|
معتز قريش وبكري ابوبكر احرجتونا مع اللغة العربية
|
Quote: لا والله لم ولن نفرح باطلاق صراحك يا سامي الحاج |
احرجتونا يا معتز وبكري وافسدتو خبر اطلاق سراح سامي الحاج كمان الباشمهندس رفعوا فوووق سراح بالسين وليس بالصاد بكري عفناهو في امريكا يمكن يكون نسى العربي لكن معتز في السعودية ...العرب يقولوا علينا شنو؟؟؟؟؟؟؟؟؟؟؟؟؟؟؟؟ صلحوها ربنا يصلح حالنا وحالكم
|
|
|
|
|
|
|
|
Re: معتز قريش وبكري ابوبكر احرجتونا مع اللغة العربية (Re: Nasir Ahmed Elmustafa)
|
الاخ ناصر ,, تحياتى ,, وشكرا لك على التنبيه والذى أعتقد جازما بأنه حدث نتيجة إستعجال فى الكتابه , فأنا أشهد بأن الاخ معتز القريش ضليع فى اللغه العربيه بل متمكن , لكن يظهر إنو غلطة الشاطر بعشره عشان كده فتحت ليها بوست . تحياتى ,,
ود القريش ,, تعال مارق مرق جلدك ,, صلح الهببتو ده ,,
| |
|
|
|
|
|
|
Re: معتز قريش وبكري ابوبكر احرجتونا مع اللغة العربية (Re: Nasir Ahmed Elmustafa)
|
Quote: احرجتونا يا معتز وبكري وافسدتو خبر اطلاق سراح سامي الحاج كمان الباشمهندس رفعوا فوووق سراح بالسين وليس بالصاد بكري عفناهو في امريكا يمكن يكون نسى العربي لكن معتز في السعودية ...العرب يقولوا علينا شنو؟؟؟؟؟؟؟؟؟؟؟؟؟؟؟؟ صلحوها ربنا يصلح حالنا وحالكم |
ناصر تحياتي يعني ممكن نفتح بوست منفصل لكلمةعفناهو دي ما كلو غلط كي بورد ومردة للإستعجال ليس إلا
| |
|
|
|
|
|
|
Re: معتز قريش وبكري ابوبكر احرجتونا مع اللغة العربية (Re: عبود عبد الرحيم)
|
غايتو أسوأ من الخطأ محاولة التبرير له من قبل الأخوان أعلاه. خطأ العنوان استعجال، طيب وتكراره في المتن يطلع شنو؟
Quote: عادل سهل يا غالي يتباركن ايامك ان شاء الله نعم يا عادل اطلق صراح سامي ولا ندري عن الشروط
ولكن شروطنا نحن ليكتمل فرحنا أن يسترد سامي حقه من ظالميه
<a href="http://www.sudaneseonline.com/cgi-bin/sdb/2bb.cgi?seq=post&board=160&msg=1209719896&rn=14[/QUOTE" target=_self>Re: لا والله لم ولن نفرح باطلاق صراحك يا سامي الحاج]
| |
|
|
|
|
|
|
Re: معتز قريش وبكري ابوبكر احرجتونا مع اللغة العربية (Re: محمد البشرى الخضر)
|
Quote: العيب ما في الغلط نفسو العيب انو جاي من معتز القريش الفي يوم من الأيام فاتح بوست طويل عريض بندد بأخطاء كتابة زملاء هنا وسخر منهم ما شاء له الله ان يسخر |
انت يا ود البشرى الله يخليك لوليع النيران ونصيحة ليك من اخ (لا تشمت في اخيك فيعافيه الله ويبتليك) ومن الليلة آدي توبة ان شاء يكتبوا بالهيروغليفي
| |
|
|
|
|
|
|
Re: معتز قريش وبكري ابوبكر احرجتونا مع اللغة العربية (Re: Nasir Ahmed Elmustafa)
|
يا سيدي أنا آسف على الخطأ الغير مقصود ولو رجعت للكيبورد ستجد أن السين والصاد فوق بعض . . ولا أزكي نفسي ... فمن يعرفني يعرف كيف أنني استطيع وبكل سهولة التفريق بين (صراح) و(سراح) . . ولا أريد ان ادخل معك في جدال لغوي واقول لك أن كلمة (صراح) أيضا تصلح في هذا الموضع
وقد قالت العرب :
Quote: - وخَرَجَ لهم صَرْحَةً بَرْحَةً، أي: بارِزاً لهم،
- وإنَّ خُروجَ صَرْحَةٍ بَرحَةٍ لكثيرٌ.
