|
الرطانة وجمال الدواخل وحسن المعشر
|
الرطانة مقصودبيهاهنا الناس الجايه من أقصى شمال السودان الناس ديل دواخلم نضييييييييفــــــــــه بصوره متميزه يتفوقون فى ذلك على كل قبايل السودان لا ادرى سببا لذلك لك ثبت لى بمعاملتى فى شتى بقاع الارض مع معظمهم فوق كل ذلك يحفظون الجميل بصوره فوق الخيال فى هذا البوست حاحكى عن كل ذلك وعن حلم عمرى بالزواج من رطانيه بين قوسين لم يتحقق بعد وماكان ذلك الحلم الا ليدخل بعض هذا العنصر الجميل لاسرتى .............وأواصل
|
|
|
|
|
|
|
|
Re: الرطانة وجمال الدواخل وحسن المعشر (Re: WAD ELGAALI#4)
|
يا عابد
كيف الحال والاحوال في هذه المدة الطويلة التي لم نراك فيها ...
وين انت ياخ .. تظهر وتغيب سنة ...
كل سنة وانت طيب ومشتاقون ..
لما غادة نوري جات تذكرتك ولما مشينا ليها انت كنت معانا ..
عساك بخير
تقبل سلام الجميع
| |
|
|
|
|
|
|
Re: الرطانة وجمال الدواخل وحسن المعشر (Re: نها محسن أبورأس)
|
معليش اا مدحت والله العظيم انا عديت الحاله واحده مع انها اكتر من واحده لكن برضو لك العتبى حتى ترضى اخى الكريم والله يامدحت من سنة اتنين وتسعين بدت علاقتى بأهلكم فى بحرى الحكوميه وللان ما فى زول زعلتواالكلمه بل بالعكس كانو بضحكو لكن حقك على وتقبل اعتزارى الصادق
| |
|
|
|
|
|
|
Re: الرطانة وجمال الدواخل وحسن المعشر (Re: WAD ELGAALI#4)
|
الكريمه انعام وعبرك لكل بورداب الامل والله الدنيا من غيركم مسيخه مساخه بالمناسبه دى غاده عامله شنو وأمانه تبلغيها أشواقى تمنياتى ليها بجميلاالعافيه كما وبلغى تحاتىاالقلبيه الحاره لناديه السر الزوله الراقيه واشراقه حيموره قولى ليها والله مشتاقين وبرضو منعم شايفو مختفى الزول دا شكلوبجيبا كبيييييييييييره برضواالنبيل ماسا قولى ليهو معزوم فى الالمانى انعام ياخى انتم تجعلون للاجازات طعم أجمل لكم حبى وكل التقديس
| |
|
|
|
|
|
|
Re: الرطانة وجمال الدواخل وحسن المعشر (Re: نها محسن أبورأس)
|
الانسانه الراقيه دكتورنها انتى مافى زول زيك بتحبى ابو اللمين والحقيبه ورطانيه وقاعده بتكبى ودرجة الحراره حوالينك تحت الصفربكتييير ياخى مايهو الزيك وزى المهندس ابوبكر بتجبرونا نحب النوبييين اكتر واكتر لك تقديرى اختى العزيزه طبعا زى ماعارفه فى طرق كتيييييره غير الامتحانات والتعب ممكن الزول ياخد بهاالجنسيه وساااااااهله وش خبيييييث ابولسان
| |
|
|
|
|
|
|
Re: الرطانة وجمال الدواخل وحسن المعشر (Re: نها محسن أبورأس)
|
البوست فيهو حسن نية وروح طيبة
لكن انا برضو ما ريحتنى كلمة الرطانة والرطانة تعنى عند الاعراب الكلام غير المفهوم يعنى الخارم بارم وطبعا اللغة لاى شخص لا يفهمها هى رطانة يعنى العربى بالنسبة للنوبى رطانة
اتفق معك اخى انو الناس ما بتزعل من كلمة رطانة لكن دا برضو نوع من التسامح الما بيفيد
النوبية لغة وليست رطانة
| |
|
|
|
|
|
|
Re: الرطانة وجمال الدواخل وحسن المعشر (Re: WAD ELGAALI#4)
|
ود الجعلي وضيوفه الكرام صباح الخير
Quote: النوبية لغة وليست رطانة |
