|
|
|
 Re: أغاني وأغاني 2009 ... در ودراب (Re: الزوول)
|
يازولنا
رمضان كريم ومبارك للجميع
اول يوم انا ساسجل غياب لاني في سفر اما تاني يوم فباذن الله معاكم
| Quote: ونرجوها هدنة لمدة شهر فقط بين الرطانة والعروب |
موافق بس مين بيسكت المرفعيين دة ..
| |
 
|
|
|
|
|
|
|
|
Re: أغاني وأغاني 2009 ... در ودراب (Re: abubakr)
|
الزووووول،
كل رمضان وانت ما تعبان،
مناي أن تتحقق في هذا الشهر أمنيات الجميع،
والله التعليقات زمان كانت سهله والفرده ( السوخوي) كان بياخد على راسو عادي وقاعد قدامي هنا دا يضحك
لكن السنه دي القطر فيهو مفتش عيّنوهو جديد وكدا، وحيث أننا لم نختبر درجة مرونته ومدى تقبله
للنيران الصديقة من عدمه حناخد ساتر ونشوف جر الشوك في حماد، لكن ليك علي ، المفتش لو قام ينطط
بين العربات ويطقطق ابواب القمرات بي قلمو ولابس الكاكي زي زمان أنا بحرش زول يقول كلامي.
أنا جبان؟
| |
|
|
|
|
|
|
|
|
|
Re: أغاني وأغاني 2009 ... در ودراب (Re: محمد المرتضى حامد)
|
السلام عليكم
Quote: الزووووول،
كل رمضان وانت ما تعبان،
مناي أن تتحقق في هذا الشهر أمنيات الجميع،
والله التعليقات زمان كانت سهله والفرده ( السوخوي) كان بياخد على راسو عادي وقاعد قدامي هنا دا يضحك
لكن السنه دي القطر فيهو مفتش عيّنوهو جديد وكدا، وحيث أننا لم نختبر درجة مرونته ومدى تقبله
للنيران الصديقة من عدمه حناخد ساتر ونشوف جر الشوك في حماد، لكن ليك علي ، المفتش لو قام ينطط
بين العربات ويطقطق ابواب القمرات بي قلمو ولابس الكاكي زي زمان أنا بحرش زول يقول كلامي.
أنا جبان؟ |
مولانا .. كل سنة وانت طيب
والله ما قلت الا الحقيقة... فردتنا زول روحو رياضية وكان ليهو دور كبير في لمتنا دي
وطبعاً وجودو ليهو دور كبير في عدم ترددنا في "السلخ" وأرجو أن لا يكون غيابه بسبب ذلك كما أرجو أن تبلغه أن غيابه لن يحول بيننا وبين "سلخه" فالآفضل له الظهور حالاً
أما المفتش الجديد ده فخلو بينه وبين طيور الظلام "الأسماء المنبرية" الزوول والممكونة ونجوان ومن لف لفهم فهؤلاء لن يرقبون فيه إلاً ولا ذمة 
ولا نامت أعين الجبناء
| |
|
|
|
|
|
|
|
|
|
Re: أغاني وأغاني 2009 ... در ودراب (Re: abubakr)
|
السلام عليكم
| Quote: موافق بس مين بيسكت المرفعيين دة .. |
هسه حالتك دي موافق ؟
........
تمشي وتجي بالسلامة
وتلقانا نحن يانا نحن
لا كملت حكاوينا
ولا لقينا البداوينا ...
.......
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
 Re: أغاني وأغاني 2009 ... در ودراب (Re: الزوول)
|
رمضان كريم و كل سنة و إنت طيب يا أحسن زووول..
الدعوات الصادقات و الأماني الحلوة لكل الأحباب في سودانيزأونلاين..
تصوموا و تفطروا على خير...و تقبل الله منٌا و منكم صالح الأعمال.
زي ما قلت يا الزووول...أحلى مافي أغاني و أغاني إنها بتلمنا مع بعض..
كُلٌي شوق للأيام الحلوة دي.
ربنا يجمعنا دايماً في ساعة خير.
جوٌه الموضوع:
أرجو أن يضع الباشمهندس أبوبكر و تمبس و الزووول و فيصل نوبي..
و كافة مهندسي البورد...في إعتبارهم صعوبة متابعة أهل السودان ل يوتيوب..
....
شوفوا لينا حَلَل!
| |
|
|
|
|
|
|
|
|
|
Re: أغاني وأغاني 2009 ... در ودراب (Re: mamkouna)
|
السلام عليكم
الممكونة
رمضان كريم
كل سنة انت والممكون والصغار الممكونين وجميع قبيلة الممكوناب سالمين
وفي "بطن" بيتكم تامين
Quote: جوٌه الموضوع:
أرجو أن يضع الباشمهندس أبوبكر و تمبس و الزووول و فيصل نوبي..
و كافة مهندسي البورد...في إعتبارهم صعوبة متابعة أهل السودان ل يوتيوب..
....
شوفوا لينا حَلَل! |
مبدئياً مافي مشكلة
سيرفر بكري يسمح بتحميل ملفات حتى 20 ميقابايت
وهذا لن يتركنا بحاجة لليوتيوب في أغلب الأحوال
كذلك هنالك موقع جديد لليوتيوب السوداني
وها هو رابطه
http://www.sudatube.com
يقول عنه البعض انه موقع جيد
ولكني لم أجرب بعد
.......
شكراً للتنبيه
.......
| |
|
|
|
|
|
|
|
|
|
Re: أغاني وأغاني 2009 ... در ودراب (Re: saadeldin abdelrahman)
|
السلام عليكم
أبو السعود
أولاً حمد لله على سلامة الرجل الجميل الوالد جعفر اسماعيل والعائلة الكريمة
وهو بالمناسبة عضو أصيل في لمة أغاني وأغاني المنبرية
ولكن تهذيبه وسمو تعليقاته يمنعه من التعليقات الجارحة
التي يتصدى لها أصحاب اللسان "الزالف" يا قول الكاتب المصري الساخر أحمد رجب
أمثال الزوول والملاسي
| Quote: نحن صمنا خلاص.. تقريبا ربع اليوم فات |
بطريقتكم دي أنا خايف
نحن يا دوبك في ليلة بدر الكبرى
تقوموا تعيدوا
......
