|
Re: خضر عطا المنان عريس فى كندا (Re: nour tawir)
|
بارك الله في العروسين وجمع بينهما في خير أبلغ أيات التهاني والتبريكات نزفها إليك حبيبنا خضر عطا المنان ونسأل المولى عز وجل أن يحف حياتكما الزوجية بالسعادة والهناء والرخاء
وألف شكر أختي نور تاور على هذا الخبر السعيد
تحياتي فرانكلي
| |
|
|
|
|
|
|
Re: خضر عطا المنان عريس فى كندا (Re: Frankly)
|
مبرووووووووكــــــــــــــــــــــــ ياعـريســـــــــــــــــــــــــــــ الحبيب ابو خضره الف الف مبروك وربنا يسعدكما ويجعل بينكما الموده والله لو كنت بعرف بكتب شعر كنت كتبت ليك قصيده من هنا لي امريكا .. (اكتبها نيابة عني) وشكرا كتير استاذه نور تاور علي الخير السعيد وانشاء الله ايامكم كلها سعاد ونور مبروكـــــــــــــــــــــــــــــــــــــــــــ ياعريس
| |
|
|
|
|
|
|
Re: خضر عطا المنان عريس فى كندا (Re: elameen)
|
أولا مليون مبروك والخبر طبعاً مفاجأة من العيار التقيل يعني لزوم مكاواة لي (بكري) ولىّ شنو يا استاذ خضر..؟.. ولو كان كدا.. يا بكري عليك الله نزّل كل العزابة على المعاش ... وبعدين يا استاذة نور العرس دا كان (ناشف) كدا لا قيدومة لا حنة لا حفلة ... والله اتلومتو يا ناس كندا كان تتكلمو عشان نرسل ليكم اي امدادات لوجستية وكمان عايزين نشوف الصور .. على أية حال مبروك تاني يا ود العطا وعقبال البنين والبنات
| |
|
|
|
|
|
|
Re: خضر عطا المنان عريس فى كندا (Re: عادل فضل المولى)
|
عادل
الخبر برضو كان مفاجأة لى من العيار التقيل...
ازا كان خضر اتصل وقال لى تختى الفى اديك وتجى هسع دى.. الماّون جاى بعد نص ساعة..
وحاتك يا عادل انا قلت خضر داير يعقد على المضيفة...
انا قايلاه بتكلم من المطار...
تقوم تلبس اللوم كله على ناس اوتاوا؟
وبعدين عريسنا دا لمن يطلع بره ننتفو ريشه ريشه ونوريه شغله...
اها رايك شنو؟
| |
|
|
|
|
|
|
Re: خضر عطا المنان عريس فى كندا (Re: nour tawir)
|
لمن قريت عنوان البوست ظنيت ان هناك خطأ بسقوط كلمة { ولد } عشان يكون العنوان كالتالي { ولد خضر عطا المنان عريس في كندا } فإذا بي أدخل وأجد أن العريس خضر ذاتو ! وإندلع في الأمل ، أو فرهد وأورق فالعزيز خضر يكبرني بكم سنة كده يازول مبروك والعقبى لينا وأتمنى أن لاتطالع بت المغيرة هذا البوست
| |
|
|
|
|
|
|
Re: خضر عطا المنان عريس فى كندا (Re: محمد حسن العمدة)
|
يا حليلك يا ود العمدة
شايفة معارك الداحس والغبراء الانت فيها..
لكين تعبت والله من المناكفه وقلت اخد نفسى شوية...
لكنك كفو..
مسردب وقاعد..
الصورة حلوة كتير..
وخضر يستاهل.. وبعد ازنك برضو حااعمل ليها برنت اوت واعلقها..
ما قلت لى صورة عزيزنا تروتسكى الجابها عندك شنو...
سلام..
| |
|
|
|
|
|
|
Re: خضر عطا المنان عريس فى كندا (Re: nour tawir)
|
الأخت نور
ألف ســـــلام
Quote: وعقبالك انشا الله.. |
مالك عايزة يكسرونى ..
