|
Re: كابتن السودان و الهلال السابق مصطفي النقر في سجن ام درمان (Re: السمؤال بدرالدين)
|
خبر محزن جدا
Quote: ده الفرق بين المريخ والهلال
|
اخى سمؤال
مثلما هو كابتن الهلال ولاعب النصر السعودى وممثل السودان فى منتخب العرب ضد منتخب هولندا سنة 84 ورغم مرارة الحدث فالنقر ليس هو اول لاعب او مواطن يدخل السجن لاسباب مالية وفى السعودية القريبة دى قبع كابتن الاهلى السعودى ولاعب الهلال السعودى ولاعب المنتخب السعودى فى كاس العالم عبد الله سليمان فى السجن لشهور بسبب التزامات مالية وهو لازال يلعب فى الهلال وبسبب ذلك الامر تحطم اللاعب وفقد نجوميته وكل شى اما فى السودان فحدث ولا حرج فقد عصفت الظروف الاقتصادية بالكثير من التجار واصحاب الاموال وقبعوا فى السجون بسبب الشيكات الطايرة وهناك لاعبين نمسك عن ذكرهم كانوا يخرجون من الحراسة عشان يلعبوا كورة وفى لعيبة دخلوا مصحة كوبر رغم نجوميتهم ومانفعهم لا هلال ولا مريخ والقضية ليست هلال مريخ يااخى وانما قضية اناس ضاقت بهم السبل وشكرا اساسى على ايراد الخبر لناحية تسليط الضوء على مثل هذه الامور والعمل باتجاه المساعدة على حلها فمصطفى النقر للسودان كله قائدا للمنتخب السودانى وسفيرا له فى الملاعب الخارجية ومعشوقا لجماهير الهلال بالذات اللهم فك اسره
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: abuguta)
|
هــلالابى جـناح النـقر... !!!!!
صديقنا ياسر عرمان يكتب فى ذكرى الفقيد دكتور جون..ولفقده مقام.. عقد السبعينات من القرن الماضى كان عقدا بديعا عندى والوعى فى بواكيره والامانى الحلوه... فى حى الهاشماب ..كم وسبعين..لقيت لاول مرة كابتن الهلال مصطفى النقريزور بعض اقاربه وكدت اجن.. وو كنت مهووسا بالهلال درجة التعصب وحتى حضور التمارين ومطالعة بعض جهالات النقد الرياضى... وكان الهلال وقتئذ مثل الاساطير.. سيماوى..عبدالله موسى..عزالدين..الريشة..قاقرين والزعيم رحمه الله ..
فى السبعينات ... بزغ نجم فنانين جدد فى سماء الاغنية عبر مهرجانات الثقافة.. ثم..وردى والدوش والتجانى سعيد وفتنة التوب الانيق..بعد سماعين حسن,, وفى ذات العقد.. سينما ام درمان والوطنية والمسرح القومى فى خطوبة سهير مع تحية زروق ومكى سنادة والخرطوم بالليل التى حدت برئيس افريقى بان يدفع ببنتيه لقضاء اجازتهما بها وهى باريس افريقياحسب تعليقه بشهادة السفير الحاردلو.. الايام تمضى وارسم فى مخيلتى صورا للعيبة الهلال وحياتهم ونجوميتهم قبل ان التقيهم... ثلاثون عاما..لالتقى قلة..الريشة..الدحيش..فوزى..الفاتح النقر..شوقى..جكسا ومقاربات بين مخيلتى وان اشاهد صورهم فى التلفزيون والصحف وبين لقائى بهم وقدتقدم العمر ومساحات التخييل.. حالة موحية..تلك.. ذات الشىء..ان تتعرف الى شخص عبركتاباته..صورته..الكى بورد وعبر سودانيزاون لاين.. ابوجهينة..حيدربدوى..عزة سوميتا..و...و.. اعود الى لقاء بورداب الداخل والخارج..وصورهم.. ونوستالجيا الحنين الى الماضى..مع الخرطوم والهلال ومن اعلن النعى على ذاك الزمان؟؟ مودتى وتقديرى
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: تاج السر حسن)
|
ربنا يفك سجنة وسجن من معاة السجون امتلات الشيكات الطائرة بقت اكتر من الطيور الطايرة والحال هو الحال الاقتصاد القومي من تدهور الي دمار والحكومة ما عندها سياسة اقتصادية رشيدة غير بيع الاراضي وبيع البترول وين بودوا الفلوس دس ما تعرف حا يجي يوم والله ما نلقي مكان فيالسجون لسجن الناس بالشيكات الطائرة او بسبب الاحوال المتدهورة اقتصاديا في بلد خيرة كتيرررررررررررررر يكفي الجوا والبراء وحسبنا الله ونعم الوكيل
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: Elsheikh Mohd Aboidris)
|
لك الله يا النقر ماقدمه هذا الرجل للوجدان السوداني والهلالي يساوي مليارات من الدراهم تلكم التي ارسلته الي السجون... يجب التعامل مع هذا الامر بكل مسئولية واحترام للسيد مصطفي النقر واسرته واصدقائه ومن الموسف استعماله في المكايدات الرخيصة ما بين الهلال والمريخ... واقترح تكوين جسم من معجبي هذا الرجل المبدع الفنان لمساعدته وانتشاله من هذا العسر وهم كثر ممتدين في كل انحاء العالم وفي كل قطاعات الشعب السوداني... فالنقر يستحق منا التضحية بكل غالي ونفيس هو الذي اهدانا الافراح والمسرة... ...
