|
Re: الليلة عاد انا اتعلمت العد من اول جديد وااااحد اتنيــــن تلااااااتة (Re: mohmed khalail)
|
لوووووووووووووووول ايمان مبروووووووووك يا غالية تصدقى القون الرابع كان جاى قبال التلاته الاوائل ديل لكن اهلنا ديل ماهم غبش وموكرين حنينه بكونوا حنوا فى اولاد بمبا الليله الحضرى بكفتوا اخوانه المعاه شفتى الله ده كريم كيف
شوفى ده جات فرحه بس هسسسسسسه عصام يا حضرى للكعب تجرى بى لعبك الشترى لا تحرى لا تدرى خلعوك بالبكرى والتانى جاك بدرى نحن ما بنجرى هلالنا خيل كررى وفى العب فقرى نحن ما ناس شين ولا للكعب دايرين ولللحقارة ندين علا بنسدو الدين ما بهدف ولا اتنين التالت يكيل العين ومبرووووووووك يا غاليين
| |
|
|
|
|
|
|
Re: الليلة عاد انا اتعلمت العد من اول جديد وااااحد اتنيــــن تلااااااتة (Re: عبدالله داش)
|
الفاضلة ايمان تراني اليوم اجد كلمة مبروك شحيحة لابطال هلال السودان هلال الثلاثين مليون نسمة + أحمد وليدي الفرحة غطت القلوب وفاضت فيض النيل العظيم الزغرودة هلت وعلت وماجت وتفجرت كما سيل الكربكان القاهر سيلاُ ليهو زبد وخوار
مبروك لكل اهل السودان هذا الفوز والذي كان بجدارة وهي المرة الاولى التي لم يتمنى فيها كل هلالابي صفارة نهاية المبارة بل كانوا يمنون النفس لو أن الحكم مد المبارة زمن أضافي 45 دقيقة
لك التحية والتهاني الجميلة وعقبال تتويج البطولة والظفر للكرة السودانية التي بدأت تنفض ما عليها من غُبار دام سنين عدة
خالد
| |
|
|
|
|
|
|
Re: الليلة عاد انا اتعلمت العد من اول جديد وااااحد اتنيــــن تلااااااتة (Re: إيمان صالح)
|
أيمان بت صــــالح
أولا ألف مبرووووووووووووك
الهلال هلا أهلا بيهو أتجلي وأتجمل وهنا نهنيء الهلال الأفريقي بالنصر الذي تحقق بعرق الرجال الذين سطروا أروع
نزال ضد خصم يصنف بطل أفريقيا وفريق القرن كما يتباهون به الأخوة في شمال الوادي
وقال السودان كلمته بأن الكورة أقوان ثم فنون وعرضوا في العرض شمال بأروع الفنون
وقدم للسودان تصنيف نحتاجه كثيرا لمكانة الكرة السودانية ونحن في القبيلة الحمراء
لانشمت أبدا ونهنيء من يلعب الكرة الجميلة وهي وطنيتنا المحضه نهديها للهلال لاعبين
وجمهور وجهاز فني ومانديتنا معا إلا من أجل الأرتقاء باللعب السمحة وهي الرياضة ياأخوة
الدرب في المستطيل الأخضر ومجددا لكم ياهلالاب السودان التحية وانتم تنتقلوا الي مرحلة
مهمه جدا ونحتاج لها كثيرا وسمعة الكرة السودانية العريقة عراقة الأفارقة السمر
ونتمني أن يلحق مريخنا به وتكون كأسات المنافسات الأفريقية سودانية مئة المئة وسلام
الي كل رياضي غيور يستمتع بالكرة قبل اللون الكروي .
،،،،أبوقصي،،،،
؛؛؛؛؛المــــــــريخابـــــــــي؛؛؛؛؛
| |
|
|
|
|
|
|
Re: الليلة عاد انا اتعلمت العد من اول جديد وااااحد اتنيــــن تلااااااتة (Re: إيمان صالح)
|
الأخت ايمان ... صورة والدتك بوجهها الصبوح وشلوخها العريضة الغائرة وابتسامتها المضيئة .. تنسجم تماماً مع طعم النصر .. وكأن اهداف الهلال بالأمس امتداد لهذه الاصالة والعزة التى ترف على وجه امك ..!! عفواً اذا خرجت عن النص .. ولكن ..!! لا ادرى .. لماذا حين نظرت الى الصورة وانا منتشياً بالفرح .. تناهى الى اذنى صوت خليل فرح .. عــزة فى هواك .. وكأن الصوت ينبع من الصورة الجميلة امامى !!
| |
|
|
|
|
|
|
|