الاخ مهند مامون أنت تتجني على ابي ذر الغفاري وأسرته والناس أجمعين !

Quote: (1) === الساعة الخامسة والنصف مساء يوم 17 سبتمبر من العام 1989م .. ذهبت (الحاجة سكينة) الى منزل (عثمان) أحد أقرب أصدقاء إبنها إسماعيل عبد الله الشهير بـ(أبوذر الغفاري) ... قالت لعثمان : اخوك اسماعيل جاهو واحد قال اسمو عادل .. وساقو معاهو بعربيتو ... اسماعيل قال لي انتظريني بالغداء لكن الواطا مغربت وهو لسه ما جاء راجع ... أمشي شوفو وين ... سألها عثمان منزعجاً : كدي يا حاجة أحكي لي الحصل بالظبط شنو ؟ الوالدة المكلومة (الحاجة سكينة) قالت لعثمان : (حوالى الساعة الثانية ظهراً جاء واحد سايق عربيته ... دق الباب ، قمت مشيت فتحت ليهو الباب ، قال لي إسمى عادل داير أبوذر ، قلت ليه إتفضل يا ولدي خُش لى جوة ، قال لي لا ... معليش ... نادي لي أبوذر دايرو ضروري ... مشيت ناديتو ليهو ... اتكلم معاهو بعداك جاء قال لي انا طالع قريب وبجي .. انتظريني بالغداء ... ركب معاهو فى العربية ومشوا ، أبو ذر ما جاء راجع تاني لحدي هسي) !!! الحاجة (سكينة) أضافت : إسماعيل ولدى ماقاعد يتأخر عن البيت لحدي المغارب ... ولما يكون عندو حاجة أو مشوار بكلمني ... هو عارفني وعارف طبيعتي ، لمن يقول لي حا أرجع بعد دقيقة معناتا لازم يرجع بعد دقيقة ... أمشى يا عثمان شوف أخوك وين ... !!! ---- نواصل