|
Re: شندي يا ناس شندي 2005 (Re: abdalla BABIKER)
|
التحية لناس شندي جت عليهم والتحية خاصة لخالد منسى الطلع معرفة كم انا سعيدة به.. يا ود شندي اخوك خبارو خبرو مقطوع؟ مشيت السودان ما لقيت ليه جيهة حليل السماني لوال البلم الناس
اسع كنت لميت فيه.. سلم عليه..
| |
|
|
|
|
|
|
Re: شندي يا ناس شندي 2005 (Re: abdalla BABIKER)
|
الأخ abdalla BABIKER تحيةطيبة الجميع يخوضون الان معركة مكافحة الفيضان وشندي وقراها تغرق والحكومة المركزيةمشغولة بالقوات الجوية ـــــــــــــ 6 قتلى ومئات المشردين في سيول بشندي والمتمة
اعلنت حكومة ولاية نهر النيل حالة الاستنفار العامة لدرء الآثار السالبة للسيول والامطار التي ضربت محليتي شندي والمتمة وأودت بحياة ما لا يقل عن 6 اشخاص وشردت 2360 اسرة ودمرت اكثر من عشر قرى. وقال والي نهر النيل غلام الدين عثمان ان مجلس حكومة ولاية نهر النيل نقل اعماله امس الى مدينة شندي تأكيداً للاهتمام باوضاع المواطنين بالمحليتين ولتفقد الاحوال ميدانيا لاتخاذ عدد من التدابير والاجراءات اللازمة.
وذكر الوالي ( لسونا ) ان الاضرار التي احدثتها السيول والامطار الحقت بالمدينتين اضرارا بليغة واشار الى ان 2360 اسرة قد فقدت منازلها وتحتاج بصورة عاجلة للمأوى وان اكثر من عشر قرى اصابها الضرر حيث انهارت بها المؤسسات التعليمية والتربوية وتعطلت خدمات مياة الشرب.واوضح أن مياه الامطار والسيول غمرت أكثر من 20ألف فدان ومازال الحصر جاريا للخسائر الاقتصادية الكبيرة التي حدثت في البساتين والمحاصيل.وابان ان ما تعرضت له محليتا شندي والمتمة من اضرار يفوق امكانيات الولاية لمقابلته. * المصدر صحيفة الرأي العام
| |
|
|
|
|
|
|
Re: شندي يا ناس شندي 2005 (Re: abdalla BABIKER)
|
الأخ الفاضل عبدالله ود بابكر التحية والسلام واصل لك لكل ابناء شندي الطيبين ما تركت الموقع لكن والله مشغوليات وكيف الزول بمرق من جلدو لك الشكر يا اخي عبدالله
Quote: التحية لناس شندي جت عليهم والتحية خاصة لخالد منسى الطلع معرفة كم انا سعيدة به.. |
الفاضلة العزيزة دكتورة بيان لك التحية والتقدير وانت وانت بنت شندي علم والدك بنات شندي وهن اليوم يشغلن مناصب مرموقة لك لوالدك الاحترام والتقدير وسلام يا دكتورة
| |
|
|
|
|
|
|
شندي الجميلة (Re: abdalla BABIKER)
|
سلام لشندي ولناس شندي
لدي ذكريات لا تنسى مع تلك المدينة والتي كنت أزورها بصورة متواصلة أثناء الإجازات المدرسية لمعاودة أهلي هناك
من الشخصيات التي علقت بذاكرتي الكرستاني وعبارته الشهيرة "عبد الرحيم شنان وهاشم العطا ماتوا من أجل الوطن والمضى لا يعاد" وكذلك المرحوم الطيب زوغية طيب الله ثراه فقد كان شخصاً مرحاً للغاية وارتبطت معه بصداقة شخصية امتدت وتوثقت بعد انتقاله لإحدى الوحدات العسكرية بالخرطوم
من الأصدقاء الذين اعتز كثيراً بصداقتهم عصام الحاج وصلاح الجاك الحريف والبارع في كرة القدم
أما أعز أصدقائي فهو الأخ قاسم الأمين عبود والذي انقطع تواصلي معه منذ فترة، وأرجو من أي شخص يعرف عنوانه أن يمدني به
ومجدداً .. التحية لشندي .. المدينة التي أحببت
| |
|
|
|
|
|
|
Re: شندي يا ناس شندي 2005 (Re: خالد علي محجوب المنسي)
|
خالد علي محجوب الما منسي
مسكاقنا
جيت اقيف البوست شوية, كل يوم الناس ديل شايفين شناتك دي
قلت اجي شوية ادي البوست شوية رونق.اوع تقول الحلفاوي المطرطش
دا عاوز شنو وسط الجعليين.ما رسلت البتاعات.
