|
|
|
 Re: برانا أعصابنا بايظة.. (Re: Dr. Moiz Bakhiet)
|
فايت مروح وين
..
كلمات: اسحق الحلنقي
ألحان وغناء: التاج مكي
***
فايت مروح وين لسة الوقت بدري
خليك شوية عشان جنبك بطول عمري
***
دار الفرح والريد تلقاني من أهلها
مين اللي ما بيعرف طيبة شباب كسلا
بين الضفاير بان وجه القمر طلا
كيف قلبي يتصبر صبرني يا الله
***
يا أجمل الحلوين يا أحلى ياسمينة
ما لينا غيرك أهل وإنت الأهل لينا
لمتين مراكبنا ترسى وترسينا
في وادي اسمو القاش
والغيم حوالينا
***
باقي الجميل تمو أصلو العمر مرة
وأنا كم وقفت معاك في الحلوة والمُرة
أطرح جبينك لي خليهو ينفرّ
انت البدور ضرّك إن شاء الله ينضرّا
***
يلاّك بعيد نرحل لى دنيا حنية
نعيش لوحدينا والذكرى منسية
أوسدك قلبي وأرعاك بعينيا
واسقيك مياه توتيل عشان تعود ليا
***
فايت مروّح وين....لسه الوقت بدري
خليك شويّه عشان...جنبك يطول عمري
عارف الولف كتّال وانا قلت ليك عذري
أجبر بخاطري أنا راجيك تعود ليا
| |
 
|
|
|
|
|
|
|
 Re: برانا أعصابنا بايظة.. (Re: Dr. Moiz Bakhiet)
|
الغالى
المعز
كل سنة و انت بألف مليون خير
و كان ممكن فى يوم نرحل لى دنيا حنية .. نعيش لوحدينا والذكرى منسية .. فوتناهو !!
لكين هسع .. مية شغلة (مغناطيسية) تمسك (بتلابيبنا) و تقول فايت مروّح وين !!
ودا ذاتو البووظ اعصابنا
و يمكن كمان (جنن بوبى) ..
و الله يخللى لينا ( لحظات الفرح و الريد)
لك حبى
| |
|
|
|
|
|
|
|
|
|
Re: برانا أعصابنا بايظة.. (Re: Dr. Moiz Bakhiet)
|
يامعز والله انت دايما مبوظ اعصابنا وجايب لينا الهوا,,
تصور اول دقه لقلبى كانت فى كسلا , وجات بعد داك الغنيه دى واصبح داقى طوالى .
نكتها من وين ,, ماقلتليك دائما مفتق لينا الجروح ,
عيد سعيد ,,
| |
|
|
|
|
|
|
|
|
|
Re: برانا أعصابنا بايظة.. (Re: kamal ali)
|
يابروف عيــ سعيد ـــــــــــــــد
مالك علينا لسع بدري البوظان الواحد بقي ينخلع مع الحميات النزفية والقلاعية والفحمية
بس أهديتنا أحلي حمي بصوت التاج مصطفي ومفردة الحلنقي .
،،،،أبوقصى،،،،
| |
|
|
|
|
|
|
|
|
|
Re: برانا أعصابنا بايظة.. (Re: إسماعيل وراق)
|
كل عام وانت والاسرة بألف خير وعافية يا بروف..
واعذرنا لهذه التهنئة المقصرة علي النت...
بدل ما نجيك بالدرب وانت اقرب الينا من مسافة حبل الدلو...
اقبلها...لأنني ما استطعت ان اروح لأي دار...لا دار فرح لا ريد..
بس لابد بين حيطان...اربعة...
ولسان حالي يقول:
دار الكسل والقيد ماسكاني من جهلا
وكل سنة وانت اطيب
| |
|
|
|
|
|
|
|
|
|
Re: برانا أعصابنا بايظة.. (Re: nazar hussien)
|
الحبيب نزار حسين،
كل سنة وانت بألف خير يا جميل
صدقني لما نزلت الأغنية دي
كنت انت ومحمد في بالي
لو تتذكر لما غنيتوها في البحرين
بالجد إحساس رهيب بالشجن البديع
..
كل عام وانت طيب وكل الأسرة طيبة
وانا بالمناسبة سافرت قبل العيد للندن ولا زلت هناك
وكمان ح أروس في السودان ان شاء الله..
وسلامي لكل الرائعين بالبحرين الرائعة
| |
|
|
|
|
|
|
|
|
|
Re: برانا أعصابنا بايظة.. (Re: kamal ali)
|
الحبيب كمال علي،
ناس كسلا أحلى ناس والله
وياخ انت سعيد يكون حبك الأول في كسلا
..
فارق أرض القاش وروح
خلا أرض القاش حزينة
قدر ما حاولنا نكتم
جرحنا ونسكت بكينا
..
كل سنة وانت بألف خير يا حبيب
| |
|
|
|
|
|
|
|
|
|
Re: برانا أعصابنا بايظة.. (Re: Dr. Moiz Bakhiet)
|
الغالي المعز
كل سنه وانت بخير
كيف انت والاولاد
اسال الله ان تكونوا دوما بالف خير
وبصراحه اعصابنا بايظه وما بتستحمل روائع زمان
وياله من زمان انه زمن الروعه والجمال
تسلم يا ارق انسان
مع تحياتي للجميع
ابوتسابيح
| |
|
|
|
|
|
|
|
|
|
Re: برانا أعصابنا بايظة.. (Re: mamkouna)
|
العيد مبروك عليك يا بروف
والأماني تتحقق...
قايل حكاية بوظان الأعصاب دي من خروف الضحية ولا من كارثة ما ألمت بالسودان... لكن لمن عرفت الحاصل فعلا أعصابنا اهتزت... لك الود أيها الجميل النغم... ودمت
| |
|
|
|
|
|
|
|
|
|
Re: برانا أعصابنا بايظة.. (Re: تماضر الخنساء حمزه)
|
كل سنة وانت طيب يا برووف ...
تصدق يا بروف انا استمع اليها تقريبا كل يوم وتكاد تسمعها في اي حفلة او مناسبة كسلاوية .. شكرا اخي التاج مكي شكرا استاذنا الحلنقي ... وهذه دعوة منا لك لتزورنا في كسلا يابروف
| |
|
|
|
|
|
|
|
|
|
Re: برانا أعصابنا بايظة.. (Re: تولوس)
|
تولوس الحبيب
والله لو تدري كم اعشق هذه المدينة
والتي زرتها فقط مرة واحدة في حياتي
حين اقمنا اسبوع كلية الطب بها عام 83
لكنني لسبب ما
مرتبط بها وجدانياً بشكل جداً عميق
التحية لك والمحبة
ولكل الرائعين في وطني
وخاصة اهل كسلا
| |
|
|
|
|
|
|
| |
Dr. Moiz Bakhiet
altahir_2
بله محمد الفاضل
عبد العظيم احمد
شهاب الفاتح عثمان
Salah Waspa
adil amin
اسعد الريفى
kamal ali
مجدي عبدالرحيم فضل
إسماعيل وراق
nazar hussien
العوض المسلمي
بلدى يا حبوب
عمار عبدالله عبدالرحمن
خالد علي محجوب المنسي
mamkouna
تولوس
فيس بوك
تويتر
انستقرام
يوتيوب
بنتيريست