- وانْصَرَحَ: أي بانَ.
|
| |
|
|
|
|
|
|
Re: معتز قريش وبكري ابوبكر احرجتونا مع اللغة العربية (Re: Mohamad Shamseldin)
|
Quote: يا ناصر جماعتنا بيعرفو عربى أكثر من العرب .... مش ياهم العرب البيجمعو سيارة ..... سيايير فار ..... فوارين بعير .... بعران
بس نحن لسع عندنا جماعة بيقولو "نقطة بوليس" و "إسبتالية أو إستبالية"
|
يا محمد (بسراحة) كدا انت زول (عثل) والله إلا يا اخوي مالا الاستبالية دا تشكيك في لغتنا الدارجة وهو من الأفعال غير المقبولة (شفت غير المقبولة دي كيف)
| |
|
|
|
|
|
|
Re: معتز قريش وبكري ابوبكر احرجتونا مع اللغة العربية (Re: Nasir Ahmed Elmustafa)
|
Quote: يا أخوي اها مرقت وماني داير لي غلاط مع الزول دا إلا كلمة صراح برضها صحيحة بس هو كان شوية صبر وفتش كان عرف .. ما معنى كدا اني كنت قاصد أكتبها (صراح) انا كنت قاصد (سراح) بس ربما الفرحة والغيظ والرجفة كانت السبب
بس حتى (صراح) ما فيها لا غلط ولا إحراج |
ود القريش.
وين عروبتك العامل لينا بيها إزعاج في البورد وأنت لا تستطيع أن تفرق بين حرفي الصاد والسين؟
دينق.
| |
|
|
|
|
|
|
Re: معتز قريش وبكري ابوبكر احرجتونا مع اللغة العربية (Re: Deng)
|
سَرَحَ ـ سَرَحاً وسُرُوحاً ـ وسَرَحَت ِ المواشى : ذهبت ترعى سرح السيل : جرى جرياً سهلاً سرح سَرْحاً المواشي : أرسلها ترعى سرحه ُ : أرسله سرح ما فى صدره : أخرجه سَرِحَ سرحاً الرجل : خرج فى أموره سرّح المواشي : أرسلها ترعى سرّح القوم : أرسلهم وأطلقهم سرّح الزوجة : طلقها سرّح إليه رسولاً : أرسله سرّح الله فلاناً للخير : وفـّـقه سرّح الشعر : مشـّـطه سرّح الأمر : سهـّـله سرّح عنه : فرّج تسرّح من المكان : خرج تسرّح عنه : فرّج السَرَاح : الإسم من التسريح السِرْحَان : جمع سِرَاح ٍ وسَرَاح ٍ وسَرَاحِين وتطلق على الذئب والأسد وكذلك وسط الحوض يطلق عليه السِرحان ، ذنب السِرحان بمعنى الفجر الكاذب .
