|
|
 تطير عيشتك يا الحزب الشيوعي ...ما بين تراجي و محمد حامد جمعه
|
دييك قالت
فلول الشيوعي و اليسار هنا التي تريد تفرقة ابناء الهامش
و داك قال
نقد كان عارف عشان كدا قطع زيارتو
بلاي اهنداك نقد امشوا اعتقلوا
و ما في زول داير يشوف الموقف الرسمي للحزب الشيوعي دا شنو و الشايفنو ما دايرين يفهمو
تصريح صحفي
من سكرتارية اللجنة المركزية للحزب الشيوعي السوداني
ماحدث من صراع مسلح أمر مؤسف خاصة عنما يروح ضحيته أبناء الوطن الواحد سواء من القوات المسلحة أو من القوات النظامية أو القوات الأخرى أو أبناء دارفور أو مواطني مدينة أمدرمان أو المدن الأخرى .
ونرى ان مشكلة دارفور لا تحل بالنزاع المسلح أو بنقل الصراع من دار فور إلى الى ام درمان او إلى أى مدينة. في الأصل نحن ضد إستمرار الحرب في دارفور نفسها .
إن قضية دارفور تحل عبر المناقشات والحوار السلمي الديمقراطي. ولهذا نصر على قيام المؤتمر الدارفوري_ الدارفوري بصورة ديمقراطية و إشراك كافة قوى المعارضة بأحزابها وتنظيماتها المختلفة صغرت ام كبرت مع المؤتمر الوطني والحركة الشعبية للتشاور في الحل الديمقراطي العادل لقضية دارفور .
ان التلكؤ في عقد مثل هذه اللقاءات الجامعة هو ماجعل القضية تتصاعد بهذه الصورة . لذا نري ضرورة الإستجابة لمطالب أهل دارفور المتمثلة في :
• الإقليم الواحد ، التعويضات العادلة ومحاكمة من أجرموا في حق أهلنا في دارفور .
• يجب ان لاتتخذ الحكومة الأحداث ذريعة لحجر الحريات. و لإشعال الحرب بين السودان وتشاد ، ونتعظ بالتجربة القريبة الماضية التي راح ضحيتها المئات من أبناء الشعبين السوداني والتشادي الذين ليس لهما مصلحة حقيقية في الصراع الدائر بين الحكومتين لأن هما الضحية في نهاية المطاف.
• لهذا يجب أن بفسح المجال للتشاور والحوار ويسود صوت العقل على فرقعة السلاح.
• تعطي القوات الدولية الموجودة حاليا في دارفور الفرصة لبسط الأمن هناك والقيام بدورها في حماية المواطنين من اى إنتهاكات لحقوقهم المشروعة .
الحديث عن أن القوات التي دخلت أم درمان هي قوات تشادية هو محاولة لتبرير الغفلة ، كيف يستقيم عقلاً ومنطقاً أن تتحرك قوات من تشاد وبهذا الحجم من العربات والعتاد والمقاتلين وتدخل أمدرمان عبر ولايات هي مسارح لعمليات حربية ومن المفترض أن بها قوات جيش وامن وغيرها دون علم الحكومة بل تفاجأ بهذه القوات في قلب أمدرمان وهو سؤال يستحق بل يستوجب المساءلة والرد عليه ؟.
الحديث عن أن الحكومة سترد قريباً على تشاد هو في واقع الامر يسهم في تأزيم المشكلة في دارفور وتصعيدها وضد السعي لحلها سلمياً عبر الحوار.
من هذا المنطلق العقلاني نطالب بإطلاق سراح كل من أعتقلوا لمجرد أنهم من أبناء دارفور ولم يشتركوا في القتال من قريب أو بعيد. وان يسود في هذه اللحظات العصيبة صوت القانون وممارسته غير المنحازة . وهذا يقود إلى أهمية التحول الديمقراطي إعطاء المزيد من الحريات للمواطنين ليسهموا بحرية في حماية أمن البلاد وإبداء الرأى الواضح في حل مشكلة دارفور.
لابد من تعويض كل من هدمت ممتلكاته واحرقت محتوياتها ومعظمهم من الفقراء والمعدمين .
واخيراً نترحم على فقداء الوطن والشعب السوداني من كل الأطراف .