الا بالجد كدي يا أبو السعود
سمعت انو في ولاية أمريكية ما متذكر اسمها ايه
المسلمون الفيها
محددين يوم 1/12 من كل سنة مواعيد الصيام عندهم
ويوم 1/1 هو يوم العيد
ومريحين نفسهم تماماً من رؤية وهلال ومريخ
عندك فكرة عنها؟
| |
|
|
|
|
|
|
|
|
|
Re: أغاني وأغاني 2009 ... در ودراب (Re: الزوول)
|
سلمك الله من كل سوء يا زول يا اصيل
عارف لغاية الآن ما عرفت اسمك
Quote: سمعت انو في ولاية أمريكية ما متذكر اسمها ايه
المسلمون الفيها
محددين يوم 1/12 من كل سنة مواعيد الصيام عندهم
ويوم 1/1 هو يوم العيد
ومريحين نفسهم تماماً من رؤية وهلال ومريخ
عندك فكرة عنها؟ |
ديل يكونوا تبع الايجا محمد
القال ليهم الاسلام ده حق السود بس داك
تحياتي
| |
|
|
|
|
|
|
|
|
|
Re: أغاني وأغاني 2009 ... در ودراب (Re: ناذر محمد الخليفة)
|
السلام عليكم
أبو النيز كيفك
رمضانك كريم
ياخي والله الواحد الظاهر عليهو فوّت عديل كده
ما قادر اتذكر كلو كلو
السنة الفاتت " رمضان الفات يعني"
انتوا كنتوا كم؟
اثنين والا واحد ؟
غايتو لو ده كان أول رمضان ليك وانت متزوج أكيد حا يكون رمضان غير
غايتو ... انت كدي جرب وقارن وورينا
.......
ما افتكر في مشكلة في رفع الفيديو
فسيرفر بكري يسمح لغاية 20 ميقابايت
اضافة لموقع سوداتيوب الذي لم أجربه بعد ولكني سمعت انه جيد
" اللينك موجود في الرد على الممكونة"
| |
|
|
|
|
|
|
|
|
|
Re: أغاني وأغاني 2009 ... در ودراب (Re: عامر تيتاوى)
|
السلام عليكم
الأخ عامر تيتاوي
Quote: وياريت البرنامج يجى بجديد
مفيد ليضيف كما اضاف فى
السنتين الماضيتين
ورمضان كريم |
الله أكرم
ومعك نتمنى
وإن كانت المؤشرات تدل ذلك
فإنضمام شرحبيل أحمد ، صلاح بن البادية ، سميرة دنيا والعازف الماهر عوض أحمودي
هو نفسه اضافة
خليك معانا
| |
|
|
|
|
|
|
|
|
|
Re: أغاني وأغاني 2009 ... در ودراب (Re: ودالعباسية)
|
السلام عليكم
Quote: كل سنة وانتو طيبين جميعا ،،،
جينا نسجل حضور ،، وحا نكون متابعين ،،
تحياتى لكم ،، |
أفو يا ود العباسية
تسجيل حضور ومتابعة .........
........................... بس ؟؟؟
يا زول نحن معتمدين عليك عديل كدي .. تجي تقول لينا متابعين
انت محلك قدام ...
Quote: ودالعباسية
.
تاريخ التسجيل: 28-10-2002
مجموع المشاركات: 1517 |
هسه في ذمتك ...شايف ليك زول أقدم منك هنا غير الباش ؟؟
| |
|
|
|
|
|
|
|
|
|
Re: أغاني وأغاني 2009 ... در ودراب (Re: الزوول)
|
الزووووول الظريف ،،
| Quote: هسه في ذمتك ...شايف ليك زول أقدم منك هنا غير الباش ؟؟ |
ياخى ما تبالغ ،، عايز تتطلعنى كبير ،،، ( كبير الله )
ولا يهمك يا حبه ،، حاضرين وفى الصفوف الامامية كمان،،
| |
|
|
|
|
|
|
|
|
|
Re: أغاني وأغاني 2009 ... در ودراب (Re: abubakr)
|
حبيبنا الراقي الزول الزول
تحية وسلام لك ولك الاعزاء هنا الباشمهندس الرطاني ابوبكر وممكونة الممكونة طيبة
والحبيب ناذر وتامبا وعباسية وونجوان وكل الرائعون هنا
سنكون مستمتعين معكم ونترقبكم
اري كذلك فانه من الممكن ايضا رفع المواد على (القوقل فديو) كذلك
كل رمضان وانتم بالف خير وعافية احبائنا الكرام
وتصوموا وتفطروا على الف خير
تقبل الله منا ومنكم
وشكر خاص حبيبنا الزول
| |
|
|
|
|
|
|
|
|
|
Re: أغاني وأغاني 2009 ... در ودراب (Re: abubakr)
|
يا خاااااااال ،،
| Quote: وقريبي ودالعباسية(بالله بطل قعدة القهاوي السنة دي وخليك مواكب التطورات ) |
لكن نسوي شنو يا خال ،، لا عيل ولا ،،، 
عشان كدا خلينا فى قهوتنا دي احسن لينا ،،
توصل بى السلامة ،،
| |
|
|
|
|
|
|
|
|
|
Re: أغاني وأغاني 2009 ... در ودراب (Re: الزوول)
|
سلام جاكم و رمضانكم كريم نحن رمضانا بكره .... مواعيد البرنامج متين السنة دى نفس مواعيد السنة الفاتت؟؟؟ شايفه فى نيو لوك للبرنامج و سميرة دنيا تبكى و تتمخط ساااى ...اشوف برنامج البكا بقى الدعاية الجاذبة للبرنامج السنه الفاتت فرفور و السنه دى دنيا و نحن منتظرين و هادى قعدة ...
| |
|
|
|
|
|
|
|
|
|
Re: أغاني وأغاني 2009 ... در ودراب (Re: الزوول)
|
يازوول انا يادوبك شفت الاعلانات !! الحكاية شنو في واحدة بتعييط بدل فرفور ؟؟بعديين فردتنا جاي جونيور مع السنير وصلعة صاحبنا خاتي عليها قبةوالتياب السودانية رجعت الي موقعها الطبيعي والنشيد الجمهوري والكبار واقفيين زنهار هو احنا خلاص نلنا الاستقلال؟؟؟
| |
|
|
|
|
|
|
|
|
|
Re: أغاني وأغاني 2009 ... در ودراب (Re: الزوول)
|
شكرا يا زوول ...