صَرَحَ صَرْحَاً الأمر : بـيّنه صَرُحَ صَرَاحَة ً وصُرُوحَة ً : صفا وخلص وبان ، فهو صَريحٌ جمع صُرحاء ، مؤنث صريحة . صَارَحَ صِرَاحَاً وصُراحَاً ومُصَارَحَة ً : جاهرهُ ، يقال شتمه مصارحة أو صرَحاً أي مواجهة ً وشفاهاً . صَارَحَ بما فى نفسه : أبداه وأظهره أصْرَحَ الأمر : بيّنه تصرّح الزبد عن الخمر : إنجلى فخلص إنْـصَرَحَ الحقُّ : بان وإنكشف الصَرَح والصَرَاح والصِرَاح والصُرَاح : الخالص من كل شىء الصَرَاحَة والصُرُوحَة : الخلوص والوضوح مُصَرّح : ليس فيه غيم صَرّحَ الرامى : رمى ولم يُصب
| |
|
|
|
|
|
|
Re: معتز قريش وبكري ابوبكر احرجتونا مع اللغة العربية (Re: Nasir Ahmed Elmustafa)
|
اخى معتز القريش سلام كنت اول من اشار الى الخطآ اللغوى فى بوست "اطلاق صراح سامى الحاج" ورغم اننى نوبى من جماعة سيبويه وخالويه والموالى والعجم إلا اننى استطيع القول بإجادتى للغة العربية "ومن عرف لغة قوم امن شرهم" اما اصرارك على ان كلمة"صراح" صحيحة وفى موضعها الصحيح فهذا ينم عن عجز لغوى بين وركوب للراس انت فى غنى عنه حتى لا تفتح على نفسك بابا تتمنى الخروج منه هاربا...
Quote: يا سيدي أنا آسف على الخطأ الغير مقصود ولو رجعت للكيبورد ستجد أن السين والصاد فوق بعض . . ولا أزكي نفسي ... فمن يعرفني يعرف كيف أنني استطيع وبكل سهولة التفريق بين (صراح) و(سراح) . . ولا أريد ان ادخل معك في جدال لغوي واقول لك أن كلمة (صراح) أيضا تصلح في هذا الموضع
|
وفى معرض ردك ودفاعك عن الخطآ اللغوى ترتكب خطآ لغويا أخر شاع بين اهل السودان واعاريبه حين تقول:
Quote: أنا آسف على الخطأ الغير مقصود |
فكلمة غير للاستثناء لا تعرف بالف لام التعريف وجملة المستثنى والمستثنى به هنا فى محل رفع خبر لمبتدأ ويمكنك حسب معلوماتى القديمة ان تضيف الف لام التعريف لكلمة غير فى موضع الفاعل او المفعول به وقد يرى "الغير" او غيرى غير ذلك ... والله اعلم..
نورالدين منان
| |
|
|
|
|
|
|
Re: معتز قريش وبكري ابوبكر احرجتونا مع اللغة العربية (Re: Mannan)
|
يا ويلك يا قريش وكمان بتغالط وعامل فيها سيبويه. احنا نغلط ونكوجن العربي عادي ولكن السيد الاستاذ السابق للغة العربية والاديب الاريب سس قريش يطبظ طبيزة زي دي لالا ده كلام كبار وبالله بطل الفلسفة والعكلتة الفاضية واعتذر للجمهور وارجع اولي كتاب تاني ياكيشة
| |
|
|
|
|
|
|
Re: معتز قريش وبكري ابوبكر احرجتونا مع اللغة العربية (Re: Mannan)
|
Quote: فكلمة غير للاستثناء لا تعرف بالف لام التعريف وجملة المستثنى والمستثنى به هنا فى محل رفع خبر لمبتدأ ويمكنك حسب معلوماتى القديمة ان تضيف الف لام التعريف لكلمة غير فى موضع الفاعل او المفعول به وقد يرى "الغير" او غيرى غير ذلك ... والله اعلم..