وبعدين لية وقفت عند شندي كان تواصل حتى حلفا.المهم انا بواصل حتى
عطبرة وبعدين لو في واحد واصل حتى حلفا يكون عمل كويس
شندي
التراجمة
كبوشية
ديم القراية
جبل ام علي
العالياب
الذيداب
الدامر
العكد
عطبرة
| |
|
|
|
|
|
|
Re: شندي يا ناس شندي 2005 (Re: خالد علي محجوب المنسي)
|
وينكم يا عيال نمر
نمراً بركب الكيك البطر واتحرن نمرا بقلب العوق اب صفوفا جرن خلوات صدرو في علوم الحروب كم قرن سيفو بينتف الدرع الحديدو مقرن
مو نمر الفرع حاضن فروعو مقيل دا النمر البضاير الصف محل ما يميل كل ما اقول شكر ألقاهو فيهو قليّل كفو بيخجل العينة السحابه منيل
قال ليهو جيتك يا مكك وأملي بس تكشف همي في الأول وداعتي وفي حماك بت عمي وكتين تقبله أنت شلته تلتين همي والتلت الأخير تحجاني تحقن دمي
| |
|
|
|
|
|
|
Re: شندي يا ناس شندي 2005 (Re: فيصل محمد خليل)
|
أخي فيصل سلامات ....
Quote: مسكاقنا
جيت اقيف البوست شوية, كل يوم الناس ديل شايفين شناتك دي
قلت اجي شوية ادي البوست شوية رونق.اوع تقول الحلفاوي المطرطش
دا عاوز شنو وسط الجعليين.ما رسلت البتاعات.
وبعدين لية وقفت عند شندي كان تواصل حتى حلفا. |
النوبيون جزء أصيل من النهضه التي نشأت بمدينة شندي بكافة المجالات منز الاستعمار البريطاني وجودهم بالمدينه و نبدأ بالشيخ _ابراهيم داوود (رحمه الله) (مجراب ) أكثر من ثلاثون عاما قضاها بشندي ومازال ابنائه يواصلون خطي أباهم الشيخ 2_ المهندس حسن محمد طه قبل الاستقلال مديرا للاشغال العامه صمم و نفز معظم المنشأت الموجوده الان من مستشفي ومدارس ... (دغيم) ,وابنه عمر كان معلما بشندي الثانويه ومن المعلمين أيضا الاستاز محمد اسماعيل (السكوت ) (أكثر من 20 عاما المهندس حلمي السيد (اشكيت) مديرا للري وقبله جلال (المحس) و الاثنين (السودانيين) ناسبوهم ....عثمان دقنه (ارقين) ... المرحوم حسن عثمان عباس صاحب أكبر جنينه بشندي ... أحفاده موجودون بشندي عيسي كيخا .... المرحوم عثمان محمد طه ...(دغيم) المرحوم حسن ياسين حلفاوي ثلاثون عاما قضاها بالنوراب مستشفي الكمال (دغيم) ... الاستاز حماده .... مولانا المرحوم محمد حسن فانكي (مجراب) .. المهندس كمال شريف وعوض نوري صاحب أشهر دكان بالمحطه وشقيقته فاطمه نوري (أرقين) ..... واثروا المدينه اثراءا طيبا....... ونواصل ........
| |
|
|
|
|
|
|
Re: شندي يا ناس شندي 2005 (Re: SAIF MUstafa)
|
Quote: Salam Just checking in
Shendi should always be First and, this is my first post |
ألف مرحب بيك و حبابك عشره يظهر أخوانا و أحبابنا الجعليين لسه ما ظهروا قلنا نرحب بك .......