ما قدرت افتح عشان اشوف الدعاية التانية الظاهر قعدتى حتطول ...
تحياتى بالعربى و عافيلوقو بالرطانه
اختك : منار محسوب - محسوب ده اسم الشهرة لابوى المعروف بيه فى المنطقة و الاسم الرسمى مصطفى حسن كاشف ...
ان شاء الله الاسم وقع ليك... الاخ بكرى ما كوجن الاسم بس كتبو بالانكليزى يا مرسى ...
العم ابوبكر رمضان كريم انتو بتشوفوا الهلال و عندنا الجبال مانعة الشوفه
| |
|
|
|
|
|
|
|
|
|
Re: أغاني وأغاني 2009 ... در ودراب (Re: الزوول)
|
الزووووول كل عام وانت والعائلة بألف خير
عسى الله أن يعيده عليكم وعلينا مرات عديدة وأزمنة مديدة
"شنفت " أسماعنا
لكن برضو ما بخليك راجيك بالحوش التاني
تحياتنا عبركم لمحمد المرتضى وكل أحبابنا بمسقط
والسلطنة
نحن طبعا صايمين بكرة
إن شاء الكريم
| |
|
|
|
|
|
|
|
|
|
Re: أغاني وأغاني 2009 ... در ودراب (Re: abubakr)
|
Quote: تحياتي لكل "ناسن"ا
تصوموا و تفطروا على خير. |
يا سعد،
كل سنه وانت طيب،
رمضان في سلطنة عمان سيبدأ يوم الثلاثاء ،
خليك معاي لأنو في إحتمال بلاغات .
غايتو لو المفتش ما غير طريقتو بتاعت السنه الفاتت يانا الماشين النقطه ..
وفي رواية قديمة ( التُمنَه).
تسلم
| |
|
|
|
|
|
|
|
|
|
Re: أغاني وأغاني 2009 ... در ودراب (Re: ودالعباسية)
|
أخبار ما كويسه ياودالعباسيه وانت زول بتعرف الغنا واللبس باعتبارك من العباسية،
ياخ الزول الأصلع اللي لابس سفاري نص كم دا وبالداخل تي شيرت سوداء زي ناس (الشين بيت)
البودي قارد بتاعين المسئولين الإسرائيليين تلقاهم دايما مبارين شارون وأولمرت ،
لو غير لبسو إنشالله زي بتاع المحاكم الصوماليه التقول جاي من الدافنه داك ، القاعد يمين الشاشه،
ياخ الكان مِسهِّي داك ، اللي لابس شبط غليد ما مزرر داك ياخ ، اللي بيبتسم حتى لو بشيل في فاتحه داك ياخ.
طبعا، محمديه وابن الباديه استلفوا بناطلين برمودا من الجزولي،
شرحبيل ، الذهب لايصدأ.
السوخوي، قدور دا ابعد من جنبو يوم بفلقك.
أحسن مافي هذه الحلقه تغيير عازف العود السابق.
قدور عمل البرنامج للأغنيات التي كتبها وليضحك عاليا ولما الضحكه تصل السبلوقه يخليها معلقه وينزل بالسقاله.
يا سلام يا سميره ، يا سلام على الغناء بارتياح ، زي اللي بيطلق الصاروخ وهو ثابت في موقعه مش زي اللي يطلق
القذيفه ويطير وتبقى القذيفة.
الله يطراك بالخير يا الطيب عبدالله.
في فمي ماء.
| |
|
|
|
|
|
|
|
|
|
Re: أغاني وأغاني 2009 ... در ودراب (Re: محمد المرتضى حامد)
|
يا محمد ،،
شايفك متشائم جدا ،، ما ريحتنى نهائ ياخ ،،
اظن اب صلعة دا عرفتو ،، دائما بشتره كدا ،،
الشئ التانى والخايف منه ،،،
انه الحلقات تكون بنفس الاغانى بتاعة السنة الفاتت والقبالها
وسرور يجيب لينا الاغانى الكاتبها كلها ،،
على كل ،، نحن فى البداية ،،ولسه الغريق لى قدام ،،
يلا حصلونا بى الفيديو ،، خلونا نتفرج ،،
وقولو لينا الاعاده بتين عشان نحصلها باقى الليل دا ،،
| |
|
|
|
|
|
|
|
|
|
Re: أغاني وأغاني 2009 ... در ودراب (Re: الزوول)
|
عُود لينا يا ليل الفرح:-
تاجر عطور..
ليالي الخير عادن..
الليلة لاقيتو..
أرقص , فرفش, أنسى همومك..
ليلاتنا ليلية..
..في نفس مواعيد رمضان الفات..(( قبل غسيل عدة الفطور بنصف ساعة ))..
..بديكور جديد غلبت عليه الزحمة و الإكتظاظ..
..برعاية MTN بدلاً عن سوداني...
..بإستضافة صلاح بن البادية , شرحبيل أحمد , سميرة دنيا..
.. بوجود أحبابنا..
السر قدور , عاصم البنا , جمال فرفور , عصام محمد نور و أسرار بابكر..
..بمعية الفرقة الموسيقية الرائعة التى إنضم إليها عوض أحمودي بدلاً عن أحمد المك..
..في جو صاخب , فرايحي و خفيف الظل (( إذا إستثنينا إكفهرار سميرة دنيا ))..
كانت أولى حلقات (( أغاني و أغاني 2008 ))...
و..
ليل السرور جانا..
و بالفرحة عمٌانا..
مادام أبو الأسرار..
بنفسو جه معانا..!
| |
|
|
|
|
|
|
|
|
|
Re: أغاني وأغاني 2009 ... در ودراب (Re: mamkouna)
|
Quote: تاجر عطور..
ليالي الخير عادن..
الليلة لاقيتو..
أرقص , فرفش, أنسى همومك..