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: عبدالكريم الامين احمد)
|
الأخ/ عبدالكريم تحية طيبة ربما ازالت عنا صحيفة الوطن حرجا كبيرا كنا نشعر به وساعدتنا لكى نعمل فى الضوء وعلى مساحة أكثر اتساعا .. فقد كنا نتحرج العمل على صورة تجرح احساس النقر او اهله وهو بمثابة الصديق العزيز. والنقر لعب للهلال فترتين وأخلص وابدع فيهما اخلاصا كبيرا ولعب للمنتخب الوطنى ولعب للأهلى المصرى وللنصر السعودى وختم حياته الرياضيه فى اهلى الخرطوم لا جحودا فى الهلال وانما بسبب حبه وعشقه لممارسة كرة القدم. وعمل مدربا للهلال ومدربا لبيت المال وعدد من الأنديه الأخرى. دون شك النقر له ديون على الآخرين مثلما عليه ديون فهو رجل يتعامل فى سوق اصبح غير منظم ولا يرحم!! تخريمه:- التقينا بشقيقك الدكتور صلاح وهو رجل لطيف جدا.
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: اساسي)
|
نعم مصطفى النقر كان كابتن السودان والهلال وكان وكان لكن بما أنه دخل السوق يبقى مصفى النقر وبي إرادتو الحرة أصبح تاجر ودخل في دين ذيو وذي سودانيين كتيرين مرو بي نفس الموقف ولو المسألة مسألة هلال ومريخ يبقى القدامى كلهم من حقهم يمشو ويستدينو بي أسمائهم الرنانه وآخر المتمة الأندية تجي تدفع . بعدين الحاجة الوحيدة ولو كانت غير مقعنعه إنو الإعتبارات دي يختوها الدائنين وما أعتقد إنهم ما أدوهو فرصة للسداد لأنو السجن آخر حاجه بيلجأ ليها الدائن .
لو كان مصطفى عيان والنادي ما تدخل يبقى اللوم على النادي ذي ما حصل لي عبد العظيم الدش علية رحمة الله واللي تدخل ناديه بعد فوات الأوان لكن في الموقف ده اللوم على مصطفى.
على العموم ده موقف الواحد ما بيتمناهو الواحد لي رقم ذي مصطفى النقر لكن الحصل حصل .
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: اساسي)
|
الاخ العزيز انا رائي الموضوع ما هو كابتن مصطفي النقر ولا غيرو. الموضوع هو الكيفية التي حدث بها الفعل. والسؤال هو هل من حق كابتن النفر ان يستدين مايقارب الثلاث ارباع مليار جنية ومن حقة علي مجلس الادارة ان يهب لسداد ما علية. والغريب في الموضوع ان الكابتن زعلان لان مافي واحد من المسؤليين ابدي اهتمام بالقضية. السؤال هو؟ ماذا كان ينتظر كابتن النقر من المسؤليين ان يفعلو حتي يرضي عنهم؟ (تفعيل عفا الله عن ما سلف) ام اطلاق سراحة تحت المادة (من كان ذا معثرة فنظراًُ الي ميسرة). الموضوع لو الناس الطالبم النقر رجعو ليهو ال350 مليون بتاعتو حا يجيب ال369 مليون من وين. ولو ال369 مليون عندو ما يدفعا ويقول انا مطلوب 350 علي الاقل الناس تحث بي جديتو في حل قضيتو وممكن تساعدو. راي شخصي دة مواضيع تماسيح محمد احمد ما عندو بيها شغلة. وكان بيكون جميل لو الناس اتناولت موضوع المساجين الاخرين المعي الكابتن واللي اغلبم حا يكونو من صغار المزارعين اللزين تامرت عليهم الظروف الطبيعية والجبهة الاسلامية وفي الوكت داك حيكون اجمل لو الكابتن طلع واحد منهم وهذا ما لا احسبه. وكفي
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: اساسي)
|
والله رغماً عن هلاليتي وحبي للنقر إلا أنني أتفق مع هذا الكلام جملة وتفصيلا
Quote: نعم مصطفى النقر كان كابتن السودان والهلال وكان وكان لكن بما أنه دخل السوق يبقى مصفى النقر وبي إرادتو الحرة أصبح تاجر ودخل في دين ذيو وذي سودانيين كتيرين مرو بي نفس الموقف ولو المسألة مسألة هلال ومريخ يبقى القدامى كلهم من حقهم يمشو ويستدينو بي أسمائهم الرنانه وآخر المتمة الأندية تجي تدفع . بعدين الحاجة الوحيدة ولو كانت غير مقعنعه إنو الإعتبارات دي يختوها الدائنين وما أعتقد إنهم ما أدوهو فرصة للسداد لأنو السجن آخر حاجه بيلجأ ليها الدائن.
