|
السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله كده
|
السودان بقى جميل جدا ....الخرطوم اخضرت ...بالحدائق الجميله والمتنزهات الرطبه ...للجميع ....ولكن لاحظت اثناء اجازاتى المتكرره للسودان انو الجماعه البيقعدوا اتنين اتين ...دائما بشوفهم واثناء ماهم بيتكلموا مع بعض ...تلقاهم يقطعوا... ويمعطوا فى النجيله .... ولا تلقاهم يخللوا(يسرحوا ) ليها زريعاتهاالخضيرات...
والغريب فى الموضوع
انه المتزوجين عكس ذلك تماما ....تلقى كل واحد مدى ضهرو للتانى ... (النجيله) دى ساكت مابيعاينوا ليها .....نهائى....
بتفتكروا ليه ناس اتنين اتين ديل بيمعطوا النجيله كده......
ودمتم
|
|
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: ناهد بشير الطيب)
|
Quote: بتفتكروا ليه ناس اتنين اتين ديل بيمعطوا النجيله كده......
B] |
انت من زمن النجيلة البقطعهوها
يا حليل زمان
المهم كنت بمعط في نجيلة حدائق ما يو تحت االكورة الكبيرة
ما اشوف ليك الا زولي قاعد حنبي وهو كمان بمعط في النجيلة
المهم بعد ما خلصوا من المعيط الساعة تجاوزت الثانية عشر واخر بص للمواصلات وقف والزمن داك لا امجاد ورلا ركشات والبرنسات مع الريدة الريدة شينة وكان صاحبي يتمتع بقدر من الجلدنة وما في حل الا التاكسي الاصفر الجكسوية وقفت التاكسي وصاحبنا كضم وركب انا انفجرت ضحك تاني يوم لا قيته قلت ليه قربت تجيك سكتة قلبية قال لي ليه قلت انت وكت ما بتدفع حق التاكسي بتحب ليه قال لي شفتني وين
قلا ليه كلمتني النجيلة الممعطة ناهد سلامات
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: د.محمد حسن)
|
Quote: كنت بمعط في نجيلة حدائق ما يو تحت االكورة الكبيرة
ما اشوف ليك الا زولي قاعد حنبي وهو كمان بمعط في النجيلة
المهم بعد ما خلصوا من المعيط الساعة تجاوزت الثانية عشر واخر بص للمواصلات وقف والزمن داك لا امجاد ورلا ركشات والبرنسات مع الريدة الريدة شينة وكان صاحبي يتمتع بقدر من الجلدنة وما في حل الا التاكسي الاصفر الجكسوية وقفت التاكسي وصاحبنا كضم وركب انا انفجرت ضحك تاني يوم لا قيته قلت ليه قربت تجيك سكتة قلبية قال لي ليه قلت انت وكت ما بتدفع حق التاكسي بتحب ليه قال لي شفتني وين
قلا ليه كلمتني النجيلة الممعطة
|
:D
د ...محمد حسن...... خالص التحايا والقصة النجيلية دى
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: ناهد بشير الطيب)
|
يسووا شنو ياناهد ,, مساكين ,, خليهم يمعطوا ,, تلقبهم متخرجين ليهم سنين ,, والعطاله ماعطاهم ,, والاحباط والقرف ماليهم ,, عرس ماقادرين عليهو ,, كمان مايمعطوا ؟؟
الغريبه زمان المعيط كان بالليل ,, هسه بالنهار وعلى عينك ياتاجر ,,, البوست ده موجه لناس حماية البيئه .
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: كمال سالم)
|
Quote: يسووا شنو ياناهد ,, مساكين ,, خليهم يمعطوا ,, تلقبهم متخرجين ليهم سنين ,, والعطاله ماعطاهم ,, والاحباط والقرف ماليهم ,, عرس ماقادرين عليهو ,, كمان مايمعطوا ؟؟
الاخ كمال
صدقت والله .....واكترهم لسه بيحاول يشوف (خارطة طريق) لحياته معاها والمحزن انو اصلوا مابتلقاهم الا ....حزنانين شايلين نفس وخاتين التانى شوف بالله اخواننا المصريين.... الله يطراهم بالخير ...لب وتسالى وفرحه وواقعيه تعال نشوف الفرق بين الحوارين ديل مصريين ...وديلاك سودانيين
المصريين
بصى ياميرفت اول حاقه نشوف الشقه وبعدين نروح دمياط نقيب العفش طيب وده كلو منين...يادوبك مع بابا تلات الاف.... لا ...الشبكه اللديتهالك زائدا الفلوس الوفرتيها بتاعة الشغل نعمل بيهم حاجه وانا اهو الجمعيه حااخدها كمان يومين خلاص طيب نحدد الجواز امتى اللى تشوفيه...بس على اخر الشهر عشان اخد الماهيه التانيه ونروح بيها اسكندريه
السودانيين
اسمعى يانهله ...انا طبعا شغلى على قدر حالى وظروفى هدى شايفاها بى عينك طيب يامزمل الحل شنو ...نتقابل نتقابل كده لبتين ياخى الناس اكلوا لحمى اسوى شنو قروش مافى ...وهو( بينادى على بتاع الترمس)ياولد جيب ترمس اسمع يامزمل (وهى بتمعط فى النجيله)انا فترت منك عديل كده....احباط ...كل مانتقابل الحل شنو فى رايك يا نهله؟ (يجى بتاع البارد) نزل اتنين بالله..... تشربى سفن ولا بيبسى ؟ اى حاجه ...بس خلينا ياخى نحسم الموضوع ده انا زهجت وامى كل يوم زانه فى راسى ده امك كلميها التنتظر ...الاستعجال فى شنو اقول ليك حاجه يامزمل ...انا حااوافق على العريس الاتقدم مع السلامه
وهكذا ياكمال ضاعوا مننا اتنين من الممعطين للارض.....
الغريبه زمان المعيط كان بالليل ,, هسه بالنهار وعلى عينك ياتاجر ,,, البوست ده موجه لناس حماية البيئه . |
ننادى معاك ياكمال وين صحى .....ناس حماية البيئه ..... يجوا يشوفوا عوامل التعريه دى .....حدها وين
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: كمال سالم)
|
Quote: يسووا شنو ياناهد ,, مساكين ,, خليهم يمعطوا ,, تلقبهم متخرجين ليهم سنين ,, والعطاله ماعطاهم ,, والاحباط والقرف ماليهم ,, عرس ماقادرين عليهو ,, كمان مايمعطوا ؟؟
|
عذر مقنع بس أنا حاصلة لي كل الحاجات دي وما بقطع النجيلة ما سمعت بي أوعك تقطع صفقة شجرة!
مودتي
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: كمال ادريس)
|
Quote: )اختي ناهد ....لكن مابسألك ، في الاول كرسى جنب الحيطة وهسة معيط نجيلة.... يازولة مالك بتقلبي مواجع البشر. (وش بيضحك بصوت عالي شديد جدا جدا) |
[B]
وهو عليك الله ياكمال ياود عمى......
