|
مكالمة من نوع غريب جداً ؟؟؟ أرجو إفادتي يا أهل سودانيز أون لاين
|
بينما أنا أتصفح في سودانيز أون لاين ... رن هاتفي الجوال فإذا بها مكالمة خارجية صاحبها لم ينتظر طويلاً وفي محتواها أنا من دولة السنغال الإسلامية المطلوب منك بقرتين وثلاث خرفان وأنا لا أحتاج لجلدهما ولسانهما ... "صدقة" قلت له ليس لديّ بقر ولا خرفان قال لي عليك دفع مبلغ خمسة آلاف ريال وأنا الآن موجود في الخلوة فقلت له ليس لدي خمسة آلاف ريال .. قال 2500 وخمسمائة ريال وأنا أسمي محمد مصطفي ديام وغداً تحول الفلوس عن طريق بنك السعودي البريطاني ... وأرجو الإتصال بعد 10 دقائق وإنتهت المكالمة علي أمل أن أرجع له بعد الـ 10 دقائق
|
|
|
|
|
|
|
|
Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين (Re: Tragie Mustafa)
|
العزيزة تراجي مصطفي ... والله العظيم... والله علي ما أقول شهيد هذا ماحصل معي الشئ التاني بالنسبة للهجة ... لهجة عربية ركيكة جداً لدرجة أن فهمها يصعب وبالنسبة للتلفون إلاّ كان شالوا من البروفايل بس تعرفي كنت كاتبوا لكن مسحتو ... مامنو فايدة بجيب المشاكل كنا مشركين بيه لكين وكت جابت ليها شيوخ وخلاوي وطلبات الشرك ذاتو خليناه
ــــــــــــــــــــــ كمال ود الزين .. باين عليها وماسورة "كبشرة" أضحك سااااي إنشاء الله يتصل عليك ... وأنا كان إتصل علي تاني مرة حرّم غير تلفونك ماشايف
| |
|
|
|
|
|
|
Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين (Re: عصام الجيلي)
|
السلام عليكم عصام الجيلي اول شىء حبابك عشرة تعرف لو حبيت تحولو على ما عندي مانع اصلي اليومين ديل فاضي وكمان أخوك تخصص عينات زي دي آخر مرة كنت في السودان اتشبك فيني واحد مصر انو أنا فلان الفلاني العايز منو قروش وزايغ منو حاولت اقنعوا انو الرقم غلط أصر انو انا الزول المطلوب قدر ما حاولت معاه مافي فايدة اخر شىء بقيت لما يضرب أقعد اتونس معاهو وادردقو في الكلام وادخل معاهو في تفاصيل ما انزل الله بها من سلطان غايتو زولي لما اتاكد انو انا ما الزوول المطلوب كان صرف قدر الدين العايزو مرتين اسكراتش ساي ......... وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين (Re: Elawad Eltayeb)
|
العمدة عادل سهل ..Quote: الفلم دا خشيناه كثير والبطل ما ح يموت |
دي كانت أهم مافي الفلم وفي البوست ذاتو .. شكراً لك عزيزي عادل وماعدمناك ــــــــــــــــــــــــــــــــــ الباشمهندس ود السيد .. بيني وبينك إسمك الأول صعب علي بالحيل ماعرفتو أنقليش ولا أنقلاند ولا إنجي ... المهم شكراً للتوضيح والطمانينة التي منحتني إياها كلماتك وشكراً لانك وبالنسبة لسؤالك Quote: أها سؤالي ليك إنت قرينك معاك ولا ضدك |
الإجابة لانو ــــــــــــــــــــــــــــــــــ الأستاذ ... العوض الطيب .. شكراً لمرورك Quote: لييه هو قال عايزم "مشويات" |
زولك دا كان ماأخاف الكضب شكلو جحمان عديل كدا لانو مسكولاتو اصلا ما وقفت .. وأضطراني أخلي جوالي في الصامت ع طول
| |
|
|
|
|
|
|
Re: مكالمة من نوع غريب جداً ؟؟؟ أرجو إفادتي يا أهل سودانيز أون لاين (Re: Sabah Hussein)
|
يا أخي افريقيا الخضراء والجائعة في نفس الوقت لديها مشكلتين حكامها ومشعوذييها حتى ان كثيراً من حكامها يؤمنون بالشعوذة والدجل والسحرة وهذا سبب تخلفنا الى يوم الدين سمعت طبعاً مرة بالنكتة اللذيذة جداً واحد ساحر سوداني قال عاوز عتوت أزرق !!! بالله عليك الله في نادي الهلال الزول حايلقى تيس او عتوت أزرق والمشكلة هؤلاء المعتوهين مازالوا يمارسون عملهم في وضح النهار ولامحاسبة لمثل هؤلاء الذين أكلوا اموال الشعب بالباطل الا ترى بنفسك هؤلاء الذين يقولون أنهم يحولون القروش الى دولارات ورغم انهم لو استطاعوا ذلك لعملوها بانفسهم ولنفسهم والمشكلة أولئك الجهلة الذين يذهبون اليهم شاهدت أحدهم العام الماضي بالحصاحيصا والناس يتجمهرون حوله لديه علاج لكل الأمراض واشغل الناس عن أعمالهم بائع الليمون توقف واصحاب الكارو توقفوا وكذلك الجزارين حتى بعض افراد الشرطة يتفرجون على هذا الحمار ولو كانت لي سلطات وصلاحيات لبصقت عليه وحملته معي الى حيث يجد الجزاء الرادع
يا أخي الى متى نغزو الفضاء والى متى نعالج الملاريا والبلهارسيا والايدز متى نشيد الطرق ونربط افريقيا مع بعضها متى نبني منازلنا كبقية خلق الله ونوفر المدارس والرعاية الصحية للأمهات والأطفال العالم يتقدم عشرات الخطوات للأمام ونحن نرجع مئات الخطوات للوراء هل تعلم ان افريقيا كلها ليس لديها قمر اصطناعي بل كل هذه الفضائيات التي تشاهدها قد قامت بتأجير مساحة لها في اقمار الله الهائمة نحن الآن ندار من الفضاء ولانعرف ذلك
قبل اسبوعين قابلت أحدهم بجده يحمل أدوية عشبية جنسية يقول أنها اقوى من الفياغرا والغريبة أنه يصطاد السودانيين وكأنهم بحاجة الى فياغرا قلت له ماعندك حظ فقد انتهت كل قروشي بباب شريف والقنصلية السودانية اتمنى أن نكون أكثر وعيا من أجل أن تنهض افريقا وشعبها
| |
|
|
|
|
|
|
|