟
كان إنت كان أختك
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: عاطف عمر)
|
تحيات و احترامات عاطف عمر
| Quote: أمشي اكتلو وتعال . نديك إعانة زى الترتيب |
مبااالغه.....
ابو ما بدى مصاريف ده اخير عدمو (just kidding)
(شهادة فقر) دى لذيذه و الله.....اظن ان 99% من الشعب السودانى الان ممكن يطلع شهادة فقر.
اصلا لو انت سودانى ..مفروض مع شهاده الميلاد يدوك شهاده فقر طوااالى (الا من رحم ربى)
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: smart_ana2001)
|
| Quote: من موقع بيرقر كنق: حتى الان اللى اتمسحوا حوالى 56 الف صديق فى الفيسبوك |
Oh my God يعني 5600 سندويتش.. دناوة بجد
عاطف يا حبيب.. ســـلامات
الوليدات ديل بالألوان. يعني إحنا أبيض واسود وهم كلرز.. عيون زرق، شعر أصفر ..
لكن والله ده ما سبب تكسير 3 ضلعات من الجهة الشمال وضلعتين من الجهة اليمين في "ليو".. ده زي ما بيقول أهلنا المصاروة: سخسية
مريوم يا حبيبة.. كل عام وانت بألف خير ومعاك نادر وموود.. رسلي لي في ايملي الفوق ده عشان نبقى 7 نقدر نجيب ليك كانزاية بيبسي مع الفرايد شيبس ..
الأحباب كيكي وحمد ونجمة وتيسير.. ســـلام
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: حمد فتح الرحمن)
|
سلامات تانى يا رجاء
| Quote: لكن والله ده ما سبب تكسير 3 ضلعات من الجهة الشمال وضلعتين من الجهة اليمين في "ليو".. ده زي ما بيقول أهلنا المصاروة: سخسية |
"السخسيه" لقها وين سيد "ليو"؟...... الجماعه ديل كلهم" سماحة جمل الطين"... (ذى ما بتقول حبوبتى)...لكن هى و الله ما سماحة نصاح...
هسى تجيك مريم تقول ليك "انا ما شايفه الناس ديل سمحين"
و انا عندها ح اقول ليها (جنى اللى عندو راى فى اى حاجه , قال سمحين)
ما عارفه هى تانى ح تقول شنو بعد كده.
حمد فتح الرحمن
بوستات النسوان ؟؟؟؟؟؟؟؟؟؟؟؟؟؟؟؟؟؟
طيب...امشى اطلع بره....مطرود
| Quote: هسه المرا تشوف قلة القيمة دي تقول على دا راجل شنو ؟ |
انتو الاتنين حارسين سودانيزونالين؟؟؟ كفايه واحد فيكم. البنت (الحلوه ) دى منو اللى بخلى باله منها؟؟؟؟
اهل اخر زمن!!!!!!!!
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: smart_ana2001)
|
الdiet برسله ليك بعد تضيفيني في facebook ... بس ما بضمن ليك بعداك يحصل شنو ..
رجوية.. وانا في ديك الساعة.. الليله يوم الهنا.. ويوم السعد.. ثواني وايجيك الخطاب بالإضافة...
سمارت.. والله ضحكني حوارك الداخلي ده...
Quote: هسى تجيك مريم تقول ليك "انا ما شايفه الناس ديل سمحين"
و انا عندها ح اقول ليها (جنى اللى عندو راى فى اى حاجه , قال سمحين)
ما عارفه هى تانى ح تقول شنو بعد كده |
انا عندي نظرة غريبة للشكل.. يعني الزول السمح ما بقول سمح لو ما السخسية سمحه.. حسي الزول الخاته صورته دي، عاجباني شخصيته في House.... اها ده شايفاه اسمح من PittوCruse مجتمعين.. عارفاك حتزعلي
بنت الحسين
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: smart_ana2001)
|
سمارت بعد إذنك
أتونس شوية مع رجوية ( ماقلت ليك الشغلانية حتقلب شعر )
عارفة يارجاء
أختك سعدية متولية مسألة متابعة دراسة البنات ، وتمشي المدارس وتحضر إجتماعات وتناقش وتشاكل وفي النهاية تديني ( بريف ) للحاصل . تطلب الوضع يوماً أن أذهب معها للمدرسة الثانوية حيث تدرس هديل وأسيل . بعد إنتهاء مأموريتنا أحضرت هديل وأسيل صديقاتهن للسلام علينا . دردشنا معهم ومازحناهم.