ليلاتنا ليلية..
|
على ما اعتقد ،،
صلاح ابن البادية ،،واتخيل لى كدا فردتنا ،، وعصام محمد نور ،،فرفورولا شرحبيل ،، سميره
دنيا ،، الباقى كورس ،،
| Quote: (( إذا إستثنينا إكفهرار سميرة دنيا )).. |
مالا مكفهره ،،
انتوعارفين ،، بعد مرات بتكيف لى الموسيقى اكتر ،،
عليكم الله شفتو سعد الطيب فى الاعلان الجايبه الزول دا بعزف كيف ،،
| |
|
|
|
|
|
|
|
|
|
Re: أغاني وأغاني 2009 ... در ودراب (Re: الزوول)
|
سلام أبو بكر والشباب ..
رمضان كريم ...
اليوتيوب لسع محظور في السودان لكن المشكلة زي ما قال أبو بكر إنو هو الاسرع ..
حتى بوجود الحظر من الممكن رؤية الفيديو إذا تم وضع رابط الفيديو في كود يعزلو عن العنوان !!
ما عارف أفسرا كيف دي !!
يعني أقرب مثال لي كدة الكود الإسمو i frame البنفتح بيهو بوست جوة بوست زي الأنا إستخدمتو في بوست بورداب الدوحة ..
بس المشكلة إنو بالطريقة دي الأغنية حا تشتغل تلقائي ومع كترة الفيديوهات البوست حا يجوط ..!
عموما أنحن بنتصرف .. بس مع كل ملف يو تيوب تنزلوهو في البوست دا ..ختو جمبو عنوان الملف المباشر ..
يعني عنوان الصفحة الفوق ..
وبالعدم الإسم الإنتو أخترتوهو للملف ..
تسلمو كتير ..
| |
|
|
|
|
|
|
|
|
|
Re: أغاني وأغاني 2009 ... در ودراب (Re: ناذر محمد الخليفة)
|
عشان كده, ماتقول لى الموضوع كبير حبه, لكن برضو الشباب ادوهم فرصه , امتداد اجبال,
والله انا خايف مع قانون عبدالقادر سالم دا بكره الجيل الجديد القائم ما اتذكر انو محمد الامين ده منو؟
على الاقل بقولوا فرفور بغنى لفلان يعنى ممكن اذكروا ابراهيم عوض ولا عثمان حسين ولاغيرهم, تقوموا تعملوا فيهاحقوق ملكيه
وحركات يبقى العوض على الكبار, الكان حاليا ماعندوا حق غسيل الكلى والله بكره مايكون عندو حق امجاد للمستشفى
| |
|
|
|
|
|
|
|
|
|
Re: أغاني وأغاني 2009 ... در ودراب (Re: الزوول)
|
السلام عليكم
معليش يا جماعة على التأخير
قطفة أولى إضافة لكلام الممكونة ومولانا ود المرتضى
• شعبولا ودعاية هلا للأثاث ، راحوا في داهية ، ولكنهم استبدلوه ب10:23 دقيقة كاملة دعايات
• الصالون مليان فل...زحمة يا دنيا زحمة ... لكن الرحمة انو فرفور ما عندو أي مساحة "للفرفرة"
• عصام محمد نور مفروض يشكوه مع سميرة دنيا ...عشان يطلع وجه ضاحك الى حد ما فقط ،وتطلع سميرة وجه مكفهر ..لكن ما للدرجة دي
• معقولة يا ود المرتضى وكمان ممكونة يفوت عليكم ...نادر خضر "بجلالة قدرو " قد تم استبعادو
• البداية هلت ليلينا
ويبدو أن للسر قدور غرام بموضوع الهلال ده
" السنة الفاتت برضو بدأ أهلاً بيهو الهلال الهلا"
كما يبدو أيضاً أن الود "فردتنا" وعمه الما عاجب ملاسي ده
هرشوه ...
فاستهل بهم الحلقة
دقائق خلو الUpload يكمل
.........
عموماً لم يتكلم "أبو الكلام" كثيراً في هذه الحلقة
واكتفى بلعب دور الفورمان ...
فلان انت قول لينا كذا وفلان غني لينا كدا
| |
|
|
|
|
|
|
|
|
|
Re: أغاني وأغاني 2009 ... در ودراب (Re: عبدالله وداعه الامين)
|
السلام عليكم
Quote: عشان تتم نومتك قلنا نرفع ليك ليل الفرح واسرار بابكر
عشان تجي وتجيب باقي الحلقة
يديك العافية اسرار وتسلمي
شكر خاص جدا الى الاخ خالد حسن بمنتدى مزيكا سودانية(عاجل) |
شاعرنا الرقيق عبدالله
والله ما بتقصر
لو كان تمبس أو عمر الفاروق أو فيصل نوبي أي واحد من الشفوت هنا
كان قال ليك : "ريحتني في حناني ذاتو "
أما الرجل المهذب الزوول
فيقول لك
أراح الله بالك في الدنيا والآخرة
شكراً للأخ حسن بمنتدى مزيكا
البقية في الطريق
| |
|
|
|
|
|
|
|
|
 Re: أغاني وأغاني 2009 ... در ودراب (Re: الزوول)
|
| Quote: معقولة يا ود المرتضى وكمان ممكونة يفوت عليكم ...نادر خضر "بجلالة قدرو " قد تم استبعادو |
ما قادرة ألقى أي سبب لإستبعادو..
خصوصاً إني شايفة مساحة فاضية بين فرفور و سميرة..
اللهم إلا إذا كان هو شخصياً إعتذر...حتى يتحدى الملل..!!
..
إبن البادية , شرحبيل , الفرجوني , سميرة دنيا..
ما جات على نادر خضر..
و تبقى الحكاية..