لو كان مصطفى عيان والنادي ما تدخل يبقى اللوم على النادي ذي ما حصل لي عبد العظيم الدش علية رحمة الله واللي تدخل ناديه بعد فوات الأوان لكن في الموقف ده اللوم على مصطفى.
على العموم ده موقف الواحد ما بيتمناهو الواحد لي رقم ذي مصطفى النقر لكن الحصل حصل . |
فالنقر في النهاية بشر
يخطئ ويصيب
وما أي حاجة نرميها في ضهر الأندية أو إداراتها أو نرميها في الحكومة
مالكم كيف تحكمون
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: عز الدين بيلو)
|
اللهم نعوز بك من غلبة الدين وقهر الرجال
اللهم فرج على النقر كربته وحل دينه ..
كان حريف في الكورة وبيبهدل اي زول قدامو
لكن ليس كل حريف في الكورة قادر على الحرفنة
استاد السوق السوداني دا بيقدروا عليه فقط
تماسيحه ويا النقر السوق ما بيشبهك لكن هذا
هو قدرك ونحن بقلوبنا معك فكم افرحتنا وابهجتنا
وفكيت باهدافك الجميلة عسرتنا وكربتنا مع تحياتنا
لاخيك كابتن الفاتح
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: اساسي)
|
فعلا الفرق كبيييييييييييييييييييييييييييييييييييييييييير جدا بين المريخ والهلال اه الحمد لله انو الواحد مريخابى دى لوحدها نعمة لا تعادلها نعمة مسكين يالنقر شفت راك الفرق بين الثرى والثريا ربنا يفك اسرك وحبسك وما تستاهل قدمت للهلال الكثير جدا على الطلاق ناس المريخ كان جمعوها جنيه جنيه وماكان انتظر اسبوع ...... فى زمتكم فى مقارنه لالالالالالالالالالالالالالالالالالالالالالالالالالالالالا والله ليس هناك ادنى مقارنة زمان نحن ما قلنا المريخ ليس نادينا للعب الكرة فقط .. تربية اخلاق وفاء عرفان تكافل صداقة عشرة طيبة وكل مكارم الاخلاق تجتمع فى مجتمع المريخ الصفوة .وكفى
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: عبدالكريم الامين احمد)
|
نحن كهلالاب كنا نتمزق من أجل النقر .. لكنا رضينا بقاؤه فى السجن بدلا عن التشهير والأساءة اليه أو لأسرته .. اقول للأخت راويه وغيرها اسرة النقر من أكثر الأسر تواضعا فى السودان ولا توجد لديهم امكانات لحل مشكلة النقر الماليه وانا أكثر التلس معرفة بذلك!! اما الذين يحاولون معايرة الهلالاب فنقول لهم لديهم لاعب مريخابى اهم من العجب فى زمانه لم يستطع سداد شيكات بمبلغ 20 مليون جنيها وفضل الهروب للشارقه فلماذا لم يسددوها له كى يعود ويواصل اللعب؟ ولو كان المبلع المطلوب على النقر 20 مليون لتكفل بها هلالابى واحد لا أكثر !! ايها المريخاب الجدد بل ايها المقتحمون الجدد لمجال كرة القدم، لم يحدث قط من قبل ان تطاول احد على الهلال، لا تغرنكم اموال المؤتمر الوطنى!!
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: jini)
|
ياحيدريا اخوي المشكلة فعلا العاطفة نحن السودانيين بنتعامل بالعاطفة فقط تناولك للمشكلة فيهو واقعية نفتقدها لو كايسين حل مشكلته المفروض نواجه المشكلة اولا انا لما اتحدثت عن اسرته لعلمي ان ابن خالتي وهو في نفس الوقت ابن خال مصطفى يمكنه المساعدة ولا اعني بالضرورة مالية فقط وانما مساعدة في مجال القانون اما الزملاء الكرام العملوا منها هلال مريخ ....ولو كان المريخ ماكان حيحصل بقول ليهم المريخ والهلال بيتكونوا من سودانيين طبع السودانيين واحد ومابيخضع لنوع الفريق البينتمي ليهو.......
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: اساسي)
|
نسأل الله ان يفرج عنه ، امر محزن جدا. اضروا به ناس الصحافة ليت ذلك الامر ظل مستورا وياليت هذا البوست لم يفتح . مصطفى النقر ثروة قومية قدم للسودان الكثير. وشأنه شان كل انسان معرض للكبوات والاخطاء خصوصا في هذا الزمن الخرب الذي صيرت الناس فيه هذه الحكومة في هلع فسمعنا بالاقرباء ياكلون اموال اقربائهم وبالاغنياء في سبيل الاثراء ينهبون اموال الفقراء والا فبالله قولوا لنا من اين لهم هذه الاموال واقصد بذلك الكم الهائل مما اسموهم اثرياء التسعينات من اهل نظام( قوم شعيب) فلم نكن الى عهد قريب نسمع الا بخليل عثمان والنفيدي ومصطفى الامين هذاليس بتبرير لاصدار شيكات بدون رصيدولا اكل اموال الناس بالباطل نسأل الله ان يفرج كربته.
