|
|
 شكرا ياتمبس.... بس القى لى حافلة!!
|
من سنين بسمع بقولوا فى أعياد
ومن عمر طويل بجى عيد وبيمشى وبيجىء غيرو,,
محاولات للاحساس بالعيد..لاجل الصغار ثم لاجلنا
صباح العيد وزرافات من الجلاليب البيضاء للرجال الطيبين العائدين من صلواتهم، وصوت أبوى ومعنى عافى منك وراضى عليك...
بالله هنا فى عيد؟ طيب الفصاحة ليك شنو ماقلتى الزول ممكن يصنع اعياده، عاد جنس احلام زلوطية... دنيا باااااااااااااادة، وباقى جليد يلمع زى قزاز جارنا النجار فى كوستى، هدوم تعمل العسم فى الروح من كترتها وبوت، البوت ده مبارينا محل ماشين ياكافى البلاء..لا فى ريحة لحمة ولا شربوت ولابنات كملن دهن الكركار فى يوم العيد، الملايات، قالوا إسمها {الامريكية} حسع بقت الماليزية والصينية وريحة بخور التيمان البنش الضبان من اللحمة، خرفان الزمن ده بقت مابتحوق وبتكمل فى يومها،دخلت ايادى البارده فى جيوب روحى الابرد واتزكرت رقية وراق وقلت الرماد كالنى... غايتو دمعة كدى قربت تنزل، وماتنزل كان نزلت البلد دى عندى فيها ود عم {يغطى ماعونو، احىّ انا من المرة الماعون والعوين، عشان كدى جاتنا الحمى النزفية مالعقل لسه ماإتحرك كتير نحو المرأة الانسان وبرضو نحو الرجل الانسان.... ده كلو عدم الخروف وياحليل الشربوت البريدو البجى يعيد يلقانى فى سابع نومة، البركة فى نوماتى الزمان، مشيت للتركى جارى عندو دكان فيهو عجوة قلت اتصرف فيها واعملها براى شربوت، الفضولى سألنى من حكمة البلح اللى اشتريتو بكمية.. لمن عرف قصة الشربوت قال لى ياخى مالك متعبة نفسك ماتشوفى العمليين ديل بشيلوا فى الفتايل الصغيرة صغيرة دى، تراه ود الذين آمنوا قاصد الفودكا... عاد ياابوى دى خمرة وشربوتنا نحنا لابيتخمر ولاشىء عشان كدى حلااااااااااااااااااال
ورن جرس {محمولى}، الله ده منو البيطرانا كدى من اول الصباح؟ الناس لمن تصحى من نومة الشربوت بتتصل،
... ودخلت ليك شمال... اهلا يا ابوقصيصة.. كيف العيد، سافرتوا والعيال للامارات، بترجعوا لندن متين....
وبعد شوية روقت المنقة... انا تمبس يا اشراقة...صوت اخو ود ام وحنين وطيبان وفيهو ريحة دعاش بلدنا لمن كانت بتلمنا
وحق الله بق الله وكل سنة وانتى طيبة ياختى والله يخلى ليك عيالك ويديك الفى مرادك...
