|
Re: الإهداء لعماد عبد الله! (Re: Hussein Mallasi)
|
تامبيرا !!!!!!!!!! تفصل يا كبير
خلاص وداك البتاع داك اكلك البتاع التانى واكل راسك؟
لحقك كيكى
عاش حسين ملاسي.... آكل راس الجماعة
المديده:
ال.... بشتنو في البورد واتعضر ليهو في اوزون
بلم فيك اتم ليك الما بتقال هنا
يا
تامبيرا... و بي شروحاتا كمان
| |
|
|
|
|
|
|
ملاصي , الله يهديك زِح (Re: esam gabralla)
|
ملاسي .. أسووي ليك شنو مثلاً ؟؟ يا ربي ما تمحنا يا الله .. غايتو قدرت تضحكني و تنرفزني .. و شمت فينا العدوين .
ياخي قلنا ليك ما دايرين معاك و إتجاهلتك .. برضو لاصق !! عندك في راسك البمبي الجديد لنج ده حاجة .. شنو هي أنا ما عارفا !! طيب , فترت ( من شيلة السواد ) عملت بوست بإسمي عديييييييل ؟؟ أها فرصة كويسة تخليني أسوق صورتي الجد هنا ( عشان تتغلغل كويس ) . مش الصورة الفي دقنوسك البمبي الجديد ده .
يا ولد يا حسين .. أنا عماد عبدالله محمد حسين . مولود في واحد من أشهر و أعرق و أجمل الأحياء الشعبية في الكون : الديم / الخرطوم , في 14 أغسطس 62 , برجي الأسد ( عاااااووووو ) .. و ناس الأسد ديل أعمل حسابك منهم , قالوا بيقودو الناس ( و إنت أضانك ماشا الله حمرا و كبيرة و فيها مَلَكة ) . خريج فنون تخصص تلوين - و ملوناتي من الختيييرين كان ما عجبك - .. بوليس سابق , و كمساري و كاتب يافطات و موظف بوستة و نقاش بوهية و جير و أحد أمهر رواد المواخير و الخانات في أزقة الديم الجميلة . و رائد سابق لكل منتديات الغنا و الشعر و الرسم و الثقافة و القراية أم دق في الخرطوم . تقلبت زي ما داير يمين شمال و سويت في الدنيا دي الدايرو من بوهيمية و قلة أدب و قراية و صياعة عدوك , عضو سابق في الجبهة ديمقراطية و عضو إتحاد الفنون و عضو إتحاد التشكيليين السابق و كاتب صحفي و مصمم و مخرج و رسام - تاني كان ما عجبك : رسام ختييييير و مخرج أختتتتتر - و بمارس أي شي يطلع في راسي بمزاج المزاج . مدمن منقة و جبنة و أغاني سودانية , و كنت مدمن كل البلاوي البتنفع الراس من نواشف على سوائل على مآرب تانية , و كمان فوق البيعة لسه بحب أدلع راسي الكعب ده بالقراية و الكتابة و الرسم و التلوين و الغنا و النقة . أي شي جميل و سمح بيغلغلني و يتعبني و أحب الله طوالي ( بما في ذلك النساء الجميلات شديد ) . ديمقراطي لليفة ( يولد المواطن منا في الديم ديمقراطياً , فرأسه و قلبه ييمنناه او ييسرانه أو يسجمانه زيك ) , عضو حركة القوى الجديدة الديمقراطية ( حق ) . تاني شنو ؟ .. عندي خمسة عيال يا حلاة الدنيا عليهم : تسنيم 19 سنة , آلاء 18 - و ديل جامعيات - بعدين يارا 13 , أحمد 10 , و عبودي اللذيذ ( عبدالله ) 6 سنوات . متزوج من زولة رايعة : حليمة عيسى و هي برضو خريجة فنون و معلمة ثانويات و فنانة تختها على الجرح يبرا . تاني شنو ؟ .. طولي 194 سم و وزني 89 كيلو و عندي نضارتين : قراية و شوف ( تاني أعمل حسابك ) . ما بحبك لله و الرسول , و ما شغال معاي لؤم نفسك الشينة و قباحة دواخلك .. و رخصة حركات الغواني ( أو ما نسميه في الديم : الفاتيات ) .