سمك , لبن , تمرهندي !
| |
|
|
|
|
|
|
|
|
|
Re: أغاني وأغاني 2009 ... در ودراب (Re: الزوول)
|
أسياد البيت سلام ...عاصم البنا كان واضح البخرة الخاتيها بالجنبه فى اول اغنية غناها ...و فرفور برضو ما كان حافظ ...يعنى الجماعة ديل مفترض يكونو بقوا خبرة و خيط فى البرنامج ده كان يحفظو و يجو ....انا شخصيا لاحظت فى شوية كلفته فى الحلقة الاولى و استعجال عشان يدو فرصة للجميع ...على قولك يا مكنونة الديكور مزحوم شديد ...سميرة دنيا منكمشة وحاسة بغربة ...و مالها مقبله من فرفور ...صراحة ادتنى احساس انو عندها ملاريا تقيلة و اخدت الحقنة و طوالى جات التصوير ...و طريقة غناها كانها قاعدة تكنس ليها فى حوش كبير مفروش رملة مع احترامى لرأيك يا محمد المرتضى ....اسرار صراحة ابدعت فى الليلة يا ليل الفرح و جضمت حرف الحاء ...
على العموم ما نستعجل و نشوف لقدام بس لو مشو بنفس المستوى الله معانا ....
| |
|
|
|
|
|
|
|
|
 Re: أغاني وأغاني 2009 ... در ودراب (Re: Manar Mahsoub)
|
| Quote: صراحة ادتنى احساس انو عندها ملاريا تقيلة و اخدت الحقنة و طوالى جات التصوير ... |
لاحظي كمان يا منار إنو عيونها متورمة و عندها بقع سوداء في وشها و يدينها..
إحتمال يكون عندها بُرجُم و لاٌ حصبة..
الله يستر عليها ..و على باقي الطاقم من (( الكتكوتة ))..!
| |
|
|
|
|
|
|
|
|
|
Re: أغاني وأغاني 2009 ... در ودراب (Re: الزوول)
|
الاخ الزول والمتداخلون الكرام
رمضان كريم
حقيقي اغاني واغاني برنامج ( بار ) جدا بالمستمع
بيجدد الاذن المستمعة باغاني جميلة واداء رائع
فيهو بساطة وعدم تكلف في طريقة التقديم والبرنامج ككل
بس زي العدد بقا كتير فهل ياربي الحاجة دي حتضعف من البرنامج شوية من ناحية عدم التركيز لكل فنان موجود والا حتجي في صالح البرنامج
لكن بالجد شكرا لقناة النيل الازرق
| |
|
|
|
|
|
|
|
|
|
Re: أغاني وأغاني 2009 ... در ودراب (Re: maia)
|
والله يالزوول
انا بقيت من شلتكم خلاص كان تقبلوني كان تابوا
وواضح فى خرمجه فى الحلقه الاولى زي الناس ديل مابعرفوا بعض كل واحد منطوي كده ماعلى راحتو زي الضيف المعارف انو ناس البيت
مرحبين بيه ولا مضايقين من جيتو
الا عصام واسرار ديل اهل البيت
المهم مستنين الباقى ولك جزيل الشكر
| |
|
|
|
|
|
|
|
|
|
Re: أغاني وأغاني 2009 ... در ودراب (Re: maia)
|
الزول والجميع ... عساكم بألف خير
متشوقين لسماع الأغاني الراقية والآداء المتميز
الحلقة كانت جميلة ... وسمعنا جميع الأصوات
بس فعلا في زحمة في العدد بالإضافة إلى زحمة الديكور
سميرة دنيا كانت فعلاً مكفهرة وماخدة ركن.
| |
|
|
|
|
|
|
|
|
|
Re: أغاني وأغاني 2009 ... در ودراب (Re: سوسن عبد الله)
|
الزول
سلام ورمضان كريم,,,بالله ليك 3 سنوات فى بوستكم دا
ونحن كنا وين ,,عموما بجدع معاكم
سميرة دنيا ما ما خدة راحتها,,لكن غناية
وبعدين صلاح ابن البادية وشرحبيل لا وجود لهم هنا
لان عمرهم لا يؤهلهم لطلعات ونزلات السر قدور
| |
|
|
|
|
|
|
|
|
|
Re: أغاني وأغاني 2009 ... در ودراب (Re: الزوول)
|
كل سنة وانتو طيبين
أول شيء الزحمة هينة .. عمنا قدور قال ليكم الناس ديل حيشتركوا في بعض الحلقات .. يعني حيتناوبوا في الحلقات..... المشكلة في ضحكة عمك دي
وبعدين سميرة دنيا دي وكت زعلانة قدر دا لمن مقبلة لي وراء .. الجابها شنو؟؟
(مع انها غناية - بس انت برضو أنصحك تسمعها وانت مقبل من التلفزيون)ومافيش حد أحسن من حد
فرفور ما زال مواصل برنامج اللبسات العجيبة
بس ما تكون فاتتكم نظرات عاصم البنا لي شرحبيل !!! يا اخوانا شرحبيل غناي وفنان عظيم -ما قلنا شي- لكن بصراحة الأغاني البقى ينجرها على آخر عمره بتاعة الونسة دي لا سمحة ولا حاجة
الحمد لله رمضان الله عفانا من نادر خضر
أسرار طريقتها في الغنا متطورة بس قول ليها أعملي حسابك من عشاء الفنانين.. بيودرك
الفرجوني دا زول مهلة وغنا مقعد ... غنا السندوتشات دا ما بينفع معاه
صلاح بن البادية دا كان خلى الصبغة الكتيرة دي ما عنده عوجة
وبجيكم صادة
| |
|
|
|
|
|
|
|
|
|
Re: أغاني وأغاني 2009 ... در ودراب (Re: Ishraga Haimoura)
|
رمضان كريم عليكم جميعاً
إشراقة حيمورة لخّصت الحلقة بموجز قصير وجميل
Quote: وبعدين سميرة دنيا دي وكت زعلانة قدر دا لمن مقبلة لي وراء .. الجابها شنو؟؟
(مع انها غناية - بس انت برضو أنصحك تسمعها وانت مقبل من التلفزيون)ومافيش حد أحسن من حد
|
ناس بيتنا أغلب تعليقاتهم كانت عن سميرة دنيا
أي نعم غنااااااااااية بس المزعلها كان شنو يا ربي
Quote: أسرار طريقتها في الغنا متطورة بس قول ليها أعملي حسابك من عشاء الفنانين.. بيودرك
|
والله أسرار عيني باردة عليها وماشاء الله كانت متألقة
Quote: الفرجوني دا زول مهلة وغنا مقعد ... غنا السندوتشات دا ما بينفع معاه
|
كان عندي احساس انو الفرجوني دا ما كان مرتاح في الغناء
وصحي غناء الساندوتشات على قول إشراقة الظاهر ما كان عاجبو
أكتر زول كان مرتاح ومبسوط هو السر قدور
وفي الحلقة الأولى قلل من الكلام وأكثر من الضحك
| |
|
|
|
|
|
|
|
|
|
Re: أغاني وأغاني 2009 ... در ودراب (Re: الزوول)
|
رمضان كريم آجماعة
وكل سنة وانتو طيبين وتامين ولامين
وسبحان الله تلاتة أعوام من بوست ( أبو كلام) !