وقد اصبحت الان مكتوبة.....واذكر ان احد الاخوان الاعزاء وفي فاعلية من فعاليات منتدي الحروف بالدوحة ....قدم اكثر من قصيدة باللغة النوبية قراءة وكتابة ....ولما قام بترجمتها ارتجت القاعة بالتصفيق ..... طبعا ياود الجعلي انا خال الجعليين عديييييييييييل كده ...يعني انت عم اولادنا...من هنا عندك باسوورد للدخول الي عالم اللغة والحياة النوبية ...بس لازم تجيب لينا معاك الاستاذة انعام حيمورة وذلك لفض اي اشتباك قد يحدث . ودي مني ليك : واحد من اولادنا الاستاذ ساله بالرطانه: ( مين كرم كافرين سيدنا ابراهيم ايقج اركوكري.....؟) وترجمتها ( لماذا رمي الكفار سيدنا ابراهيم في الناااااااار ) فرد عليه : ( اي انمروا...) يعني انا ماعارف الاستاذ اداه ليك سوط حااااار صاحبنا كورك باعلي صوت..... ( ادور خراب وير كاوكري ) ومعناها: (يمكن عمل ليه خراب) ********** هذا العهدة علي الراوئ . التحايا للجميع هارون دياب
| |
|
|
|
|
|
|
Re: الرطانة وجمال الدواخل وحسن المعشر (Re: haroon diyab)
|
الاستاذ محمد سيداحمد لك دوما تحياتى والتقدير والله عمرى ماكنت أعتبر هذه الكلمه مشينه وكل ما أقابل زول/ة من اندكم بحاول اتعلم كم كلمه امشى أقشربها تفتكر يامحمد ممكن الزول يقشرلو بحاجه كعبه لكن برضو طالما ما ريحتك لك اعتزارى ويبقى الود بيننا
| |
|
|
|
|
|
|
Re: الرطانة وجمال الدواخل وحسن المعشر (Re: haroon diyab)
|
اخى الكريم هارون والله قصه روعه كيفتنى شديد خصوصا لمن تتخيل الشافع مزرزر عويناتو ويبلع فى ريقو خايف من السوط التانى يشرفى ويزيدنى فخرا ان اكون عما لابناء أختكم الكريمه بس ماتنسى انى من هنا ولى قدام خالم برضو لك حبى الاكيد
| |
|
|
|
|
|
|
Re: الرطانة وجمال الدواخل وحسن المعشر (Re: abubakr)
|
ود الجعلي ياخي والله انا جعلي زيك لكن مكسر في النوبة ديل تكسير رهيب ومعظم اصدقائي منهم وواحدين مصاحبهم وما كنتا عارف انهم رطانة علي قولك . اجدت الوصف في هؤلاء القوم والقومة ليهم والله رافعين راسنا فوق , ربنا يحفظهم ويسهل طريقهم آمين يارب العالمين .
| |
|
|
|
|
|
|
Re: الرطانة وجمال الدواخل وحسن المعشر (Re: abubakr)
|
أستاذنا الرجل القامه ابوبكر والله يزيد الجعليين شرفا وعزا ان يكون ذوى صلة بقامات مثلكم أيوه انا بتعلم الرطانه واتعلم ابوها زاتو لكن تدونى وعدا نجيض انو تعرسولى رطانيه والله انا جادى لك محبتى وكل التقدير أخى الكريم
| |
|
|
|
|
|
|
Re: الرطانة وجمال الدواخل وحسن المعشر (Re: WAD ELGAALI#4)
|
Quote: أستاذنا الرجل القامه ابوبكر والله يزيد الجعليين شرفا وعزا ان يكون ذوى صلة بقامات مثلكم |
الله يكرمكم ياخي لا تعطيني اكثر مما استحق وانا وكلنا هالك بن هالك ..
Quote: أيوه انا بتعلم الرطانه واتعلم ابوها زاتو لكن تدونى وعدا نجيض انو تعرسولى رطانيه والله انا جادى لك محبتى وكل التقدير أخى الكريم |
حتي في بيتي هنالك من تزوجن جعلي وشايقي وغيره من اجناس السودان ولي اصدقاء جعليين تزوجو نوبيات وفي محصلة الامر كلنا سودانيون وكلنا بشر ..البنات النوبيات صاحبات قرار في امور حياتهن منذ زمن بعيد وليس هنالك من يفرض عليهن قرارا شخصيا ولا اظن ان ارادت اية بنت نوبية الزواج من غير نوبي او اراد غير نوبي الزواج من نوبية ان يقف احد معترضا ... مرحب بك جعلياسودانيا انسانا كريما ولا اظن ان اية اسرة نوبية تقدر تقول فيك حاجة انت بس دبر امورك مع الشريكة المرتقبة وبعد داك القرار لكما وكلنا نبارك ...
| |
|
|
|
|
|
|
|