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: نيازي مصطفى)
|
الأخ/ جنى يجب الا نقسو على مصطفى أكثر من اللازم فى زمن اصبح فيه الأرازل هم علية القوم !! كم من مسوؤل وقع فى نفس ما وقع فيه النقر لكنه خرج وتم سداد دينه واذا كنت لا تعلم فأن احد أكثر الرجال المحترمين فى اتحاد كرة القدم وهو المهندس "ع. أ" كان مطالب بمبالغ أكثر مما يطالب به النقر الآن ودخل السجن مثل النقر لكنه خرج وألان يعيش فى احسن حال!! نعم يا اخى منعول ابو الزمن الذى جعل لاعب خلوق مهذب ابن ناس مثل النقر يحتاج حتى يوقع شيكات بدون رصيد ثم يصبح ذلك التصرف أمر عادى عنده!! يا جنى كلى ثقة ان النقر حينما قال لديه ديون على الآخرين تصل الى الى الثلاثمائة مليون فهو لا يكذب طالما كان الدين المسجل عليه يصل الى ال 700 مليون أو أكثر!! وكلى ثقة ان النقر غير مطلوب فى الحقيقة لذلك الحجم من الأموال وانما تضخمت الديون بفعل "الكسر" الذى جاء مع الأنقاذ وما كان يعرفه الناس من قبل !! نحصل الزنقه فيضطر شخص مثل النقر لأستلام مبلغ لا يزيد عن ال 50 مليون لحل دين سابق ويكتب على نفسه شيك بأكثر من 100 مليون مثلا وهكذا يتضخم الدين!! يا جنى يا اخوى خيرة ابناء السودان فى السجون ضباط، ودكاتره، ومهندسين ومحامين وحتى قضاة !! يا جنى لا نعفى النقر بصورة كامله لكن علينا أن ندين هذا التوجه الذى حول اعزاء البلد اما الى فقراء مدقعين أو الى مساجين !! من ستر حاله ورضى بواقعه اصبح فقيرا لا يملك قوت يومه ومن حاول التطاول تحول الى سجين !!
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: مهدى الصادق السيد)
|
Quote: يا جنى لا نعفى النقر بصورة كامله لكن علينا أن ندين هذا التوجه الذى حول اعزاء البلد اما الى فقراء مدقعين أو الى مساجين !! من ستر حاله ورضى بواقعه اصبح فقيرا لا يملك قوت يومه ومن حاول التطاول تحول الى سجين !!
[Email] [Profile] [Edit] [اضف رد] |
تاج السر تحياتى اتفق معك تماما ولم اقسو على مصطفى الذى انكر وجحد ما قام به الهلال نحوه! لا احد ينكر ان النقر نغمة حلوة واهزوجة وترنيمه عذبة فى شفاه الأهلة بفيت زمنا طويلا !الهلال والاهلة وقفوا مع النقر كثيرا وكرمهوه احسن تكريم بالرغم من تركه للهلال وتسجيله فى الاهلى وكثيرا ما وضع شروطا وقبض قبل ان يلعب وانت تعرف الكثير! صدقنى لم اقسو على مصطفى بل هو الذى قسى على نفسه! واخيرا انا هلالابى اكثر من كونى نقرابى! جنى
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: اساسي)
|
تعرف يا اساسي زمان انا كنت مريخابي هسع خليت الكوره كلو كلو بس كلمة حق في مصطفى النقر لو كان الهلال هلالا ولو كان المريخ مريخا لما تركوا مثل هذه الثروة القومية تقع في ذلك المستنقع ووالله العظيم لو كان لدي مالا أو كنت مثل أولئك الذين نهبوا هذا الشعب لما توانيت عن تسديد ديون مصطفى النقر واعطيته عشرة أمثالها فكل هدف سجله النقر للهلال يساوي ملايين وكل هدف سجله النقر للفريق القومي يساوي مليارات لكن لا كرامة لنبي في وطنه مصطفى النقر العظيم ربنا يقيل عثرتك ويخفف الامك
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: وليد محمد المبارك)
|
والله الخبر وجعنى شديد جدا وما رضيتا للاعب الخلوق مصطفى النقر لانه قبل ان يكون كابتن لنادى الهلال كان كابتن للمنتخب القومى نسأل الله ان يفك اسره
ولكن تبقى مثل هذه المشاركات السازجه والتى يدعى صاحبها بانه يعرف كل شئ عن السودان من طقطق للسلام عليكم وان مجموع باقى الرياضيين فى السودان غيره لا يعرفون ولا يفقهون شيئا وادعى بانه يعرف موضوع النقر قبل شهور وقبل ان تنشر الجرايد ويامر ذلك بان لا يقول هذا وذاك بان يتوخى شنو كدا ما عارف
Quote: مجتمع الهلال افضل من مجتمع المريخ مليون مرة فى هذا الجانب، |
طيب يا اخوى اها حلوها ..