شغلتنا شنو بلا التفحص فى جنس الحاجات السغيرونه دى لعل وعسى تلهينا عن التفحص فى الشى الكبار كبار والتمحص فى خلق الله ....
خلينى مع نجايلى وكراسينى ديل
ثم تعال هنا.....
هسى عليك الله فرقك منى شنو ....اخير انا كمان..... انت مع سبق الاصرار والترصد(العمم وطرائقها) جايب ليها كاميرا ديجيتال كمان....
ومبروك صورة العمة الجديدة
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: صلاح كشة)
|
Quote: ..تنكتي في النصائب والمصائب وقربنا نرجع لقطيع النجيلة .. من جديد ..
|
اخونا ود القضارف صلاح كشه
انا زاتى قلت انت بتجى بى جاى ....داخل
والله مانكتها بس براها جاتنى فى خاطرى ....وقلت يازوله كدى اسألى شباب النجايل ديل ....ليه بيقطعوها ذنبها شنو ..... وليه مايقعدوا ساكت زى المتزوجين مثلا ...... تعال نشوف الحوار الارتجالى اللحظوى ده ... الماعارفاه حيجيك كيف...
ازيك ياحيدر اهلا ياندى اتأخرتى مالك ابدا ....انت عارف مرقتى صعبه جدا ياحيدر(وهى تمعط)وبعدين اخرتها شنويعنى المرقات دى وهو يمعط برضو ....اخرتها لمن ربنا يسهلها لكن ياحيدر كده مابينفع ياخى .... يعنى كل اسبوعين اشوفك ده حرام وهو يمعط)طيب اعمل ليك شو انتى البتقولى ظروفى وهى تمعط) ظروف شنو يابو ظروف انت ...ماتجى تتقدم وتريحنا من الشلهته دى وهو يمعط)اتقدم كيف وهو انا عندى حاجه اتقدم بيها ليكم وهى تمعط)وطيب بنتقابل بس يعنى عشان ناكل ترمس.... ياخى دى ماحكايه دى وهو يمعط)والله انا غايتوا مستنى الفيزا من اخوى...اكان وصلت عاد بختك وهى تمعط)سجمى ...لسه حاارجى الفيزا لا ياخوى كل واحد يمشى فى طريق ودعناك الله مع السلامه
اها ياصلاح ديل كم معيطه كده ....
ديل لو جابوهم ليكم فى القضارف حيحصل شنو مع الخدار داك لازم تجى تورينى ......
تحياتى
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: الزبير صالح الزبير)
|
Quote: يمكن يا استاذة ناهد عشان متل السيناريو دة النجايل بتتمعط
هو: ازيك ما لك اتاخرتي كده؟ هي: كدي الأول خليني اتوهط في النجيلة الساقطة دي وبعدان تجلس في النجيلة تاخد ليها نفس عميييق وتاخد ليه معيطة من النجيلة هي: أنت يا حمودي عملت شنو في الكلام القالوا ليك ابوي؟ هو: مستعبطا الكلام ياتو هو ما قال لي كلام كتير ياتو فيهم؟وياخد لية معيطة من النجيلة. هي: يعني ما تهظر هو قال ليك كلام واحد.موضوع تحديد يوم العرس يا حبيبي احنا لينا تلاتاشر سنة مخطوبين من زمن شعرك الكتييير داك تتذكروا؟ ياخد لية معيطة من النجيلة بيدوا الشمال بينما يتحسس بايدو اليمين صلعتو التي تنعكس عليها لمبة العمود. هو: يعني انا اعمل شنو في الاول الموضوع كان ماشي كويس وكلة تمام لغاية الكشف الثقيل داك الشالوني فية للصالح العام بعد داك انتي عارفة الحصل شنو. هي: طيب شغلانة عم اللمين في الدلالة مالك خليتها؟ بعد ان اخد لية مديدة علي جنبة الأيمن بجوارها قال حمودي وهو يمد يدة وياخد لية معيطة من النجيلة المسكينة الجنبو ايوة وكانت كويسة اول يوم مشينا الدلالة بتاعت العربات يوم الجمعة وبعنا بوكس وركشة طلعت منهم بنور طويل وقلت خلاص فرجت بس الحصل بعد داك خلاني ما اقرب الدلالة بعد داك. هي: كدي الأول وريني نور طويل يعني شنو؟ هو: نور طويل يعني مائة الف وبعد ما صلينا المغرب في الدلالة مشيت قلت اركب لي امجاد (ما قابض نور طويل) بس مشيت علي الظلط لقيت ليك البوكس البعناة زاتو واقف سالت صاحبو مالك يا زول انشاء الله خير بس ما كملت الكلام لقيت نفسي في المستشفي اتاري البوكس كان بيحتضر ادوة درب عشان يبيعوة وما مشي لية كيلومتر دربة كمل سلم الروح .دة كان ماشي بالجلالة وانا قاعد احلف وقت بيعة بوكس جديد زي الحديد اخواتو ما سمعوا بية والله بيعو بالخسارة وكدة .يعني لقيت ليكي الموضوع كلة كضب ونصب وبعد داك دايراني اروح الدلالة دي تاني. هي: اها وزراعتك القلت ماشي تزرعها في البلد مالك خليتها؟ اه بالله ما تذكرينا الايام النحسة ديك ما انتي عارفة قالها وهو يمعط في النجيلة ما دة الجنن بوبي ذاتو؟ هي: كيفن يعني؟ قالتها وهي تمعط في النجيلة الجنب حمودي بعد ما كملت النجايل الحوليها هي هو: ما مشيت قابلت أعمامي وحكيت ليهم انو محتاج لأرض أبوي الله يرحمه وقلت ليهم انا فصلوني للصالح العام وعاوز أجي ازرع قام قالوا لي ارض أبوك براها شوف الأرض الحولها ديك كلها إن قدرت ازرعها ومافي زول داير منك حاجة.قمت شمرت وطلعت البنطلون ولبست العراقي ومشيت البنك شلت لي منهم كم مليون كدة عشان التقاوي والكديب والذي منو وهاك يا زراعة والله بالطورية زرعت ليك حداشر فدان نصهم خضار ونصهم بصل بس جا وقت الحصاد القي الناس أبات إيصالات ديك شالوا التلت قلنا مافي مشكلة الباقي أودية الخرطوم بغطي معانا.المهم خلاص لمن بعتة وجيت احسبها لقيت يا دوب غطي معاي حق اللوري من البلد للخرطوم ،اها جيت البلد قلت اللغير زراعتي وازرع قمح لقيت ليك ناس البنك ومعاهم البوليس منتظرني ومن هناك علي السجن عديل لغاية ناس البلد الفي السعودية عملوا لي كشف وطلعوني. وفجاءة خطرت لحمودي خاطرة وقال مخاطبا خطيبتة وهو يمعط في النجيلة بغيظ شديد انت يا هناية ناس السعودية ديل لو عملو لي الكشف دة من الاول يعني مما فصلوني من الشغل هسي ما كان عندنا ولد ولا بت عندها عشر سنوات.