كلو من أعمارنا ياقول حبوبتي
الله يدينا العمل الصالح ( آمين)
امس بيتنا زحمة والأستديو زحمة .. ماقدرت افرز الحاصل الضبط
كدي الحقونا باليوتوب ولانامت اعين ناس نازر الخليفة
| |
|
|
|
|
|
|
|
|
|
Re: أغاني وأغاني 2009 ... در ودراب (Re: ملكة سبأ)
|
ملكة سابأ يا كل الجمال
يديك العافيو وتسلمي انك جبتي اغنية الفرجوني والمجموعة
طبعا رفعت الاغية في اليوتيوب وخليتا تحمّل براها ومشيت نمتا (وش خجلان)
يديك العافية وتسلمي
ويا الزوووووول يا كل التهذيب ياخ تسلم لينا انت ويسلم احساسك وذوقك وفهمك
اها اغنية الافتتاح تنزله ( عمت بشايرنا) واغنية ود البادية ( خاتمي) واغنية فرفور (ليالي الخير
جادن) واللا انزلهم ليك كلهم في صحن واحد اقصد مع بعض
ود وتحايا لي الجميع وتصوموا وتفطروا على خير
| |
|
|
|
|
|
|
|
|
|
Re: أغاني وأغاني 2009 ... در ودراب (Re: الزوول)
|
لكن يا منار والله بالغتي في وصف سميرة دنيا بالجد كانت منكمشة شوية
لكن صراحة اسرار بابكر رغم تطورها كتير في الوصلات الطويلة الا انه لسه في اعتقادي محتاجة توسع مساحات صوتها ليحتمل النفس الطويل في الاغنية عندها شوية (قطعة نفس في الاغنية)
لكن صوتها اكيد رائع وجميل شديد
ممكونة حكاية الحلقة ومنها او قبلها ( دي بالنسبة لي) غسيل العدة صعبة شوية
يعني شوية يخلوا البرنامج يبدا الساعة 8 نكون اخدنا نفس
كدي يا جماعة شيلوا الصبر و نشوف حلقة الليلة وباقي الحلقات
بس لو في زول براحة كدا يكلم فرفور انه لقدام يبعد ويرحمنا من الجلاليب جلد النمر وجلد الثعبان دي يكون ما قصر معانا
عمنا السر قدور حسيت بيهو فرحان شديد وسعيد جدا بالحلقة الاولى ، عشان كدا بيتخيل انه الحلقات الجاية كمية الضحكة الفرحانة دي تخف
مبسوطة جدا لمشاركة الفنان الفرجوني شكله حنستمتع بوصلات غنا رائعة مع عاصم البنا
عموما زحمة المشاركين خلق شوية من عدم التجانس بينهم
ياريت لو كان تم تقسيم المشاركين الجدد على ايام يعني ما كلهم يكون في حلقة واحدة
لكن برضو ندي فرصة للتقييم للحلقات الجاية
| |
|
|
|
|
|
|
|
|
|
Re: أغاني وأغاني 2009 ... در ودراب (Re: maia)
|
Quote: وبعدين سميرة دنيا دي وكت زعلانة قدر دا لمن مقبلة لي وراء .. الجابها شنو؟؟
(مع انها غناية - بس انت برضو أنصحك تسمعها وانت مقبل من التلفزيون)ومافيش حد أحسن من حد |
الزول وضيوفو الكرام رمضان كريم
والله انا فعلا كنت محتار في سميرة دنيا دي زي ما تكون قاعدة في دنيا تانية مع انها غنائية جداً
لكن شكلها كان غريب ( زي ما تكون ضاربة ليها سجارة خضراء )
ولا يمكن تكون مخلوعة من زحمة الأستديو !!!!
عموما ما زلنا منتظرين
| |
|
|
|
|
|
|
|
|
|
Re: أغاني وأغاني 2009 ... در ودراب (Re: maia)
|
ممكونة ،،
Quote: لاحظي كمان يا منار إنو عيونها متورمة و عندها بقع سوداء في وشها و يدينها..
إحتمال يكون عندها بُرجُم و لاٌ حصبة..
الله يستر عليها ..و على باقي الطاقم من (( الكتكوتة ))..! |
قتلتيها قتل ،،،
ــــــــــ
عود لينا يا ليل الفرح = 9/10 موسيقى 10/10
اغنية الفرجونى والمجموعة = 5/10 موسيقى 6/10
باقى الاغانى ما سمعتها فى خلل فى الرابط يا حلوييين ،،
المتداخلين هنا ،، كلكم ،، ازيكم ،، معانا ،/،
| |
|
|
|
|
|
|
|
|
|
Re: أغاني وأغاني 2009 ... در ودراب (Re: الزوول)
|
السلام عليكم
والله يا جماعة أنا فرحان
فرحان بيكم كلكم .. زي ما بيقول السر قدور
ودعونا نرحب بأعضائنا الجدد وأصحابنا المخضرمين
أصحاب الشيء ذاتا ... يا قول ناذر
Maia مرحب بيك من جديد
عبدالله البنا " يا زول لو عندك صلة مع آل البنا الأمدرمانيين ادينا فكرة عشان نعمل لك حساب"
سوسن عبد الله.. خليك معانا ومرحباً بتعليقاتك الأنيقة .. جماعتنا ديل ما بيرحموا ...