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: السمؤال بدرالدين)
|
Quote: تعرف يا اساسي زمان انا كنت مريخابي
|
اصلو الناس المثقفين والفاهمين دائما مريخاب
والهلالاب ديل معروفين مريخاب زعلانين وفي ناس من الزعل بقوا متعصبين
بس اوع تكون من الزعل ميلت على الفرع وفي الاخير لقيتم احسن الاول قلت احسن اخلي الكوره نهائي
ياخي ارجع تعال عود لي ..... رجع حنانك لي
مرحب بيك من جديد ياموصلي
النجوم دائما في السماء
مع تحياتي
ابومصطفى
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: ABDELMAGID ABDELMAGID)
|
مهاجم المريخ وراس حربته الشهير وهدافه الذى لا يشق له غبار تمت ملاحقته حتى باع الوراهو و قدامو حتى المنزل الذى الذى كانت تسكنه اسرته و اختفى عن الانظار لعدم تمكنه من سداد الباقى!! اين المريخ عندما تم فتح المزاد ودقو الجرس امام الأشهاد!! ولعلمك المهاجم دا معاصر للنقر وصديقو والهلالاب لمن تقع الكورة قدام رجلو بدخلوا فى كومة سكر!. اين جمال الوالى وادارة المريخ وهذا اللاعب مختفى منذ عدة اشهر! جنى
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: اساسي)
|
أولا نسأل الله أن يفرج كربةالنقر..
هنا تنزوي كل الألقاب وويتواري التاريخ خجلا..
نحن أمام القانون.. والقانون لا يرحم المغفلين أو المبدعين..
بس عندي سؤال لكل المتداخلين مع إحترامي لهم..
ماذا يساوي النقر... مقارنة بأولئك اللذين يفترشون
الأرصفة ويبيتون القوى.. ماذا أنتم فاعلون لهم.. إذا كان
في مقدوركم أن تجمعوا ولو جزء يسير من هذا المبلغ أدفعوه
لأولئك الجوعى العرايا.. وما أكثرهم..هذه ليست سفساطائية فارغة
تلك هي الحقيقة المرة.. النقر المبدع ليس بأكثر حاجة من أطفال
لا يجد أهاليهم أن يسدوا رمقهم.. ولا أن يسكتوا بكائهم..فوقوا أيها
الأحباب.. مشكلة النقر مشكلته هو الذي أراد لنفسه ذلك..أما أولئك
لم يختاروا الجوع ولا العري.. وهم أحق برفدنا ومساعدتنا لهم..
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: Kamal Karrar)
|
بغض النظر عن قضية الكابت مصطفى النقر فهي لا بد أن تحل، وهذا أمر وارد.. ولكن الغريب في الأمر مستوى التعصب الرياضي الذي وصلنا له، وحقيقة لفت نظري تعليق الأخ السمؤل والحبيب مهدي الصادق (مريخاب).. ليس هكذا تورد الإبل يا أحباب ونادي المريخ له مخازيه أمام لاعبيه.. ألم يسدد عنكم المغفور له الأمير فيصل بن فهد ديون مدربكم بعد أن تمرمط هذا المدرب وعم خبره القرى والحضر؟؟ ألم يحتال أحد لاعبي المريخ المشاهير على خلق الله.. نحن لسنا بصدد أيهما أفضل الهلال أم المريخ.. نحن أما حادثة يجب النظر إليها بموضوعية بعيداً عن العواطف وتعصب الإنتماء. . . اللهم فك أسر مصطفى النقر.
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: اساسي)
|
الأخ مهدي السيد حياك الله ماذا قلت هنا؟؟؟ Quote: فعلا الفرق كبيييييييييييييييييييييييييييييييييييييييييير جدا بين المريخ والهلال اه الحمد لله انو الواحد مريخابى دى لوحدها نعمة لا تعادلها نعمة مسكين يالنقر شفت راك الفرق بين الثرى والثريا ربنا يفك اسرك وحبسك وما تستاهل قدمت للهلال الكثير جدا على الطلاق ناس المريخ كان جمعوها جنيه جنيه وماكان انتظر اسبوع ...... فى زمتكم فى مقارنه لالالالالالالالالالالالالالالالالالالالالالالالالالالالالا والله ليس هناك ادنى مقارنة زمان نحن ما قلنا المريخ ليس نادينا للعب الكرة فقط .. تربية اخلاق وفاء عرفان تكافل صداقة عشرة طيبة وكل مكارم الاخلاق تجتمع فى مجتمع المريخ الصفوة .وكفى |
أرجو أن تخجل لنفسك وللمريخ يا لذيذ وأنا حا اقول ليك لماذا؟؟؟ لأنو أسرة لاعب المريخ الفذ سامي عزالدين الله يرحمو عانت اسرته الأمرين وإلى أن كتبت الجرائد حتى اتحركت ادارة المريخ.