عند حضورهن للمنزل بدأن في التسابق لإخبارنا بتعليقات صديقاتهن على أنا الجديد عليهم والتي كانت من نوعية ( شخصية .. ودمو خفيف ..وفاهم... ) . لكنني فاجأتهم بقولي
- إنتو ما ملاحظين أنو ولا واحدة من صاحباتكم ( البجم ) ديل قالت على قيافة ولاَ مسمسم ولاَ شرط ؟؟
فأجابت أسيل التي لا تعرف المجاملة
- إنت يا بابا مش طول عمرك بتقول نحنا ما لازم نكذب أبداً ؟؟ طيب ليه عاوز بنات الناس ديل يكذبوا ؟؟
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: smart_ana2001)
|
Quote: - إنتو ما ملاحظين أنو ولا واحدة من صاحباتكم ( البجم ) ديل قالت على قيافة ولاَ مسمسم ولاَ شرط ؟؟
فأجابت أسيل التي لا تعرف المجاملة
- إنت يا بابا مش طول عمرك بتقول نحنا ما لازم نكذب أبداً ؟؟ طيب ليه عاوز بنات الناس ديل يكذبوا ؟؟ |
تستاهل!
ديل جيب الفيديو كليب وانت جيل حقيبة الفن!
قال مسمسم!
بتحلم!
صح النوم راحت علينا!
جنى
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: smart_ana2001)
|
شفتي يا سمارت.. الفيديو ده هو زاااااتو العاجبني فيه.. زول حقّار.. وما عاجبه زول.. وما هاميه زول... بعمل اي حاجه عشان يصل للعايزه.. ساخر .. ودمه خفيف... صحي هظاره ثقيل على البسمعه.. لكن انا بضحكني.. وشغال في الناس كلها.. مافي زول مخليه في حاله.. شفتي رئيسة قالت شنو... نبذته، وبعداك قالت is the best doctor we have... غايته انا بكيفني عديييييييييييييييل بغض النظر عن امكانية وجوده في الحياة.. كلهم بتغاظوا منه، لكن جواهم بحبوه.. داخله طيب.. وبخاف يظهر طيبته دي.. فاكرها ضعف.. طبعا ده غالبا شي من طفولته التعيسه ............
Dr.Phill in the house
اما اللهجة الBritish انا بموووووت فيها.. رغم اني ما بفهما بسهولة زي الامريكية.. بحسها اصعب.. بس المسألة تعود.. انا اشتغلته مع الامريكان اكتر من البريطانيين..
بنت الحسين
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: jini)
|
الأحباب ســـلام..
يا سمارتي "ليو" شدة ما عندو سخسية بدأ يخرج افلام كمان. وحيسير في درب إيستوود وريدفورد وكل الناس الخلقة والسخسية..
بعدين بيدافع عن قضايا. وكنت متابعة ليهو قضية دعم برنامج الفذاء العالمي (بدون بروبجاندا زي التانيين) وقضية البيئة..
أما عن "بيت" فأنا من يوم ما بقى مباري "أنجلينا" مسحتو من أجندتي. الغريبة زمان كنت بريدها. لكن بعد ما صاحبت براد. بقيت ما بطيقها. ولما جات في دارفور ما كان عندي اي رغبة لمقابلتهاوزاد عليها أصحابي قال لي كانت لما تسلم على ناس المعسكرات ترجع للعربية وبسرعة لغسل يديها ووضع المطهر. وبكده طلعت من ذمتي باطن وظاهر.
يا عاطف.. تعرف أنا لما بكون بتفرج على فيلم ويكون الممثل وسيم. اقول لأمي: الحمد لله ما عرستا. لأنه قطع شك الراجل ما حيكون بوسامة البطل القدامي. ووقتها كنت حأغتاله وانتحر بعده.. هههههههههه
يا سمارتي ومريوم حضرتو "أستراليا"؟
طبعا من يوم ما حضرته وانا مفصومة بـ "هيو جاكمان".. الله يدينا بس..
* سوري.. خاصية الوشوش ما شغالة عندي..
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: smart_ana2001)
|
Dr.Phill
Opppps قصدى مريم..
| Quote: داخله طيب.. وبخاف يظهر طيبته دي.. |
انا حضرت المسلسل ده مليون مره (الحلقات الطلعت لحدى هسى طبعا) و ابدا ما شفت مشهد و احد حاول المؤلف ان يقنع الناس فيه ان هاوس زول طيب.(شفتى الحلقه اللى مات فيها ابوه؟؟؟تخيلى ابوه مات وما كان عاوز يمشى العزاء. و لما مشى _غصبا عنه_ قال كلمة ذى الطين عن ابوه)
انا ما ح انكر انو الشخصيه عاجبانى جدا جدا. لانها محبوكه يعنى ما حصل يوم عمل حاجه غريبه على شخصيته.