انه المتزوجين عكس ذلك تماما ....تلقى كل واحد مدى ضهرو للتانى ...
اها للكود التاني دة بجيكي راجع B] |
عاد يالزبير ياخوى بعد السيناريو ده مااظن ارد تانى ليك كل الود والتقدير
بس الكود 36 بتين حتجينا ليه ....نفسى اشوف اخوانا المتزوجين ديل مالهم مالنجيله هدى قدامهم......... ليه مابيمعطوها ................
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: ناهد بشير الطيب)
|
اخونا الزبير
والله سرد رائع وحقيقى ....وغايتوا حزنى الشديد...على المأساة دى البيعانى منها حقيقة كل شاب وشابة والظروف المختلفه دى وبكره مامعروف الواحد يصبح كيف وشغلوا كيف وتخطيطه شنو(ونعم بالله)
بس كدى يالزبير قبال مااتونس معاك سمح
النجيله دى ذنبها شنو؟؟؟؟الماشى والغاشى يمعط فيها ياربى لو هى بتتكلم..... ممكن يجى يوم وتقوم تحكى لينا عن الجماعة قالوا شنو....اثناء مابيزعمطوا فيها والحصل شنو(عرسوا ولا لأ)
اما ناسنا ناس الكود(36) ديل كوام براهم..... تلقى الراجل مدى ضهره للمره التقول ...كل واحد فيهم (.........)
وتأكد انى مستنياك عشان اشوف حتقول شنو عنهم
تسلم والله كتير
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: ALGARADABI)
|
Quote: بالله ورينا النجيلة دي ذاتا وين عشان أفتح فيها المويه من العصر
|
اخونا العزيز القرضابى ......
غايتوا جنس حساااادة عليك ..........
مرتادى النجايل بقوا شطار عارفين بتين يوم فتح الموية بحولوا طوالى على التانيه
حوار مرتجل ...
ازيك يامنال اهلا يااحمد اها الليله نمشى ياتو حديقه نمشى التحت كبرى برى لا ...يامنى دى الليلة يوم فتح المويه فيها دايره ليها تلاته ايام وتنشف طيب نمشى وين يااحمد نمشى بتاعة الكبرى التانى لا يااحمد ديك الليلة مابجى فيها عم على ......بيحش نجيلها هسى تلقاها بقت صلعه طيب الحل شنو الحل الحل الحل الحل كدى خلينى اضرب لناس فدوى اشوفهم قاعدين وين جرس يرن على فدوى من منى
فدوى ازيك اهلا يامنى اخبارك كيف ؟ وهسى قاعدين انتوا والبنات وين؟؟؟؟ والله قاعدين جنب الجامعه ناشفه النجيله جنبكم برى كعبه ماسقاها عم ادريس امس...لكن تعالوا بتاعة جامعة ال ....ناااشفه خلاص بنجى انا واحمد.......طيب يافدوى شكرا ومع السلامه
شكرا قرضابى وتبطل حسادة تانى لانه ناس نجايلنا بيلقوا البديل بسرعه وعارفين الفاكين فيها الموية وين
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: ناهد بشير الطيب)
|
والله يا ناهد ناس الزعّيط والمِعّبط ديل ما عارفهم لأني أنا من ناس الضهر .... لكن أحكي ليك نكتة : قالوا لمن ربنا سبحانه وتعالى نزل أبونا آدم وأُمنا حواء نزلهم كل واحد في مكان ... ق ظ ن أو ( قبل ظهور النجايل) والمعيط وما إليه .... أها أبونا آدم لقى ليه شجرة وإتكل فيها .... أُمنا حواء قعدت تفتش فيهوا ..... لفت ولفت ولفت ولفت إلخ .... لحدود ما فترت ..... أها قامت قعدت في ضهر الشجلاة الفيها أبونا آدم .... إنفجأ بيها وإتلفت وقال ليها : صدقيني لي زمن بفتش فيك لمن فترت !!! ..... قالت ليه : والله أنا من محلي ده ما إتحركت !!!!!!!!!!!!!!!!
... ... ... إنشاءالله أكون أضأت حاجة في البحث ؟؟
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: Ahmed musa)
|
Quote: والله يا ناهد ناس الزعّيط والمِعّبط ديل ما عارفهم لأني أنا من ناس الضهر .... لكن أحكي ليك نكتة : قالوا لمن ربنا سبحانه وتعالى نزل أبونا آدم وأُمنا حواء نزلهم كل واحد في مكان ... ق ظ ن أو ( قبل ظهور النجايل) والمعيط وما إليه .... أها أبونا آدم لقى ليه شجرة وإتكل فيها .... أُمنا حواء قعدت تفتش فيهوا ..... لفت ولفت ولفت ولفت إلخ .... لحدود ما فترت ..... أها قامت قعدت في ضهر الشجلاة الفيها أبونا آدم .... إنفجأ بيها وإتلفت وقال ليها : صدقيني لي زمن بفتش فيك لمن فترت !!! ..... قالت ليه : والله أنا من محلي ده ما إتحركت !!!!!!!!!!!!!!!!
... ...
|
احمد ياخوى .....