نورالدين منان |
نورد الدين منان خلاص بطلت شغلك وقعدت لي يقعد فيك جمل يهرس عضامك يعني هسي فرقت شنو غير ولا الغير بس حركات منكم
| |
|
|
|
|
|
|
Re: معتز قريش وبكري ابوبكر احرجتونا مع اللغة العربية (Re: Nasir Ahmed Elmustafa)
|
Quote: سَرَحَ ـ سَرَحاً وسُرُوحاً ـ وسَرَحَت ِ المواشى : ذهبت ترعى سرح السيل : جرى جرياً سهلاً سرح سَرْحاً المواشي : أرسلها ترعى سرحه ُ : أرسله سرح ما فى صدره : أخرجه سَرِحَ سرحاً الرجل : خرج فى أموره سرّح المواشي : أرسلها ترعى سرّح القوم : أرسلهم وأطلقهم سرّح الزوجة : طلقها سرّح إليه رسولاً : أرسله سرّح الله فلاناً للخير : وفـّـقه سرّح الشعر : مشـّـطه سرّح الأمر : سهـّـله سرّح عنه : فرّج تسرّح من المكان : خرج تسرّح عنه : فرّج السَرَاح : الإسم من التسريح السِرْحَان : جمع سِرَاح ٍ وسَرَاح ٍ وسَرَاحِين وتطلق على الذئب والأسد وكذلك وسط الحوض يطلق عليه السِرحان ، ذنب السِرحان بمعنى الفجر الكاذب .
صَرَحَ صَرْحَاً الأمر : بـيّنه صَرُحَ صَرَاحَة ً وصُرُوحَة ً : صفا وخلص وبان ، فهو صَريحٌ جمع صُرحاء ، مؤنث صريحة . صَارَحَ صِرَاحَاً وصُراحَاً ومُصَارَحَة ً : جاهرهُ ، يقال شتمه مصارحة أو صرَحاً أي مواجهة ً وشفاهاً . صَارَحَ بما فى نفسه : أبداه وأظهره أصْرَحَ الأمر : بيّنه تصرّح الزبد عن الخمر : إنجلى فخلص إنْـصَرَحَ الحقُّ : بان وإنكشف الصَرَح والصَرَاح والصِرَاح والصُرَاح : الخالص من كل شىء الصَرَاحَة والصُرُوحَة : الخلوص والوضوح مُصَرّح : ليس فيه غيم صَرّحَ الرامى : رمى ولم يُصب |
معتزالقريش وقع فى شر اعماله ..
| |
|
|
|
|
|
|
Re: معتز قريش وبكري ابوبكر احرجتونا مع اللغة العربية (Re: haroon diyab)
|
له ..
Quote: فأنا أشهد بأن الاخ معتز القريش ضليع فى اللغه العربيه بل متمكن |
عليه ..
Quote: فكلمة غير للاستثناء لا تعرف بالف لام التعريف وجملة المستثنى والمستثنى به هنا فى محل رفع خبر لمبتدأ ويمكنك حسب معلوماتى القديمة ان تضيف الف لام التعريف لكلمة غير فى موضع الفاعل او المفعول به |
المُحصلة ..
Quote: معتزالقريش وقع فى شر اعماله .. |
| |
|
|
|
|
|
|
Re: معتز قريش وبكري ابوبكر احرجتونا مع اللغة العربية (Re: Nasir Ahmed Elmustafa)
|
.. . عارف يا دينق انا جيت ليك انت مخصوص وان شاء الله تكون فى المكتب او اون لاين ..
الان اعتبرتها ملاحظة قوية .. يا اما انت تركيزك قل بسبب عامل السن او قاصد معتز دا تحت قائمة شماته الاعداء اراك انبريت وكتبت
Quote: الاخ ناصر المصطفى. ملاحظة قوية منك.
دينق. |
.. والغريب فى الأمر بالامس التقينا فى دهاليز احد البوستات وكنت قد كتبت هذا التعليق :
Quote: . اصبحت صحيفتك الالكترونية هذه - كما قال استاذنا فضيلى - من اشهر الصحف الالكترونية ومصدر اساسي للاخبار فى صحف السودان وقنواته لذا .. عندما تضع خبر كعنوان اساسي ( مانشيت ) الرجاء التاكد من مراجعته وتصحيه لغوياً واملائيا .. لا اود ان احراج بعض الزملاء ولكن اعتقد انك تحتاج لمصحح لغوى ..