و لانى بحب الناس المجانيين. و ذى ما قلت قبل كده لو هاوس كان قريبى كنت قاطعته نهائى و لو كان مديرى كنت استقلت . و اكيد ما ح يكون عندى صاحب ذيو.
المسلسل مكتوب بطريقة جميلة جدا . النكات فيه Very smart و القصص Fresh .
احنا متفقين اننا بنستمتع بمشهادة هاوس .احتمال لنفس الاسباب و احتمال لاسباب مختلفة.
________________________________________________________________________________________________________
دى احدى مقولات هاوس الشهيرة . انا عاجبانى جدا: I am curious. Since I'm not a cat, that's not dangerous
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: smart_ana2001)
|
Quote: اها انا ضفتك يقدرك الله ما تعملى كونفيرم عشان اجاهد فيك جهاد مودع!
عشان كل ما يتموا عشرة نمسح ونطلع لينا بى ساندوتش بيرجر!
تحياتى يا اسمارت قالوا دق الاضينة واعتذر ليهو!
نحن ناس اشتم فى حارة واعتذر فى زقاق! يعنى نشتم فى المنبر ونعتذر فى المسنجر!
شفتى كيف الغلاسة! |
يا لطيف الالطاف نجنا من ما نخاف...
اها يا جماعة اشهدوا ان ح اضيف جنى...لكن...
لو يومين ما ظهرت اعرفوا انه جاهد فينى و لحقنى الراحوا. ما عارفه كيف.!!! يمكن يخت لى لغم فى رساله . الله اعلم
اها العفو و العافيه
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: Raja)
|
سلامات يا رجاء
خلاص ح نقول انو "ليو" عند سخسيه و العهده عليك
لو عمل ليه حاجه كده و لا كده , ح نسالك انتى
| Quote: أما عن "بيت" فأنا من يوم ما بقى مباري "أنجلينا" مسحتو من أجندتي. الغريبة زمان كنت بريدها. لكن بعد ما صاحبت براد. بقيت ما بطيقها. ولما جات في دارفور ما كان عندي اي رغبة لمقابلتهاوزاد عليها أصحابي قال لي كانت لما تسلم على ناس المعسكرات ترجع للعربية وبسرعة لغسل يديها ووضع المطهر. وبكده طلعت من ذمتي باطن وظاهر. |
الحمد لله!!!!
انا اصلى ما بطيقها...لله فى لله . الحمد لله ...الان عندى سبب.
| Quote: سمارتي ومريوم حضرتو "أستراليا"؟ |
ابدا ما حضرته... و لا حتى سمعت بيه.....قلت ليكم ...راحت على انا بعد كده.
_____________________________________________________________________________-
ده مسلسل حضرته كله فى يوتيوب .....16 حلقه. شوفيه ....يمكن يعجبك
http://www.youtube.com/watch?v=OHls2VqwX4A&feature=related
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: smart_ana2001)
|
| Quote: I am curious. Since I'm not a cat, that's not dangerous |
انا بتعجبني لغته دي.. صحي الcredit عائد للكاتب ايضاً.. لكن الممثل ابدع في اداء الشخصية... جزء من السغاله انه جابوه انجليزي.. لانه الانجليز سغيلين ... غايته احنا عرضوا لينا موسم واحد.. وفي انتظار الباقي.. يعني بالجد.. بستاهل.. وانا فعلا بضحك فيه من قلبي... طبعا ما عايزه زول زاتو بالمواصفات دي يكون موجود على بعد خمسين كيلو من محيط حياتي... لكن بستمتع جدا بالمسلسل...
رجويه.. أستراليا سمعته بيه.. وشوفته حلقه عنه في اوبرا... وبس .. الباقي بتموا ليك في الfacebook
بنت الحسين
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: مريم بنت الحسين)
|
سلامات يا مريم
واحده صحبتى كنت خاوتها هاوس هاوس و هى اصلا ما شافته. فى يوم اقتنعت و مشت اجرت الدى فى دى بتاع الاربعة مواسم و بعد ما خلصت الاسطوانات بدات تحضر فى الانترنت الموسم الخامس لحدى ما حضرت حوالى 105 حلقة فى اسبوعين. الزوله دى كانت بتساهر لحدى 4 صباحا تحضر فى المسلسل و تجى تانى يوم الشغل حالتها صعبة و لما الناس يسالوها ليه عامله فى روحها كده بتقول ليهم دى غلطتى انا عشان شبكتها فى هاوس.
الممثل اللى قام بالدور انجليزى اصلا ..لكن شخصية هاوس امريكيه...و بيضحك على د. جيس الاسترالى (فى الاصل وفى المسلسل) دائما و بقول ليه انت انجليزى و لما جيس يقول ليه انه استرالى و ما انجليزى هاوس بيقول ليه ما دام خاتين الملكة فى قروشكم معناها انجليز.