شوف الفلاحه بتاعة امنا حوا دى بالله.... قال مااتحركت قال طبعا اكيد من اليوم داك ياهو بدا اللف واللف واللف وجوا احفادهم واللى هم نحن طوالى للراحات..... وهاك ياقعاد فى النجيله(ماحوا كملته)
نشوف
منى جات وانتظرت عمر وعمر اتاخر
عمر:انتى جيتى بتين يامنى منى وهى تمعط:... دى جيتى من الجامعه قلت اشوفك قبال ارجع انا قايلك من بدرى هنا لا بى وين بدرى لى 4 دقائق وحاتك طيب ارح لبتاع البارد نتدين منو اتنين بارد ارح...انت ياعمر الراجل بتاع الكشك ده زول تمام كل مامرة بيدينا البارد بالدين ماتشيلى هم يازوله اشيل ماهيتى واجى ارجع ليه قروشه هو مابقى زولنا وكل يوم شايفنا هنا لكن انت لبتين حكاية نتقابل ونشرب البارد دى والله يابت الحلال الله اعلم خليها كده على الله ونعم بالله لكن انت ماقدمت خطوة ابدا لى قدام يازوله خليها على الله ...تشربى شنو اى حاجه مالك زهجانه لا طيب تعالى نقعد ونفكر ويبدا (التمعيط)فى الراجيهم قدام
(ربنا يكون فى عون الجميع ياااااارب)
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: Sabri Elshareef)
|
Quote: الحب البتكلم بلغتين |
اخونا ود عمنا الشريف
اريتنى كان عرفت اللغتين ديل شنو البيخلوا اولادنا يجرجروا ويمعطوا فى النجيله كده انا مرات لمن اشوفهم بالجد بكون عايزه اقعد معاهم واقول ليهم ماتطولوا وتتكلموا كتير.. واعرف كمان المشكله شنو ووين ياشباب عليكم الله مشوا اموركم على كده خشوا على بركة الله وخلوها على البركه
والنقه الكتيره دى اغلبها ممكن مابتؤدى لى زواج بل احيانا ممكن تجيب ليك مشاكل
مثلا زى البنقوا ويقولوا لى بعض ديل
انتى ماقلتى لى..... وانا ماقلت ليك وانت ياكا كده.... وكان ردك يوم داك كده وياهو حالك من عرفتك ...وانت مابعرفوا شنو داك ووووو
مشكووور ود الشريف[/B
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: ناهد بشير الطيب)
|
الأخت الأستاذة ناهد
سلام و تقدير
Quote: ولكن لاحظت اثناء اجازاتى المتكرره للسودان انو الجماعه البيقعدوا اتنين اتين ...دائما بشوفهم واثناء ماهم بيتكلموا مع بعض ...تلقاهم يقطعوا... ويمعطوا فى النجيله .... ولا تلقاهم يخللوا(يسرحوا ) ليها زريعاتهاالخضيرات... |
دي عملية سايكلوجية بحتة ... لأنو ال بيكونوا في مرحلة خطوبة أو ما قبلها من لقاءات ترجيحية .. بيكونوا تحت وطأة عدة إعتلاجات داخلية مثل تساؤلات لا يقدرون على طرحها مباشرة أو بطريق غير مباشر ... فيقومون بالتنفيس في هذه النبتة الناعمة تقطيعا و تمعيطا مما يعطيهم شعوراً بإنتصار كاذب على الإنهزاميةو عدم الجرأةأمام التي /الذي تجلس /يجلس أمامه /أمامها.. و الذي يدور في الرأس الكثير و لكنهم يقومون بتكملة الترددو ردم هوة الشكوك في هذا الناعم الذي ينساب بين الأصابع.( يعني لو كانوا قاعدين على أرضية فيها حصحاص ما كان بيقدروا يقوموا بأي عمل زى دة ).
Quote: والغريب فى الموضوع
انه المتزوجين عكس ذلك تماما ....تلقى كل واحد مدى ضهرو للتانى ... (النجيله) دى ساكت مابيعاينوا ليها .....نهائى.... ...... |
يعاينو شنو تاني يا ناهد ... معط و معطوها ... و النجيلة الممعوطة تقف شاهداً على مسيرة حياتهم كان الله في العون..
دمت
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: ابو جهينة)
|
Quote: دي عملية سايكلوجية بحتة ... لأنو ال بيكونوا في مرحلة خطوبة أو ما قبلها من لقاءات ترجيحية .. بيكونوا تحت وطأة عدة إعتلاجات داخلية مثل تساؤلات لا يقدرون على طرحها مباشرة أو بطريق غير مباشر ... فيقومون بالتنفيس في هذه النبتة الناعمة تقطيعا و تمعيطا مما يعطيهم شعوراً بإنتصار كاذب على الإنهزاميةو عدم الجرأةأمام التي /الذي تجلس /يجلس أمامه /أمامها.. و الذي يدور في الرأس الكثير و لكنهم يقومون بتكملة الترددو ردم هوة الشكوك في هذا الناعم الذي ينساب بين الأصابع.( يعني لو كانوا قاعدين على أرضية فيها حصحاص ما كان بيقدروا يقوموا بأي عمل زى دة ).
|
ابوجهينه اخوى
عاد بعد كلامك الحقيقى ده حقيقة مااقدر اذيد عليه ولا كلمه
فقط اردد معك قولك(تكملة التردد وردم هوة الشكوك فى هذا الناعم)
اللهم انعم على كل شبابنا بالخير ووفقهم ياااارب
مشكووووووور ابو جهينه لهذه الاضافه الثره
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: willeim andrea)
|
ياناهد يااختى .. عليك الله إنت ماعارفه السبب شنو ؟؟؟؟؟؟؟؟ خلوها مستورة زى ماقال ( د . على الحاج ) وافهموها ياأحباب ..
تحياتى للاخت الفاضله والعزيزه بنت الناس العزاز ( ناهد بنت بشير ودالطيب) وتحيات من هم فى كنفى .. كما لايفوتنى أن أشكر لك المجئ لاحتفاء أبناء بربر وقد كنت ( مع كسر التاء) بدرا يتلألأ فى هذا اليوم لك منى الف شكر ايتها العزيزه ووجودك كان إضافة حقيقية لهذا الاحتفاء الرائع كروعة حضورك .. مرة أخرى لك تشكراتنا الكثيره والكثيرة ياغالية ..
تاج السر
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: تاج السر محمد حامد)
|
Quote: كما لايفوتنى أن أشكر لك المجئ لاحتفاء أبناء بربر وقد كنت ( مع كسر التاء) بدرا يتلألأ فى هذا اليوم لك منى الف شكر ايتها العزيزه ووجودك كان إضافة حقيقية لهذا الاحتفاء الرائع كروعة حضورك .. مرة أخرى لك تشكراتنا الكثيره والكثيرة ياغالية ..
|
استاذنا واخونا القلبه كبير تاج السر
والله لكن عتاب فى الصميم (وحرقنى ) ..........والعفو على شنو... انا ناس بربر ديل عارفاهم كيف هم حنان وطيبين...وكيف بيحبوا الناس ....والبيعجبنى فيهم ادبهم الشديد فى الكلام ....حقيقى جاورناهم بالسنين .......عائلة شونةبالتحديد ومنهم اتعلمت حاجات كتيرة منها (الكلام بصوت واطى وهادىء ) هدؤوهم وروقتهم ورقيهم
ومنهم انت استاذنا تاج السر .....
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: willeim andrea)
|
Quote: ليكي حق يا استاذه وانتو عندكم الهواء البارد والبرياني ....... احترامي وتقديري ومعزتي والله لناس النجيله |
اخونا وليم ود عمنا اندريا
والله شوف الهوا البارد مابطال وما بناباه اما البريانى .... تانى ما(يبارينى ) خطوة ...حده هنا ....
تخيل ياوليم لمن اقعد قريب ليهم بيجينى شعور غريب وبقعد اراقبهم واولادى بيتجاروا هنا وهناك ,,,,,
واقول ياربى قال ليها شنو طيب ردت قالت ليه شنو احييييا انا منو.... ليه مابيرد عليها ياربى ادته خبر عن المهر ولا القروش؟ وهى مالها قبلت خلته ماتنتهى من موضوعها ده معاه ولا ياربى ديل مابتاعين زواج؟ بيقضوا وقت ...
واختك ناهد تلقاها مهمومه بيهم ... وبى احلامهم والله بمشى زعلانه وبتمنى كان رجعنا الحديقه تانى القاهم مايكونوا زعلوا من بعض واتفارقوا .......
جيب اضانك فردت منهم تلاته جوز وشغاله احرش فيهم على الارتباط ...ادعى لى
تحياتى وتقديرى معاك لكل اهل النجيله طبعا ...