أختشوا يا مهدي
أبوفتحية
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: اساسي)
|
الاخوان وراق والصادق لكم التحية من الذى فتح هذا الموال من اصلوا ومين افضل من مين انا وضحت بعض الحقائق الغائبة على الناس وفى بعض الافراد بيجرونا لمثل هذه الاشياء واالله انا ماشمتان فى مصطفى النقر ونسأل الله ان يفك حبسه . وبرضو مصر ان المريخ فى هذه الناحية افضل الهلال سابقا وحاليا اما عن فلوس المدرب كان القصد منها تشهير اعلامى من احد الصحفيين المكايدين للمريخ واصلا كان الموضوع قد حل . اما عن كابتن المريخ الذى تقصده ياحبيب من اكرم الناس وانبلهم واولادوا يسدوا عين الشمس وما زال يواصل عمله مترجم فى شركة كبيره ومعروفه . اما عن سامى عزالدين يرحمه الله وكل من ذكر كلام فى هذا الموضوع كذاب وافاك ليس الا . ايادىالمريخ معروفه وممتده ووصلت اقاصى النيل الابيض ووسط الجزيرة (استادى الدويم والحصاحيصا ) ومازال المريخ يواصل دوره الوطنى والريادى . اما عن شعاراتكم النجمة تحت يجب ان يكون الرد عليها الهلال تحت ..... قدر ما نقول نترفع وما نرد عليكم تلاحقونا .وراق انت بطلوا كلام فى الفاضى ووحدوا جهودكم ونحن معاكم لمعالجة موضوع النقر بطلوا التنظير الفارغ .
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: مهدى الصادق السيد)
|
Quote: مهاجم المريخ وراس حربته الشهير وهدافه الذى لا يشق له غبار تمت ملاحقته حتى باع الوراهو و قدامو حتى المنزل الذى الذى كانت تسكنه اسرته و اختفى عن الانظار لعدم تمكنه من سداد الباقى!! اين المريخ عندما تم فتح المزاد ودقو الجرس امام الأشهاد!! ولعلمك المهاجم دا معاصر للنقر وصديقو والهلالاب لمن تقع الكورة قدام رجلو بدخلوا فى كومة سكر!. اين جمال الوالى وادارة المريخ وهذا اللاعب مختفى منذ عدة اشهر! جنى |
يا مهدى أخوى الشينة منكورة اسأل ادارتكم لماذا لم تقف مع هذا اللاعب جنى
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: jini)
|
Quote: وراق انت بطلوا كلام فى الفاضى ووحدوا جهودكم ونحن معاكم لمعالجة موضوع النقر بطلوا التنظير الفارغ . |
الحبيب مهدي تحياتي نحن لا علاقة لنا بالكلام الفاضي.. أنا أتحدث عن التعصب الأعمي ولي رأي واضح وهو أن التعصب هو الذي هلك الكرة السودانية والتزمت غير مفيد البتة. أما موضوع النقر، فمرحباً بكل مساعدة من شأنها فك أسر هذا الساحر.
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: اساسي)
|
الحبيب وراق انت تعرف انا اكثر واحد من مريخاب الرياض غير متعصب وكل اصدقائى واحبائى الهلالاب ويجب فى هذا الوقت تحديدا ان تقل حدة التعصب الاعمى الذى قتل الروح الوطنية والمنافسة الداخلية لا تحتاج لكل هذا التعصب الاعمى الان الكورة فى تطور ملحوظ اتمنى الا نتقتل هذه الفرحة والرياضة رسالة سامية تستطيع ان تفعل ما لاتفعله السياسة واقرب مثال فوز الفريق العراقى الذى وحد جميع الريات العراقية تحت علم العراق المؤحد .ارجو ان نتعاهد فى هذه النقطة ياود وراق . الاخ جنى لك الف تحية فعلا شعارات تزعل الواحد ارجو ان نسمو بشعاراتنا .
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: إسماعيل وراق)
|
ورفضت أن العب للمريخ حينما جاءنى وفد اداري برئاسة المرحوم محمد الهادى قناوى، وكان ردى هل ترضون بلاعب بين صفوفكم يغضب اذا احرز المريخ هدفا فى الهلال ويفرح حينما يحدث العكس؟؟يا محمد على بشير لولا المبادئ لكنت لاعبا تصفق له وتغنى باسمه !!! =======================================================================
هههههههههههههههههه ... ضحكتني ....
والله اللي زيك ديل لو كانوا لاعبين في المريخ
انا ما كنتا حأفكر ولو لحظة إنو اواصل تشجيعو
كان منيتك تلعي مع كبير البلد ... لكن أنى لك ذلك
نجوم السما أقرب ليك من نجوم المريخ يا تجتووووج ...
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: اساسي)
|
حكى لى والدى رحمه الله حادثة طريفة وقعت عنما كان يشغل منصب مدير ادارة وكالة السودان للآنباء فى اوخر سبيعينلات واوائل ثمانينيات القرن الماضى.
قال انه كان بمكتبه فدخل عليه رئيس الورديات ليخبره ان السائق فلان مريض و لا يوجد لدهم سائق لوردية المساء لجلب الموظفين من بيوتهم للمكتب.
ساله والدى واين جون؟
قال له ان جون رفض تغطية وردية زميله لان لديه ارتباط مساء. طلب منه والدى إحضار جون.
لما جاء جون لمكتبه سببه عن رفضه للعمل مساء مع العلم ان ذلك يعنى اوفرتايم مجزى.