__________________ بوست كمال عوض ( اطلاق سراح سامى الحاج ) يعتبر سبق صحفي ويستحق ان يوضع كمانشيت .. |
وجيت انت يا الفصيح المقددها ورددت على قائلا :
Quote: تبلدينا بطل مشاترة.
دينق. |
واضطررت للتوضيح لك :
Quote: المشاترة ووين ؟ يا ود العمارات البوست دا قديم ذو هدف ونقد بناء - وجهة نظر فى النهاية - بس لمن تجى مناسبة وتكتب بعض العناوين الرئيسية خطأ ولم يتم تعديلها من قبل سكرتير التحرير والمراجع اللغوى لازم نلفت نظر الريس ولا شنو رأيك ..
_____________________
شوف بس ( لن نرضى باطلاق صراحك يا سامى ) فى ذمتك عاجباك ولا ها .. انت عربيك برضو عربي جوبا
نو هارت فيلنغ بليززززززز .. ( دا انجليزى ابيي ) |
ولقد دار هذا الحوار هنا : يا حبيب .. عملتها ظاهرة .. نفترض ما عايز اشــاركـ !!
حسي البخليك جاى تستهجن شنو ؟؟ ولا شمتان فى معتز؟؟ اها اما شمتان او فهمك تقيل .. عامل السن يا مان
________________
دينق يا اكوى .. المنبر دا المقصات فيهو ما بتطول ..
معتز ؛؛ بالجد اديت شماتك فرصة الله يعينك .. قول امين ...
| |
|
|
|
|
|
|
Re: معتز قريش وبكري ابوبكر احرجتونا مع اللغة العربية (Re: عادل سهل)
|
معتز يا اخوي معليش ..والله ما قاصدك انا قلت ضربة ركنية والموضوع بعدي ما عارف في تصفية فواتير وكمان بكري ابوبكر راجل صاحبي من جامعة الخرطوم قبال اكتر من عشرين سنة (ما تكلم زول) يازول حمدا لله على سلامة سامي ورفاقه ونسأل الله ان يعوضهم حقوقهم اما الادارة الامريكية فهي في حالة هلع وخوف من كثرة الهزائم التي تلقتها من العرب والمسلمين هؤلاء الثلاثة الذين جيئ بهم مقيديين كان الامريكان يرتعودون خوفا وهم ينزولهم من الطيارة خشية ان ينفجر احدهم فيحرق كل شيئ حوله حسبنا الله ونعم الوكيل
| |
|
|
|
|
|
|
Re: معتز قريش وبكري ابوبكر احرجتونا مع اللغة العربية (Re: Nasir Ahmed Elmustafa)
|
والله يا معتز أثبت أنك أكتر واحد روحه رياضية في المنبر دا،، الجماعة غايتو أديتهم فرصة فيك ، وبقيت زي الشريف في الفلم الكاوبوي لما يرتكب حماقة البلدة كلها سكر ومسدسات في السهلة،، شوف الحكاية جاطت كيف هسي وأستباحوا الضاد (صراحا) وأطلقوا سراح أخطائهم عينك تعاين وياحسرة يا ود قريش ما ح تقدر (تفتح عينيك)،، المهم تناول ظريف ورائع ،، وكلنا خطاؤون وخيرنا التوابون،،
Quote: ما دايرين رد .. بس تانى ما دايرين نشوفك فتحت ليك بوست تقول فلان غلط فى الاملا ولا فلان غلط فى الانشا |
| |
|
|
|
|
|
|
Re: معتز قريش وبكري ابوبكر احرجتونا مع اللغة العربية (Re: Nasir Ahmed Elmustafa)
|
مداخلة ظريفة كتبها المجنون عماد عبد الله في بوست مجاور وقمت بالرد عليها ... وبما أنها ذات صلة بموضوع البوست رأيت مشاركتكم (هسي أكتب شنو) مشاركتكم فيها ولا بها ولا لها الله يحيركم كان حيرتونا
دي المداخلة ونعود بعدها الى موضوع (صراحه)
Quote: السيد عثمان بن دُغيس .. سلامٌ من الله يغشاكُم و رحمةٌ منه و بركات .. أما بعد .. و إمعاناً في التشبث بالعربيةِ و التصدّي لمِن يستفشخُ في النيلِ منها . و كيتاً ( كات يكيتُ كيتا ) .. أقولُ , و كيتاً في شيخ الأعراب عادلٌ بن سهل .. نلفتُ نظركم إلى أنكم أخطأتم بفداحةٍ تستطلب لفت نظركم إلى إعادة صياغة جملة ما كتبتموه من عربيةٍ عاجمةٍ و شينةٍ .. عليهِ نربأ بكم من السقوط الداوي في دارجةٍ مكلوجةٍ عقيمة و كعبة .. و أن أكتبوها ثانيةً و كما ينبغي .. هكذا : ( تجيهو الطاوية حبالها ) .. خطأ .. تُقال و تُكتب : ( تجيئهُ تلك التي تجئُ وهي تطوي حبالها ) .