ابقوتة ..قنبلة الود الموقوتة .. لسة ما شفنا منهم حاجة .. غايتو مبدئياً كده ملاسي معتمد على ابن البادية
اشراقة حيمورة ... مداخلة شاملة في السلك ... بس لكن بالغت ... الجماعة ديل مسحتي بيهم ال واطة
انعام عبدالحفيظ ...يظهر أن مداخلة اشراقة ريحتك .. وحرمتنا من تعليقاتك الذكية ... تاني مرة بالله علقي أول ....حتى بعد كده تقري تعليق اشراقة
صاحبة الجلالة الملكة شخصياً... ياخي فاقدنك عديل كده
| Quote: كدي الحقونا باليوتوب ولانامت اعين ناس نازر الخليفة |
ياخي ده كلام خطير جداً... ما كنت تجيء من بدري ..
ياخي انا أقع واقوم من البارح ومتجنب سيرة اليوتيوب دي كلو كلو ... تجي تقولي ناس السودان بيقدرو يفتحو؟ اها أمانة ما جاك بلا يا ناذر
البوست يا جماعة ما اتملا شعراء ... مرحب بشاعرنا هاشم أحمد خلف الله
مرحب بكل فردنا الجديدة
......
غايتو يا ناذر كلام ناس السودان ده عن اليوتيوب ختاك في حتة ضيقة
وختانا ... نحن معشر الرافعين للأغاني... في حتة واسعة
| |
|
|
|
|
|
|
|
|
|
Re: أغاني وأغاني 2009 ... در ودراب (Re: عبدالله البنا)
|
الأخ عبد الله البنا، بن الفرجوني، طبعاً النقد سلوك حضاري وجميل عندما يكون هادف بلا شك، أولاً أنا من أشد المعجبين بهذا العملاق الفرجوني لحد الثمالة وظللت أتابعه منذ أمد بعيد إلى أن أخذته منا الغربة حيناً من الدهر والحمد لله عاد وعوداً حميداً ومازال يمتلك ذلك الترنيم والتطريب العالي ونقدي الوحيد له لماذا أنت أيها الفرجوني الجميل تغادر هذه البلاد وأنت تعلم أنك الصداح المغرد وهو أفضل آل البنا على الإطلاق بلا شك..والفرجوني ليس فقط مغني بل هو شاعر مخضرم يجيد فن الدوبيت والمربعات وأحفظ له الكثير من هذه الأشعار وللأسف لم يكتشف التلفاز هذا الجانب الجميل في الفرجوني وأهديكم مربع من مربعات الفرجوني عندما كان في جنوب أمريكا الشمالية ناصية المكسيك وقد نظم هذا المربع في أحد حسان المكسيك وما أدراك ما المكسيك:
هضليم السحاب النفضنو بروقو
فيهن يا عمر شَعراً بموت معشوقو
كان راوز حريرهن وكرفت نشوقو
سهر الليل وخليع الفطيم بتضوقو
| |
|
|
|
|
|
|
|
|
|
Re: أغاني وأغاني 2009 ... در ودراب (Re: mamkouna)
|
إنتظرت شرحبيل لحد ماقربت أقول ليكم شرحبيل ده جايبنو يرسم
لكن أسه الوضح لي إنو فرفور جابو للكورة..
سميرة دنيا أغنيتها رائعة وأداءها كان جميل..
لكن إظهر كانت بتبكي قبل بداية التسجيل ياممكونة
(شايف جات سيرة عثمان حسين في المقدمة)..
يا ملاسي أرفعوا أيديكم عن الفرجوني ..
عوض أحمودي إضافة مهمة بس مشكلتوهو ذاتو أبو كلام كان لمه في المايك ..
ياجماعة الخير وين الباشمهندس أبوبكر؟؟
تسلموا وتسلمن وما تتلوموا معانا..
| |
|
|
|
|
|
|
|
|
|
Re: أغاني وأغاني 2009 ... در ودراب (Re: الزوول)
|
Quote: لولا وجود صلاح ابن البادية لما تابعت* البرنامج لهذا العام.
____
* متابعة لصيقة يعني |
يا سلام عليك يا حسين ملاسى
والله انت صحى راجل فنان
يا الزوول سجل عندك عدد واحد متابع جديد
لكن بصراحه البوست جاط شديد
يا ريت يا جماعه لو وقفتوا خاصية التشغيل التلقائى
لانو أنا حاسى بى نفسى قاطع قدام اكشاك المرطبات فى المحطه الوسطى بحرى
مافيش حاجه تجى كده ... كلمتتتى المست غرورك.. سمح الوصوفووووو يا رب نشوفو
ما شفت عوض يا سارى الليل.... سماحة الزول فى الطول والعلا قنبله
| |
|
|
|
|
|
|
|
|
|
Re: أغاني وأغاني 2009 ... در ودراب (Re: مزمل التريكى)
|
بصراحة....؟؟؟؟
البتاعة دي بقت فيها مخاطر كبيرة
بعدين.....
تقولوا أنا قلت.......
و أنا مالي
أنا متخارج من هسي ده......
بعدين تشيفوا براكم الدرر من الدراب....
بسم الله....
مالكم؟؟؟؟
هسي أنا قلت حاجة؟؟؟؟؟؟؟
| |
|
|
|
|
|
|
|
|
|
Re: أغاني وأغاني 2009 ... در ودراب (Re: Azhari Nurelhuda)
|
| Quote: يا ملاسي أرفعوا أيديكم عن الفرجوني |
تعرف يا أبو مهيار .. الفرجوني شيخ عرب .. مافي مانع
حافظ غنا كتير.. مافي مانع
حسو و زمنو تمام .. مافي مانع
بتاع قنيص .. مافي مانع
شاعر .. احتمال و مافي مانع
بس لي زمن كدا شاعر انو ناس الجقر بيبالغوا شوية؛
عشان كدا كدي خلي بالك معاي في الحلقات القادمة.
| |
|
|
|
|
|
|
|
|
 Re: أغاني وأغاني 2009 ... در ودراب (Re: الزوول)
|
رمضان كريم
للجميع ..
تحية خاصة للباش و سحس و ممكونة و صاحب الدار الزوول
تسجيل متابعة ..
الحلقة الاولي فاتتني ..
التانية مسجلة لكن في شوية كسل .. بحاول أجيبها ليكم بإذن الله ..
