|
الشاعرة تماضر الخنساء تدخل الفنان والملحن ضياء الدين ميرغني في ورطة بين موصلي ومصطفى
|
قد تتداخل بعض الاشياء وتتقاطع ويكون الفرد مشتت
بين اعزاء يكن لهم كل الود والمحبة فيصبح كالتاية
بين عزيزين لا يود تفضيل احدهم على الاخر طالما تتطايب النفوس
ولكن يبقى وجه الحيرة مطل بين من نعز ونحترم
هذا ما وقع فيه الاخ والحبيب الفنان المبدع والملحن الرائع
عزيزنا ضياء الدين ميرغني.
ما اعهده في الاخ والصديق الجميل ضياء بانة يحترم جدا
مسالة (ربط اللسان) او ما نسميه بالوعد واحترام الكلمة
ولكن قد ياتي عزيز اخر وبسياسة وضع اليد او (السلبطة)
يحرج الاخر ويجعله في حيرة بين من وعد ومن لم يوعد
ليبقى باب الخروج مدخلا لباب جديداو سجن.
ولذا استدعي الاخوات والاخ ناذر الخليفة
ومنى خوجلي واحسان عبدالمتعال و كل محبي الجمال
ليبقى الى حبيبنا الموصلي وحبيبنا مصطفى السني والخنساء
ايات المودة والعرفان فهم واجه لجمالنا نحن.
|
|
|
|
|
|
|
|
Re: الشاعرة تماضر الخنساء تدخل الفنان والملحن ضياء الدين ميرغني في ورطة بين موصلي ومصطفى (Re: عاطف عمر)
|
Quote: الحل وبدون مقابل ( كيتاً في ماجدة الحبيبة ) وكت اللحن عجب الفنان والصديق الجميل مصطفى السني تب ما يرجع تاني تماضر الخنساء ... شلال من الشعر العذب الأستاذ ضياء .... ومع موهبته العالية قطعاً سوف يجد في كلمات تماضر ما يجعل الألحان تتسابق إليه . يقدمان عمل آخراً لأستاذ الأجيال يوسف الموصلي فيوسفنا الموصلي كتلك الأم التي تتسامى وتضحي بإبنها للأخرى كى يعيش سعيداً |
غايتو ياعاطف مالقيتك قطاع ارزاق بس مااكتر وانشالله ناس المخابرات والماناس المخابرات والمعجبين من الجهتين والما معجبين من الجهتين برضو يقلبو عليك ويلحقوك ماامات طة بس كده علشان تانى ماتقيف فى وش ارزاق الناس الهوم انا لكن الحل ماعندك !! تحياتى ياعاطف كيفك
| |
|
|
|
|
|
|
Re: الشاعرة تماضر الخنساء تدخل الفنان والملحن ضياء الدين ميرغني في ورطة بين موصلي ومصطفى (Re: Elmosley)
|
Quote: أحبتي وأعزتي لكم مودتي عبد الله وعاطف وناذر وسمندلاوي ضياء وتماضر والجميع نحن جميعا أخوه واحبه إعتبروني شريك معك في خلق العمل وانا بدوري اهديه معكم الى شقيقي الاصغر مصطفى السني متمنيا له ولكم دوام التوفيق والمحبة لكم جميعا |
انت منو الزيك يديك الصحةو السعادة وطولة العمر وفى رمضان تطل عليك ليلة القدر والعافية والخير ما يفوتك شبر ويديم عليك الامانى السندسية ومنى ليك قصيدتين هدية بس خليهم مفاجأة كيتا على عبد الله ده *** ود السنى يستاهل منك الهدية التحية مكنونه لضياء الكون والزولة السمحة تماضر
| |
|
|
|
|
|
|
Re: الشاعرة تماضر الخنساء تدخل الفنان والملحن ضياء الدين ميرغني في ورطة بين موصلي ومصطفى (Re: ماجدة عوض خوجلى)
|
Quote: وانشالله ناس المخابرات والماناس المخابرات والمعجبين من الجهتين والما معجبين من الجهتين برضو يقلبو عليك ويلحقوك ماامات طة بس كده علشان تانى ماتقيف فى وش ارزاق الناس الهوم انا |
لا حولااااااااااا دي كلها زعلة يا ماجدة ؟؟؟ طيب وكت الجماعة ديل كلهم إتلموا فيني ويلحقوني أمات طه إنتي تاني حتلقي ليك زول ( يقطع أرزاقك ) وين ؟؟؟
نحنا كويسين بس دوشة كتيرة مع بداية العام الدراسي تحياتنا وأشواقنا بلا عدد
العزيز عبدالله عليك الله سامحنا لو شوية كدا ( خرمجنا ) ليك البوست
| |
|
|
|
|
|
|
Re: الشاعرة تماضر الخنساء تدخل الفنان والملحن ضياء الدين ميرغني في ورطة بين موصلي ومصطفى (Re: عبدالله وداعه الامين)
|
الكريم ود الكرام يوسف ود بلال اخصك بالتحية وياها المحرية فيك احبائى عبد الله وداعة ناذر محمد الخليفة بكرى احمد المصطفى (سمندلاوى) ماجدة عوض خوجلى عاطف عمر اسماء الطيب الجنيد(soma) لكم جميعا الحب والتحية والاحترام ويا سوما خلى قصايدك تمر عبرى للموصلى عشان اوفيه حقه الما بقدر اوفيه ليهو مهما فعلت وكمان يا تماضر الكلام موجهة ليك ايضا خلونى اسدد بعض دين لهذا الرجل العظيم ويا استاذى انا قلت لى مصطفى يأخذ الاذن منك لكن كرمك سبق شكرا ليك فكيت حيرتى وارحتنى يا شفيف لك التحية مجددا اها يا عبدالله سمعنا الشغل بعد ان اضفى عليه المبدع محمد بلال رونقا وحلة زاهية تمنياتى لكم بوقت سعيد ضياء الدين ميرغنى
| |
|
|
|
|
|
|
Re: الشاعرة تماضر الخنساء تدخل الفنان والملحن ضياء الدين ميرغني في ورطة بين موصلي ومصطفى (Re: عبدالله وداعه الامين)
|
لوبس تعرف كلمات تماضر الخنساء حمزة والحان ضياء ميرغنى لوبس تعرف كيف نشتاقك كنت عرفت الحاصل بينا كنت لغيت تاريخ الفرقة وجبت الشوق هاجرت الينا لوبس تعرف
اصلو الشوق باللهفة اتغطى وفضح الغنوه الجاية حنينة وانى بريدك واضحة بقولا اشرق ريدك ضوى عينينا رغم الحزن الاسدل رمشو طَل بريقك اصبح بيتنا لو بس تعرف
نبض الشوق المنك نابع هى ابوابو الفاتحة علينا ولون الإلفة الفرهد فيهو بصمة ريدنا وشكل ايدينا لو سبنا عيونك تحكى غنانا وكيف النغمة بلاك حزينة كنت شفقت اليوم على حالنا حنينك شالك جابك لينا لو بس تعرف
| |
|
|
|
|
|
|
|