اليوم الحار ومابنداريوم الهندسة والمعمار

ابراهيم..كل طيبة وانت سنة..



تهاني البير..
خرمت فجأة داخل كلية الهندسة..سمعت انو في اسبوع مهندس..دخلت بذاكرتي الخربة عن اسابيع الهندسة لمن كان الميدان الغربي خيم العارضين من اقسام الكلية المختلفة لابداعات الطلاب..ايام كان بتلقي كباري طايرة في الكافتيريا..وقلت قطع شك 2011 المهندس حا يكون غير..ودخلت...............................................................................


أول حاجة محل ما اقبل القي ليك واحد لابس كرفتة..قلت احتمال الموضة ولزوم القيافة وانا شيخ قديم..ما مشكلة..

لقيت ملصقات تدعو (الطريق لدار الخلود)..قلت احتمال الهندسة اتطورت..
عاينت الميدان الغربي...يا سلاااام مليان كلو صيوانات...قلت ادخلت اشوف مستقبل السودان في ابداعات مهندسي المستقبل في اسبوعهم..
لقيت الخيم كلها تخص دار الخلود..وذوات الللبس الأسود حالك الظلام..

اكتشفت انو دي مشاركة انصار السنة في اسبوع المهندس..

سألت نفسي سؤال مشروع: من متين الأحزاب والجماعات بقو من اقسام كلية الهندسة لحدي ما يوفرو ليهم مساحة بهذا الحجم في نشاط طلابي تخصصي؟؟؟؟

مشيت خيمة تانية او مجموع خيم لقيتم (تراثنا)..ودعاية تعال اشرب جبنة؟؟!!!

تاني استغربت يا خوانا وينو اسبوع المهندس..
قلت امشي التوار..هناك في المعامل وقطع شك حا القي مهندس المستقبل هناك..
وفعلا لقيت خيمة قدام في باحة التوار..فتقدمت فاتحا ومنيا نفسي بابداعات مهندس المستقبل..

لمن وصلت لقيت طالب من العارضين (بيقفل) في الخيمة بشريط..قلت ليهو مالكم؟؟ قال لي : صلاة الظهر!!!!
اتلفت شمال لقيت نمعمل الموائع ومعمل البوار مقفولين للصلاة..سألتهم..ياخوانا (يَا أَيُّهَا الَّذِينَ آمَنُوا إِذَا نُودِي لِلصَّلاةِ مِن يَوْمِ الْجُمُعَةِ فَاسْعَوْا إِلَى ذِكْرِ اللَّهِ وَذَرُوا الْبَيْعَ ذَلِكُمْ خَيْرٌ لَّكُمْ إِن كُنتُمْ تَعْلَمُونَ )

يا خوانا: الليلة الجمعة؟؟ولا نودي للصلاة من يوم الجمعة ولا انتو بتبيعو؟؟؟)..ما ممكن واحد يمشي يصلي والتاني يحرس المعرض، وبعدين يتبادلو؟؟؟؟ دة شنو دة؟؟حتي المراااآة والتجارة باتلدين وصلت لحدي اسبوع المهندس؟؟؟

خرجت وانا اردد انه ليس باسبوع للمهندس.. انه الطريق الي دار الخلود..

(بَلَى مَن كَسَبَ سَيِّئَةً وَأَحَاطَتْ بِهِ خَطِيئَتُهُ فَأُولَئِكَ أَصْحَابُ النَّارِ هُمْ فِيهَا خَالِدُونَ)

(وَالَّذِينَ كَفَرُواْ وَكَذَّبُواْ بِآيَاتِنَا أُوْلَئِكَ أَصْحَابُ النَّارِ هُمْ فِيهَا خَالِدُونَ)

Arabic Forum