وليم
ماقلت لى ليه طيب بيمعطوا فيها كده ذنبها شنو
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: ناهد بشير الطيب)
|
يقول أهل الحل والعقد أن معط النجيلة يعتبر حالة نفسية متأخرة شأنها في ذلك شأن قضم الأظفار ومردها ربما يعود إلى ضعف شخصية وبالضرورة الخوف من المواجهة بالرغم من إن كل طرف يعرف الطرف الآخر تمام المعرفة وهما أى الطرفين الماعطين لا يكذبان بل يتجملان ، وحتى تكون جميلاً لابد أن تكون الأشياء من حولك جميلة ، وليس هناك أجمل من الخضرة إن شاء الله مفروكة أو بي أرانب حتى ، لكين جلسات زي دي لابد أن يقنن فيها المعط خوفاً من التصحر وتدمير الزرع. في قريتنا الكائنة مكان جميل الكائنات هناك مزارع إبتلاه الله بأن يمعط أيضاً القش أى نوع من أنواع القش برسيم أب سبعين فرفروج لوبا عفن ، أى علف كان وهو يتونس معاك ومتربعاً على حمارته وجالسا فوق هذا التل من العلف ويشيل ويمعط من تحته وعلى خشمو عديل ، يعني لو إتونست معاهو نص ساعة ممكن يكون أكل نص ربطة القش ولو زادت الونسة على ساعتين حا يكون زيو وزي أى حيوان مجتر وفي بعض الروايات نباتي وده الحالة يتونس معاك إنت يعني لو بتونس مع البالي بالك كان ممكن يكون زيو وزي أى تيس في مسألة العلف. الزهرة على سبيل المثال جميلة جداً في الشجرة لكين لازم نقطعها ونتأملها ليه ما عارف وبعد شوية نلقي كل الزهور والورد إتلحست. يبقي المسألة مسألة تربية وثقافة ، يعني واحد يكون بتكلم في التلفون أيام التلفونات الثابته ليها شنه ورنه تلقاهو يحك في الطربيزة تقول عاوز يصنفرها من شدة الحك كان بي مفتاح أو بي حديدة أو بيده لا بيد عمرو أو يمط ويشد في السلك ويلولو ويفرتق فيها بحسب المكالمة والمتحدث على الطرف الآخر. الغريبة لمن غنمايتنا تأكل النجيلة يقوموا يصادروها ويحلفوا ما يفكوها إلا بعد ما يحلبوها وندفع كمان غرامة وتعهد بعدم تكرار تعدي غنمايتنا على المال العام وتشوية منظر العاصمة ولم واحد مجكس وحاشي بنطلونو كان حقو كان شاديهو يمعط نجيلة تعلف بقرة هو وجكسايتو وهم يتكلمون كلام ربما خارم بارم لأن جل تركيزهم منصب على معط النجيلة وإجتثاثها من جذورها ولا أجعص محراث يقدر يعمل زيهم يقولو ليك لا كيف دي ما الرومانسية ، أها شنو البخلي معط ناس لا لا رومانسية ومعط غنمايتنا تدمير وتشويه للبيئة بالرغم من إنو غنمايتنا تمعط لتأكل وجماعتك بيمعطو ليضفوا المزيد من الرومانسية على النجيله جلسنا ، أها ده في إعتقادي ضرب من ضروب التهميش برضو والتفرقة.
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: أيمن الطيب)
|
Quote: السودانيين
اسمعى يانهله ...انا طبعا شغلى على قدر حالى وظروفى هدى شايفاها بى عينك طيب يامزمل الحل شنو ...نتقابل نتقابل كده لبتين ياخى الناس اكلوا لحمى اسوى شنو قروش مافى ...وهو( بينادى على بتاع الترمس)ياولد جيب ترمس اسمع يامزمل (وهى بتمعط فى النجيله)انا فترت منك عديل كده....احباط ...كل مانتقابل الحل شنو فى رايك يا نهله؟ (يجى بتاع البارد) نزل اتنين بالله..... تشربى سفن ولا بيبسى ؟ اى حاجه ...بس خلينا ياخى نحسم الموضوع ده انا زهجت وامى كل يوم زانه فى راسى ده |
مباااالغة يا ناهد
ياخ معطتيهم معيطة النجيلة
د. محمد إنت دفعة بالمناسبة من سيرة حدائق مايو والبرنسات لأني
لحدي هذه اللحظة ما شفت ركشة بعيني إلا في صورة أو بوست من
بوستات عبد المنعم سليمان أو نستا وياااحليل أيام زمان !!
تحياتي لكما
صلاح واسبه
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: almulaomar)
|
Quote: يقول أهل الحل والعقد أن معط النجيلة يعتبر حالة نفسية متأخرة شأنها في ذلك شأن قضم الأظفار ومردها ربما يعود إلى ضعف شخصية وبالضرورة الخوف من المواجهة بالرغم من إن كل طرف يعرف الطرف الآخر تمام المعرفة وهما أى الطرفين الماعطين لا يكذبان بل يتجملان ، وحتى تكون جميلاً لابد أن تكون الأشياء من حولك جميلة ، وليس هناك أجمل من الخضرة إن شاء الله مفروكة أو بي أرانب حتى ، لكين جلسات زي دي لابد أن يقنن فيها المعط خوفاً من التصحر وتدمير الزرع. في قريتنا الكائنة مكان جميل الكائنات هناك مزارع إبتلاه الله بأن يمعط أيضاً القش أى نوع من أنواع القش برسيم أب سبعين فرفروج لوبا عفن ، أى علف كان وهو يتونس معاك ومتربعاً على حمارته وجالسا فوق هذا التل من العلف ويشيل ويمعط من تحته وعلى خشمو عديل ، يعني لو إتونست معاهو نص ساعة ممكن يكون أكل نص ربطة القش ولو زادت الونسة على ساعتين حا يكون زيو وزي أى حيوان مجتر وفي بعض الروايات نباتي وده الحالة يتونس معاك إنت يعني لو بتونس مع البالي بالك كان ممكن يكون زيو وزي أى تيس في مسألة العلف. الزهرة على سبيل المثال جميلة جداً في الشجرة لكين لازم نقطعها ونتأملها ليه ما عارف وبعد شوية نلقي كل الزهور والورد إتلحست. يبقي المسألة مسألة تربية وثقافة ، يعني واحد يكون بتكلم في التلفون أيام التلفونات الثابته ليها شنه ورنه تلقاهو يحك في الطربيزة تقول عاوز يصنفرها من شدة الحك كان بي مفتاح أو بي حديدة أو بيده لا بيد عمرو أو يمط ويشد في السلك ويلولو ويفرتق فيها بحسب المكالمة والمتحدث على الطرف الآخر. الغريبة لمن غنمايتنا تأكل النجيلة يقوموا يصادروها ويحلفوا ما يفكوها إلا بعد ما يحلبوها وندفع كمان غرامة وتعهد بعدم تكرار تعدي غنمايتنا على المال العام وتشوية منظر العاصمة ولم واحد مجكس وحاشي بنطلونو كان حقو كان شاديهو يمعط نجيلة تعلف بقرة هو وجكسايتو وهم يتكلمون كلام ربما خارم بارم لأن جل تركيزهم منصب على معط النجيلة وإجتثاثها من جذورها ولا أجعص محراث يقدر يعمل زيهم يقولو ليك لا كيف دي ما الرومانسية ، أها شنو البخلي معط ناس لا لا رومانسية ومعط غنمايتنا تدمير وتشويه للبيئة بالرغم من إنو غنمايتنا تمعط لتأكل وجماعتك بيمعطو ليضفوا المزيد من الرومانسية على النجيله جلسنا ، أها ده في إعتقادي ضرب من ضروب التهميش برضو والتفرقة |
اخونا الملا عمر..............