سكرتارية اللجنة المركزية للحزب الشيوعي السوداني
الأحد 11 مايو 2008م
|
|
 
|
|
|
|
|
|
|
|
Re: تطير عيشتك يا الحزب الشيوعي ...ما بين تراجي و محمد حامد جمعه (Re: Amjed)
|
يا امجد خليكم من (حركات تفلقوا وتداوا)
عضويتكم هنا تخرمج وتظبطوا لينا بيانات زي الورد!!
Quote: دييك قالت
فلول الشيوعي و اليسار هنا التي تريد تفرقة ابناء الهامش
|
ود الزين ماسك الدلوكه لحواء الطقطاقة ويجي ينظر لينا
عن دبابية خليل ابراهيم
لو خليل ابراهيم دباب فان عبد الباسط سبدرات شيوعي؟؟؟
ولو الانقاذ حاليا ثورة هامش يبقة مايو انتهت شيوعيه.
انتو قايلين الناس في راسها قنبور؟؟؟؟
شيوعينكم البقوا زي محمد الجزولي جايننا بآياتهم ديل الله يهون علينا منهم
فانه نفس استغلال الدين لنجر ما يشاؤوا منه بالآيات
قال اذا جاءكم فاسق بنبأ فبتينيوا!!
يازول هل انت مدرك لمدى خرمجة عضويتكم هنا؟؟؟؟
وخدر يحملنا مسألة تراكم العنصريه في السودان!!
وكانه نسي اهمية تراكم راسل المال في نظرية تطور الرسألميه!!
غايتو جنس غايتو!!
| |
|
|
|
|
|
|
|
|
|
Re: تطير عيشتك يا الحزب الشيوعي ...ما بين تراجي و محمد حامد جمعه (Re: Tragie Mustafa)
|
حسي نحنا يا تراجي
نحاسب ياتو تنطيم بكلامك البتقوليهو دا
ياخي الناس ديل بيقول وفي اراءهم ما في راي الحزب
الحزب دا موقوفو الرسمي
و رأي خدر انو ارتفاع النبرة العنصرية بيولد عنصرية مضادة كلام سليم
و شوفي اليحصل بكرة
و انت زاتك لو كننتي ساكنة في امدرمان الله اعلم موقفك كان حيكون شنو
و خليل ابراهيم دباب و اثبت بالعملو دا انو هو لسه بالعقلية الكيزانية الممكن تهد المعبد بصرخة علي و هاى اعدائي
ضحى بالاطفال ديل و غرر بيهم و هم فير مستفدين ولا الشارع مستعد
و ادى الكيزان جنازة يشبعو فيها لطم و فرصة يستبيحوا الشارع و هم ما حيقصروا
ولو مشكلة دارفور حتتحل كدا
الكترابة
و قلت لي تراكم راسالمال
عارفة غرامشي قال شنو
قال
االغضب يولد الفوضى
الوعي هو الذي ينتج الثورة
الحصل امبارح و الليلة دا و شكلو لسه حيحصل زيادة اسمو
فوضى
اجتهدي معانا شوية عشان الوعي!!!
| |
|
|
|
|
|
|
|
|
|
Re: تطير عيشتك يا الحزب الشيوعي ...ما بين تراجي و محمد حامد جمعه (Re: Amjed)
|
حسه في تخبط و عمى اكثر من حقك ده يا امجد؟؟؟؟
Quote: دي ما ازمة شوف سياسي دا عمى و تخبط عدييل
و البيموتو في الشارع ديل حسي هم ابناء الهامش و في الطرفين
و الافدح انو كلهم اطفاااال |
Quote: و رأي خدر انو ارتفاع النبرة العنصرية بيولد عنصرية مضادة كلام سليم
و شوفي اليحصل بكرة
و انت زاتك لو كننتي ساكنة في امدرمان الله اعلم موقفك كان حيكون شنو
و خليل ابراهيم دباب و اثبت بالعملو دا انو هو لسه بالعقلية الكيزانية الممكن تهد المعبد بصرخة علي و هاى اعدائي
ضحى بالاطفال ديل و غرر بيهم و هم فير مستفدين ولا الشارع مستعد
و ادى الكيزان جنازة يشبعو فيها لطم و فرصة يستبيحوا الشارع و هم ما حيقصروا
ولو مشكلة دارفور حتتحل كدا
الكترابة
|
انا ما قلت لك انتو بتفلقوا وتداوا؟؟؟؟
يعني تظبطوا بيانات سمحه وقت المناقشة تخرجوا دواخلكم المهببه.