و بعيداً عن اليو تيوب .. لأني مع ناس الهيئة و ما قاعد أحب الموقع ده ..
_
برضو سميرة ما عاجباني .. ميتاااااااااااااااانة و عيانة .. و أسرار و فرفور برة الشبكة خالس الليلة
| |
|
|
|
|
|
|
|
|
|
Re: أغاني وأغاني 2009 ... در ودراب (Re: فيصل نوبي)
|
اليوم التانى ،،،
مافى زحمه ،، الدنيا هادئه ،،
وعثمان حسين مسيطر على الحلقة بالكامل ،،
سميره وعاصم ممتازيييين ،،،
وكمان شرحبيل ،،بس لو الناس دي جات حافظه ،،
الملاحظ انه سميره كانت بتساعد كل الجماعة فى الاغانى ،،
وبرضو حاسى انها زعلانه منهم ولا بطنها طامه ولا ما عارف ،،مالها
فرفور الليله كورس بس ،،
اسرار لو ما شوية كدا كان سميره دنيا قامت عليها وجضمتها ،،
وراجعيييين بالفيديو ،،
| |
|
|
|
|
|
|
|
|
|
Re: أغاني وأغاني 2009 ... در ودراب (Re: الزوول)
|
السلام عليكم
منتخب اليوم تكون من
عاصم البنا ، سميرة دنيا ، شرحبيل ، أسرار ، فرفور
كانت الحلقة " والحلقة الجاية"
عن ابداعات عثمان حسين
يبدو أن تسجيل الحلقة تزامن مع وفاة الفنان عثمان حسين
كما كان يلقبه بفائد ثورة الفن
اعتذار جميل عن قلة الكلام وكثرة الغناء في هذه الحلقة
وهو أن غناء عثمان حسين أفضل وأبلغ من كلامه عنه
سميرة دنيا تبكي قبل أن تبدأ الحلقة...
هفوة كبيرة وقع فيها استاذنا السر قدور
فعثمان حسين ولد في "مقاشي" وليست "مقاسي" "ربما غياب الأسنان هو سبب النطق"
قال عنه انه
أتى من بيئة نغمية وهي منطقة الشايقية
عاش في الخرطوم جنوب بيئة نغمية أيضاً
ينتمي لمدرسة عبدالكريم عبدالله كرومة وهو اسلوب التطريب وليس قوة الصوت
تداخل الأستاذ شرحبيل مداخلة لطيفة حيث انه ذكر ان له فضلاً في ادخال الفواصل الموسيقية بين الكوبليهات
له 3 مراحل
مرحلة لم يسمها حتى نهاية البرنامج
ثم مرحلة الثورة .. الرومانسية
وتليها المرحلة المختلطة
.......
سميرة تبدأ بأغنية المرحلة التي لم يسمها
حارم وصلي مالك... محمد بشير عتيق
"ربما كانت مرحلة اكتئاب عثمان حسين لأنها كانت في غاية الإكتئاب
تألق في أولها عوض أحمودي بالعود
... اضافة حقيقية لا تقل عن هؤلاء الفطاحلة محمدية ،اسماعيل ، مليجي ، سعد الطيب وباقي العقد
يا جماعة والله غناية عديل كده
غياب ملحوظ لمحمدية
.......
11:30 دقيقة دعايات
.......
علي محمود التنقاري
كيف لا اعشق جمالك
وجملها لنا عاصم البنا ب
ناري تطفئ ...
هذه الجملة حاول بها فردتنا اثارة الحماس في نجوم التسجيلات الجدد " شرحبيل وسميرة دنيا"
هذه الأغنية لم يحدد لنا السر قدور باي مرحلة تقع
.........
المرحلة الثانية .... الرومانسية
احمد ابراهيم الطاش
"يطرشني... كانت سمعت بيهو"
شرحبيل
ظلموني الأحبة ...
في مذهب غرامي ... سلوى الحب مسبة
تعبير بليغ ورائع كما قال
أغنية جميلة تليق بصوت سميرة دنيا
ولم تستطع هي مقاومة هذا الانجذاب بين صوتها ...فتداخلت كثيراً
لنجدة دفعتها في التسجيلات الجديدة "شرحبيل أحمد"
........
المرحلة المختلطة
زعيمها الشاعر السر دوليب
كنت فاكر القى عندك الحنان تغمرني بيه
قلبي يرسى ..يلقى جمبك الامان وينوم عليه
تجلى فيها أسرار وفرفور كغناء قراري وجوابي
ابداع وخاصة عندما تتداخل المكفهرة سميرة
.....
بس الما عرفتو
المراحل الثلاثة دي شنو؟
| |
|
|
|
|
|
|
|
|
|
Re: أغاني وأغاني 2009 ... در ودراب (Re: الزوول)
|
شكراً يا الزوول ومساءك خير
والله إشراقة حيمورة تعليقها جاني في حتتي
حلقة اليوم كانت أجمل من حلقة الأمس
الكلام عن عثمان حسين وأداء أغنياته أعطى الحلقة رونق خاص
سميرة دنيا بكتنا معاها لما ابو الكلام كان بيتكلم عن عثمان حسين
بس ملاحظتي انو الناس ديل للأسف برضو ما حافظين شرحبيل بيقرأ من الورق الجنبو
أسرار كمان أتخيل لي كان جنبها ورق ونجدتهم الإتنين سميرة دنيا
الوحيدة البتستحق عن جدارة آداء أغنيات حسين سميرة دنيا حفظ وآداء جميل
| |
|
|
|
|
|
|
| |
الزوول
abubakr
محمد المرتضى حامد
mamkouna
saadeldin abdelrahman
ناذر محمد الخليفة
ودالعباسية
عامر تيتاوى
Ashraf el-Halabi
Hussein Mallasi
عبدالله البنا
اسامة الكاشف
احمد سردوب
Abomihyar
abuguta
Ishraga Haimoura
انعام عبد الحفيظ
ملكة سبأ
هاشم أحمد خلف الله
Badr Edinn Abdul Rahman
Azhari Nurelhuda
فيصل نوبي
فيس بوك
تويتر
انستقرام
يوتيوب
بنتيريست