تاني شنو !؟؟
يللا , حِل عن سماي الله يرضى عليك .
| |
|
|
|
|
|
|
Re: ملاصي , الله يهديك زِح (Re: Emad Abdulla)
|
والله العظيم تلاته دا رد من اجمل وافظع وافصح وارفع واجدر الردود التمت كتابتها منذ تأسيس هذا المنبر لملاسى او منذ التحاق ملاسى بالمنبر ايهما تختار والله يا عمده دى كتابه راقيه شديد عجبتنى بصوره ما تتخيلها قدر شنو والله يا عماد بطلب يدك أبقى صاحبك والله لو ما حبى الشديد لى أستاذى الخاتم لطلبت منك الحاقى بحق ليس لسبب الا علمى التام بحقانيتا ياخى داير اقولك حاجه لكن خليها فى سرك انت زول جميل
| |
|
|
|
|
|
|
Re: ملاصي , الله يهديك زِح (Re: Emad Abdulla)
|
Quote: برجي الأسد ( عاااااووووو ) .. و ناس الأسد ديل أعمل حسابك منهم , قالوا بيقودو الناس ( و إنت أضانك ماشا الله حمرا و كبيرة و فيها مَلَكة ) . |
والله اللتخ ده كان جريتو من اضانو الحمرا الكبيرة دي ومرقتو بره برضو حا يجيك راجع تاني، وما بعيد المرة الجاية يهدي ليك اغنية ولا قصيدة لانهسلسيون بس
Quote: عندك في راسك البمبي الجديد لنج ده حاجة .. |
ما اظن يا عماد
| |
|
|
|
|
|
|
Re: ملاصي , الله يهديك زِح (Re: Emad Abdulla)
|
كلامك يا عماد كلو صاح .. لكن
Quote: و ما شغال معاي لؤم نفسك الشينة و قباحة دواخلك |
ده كلام ما صاح .
أبو ساندرا ..
Quote: دق الناس خاصة الحلايب منهم |
كان جيت حلة خوجلي ، بطقطقوك عادي !
ويا حسين ، أرحمنا ، يرحم والديك ..
| |
|
|
|
|
|
|
Re: الإهداء لعماد عبد الله! (Re: Hussein Mallasi)
|
Quote: بس عاوز اعرف قراية ابوساندرا |
قرايتي ، القراية أم دق ياحيدر دق أي حجة دق الناس خاصة الحلايب منهم دق الشلوفة دق القلاوة ذاتها
صاحبنا الملاصي ده بنستعدلوا* بعدين اما هسع عايزين نسأل : دحين البت { الجارية } ديك ما تراجي
نضر الله مزاجكم لحين رجعة
| |
|
|
|
|
|
|
Re: الإهداء لعماد عبد الله! (Re: Hussein Mallasi)
|
والله ياعماد ارهقتنا بمتابعتك من بوست لبوست , نضحك احيانا , ونصفق احيانا ,,
ونتأمل ,, نفرح ,, نحزن ,,,
المحاضره التى قدمتها لملاسى يجب أن تنسخ وتوزع ,, انها قصيده أو ألياذه لهوميروس
السودانى الديامى ,,,
يأخى زيدنا من معينك الرائع ,, وعد الينا ,, أو فلنعد اليك ,,,
( هذه الكلمات من الشقيق عادل سالم )
تخريمه صغيره ــــــــــــ
صاحب البوست سلام ,,
| |
|
|
|
|
|
|
Re: الإهداء لعماد عبد الله! (Re: kamal ali)
|
Quote: اما هسع عايزين نسأل : دحين البت { الجارية } ديك ما تراجي
|
كويس يا ابو ساندرا ما قلنا لك محتاج عملية عيون عملت لينا فيها بلح الشام وعنب اليمن حس تقول لي (الجاريه) ديك تراجي يعاد لمستشفى اليعون فورا!! D
يازول جني قال لك الرمان بقى قرع تقول لي تراجي!!
| |
|
|
|
|
|
|
Re: الإهداء لعماد عبد الله! (Re: Hussein Mallasi)
|
Quote: حس تقول لي (الجاريه) ديك تراجي يعاد لمستشفى اليعون فورا!! D
|
العمى ساهل يا تراجي انا كنت خايفك تتهميني بالعنصرية وتأولي { الجارية} إلى الجواري لا الجاريات
ياريتني لو كنت بعرف ارسم الوجوه، الضاحكة والعابثة والمستهبلة
| |
|
|
|
|
|
|
Re: الإهداء لعماد عبد الله! (Re: Hussein Mallasi)
|
يا جماعة مش في زول بيقولوا عليهوا خميرة عكننة ؟؟...
اها حسين ملاسي دة كدة ( اسفيرياً ) ...
عندو مزاج يعكنن على بعض خلق الله ويفقع مرارتهم من الغيظ ...