نجي اولا لعنصرية خدر القلت عليها سليمه!!
طيب من هم العنصريين يا امجد اولا؟؟؟؟
ناسكم انتو العنصريين عرقيا وحزبيا ذاته,وكفايه حميد بتاعكم.
خد شايف الفيل ويطعن في ظله,الادعاء من خدر وغيره ان ردنا على العنصريين هو المسؤل كذب
وتأكيدا عليه كذب ايضا, العنصريه الحقيقيه موجودة في السودان وفي عقولكم وفي احزابكم
وبطلع كل يوم و الثاني في مواقف زي الاثنين الاسود و الثلاثاء الكحلي!!
ولما يجي زول يفترض واعي زي خدر ويتعمد ان يطشش الناس عن الحقيقيه بيخلي بطنا
تطم من كل الشيوعين
لانه مش براه البيعك الباقي بيتضاروا بالصمت.
ثانيا:
حكاية الاطفال دي شايفاكم مصرين عليها!!
فضل بس تقولوا....تشادين ..وبعدها مرتزقة وتصلوا لمستوى نور تاور!!
الاطفال ديل سالتوا روحكم وين امهاتهم ولا ابهاتمهم؟؟؟
قال اطفال قال!!
يا اخي نحن ناسنا سحناتهم كده(كلها براءة)
ما شايف ابراهيم بقال اتزوج وولد ولسه الناس شايفنه طفل!!
| |
|
|
|
|
|
|
|
|
|
Re: تطير عيشتك يا الحزب الشيوعي ...ما بين تراجي و محمد حامد جمعه (Re: Tragie Mustafa)
|
يا تراجي
كدي استهدي بالله
انا قلت ليك انة هم ما عنصريين
ياخي عنصريين و اولاد ستين الف كلب
لكن خطاب العنصرية المضادة دا اصلو ما بيحل الاشكال
البيعملو انو بيعمق المشكلة و بيخلق حواجز بتمنع التصالح الاجتماعي البيجل اشكال العنصرية
دا معني العنصرية المضادة
يا خي نحنا كان ما عارفنهم عنصريين كنا سمينا دي مضادة
الوعي يا تراجي الوعي هو البحل الاشكال و بيخلق قبول الاخر
| |
|
|
|
|
|
|
|
|
|
Re: تطير عيشتك يا الحزب الشيوعي ...ما بين تراجي و محمد حامد جمعه (Re: Tragie Mustafa)
|
امجد يا صديقنا سلام..
يا صاحب فى ازمة حقيقه فى الشوف السياسى يعانى منها الكتيرين فى هذا المنبر و قد اختلط علينا حابل المناضلين بنابل الكيزان و العنصريين من كل حدب و صوب.
تراجى يا اختنا زمان انا قلت ليك فى بوست العوة انو بالطريقة الماشه دى الوضع ح يكون عبارة عن حرب وقودها المهمشين و الحجارة. و هسه الكلام دا قاعدين نشوفوا فكل يوم الحكومة تدعم المعارضة التشادية لخدمة اجندتها المتهورة و كذلك الحكومة التشادية توفر دعم لوجستى للحركات من اجل ضرب الحكومة السودانية و المعارضة التشادية.
يا تراجى بحسابات سياسية بحته عديلة ربح و خسارة كدا الحركة الحصلت دى المستفيد الاول و الاخير منها الجبهة الاسلامية و حزب السارقين و القتله خاصتها المسمى المؤتمر الوطنى. الليلة الحكومة دى اصبحت للمواطن هى الجهة التى توفر لها الحماية و الامن ضد حركات منفلته و تستهدف امنه كما تبدو الصورة امامه اى المواطن، و الان حزب الجبهة الاسلامية و ازرعه العسكرية فى قمة النشوة و السعـــادة بالالتفاف الجماهيرى الذى تطوقهم به جموع المواطنيين المزعورين. دا بالاضافة لانو الحركة من اساسها مغامرة كبيرة خالية من اى تحسب فى موازين القوى العسكرية، فالخرطوم التى نعرفها لا يمكن ان يتم اجتيحاها عسكريا بهذه البساطه لاننا نعرف الوضع التمركز العسكرى للقوات النظامية و ملشيات الجبهة الاسلامية و كثافته. يعنى بالحسابات دى برضو فى خسارة انك تقوم بعمل عسكرى غير محسوب العواقب و غير مضمون النجاح حتى فى اهدافه الدنيا.