نقلت ليك موضوعك زى ماهو من شدة ماهو جميل وخفيف الدم... وردك فااااااااهم بدون مجاملة والله ..... وحااطلع منه تلاته مواضيع ايه رايك واذكر انه انت المحرض للمواضيع دى ...
قتلى.... مافى اجمل من الخضره حتى لو مفروكه وبيتكلم وين .... فى الثابت ويحك فى التربيزه وقلت لى كمان .... بيده لا بيد عمرو [/B
طبعا مباااااااااااالغه....
المهم ماعندى مااقوله ليك غير (على النجيله جلنا)
ومشكوووووووووووووووووور حقيقى مشكووووور على اللطف ده بنتلاقى ان مد الله فى الاجال
تانى... قتلى مافى اجمل من الخضره حتى لو مفروكه وبيتكلم فى الثابت ويحك فى التربيزه وقلت لى بيده لا بيد عمرو
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: بله محمد الفاضل)
|
Quote: يمعطوا فيها عشان حاجات كتيرة ما دايرا تكتمل ليهم حراق روح يعني ما في حل وحاتك غير معيط النجيلة أخير من الواحد فيهم يمعط شعر رأسو
|
بله ازيك ياخى
هى فعلا حراق روح وقرفه وزهجه ...من اوضاع وظروف كتيرة بتثقل عليهم كل يوم والتانى .....بيتعب فيها الواحد والواحده منهم فى كيف يقدروا يمشوا بالمركب دى... لى قدام بدون ماتلاقيهم اى عوائق
شوف الحل فى مقاطعة النجيلة زااااااتها مؤقتا.... ويقعد كل واحد مع روحو ويشوف قعادها ده وزعميط زريعاتها اثمر عن شنو والباقى شنو والمطلوب شنو..وده حده وين ده.....
ولو تقضية وكت ده عاد شى براه الله يكون فى عون النجيله ....وعونى انا.... الحانه وشايله همهم كل مااخت ثرامثى بتاعة الشاى ...وفول الحاجات.... واعاين ليهم ....
تانى ب بعاين بعيونى....
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: عبود عبد الرحيم)
|
النجيلة ذاتها خشم بيوت
وحلاقتها ذاتها مختلفة
بديك اشكال حسب الحلاقة
في نجيلة على الزيرو
وتانية على شكل كورة
ومقلمة
والدليل ( استادات الكورة في الدول الغنيانة) والمنتزهات والحدائق
نحن عندنا نيل ومطر وموية وارض ولسه بنلعب الكورة في الدلجة
(للما عارفين - الدلجة : هي الارض الناشفة التي ليست بها اي ذرات رمل يعني زي البلاطة وطوالي مع ناس الكورة لو انزلقت فيها بتعمل ليك جرح مدور على شكل ريال)
يا اخوانا في نجيلة في حديقة دبي انا اصلو ما شفت متلها في النعومة والاخضرار
غايتو ناسنا البيمعطو ديل لو مشو دبي بيحصلوها امات فاطنة ( فاطنة دي منو انا ما عارف)
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: عبود عبد الرحيم)
|
Quote: بحبك
؟؟
ما بحبك
؟؟
بحبك
؟؟
ما بحبك
؟؟
بحبك ؟؟؟
خلاص بحبك ... النجيلة كملت!!! |
الاخ عبود
وهى بتمعط....وهو برضو ......
اسمع ياعوض انت دايرنى اى طبعا دايرك احلف بالجد دايرك انتى ماامل حياتى خلينى من امل وحياة دى اها اقول ليك شنو لا ماتقول ....اها جاى لى ابوى بتين لمن امى تجى من الشماليه طيب ابوك واخوانك وينهم مايجوا يكلموا ابوى ابوى لكن ما..... ماشنو ؟ ابوك مامالوا ابدا بس بس شنو مالك انت ياعوض فى شنو ابدا انتى ماماعارفه فى مشكله كده مشكلة شنو كمان؟ امى مالها رافضه شنووووووووووووو؟ رااااااااااااااافضه كيف رافضه يعنى بس كده قالت الا اخد بت اخوها وانا مادايرها والله دى قصة والله ...ياعوض ....وطيب اها انت رايك شنو؟ ماعارف؟ لا خلاص لمن تعرف تعال قابلنى عليك الله شوف جنس ده ....امى قال
مع السلامه
وهنا يتم ....جز كامل للنجيلة وليس تمعيط عادى .....من قبل الطرفين
مشكووووووووووو عبود الا تعال راجع للونسه دى...وكتين تزهج
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: طلحة عبدالله)
|
Quote: عندهم معاها تار بايت ياخ واللا يمكن قالوا بدل يقطعوا مع بعض ناشف احسن يقطعوا النجيلة والله أعلم . |
اخونا طلحه عبدالله
هى كده فعلا .....بدل مايقطعوا مع بعض ناشف ........ نشوف القطع الناشف (مرتجل)
كترتها ياعوض مرقاتنا دى مالها مامرقات بريئه ماقلنا شىء لكن عاين الساعه كم هسى عايزه ترجعى نقعد حبه عارف ابوى صعب المرقه ياالله ياالله برجعك بعدين ماقصة بترجعنى قصة ماحددنا حاجه لسه زى شنو الحاجه دى العرس مثلا عرس ؟ عرس شنو يامنى اجى وامال جايه مقابلاك ومخليه قرايتى عشان شنو مقابلانى اها عشان العرس ؟انا ماداير اعرس وامال شنو ياعوض؟ نتونس بس كده... نتونس ؟ لا يااخوى انا بخليك....انا مادايره اتونس والله لو كان ده هدفك يامنى...خلينى كان دايره تخلينى....(بنات جنها عرس) قلت شنو؟ بتطنطن كده ... لا ابدا ماقلت شىء اسمع ياعوض ودعناك الله اها ودعناك الله .... عوض يطنطن (بنات سياستهم اصلوا ماواضحه ....قال عرس قال ) ياولد يابتاع الترمس تعال جيب بى 50 ........