من الحجات العاجبانى فى ا لمسلسل تكنيك فى التصوير اسمه Walk and talk .و هو الممثلين بيكونوا ماشين و بيتكلموا. و المخرج قاعد يستعملوا كتير و شكلهم عشان كده غيروا رايهم من فكرة ان هاوس يكون مقعد تماما و فى كرسى متحرك ( دى كانت الفكرة الاولى فى المسلسل).
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: khaleel)
|
khaleel
ازيك؟؟؟
قريت تعليقك قبل ساعتين... و انا متاكده انى سمعت ال Expression ده "بيرغر كمنجة " فى نكة او حاجه.
قلت خلاص امشى اعمل لى كم حاجه و اجى راجعه اكون اتزكرت. عملت مليون حاجه فى الساعتين ديل و ما قدرت اتزكر سمعته وين!!!!!
اها ....من وين التعليق ده ؟؟؟ عشان ما تجينى نفسيات...
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: smart_ana2001)
|
| Quote: اها ....من وين التعليق ده ؟؟؟ عشان ما تجينى نفسيات... |
تسلمى من النفسيات اناء الله النفسيات لى تزبى ليفنى!
بيرجر كمنجة دى نكتة محمد موسى بتاع الهيلاهوب بتاع العامل فيها لى ناس الحلة ابو العريف فى الانجليزى كلامو كلو اسامى سيجنال بنسون بيرجر وهكذ لمن قشطو الخواجة كف وقعد يبرر ليهم سبب كف الخواجة انه قال ليهو انت وكت بتعرف انجليزى قدر دا المقعد مع الطير ديل شنو!
جنى
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: smart_ana2001)
|
| Quote: الممثل اللى قام بالدور انجليزى اصلا ..لكن شخصية هاوس امريكيه...و بيضحك على د. جيس الاسترالى (فى الاصل وفى المسلسل) دائما و بقول ليه انت انجليزى و لما جيس يقول ليه انه استرالى و ما انجليزى هاوس بيقول ليه ما دام خاتين الملكة فى قروشكم معناها انجليز |
انا قصدي انه جابوه انجليزي عشان ا لسغاله عندهم في الجينات.. اصلا الممثل ده اتقن السغاله لدرجة تخليك تحسي انه هو زاته سغيل في حياته... ياخ عنده لسان حنضل... انا حأدمن المسلسل زي صاحبتك لو لقيت وقت بسوي اكتر منها.. لكن انا جاريه زي الساكيني.. بس اصبري الاجازه قربت.. ولقيت لي موضوع...
بنت الحسين
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: khaleel)
|
khaleel
| Quote: طيب لو شطبت خمسة ممكن اخد نص ساندوتش |
و هم يعملوا بنص الساندوتش شنو؟؟؟
| Quote: بعدين هل ما بفرق لو المشطوبين جكس وللا اولاد |
هم عندهم ما فارق...اذا كان انت عندك فارق..اختار بحرص .امسح كل الدبايب**
___________________________________________________________
** و خلى العقارب
| |
|
|
|
|
|
|
|
|
|
Re: ممكن تمسح 10 من اصحابك فى الFacebook عشان سندوتش بيرقر؟ (Re: smart_ana2001)
|
عفت ادارة الفيسبوك الاصدقاء شر المسح....
مسحت ادراة اليسبوك الابلكيشن بتاع بيرقركنج ...بحجة انه ما متوافق مع سياسة الموقع اللى بتشجع الناس على التعارف (موش البيع عشان ساندوتش)
و حكاية انو الابلكشن ترسل لاصحابك المسحتهم دى قالوا برضوا ما عجباهم...لان الفيسبوك بيوعد بخصوصية فى الحجات دى. يعنى لما تمسح اصحابك (الان فى الفيس بوك) ما بيعرفوا انهم اتمسحوا.
انتهى الكامبين..اللى حصل شاندوتش ..حصل....اللى ما حصل...فرصى تانيه عن قريب ان شاء الله....
و فى الوقت الحالى... استمتعوا بصداقاتكم فى الفيسبوك
شكرا لكل الى قالوا حاجه فى البوست ده (المتداخلين) :D .....
The End
| |
|
|
|
|
|
|
| |
smart_ana2001
Elawad
Raja
Rawia
jini
الطاهر ساتي
حمد فتح الرحمن
عبدالكريم الامين احمد
مريم بنت الحسين
تيسير عووضة
عاطف عمر
؟
محمد عبد الماجد الصايم
PLAYER
khaleel
فيصل نوبي
فيس بوك
تويتر
انستقرام
يوتيوب
بنتيريست