والله ياجماعة فرحت من جوايا وكنت فرحانة بالجد واتمنيت ليهو كلو دعوات الامهات... عاد تمبس ده ما اخوى عدييييييييل ود امى البريدو، الدمعات يا ود امى قاعدة على الهبشة قدر ماقشطت مويتهن ابت تكمل..يعنى الا تكون عندنا عربية زى اخونا اللى كتب فى حافلته احب تمبس... حقوق الريدة محفوظة ياود أمنا..بس لو القى لي حافلة
اتلفت يمين وشمال شفت الترام جاى شقاى روحى، شلت ليك من حبرها وكتبت ليك فيهو بالخط العريض ....... أحب تمبس ود أمى المغترب فى الحجاز
|
|
 
|
|
|
|
|
| العنوان |
الكاتب |
Date |
| شكرا ياتمبس.... بس القى لى حافلة!! | Ishraga Mustafa | 12-21-07, 12:06 PM |
 Re: شكرا ياتمبس.... بس القى لى حافلة!! | الزوول | 12-21-07, 08:07 PM |
 Re: شكرا ياتمبس.... بس القى لى حافلة!! | saadeldin abdelrahman | 12-21-07, 08:20 PM |
| Re: شكرا ياتمبس.... بس القى لى حافلة!! | Ishraga Mustafa | 12-22-07, 09:43 PM |
 Re: شكرا ياتمبس.... بس القى لى حافلة!! | tmbis | 12-23-07, 08:38 AM |
| Re: شكرا ياتمبس.... بس القى لى حافلة!! | عبدالكريم الامين احمد | 12-21-07, 08:21 PM |
| Re: شكرا ياتمبس.... بس القى لى حافلة!! | حواء سليمان ابراهيم | 12-21-07, 08:23 PM |
| Re: شكرا ياتمبس.... بس القى لى حافلة!! | Ishraga Mustafa | 12-21-07, 08:32 PM |
| Re: شكرا ياتمبس.... بس القى لى حافلة!! | عبدالكريم الامين احمد | 12-21-07, 09:08 PM |
| Re: شكرا ياتمبس.... بس القى لى حافلة!! | tmbis | 12-23-07, 07:58 AM |
| Re: شكرا ياتمبس.... بس القى لى حافلة!! | sanaa gaffer | 12-21-07, 09:20 PM |
| Re: شكرا ياتمبس.... بس القى لى حافلة!! | Ishraga Mustafa | 12-22-07, 12:54 PM |
| Re: شكرا ياتمبس.... بس القى لى حافلة!! | عمر سعد | 12-22-07, 01:15 AM |
| Re: شكرا ياتمبس.... بس القى لى حافلة!! | اساسي | 12-22-07, 01:26 AM |
| Re: شكرا ياتمبس.... بس القى لى حافلة!! | Ishraga Mustafa | 12-22-07, 09:26 PM |
| Re: شكرا ياتمبس.... بس القى لى حافلة!! | Ishraga Mustafa | 12-22-07, 08:40 PM |
| Re: شكرا ياتمبس.... بس القى لى حافلة!! | دينا خالد | 12-22-07, 12:54 PM |
| Re: شكرا ياتمبس.... بس القى لى حافلة!! | Siham Elmugammar | 12-22-07, 04:18 PM |
| Re: شكرا ياتمبس.... بس القى لى حافلة!! | Ishraga Mustafa | 12-23-07, 09:15 PM |
| Re: شكرا ياتمبس.... بس القى لى حافلة!! | Ishraga Mustafa | 12-22-07, 09:40 PM |
| Re: شكرا ياتمبس.... بس القى لى حافلة!! | esam gabralla | 12-22-07, 04:55 PM |
| Re: شكرا ياتمبس.... بس القى لى حافلة!! | Ishraga Mustafa | 12-24-07, 10:09 PM |
| Re: شكرا ياتمبس.... بس القى لى حافلة!! | طارق جبريل | 12-22-07, 09:50 PM |
| Re: شكرا ياتمبس.... بس القى لى حافلة!! | tmbis | 12-23-07, 07:05 AM |
| Re: شكرا ياتمبس.... بس القى لى حافلة!! | محمد الطيب حسن | 12-23-07, 08:36 AM |
| Re: شكرا ياتمبس.... بس القى لى حافلة!! | ibrahim kojan | 12-23-07, 05:05 PM |
| Re: شكرا ياتمبس.... بس القى لى حافلة!! | احمد معتصم الطيب | 12-23-07, 09:56 PM |
| Re: شكرا ياتمبس.... بس القى لى حافلة!! | احمد معتصم الطيب | 12-23-07, 10:15 PM |
|
| |
Ishraga Mustafa
فيس بوك
تويتر
انستقرام
يوتيوب
بنتيريست