مرة اخرى نرجع لضيق الافق النظرى فى تحليل الازمة السودانية و تعليقها كلها على مشجب وهمى يسمى مؤسسة الجلابة التى يعرفها مولانا بشاشا بانهم الناس الساكنين شمال الخرطوم غض النظر عن توزيعهم الحالى فى بقاع السوادنين الاخرى. هذا التصنيف غير دقيق ابدا و غير امين لانه يدرج فى طياته و ركامه جماهير كثيرة و عريضة ان لم تكن مهمشة ثقافيا باعتبار انها مُعبرا عنها ثقافيا من خلال الاحادية الثقافية الصادره من قبل الدولة الرسمية الا انها فعليا على نفس الحال من التهميش الاقتصادى و الفقر الذى يطحن اهل الهامش الذى يعانى الهميش المذدوج. اها يا تراجى الناس ديل القلتهم ليك ديل جزء من جماهير عريضة واقفه على خط الحياد يا اما نستقطبهم كقوى معارضة او على الاقل يجب ان نتفادى دفعهم بالقوة الى احضان الجبهة الاسلامية و جعلهم يبحثون عن النجاة و السلامة بين ايديها.
| |
|
|
|
|
|
|
|
|
|
Re: تطير عيشتك يا الحزب الشيوعي ...ما بين تراجي و محمد حامد جمعه (Re: Amjed)
|
| Quote: مرة اخرى نرجع لضيق الافق النظرى فى تحليل الازمة السودانية و تعليقها كلها على مشجب وهمى يسمى مؤسسة الجلابة التى يعرفها مولانا بشاشا بانهم الناس الساكنين شمال الخرطوم غض النظر عن توزيعهم الحالى فى بقاع السوادنين الاخرى. هذا التصنيف غير دقيق ابدا و غير امين لانه يدرج فى طياته و ركامه جماهير كثيرة و عريضة ان لم تكن مهمشة ثقافيا باعتبار انها مُعبرا عنها ثقافيا من خلال الاحادية الثقافية الصادره من قبل الدولة الرسمية الا انها فعليا على نفس الحال من التهميش الاقتصادى و الفقر الذى يطحن اهل الهامش الذى يعانى الهميش المذدوج. اها يا تراجى الناس ديل القلتهم ليك ديل جزء من جماهير عريضة واقفه على خط الحياد يا اما نستقطبهم كقوى معارضة او على الاقل يجب ان نتفادى دفعهم بالقوة الى احضان الجبهة الاسلامية و جعلهم يبحثون عن النجاة و السلامة بين ايديها. |
الاخ ابوبكر صالح التحايا والإحترام
كلامك الفوق دا مظبوط وقراءه جيده بس عابتها الغتغتغه والتراجعيه !
مؤسسة الجلابه ما مشجب وهمى !!
ارجو ان تعيد قراءتك وتجينا بقراءه افضل .
بالمناسبه نجر المصطلح بتوضحاتو يعود لمفكرى اليسار السودانى لانو نجرو بقصد التفكيك والتعريه
ولم اقل اليسار الجلابى ودى من نجرات بشاشه الخاطئه .
فى مؤسسه بتاعة جلابه ولا زالت قويه رغم تحقيق اهداف عديده فى مرماها واراها تلملم اطرافها
لتدافع عن مصالحها ولو جاهد الدباب مع الانصارى.
اثبت ودونت باك أب !!
كميات من الود وتقدير حقيقى لكتاباتك .
ارقد عارف .
| |
|
|
|
|
|
|
| |
Amjed
Tragie Mustafa
abubakr salih
محمد مكى محمد
فارس موسى
فيس بوك
تويتر
انستقرام
يوتيوب
بنتيريست