لـــكــــن ...
كدة بس لاقوهو ...
واقعيا ....
صدقوني ...
هناك فرق ...
وفرق شاسع ....
كان هذا انطباعي عنه بعدما التقيته في احدى زاياراتي للوطن ... كتبته في بوست :
[U]كنت هناك تعالوا احكي ليكم .. حكايات من الوطن ...
Quote: ابتسامة وديعة ... ضحكة خجولة ... ثقافة عالية ... حديث متزن ... صوت خفيض ...ادب جم ... اناقة ملفتة تذكرك بنجوم السينما ... متباعد برغم الود ... غامض برغم الوضوح ... شخصية يفوح منها عطر الثقة ... وتهوى رسم الحدود اللامرئية ... هل عرفتموه ؟؟؟
انه حسين ملاسي ... |
| |
|
|
|
|
|
|
Re: الإهداء لعماد عبد الله! (Re: Hussein Mallasi)
|
لماذا نسعادهم في المنبر في نشر أساليبهم القذرة
يجب الإنتباه لعملاء النظام مثل محمد جمعه معتصم نستا محمد فرح
والبصاص و غيرهم ممن يكتبون بأجر
يجب فضح جميع الكيزان وبعض المندسين الجبناء. أنه لمخجل جدا أن يدعي البعض الوطنية وهم يقفون مواقف المتفرجين
ومعا لكشف عصابة مافيا الانقاذ وجميع المأجورين
ولا نامت أعين الجبناء والعار للذين ينشرون أكاذيب الكيزان في هذا المنبر
| |
|
|
|
|
|
|
Re: الإهداء لعماد عبد الله! (Re: sanaa gaffer)
|
Quote: يا جماعة مش في زول بيقولوا عليهوا خميرة عكننة ؟؟...
اها حسين ملاسي دة كدة ( اسفيرياً ) ...
عندو مزاج يعكنن على بعض خلق الله ويفقع مرارتهم من الغيظ ... |
ده حسين!!
Quote: Quote: ابتسامة وديعة ... ضحكة خجولة ... ثقافة عالية ... حديث متزن ... صوت خفيض ...ادب جم ... اناقة ملفتة تذكرك بنجوم السينما ... متباعد برغم الود ... غامض برغم الوضوح ... شخصية يفوح منها عطر الثقة ... وتهوى رسم الحدود اللامرئية ... هل عرفتموه ؟؟؟
انه حسين ملاسي ... |
وهنا برضو حسين!!
والسؤال كيف يمكن ان يكون الزول زولين أو زولين فى زول واحد؟
| |
|
|
|
|
|
|
Re: الإهداء لعماد عبد الله! (Re: Hussein Mallasi)
|
Quote: ياخي قلنا ليك ما دايرين معاك و إتجاهلتك .. برضو لاصق !! |
تعرف يا عم شنبو.. بالرغم من شفتنتك ده كلها..والتى تفضلت بسردها .. الا انك لم تفهم ششخشية أبو الملاليس..
الزول ده زى الحسكنيت بلصق فى الناس الما بدوروهو ..
أبو ساندرا..خايف من تهمة( العنصرية) ..أهى لحقتك .. حلاليب قال
| |
|
|
|
|
|
|
Re: الإهداء لعماد عبد الله! (Re: Hussein Mallasi)
|
الحبيبة اشراقة ...
Quote: والسؤال كيف يمكن ان يكون الزول زولين أو زولين فى زول واحد؟ |
زمان ايام المدرسة كان عندنا مدرسة بتتكيف من الاسئلة الزي دي وبتقول عليها good question
اها سؤالك دة بيدخلنا في كلام كتير .. طويل عريض .. عن الشخصية الاسفيرية والشخصية الواقعية ...
كلام بتدخل فيهو فلسفة وعلم نفس وتخمينات واحتمالات ...وتساؤلات ...
في أحدالمنتديات طرح بوست بعنوان ( هل شخصيتك الواقعية تشبه شخصيتك الاسفيرية ؟؟ )
لما تقري الاجابات حتندهشي انو عدد لا يستهان به قال (لا) ...
من الصعوبة اننا نقدر نفند الاسباب البتخلي شخص معين يظهر بشخصية مختلفة عن حقيقته.. لانو الاسباب ما بيعرفها الا صاحب الشان فقط ..
ففي هذا العالم الوهمي اللامحدود يمكن للذئاب ان ترتدي ثياب الحملان .. ويمكن للحملان ان تتقمص دور الذئاب ...
كل حسب هواه ...