المرة السابقة قضيت فقط أسبوع .. كله جرى وشغل فى البيت .. لم أجد من يدلنى على عنوانك أو تلفونك وقد سعيت فى ذلك .. هذا السبت أتصلى على رقمى و ستجدينى 7330885
و أكيد حنتقابل رغم أن اجازتى اسبوع أيضا
| |
|
|
|
|
|
|
Re: خضر عطا المنان عريس فى كندا (Re: nour tawir)
|
نور نادوس
أبوخضرة ده كان ساكن قرب الساحة الشعبية في حلة الربيع كنا نضطر للإلتفاف مسافة بعيدة عن الطريق الأقرب تجنبآ لبحيري وخضر وجلك كانوا كبار وبيخوفونا وبيغلبونا في الكورة بالرجالة
| |
|
|
|
|
|
|
Re: خضر عطا المنان عريس فى كندا (Re: nour tawir)
|
salam ya Nour
I have left the amana with a friend to pass to you It seems it did not get to you. Can you please email me your address and I will postal mail it to you Forgot, Mabrouk for the arees wa alaroos. Bait mal wa 3yal Thank you
| |
|
|
|
|
|
|
Re: خضر عطا المنان عريس فى كندا (Re: zoul"ibn"zoul)
|
Dear Zoul "Ibn "Zoul
Thank you .I will pass your congratulations to Khidir
About the (amana) the pesron you sent knows my telephone number and e-mail Say Hello to your wife and kids ?They are fine young men now. Is n't it
| |
|
|
|
|
|
|
Re: خضر عطا المنان عريس فى كندا (Re: هشام مدنى)
|
مـطر الزمــــــــــان
((24-babygirl (( الى رفيقة عمري ______________________________
بعد خلاص نضب المعين وعمري روح والسنين وطــــوقت دربـــــــــــي الكــــــــــآبة
عدتي يا أيام فرحتي ومسحتي baby وجيتي يا دمـعـــة أحــــــزان الرتــــــــــــــابة
وبالأهازيج والغنا صحيتي في خاطري المنى وفـــجرتي في عمــــقي الكتــــــــــــــابة
غسلتي من قلبي العنا وهم الليالي المحزنة والنهــــــــــارات واكـتـئـــــــــــــــــابا
عشت طيفك يا أنا عز موشح بالهنا نـــاســــــي أيـــــــامي وعــــــــــــذابا
عبر بيك الأزمنة وسافرت كل الأمكنة فـــــــوق جـــــــدائل من ســــــــــــحابة
شفتك أفراح بحضنا ورجعتي بي كمين سنة كـــــــــــــان ســـــــــــنين طال اغـترابا
******************************************** أمولة ............أمولة أمولة يا نبض العرق ما أنتي من الناس فرق يا لمحة طلت زي برق ولوعت قلبي الحرق صحت الليل في الصحاري والزمان بالريد شرق ودع أحزان السنين عب من فرحو وغرق **************************************
أمولة ..........أمولة يا طبيبي .. ويا جريحي أسري في وجداني تيهي وأمــســــحي ............ الدمع البينزف من وحيحي شيلي من عمري وأضيفي وقفي السال من نزيفي وفي العيون يلا استريحي ولما أموت ............... أمشي يا أمولة وأرحل أبقي شاهد فوق ضريحي وأحكي للعالم وقولي : (( مات شهيد عاشق متيم وكان ربيع فوق داري خيم والله يعلم ..... الله يعلم كان بينسج من مشاعرو جنة كان بى خيرا يحلم لا الوكت أداهو مهلة لا الزمن لى ريدو قيم )) . ************************************
أمولة .............. يا المســـــافات الطويتك ويا المـــــشاوير المشيتك ومن ضواحي الغربة جيتك يالدميـــعات الرويتـــــــك ويا الرايحة مني وجد لقيتك .. **********************************************
أمولة .......... انتي يازينة فؤادي قبلك الهم كان حصادي والعذاب عانق سهادي
كنت شايل جرحي نازف ولى مكانك ما ني عارف
وحدي في الحرمان بقاسي تهت ما خليت مراسي عشت في عمق المآسي وبالوجع شربانو كاسي ..
وفجأة .............. فجأة يا أمولة جيتي أنتي يا كل المنى يا لهفة المشتاق وحنا أنتي يا ضحكة أهلنا ويا زمن عامر محنة يا وتر ................. جوا في أعماقي رنا ويافرح .............. سوا من أحزاني جنة وفوق غصوني اليابسة غنى ..