أعد يا عثمان .. أعد . و شكراً .
..... عائدٌ عائدٌ يا أبا ساندرةٌ
|
عماُد بنُ عبِد اللِه
أسألُ الله َ أنْ يقطّع مصارينِك إرباً إرباً كما قطّعت مصاريني بالطريقةِ التي دعوتُ عليك بها
| |
|
|
|
|
|
|
Re: معتز قريش وبكري ابوبكر احرجتونا مع اللغة العربية (Re: Nasir Ahmed Elmustafa)
|
Quote: عبد الرحمن الطقي Quote: اذهبا وربك قاتلا انا ههنا قاعدون قرآن كريم جنى
تصحيح كتابة الآية الكريمة :
( فاذهب أنت و ربك فقاتلا إنا ههنا قاعدون ) المائدة |
يا شيخ الطقي تلحقني وتفزعني يا شيخ عبد الرحمن القلب الناموس ضبان يا ود خورطقت العاين للجبل اتفتفت يا اب جلابية القلب الحمار عربية . . تعال ألحقني هنا وفكني من الورطة دي أنا مش صاحبك وقاعد أحامي ليك . . قسما عظما ما تحلني إلا أنضم للجموريين والشيوعيين كمان وأبقي ناصري وحركة شعبية وتقدمي ومستنير ولجان ثورية ولا نامت أعين الجبناء ـ كي كي ودينق وسلوى صيام ومحمد البشري وفيصل نوببي واساسي ذااااتو
معتز قريش وبكري ابوبكر احرجتونا مع اللغة العربية
وخليني من جني دا الجن اللجننك يا كي كي اللعين
| |
|
|
|
|
|
|
Re: معتز قريش وبكري ابوبكر احرجتونا مع اللغة العربية (Re: Nasir Ahmed Elmustafa)
|
Quote: مداخلة ظريفة كتبها المجنون عماد عبد الله في بوست مجاور |
البوست المجاور دا فى الحارة كم يا ود القريش ؟
طلب مساعدة: أرجو أن أجد متطوع ليساعدنى فى قراءة هذا الإسم بالتشكيل الجميل الذى بهQuote: عماُد بنُ عبِد اللِه |
ــــــــــــــ والله يا ود القريش أنا الليلة فاضى وما عندى شغل وبالمناسبة كل بوستات المنبر بايخة شديد فقلنا نجى نتونس معاك
| |
|
|
|
|
|
|
Re: معتز قريش وبكري ابوبكر احرجتونا مع اللغة العربية (Re: عادل سهل)
|
Quote: والله يا ود القريش أنا الليلة فاضى وما عندى شغل وبالمناسبة كل بوستات المنبر بايخة شديد فقلنا نجى نتونس معاك |
يا عادل سهل والله مشكور على المناصرة لكن مناصرتك دي زي واحدة أختنا هنا قالت لتراجي
(تبوسي بي جيهة وتشلضمي بي جيهة)
بجيك صاد ... أصبر لي وبختك مع كي كي اللعين ودينق السكر
| |
|
|
|
|
|
|
Re: معتز قريش وبكري ابوبكر احرجتونا مع اللغة العربية (Re: معتز القريش)
|
معتز
أنا زمان قلت ليك كمبيوترك دا اتبرع بيهو لي ناس السفارة. لكن كلام الشماشة ما بتسمع.