ـــــــــــــــــــــــــــــــــــــــــــــــــــــ اشراقة .. باكون سعيدة لما يجمعني معاك مكان واحد ... وعذراً على الخروج من النص ...
| |
|
|
|
|
|
|
Re: الإهداء لعماد عبد الله! (Re: sanaa gaffer)
|
Quote: من الصعوبة اننا نقدر نفند الاسباب البتخلي شخص معين يظهر بشخصية مختلفة عن حقيقته.. لانو الاسباب ما بيعرفها الا صاحب الشان فقط ..
ففي هذا العالم الوهمي اللامحدود يمكن للذئاب ان ترتدي ثياب الحملان .. ويمكن للحملان ان تتقمص دور الذئاب ...
كل حسب هواه ... |
العزيزة سناء الموضوع اللى اشرتى ليهو بيحتاج لبوست منفصل لكن اقدر اقول انو مهما كانت هناك اختلافات تتفاوت فى حدتها فى شخصياتنا الا انى مابقدر اتخيل زول ممكن يكون لطيف ووديع وفى نفس الوقت عنده المقدرة انو يجرح ناس تانين مهما اختلف معاهم- ده من السهل معرفة اسباب {حالات الانفصام} دى بامتلاك ادوات تحليل موضوعية اذ لابد ان فى مكان ما علة تدعو بالجد للوقفة مع الذات وليس بعيدا عن موضوع البوست والمغذى المقصود منه والذى لايتسق ابدا مع زول شخصيته وديعة ومحترمة على حسب انطباعك ورغم انه لم يتاح لى الحديث مع ملاسى الا ان يعطى انطباعا يبدو طيبا لكنه لايتسق باى حال من الاحوال مع مايسببه من تجريح للبعض هنا...
العزيزة لنا مهدى كانت قد طرحت موضوع ذو علاقة بين الشخصية الحقيقية والشخصية الوهمية ومداخلتك دى بتصب فى نقس المحور بتاعها وبيكون سبب لتناول هذا الموضوع فى مكان وزمان آخر
--------------
بسعد برضو بمداخلاتك ياسناء
| |
|
|
|
|
|
|
Re: الإهداء لعماد عبد الله! (Re: Ishraga Mustafa)
|
مصيبتكم يا إشراقة انكم دايرين المطايبة و الكلام اللا بيودي و لا بيجيب؛ و زي ما قلت لطلال .. أخير الزول يقول ليكم الكلام في بطونكم من يقولو بضهركم!
______ اسه تقدري تفسري لي أمور المراهقين القاعد يعمل فيها عادل عثمان دي؛ غير تفسير الراجل أب كرش الفوق داك!!
| |
|
|
|
|
|
|
Re: الإهداء لعماد عبد الله! (Re: عبدالله كع)
|
Quote: ملاسي .. أسووي ليك شنو مثلاً ؟؟ يا ربي ما تمحنا يا الله .. غايتو قدرت تضحكني و تنرفزني .. و شمت فينا العدوين .
ياخي قلنا ليك ما دايرين معاك و إتجاهلتك .. برضو لاصق !! عندك في راسك البمبي الجديد لنج ده حاجة .. شنو هي أنا ما عارفا !! طيب , فترت ( من شيلة السواد ) عملت بوست بإسمي عديييييييل ؟؟ أها فرصة كويسة تخليني أسوق صورتي الجد هنا ( عشان تتغلغل كويس ) . مش الصورة الفي دقنوسك البمبي الجديد ده .