الاخ الاستاز خالد علي محجوب (( القردابي )) أخبار محجوب علي محجوب وأي عنوان له أو تلفون ضروري جدا علي الاميل [email protected] .... تحياتي الي قريبي فيصل .....
| |
|
|
|
|
|
|
Re: شندي يا ناس شندي 2005 (Re: abdalla BABIKER)
|
سلام يا ناس شندي... أنا يا جماعة عقابي بعضا منه في شندي .. وهم ناس ابوشورة وناس فضل المولى حسين وبرضو عندي هبشة في القراجيج وبرضو من المتمة أهل.. وهم ناس حسين ود تكين أو هكذا.. وعقابي يمتد ايضا للجزيرة أم جركي.. وهي تابعة لريفي ود حامد
بس لأنو من جيل والدي عليه رحمة الله نحن ووالدي من مواليد ومواطني بحري لي رغبة شديدة في التواصل مع أهلي وهم من ناحية والدتي واللذين هم من المناطق المذكورة أعلاه فهلا وجدت بعضا منكم قريبا لي..
| |
|
|
|
|
|
|
Re: شندي يا ناس شندي 2005 (Re: abdalla BABIKER)
|
اخي عبد الله حمدا لله على السلامة والف مبروك وعقبال جميع اهل شندي بالافراح المتواصلة يا رب
اخي سيف مصطفى شكرا لك كثيرا لاختيار شندي ان تكون محطتك الاولى في هذا المنتدى العامر باهل فاهلا بك مرة ثانية ونتمنى لك كل التوفيق
كمال كرار اهلا بك في شندي عبر هذا البوست التوثيقي ونتمنى لك طيب الإقامة وراجعين ليك تاني باذن الله
اهلنا ناس شندي الغاليين راجعين ليكم بالجديد ان شاء الله ويا ريت لو في زول عندو صور جديدة عن شندي يتكرم علينا بيها لا سيما انو اخونا عبد الله كان في شندي الايام السابقة
مشتاقون يا ش ن د ي
ولي ناس شندي وتحياتي
| |
|
|
|
|
|
|
Re: شندي يا ناس شندي 2005 (Re: motaz)
|
الأخ الفاضل/ كمال كرار السلام والرحمة عليك والبركة عليك من المولى عز وجل
اهلاً ومرحب بيك عشره وبلا كشره
والله أهلك ناس ابوشورة وفضل المولى حسين ديل ناساً بيوتهم من بعيد معنية وديل ناساً بابهمو بحساب الخريف والصيف بيحجو المرقوب وبكرموا الضيف,,, ناس الاستاذ الفاضل عباس ابوشورة ومولانا القاضي يحى ابوشورة والصغير البقى كبير رافع ابوشورة وفضل المولى حسين علم في رأسه نار
انت في حوشك وبيتك يا اخوي وبين اهلك ومرحبتين حبابك مرة اخرى
خالد
| |
|
|
|
|
|
|
Re: شندي يا ناس شندي 2005 (Re: خالد علي محجوب المنسي)
|
شكرا أخي خالد المنسي,, على أريحيتك وترحيبك الذي إنما ينم عن طيبة أهل شندي والأوصاف التي خلعتها على جدي فضل المولى رحمة الله عليه ما غريبة على ناس شندي.. الله يكرمهم.. أنا أمي بنت عمر أبوشورة وهي إبنة عم الطيب أبو شورة والد كل من عباس وزكريا (حارس مرمى هلال شندي على ما أعتقد في فترة من الفترات) ومولانا يحيي وعبد الرافع,, أما فضل المولى فهو خال أمي وإبناؤه خيلاني في الحسبة من بينهم بابكر فضل المولى يمكن يكون درسك في شندي الثانوية إذا قريت هناك.. والمشكل أنو والدتي توفيت ونحن لم نزل زغبا.. فإنقطع التواصل بيننا وبين هؤلاء الأهل الكرماء مع إنو دمنا ولحمنا.. وأمي عليها رحمة الله وحيدة أمها التي قضت في حادثة النيل المشهور حيث أنقلبت مركب تقل جدتي وكثير من بيت أحمد محمد زين وهو إبن عم فضل المولى حسين وهم أخوال أمي وصارت مضربا للمثل وتاريخا يؤرخ به (غرق الزينين).. كم أتمنى إن كان أي من فرسان هذا البوست يعملون شيئا عن تلك الحادثة فالأيام لم تمكن أمي من قصها علينا.