وبى كده نكون فقدنا تانى اتنين من الممعطين فى (النجيله)
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: ناهد بشير الطيب)
|
Quote: الخرطوم اخضرت ...بالحدائق الجميله والمتنزهات الرطبه ...للجميع ....ولكن لاحظت اثناء اجازاتى المتكرره للسودان انو الجماعه البيقعدوا اتنين اتين ...دائما بشوفهم واثناء ماهم بيتكلموا مع بعض ...تلقاهم يقطعوا... ويمعطوا فى النجيله .... ولا تلقاهم يخللوا(يسرحوا ) ليها زريعاتهاالخضيرات... |
ناهد كيف حالك..
ما الواحد بكون بين خيارين يا يمعط النجيله يا يمعط شعر البنية.. فبقوم يختار اخف الضررين..لكن كان عاقل واتوكل على الله.. ولعن ابليس ومعط شعر البنية وفرتك من الراجيه كان اخير ليه.
Quote: انه المتزوجين عكس ذلك تماما ....تلقى كل واحد مدى ضهرو للتانى ... (النجيله) دى ساكت مابيعاينوا ليها .....نهائى.... |
ناهد اتحداك كان تلقى 5% من المتزوجين بمشوا محل النجيله زاتو!!!! يعاين للنجيله؟؟طيب اسالى الجماعة ديل قولى ليهم لون الكبرى القطعتو شنو كان لقيتى واحد فيهم شاف الكوبرى والا استمتع بمنظر ملتقى النيلين احلق شنبى.. بعدين يازوله هوى يمعط شعر راسك..انت ماعارف بعد الزواج المعط ما ببقى للنجيله ..معط شعر..معط ماهية..معط العمر،،،
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: ناهد بشير الطيب)
|
العزيزة ناهد بشير الطيب تحياتي
هذا البوست لديه جانب مهم جداً يا ناهد لم يتطرق إلية المتداخلون البتة حيث أنه يوضح بجلاء الإختلال في البنية الثقافية والإجتماعية ما بين المركز وما يمكن تسميتة الأطراف ( الهامش ) عشان ما يزعل مننا بعض أبناء المركز . يعني نحن لا نجد في الأطراف اي نجيلة لنمعطها أثناء مغالبة تيار الحب عندنا وأكثر حاجة يمكن أن نفعلها هي الجلد بالسوط في أثناء السيرة أو مكان الأفراح عموماً ولذلك تكون المسافة أو التلاقي مستبعدأً إذا لم يكن مستحيلاً وتكون اللغة في التواصل تحمل مزيدأً من المشاق علي أساس فردي بحت . غايتو عندنا مثل بقول إلبل بعدن بالسفير لمن يجي الخدير .
بحيراوي
| |
|
|
|
|
|
|
ياناهد انت قتي السر شنو
يعني في سر
طيب مادام سر كيف عاوزانا نطلع السر
كده عيب
طيب الناس المايقعدو اتنين اتنين ويمععطو ديل
حصل نحن سالناهم قلنا ليهم السر شنو البخليكم ما تمعطو النجيله؟؟
خلينا نمعط ونحتفظ بالسر
وهم مافي زول جابرن يبوحو بالسر في عدم معيطن
فالمعوط اسرار
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: ناهد بشير الطيب)
|
Quote: المتكرره للسودان انو الجماعه البيقعدوا اتنين اتين ...دائما بشوفهم واثناء ماهم بيتكلموا مع بعض ...تلقاهم يقطعوا... ويمعطوا فى النجيله .... ولا تلقاهم يخللوا(يسرحوا ) ليها زريعاتهاالخضيرات...
والغريب فى الموضوع
انه المتزوجين عكس ذلك تماما ....تلقى كل واحد مدى ضهرو للتانى ... (النجيله) دى ساكت مابيعاينوا ليها .....نهائى....
بتفتكروا ليه ناس اتنين اتين ديل بيمعطوا النجيله كده......
|
أختنا ناهد..لك التحية على هذا البوست خفيف الظل..
المجموعة ألأولى قطاعين النجيلة..على وزن قطاعين الطرق..ديل ماعندهم موضوع..وطبعآ كان مالقوا نجيلة
بجدعوا الحجار الصغار...ولو ما لقوا حجار بطقطق ألأصابع..أخير يقطعوا النجيلة..أرحم..
المحموعة الثانية المتزوجون..بدوا ضهورهم لبعض لآن فى البيت بدوا وجوهم لبعض لزوم التغيير..
مودتى.. إسماعيل محمد احمد عباس....
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: Muna Khugali)
|
Quote: ذات السبب البيخليني أغير فساتيني عشره مرات قبل ما أمشي اقابله.. واحتمال برضه نفس السبب البيخليني أقضم أظافري في أنتظاره...
حركات حب وقلق ساااااي |
منى بت عمنا خوجلى ....الرائعه
القلق كارثه ....كتيرين مننا بيعانوا منه ..... وهسى بعد مابقت عندنا مسؤوليات يامنى ...القلق اختلف .....ياحليل قلق الفساتين.........والتسريحه هسى بقى قلق فى مصاريف البيت وكيف تمشى اليوم... قلق العيال اتأخروا من المدرسه... قلق المجاملات الكتيرة ....قلق الغربه ...قلق وشيل هم قلق الناس وشيل همومهم معاهم .....
يابت الناس ....يامنينه
اريتنا لو رجعنا لى قضيم الاظافر...... بدل مانقضم فى الزهج والاحاسيس والشعور والخذلان ووووووو
منى خالص الود ويسن كيف مابقى يحبى .....
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: ناهد بشير الطيب)
|
Quote: منى بت عمنا خوجلى ....الرائعه
القلق كارثه ....كتيرين مننا بيعانوا منه ..... وهسى بعد مابقت عندنا مسؤوليات يامنى ...القلق اختلف .....ياحليل قلق الفساتين.........والتسريحه هسى بقى قلق فى مصاريف البيت وكيف تمشى اليوم... قلق العيال اتأخروا من المدرسه... قلق المجاملات الكتيرة ....قلق الغربه ...قلق وشيل هم قلق الناس وشيل همومهم معاهم .....
يابت الناس ....يامنينه
اريتنا لو رجعنا لى قضيم الاظافر...... بدل مانقضم فى الزهج والاحاسيس والشعور والخذلان ووووووو
منى خالص الود ويسن كيف مابقى يحبى ..... |
ايوه والله يا حليل زمان.. يا حليل الفساتين العمرها ما بتضيق!
وحليل ألو.. أهلا وينك منتظراك من قبيل ما ضربت ليه؟؟ أنا في انتظارك كملت الضفر كله!
ياخ والله الشغل كتر علي فجأه.. أها نتقابل بعدين؟؟
خليها بكره ..ممكن؟؟ خلاص بضرب ليك بعدين!
أسه عليك الله يا ناهد الكلام الفوق ده فيه حاجه غريبه؟؟ موش عادي شديد؟ لكن تلقينا حاضننه زي جنانا (فيما بعد) طبعا فيما بعد دي لجنانا موش للكلام نعيده ونفكر فيه ومرات نشوفه مرسوم في القمر بالليل! وبعدين بالنسبه للفساتين..أنا لي 70 سنه بشتري مقدما نفس الفستان بنفس اللون بمقاسات أكبر تغيير ذاته مافي!