قال جون لوالدى انه لن يعمل لان هناك مباراة بين الهلال و المريخ و انه قطع تذكرته من الامس و لابد ان يذهب
قال له والدى: لكن يا جون نحن جبنا ليكم تلفزيون ملون من فترة ويمكنك مشاهدة المباراة فى التلفزيون( فى ذلك الزمن كان التلفزيون الملون عزيزا)
رد جون على والدى قائلا: يا حاج انت مجنون؟ النقر ده بيشوفوا فى تلفزيون!!!
ضحك والدى كثيرا وو جد حل آخر للمشكلة و ترك الهلالى الجميل جون ليذهب و يستمتع برؤية مصطفى فى الملعب. نعم قد امتع مصطفى الملايين من عشاق كرة القدم فى السودان وخارج السودان وله اهداف ما زالت محفورة فى ذاكرة كرة القدم السودانية كاروع ما سجل من اهداف.
ربنا يقيل عثرته و يحل ازمته و ربما يكون قد اخطأ كما قال الاخ جنى ولكن ما قدمه من فن كروى راقى يشفع له و يجعلنا نتمنى ان يخرج من هذه الازمة واعيا للدرس و حافظا لمكانته فى قلوب عشاق فنه الرفيع.
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: هشام المجمر)
|
السلام عليكم... إنه لمن المؤسف أن يؤول مصير كابتن النقر إلى سجن أم درمان، فما قدمه النقر، وما قدمه رفاقه من لاعبين سوى كانوا في الهلال أم المريخ أم الموردة أم بقية الفرق يعتبر جهداً خالصة وأن أهمالهم يعد وصمة عار، قبل الأندية على وزارة الشباب الرياضة، ومن ثم على أدارات الأندية، والجميع يعلم بأن الأندية الكبيرة تهمل قدامى اللاعبين، وبعيداً عن التطرف الكروي فهناك الكثير من قدامى اللاعبين يعانون من المرض، ودون ذكر أسماء لأن هناك منهم من لا يريد أن يذكر اسمه، فالمسألة أكبر من لونية الهلال والمريخ، المسألة تتعلق بالإهمال التام والشامل لكل مبدعي هذا الوطن، اللهم أرفع الأسر واذيح الغمة عن كابتن النقر، وأشفى كل مرضى المبدعين في بلادي آمين يا رب العالمين....
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: هشام المجمر)
|
يا نادر المرضى أبن أختى مباشرة "ياسر فرينى" لعب للمريخ وسال دمه فى الميدان الأخضر .. حينما تم اختياره أفضل لاعب فى دورة الوحده بأبى ظبى وبعد أن حصلوا على كاس الدوره اجروا معه لقاء صحفى على الهاتف فقال لمن أجرى معه اللقاء:- "خالى كان لاعب كرة أفضل منى" !! يا نادر المرضى نحنا من الجيل .. يلعب ليك "باص" وسط مظاهرة تلقى نفسك لوحدك فى مواجهة المرمى!! نحنا اولاد ام درمان وبنعرف اصلاء المريخ وبنحترمهم .. اما ناس الكرة الطائره فلا مكان لهم فى الهلال والمريخ .. ومصيرهم القذف بالبيض الفاسد مهما طال الزمن .. فلقد ضللوا وخدعوا وسجلوا اللاعبين المضروبين!! ومن يتهموننا بالتعصب هلالاب أو مريخاب عليهم أن يتأملوا حال صحفى لا علاقة له بكرة القدم صادر عليه حكم بعدم الكتابه فى الصحف الرياضيه و "حفظ الحكم" اى لم يلغ، يضعه المريخاب فوق روؤسهم، اذا لم نرد عليه وعلى من خلفه بالمدفعية الثقيله لن يغفر لنا الهلال ولن نرضى عن انفسنا. وعلى الهلالاب "الصامتين" عن سوء الأشرار أن يواصلوا صمتهم حتى يحصلوا على جائزة الأدب المحموله جوا!! تخريمه:- شوفوا منو الخرج "اولا" بهذا البوست من هدفه الأنسانى الى معايرة ومكايدات وغمز ولمز .. نحن نعترف حينما يخرج الخوارج ويظهر عديمو الأدب ننزع اى صفة لها علاقة بالأدب ونرد عليهم بما يستدعى الأمر. وأخيرا نقول للمريخاب الجدد لولا جمال الوالى وماله "الوطنى" لما تطاول مريخابى على الهلالاب فالمال والجمال والثقافة والفن اهلها ناس الهلال ومنذ القدم .. أما المريخ فلم يكن معروف بغير العنف ولذلك لقبوا "بالشياطين الحمر" .. بينما لقب الهلال "بالزعيم" صاحب المقام الرفيع ولم ينازع الهلال فى الزعامة الا فى زمن اعلام الكذب والضلال !!