فرهد العمر الجديد وردد القمري النشيد بيكي يهتف يا أنا عز موشح بالهنا جيتي أفراح بحضنا ورجعتي بي كمين سنة فجرتي في عمقي الغنا وصحيتي في خاطري المنى يا روعة الريد يا أنا . ************************************************
ورغم أنك خوفي منك ومن زمن جاف مرتعب جيتي يا أمولة انتي وفجأة في دنياي ظهرتي ريدة كانت جد سبب الا يا أ مولة جيتي جيتي في زمن الحرب جيتي في آخر الدرب بعد المصايب والتعب والفرح ولى وهرب جيتي في زمنن كعب زمن المآسي والكرب ...
جيتي انتي .... جيتي في آخر المطاف والسنين دارت تمش وقبل أعرفك ..... طاشة كانت ايامي طش كنت تائه جد حزين وفي المدامع مرتعش لا ورد قدامي يرقش لا فرح جواي يعشعش يبست ينابيع المنى والزرع جف وعطش وجيتي يا مطــر الزمان في خريف رشاني رش أداني في الكون الأمان وخلاني فرحان منتعش
خــضر عطاالمنان
| |
|
|
|
|
|
|
Re: خضر عطا المنان عريس فى كندا (Re: هشام مدنى)
|
الاخ العزيز هشام مدنى
جات فيك ات.
البوست الانت فتحته فى اول رمضان حاولت ادخله كم مرة..
ويتاخر فى الفتح .
وكل مرة اقول بكرة لغاية ما اتلومت معاك..
القصيدة جميلة.
وبتخلى الواحد يتذكر رحلة الصحرا الشاقة
وهجيرها الاحنا عايشينها
حتى فى بلد درجة حرارتها تحت الاربعين..
عموما الف شكر.
وخدر كان شفته مبسوط بسطة؟
اريتو حال الحبان لى حدهم...
| |
|
|
|
|
|
|
Re: خضر عطا المنان عريس فى كندا (Re: nour tawir)
|
للحبيب الغايب و الصديق الغالى العريس خضر ألف مبروك و تهنئه من الأعماق ، أصدق الأمنيات بالتوفيق و حياة زوجيه سعيده و عامرة بإذن الله تعالى ،
الأستاذة نور لك الشكر و ما أجمل ردودك المفعمه بالموده و النبل .
| |
|
|
|
|
|
|
Re: خضر عطا المنان عريس فى كندا (Re: هشام مدنى)
|
أختى نور تاور
سلام كتير وأحترام
عليك الله قولى لًي العريس لسه فى شهر العسل ؟؟
أنا إتصلت عليهم من أسبوع وما لقيتهم فى المنزل كانوا معزومين او فى نزهه وطبعاالغيره حصلت وانا كنت موصيه كان يلقى لى عروسه فى كندا ونبقى زمل لكن الظاهر العريس قاعد فى العسل وناسى أصحابه بعد ما قبض احبابه..
مبروك لى خضر وآمال وعليك الله وصلى ليهم سؤالى وأشواقى..
والود خالص عبدالعزيز خطاب
| |
|
|
|
|
|
|
Re: خضر عطا المنان عريس فى كندا (Re: عزيز)
|
عزيز
انا اسفة أخرت الرد لحدى هسع وماكنت قايلاك موصينى لى حاجة..
خضر دا ولا حيلقى ليك عروس فى أوتاوا ولا حاجة..
مشغوووووووووووول...
ويتبسم سأأأأأأأأكت....
شوف ليك زول تانى يشوف ليك حكاية العروسة دى...
نصيحة اخت بس...
تشكر على التهنئة
وعقبالك انشا الله...
| |
|
|
|
|
|
|
Re: خضر عطا المنان عريس فى كندا (Re: Shao Dorsheed)
|
Shao Dorsheed
تشكر على الزيارة الكريمة وعلى التهنئة
وبعدين انت يا اخوى سؤال..
صورك ديل راصيهم كلهم كدى..
اوع يكون واحد من ناس البورد الملاعين ديل غالطك فى حاجة؟
العقبى عند فى كل الافراح..
قول امين يا دورشيد..
| |
|
|
|
|
|
|
|