كدي النقوم نغير لياسين وبرجع ليك ان شاء الله
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: Muna Khugali)
|
Quote: ايوه والله يا حليل زمان.. يا حليل الفساتين العمرها ما بتضيق!
وحليل ألو.. أهلا وينك منتظراك من قبيل ما ضربت ليه؟؟ أنا في انتظارك كملت الضفر كله!
ياخ والله الشغل كتر علي فجأه.. أها نتقابل بعدين؟؟
خليها بكره ..ممكن؟؟ خلاص بضرب ليك بعدين!
أسه عليك الله يا ناهد الكلام الفوق ده فيه حاجه غريبه؟؟ موش عادي شديد؟ لكن تلقينا حاضننه زي جنانا (فيما بعد) طبعا فيما بعد دي لجنانا موش للكلام نعيده ونفكر فيه ومرات نشوفه مرسوم في القمر بالليل! وبعدين بالنسبه للفساتين..أنا لي 70 سنه بشتري مقدما نفس الفستان بنفس اللون بمقاسات أكبر تغيير ذاته مافي!
كدي النقوم نغير لياسين وبرجع ليك ان شاء الله
|
:D منى العسل
حلووووووووة فى انتظارك كملت الضفر كله
وكم سنة قلت لى بتلبسى نفس اللون زااااتويامنى ؟ بالغتى يازوله وطبعا مافى تغييييييير نهائى....والحال ياهو نفس الحال... (التغييير) بس (التغيييير لياسين) ا كيييييييييييييييد
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: ismeil abbas)
|
Quote: المجموعة ألأولى قطاعين النجيلة..على وزن قطاعين الطرق..ديل ماعندهم موضوع..وطبعآ كان مالقوا نجيلة
بجدعوا الحجار الصغار...ولو ما لقوا حجار بطقطق ألأصابع..أخير يقطعوا النجيلة..أرحم..
المحموعة الثانية المتزوجون..بدوا ضهورهم لبعض لآن فى البيت بدوا وجوهم لبعض لزوم التغيير..
|
الاخ اسماعيل عباس... كل الشكر والود
عندهم حالة قلق يعنى ........ بالله نحن هنا لالاقين نجيله نقطعها ولا شفع نجدعهم بالحجار ....ولا حتى صبعين نطقطقهم .... اها الحل شنو يااسماعيل ياخوى..... ماتقولى...... قولى الرووووووب ......ابت زاتها تتنطق
والمجموعة التانيه.....دى ابدعت فيها يااسماعيل
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: ناهد بشير الطيب)
|
ـــــــ اختي واستاذتي ناهد بشير الطيب..
غايتو شوف (عيني) ..ايام الامتحانات
نجيلة (المين)..اعمامنا (بيملوها)..
موية كده حساده منهم ..سالة واحد قالي
البنات ديل بيمعطنها الكلام
القالوه الناس ديل صاح ..
Quote: بتفتكروا ليه ناس اتنين اتين ديل بيمعطوا النجيله كده...... |
لكن من خلال ملاحظتي للمعيض .. بيكون الموضوع الدائرفي النقاش علي نار هادئه علي وشك يستوي .. وملاحظه كمان مهمه الشخص (البمعط) بيكون مبتسم..(حبتين)..وبيقلب في السؤال الموجه ليه وهو بنسبة 90في المائه اجابته ايجابية لكن (المعيط)ده (محركه)منو سااااكت
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: ناهد بشير الطيب)
|
Quote: اقببببببببببببببببببض واحد ايمن
ياهو انت زاتك الانا راجياه.........ديل تلاته ايام ماجيت مالك جبت الاجابه وكتين هى هينه كده غاااااااااايتوا ..........
اها الاجابه شنو لانى مازلت بفتش ليها مع العالم ده اها شنو |
سلامات يا ناهد بشير,,, والله أنا كنت جاى أجاوب لكن لقيت ليك الشعب السودانى مستمتع بمحاول إيجاد الحلول المناسبة لموضوع معط وزعط النجايل وبعض الإخوة والأخوات قد كاد أن يجد الحل والبعض لم يفهم السؤال أصلا المهم فى الموضوع يا ستنا إنو أنا فكرت والله هسه انا كان قلت الإجابة وحليت الموضوع البوست الحلو دا حا يكون خلاص موضوعو إتمعط وقلت ياخ إجابة شنو ونجيلة منو خلى الناس الحلوة دى تستمتع وتمرق المواهب المدفونة دى ويورونا إختلاف وجهات النظر والرؤى كيف يكون ووالله انا جادى جدا جدا,, أكوام من الإبداع جات مارقه هنا بالمناسبة دى أولاد النكتة الجد جد نحن عشان مأساتنا كبيرة وقديمة,,, ماشى عندى مواعيد فى الحدايق, ,, بجيك راجع تانى...وتسلمي يا عزيزة,,,
تحياتى,,
| |
|
|
|
|
|
|
Re: السر شنو البيخلى الجماعه البيقعدوا فى الحدائق اتنين اتين... يقطعوا ويمعطوا... فى النجيله ك (Re: أيمن الطيب)
|
Quote: والله أنا كنت جاى أجاوب لكن لقيت ليك الشعب السودانى مستمتع بمحاول إيجاد الحلول المناسبة لموضوع معط وزعط النجايل وبعض الإخوة والأخوات قد كاد أن يجد الحل والبعض لم يفهم السؤال أصلا المهم فى الموضوع يا ستنا إنو أنا فكرت والله هسه انا كان قلت الإجابة وحليت الموضوع البوست الحلو دا حا يكون خلاص موضوعو إتمعط وقلت ياخ إجابة شنو ونجيلة منو خلى الناس الحلوة دى تستمتع وتمرق المواهب المدفونة دى ويورونا إختلاف وجهات النظر والرؤى كيف يكون ووالله انا جادى جدا جدا,, أكوام من الإبداع جات مارقه هنا بالمناسبة دى أولاد النكتة الجد جد نحن عشان مأساتنا كبيرة وقديمة,,, ماشى عندى مواعيد فى الحدايق, ,, بجيك راجع تانى...وتسلمي يا عزيزة,,,
تحياتى,, |
اخونا ايمن ....ياخى جاوب بالجد منتظرنك ... الاجابات كلها لذيذة ويعنى نقدر نقول فيها بعض الشىء من الصحة ....لكن مابردت لى بطنى لى هسه ..... فاهاانت ورينا العندك لعل وعسى ...وحتى كن جاوبت برضه مابنقول البوست اتمعط .... لانه تانى حنطلع سؤال من اجابتك الشافيه ....ونجننك انت بالذات بالاسئلة ....
اى صدقت فى اكوام من الابداع ...الاخوان والاخوات ماقصروا تب ...وبالجد زرعوا البسمة جوانا كلنا ....وحسيت بطرافتهم وتفكيرهم الجميل ....
ايمن قتلى عندك مواعيد فى الحدايق
تااااانى
| |
|
|
|
|
|
|