و ما أحلــــى اللقــــاء .... في ملتقى سودانيز أون لاين

Quote: صبري لقيتو رملة قيف وجاتو هبيّب سؤال انت ليه غلبك تشرحو ؟؟؟؟؟ خلاص بنديك بس مساعدة عشان تقدر تكمل شرحولأنو كان قعدت شرحتو صاح بجيب ليك العهد الأندلسي والعباسي معاه مش المسادير والبطانة بس!! رملة القيف هي الرملة البتكون جنب شط البحر وما بتقعد كتير لأنو الهبيّب بتجي وبتشيلا....عشان كده قال صبري لقيتو رملة قيف وجاتو هبيّب ....يعني صبرو قليل. وكمان نديك كلام للبروق في البيت القبلو... للبروق اسماء كثيرة منهاالقبلي والبطحاني والعبادي ... ومن أشكالها عسعس وحرقوص ورويق .. أما الشعراء يا استاذ الطيب فليهم بروق تاني ذي برق العيون وبرق السنون طريت برق الفويطر الشال ومن الهم بقيت في حال أها والحاردلو قال تفْسير المطيرق ما بِدورْ لو حَديسْ وأصلها من بَشِمْ مِنْطرحة غير تَحْميسْ إن صَحَّتْ فراسْةَ الكلمة في التَّقييسْ من غير المُوَضَّح فيها معنى غَميسْ أهاانت أشرح دي! كده تمام !!