مرة أخرى لك شكري ولكل اللذين رحبوا بي في بوست شندي العظيمة
| |
|
|
|
|
|
|
Re: شندي يا ناس شندي 2005 (Re: Kamal Karrar)
|
كمال كرار بعد السلام عليك مسيتك بالله مساك سعيد أولا أخي أين بك المقام في هذا الزمان الأنقصدنا وفي البلاد شتت عددنا
ثانياً المثل معروف غرق الزنين حوش ناس تحت ويعنو به اهلك لان مربع تسعة يقال لها تحت لقربها من الزراعة
انا درسني عباس ابوشورة,, لكن فضل المولى حسين صديق الوالد والاهل والناس بالجيرة بتصبح أهل
بالمناسبة قبل ايام جاءني اتصال من رقم قريب وبعدها وصلتني رسالة من نفس الرقم وكان عبدالرافع ابوشورة وجد اسمي في بوست شندي فرجع للبروفايل ووجد رقم الهاتف فأتصل بي من السعودية وهو مستقر هناك ورقمه 00966506619169
لا اعرف قصة الغرق هذه لكن كان لقيت ليها خبرك سوف افيدك
لك الشكر والترحيب مرة ثالثة بين اهلك ناس شندي كلهم يفخروا بك بينهم
خالد
| |
|
|
|
|
|
|
Re: شندي يا ناس شندي 2005 (Re: خالد علي محجوب المنسي)
|
شكرا أخي خاالد المنسي مرة أخرى عبد ا لرافع إبن خالي الطيب أبوشورة.. لا يعرفني..لأني قد رأيته صغيرا.. ولكن لك أجر مناولة رقمه.. وإن شاء الله إتصل فيه في أيام قادمات.. وأنت بذلك ساعدت في وصل رحم تقادمت بها العهود حتى كادت أن تنقطع .. كنت صديقا لأخيه الكبير زكريا.. وقد زرتهم في شندي الجميلة.. وتذوقت منقة جنائن شندي وكان ذلك في زمن بعيد.. شندي رائعة بأهليها الطيبين.. ودمتم
| |
|
|
|
|
|
|
Re: شندي يا ناس شندي 2005 (Re: abdalla BABIKER)
|
الاخ عبداللة والاخالد المنسي لكم اطيب الاماني بعد مرور 12 عام زرت مدينة شندي وجدتهاكما تركتها الا بعض التغيرات الطفيفة في الهيكل نفس الكرم .الطيبة.الحنية.المروءة.................. شندي التاريخ.الحضارة لم اجد معظم اصدقاء الطفولة والدراسة ولكن وجدت حسهم في كل ربوع شندي الاخ عبداللة انت حيدر ابوجوخ شقيق اسامة ابوجوخ طبعا اسامة دفعة الاخ خالد المنسي هناك بوست مرفوع من الاخ الامين زورباالعنوان احتفالات سدني بعيد الاضحي لقد حاولت جلبة هنا ولكن لم استطع . في هذا البوست مجموعة كبيرة من ناس شندي وعلي راسهم والدتي العزيزة خديجة عثمان ادم وهي بنت خالة الفنان المبدع عثمان الشفيع رحمة اللة. وهناك رئيس الجمعية ياسر الطيب من كلي والطاهر الطيب و الاستاذة سلوي سيد كوراك وفاطمة وفريال الطيب.وهاشم ووليد وحسن الشوية من النوراب ومجموعة كبيرة من الاجيال القادمة من ابناء الاسر الشنداوية وكذلك اختي نادية واولادها احفاد المك نمر اواب وبدرالدين ولكم عاطر التحايا ومذيد من التواصل وازكر من تلك المدينة من الشخصيات المعروفة كمونية.ابدومة.ودمرحوم.الجنيد.السرمشعال.الاستاذ عبدالمتعال. الحكم بروا.................... من المواقف الطريفة ان شعيب وهو شخصية من التامراب وهم معروفين بالمساخة كان قادم من السوق في طريقة الي ديم عباس بصحبة حمارة وعندما مر امام مركز بوليس شندي .حرن الحمار وعندما بدا شعيب في ضرب الحمار , هاج فية رجال البوليس ( يارجل انت مابتعرف الرفق بالحيوان ياغبي واللة تاني تضرب الحمار دة ندخلك السجن ) خاف شعيب وذهب في حالة. للمرة التانية تكررنفس المشهد امام مركز البوليس وعندما حاول شعيب ضرب الحمار تلفت قبل ضرب الحمار فوجد مجموعة من البوليس تنظر الية بغضب. فقال شعيب مخاطبا الحمار ( عر انت عاد يدقوك كيف اذا كان ابوك البوليس وجدك القاضي ) فضحك رجال البوليس وتركوا الرجل في حالة. لكم مني السلام ومن الاسرة ومز يدا من التواصل ود كاجوري
| |
|
|
|
|
|
|
Re: شندي يا ناس شندي 2005 (Re: بدرالدين كاجوري)
|
Quote: بعد مرور 12 عام زرت مدينة شندي وجدتهاكما تركتها الا بعض التغيرات الطفيفة في الهيكل نفس الكرم .الطيبة.الحنية.المروءة |
الاخ بدر الدين حمد لله على سلامتك
شندي واهل شندي بعد مائة عام حتلاقيهم نفس الشي الطيبة والكرم والحنية وو وو وو وو وو
| |
|
|
|
|
|
|
Re: شندي يا ناس شندي 2005 (Re: abdalla BABIKER)
|
الأستاذ عبدالله بابكر....تحياتي ...