يا ولد يا حسين .. أنا عماد عبدالله محمد حسين . مولود في واحد من أشهر و أعرق و أجمل الأحياء الشعبية في الكون : الديم / الخرطوم , في 14 أغسطس 62 , برجي الأسد ( عاااااووووو ) .. و ناس الأسد ديل أعمل حسابك منهم , قالوا بيقودو الناس ( و إنت أضانك ماشا الله حمرا و كبيرة و فيها مَلَكة ) . خريج فنون تخصص تلوين - و ملوناتي من الختيييرين كان ما عجبك - .. بوليس سابق , و كمساري و كاتب يافطات و موظف بوستة و نقاش بوهية و جير و أحد أمهر رواد المواخير و الخانات في أزقة الديم الجميلة . و رائد سابق لكل منتديات الغنا و الشعر و الرسم و الثقافة و القراية أم دق في الخرطوم . تقلبت زي ما داير يمين شمال و سويت في الدنيا دي الدايرو من بوهيمية و قلة أدب و قراية و صياعة عدوك , عضو سابق في الجبهة ديمقراطية و عضو إتحاد الفنون و عضو إتحاد التشكيليين السابق و كاتب صحفي و مصمم و مخرج و رسام - تاني كان ما عجبك : رسام ختييييير و مخرج أختتتتتر - و بمارس أي شي يطلع في راسي بمزاج المزاج . مدمن منقة و جبنة و أغاني سودانية , و كنت مدمن كل البلاوي البتنفع الراس من نواشف على سوائل على مآرب تانية , و كمان فوق البيعة لسه بحب أدلع راسي الكعب ده بالقراية و الكتابة و الرسم و التلوين و الغنا و النقة . أي شي جميل و سمح بيغلغلني و يتعبني و أحب الله طوالي ( بما في ذلك النساء الجميلات شديد ) . ديمقراطي لليفة ( يولد المواطن منا في الديم ديمقراطياً , فرأسه و قلبه ييمنناه او ييسرانه أو يسجمانه زيك ) , عضو حركة القوى الجديدة الديمقراطية ( حق ) . تاني شنو ؟ .. عندي خمسة عيال يا حلاة الدنيا عليهم : تسنيم 19 سنة , آلاء 18 - و ديل جامعيات - بعدين يارا 13 , أحمد 10 , و عبودي اللذيذ ( عبدالله ) 6 سنوات . متزوج من زولة رايعة : حليمة عيسى و هي برضو خريجة فنون و معلمة ثانويات و فنانة تختها على الجرح يبرا . تاني شنو ؟ .. طولي 194 سم و وزني 89 كيلو و عندي نضارتين : قراية و شوف ( تاني أعمل حسابك ) . ما بحبك لله و الرسول , و ما شغال معاي لؤم نفسك الشينة و قباحة دواخلك .. و رخصة حركات الغواني ( أو ما نسميه في الديم : الفاتيات ) .
تاني شنو !؟؟
يللا , حِل عن سماي الله يرضى عليك .
|
انا مفتون بمعلّقة الفنان عماد عبد الله دى، بجى راجع اتأملها بمزاج يشبه مزاج الفنانين الخلوقين افادنا الله بعلمهم و فنهم و خصنا بمحبتهم و ودهم انه نعم المولى و نعم النصير
| |
|
|
|
|
|
|
Re: الإهداء لعماد عبد الله! (Re: abubakr salih)
|
يا ناس المنبر خاصة اهل الخـــير فيكم!!!
بالله عليكم ثبتوا معاى البوست دا فى الصفحة الاولى دائماعندى فيهو تأملات و مصالح داير افضى ليها،اليوميين ديل مزنوق فى القراية.
و الله لا يضيّع اجر من احســــــن عمـــلا
| |
|
|
|
|
|
|
Re: الإهداء لعماد عبد الله! (Re: abubakr salih)
|
يا ناس ما قلنا ليكم ســاعدون فى رفع البوست التحفه دا فى الصفحة الاولى
يا ناس و الله حرام عليكم تتضيعوا بيان الفنان عماد عبد الله فى الزحمة
كتابة ذى دى لابد تكون متاحه و مقروءة للاجيال و القادمة
وين الســـيد سيد البوست؟ مالى اراه هرب و ولى الادبار؟
| |
|
|
|
|
|
|
Re: الإهداء لعماد عبد الله! (Re: abubakr salih)
|
Quote: غايتو لو الحاجات دي بتطلع منك ده كلو أنا حأتخصص فيك حتى لو تكرهني، |
يا خالد عويس اثارة حُنق عمــاد عبد الله دى مســـالة صعبه عليك و ما بتقدر عليها و ما عندك ليها المؤهلات اللازمة من ثقالة دم و قباحة روح و حاشاك! يا عمى دى مهمة لا تقدر عليها الا الفاتيات صبحا، الناضحات قبحا!
لكن عندى ليك حل بيقولو ليك بعدين.
| |
|
|
|
|
|
|
Re: الإهداء لعماد عبد الله! (Re: abubakr salih)
|
طيب يا خالد عويس قلت ليك عندى ليك حل هاك ليهو. حلّك الوحيد اٍنك تأجر ملاســى يقوم بالمهمة، و ما تخاف على ميزانيك الشهرية فملاسى "رخيس" بما لا يؤثر على ميزانيتك الشهرية و الاٍلتزامات الاسرية. ابو المُلس ممن باعوا آيات الوطن بِثمن قليلا، دراهم معدودات يَقِمْن صُلبه.
| |
|
|
|
|
|
|
|