أمانة ما وقع راجل
تتذكر قبل سنتين تقريبا ملاسي كان مجنن الناس بملاحقة أخطاءهم النحوية والإملائية. أها قام مرة كتب ليهو سطر فيهو أربع كلمات كان فيهن تلاتة خطأ. واحد من عكاليت المنبر نبه للتلات أخطاء وكتب ليهو "أعــــــــــــــــــــــــــــــــد" واحد تاني قال ليهو خلي ولي أمرك يجي يقابلني.
ملاسي كب الزوغة من المنبر.
أها اسي إنت إلا تشوف ليك زوغة.
| |
|
|
|
|
|
|
Re: معتز قريش وبكري ابوبكر احرجتونا مع اللغة العربية (Re: عبدالكريم الامين احمد)
|
عبد الكريم يازميل
أنا قاعد أصحح الأخطاء الإملائية وبالذات الاخطاء الواضحة زي الناس البكتبوا ليك مثلاً (اللة).
لكن ماقاعد أقول أنا أستاذ في العربي بالعكس دائماً بعترف إنو نادر أكتب لي سطر مافيه أخطاء إملائية أو لغوية .
عشان كدا عليكم الله ما تلبدوا لي زي لبدتكم لي أستاذنا ملاسي .
طبعاً أنا كنت متلح هشام أمين . هشام زميلنا دا عنده مشكلة كبيرة مع الهاء والتاء المربوطة.
وهسع إتلحت ولدنا محمد عادل لأنه كمان بيغلط غلطات توجع القلب لدرجة إنو الزول البشوف كتابته بيضع خط أحمر تحت الكلمة الصاح لأنها بتكون نادرة في وسط الأسطر البيكتبها .
والليلة كمان لقيت لي زول جديد مبشتن العربي بشتنة شديدة كنت معاه قبال شوية .
المهم في الزمن العايشين فيه دا صعب تلاقي ليك زول يكتب بدون أخطاء إملائية لكن بنحاول نجتهد قدر الإستطاعة عشان نكتب سطر جزء كبير منه صاح.
تحياتي وتقديري
ملاحظة(الكتابة بالدارجي) مامعانا في التصحيح
| |
|
|
|
|
|
|
Re: معتز قريش وبكري ابوبكر احرجتونا مع اللغة العربية (Re: Nasir Ahmed Elmustafa)
|
ود القريش الاعجمي.
يعني خلاص عروبتك راحت شمار في مرقة وقامت عليك حملات التصحيح بالبورد.
علشان كده تعال وخليك معانا وأحتمي بنا نحن الافارقة، ونحن بالنسبة لنا اللغة العربية ليس لغتنا الاولى. وشعارنا هو "عربي فألعب به".
بعدين الكارثة كانت هي الاصرار الشديد على الخطاء نفسه. وتنصيب نفسك كمصصح على أخطاء الناس من قبل. مسكينة هذا العروبة التي يدعيها معتز القريش
وبريمة بهذا البورد.
دينق.
| |
|
|
|
|
|
|
Re: معتز قريش وبكري ابوبكر احرجتونا مع اللغة العربية (Re: معتصم الطاهر)
|
يا ود قريش
Quote: وبعدين انت مالك ومال العربي كمان |
العربي بقي خشم بيوت ونحن ما عارفين...ولا الاختشوا حيين الخطأ ما فوقها عوجة تب ...العوجة في الفلهمة,,, وللحقيقة: بكري بمجاملتوا لك برفع البوست...شرطوا عيننا مع الأعراب حكمة اليوم تفسير الغلط بصاح أضافة غلط فوق الغلط وليس تصحيح للغلط
| |
|
|
|
|
|
|
| |