لم أرى هذا البوست الا الآن...فالتحية لكل أهل شندي وكم تغنى والدي حسن عباس صبحي بمدينته الحبيبة شندي ...وأهديك ما كتب:
حنين
أحبابنا على الربوع الخضر يا أحبابنا يا من تفتحت لهم قلوبنا أكمام ورد مترعات بالسنا وعانقت ذكراهم أرواحنا
كيف الصباح والمساء عندكم وكيف حال النيل في دياركم وخفقة الأمواج حينما تقبل الضفاف وواحة النخيل والوديان والربا،........؟
أما هنا يا رفقة الصبا لا شئ في الحقول ييقظ النبات
حتى سحائب الأمطار لم ترفق بنا جفت صخور الزهر في وادي الرماد واغرورقت عيوننا لضيعة الحصاد وجاء ليلنا بوحشة السهاد
يا ليلنا .. رفقا بنا رفقا بنا يا ليلنا رفقا بهذي الأعين المسهّدة أحبابنا أحبابنا أيامنا بمعزل عن دارنا أسطورة يخطها الزمان قاحلة حزينة، باهتة الألوان نعيش في أحشائها يلفنا الضياع لا قوت في أرجائها غير الصراع
الضجة الحمقاء في جوف المدينة تذرو أمانينا كأوراق الخريف تجتاحنا في غير ما حنان كسرب طير ساقه الرحيل لسفرة طويلة على زوارق الرياح فخف يضرب الجناح يضرب الجناح لكنه ظل الطريق أثناء السفر وهام يذرع الفضاء في شرود
ممزق الفؤاد دامي الجراح تطويه في دروبها غياهب المجهول مع الليالي الموحشات واختلاجة النهار تطويه في لوافح الشتات والدوار
أحبابنا ..أحبابنا ((سيزيف)) في أعماقنا يضج بالأنين يود لو يضمد العذاب بالحنان إلى متى نحيبه المكبل السجين، لا يطرق القلوب في جمودها الدفين لأنها مصبوبة من صخرة الجلمود لأنها تعيش في مجاهل اللحود لأنها لا تعرف الحياة والإنسان لأنها تزعزع ابتسامة الورود وتقتل الربيع في وشاحه الجديد...
أحبابنا ..أحبابنا النيل في كياننا ..ترتيلة عريقة بيضاء فياضة ككف موسى بابتهالات الصفاء فجرها مزمار داؤد بألحان السماء ترتيلة نقية كأدمع العذراء تحنانها يهزنا .. يجذبنا لموطن الصبا لمرتع الربوع مسرح الربا للمقرن المفتون بالعناق بين عاشقين: الأبيض الرؤوم ينبري في لهفة من الجنوب ويلتقي بالأزرق المصفق الغضوب لينهضا برحلة الخلود عبر الفيافي والقفار ويبعثا، روح الحياة والوجود وينقشا على سواعد الفلاح ملحمة تعج بالكفاح أحداثها من الدموع والعرق ويا رفاقنا في مهدنا الصغير شندي..عروس الحقل والخميل قلوبنا مخضلة الأشواق أرواحنا تحن للعناق تهفو لواحة الأطيار والنخيل وللسلام في ظلال السيسبان أرواحنا عطشا لأمواه الغدير تجري...تهدهدها مسارب الوديان وقد سقتها ساريات المزن من ماء المطر إنا هنا نشتاق للراعة للأغنام لنفحة العبير والأنسام
ولإنطلاق الأرنب البري والغلان في ساحة (الهوّاد) عاشق التلال أحبابنا ..أحبابنا إنا هنا نرنوا إلى الديار في خشوع ونحضن العهود في الحنايا في الضلوع إلى اللقاء يا بلادنا إلى اللقاء يا رفاقنا إلى اللقاء في مواكب الربيع عند الربي الخضراء في وادي الربوع
| |
|
|
|
|
|
|
|