الدليل على عدم مقدرة المريخ الماليه قبل "الوالى" وماله الوطنى .. أن المريخ حينما ارهقه "فاروق جبره" وأصر على استلام 125 مليون لا تنقص مليما واحدا لأعادة تسجيله، لم يستطع المريخ تسجيل لاعب واحد بعد ذلك ووقفوا يتفرجون والهلال يحصد افضل نجوم الساحه، وهم اللاعبين الذين سيطروا على اجواء كرة القدم فى السودان لمدة 4 سنوات والسنه الخامسة فى الطريق!!
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: السمؤال بدرالدين)
|
يالسمؤال صدقنى رغم اختلافك الكثير معى لكنى احترمك جدا، لأنك تحاول أن تكتب فى أدب وأحترام، رغم انك كنت احد البادئين بمعايرة الهلالاب فى وقت لا تجب فيه المعايره !! ونحن نعرف تاريخ المريخ مثلما نعرف تاريخ الهلال جيدا .. وحسب وجهة نظرى أحسن تشجعوا الكورة وانسوا التاريخ !! الذين يعرفوننا عن قرب يعلمون كيف نتعامل مع الآخرين فى أدب وأحترام ، لكن خبرتنا فى هذه المنابر علمتنا أن البعض لا ينفع معهم ذلك والتعامل معهم بأدب يزيدهم غيا وضلالا!! وأكثر شئ يؤلم أن يبدأ شخص ما، الخطأ والخروج عن الأدب ثم يكذب ويتنكر للخطأ الذى وقع فيه، بل يتهم الآخرين بأنهم الذين بدأوا ذلك الخطا !! هؤلاء لا أمل يرجى منهم وما يؤسف له أن يجدوا من يدعمهم أو ينخدع لأكاذيبهم!!
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: اساسي)
|
والله يا تاج السر لم اكن اقصد اساءة لي اسرة النقر اوالهلال وجادي حدا في مسألة التبرعات دي وواحد من زملائك الهلالاب اتريق علي في اقتراحي ده مسألة الفرق بين المريخ والهلال دائما انصار الناديين كل يغني لليلاه طبعا انت لا مريخ بدون الهلال ولا هلال بدون مريخ يعني بمعني الواحد لا يجد متعة الل في المناكفة لكن لا اميل لاساءة شخص او التقليل من شانه وتشكر كتير لانطباعك الجيد عني وتداخلي الكتير في بوستاتك لانك من القلائل الذين يثرون النقاش في الرياضة وانا ليس لي شيء غير الرياضة حيث انا والسياسة بعيد من بعض بعد المشرق والمغرب واشهد الله انني لا ابغضك ابدا لاننا رياضيين في المقام الاول اسف للاطالة تسلم
| |
|
|
|
|
|
|
Re: كابتن السودان و الهلال السابق مصطفي النقر في سجن ام درمان (Re: بنفسج)
|
Quote: ظلم ذوي القربى
* سأظل مواصلاً للكتابة عن رفيق دربي في الملاعب الرياضية «مصطفى النقر» إلى أن يفك الله كربته.. «النقر» الذي عطّر سماوات الملاعب الرياضية بإبداعاته لا يزال بين جدران سجن أمدرمان.
* «النقر» وقّع للهلال يوم 4/11/1974م ولعب له اثني عشر عاماً وارتدى قميص المنتخب الوطني منذ عام 1975م وكان كابتناً له لخمس سنوات متتالية منذ عام 1978م وحتى عام 1983م.
* كثيرون في الوسط الرياضي زاروه منهم الوزير «عبدالقادر محمد زين» الذي وعد بحل سريع لمشكلته والوزير «كمال عبداللطيف» الذي زار أسرة «النقر» وقال كلاماً خفّف من معاناة أسرته.
* كما أن اتصال «جمال الوالي» به كان لها وقع طيب على نفسه وأوضحت الكثير لـ«النقر» مما يخبئه «الوالي» بين طيات صدره. * «طه علي البشير» زاره قبل أربعة أشهر ووعد بالعودة لزيارته لكنه لم يفعل لظروف قد تكون خارجة عن إرادته.
* «الدحيش» و«قلة» و«شيخ إدريس بركات» و«عادل أمين» و«وقيع الله» تفضلوا بزيارته للتخفيف عنه وكان لزيارتهم الوقع الطيب في نفسه.
* الزيارات المتكررة التي لم تنقطع قام بها الثنائي «عمر النقي» و«الرشيد المهدية» والتي تركت بصماتها لدى «النقر».
* الهلالي الغيور «عبدالله مسعود» آثر إلا أن يسجل زيارة للنجم الكبير ويقوم بالواجب نحوه.
* غير أن الذي كان مثار استغراب هو التجاهل التام الذي وجده «النقر» من إدارة نادي الهلال حيث لم يتكرم واحد منهم بزيارة نجمهم الذي أسعدهم يوم أن كان في عنفوان شبابه، لقد أخذوه لحماً ورموه عظماً. * محادثتي بالأمس مع الأستاذ «إبراهيم عوض» بالرياض أسعدتني كثيراً حينما أبلغني بأن الخبر تم نشره على صفحات الرياضية وأن الأمير «سلطان بن فهد» قد تولى الأمر شخصياً ولا كرامة لنبي في وطنه |
| |
|
|
|
|
|
|
|